رواية تيك توك حكاية توبه الفصل الخامس 5 بقلم محمد منصور
بسم الله توكلت علي الله. وهو رب العرش العظيم
خلصت الحلقة اللي فاتت علي توبه اللي سلمت نفسها للشيطان سامح وقررت تصور البرنامج وهي ما تعرفش اللي مستنيها. وفي ليلة كان سامح قاعد مع سعد وبيحضر لاول حلقة من حلقات اليرنامج بتاعه. وسعد كان بيقول له
لازم الناس تكره توبه علشان نلم متابعين اكتر والناس تتكلم اكتر واكتر.
سامح
مش فاهمك يا باشا. ما احنا عملنا الفضيحة علي التيك توك وهانكمل عليها بالبرنامج. عايزين الناس تكره توبه ليه
سعد بصوت الشيطان
لو دلوقتي توبه طلعت بت طيبة واضحك عليها من اللي اسمه حجاج. الحوار دة ياخد قد اية رغي بين الناس
سامح
يعني شهر
سعد
انما بقي لو توبه طلعت بت شمال وهي اللي ضحكت علي حجاج وخليته يضعف قدام منها وكمان بقيت حامل منه حوار زي دة ياخد قد اية رغي من الناس. وقد اية اعلانات
سامح وهو بيضحك بخبث
كتير يا باشا كتير.
سعد
يبقي جهز توبه لاكبر فضيحة هاتهز مصر لكام شهر قدام عايز حوار ابني يتنسي خالص يا سامح والناس مايبقاش ليها سيرة غير سيرة حجاج وتوبه
سامح
بس علشان نكون متفقين البداية هاتكون من التيك توك عندي. انت عارف المنصة دي عليها متابعين قد اية
سعد
وماله الحوار حوارك ولازم تكسب من ورها كتير. بس اوعي توبه تعرف انك انت اللي فضحتها في اول الحكاية
سامح
عيب يا باشا هو انا عبيط، ،،،،،،
وعديت الايام وجهز سامح توبه للبرنامج وقبل البرنامج بيوم فتح سامح التيك توك بتاعه وبص لتوبه وقال
اقلعي الحجاب بقي علشان هانصور برومو للحلقة بتاعتك
توبه
لازم يعني
سامح
ايوة لازم الحجاب دة بيخلي ناس كتير تخاف تتفرج علينا انتي حلقتك هايشوفها ناس من كل انحاء العالم
توبه
بس انا ما اتوعدش ان حد يشوف شعري
سامح
توبه حكايتك بقيت حكاية راي عام والناس كلها نفسها تشوف توبه اللي ابوها اتمسك معها ولو ظهرتي بالحجاب ناس كتير مش هتعاطف معاكي.
ومد ايدة ناحية التربيزة اللي كان عليها شنطة فيها هدوم محزقة وقال لها
وتلبسي دول كمان
توبه وهي بتبص للهدوم
لا. انا مستحيل البس الهدوم دي.
سامح
ماتبقيش متخلفة الهدوم دي هي اللي هاتجيب لك حقك الناس في بلاد برة هايتفرجوا علي الحلقة بتاعتك والعالم كله هايتكلم عنك وعن اللي حصل لك. هايشوفكي بالحجاب دة هايقولو اية
توبه
هايقولو اية يعني اية. هو انا مالي شكلي كدة
سامح
يا توبه افهمي. لازم تكسبي تضاعف الناس وبالذات الامريكان اللي هايتفرجو عليكي لان حقوق الانسان برة هي اللي هاتخلي من قضيتك قضية تحترم. واللي عمله حجاج فيكي يبقي لي عقاب شديد. لحجاج واللي زية
توبه
وعايزا كمان حق امي من هشام ابوها اللي ذبحها
سامح
بس كدة سهلة اوي. بس اسمعي كلامي تكسبي
ومد سامح ايدة ناحية حجاب توبه وقلعها الحجاب وتوبه كانت مش عايزا تسيب الحجاب وماسكة بايديها لكن سامح قال
نسجل الحلقة وارجعي البسي تاني. صدقيني انا بعمل كدة لمصلحتك
وقلعها الحجاب وبص لها وبص لشعرها الناعم وقال لنفسه
انت طلعتي حلوة اوي يا بت. لي حق حجاج ما يقدرش يمسك نفسه قدامك
ولحظت توبه بصة سامح ليها وقالت
في اية عمال تبص لي لية كدة
سامح وهو بيتمالك نفسه وبيقول
زعلان عليكي. وصعبانه عليه في نفس الوقت
توبه
طيب خليني اصور اللي انت عايزا ونخلص علشان انا عايزا البس الحجاب تاني.
سامح
طيب خشي الاوضة غيري هدومك وانا هاجهز الكاميرا علشان هاطلع معاكي في بث مباشر حالا
وخدت توبه الهدوم ودخلت الاوضة وغيرت وخرجت وبص لها سامح وطمع في جسمها وحلاوتها وقال لها
تعالي يا توبه اقعدي جنبي خلينا نبدأ البث المباشر
وقعدت توبه جنب سامح وبدأ البث المباشر وقال
زي ما وعدكم انا طالع النهاردة في اللايف دة ومعايا توبه اللي مصر كلها بتتكلم عنها وعن اللي حصل بينها وبين ابوها حجاج واللي كتير منكم كانو نفسهم يشوفها واهه قدام منكم ومعايا انا بس سامح فريد وقبل اي حد. عاوز بقي اكسبلور كتير ومتابعات اكتر للحساب الخاص بالتيك توك بتاعي علشان اجيب لكم كل جديد واستنوني كمان اسبوع في اول حلقة من حلقات البرنامج بتاعي التريند في مصر. علي قناة اخبار المحروسة.
وبص سامح لتوبه اللي كانت قاعدة مكسوفة وقال لها
توبه عرفي الناس بيكي وعرفيهم حجاج عمل معاكي اية
وبدات توبه تحكي الحكاية بتاعتها وبدات تنهار من العياط وخلصت الحكاية وبص لها سامح وقال
خلاص ممكن تهدئي
وبص سامح للكاميرا وقال
طبعا دي حكاية توبه. ياتري بقي دي الحقيقة ولا للحكاية حقيقة تانية. استنوا الحلقة الاولي من برنامجي التريند في مصر. الساعه 8. يوم الجمعه. وفي الحلقة هتلاقو تفاصيل جديدة لحكاية توبه.
وخلص سامح اللايف وقالت توبه باستغراب
ممكن افهم يعني اية دي الحقيقة ولا للحكاية حقيقة تانية. هو انت عايز تقول للناس اني ممكن اكون كذابة مثلا
سامح
خالص. بس دة تشويق بنستخدمه احنا في شغل الاعلام بتاعنا علشان المتابعين يزيدو.
وبص سامح للايف اللي تخطي حاجز ال 100 الف متابع وقال
والله ووشك حلو عليه يا توبه.
وقرب سامح من توبه وقامت توبه وهي بتقول
انا هادخل اغير هدومي
لكن سامح يمسكها من ايدها ويقول
توبه انا هابقي غني اوي بعد البرنامج اللي عمله وبعد ما التيك توك بتاعي هايعدي ال 100 الف متابع. واقدر اعيشك عيشة عمرك ما كنتي تحلمي بيها.
توبه اللي فهمت هو عايز اية وقالت
وفي المقابل جسمي صح. زيك زي حجاج
وتبعد توبه ايد سامح عنها فيقول سامح
رغم ان سن صغير لكن بتفهمي بسرعه. بس انا يا توبه مش زي حجاج. انا هاتجوزك
استغربت توبه وقالت
بعد اللي حصل بيني وبين حجاج
سامح
انتي مظلومة يا توبه. مش خاطية ولا فاجرة
توبه
يعني تقبل ان واحدة زيي تبقي مراتك
سامح
انا اللي طلبتها منك. يعني انا اللي عايز. قولتي اية تبقلي تكوني مراتي
توبه
اقبل واعيش خدامه تحت رجلك. بس اكون تحت ظل راجل يحميني من الايام اللي جاية
يقف سامح قدام توبه ويبص في عيونها ويقول
وانا الراجل دة يا توبه،،،
وفعلا اتجوز سامح من توبه لكن في السر وقال سامح لسعد وقال له
ما كنش ينفع اتجوز يا باشا من غير ما اقول لك
سعد
يا سيدي وماله. البت حلوة بصراحة وقدام منك كان لازم تعمل كدة واهو تبقي طلعت من وراها بفلوس وبجسمها. بس اوعي جوازك منها يخليك ترجع عن اللي احنا اتفقنا عليه
سامح
يا باشا انت لسة ماتعرفنيش الشغل شغل وجوازي من توبه ماهو الا شوية دلع كدة كام يوم ولما البرنامج يضرب في العالي ادوس علي توبه وادور علي غيرها لان مسير توبه تبقي حكايتها ماسخة والناس في بلادنا يحبو الفضايح الطازة. وبعد توبه ندور علي تريند جديد
سعد
ماشي يا سامح كلها تلت ايام ادلع فيهم علي كيفك علشان نبدأ بقي. وحفظ حجاج هايقول اية في الحلقة
سامح
ماتقلقش من ناحية حجاج.
سعد
خد اللي يكفي علشان يببع توبه
سامح
كل اللي طلبه خده. ،،،،،،
ويعدوا التلت ايام وجه وقت البرنامج واللحظة اللي كان مستنيها سامح بفارغ الصبر وبدات الحلقة وسامح كان قاعد وسط استديو متكلف كتير وتوبه قاعدة علي يمينة بشعرها وفل ميكيب. وقال لها سامح بعد المقدمة بتاعته في حقها
احنا دلوقتي علي الهوا. ويا توبه كل الناس سمعوا الحكاية منك. وناس كتير زعلو عليكي واتعضفو معاكي لكن انا دورت علي الحقيقة ولقيتها عكس اللي انتي قولتي
استغربت توبه وقالت.
يعني انا كذابة
سامح
انا هنا مجرد اعلامي محايد ما قدرش احكم ان كنتي كذابة ولا صادقة لكن زي ما سمعنا منك الحكاية. المفروض نسمعها من حجاج ابوكي
وهنا يظهر حجاج في الاستوديو ويقعد قدام توبه ويبص لها وتبص توبه لسامح باستغراب شديد لان دة ماكنش اتفقها مع وقالت توبه
الراجل دة مش ابويا
حجاج
حرام عليكي يا بنتي لية بتقولي كدة
توبه
علشان هي دي الحقيقة اللي انت حاكيتها ليا
حجاج
ماحصلش
توبه بعصبية شديدة
هو اية اللي محصلش
وهنا يدخل سامح ويقول
ممكن نهدئة
توبه
دة يا كذاب يا سامح وانت عارف انه كذاب
سامح
انسة توبه. بلاش تجاوز اسمي استاذ سامح
استغربت توبه اللي حسيت انها اول مرة تشوف سامح وقالت
انسه توبه واستاذ سامح. طيب للعلم انا مش انسه لان الراجل ده
وتشاور علي حجاج وتقول
دخل عليه. وانت مش استاذ لاني مراتك وماينفعش ست تقول لجوزها يا استاذ.
ابتسم سامح ابتسامه صفراء وقال
لا بجد احنا متجوزين ودة من امتي. خلينا بس دلوقتي في الحكاية اللي هيحكيها حجاج والدك وبعد كدة نتكلم في اننا متجوزين
وبص سامح لحجاج وقال
تقدر تتكلم يا استاذ حجاج
حجاج بتمثيل سخيف
انا ربيت توبه من بعد امها ما ماتت وما رضتش اتجوز علشان ماجبش لتوبه مرات اب تعملها وحش وكبرت توبه وكتير اتحيلت عليها تلبس الحجاب علشان تعف نفسها لكنها كانت ديما تقولي لا. انا بحب شكلي كدة هو انا وحشة علشان البس حجاب. وكلام كتير ملهوش لزوم
توبه وهي بتصرخ
كذاب. انا طول عمري محجبة ما اول يوم كبرت في وعرفت الحرام والحلال
سامح
باين اوي انك محجبة. وشعرك والفل ميكب ياكد كلامك
توبه
اة محجبة وانا قلعت الحجاب علشان،،،،،،،
وهنا سامح يقول باعلي صوت عنده
بلاش تاخدينا لكلام بره اساس الموضوع لو سمحتي
توبه بعصبية
هو اية اللي بيحصل هنا بالظبط. مش انت سامح اللي قالي هاجيب لك حقك من اللي ظلموكي
سامح
دة لو كنتي مظلومة. انما اللي عرفته مع الاسف غير كدة وهايحكي استاذ حجاج دلوقتي
وقال سامح لحجاج
كمل يا استاذ حجاج
حجاج
وفضلت توبه كل ليلة تيجي اوضي وتبدأ تمارس معايا اسلوب الدلع والحنية المبالغ فيها لغاية مالقيت نفسي بضعف لها وبقع معها في الغلط. لغاية ما حملت مني
توبه وهي بتقف وبتروح ناحية حجاج ورفعه جذمتها وهاتضربه بيها وبتقول
انا يا اوطي خلق الله كنت بعمل كدة.
وبدات توبه تضرب في حجاج بمنتهي الغل لدرجة ان الجذمة جت في عينه اليمين فقعتها وفضل يصرخ حجاج وقام سامح ومسك توبه وخلها تبعد عن حجاج اللي عينه كانت بتجيب دم وطلع المخرج فاصل وسعد كان وراء الكاميرا بيتفرج علي اللي بيحصل و بيقول
هايل حلقة نار. حلقة تخلي نسبة مشاهدة القناة في العالي.
وفي نفس الوقت كان سامح بيقول لتوبه بنعومه الثعابين
خلاص اهدئي. انا ماعرفش ازاي صدقت حيوان زي الحجاج دة
تبص له توبه باستغراب شديد وتقول
هو في اية بالظبط انت هتلعب بيا تاني
سامح
توبه. انت مراتي واللي حصل مني علي الهواء دة لزوم الشغل لكن هتفضلي حبيبتي وسبب سعدي
توبه
وانا بقي عبيطة وهاصدقك دة انت طلعتني كذابة قدام الناس كلها هو دة اللي هاتجيب لي حقي.
سامح
كان لازم اعمل كدة. بعدين هافهمك.
وبص سامح لبتوع الامن وبص لحجاج اللي كان لسة بيتوجع وقال
خدوا علي اقرب مستشفي
وبص لتوبه وقال
انا هارجع للبرنامج تاني. ولما اخلص هافهمك انا عملت كدة لية. خليكي واقفة مكانك هنا واتفرجي علي جوزك وهو بيبدع
وخلص البرنامج والحلقة كسرت الدنيا وقالت توبه لسامح وهما مروحين في العربية بتاعته
اديك خلصت ممكن افهم انت لية عملت كدة
سامح
علشان اخليكي تضربي حجاج والناس تعرف قد اية انتي مظلومة وابقي تابعي ردود فعل الناس علي النت
توبه
انا ماليش في النت
سامح
خلاص انا هانقل لك كل ردود فعلهم وتعليقاتهم انتي ماتعرفيش الناس بتقول اية عليكي. ونفسهم يعملو في حجاج نفس اللي انتي عملتي
توبه
يعني انت مش بتضحك عليه
سامح
توبه جوزك اعلامي وهايكون نمره واحد في مصر. وللاعلام اصول وقواعد. فاوعي في يوم تشكي اني ممكن اغدر بيكي
ويمسك سامح ايد توبه ويبوسها وهو يقول
وكون اننا متجوزين فده لازم يفضل سر ما بينا علشان افضل ادافع عنك من غير ما حد يقول دة بيعمل كدة علشان هي مراته
ويبوس ايدها كمان مرة ويقول
خلاص اتفقنا. تفضلي في ظهري ومعايا لاخر العمر
توبه بطيبة قلب
معاك لاخر العمر طالما اللي بتعمله في مصلحتنا
وعدي شهرين بالظبط وحوار توبه حديث كل الصحف والقنوات وكله بيعرض القضية من وجهه نظرة فيها اللي شايف توبه فاجرة وفيها اللي شايف توبه مظلومة وكبر اسم سامح فريد. في مجال الاعلام وبقي عنده علي التيك توك 2 مليون متابع وبقي مشهور. ومعه فلوس كتير وكله من التجارة بفضيحة توبه لغاية ما كان قاعد في يوم في الفيلا بتاعته ودخلت عليه توبه وقالت له
سامح انا حامل
بص لها سامح وانصدم ومع الصدمة كانت في عيونه فرحة شديدة وقال
بجد يا توبه
توبه
اة. بجد
وخد سامح توبه بالحضن لان قلبه حبها لكن عقله لسة بيرفض الحب دة. لكن ماعداش كتير واتصل سعد بسامح وقال له
عايزك
وراح سامح جري لسعد وبص له سعد وقال
عرفت انك لسة بتبات في حضن توبه
سامح
مافيش حاجة بتستخبي عنك يا باشا
سعد
طيب كفاية بقي كدة وشوف لك غيرها
سامح
لية بس
سعد
في حد هايدفع لك مهرها مليون جنية
سامح
ويتجوزها هو
سعد
لا. هاتدخل السجن. بقضية شرف
انصدم سامح، ،،،،،،،،،،،،،،،،