رواية قدك الفصل الرابع عشر 14 بقلم منه محمد
جمره بصتله بستفهام : احنا رايحين فين يابشا
حارث : عندي حاجات لازم اعملها , مش هتاخد وقت
جمره فضلت هاديه لحد ما ركن العربيه ونزلت وهو نزل وراها ياخد شويه صور للمكان
جمره :بشا
حارث : امم
جمره لفت بعيونها للمكان سألته: انت هتشتري ارض هنا, دي مش حلوه
حارث مردش وكمل تصوير في المكان وبيلف لقاه الي ظهرت في وشه وصرخت
حارث : برميل هيافه والله
جمره: انا فرفوشه, بس ابشا ليه عمال تاخد صور
حارث: يمكن اشوف موزه واقفه اشاورلها
جمره بغيظ: مش هتبقي جميله , تعرف وانت رافع الكاميرا طالع وسيم , انت بدئت تصور من امتي
حارث: بدئت وانا في اعدادي بعدها وقفت فتره
جمره: ليه طالما ده هيسعدك ليه وقفت
حارث اتنهد بحزن: لان ده بيخليني افتكر ابويا وامي
جمره: ده حلو انك تفتكرهم , انا عن نفسي لما بفكر في شخص غاب عني بحس بالرضا , واني بحب الشخص ده
حارث: بحس اه بحاله افضل بس بتعب نفسيا انهم مش معايا , بجد اصعب وجع هو وجع الفقد لما تشتاق لحد مش هيرجع وتحس ان الدنيا فاضيه برغم الزحمه وقلبك بيعيط بصمت ماحدش سمعه كل لحظه بتعدي من غيرهم بتبقي ثقليه وكل ذكري بتعدي بتكسرني حته حته احساس بشع
جمره: وانا شايفه انهم طول الوقت معاك
حارث: عارف , بس تعرفي انه كلام, مجرد كلام جميل بيريحني , لو في ايدي اختار لنفسي, اتمناه اضم امي , او افتح بابا البيت وادخل اشوف بابا قاعد مستنيني
جمره حبت تغير الموضوع وقالت له: ممكن تاخدلي صوره
حارث لف وشه وقال: لاْ مش بحب اللقط صور للناس
جمره كشرت بستياء: ده اسلوب رخم بعد ما عملتلي كريب بس لو رجعت غيرت رأيك مترجعش تتحايل عشان ده هيكلفك كتير
حارث: مرام تعبتيني وتعبتي البشريه منك
جمره: انا شايفه انك مش طايقني خالص معرفش ليه اسلوبك جعير في جعير
.........قصص منه محمد كاتب...............
دخلها غرفه النوم نفسه ينام جنبها ولا يفارقها لحظه واحده بيرتاح اوي لما بتكون جنبه بيحس براحه ودفئ وسلام في ملامحها بيحس بطاقه ايجابيه وحاجه بترد فيه الروح طول الوقت بتضحك وتلعب وتعمل حركات خفيفه بس حلوه بنت غلبانه ومؤدبه وناجحه فشغلها وكل الناس بتحلف باخلاقها وكل الي كانت بتحلم بيه انها تعيش في حضن امان مكنتش عايزه من الدنيا اكتر من كده
جمره: استني احنا هنام فين
حارث: هنام هنا سوي, عشان لو سخنتي اقدر الحقك بسهوله
جمره: لايمكن
حارث بغيظ : بتبقي عنيده بالشكل ده لما بتكوني مع عماد
جمره :مش يعانده عشان بنريح بعض
حارث يعني كنتي مرتاحه لما كنتي مصحباه
جمره: اه بتسال ليه
حارث: اصل علاقتكم حميميه لسنين
جمره: ايوه سنين كتير وحميمية جدا لاقصي درجه , أعمق من مجرد صداقة
حارث كتم ضحكته عليها لانه عارف انها بتحور عليه
جمره بصتله بضيق: بتضحك ع ليه
حارث كمل يضايق فيها : حاسس بالشفقه ع عماد
جمره: ليه
حارث : اتدربتي لسنين كتير بس فاشله في البوسه
جمره برقت له وصرخت: باااس
حارث: ابس ليه مش بقول الحقيقه, مش قلتي كنتي حبيبته لسنين طويله واظن ادربتي بما فيه الكفايه لكن ايه ده لما ببوسك
جمره شخطت فيه: بس اسكت ممنوع الكلام اياك تتكلم خلاص هنام هنا جنب بعض ارتاحت
حارث وقف قصادها: رايحه فين
جمره: عايزني انام وانا ريحتي معفنه
حارث بيشاورلها: الحمام من هنا
جمره: عارفه ع فكره
شويه وطلعت من الحمام لابسه بيجامه كات وبنطلون ملون لقت حارث غارق في النوم اتسحبت ورقدت جنبه لحد ما حست بأيده جات عليها شالتها مكانها ونامت لقته رجعها تاني عليها رجعتها مكانها وهكذا
جمره نفخت بزهق وقالت : وبعدين اجيب حاجه تقيله اضربه بيها ع دماغه , ولا الاحسن اكتم نفسه بالمخده وللا اعمل ايه في اليوم الي مش فايت ده
حارث زاح اللحاف عنه ومره واحده حط رجله فوقها قامت ولعت النور وزعقت: لا يمكن اتحمل افعالك, انك تحضني بالشكل ده لآء مقدرش اتحمل
حارث بصلها بصوت كله نوم: فيه ايه كنت نايم بشكل مريح
جمره جزت ع اسنانها : ترتاح مع العفاريت لا لو كنت هتنام وتحضني بالشكل ده هتخسر دراعك
حارث: ع فكره مكنتش قصدي حاجه
جمره: لا قصدك وبحذرك بجد هتخسر دراعك
حارث رفع حاجب بمرج : يعني هقوم ملقيش دراعي جنبي
جمره بجديه: ع فكره انا بتكلم بجد
حارث: وانا بسألك سؤال واحد بجد هو انتي متوحشه اوي كده
جمره: سؤال قليل الذوق بصراحه بس هرد اه الي يقرب منه بظبطه , عايز ايه
حارث: مش عايز حاجه , وبعدين فيها ايه لو خسرت دراعي عشانك فداكي
جمر: بشا بس بقي
حارث: هبس بشرط
جمره: قوله ايا كان
حارث: بطلي تعصبيني بكلمه انك عشيقه لعماد , وان جه يشوفك انتي ممنوعه تبقي لوحدك معاه
جمره بهدوء: انا مش بحاول اعصبك انت الي معتقد ده لوحدك
حارث : وانا مش مصدقك مرام انا الوضع ده مش عجبني انتي ملكيه خاصه ليا دلوقت وانا مش هقبل حد يشاركني في ملكيتي , مفهوم
جمره : مفهوم
حارث ضربها ع وشها: انطقيها عدل مفهوم
جمره عوجت رقبتها وقالت بغنج كوميدي: مفهوم
حارث : انتي بتاخديني ع قد عقلي عشان اسكت
جمره كشرت: هنام ازاي دلوقت
حارث قام جاب مخدات كتير وحطها فاصل بينهم
جمره رفعت دماغها : وانت هتنام فين
حارث : مش انتي مش عارفه تنامي وانا جنبك عملت حدود
جمره : وانت هتعرف تنام ع السرير كده
حارث : اكيد هقدر مفكراني هزعل واتقمص واروح غرفه المعيشه
جمره :ياريت
حارث: احلمي اقوم من هنا
جمره :بشا هو انا ممكن اسالك سؤال
حارث :قولي
جمره : انا عارفه انك مش قادر تنام كده
حارث : عرفتي ازاي
جمره :هناك كنت بسمعك تتمشي هنا وهناك , وساعات بتروح تاكل ايس كريم ليه مش بتقدر تنام غير لما تعمل الحاجات دي , ومن امتي وانت كده
حارث: من مده طويله لما كنت صغير كان بيهاجمني كوابيس بتخوف, لدرجه بتسرق النوم من عيني
جمره دخلت ايدها من تحت المخدات وهو سالها : عايزه ايه
جمره : امسك ايدي
حارث : ايه غيرتي رايك
جمره برجاء: عشان خاطري بطل تفكر في الانحراف , ع فكره من واقع تجربه انت بتمثلني انا واختي ريم , لما كنت صغيره لما كان بيجيلي كابوس كنت بمسك ايدها , ولما بنلمس بعض ده بيخلينا نطمن , ونبطل خوف من الكوابيس
حارث حط ايده جوه ايدها : زي العيال في الحضانه
جمره : انت مزعج اوي , انا بساعدك تنام خليك عارف كده
حارث : زي قلته
جمره ابتسمت : يله نام واحلام سعيده
حارث : وانتي من اهلها
.......قصص منه محمد كاتب..............
حارث: استني هتعملي ايه
جمره: هدخل الشنط
حارث: انا الي هاخدها
جمره: متقلقش قادره ارفعها بنفسي
حارث: مفيش داعي تقيله وانتي كتفك متصاب
جمره: عادي
حارث: قلت لاْ تقيله
جابر مد بخطواته: عذرا يابشا سيبني انا اخدها عمك جه وقاعد مستنيك جوه من بدري
جمره بصتله: عم جابر ايه الموضوع
جابر :معرفش
اما حارث دخل الشقه وسلم بحراره اهلا ياعمي
فاتح سلم عليه : اهلا ياحارث عامل ايه
حارث قعد : الحمد لله بخير
فاتح قعد وبفضول: اخدت جمره وروحت فين
حارث : روحنا للمزرعه
فاتح بتعجب : المزرعه هو انت كويس
حارث هز دماغه : انا تمام عدت المساله دي من وقت طويل, قادر بس افتكر ان المكان ده بابا وماما كانوا بيحبه بعض فيه , ده كل شئ مش حاجه تانيه
فاتح :لو قدرت تنسي بخصوص الي حصل, انا كمان هستريح
جمره دخلت: السلامو عليكم
فاتح: وعليكم السلام عامله ايه روحتي للمزرعه عجبتك
جمره : حلوه جدا تجنن يا بيه
فاتح: بيه ايه انتي زي ابن اخويا , ناديني بعمي زي ما حارث بيناديني
جمره مبتسمه: حاضر ياعمي , تحب تتغدي ايه , وانا هدخل اعمل الاكل بنفسي
حارث شاورلها بتحذير : مرام
جابر بهمس: الاحسن بلاش سبيب لي انا الطلعه دي
فاتح ابتسم : مفيش لزوم انا جاي اتكلم كلمتين مع حارث وماشي ع طول
جمره بخبث : حارث خد عمك اتكلموا في المكتب , هروح افرغ الشنط , وهقف اساعد عم جابر في تجهيز الاكل
حارث وقف: اتفضل ياعمي
جابر بصلها وقال: انا هروح ادخل باقي الشنط من العربيه
جمره : تمام يا عم جابر( طلعت موبيها واتصلت) الو ياعم جعفر انت دلوقت في المقر بسرعه اسمع الحوار بين حارث وعمه
............قصص منه محمد كاتب..........
فاتح : تمت تسويه قضيتك المتعلقه بناجي
حارث : بشكرك ياعمي ع مساعدتك , وانك اتكلمت بالنيابه عني, بس انا في الواقع مش حابب ازعجك لاني مؤمن ان الحقيقه هتظهر في يوم من الايام
فاتح : لو انا مساعدتكش مين الي هيساعدك فهمني , وانا عارف ومتأكد انك بريئ ومعملتش كده , وانا عايز المشكله دي تتحل في اقرب وقت ,وميضعش وقتك فيها
حارث بمتنان: الف شكر
فاتح : بخصوص امر لوجي عايزك تساعدني في انقاذ اختك , وسمعت ان مراتك معندهاش مانع في كده
حارث سند ايده ع المكتب ونسق كلامه: ده صحيح بس انت عارف انا وظيفتي خدمه الناس والعداله والدفاع وبنتك ضاربه الدنيا بعرض الحائط وعندها ثقه ان مفيش حساب ولا عقاب
فاتح قطعه : حارث انا فاهم وعارف ان كل ده خطاء لوجي , ومش عايز الامر يتصدر الاخبار وبس ,الباقي هسيب عماد يتعامل معاه
حارث : عمي هو انت ناوي تدخل في مجال السياسه
فاتح : بخصوص المساله دي لسه مقررتش , جم يطلبوها مني , ليه انت مش موافق ابقي وزير
حارث : لا بس انا مكنتش عايزك تمشي في الطريق ده
فاتح بص في ساعته وقام: ع كلا انا لسه مأخدتش اي قرار لحد دلوقت , ولو ده هينفع البلد انا مش شايف اي ضرر فيه اطلاقا , همشي دلوقت
حارث قام يوصله: تمام
فاتح لف وقاله : اه بالحق الاسبوع الجاي هنعمل ثانويه وفاه جدك , تحب تيجي معانا زي ما كنت بتعمل
حارث: طبعا هروح
فاتح : روح معايا عشان خاطر ابوك
.........قصص منه محمد كاتب..........
جابر: مرام يابنتي خليني اساعدك
جمره: لا مفيش لزوم دي هدومي ههتم بيها
جابر: براحتك بس لو احتاجتي مساعده بلغيني هروح اهتم بحاجات البشا
جمره: اوكيه
هادي دخل وبصلها وهي شاورت له بعيونها انهم قاعدين في المكتب!!
فاتح طلع وابتسمله: ايه الموضوع ياحضره الرائد واخد الامور ببساطه
هادي: اهلا يا فاتح باشا
فاتح: اهلا وسهلا بيك, بس بتعمل ايه هنا متقوليش جيت تناقش الشغل مع حارث
هادي: ايوه فعلا
فاتح بضحكه: ايه ده بس النهارده اجازه , وانتم لسه شباب متعرفوش تستمتعوا بحياتكم بس تعرفوا لما بشوف حماسكم ببقي سعيد جدا , ع الاقل عندك صاحب ممتاز, ولما بشوف كده بببفتكر لما كنت شاب صغير وكان عندي صديق في غايه الطيبه بالشكل ده , قبل كده لحد ما طلعنا سوي مأموريه ولسوء الحظ
حارث: حصل ايه
فاتح عيونه رغرغت بدموع وقال: اختفي بعدها ومقدرتش اتواصل معاه من وقتها
جعفر هنا افتكر لما اتهجم مره بالضرب ع فاتح لما طلع تاجر مخدرات من قضيه وبدل الحرز واقسم انه هيقطع علاقته بيه لانه مش بيحب الشغل الشمال.
..........قصص منه محمد كاتب............
عم جابر دخل ومعاه صنيه كبيره وقال: الاكل جاهز ياولاد, الصنف ده لمرام اتفضلي , الرائد هادي اتفضل, البشا حارث اتفضل بالهنا والشفا
هادي: هبدأ حالا
جابر: بالهنا ع قلبك يابني عن اذنكم هجيب الشاي
هادي بص لحارث: هو انت واثق ان ناجي منتحرش, طيب الشاهد الي مات قبله ليه اجزمت انها برضو مش عمليه انتـ حار
حارث: لاني فصصت تقرير تشريح الجثه بالشاهد الي قبل ناجي , وواثق تقريبا انه مشنقش نفسه وحد خنقه جوه الحمام
جمره بذهول : شنقه في القسم
حارث: ايوه ولو بصيت حواليك ان الخنق والشنق الاتنين بيدوا نفس الاعراض, وهي ان الاوعيه الدمويه والشراينن بتتصلب , ومع تشريح الجثه للشاهد انه شنق نفسه بحزام جلدي بس فيه مقاومه شديده قبل وفاته
هادي: لو علق نفسه بستخدام حزام ربما مكنش حلقه اتكسر للدرجه
حارث: مظبوط معظم ده بيحصل بسبب الاختناق . لكن ده حصل اكيد بسبب المقاومه قبل وفاته بلاس حاجه كمان الحاله المرضيه للحلق الناتجه من تشريح الجثه لقوا فيه نزيف كتير في الحلق اكتر من الشنق الطبيعي
هادي: وده معناه ان يوم الحادثه كان الجاني داخل الحمام , واستني الشاهد ونفذ الجريمه
حارث: الشئ الوحيد الي بشك فيه ازاي عرف الجاني ان الشاهد هيروح الحمام وامتي هيدخل الحمام
جمره عقدت حواجبها وسؤال كله حيره ونطقت وقالت: معني كدا ان حد في نفس الزنزانه مع الجاني ,وشغال مع رجاله الشرطه مش ده استنتاج صح يارائد وصح يبشا
هادي بص لحارث: وللسبب ده رفضت نناقش الموضوع في القسم ,وانت وانا نراقبهم واتمناه ميطلعش واحد مننا
حارث بتنهيده مرتفعه: وانا بتمني زيك
هادي طلع كيسه علاج من جيبه وحطها قدام حارث بهدوء
جمره بفضول: ثانيه ايه ده , ولمين الدواء ده
هادي: ده دليل بلغني المرشد تبعي , ان واحد من رجاله منصور ايده اليمين تعبانه جدا واحتمال انه يطلع علاج للي عنده سرطان العظام بس ده يفضل سر
حارث اخد كيس العلاج: اكيد لان لو عرف منصور هيبوظ علينا كل الي بنعمله بس ازاي عرفت بخصوص اللامر ده
هادي: وعدتك اقولك بكل المعلومات الي عندي بس مصدر معلوماتي مش هقدر اقولك عليه حاليا الاهم ان منصور عنده الي بيشتري له العلاج واحنا نبحث عنه
جمره مره واحده انفجرت فالضحك جامد لدرجه عيونها رغرغت بالدموع
حارث بصلها بتعجب: بتضحكي ع ايه
جمره بتحاول توقف ضحكتها وقالت: ولا حاجه اصلي افتكرت من يومين قلت لواحده جارتنا في الحاره انها شافت الملازم انور جارنا بيشتري علاج من المستشفي لامه وعشان كدا ضحكت لاني سألت جارتنا هو جوزك هيموت , وقتها بهدلتني ومعرفتش اخبي وشي فين , اصلا دايما تهزقني, انا اسفه ده مش وقته نهائي هقوم امشي قبل ما تتعصب عليا
حارث: انا لا هتعصب ولا هتنرفز , استني ايه نوع الدواء الي اشتراه الملازم
جمره: مش متأكده منه بس ريم شافته في مره وقالت لي انه علاج للسرطان ( برقت) معقول يكون الملازم انور هو الي بيساعد رجاله منصور
حارث: في اليوم الي مات فيه الشاهد مين الي اخده الحمام
هادي ضرب سطح المكتب بنفعال: الملازم انور
..........قصص منه محمد كاتب.............
في القسم يوم جديد
الصول: حضره الملازم اتأخرت كتير اليوم
انور: ابني لسه صغير مقدرتش انام من عياطه طول الليل, لما بيقوم كأن عندنا حرب , وروحت اشتري علاج لـ امي وكان الطابور طويل وزحمه
الصول: حذرتك من وجع القلب بس انت مسمعتش ولسه لما يزحف ويبدأ يتكلم الوضع هيبقي اسوء بمراحل
هادي طلع بملف : ياعسكري
العسكري: افندم
هادي : خد الملف ده حطه ع مكتبي
العسكري: امرك
هادي مشي وبعدها بعت رساله لحارث ان الدليل في الدرج الاول من مكتب انور
حارث هنا قام وبدء يتحرك وهادي فضل في مكانه واقف يراقب تحركات انور بره
الصول بص لحارث وقاله: حضره المقدم رايح تتغداه
حارث: ايوه وبصراحه ناوي اعزم الكل بخصوص عيد ميلاد الرائد هادي , الي كان اول امبارح
الكل بهيصه: يعيش حضره المقدم
انور بسعاده : ده هيكون احلي غداه ع حساب المقدم
هادي :مش ضروري
الصول بغيظ : حضره الرائد انت في العاده ع طول مش بتحب تتكلم كتير , والاحسن متتكلمش دلوقت كمان
انور همس بتحذير: انت يومك مطين بطين مش عايز تروح
العسكري: لا عايز
حارث : يله هنروح كلنا وتقدروا تختاروه كل الاكل الي ع مزاجكم , اخلص بس شغلي الاول واحصلكم
الصول: مش حضرتك رايح معانا
حارث : ايوه الموضوع مش هياخد ثواني , حصلوني ع بره وانا طالع وراكم
هادي راقب انور لحد ما مشي وطلع معاه بره القسم وحارث بسرعه طلع من مكتبه وراح فتح الدرج واخد العلاج وطلع موبيله لقاه مطابق لنفس الدواء الي في الصوره ونفس الكود اتقهر ورجعه مكانه وقفل الدرج وخرجلهم وبص لهادي انه مع اللاسف انور الخاين وسطيهم واخدهم ع المطعم بيضحك ويهزر لكنه من جواه قلبه مقهور
..............قصص منه محمد كاتب...........
حارث دخل وقعد: لسه جاي من الحاره عند انور
هادي سأله باهتمام : وقالك ايه لما روحت له
حارث بقهر شديد: للاسف اعترف بكل شئ , وقال انه مكنش عايز يعمل كده بس منصور انقذ حياه امه قبل كده
جمره بدموع: الجميل بالمعروف, دايما تسديده بيكون كبير كدا
هادي: وقالك ايه تاني
حارث: قال هو مهمته يراقب وبس , ولو كان فيه امر يخص منصور او رجالته هو يبلغه بالاخبار , طبعا حسب رتبته لايمكن يعمل اكتر من كده
هادي: امال ليه انور اخد الشاهد للحمام قبل وفاته
حارث: لانه اخد اوامر ياخده للحمام , وفكر انهم هيجهزوا بكلام يقوله اثناء التحقيق او ع اللاغلب يساعدوه يهرب, بس اتفاجئ انهم موتوه وعمل كده لانه بيسدد دين انه ساعد امه وخاف لو اعترف يقتل ابنه ومراته , وانه قد ايه ندمان , و مش فخور بالي عمله كظابط شرطه ولو معندوش طفل وزوجه الموت اهون لانه مش هيقدر يهرب من الخزي والعار طول حياته
جمره ببكاء: ليه الملازم انور طلع كدا ده انا كنت بحترمه , وبحبه ليه استسلم
حارث قام قام من مكانه وقرب منها واخدها في حضنه ومسح علي شعرها بلطف
جمره ببكاء: عشان بس نرد الجميل نخسر مبادئنا ليه ياحارث ليه , انا هتجنن
هادي: هنعمل ايه الخطوه الجايه
حارث وقف وقال: اي خطوه هتبقي في سريه تامه , لو اهملنا المره دي هيحذر منصور لان عندنا دليل مادي , بس مفيش عليه اي شهود
جمره: ناس كتير ماتت وحاسه اننا عايشين في بركه دم , والملازم انور طلع واحد منهم اقسم
بـ الله عقلي شت
..........قصص منه محمد كاتب..................
في جنازه الملازم انور
شوشت : عامل ايه يا بابا
منصور:شغلك ماشي كويس
شوشت الفضل الكبير ليك
منصور: سيبك خالص مني وروحي اتعاملي مع حارث
شوشت بأبتسامه مداريه : عيوني
شوشت راحت وقعدت جنب حارث وجمره بصتلهم بكل غيظ وحارث بعد نفسه شويه عنها
شوشت اتغاظت جدا وقامت: همشي انا
حارث: تمام
شوشت: مش هتوصلني
حارث عيونه ع جمره وقال: مع السلامه يا شوشت
شوشت لفت لجمره الي خطفت صنيه ومشت من قدامهم
شوشت: همشي يا عمو فاتح
فاتح: مع السلامه
حارث لف وعيونه متابعه جمره الي طنشته لما قرب يكلمها
فاتح وقف جنبه: جمره بنت حلال
حارث: اكتر انسانه طيبه , وجدعه شوفتها في حياتي بشهاده كل الناس , وانا فخور ان الست العظيمه دي مراتي , و متشكر ياعمي انك جيت
فاتح: كان لازم اجي هو كان بيشتغل معاك , وانت عامل ايه من بعد الي حصل
حارث اخد نفس وقال : عايش في صدمه كبيره , احنا روحنا ننقذ شاب من الانتحار اقنعه ينزل وعطاله الامل ومره واحده بقي مكانه قصاد عنينا
فاتح: عرفت ليه مـ وت نفسه
حارث اخد نفس وكمل: لاء
فاتح: تمام انا همشي وسمعت اشاعات حوالين انور ومنصور وانهم اقارب من بعيد سمعت المعلومه دي قبل كده
حارث: تقريبا سمعت
فاتح: وشايف انه كلام صحيح
حارث: لحد دلوقت مش متأكد من اي حاجه , منتظر تنتهي الجنازه وابدء اتكلم مع اهله تاني
فاتح: ده معناه انك مصدق انه انتـ حر
حارث: كنت اخر واحد مع اللازم انور , وكل القوه نزلت ومكنش فيه اي فرد معاه فوق السطح ومتأكد انه قرر ده بنفسه, لكن الواقع لسه مش متأكد منه
فاتح: مش متأكد ولا مش عايز تقولي
حارث: ليه بتقولي كده مش فاهم
فاتح: انا بهزر معاك شايف انك مرهق دلوقت , وعارف لو عرفت اي حاجه اكيد مش هتخبي عني اي حاجه ياحارث , مع السلامه يابني
..........قصص منه محمد كاتب...........
عقله مش مستوعب دخل في حاله ذهول وتوهه وطبعا سببها ان الضربه والخيانه جت من اقر حد ليه صدمه كبيره ممكن تفقده الثقه في كل شئ حس وقتها انه مخنوق ومش قادر حتي يتنفس فيه حاجه طابقه ع صدره طلع بسرعه الفرندا وهي حست بيه طلعت تدور عليه لقته واقف في الفراند ولعت النور ودخلت لقيته بيبكي بدون صوت احترمت مشاعره الموجوعه ع فراق زميله ووقفت ساكته بس مسكت دراعه تقوله انها جنبه وهو مسك ايدها بقوه وقربها منه اكتر وقت محتاج لضمتها
جمره ضمته: عيط ياحارث عيط طلع كل الوجع الي في قلبك بلاش تخبي دموعك احنا مهما كبرنا جونا طفل صغير محتاج يرتاح يعيط ويتطبطب عليه
حارث ببكاء بصوت موجوع: اول مره مبقاش قدار اوصف الحزن الي جوايا , الوجع الي جوايا عامل ازاي بعد الي حصل
جمره طبطب عليه برحمه : وحد الله وادعيله يسامحه ويغفرله ذنبه
حارث: حاسس ان انا السبب ان ابنه يتربي يتيم يامرام
جمره: هو الي دمر نفسه وانتحر كنوع من الصراخ النفسي واعلان الرفض لخيانه مهنته
حارث: انا متاكد انه منصور مارس عليه ضغط شديد , لحد ما وصله لحاله الياس والانتحار
جمره بدموع: عشان ايه وعشان مين, مين يستاهل في الدنيا دي كلها انه يموت كافر المفروض ان فيه اراده وعزيمه ومواجهه للضعف بتقوي لله , ونتخطي اي محنه بالاستعانه بالله
حارث: فيه ناس الشر والاذي بيجروا في دمهم لدرجه ان ابليس نفسه يقف يتفرج عليهم من غير ما يتالم ومنصور واحد منهم يامرام
جمره بقهر: انا مش فاهمه في ايه وليه كله بيخلص ع كله كده ليه القتل بقي اقرب طريقه للرد
حارث: عارفه الوجع الحقيقي فين كنت كل ما بشوفه بحس ان عنده طاقه ايجابيه مش بيبطل هزار وضحك كانه طفل معانا مش قادر اصدق انه مات وانا ببكي عليه رغم طلع خاين ويمكن يقولولي كلهم اني اوفر , ده انا نفسي مستغربه بجد مش قادر اتخطاه خالص وغصه في قلبي صعبه لما شوفته ميت قدامي حقيقي منظره متعب للاعصاب جدا ربنا يرحمه ويسامحه
جمره: الله يرحمه كان عارف كويس اخره الغلط الي بيعمله, بس هو اختار وبدل ما يتوب راح كرر الاسوء وهو فاهم ومدرك
حارث: هو بيطلع في الروح كان بيقولي سامحني ووشه كان مبتسم وبعدها غاب عن الدنيا
جمره بنفعال: منصور والي زيه لابد من عقاب شديد وحاسم لكل الكلاب الضاله دي
حارث نضفوا البلد من الناس دي والي زي منصور لازم يبقي عبره خلي البلد تنضف
حارث حطت جبينه ع جبينها وقال بصوت كله امتنان : شكرا لوجودك في حياتي يامرام
اللباقه في الكلام مش بس ذوق كلمه لطيفه ممكن تفتح قلوب وتغير مواقف وتخلي الناس تحترمك حتي في الخلاف اختار كلامك لانه بيعكسك