رواية قدك الفصل الخامس عشر 15 بقلم منه محمد
قاعده تذاكر ع الاب توب وبتاكل مهلبيه وهو نزل شافها وقف يتابع حركاتها الطفوليه من بعيد
جابر لمحه وقال بسؤال: حارث بشا تحب تاكل ايه ع الفطار
حارث وهو بيقرب: كفايه عيش وبيض عيون
جابر: تمام
حارث راح قعد ع السفره قدامها وهي فضلت تاكل وعيونها ع الشاشه
حارث: ليه مش بتاكلي الاكل بطريقه كويسه
جمره: اصل المهلبيه حلوه اوي
حارث: الي اقصده لما تخلصي المهلبيه الحلوه اوي , ابقي بعدها ذاكري
جمره: انت مش هتفهم المسأله دي ياتري عندك علم ان امتحاناتي اخر اللاسبوع ده , ومن بعدها هتأهل للسنه الثانيه
حارث: هتروحي معايا ثانويه جدي اليوم
جمره: طبعا هروح
حارث: هاخدك تشتري فساتين جديده وكل اللوازم الي هتحتاجلها
جمره: هو انت بتتكسف مني
حارث: انا مش بتكسف منك انتي الي بتحسي بكده , واليوم روحي اشتري فستان اسود شيك والبسيه وبعدها تعالي اقعدي جنبي مش تقعدي جنب الناس
جمره : بشا
حارث : تحبي اجبلك بنود العقد اظن ده من واجباتك
جمره كشرت وضربت البوز: خلاص فهمنا حاضر , بس يله روح شغلك اقدر اشتري هدوم بنفسي
جابر :ما تخليه يروح معاكي
جمره: ليه مش واثقين في ذوقي , اطمنكم ان ذوقي هيغير من جمال وشي , روح شغلك وبعد ما اخلص هجيلك ع القسم اتفاقنا, ايدك بقي ع مبلغ كبير انا بحب الدفع مقدما
حارث بصلها بهدوء وحط الفيزا كارت في ايدها وجابر خايف لتبعزق كل الفلوس
............قصص منه محمد كاتب............
في المقر
جمره بصتله بغيظ: هو هنا مفيش تعاطف مع الطلاب الي وراهم مذاكره, لحد ما اتخرج مين هيتحمل المسؤليه دي
جعفر وهو داخل ضحك وقال: انا هكون مسؤل عنك
جمره لفت بسعاده: بجد هتعمل كده
جعفر: بالتأكيد انتي زي بنتي مش كدا ولا ايه
جمره بشقاوه: ده معناه هتكون مسؤل كمان عن امي
جعفر: انتي وبس , وهنقول هفضل اصلي وادعي لحد ما تتخرجي بالسلامه , حلو ده
جمره: ده حلو جدا
جعفروجهه كلامه لهادي: امال زميلك في الفريق راح فين
هادي: راح مشوار ونفسي اكل يا سلام لو كريب باللحمه
جمره: هو انت جاي فعلا تشتغل انا شايفه اليوم كله فات, وانت لسه مش مستعد
هادي بغيظ: انا شغال من غير راحه
جمره: لو بتلعب الاحسن تساعدني اكمل مذاكره
هادي: خلونا ندخل في الموضوع الاهم لان شويه ولازم اكون في القسم
جعفر بجديه: تبقوا لخصوا التطورات الي المفترض اسمعها
هادي: تمام بالنسبه للدراع اليمين للمرشدي اعتقد ان حالته بتزيد للاسوء واعتقد ان منصور المرشدي عارف بده كمان في يوم الجنازه معرفش ايه الي قاله انه بيخرف بسبب الهلوسه
جعفر: في رايك ايه الي ممكن يعمله منصور لو كان عرف ان دراعه اليمين مبقاش له فايده
هادي: مش متأكد لان لايمكن حد يخمن ايه الي بيدور في عقليه منصور
جعفر: فيه حاجه تانيه
هادي: مؤكد ان عم حارث هيدخل في مجال السياسه وتقريبا عشان يداري ع بلاوي منصور
جعفر: وبخصوص بنت منصور؟!
هادي: هتفتح الاتاليه الاسبوع الجاي , وحددت الدعوه للضيوف المهمين فقط , واكيد منصور هيروح الافتتاح بس الغريب ليه عزمت عم حارث
جعفر بصلها: مش المفترض كانت عزمتك يا جمره
جمره بقرفه: ان شا الله عنها ما عزمتني
جعفر: طيب ناويه تروحي لو عزمتك
جمره:انا زوجه الراجل الي البت دي بتجري وراه معتقد هتعزمني
جعفر : ده مش ممكن ,بس انا عايزك تروحي
جمره: ليه
جعفر: عشان في الليله الي اختفتي فيها انتي وحارث اختفيتوا فين حالا تقوليلي
جمره : اقولك ايه روحنا لمزرعته الكبيره
جعفر: معني كده ان سياده المقدم عنده ورث كبير لكن مخبي ع عمه
هادي: وفاتح راح يحقق معاه وواضح ان فاتح ومنصور اصحاب قريبين من بعض وده امر مدهش للغايه
جمره: وتعتقد حارث عارف بالصداقه دي
جعفر: انتي قلتي ان حارث راح يشوف قطعه الارض مش مظبوط كدا
جمره: ايوه في البدايه كنت مرتبكه لكن بعد ما فكرت في الامر المكان عامل زي الي اتكلم عنه رجاله منصور
هادي: لو كان المكان ده هو نفسه الي بلغونا بيه رجالتنا شهور جايز المقدم راح يتحقق من الامر , مين عارف ربما يعرف معلومات زي ما بنعرفها
جمره: معني كدا ان حارث عارف بخصوص عمه
جعفر: المسأله دي مطلوب منك تعرفيها منه
جمره كانت شارده لبعيد وجعفر سألها: بتفكري في ايه
جمره: بفكر اعمل خدعه لازم المره دي نلاقي الاجابه وايه المتعلق بالمكان ده
جعفر: متفق معاكي لكن المره دي لازم تكوني اكتر حذر
جمره: مش هضرب بالنار تاني يا عم جعفر
جعفر: مين عارف جايز المره الجاية تبقي اخطر من الي فاتت عندك اعداء كتير دلوقت
جمره: كلامك بالطريقه دي بيخليني مصممه اكتر
هادي : لو مفيش حاجه تانيه هقوم اروح القسم
جعفر هز دماغه: اوكيه
جمره قامت وراه: استني
هادي لف بصلها: عايزه ايه
جمره: عايزه اروح معاك وممنوع تمشي
هادي: هو انتي رايحه القسم
جمره اتعلقت في دراعه وبتتلوي: لا رايحه اتسوق
هادي: امشي عدل ليه مسكاني بالشكل ده
..........قصص منه محمد كاتب...............
في القسم الباب خبط دقات متتاليه
رفع عينه ع دقه الباب : ادخل
شوشت فتحت الباب ودخلت: حارث انت فاضي
حارث بضيق: عايزه حاجه يا شوشت
شوشت قعدت قدامه : جيت اعزمك ع افتتاح الاتاليه الجديد الاسبوع الجاي , ولازم تيجي رجاء وبالنسبه لكارت الدعوه هجبهولك
حارث: اظن انتي عارفه مليش في الاحتفالات والمناسبات , وحاجه كمان الحفلات من النوع ده مش تناسبني اطلاقا
شوشت: بس حضور الحفلات الي زي دي احيانا بيكون مفيد, وكمان ممكن تطلب من مراتك تحضر معاك انا عزماكم انتم الاتنين غير كدا عزمت عمك
حارث بتعجب: من امتي وانتي قريبه من عمي
شوشت: معرفش بالظبط من امتي , انا عزمت عايلتك كلها ولوجين جايه كمان والاهم من ده بقينا من الناس المعروفين هنا حارث رجاء تعال
حارث هز دماغه وسكت ورجع بدهره للكرسي وهنا جمره فتحت الباب وقالت: ايه جيت في وقت مش مناسب
شوشت بصتلها مبتسمه: بتقولي ايه ياجمره انتي مراه حارث , ازاي تزعجينا بس بجد صدفه جيت اعزمك انتي وحارث الاسبوع الجاي ياريت تجيبي حارث معاكي
جمره : باي صفه
شوشت : بصفتي صاحبته لو كان ده قبل ربما مكناش اصحاب دلوقت , بس ده من الماضي بس ياتري عملت اي حاجه حسستك انك مش مرتاحه
جمره رفعت حاجب: لو قلت لك معملتيش هكون كدابه
شوشت: ملكيش حق تحسي بالشعور ده , لانك الحاضر مفيش لزوم تهتمي بالماضي
حارث بص لجمره بترقب شديد
جمره راحت قعدت ع ايد كرسي حارث ولفت ايدها ع كتفه وقالت: بس لسه عايزه الماضي يرحل لان الحاضر هو احنا , واحنا محتاجين لشويه وقت , ومش عايزين الماضي يقف ما بينا لان ده مش محترم اتمني تكوني بتفهمي بين السطور يا شوشت
حارث اتك ع اسنانه وبهمس: هدي شويه يامرام
جمره لفت ايدها ع رقبته وهو مسك ايدها لتخنقه وقالت لشوشت برخامه: بصراحه عندي موضوع مهم عاوزه اتناقش فيه مع جوزي , لو طلبت منك تمشي حالا متقوليش عليا قليله الذوق_ راحت فتحتلها الباب_
شوشت قامت واخدت الشنطه وقالت: همشي دلوقت بس بما انك بتتكلمي عن الذوق خليني الفت نظرك شويه تعرفي ايه الي بيتسماه بالذوق تلبسي فستان مزيف, اصل الفستان الي عليكي من تصميم الاتليه عندي, لكن الاصل منه مفهوش اللون الاسود المره الجايه الي تحبي تلبسي فيها هدوم جميله تقدري تقوليلي مش همانع اختارلك , وانا هبعتلك فستان ماركه تحضري بيه الحفله عشان مترتكبيش الغلط
رشا دخلت وقالت: مفيش داعي تبعتلها حاجه , بخصوص هدوم صاحبتي ههتم بيها
شوشت وزعت نظراتها عليهم كلهم واخدت نفسها واختفت عن المكان بأقصي سرعه
................قصص منه محمد كاتب.............
جمره بصتلها : شكرا انك ساعدتيني
رشا :مش بحب اشوف حد في ورطه
جمره: ايا كان شكرا
رشا : ليه تسكتي لواحده تهينك ومترديش عليها
جمره : ارد ع شوشت منصور
رشا : زي ما سكتي لماما لما انتي مش زي ما ادعيت عليكي ليه مقولتليش الحقيقه من الاول ليه مفهمتنيش ولا شيفاني معنديش عقل وبفكر زي زي غيري
جمره : رشا هانم والدتك كانت كريمه جدا معايا عطتني مكان اقعد فيه لما مكنش ليا مكان ووجودي في البيت مخلاهاش مرتاحه ده لانها خايفه ع ابنها مني , وانا ع فكره مقدره مشاعرها وعايزكي تحاولي تفهميها كأم
رشا: وبشان عماد
جمره :ماله
رشا: هو قالك انه هيطلق لوجين
جمره: ايوه
رشتا : وهترجعيله لما يطلقها
جمره : من الاول مكنتش بفكر خالص باي مشاعر ناحيته ولا حتي شويه , حتي لو اتجوز وانفصل الف مره هيفضل نفس الشئ , وزي ما كنت بقولك دايما قبل ما تسافري تكملي تعليمك
رشا : وبخصوص حارث ده حقيقي انك فعلا بتحبيه
جمره سكتت ثواني ونطقت وقالت : بخصوص حارث ممكن تديني شويه وقت , وهقولك كل حاجه وقتها ارجوكي ثقي فيا
رشا : تمام
هادي طلع ووقف قريب منهم وقاله: تفتكر هيتصالحوا ولا هيتخانقوا
حارث بأبتسامه: راي الاتنين دول عمرهم ما اتخانقوا من البدايه اصلا
هادي بغيظ : اتخانقوا بسببك
حارث: حضره الرائد ليه بقيت تتكلم كتير في الفتره الاخيره
هادي :ده صحيح
رشا راحت عليهم : همشي دلوقت ياحارث سلام
حارث : سلام
رشا :خلينا نروح نعمل شوبنج سوي ياجمره تمام
جمره :تمام
هادي :هتروحي لوحدك ولا تحبي اوصلك للبيت
حارث لف بصله اوي
رشا :لا هروح لوحدي
هادي مبتسم: رايحه لبيتك ولا بيتي
رشا وشها احمر بأحراج: بيتي
جمره : سوقي ع مهلك يا رشا هانم
رشا : جمره ناديني رشا بس , هتكون كفايه زي ما اتعودتي تقوليلي
حارث بص لهادي: لسه مبتسم روح وصلها
هادي وهو ماشي: اه رايح
حارث ضحك لجمره وقالها :ده فعلا راح وراها
جمره ضحكت وقالت :وبيفتحلها الباب كمان
حارث : ده بيلعب ببرود
جمره : الحب حلو مفيش كلام
...........قصص منه محمد كاتب.............
في منزل عائله جمره
ابراهيم اول ما شافهم داخلين جري عليهم: خالتي جمره , وعمي حارث
حارث وهو بيمسح ع شعره : اهلا
جمره: ماما ليه جبتي ابراهيم القهوه
اعتماد: ازاي اسيبه لوحده البيت حار جدا , صعب عليا
حارث: طيب ليه مركبتيش تكيف , كنت عايز اسألك كذا مره
اعتماد: يابني ده سعره غالي اوي
حارث: انا هجبهولك ع حسابي عشان خاطر ابراهيم
اعتماد: ربنا يزيدك من فضله يابني ويرزقك بطفل ولا اتنين
جمره بشخط فيها: تعرفي انتي ست مزعجه
اعتماد: مش سافرتي مع جوزك ليه مرجعتيش وفي بطنك عيل
جمره اتكت ع اسنانها: ايه كلامك البايخ ده
اعتماد: يابت مكسوف من ايه مش جوزك, قولي يابني اخدت البت دي وروحتوا فين
حارث بهدوء: روحنا اسوان
اعتماد وقعت منها الصنيه واترنحت بجسمها لوري
جمره سندتها: مالك يمه
اعتماد: كنتم بتعملوا ايه هناك
جمره: ماما مالك تعالي الاول اقعدي
اعتماد: جمره خدي جوزك وادخلوا البيت
جمره مسكت ايد حارث: يله بينا
اعتماد بصتلهم: انا كويسه امشوا انتم
..........قصص منه محمد كاتب..............
حارث مدلها علبه وقالها: امسكي
جمره وهي بتاخدها منه: دي ليا انا
حارث بسخريه : لا للقطه الي موجوده هنا
جمره كشرت: ما ترد وتقول ايوه هيكون اجمل
حارث حطها ع التربيزه وقعد جنبها واخد الدفتر والقلم : تحبي اساعدك انتي وصلتي لحد فين
جمره: انا لازم اكتب واحفظ دول ابشا , بس صعب اوي ومش فاهمه
حارث: فين
جمره: هنا
حارث: تحبي اختصرهملك وهتحفظيهم بسهوله تحبي اعمل كده
جمره مطت شفايفها : يعني هرفض مثلا
حارث: انا هخلصه عشانك ممكن تبدئي تاكلي يله كلي
جمره ابتمست له واخدت البيتزا وبدئت تاكل وقالت: بشا
حارث: نعم
جمره: ما تخليك جوزي بجد , انشا الله يخليك بدل الجواز مع ايقاف التنفيذ , جايز دي المره الوحيده يكون عندي زوج وهفتكر اللحظه دي لما تطلقني , وربما حياتي تبقي سوده في المستقبل اهو اعيش ع الذكري الحلوه دي الي باقي من حياتي
حارث: ازي يعني
جمره: يعني بعد ما ننفصل وقابلت واحد مش احسن منك
حارث: هو ممكن متقارنيش حد بيا , انا بخلص شغلك هنا دلوقت
جمره: انت مش ممكن تبقي جوزي الحقيقي , وانا المفروض محلمش اكبر من امكانياتي اصل النوع الي شوفته من صنف المتجوزين هما ابويا وامي , مش بيتكلموا بتفاهم ابدا معرفش خلفوني ازاي انا ولا ريم
حارث: متحكميش ع الي بتشوفيه بس يا مرام , جايز يكون فيه جوانب من اللاسرار الي متعرفهاش
جمره : وانت رايك ان عندهم جوانب واسرار
حارث: مش يمكن العيب في امك مثلا
جمره: مستحيل لو قابلت راجل يحترمها ويحبها ويهتم بيها بشكل كويس كانت
حارث حط ايده ع دماغها لما نزلت دموعها وقال: هكملك
.........قصص منه محمد كاتب..............
ع الموبيل
شوشت ردت بملل : نعم يالوجين
لوجين: انتي فين زهقانه مليت كتير
شوشت بحقد: انا شغاله دلوقت , مش فاضيه زيك
لوجين فتحت عينها بدهشه كبيره: ايه
شوشت ظبطت الكلام وقالت: قصدي مفيش حد محظوظ زيك , فيه الي مستني بس اشارتك يخدموكي, ايه بقي الي مزهقك عماد , ولا حارث , ولا ابوكي
لوجين بنفعال: الكل زهقت من الكل وفقدت الامل فيهم , عماد مرجعش البيت بقاله تلات ايام معرفش مختفي فين , سابني مع امه واخته بكرهم وده مش عجبني , ولسه قضيه مراه اخويا من ساعتها حارث رافض يتكلم معايا او حتي يساعدني وكمان مهددني
شوشت : حتي لو هددك حارث بس ابوكي هيساعدك دايما
لوجين : انتي مش فاهمه بابي كبر المساله لمساله كبيره انا كنت عايزه اقرص الحثاله عشان تبعد عن جوزي ده كل شئ , والكل بيتصرف حسب اوامرها لو كنت اعرف ان الكل هيبقي في صفها كنت طلبت يضربها بالنار وتغور في ستين نصيبه
شوشت: لوجي راي تخالي بالك من الكلام الي بتقوليه
لوجين: في ايه ياشوشت مش مستنيه تديني حكم ومواعظ, انا مش بحب الاسلوب ده
شوشت: انا قلقانه عشانك ونيتي خير
لوجين: اقفلي دلوقت
شوشت قفلت ورمت الموبيل بغل ع الكنبه
.................قصص منه محمد كاتب...........
في القهوه
جمره قربت منه : بتفكر تعمل ايه, ليه جايب كل الداخليه هنا
حارث ابتسم بمرح: جيت اطمن عليكي مش حلو
جمره بجديه: بسالك بجد
الصول : والله يابنتي جينا نطمن عليكي عايزين نشوفك , وبالمره نطن ع مراه الملازم انور عامله ايه
جمره بحزن : حالتها صعب اهي قاعده هناك ع الباب , شوف بنفسك , وكويس انكم جيتكم بنفسكم يمكن تخففوا عنها شويه , روحوا طيبوا خاطرها
ست ما بشماته: انتي يا وليه عامله ايه دلوقت بعد ما جوزك مات
ست اخري : اه بصحيح الاول كنتي شايفه نفسك علينا لان جوزك ملازم في البوليس , بس دلوقت هتقفل بؤها
الست الاولي ضحكت: ويمكن لاء , اصل الاشاعات بتقول ان جوزها من رجاله منصور المرشدي
الست النانيه بحتقار: بجد دي حاجه تعر
اعتماد بشخط فيهم : عملتولي صداع في دماغي , هو انتم جواميس عايزين تبن
الست الاولي : انتي يا اعتماد الي بتحميها مش فاكره كانت بتعاير بنتك لان جوزها سابها وهي حامل
اعتماد : وايه يعني هي بنتي اجرمت والست كانت بتهزر, عملتلكم ايه دلوقت ,يله امشوا دماغي بتوجعني
جاره : يا اعتماد طنشي الي بيقوله
اعتماد: هو ايه ده الي اطنشه بعد كدا هيطوله لسانهم علينا ويدخلوا في امورنا الخاصه لو عايزين تشربوا شاي اطلبوا ولو مش كدا امشوا من هنا
الست الاولي :وانت بقي مفكرنا هنخاف منك جوزها مات وانتي واقفه تحميها بالشكل ده وهي الي كانت عايزه تقفلك القهوه , ولا خلاص اتصالحتوا وعملتوا معاهده سلام سوي
جمره : اماه اقعدي احنا ناس قلبنا رحيم مش زي قلبكم الاسود, والاحسن تقفلوا بوئكم بدل ما اقل ادبي عليكم وتتقفل الليله قفله وحشه , او اخلي الداخليه تقبض عليكم حالا , وهما قاعدين كلهم هنا لو بتدورا ع المشاكل فكروا كمان ان جوزي ظابط , مات جوزها الملازم انور بس جوزي لسه عايش ع وش الدنيا بفكركم لو كنتم نسيتوا
اعتماد : ها عايزين ايه تكملوا ولا تتكلوا ع الله
الست التانيه بصت لحارث الي وقف بطوله قدامهم
الست قالت بخوف: مش عايزين حاجه متشكرين
اعتماد :مع الف سلامه
حارث والرجاله قربوا سلموا ع زوجه الملازم وعطولها الي فيه النصيب لحد ما تاخد المعاش
................قصص منه محمد كاتب..............
في منزل عائله عماد
ابو عماد : عماد ادخل تعال
عماد دخل وقعد بعد ما قال السلام للجميع
ابوه: عماد قوم اقعد هنا
عماد هز دماغه وقام قعد في وش لوجين وقال: اهلا يا عمي فاتح
فاتح: هو الطريق كان زحمه
عماد: شويه اسف خلتكم تستنوني , مكنتش اعرف انكم هنا
فاتح: حصل خير, اصل بقالنا كتير مشفناش بعض, عشان كدا جمعتكم كلكم واظن ده ميضايقكش
عماد: لا طبعا ليه اضايق
فاتح: بلغتني لوجي انك سايب الييت من ايام, ولما راحت تدور عليك في الفندق طردوها ايه الي بيحصل ياعماد بلغت ابوك بده كمان
عماد بأحراج: انا اسف
فاتح: مفيش داعي للاعتذار انا الي فهمته من الوضع ان فيه مشاكل بينكم زي اي زوجين , ولان بنتي مش سهل ارضائها
لوجين بعتاب: بابي
فاتح: بس انا مش موافق ع عمايلك دي , ازاي مترجعش البيت, لوعندك مشكله مع مراتك اقعد وحلها
لوجين: يمكن عايز يروح يشوف ناس تانيه
عماد بتحذير: لوجين
لوجين: ايه بكدب ممكن تقول لبابي عادي بأنك عايز تطلقني لان مش قادر تتحمل انك تبعد عن حضن البت القذره
حارث بصلها بغضب وانفاسه ارتفعت بشكل مخيف وبرزت عروق رقبته
فاتح: لوجين احترمي حارث , ها عايز تقول ايه ياعماد فعلا عايز تطلق بنتي
عماد: محصلش ومتقوليش كلام مش قد فعله
لوجين: ليه بقي مش اد فعله , انت بس قولي عشان اقدر اعمله
عماد: يعني هتكوني مبسوطه وقتها
لوجين: مش عايزه الانبساط انا عايزك لوحدك قولي ناوي ع ايه
عماد: مش عايزك تيجي مكان شغلي وتزعقيلي قدام موكليني
لوجين بطاعه: ماشي مفهوم ده , ومش هعمل كده تاني
عماد : وعايزك كمان تحترمي امي ولما تكوني في البيت عندنا
لوجين بغرور: ممكن اعيش في بيتي , انا اصلا مش مرتاحه لوجودي هنا
امه بعصبيه : خدها هي عايزه تعيش لوحدها
لوجين طنشتها وبصتله : فيه حاجه تانيه يا عماد اعملها عشانك
فاتح : اظن ده كفايه قدمتلك كتير من الراحه
عماد : عايزك تسمعيني وخصا بشان جمره
حارث هنا بصله جامد اوي
عماد : بطلي تتنمري عليها , انا مش واقف جنبها , انا مش بحب مراتي تتصرف بالطريقه دي وخاصا في الوقت الحالي , لان افعالك بقت تقيله وتعصب جدا
لوجين : وانا ليه بعمل كده مش بسبب تصرفاتك السخيفه, بس هنسي ده هحاول
فاتح بحزم: ممكن اقول حاجه من اول ما ربيت بنتي دي اول مره الي تتنازل فيها عن كل حاجه, وبخصوص جمره بعترف ان لوجين كانت قاسيه معاها , لكن ياعماد حاول تفكر شويه ليه بنتي بتعمل كده لانها بتحبك , ولو مش عايز فعلا ده يحصل تاني , احنا كرجاله نحكم عقلنا عشان حياتنا تستقر
لوجين: بس هي الي كانت بتفضل تتصل عشان تزعجه
رشا : بس جمره مكنتش عايزه تزعجه
ام عماد : ليه واقفه في صفها
رشا :ماما انا بقول الحقيقه
حارث بنرفزه: هو ممكن اتكلم انا كمان , من اول ما بقت مرام مراتي وهي دايما معايا وهي مراتي بالشرع والقانون, وهشكر الكل جزيل الشكر , لو اتكلمتوا عن مراتي بحترام واعتبروها انسانه ,واوعدكم ان مراتي مش هتدخل بين لوجين وعماد مره تانيه , واتمني تفهم كلامي ياعماد
فاتح: تمام اظن الكل فهم ده كويس بخصوص الموضوع ده, وعماد عليه يفهم ومن دلوقت هنبدء صفحه جديده للعيلتين كنا بنعتمد ع بعض فتره طويله , مش عايز ده يدمر بسبب كلام فارغ مش كدا يابو عماد
ابو عماد: طبعا
فاتح : نقرأ الفاتحه
بعد ما الكل قام حارث حط ايده ع كتف رشا وقالها بمتنان: شكرا يا رشا انك دافعتي عن مرام
رشا: ولا يهمك
حارث ابتسملها وطالع من البيت وعماد وقفه
حارث: اتمني مشفكش حوالين بيتي تاني
عماد بتحدي: هأكدلك كلامي الي قولتهولك
حارث: جوه مشفتكش بالشجاعه دي, ابعد عن مراتي وخالي بالك ع مراتك افضل , متخليش اختي تتجنن مره تانيه
لوجين اتعلقت في دراع حارث وبستفهام : حارث رايح فين
حارث: هوصلك لبيتك
لوجين لعماد: اشوفك الليله في الييت ياعماد
حارث: يله نمشي
اما رشا اخدت عماد يشربوا سوي قهوه ويتكلموا عن مشاعر جمره