رواية ضحية فرعون الفصل الخامس عشر 15 بقلم منه محمد
طلع بصلها بكل انبهار وأعجاب وقف يتأمل كل تفصيله فيها شعرها رغم كحكه فوضويه بس كانت رقيقه و السالوبيت الجينز الكحلي عليها مخليها قمروكيوت جدا
امير ابتسملها من مكانه ونطق وقال: حبي ما تيجي معايا نعمل شوبنج لخزين رمضان
ايمان هزت دماغها بـ لاء وامير تابع يعني هروح لوحدي طيب تحبي اجبلك معايا اي حاجه
ايمان مكشره: مش عايزه حاجه مليش نفس
امير نخ ع ركبه وقعد قدامها وقال بهدوء : مينفعش كدا الجنين في بطنك محتاج ياكل هو كمان _ قرب من بطنها وقال بمرح_ هاي ابني انت سامعني , عايز اسالك سؤال انا رايح اعمل شوبنج تحب اجبلك ايه معايا , ايه تمام فاكهه وعصير تمام اي طلب تاني حاضر هشترهولك استناني
امير بصلها : شوفتي ابني طلب فاكهه وعصير , ونفسه يتمشي ع الكورنيش وياكل دره مشوي
ايمان : مين الي عايز يتمشي وياكل الواد ولا ابوه يله قوم روحي اشتري
.........قصص منه محمد كاتب...........
علي السفره رابع ايام رمضان
صابرين بصتله وهو داخل : امير يله الاكل هيبرد
امير قعد وبص للاكل وقال : ماما لمين العدس ده
صابرين : مراتك عملته لنفسها بتقول ملهاش قابليه تاكل فراخ ولا لحمه , هي الحامل كده
رحمه قربت :ست صابرين
صابرين بصتلها : نعم
رحمه: الست ايمان مش هتاكل بتقولك هتاكل بعدين , اصل زورها بيوجعها اوي , وطلبت مني اجبلها دواء
صابرين: طيب روحي هاتلها استحلاب للحلق
ليلي ابتسمت وقامت تحط قدام امير: يله ناكل
شاهيناز: الستات الحوامل بحالات , فاكره لما كنت حامل في ليلي عمري ما اتصرفت كدا ابدا كنت كويسه وباكل كل حاجه ,هو بس الصبحيه اتقيئ شويه , اما دي غرقانه في المها بشكل اوفر , وبكدا تفضل طول الوقت في حاله خمول
اميراخد طبق العدس والارز وقام من مكانه وماشي
ليلي بتعجب : الله انت رايح فين مش هتاكل معانا
صابرين : يابني انت اخدت العدس بس مش هتاخد اكلك
امير لف بصلها وقال : هاكل من نفس الاكل الي عملته مراتي
صابرين : روح يابني
ليلي كشرت بستياء: ايه ده جينا نفطر معاكم كنوع من صله الرحم , وهو يتصرف كدا , وهي انانيه
شاهيناز :عندك حق احنا ضيوف والمفروض نتخدم الاول مش يتكشر في وشنا
صابرين : بيقوله في رمضان الشيطان واعوانه بيتسلسلوا , بس يظهر اني بينهم ,كفايه خلونا ناكل
................قصص منه محمد كاتب...........
ايمان بمسايسه لبكاء بنتها: متعيطيش يا بنتي , شوفي ده اسمه عمو الفيل
رحمه دخلت : ست ايمان خدي العلاج وهاتي اميره
ايمان: روحي لداده الف شكر
رحمه : ع ايه
امير قعد قدامها: حبي هو زورك وجعك اوي_جث جبينها_ انتي دافيه بعد الفطار تعالي نروح العياده يله كلي
ايمان : لا هاخد العلاج هبقي كويسه
امير :ايمان بلاش تبقي كدا , لازم تاكلي كويس انتي صايمه وحامل يله ناكل سوي
ايمان : ده اكلي
امير : هناكله سوي اصل ريحته تجنن لا يقاوم
ايمان: قلت هناكل سوي فين طبقك
امير: معاكي فات وقت طويل مأكلتش من طبيخك ووحشني طعمه , حبي لما صحتك تتحسن ممكن تعمليلي الاكل بأيدك , بصراحه يوم ما عملتلي السمبوسه ومأكلتهاش حسيت احساس وحش , تعرفي يومها مأكلتش الي امي عملتهالي ,عشان مكنش حلوه , وبجد اسف يله كلي شويه
ايمان اكلت من ايده لكن حست بألم شديد عن طريق البلع قفلت وشها وهي بتحط ايدها ع حلقها
امير: في ايه
ايمان: مش عارفه عندي التهاب شديد في الحلق
امير: لو كدا قومي يله نروح نكشف
ايمان مسكته: لا روح افطر الاول متاكلش مطرحي
امير مسك المعلقه الي اكلت بيها وابتسم وبصلها : الله طعمه خطير
............قصص منه محمد كاتب.............
فتحت الباب ودخلت لقتها قاعده ولابسه بيجامه حرير موف فارده شعرها وحاطه ميكب صارخ وبتتفرج ع التلفزيون ومعاها عادل وصابرين
ايمان قربت: السلام عليكم
صابريو وعادل: وعليكم السلام
ايمان فضلت واقفه مكانها
عادل: ليه يا بنتي واقفه اقعدي
امير دخل واتصدم من وجودها ووقف جنب ايمان وليلي ابتسمت له لكن هو ماعطاهاش وش
ليلي بصتله: مالك يا امير بتبصلي كدا ليه , زي ما تكون اول مره اجي هنا , شوف ياعمو وانتي يا طنط ملامحه كأنه مش عاوزني ابقي هنا , متقوليش انك مش متعود ع كده مش دي زي بيتي التاني
صابرين بصت لعادل بهمس: هي امتي هتعرف مكانها
امير: ماما
صابرين: نعم
امير: قلتي حاجه
صابرين: لا مقلتش حاجه ايمان الدكتوره قالت لك ايه
ايمان: مجرد سخونيه دور برد عادي وابنك قلقان من غير داعي
امير رفع ايده وحطها ع كتفها وقربها اوي منه وقال: حبي انتي عارفه اد ايه بحبك ,وبخاف عليكي انتي وابننا , مش عايز يحصلك اي مكروه _ شد خدودها بمرح_ واجبي اهتم بيكي
ايمان ضربته ع ايده : ع فكره الحركه دي بتوجع ماما
صابرين: نعم يا بنتي
ايمان: داخله اوضتي
صابرين: روحي يابنتي
ليلي فضلت تتريق ع ايمان لما امير حط ايده حوالين كتافها ويسحبها بعيد وهي مشت معاه
وهي جات علي بالها فكره شيطانيه تفرق بينه وبينها
...............قصص منه محمد كاتب............
واخد مخده وبطانيه ونازل يلف شمال ويمين وقال: الحمد لله مش هنا , اكيد نامت في غرفه الضيوف , امتي هتقبليني مره تانيه , انا حقيقي مشتاق لحضنها , زهقت من اني احضن المخده تمام عارف اني غلطان ولازم اصبر اتحلي بالصبر يا امير, تصبحي ع خير يا حبي
امير حط دماغه وفرد اللحاف عليه وغمض عيونه لحد ما حس بأيد ناعمه بتتحرك ع خده ابتسم واعتقد انها ايمان وفتح ومره واحده صرخ وزقها بقوه
ليلي وقعت ع الارض: ايه ده يا امير
اميربيحاول يسيطر ع انفعاله واتكلم بلهجه أقرب للهمس: ممكن توقفي انك تغريني
ليلي: امتي اغريتك
امير: امال ده كان ايه
ليلي: فين ده
امير: شيفاني غبي امشي حالا انا مش ناقص وجع دماغ
ليلي مسكت ايده بقوه:مرمر
امير بعد عنها وبصلها بنظرة القرفان منها: سبيني
ليلي تحسس ع رجله بوقاحة: وحشتني ممكن انام معاك الليله ارجوك
امير يحاول مايتعصب: كفايه سفاله وقله ادب ليه بتتصرفي زي الشيطان
ليلي :مش عايز تنام معايا
اميربلهجة غضب : أنا مش هقدر اتحمل تصرفاتك القذره دي كتير , روحي نامي في اوضه الضيوف , امشي متعمليش دراما هنا امشي احسن لك
ليلي مشت بزهق: خلاص مش عايزه انام معاك
امير لنفسه: يا الله هو انا مش هخلص من البلوه دي
راح المطبخ وسخن كوبايه لبن ورحلها وجث جبينها: الحمد لله بقيتي احسن دلوقت , شوفي جبتلك كوبايه لبن دافيه حبي قومي اشربي شويه
ايمان رفعت الكوبايه تشرب منها وحركت عيونها ناحيته كانت نظراته معلقه عليها بشكل مش طبيعي اخدت بؤ وسابت الكوبايه
امير: اشربي تاني
ايمان: لا شكرا
امير: العفو
ايمان: ليه مروحتش تنام
امير: انا عندي بلوه بره ليلي قاعده علي الكنبه عشان كدا مش عارف انام
ايمان : وفين المشكله اطلع نام في اوضتك, كانك مش متعود ع كده
امير : لا مقدرش اسيبك تحت لوحدك , افرضي تعبتي ولا حاجه مش هينفع , غير كدا لو نمتي لوحدك متأكد ان مش هيجيلي نوم , لان قلبي وفكري وكلي هيكون معاكي , وطول ما بفكر فيكي مش هعرف انام , يعني اذا سمحت لي انام في الاوضه هنا الليله دي , تسمحي
ايمان هزت دماغها وامير هيص : عظيم قصدي الف شكر
امير اتنهد بصوت مسموع وقام راح فتح الباب وخارج
ايمان بتعجب: الله رايح فين
امير : هجيب مرتبه
ايمان :ملهاش لزوم تقدر تنام جنبي ع السرير بس الليله دي
امير فرح جدا واغلق الباب وراح اتمدد جنبها ويقرب ويهمس لها : متشكر يا حبي وعارف اني عنيف , واحيانا بعمل تصرفات غبيه محدش يتحملها , بس والله بحبك ومهما حصل هنفضل حبايب, واوعدك اخليكي سعيده صدقيني ونحقق أحلامنا مع بعض ونعوض كل شئ
..............قصص منه محمد كاتب...............
في الكافيه
اكرم خبطه ع كتفه: اسف يا حتوم اتأخرت
حاتم: معقول كل ده يا اكرم
اكرم قعد وابتسم: معلش كوتش العربيه فرقع ع ما بدلته, ها ليه اتصلت بيا في حاجه
حاتم ابتسم : كدا عايز اشوفك واطمن ع اخبارك
اكرم: انا تمام بتسرمح هنا وهناك
حاتم دفع جسمه لقدام: اكرم
اكرم: اممممم
حاتم :من امتي تعرف امير
اكرم: لسه مش قادر تنساها يا حاتم كمل في حياتك
حاتم حرك دماغه: لاء متفهش سؤال غلط, انا بسألك عشان ايمان
اكرم: وانا مش عايزك تتكلم عنها سيبهم يعيشوا في سلام , متخليش الوضع اسوء , علاوه ع كدا انت هتتجوز روز
حاتم: ايه الغلط لو سألت , انا حقيقي قلقان بخصوص ايمان هي مش زميلتنا , اكرم انا مش عايزها ضحيه لغضب امير مره تانيه , ده كل الموضوع
اكرم :اوكيه هتسال ايه عن امير
حاتم :انا بس
اكرم قطعه :استني قبل ما تسال الاول توعدني متقربش منها كتير, ولا هيكون عندك مشاعر ناحيتها مره تانيه ,ممكن توعدني
حاتم يرجع ظهره لورى بحيث يبقي مستقيم واتنهد وسكت
اكرم :ها تقدر
حاتم : تمام اوعدك
......قصص منه محمد كاتب..............
الباب خبط وهي قاعده بتكتب على الكيبورد بكل اناقه
ايمان: ادخل
حاتم فتح الباب: مساء الخير
ايمان بأبتسامه: مساء النور
حاتم: ايمان ممكن ازعجك شويه
ايمان حركت عينها بكل هدوء له : اكيد اقعد
حاتم سحب كرسي وقعد قدامها مباشره وقال: فوت حالا ع مكتب امير , سوزي قالت لي انه في اجتماع بره , تعرفي راجع امتي
ايمان: مش متأكده لوهيرجع بعد الاجتماع عالمكتب
حاتم: مفيش مشكله انتي فعلا فاضلك شهر وتولدي خلصتي كل التجهيزات زي معظم الستات الشوبنح هنا وهناك
امير كان وصل ووقف وري الباب وقال : هو بيحاول يظهر اعجابه ومشاعره لمراتي تاني
ايمان بضحكه : لا مش انا , انا بحب اخد الامور ببساطه , الحمل المرادي مخليني ع طول تعبانه وبفرهد بسرعه معنديش طاقه الف اشتري
حاتم ابتسم: وانا مبسوط وانا شايفك بصحه كويسه , وامير كمان مبسوط وحالته النفسيه منضبطه, لما كنتي تعبانه مكنتش قادر اتحمل اشوفه كانه جثه حيه , وواضح انه خس جدا وضايع وكل يوم يقعد جنب سريرك يقرء لك قران ويتكلم معاكي , هو حقيقي بيحبك وربما دلوقت بيعاملك بلطف لانه عايز يكفر عن اخطائه وظلمه الكبير في حقك , وان شاء الله يبقي صادق لو كان الحب موجود مش مهم معاناه الحياه الزوجيه , لان في ظل العواصف والفوض الحب هينتصر في النهايه
امير حس انه ارتاح وفرد وشه وخبط ودخل بأبتسامه: مساء الخير
حاتم سلم عليه: عملت ايه في الاجتماع
امير: الحمد لله كله تمام حاتم
حاتم: نعم
امير ميل عليه وشوشه في ودنه بكلمات وايمان اعتقدت انه بيستهزء بيها وخصوصا لما حاتم ضحك بصوت عالي
ايمان ا تبدلت ملامحها وسكنها الضيق والقهر وقالت: انا متاكده بتتكلم عني
امير شاورلها : ثانيه واحده
حاتم بصلها وانفجر في الضحك وامير بيهمسله ايمان اتحركت بسرعة وفاتت من جنبه بس هو لحقها ومسك كتفها ورجعها له
اميرلف ايده حوالين وسطها: انتي رايحه فين
ايمان تبعد ايده عنها وبصوت حاد: ايه ده مش مكسوف من حاتم
امير: عملت ايه, ليه مزاجك حاد اليومين دول , طيب نعمل ايه لو ربنا رزقنا بطفل بالمزاج الصعب ده هعاني , وانا وحاتم مش بنتكلم عنك , اتكلمنا في حاجات تخصنا احنا الرجاله مفيش داعي تعرفيها
ايمان: تيجي لمكتي وتتهامس قدامي خدوه وروح مكتبك لما مش عايزني اسمع
حاتم وقف وهو بيضحك: خلاص وقفوا خناق , انا جيت اديكم دعوه فرحي , هتجوز بعد العيد لازم تيجو
ايمان بفرحه اترسمت ع وشها: الف مبروك
...............قصص منه محمد كاتب.............
في كافيه
حنين استغربت من نبرة صوتها: ايمي مالك انتي كويسه
ايمان بصتلها: حنين انتي واثقه ان امير اتغير ,وبقي شخص كويس
حنين : بصراحه مش واثقه ميه في الميه , لكن مفيش حد مش محتاج فرصه يتغير , واكرم قالي انه اتغير بجد لكن انتي ادري
ايمان : طيب لو كان بيتظاهر قدامنا كلنا , ويمكن كمان بيتظاهر انه بيحبني لانه عاوزني اسامحه
حنين : ثقي في نفسك يا ايمان مقدرش اقول اكتر من كده , وطول الوقت ده انتي اتحملتي نوبه غضبه , واظن اكتر واحده تعرفيه بشكل اوضح
ايمان : هو حاليا بيعاملني كاني اميره ,وبينفذ كل رغباني , حتي بيخاف عليا من كل حاجه لدرجه بينام بره ع الكنبه قدام اوضتي ضمان لسلامتي انا وابني
حنين: يبقي فعلا اتغير وبيحبك اوي , وهو بجد ميقدرش يعيش من غيرك انتي واميره ,لكن السؤال ليكي ياتري انتي تقدري تعيشي من غيره
ايمان: لو فعلا بيحبني يبقي حبه الحقيقي ظهر دلوقت , وقبل كده كان بيرسم انه بيحبني, اقدر اقول انه في النهايه اتغير
حنين : بصي اي شخص معرض يغلط ويتغير في اي وقت , نفس الشئ ينطبق علينا احنا بشر مش ملايكه, لكن الاهم دلوقت ايه نوع السعاده الي بتدوري عليها , هي الي بتعيشها دلوقت معاه
ايمان حركت عيونها في كل زوايه لان سؤال حنين لحد دلوقت مش لقياه اجابته لانها عايشه في تناقض يرميها على شواطئ الجنون ... بتحبه وبتكره قربه في نفس الوقت
............قصص منه محمد كاتب.................
قاعده في المكتب وفاتحه دعوه الفرح بتتأمل فيها كان نفسها تعمل فرح وتلبس الفستان ابيض زيها زي اي بنت لكن فرحتها كانت ناقصه مع اغلى أنسان كانت مستعده تضحي بحياتها عشانه لكنه قابلها بجبروته وطغيانه
امير دخل وقرب ووقف وراها: خلصتي تدقيق في كارت الفرح , ايه مضايقه ان اسمك مش مكتوب ع الدعوه
ايمان: ممكن تبطل تخلق مشكله معايا , وبعدين هتتعصب بسبب كارت فرح
امير ابتسم بهدوء وبصوت هادي: يا روح قلبي كنت بهزر, اصله مش هيفلت من ايدي الي يحاول يقربلك ع جثتي اسمحلك تروحي لـ اي راجل
ايمان : ونعمل ايه لو مكتوب لنا ننفصل , مش من حقي اتجوز راجل تاني بمجرد ما ابقي مطلقه , اكيد هبقي مطلوبه وخصوصا اني جميله , وصغيره , ومثقفه
اميربقهر: ايمان انتي فعلا عايزنا نفترق, يعني قررتي تسبيني ياتري حاسه ان فيه راجل غيري ممكن يخليكي اسعد مني , لو ده كان هيسعدك انا هقبل نفارق
امير كأنه مات باللحظه ووقف ثواني ساكت مصدوم من كلماتها الي كسرت بيه كل امل ناحيتها اتحرك بخطوات وآسعه وطلع من المكتب وحاسس بالضياع محتوي كل جزء فيه
..............قصص منه محمد كاتب............
انتهت من صلاه لقت تلفونها بيرن حطته ع ودنها سمعت للمتصل وبعدها نزلت الموبيل وقعدت مصدومه
امير سلم وقعد جنبها : مين اتصل بيكي دلوقت
ايمان سكتت كتير وقالت : ده عمك وقالي ان ليلي في المستشفي
صابرين: ليلي في المستشفي ليه
عادل :امتي حصل ده ,طيب يونس قالك حاجه عن مرضه
ايمان اتكت ع شفايفها وطلعت الكلمه غصب عنها : حصلها اجهاض
صابرين شهقت: استغفر الله ايه الي حصلها وحامل اصلا ازاي
عادل وهو مش مستوعب : لا حول ولا قوه الابالله, يله نمشي بسرعه يا صابرين زمان يونس عامل عمايله
ايمان شافت امير بيلبس وشكله قلقان متوتر من الزعل جالها تقلصات وفضلت تتوجع
امير نخ قدامها: حبي انا رايح المستشفي , اشوف وضع ليلي
ايمان :يعني مينفعش الصبح
امير عقد حواجبه: لاء مينفعش لانها حاله طارئه , وعايز افهم ده حصل ازاي , انا حقيقي قلقان ع عمي وعليها منه
ايمان: اتفضل روح
امير مسح ع شعرها الي واصل لكتافها وقال: حبي هرجع بسرعه , هظهر نفسي عشان اواسي عمي ومراته
ايمان وهي مقهوره: قلت اتفضل
امير مسك صوابعها وقربها من شفايفه وباسها : حياتي انا مش هروح الا لما توافقي اروح , غير كدا لبن اميره خلص هشتريه في طريقي
.ايمان بعدت عيونها عنه وحست الضغط ارتفع عندها
امير مشي ناحيه الباب ولف بصلها وقال في سره: هي مضايقه هروح شويه وارجع
ايمان دخلت المطبخ ومن كتر عصبيتها وهي ماشيه اتزحلقت ووقعت في المطبخ ورحمه رفعتها وجريت جهزت شنطه لما لقتها بتنزف كان امير رجع لانه لقاه نفسه نسي محفظته وبيركن شافها قاعده عند البوابه وقدامها شنطه
امير اخد نفس وزفره بزهق وقال لنفسه: دايما مضايقه وتكبر في الامور و اكيد عايزه تسيب لي البيت وتمشي
امير نزل من عربيته ووقف وراها: حبي ايه الي مقعدك بره لدلوقت كل ده عشان قلت اروح ازور ليلي تلمي شنطه هدومك يا روحي ليلي بنت عمي
ايمان وهي بتحاول تكتم الوجع والالم لكن غصب عنها مسكت بطنها والدموع بدئت تغرق عيونها
امير لف بسرعه قدامها : انتي تعبانه مالك
ايمان انهارت تبكي زياده
امير أنهار قدام دموعها والتوتر أعتلى قمة ملامحه وهو يمسح دموعها : حبي فيكي ايه قولي لي
رحمه جريت عليه : الحمد لله انك رجعت اتصلت بتاكسي خد ايمان للمستشفي
امير: ليه فهموني
رحمه وقعت في المطبخ وجالها نزيف ورفضت اتصل باي حد
امير : وليه متصلتيش بيا ع طول مستنيه ايه , خدي بالك من اميره واقفلي عليكم الباب وياريت تجب لي محفظتي نسيتها جنب التلفزيون
رحمه :حاضر ثانيه
امير مسك ايد ايمان :يله نروح
ايمان : مش قادره
امير: انا اسف فهمتك غلط بس ليه متصلتيش بيا اطمني ابنا هيكون بخير
ايمان حسيت برجولها مابقتش قادره تشيلها قالت بألم: مش قادره يا امير
امير سحبها له وضمها بقوة رفعها ع ايده واخدها لحد العربيه
...................
ليلي ابتسمت بشيطنه وقالت في سرها: هثبت ان امير بيحبني عشان الحشره دي تعرف مكانها
صابرين فتحت الباب: ليلي ازاي ده حصل
عادل: مش وقته يا صابرين
يونس بغضب: معرفش حصل ايه في عقلها , لحد ما زنت وحملت في عيل من الحرام , ومنعرفش مين الندل الي غلطت معاه , وحطت راسنا في الوحل
شاهيناز: مش كفايه زعيق وعصبيه , بنتنا مقهوره وانت نازل لوم وعتاب فيها
يونس: امال اللوم واعاتب مين انتي, ما هو انتي فعلا الملامه عماله تجري وري رغبات بنتك لو الخبر انتشر والكل عرف مين الي هيتفضح وسيرته هتبقي ع كل لسان , مين
عادل: يونس اهدا محدش يتمني موقف زي كده , بس مش وقته متخلهاش تروح للمـ وت مره تانيه حصل الي حصل مش هنغيره نعرف الاول مين الي عمل كده
يونس : انا عمال اسالها من الصبح مش عايزه ترد
عادل: ليلي ابوكي واحنا بنسال مين المسؤل عن الجريمه دي
ليلي بصتلهم وكأ،ها بتقولهم انها مفتخره بالي عملته وفضلت ساكته
عادل: مش هتجاوبي وتقوللنا هو مين
صابرين : يابنتي انطقي مين ابن الحرام الي غلطتي معاه
يونس بشبه صراخ: اتكلمي
ليلي قالت بكل برود: امير
صابرين بذهول وصدمة: مين هي قالت مين يا عادل, امير ابني