رواية ضحية فرعون الفصل السادس عشر 16 بقلم منه محمد
في العربيه
امير الفرحه بتنط من عيونه: انا مبسوط جدا عندنا ولدين تؤام , دي وراثي من امك , جابت ولدين تؤام واحد منهم اتوفي
ايمان بصتله بتعجب: بس ازاي عرفت ان كان ليا اخين تؤام
امير ابتسملها: طبيعي اعرف اخبار عايلتك لانها عايلتي التانيه
ايمان: ليه مروحتش تزور ليلي
امير: عادي المره الجايه الاول ارجعك ع البيت ترتاحي شويه , عايز اهتم بيكي وبولادنا اما ليلي عندها عايله ممكن تهتم بيها , غير كدا بابا وماما معاها هما بدالي
ايمان حست انه فعلا مش مهتم بيها ولا بالمصيبه الي واقعه فيها فده في حد ذاته طمنها شويه
امير تلفونه رد حط السماعه ورد والفرحه أعتلت قمة ملامحه : الو يا ماما عندي ليكي اخبار تجنن هيجيلك احفاد تؤام صبيان...ايوه والله بتكلم بجد....طبعا فرحان جدا يا ماما....ايه ليلي بعدين لازم ارجع ع البيت عايز مراتي ترتاح....ايوه تمام سلام
ايمان لاحظت انه وشه اتغير وكشر فسألته: فيه حاجه
امير : معرفش ماما بتقول ليلي مصره تشوفني الليله , زي ما يكون مفيش بكره ماما بتقول ضعيفه ونزفت كتير
ايمان: خلينا نروح المستشفي
امير: لاء لاء عايزك ترتاحي , وكمان الوقت اتأخر
...............قصص منه محمد كاتب...............
في الليفنج
صابرين: عامله ايه دلوقت ايمان
امير: الحمد لله احسن بكتير يا ماما
عادل: امال هي فين
امير: نامت شويه , تصوري ياماما ايمان كانت منشفه دماغها نروح نزور ليلي مع ان الوقت متأخر رغم ايدها بتوجعها
صابرين: مش فاهمه ازاي وقعت في المطبخ , هي ليه مش بتاخد بالها
عادل: امير
امير:نعم يا بابا
عادل: بخصوص حمل ليلي واجهاضها عندك الي تبلغني بيه
امير: ليه بتسألني انا الي المفروض اسالكم لانك روحتوا تزورها , وازاي ده حصل استني متقوليش انك بتتهمني بأنه انا
عادل بحده: لو عملت كدا اعترف متبقاش ندل
امير: معملتش حاجه يا بابا
صابرين: امير اياك تهني انا و ابوك , لو عملت كدا خليك راجل واتحمل المسؤليه
امير بعصبيه ونرفزه: وليه لازم اتحمل مسؤليه بحاجه انا معملتهاش , وبجد مش عايز اسمع الاتهام ده تاني , انا متاكد معملتش حاجه زي دي
.............قصص منه محمد كاتب..............
كانت حاطه دماغها ع المخده وبتفكر في الي هينتج بعد خطتها الشيطانيه لحد ما لقته داخل
ليلي اتعدلت بفرحه: امير
ايمان دخلت مكشره: حالك عامل ايه يا ليلي , مسكينه بعد ما خسرتي ابنك
ليلي: انا مش زعلانه , بالعكس حاسه بالراحه لما الامر انتهي , لا هيضايقني , ولا هيفضحني
ايمان: بس الطفل بريئ مينفعش تقولي كده
ليلي بصتلها بنظره الود تدبحها ونطقت بحده : امال عايزني اقول ايه , بلاش انتي بالذات تتصرفي معايا بالنبل ده , زي ما تكوني فعلا نبيله
امير بعصبيه: تعرفي انتي لو كنتي اختي الصغيره كنت قتـ لتك ودفنتك, انتي حتي مش ندمانه علي عملتك المهببه ولا حتي شويه ,مش عارفه حجم المصيبه الي عملاها انتي زانيتي وحملتي من غير جواز شرعي واجهضتي الطفل ,ازاي وصل بيكي الحال للوضع المنحط ده انا فعلا خاب املي فيكي
ليلي بصراخ: عايز تعرف ليه حصل كل ده , لان خاب املي فيك انا كمان, لانك حطمت امالي كنت دايما بسعي اكون مراتك بس انت دمرت كل حاجه بسبب الست دي ,عشان كدا دورت ع المتعه مع راجل تاني
امير: خيبه وري خيبه اياك تديني اعذار وهميه , انا اصلا بحمد ربنا وبشكره انك مبقتيش مراتي , لو اتجوزتك واتخانقنا كنتي لفيتي تروحي لراجل تاني عشان تهدي غريزتك , اعوذ بالله منك
ليلي: لاء يا حبيبي متتصرفش قدامي بشرف , كل اسرارك في جيبي انت مبسوط انك متجوزتنيش خليني اسال مراتك هي مبسوطه بزوج زيك يمكن مش فاكره اي حاجه بس انا فاكره فاكره مره لما كنا في المكتب وبلغت ايمان انك عايز تتجوزني بعدها وصلتني بس انت منزلتنيش قدام البوابة وبس وصلتني لحد غرفه نومي , كنت بتعمل ايه جواها , ايه نسيت
امير: ليلي متصعيش وتخلقي قصص
اما ايمان قاعده وملامحها ثايرة بدون ماتتكلم وبتحاول ماتخنقهاش الدموع وتجاهد نفسها تتماسك
ليلي: كان متوتر بسببك وقتها
ايمان : متتهمهوش
ليلي بشخط: انا بتهمه يا غبيه , انا حملت واجهضت بسببه
اميربكل عصبيه: ايه الكلام الفارغ ده
ليلي : يمكن مش فاكر كل حاجه حصلت بس انا نسيت اخد برشامه منع الحمل وبعدها حملت واجهضت ابنك العيل ابن جوزك
امير ماقدرش يتحمل وعلى طول صرخ بقوة : ليلي وصل بيكي التمثيل أنها تكوني نسخة من شيطان قاعد يمثل
ايمان قامت بكل هدوء غريب احتواها ورايحه في اتجاه الباب
امير سحبها من دراعها : ايمان دي كدابه والله العظيم ما جيت جنبها ولا لمستها
ايمان حست نفسها تايهه وأن نبضات قلبها بتغيب في عالم أسود غطيس ومكمله طريقها
امير وقف قصادها يمنعها تخرج وقال, : حبي استني مش هتمشي لحد ما تقول الحقيقه حالا ولو مقلتيش الحقيقه مش هتشوفي وشي تاني يا ليلي
ليلي بسخريه : مضحك اوي شوف وشك مرعوب وخايف , بجد كوميدي , وانتي صدقتي كدبتي
امير :شوفيتي مش قولتك دي اتجننت , وبتتكلم بكلام فارغ , ايمان انا معملتش حاجه معاها ابدا صدقيني
ليلي: هتمثل انك فقدت الذاكره عادي سبني انعشهالك , مدام ايمان خدي بالك من مزاج جوزك الحنون
امير بصوت جهوري : احسن لك تخرسي
ليلي : انت الي تخرس , كنت متوتر وانت بتلمسني تمام بعترف ان انا الي بدئت حضنتك وبوستك بس انت مرفضتنيش , وبعدها اتعمقنا , وفجاه تلفونك رن رجعت لوعيك متخيل لو مش مضطره ليه هجض ابنك دلوقت
امير : انتي بتخرفي تقولي ايه , انتي كدابه اعترفي وخليكي صادقه مع مراتي , ملمستهاش ابدا والي قالته كله كدب في كدب
ليلي : اوكيه انا كدابه اثبت لمراتك اني كدابه , وسواء صدقتي جوزك ولا لاء , معنديش خلاص الي اخسره
ايمان: عندك الي تخسريه نزلتي بكرامتك للحضيض دي مش خساره يمكن دلوقت متهمتميش لانك واثقه انك لا يمكن تستردي كرامتك بس غلطانه مش هتعيشي وتخلدي في الدنيا الموت هياخدك فوقي قبل فوات الاوان وانا مش زعلانه منك ولا منه اذا كان سمحلك تحضنيه قدامي فمبالك من ورايا الامر مش مفاجاه وصدقيني مبقتش اهتم اصلا انجرحت واتأذيت لفتره طويله عشان كدا بسماع قصتك اتعودت ع كده
امير برجاء: يا ايمان سبيني اشرحلك
ايمان: مهما كان السبب دخولك غرفه بنت مش من محارمك غلط , حتي لو كنتم ولاد عم ولا اقارب في الدين حرام , وعشان يتيسر لكم الحلال الافضل تتجوزه فورا , اصلا من الاول لايقين ع بعض , الف مبروك
امير بعصبيه وصراخ: انا حاسس بخيبه كبيره , قلتي انك بتحبيني فأزاي قدرتي تهدي حياتي الي بحاول ابنيها مع مراتي انتي قاسيه يا ليلي
ليلي: عشان مش عايزك تكون مع ست غيري فهمت هدفي
امير: تعرفي ليه فضلت ايمان عنك بسبب حبها الطاهر , مش شايفه مراتي حامل وفي فتره حساسة ورغم كدا سمحت لي اتجوزك وعمرها ما فكرت في نفسها اطلاقا الي يهمها هو راحتي وسعادتي ده الحب
ليلي : يعني مش بتحبني امال كل المده دي كانت ايه نوع علاقتنا , ليه سمحت لي احضنك وابوسك ليه سبتني اتعلق بيك , ايه كل ده
امير : انتي غبيه , قلت لك الف مره انا بستغلك اضايقها
ليلي حطت ايدها ع ودنها وبتصرخ بأنهيار: اخرس مش عايزه اسمع اي كلام تقوله , ازاي قلبك طاوعك قلت انك مش بتحب الست دي كدبت عليا ولعبت بمشاعري
امير : اه كدبت وخسرت خسرت حب ايمان النقي , هي مستعده للتضحيه عشاني وعشان ولادي, اما انتي انانيه , ومحبتنيش ابدا
ليلي بتمسك ايده: لا يا امير انا بحبك , انت بس الي بتخليني احب الحياه , من فضلك يا امير متسبنيش
امير سحب ايده منها بقوه : لآء لاء انتي غبيه , ايوه غبيه متعرفيش معني الحب ,مفيش في قلبك غير الغيره , والحسد والحقد, قلبك كله فساد
ليلي: والله العظيم لاخليك تندم يا امير
اميررماها بنظره تهديد و مشى بخطوات واسعة ناحيه الباب وهبد الباب وهي صرخت بانهيار
شاهيناز دخلت ضمتها : بس يا ليلي كفايه انا هنا كفايه , والله ليدفع التمن راجل وقح
ليلي بحقد: مش هسمح يكونوا مبسوطين سوي, لو ماخدتهوش مش هسيبه معاها
............قصص منه محمد كاتب............
ع الموبيل
بسيمه: بجد راجعه القريه
ايمان: ايوه راجعه هصلي معاكم العيد انا واميره
بسيمه: وانا هعمل كل اصناف الاكل الي بتحبيه , اساسا فاضل ايام ع العيد ونودع رمضان
ايمان: وحشني المحشي بكل انواعه
بسيمه: عيوني
ايمان: ماما اشتريتوا هدوم العيد لاخواتي ولبابا , لو لسه انا هشتريهم
بسيمه: لا مفيش لزوم عندهم هدوم قديمه لسه بحالتها ملوش لزوم تبعزقي فلوسك
ايمان: انا نادر لما بشتري حاجه ليكم
بسيمه: خلاص زي ما تحبي انتي خلاص اخدتي قرارك بس لو لسه صلي استخاره خراب البيت مش بالساهل يا ضنايا
ايمان خلاص صليتها يا ماما وقراري زي ماهو
بسيمه : صليها مره تانيه متبلغيش في ثقتك في نفسك , يا بنتي القدر بيتغير , مابالك بقلب الانسان , ربنا يهدي سرك ويكتب لك الي فيه الخير
ايمان: امير حقيقي اتغير وبيعاملني بشكل كويس جدا , بس لسه بيثور ويتعصب اوقات
بسيمه : اتعصب ومد ايده عليكي وضربك
ايمان: لا مش للدرجادي انه يضربني , بس بيزعق ويثور ويكبر الامور , متقلقيش يا ماما
بسيمه : طيب ايه رايك انا شاكه انه ضربك بايده ولا برجله, لو كدا والله ما هسيبه , ولو مش عايزه تكملي معاه نطلقك منه
ايمان جففت دموعها وقالت: تمام هنزل اشتري الهدوم اتفاقنا
بسيمه : خدي بالك ع نفسك مع السلامه
ايمان :مع السلامه
مرزوق بصلها : هو امير رجع يتعصب عليها تاني
بسيمه : لا بس سواعي اعصابه بتفلت , بس مضربهاش هو بس بيعكنن عليها الجو
مرزوق حدف القماشه الي في ايده وحط ايده الاتنين في وسطه وقرر يرجعها عنده تاني
................قصص منه محمد كاتب...........
واقف ناحيه الشباك خايف ومتوتر لحد ما سمع دقه خفيفه ع الباب راح فتح لقاها
امير: تعالي
ايمان واقفه ع عتبه الباب: اسفه لازعاجك , فين اميرة هي مش في اوضه جدتها , ومش تحت
امير: اميره خرجت مع جدتها عشان كدا مش لقياها , راحت تجبلها هدوم العيد , وانتي رايحه ع فين
ايمان: رايحه اشتري هدوم لاخواتي , وراجعه القريه بكره ففكرت اخدلهم هدايا معايا
امير: انتي نسيتي انك لسه تعبانه مش الدكتوره نصحتك بعدم الحركه فتره كبيره
ايمان : عادي لازم اتعود اكون مستقله , في النهايه مسيري همشي واعتمد ع نفسي , لازم اكون قويه عشان ولادي
امير : وانا روحت فين انا معاكي , تعرفي ليله امبارح فضلت افكر فيكي وروحتلك بس قفلتي ع نفسك الاوضه , كنت عايز اصحيكي تتسحري بس مردتيش عليا , لو كنت زعلانه مني عاقبيني ,مش تعاقبي نفسك
ايمان الموضوع مش اني مش عايزه اقوم , انا نمت ومسمعتش وانت بتخبط ع الباب
امير : حبي ممكن تديني خمس دقايق ,عايز اشرحلك الي حصل بيني وبين ليلي , ارجوكي هما دقايق
ايمان دخلت وقعدت قدامه ع الكرسي بكل هدوء!
امير :شوفي انا بعترف اني وصلتها لحد بيتها بس بعد ما قالت لي انها حاسه بزغلله ودوخه وهيغمي عليها وبمجرد ما وصلتها طلبت مني ارفعها اطلعها اوضتها واقسم لك عمري ما فكرت المسها ولا اعاشرها
ايمان بهدوء: كمل
امير : رجعت ع البيت ع طول واتصلت بمراه عمي وقالت لي ان دماغ ليلي اتخبطت , وفضلت اتكلم معاها حوالين جوازنا الغبي
ايمان بستهزاء: الغبي انت الي كنت عايز تتجوزها بلهفه مش صح
امير : انا طبعا بعتذر عن غبائي , وده كان اغبي حاجه عملتها وصدقيني ده مستحيل يحصل ابدا في حياتي بصرف النظر لو لسه بتحبيني او لاء انا لغيته لاني مش هقدر اعيش مع ست تانيه غيرك
ايمان : تمام خلصت , وانا اخدت قراري
امير اتكلم بقهر: يعني اخدتيه فعلا هتسبيني, يعني بجد مفيش مجال تحبيني , واكسب حبك
ايمان قامت من المكان: حنين في السكه دلوقت , لازم امشي
امير لنفسه : اوعي تستسلم يا امير, لايمكن تسيبها , بس اعمل ايه
..............قصص منه محمد كاتب...............
راحت المول وشافت فستان حمل معروض ع المليكان وقفت تشوفه وهي بتبسم وبترجع لوري داست ع رجل شخص ما
ايمان من غير ما تلف قالت: متاسفه
امير وقف وراها: لو كان عجبك خديه , خديه حتي بالملكان
ايمان لفت وبصتله وهو غمزها وابتسملها لحد ما بانت اسنانه المرصوصة جنب بعضها
ايمان بتتجاهل النظر في عيونه : انت بتعمل ايه هنا
امير رفع كتافه لفوق وبصلها بنظرة هاديه وقال: بتسوق مش من حقي , وبعدين قررت اشتري هدايا رمزيه لاهل مراتي , ممكن اسافر مع حبيبه قلبي الجميله لقريتها
اكرم قرب وهو بيبتسم بمكر: امير ايه المفاجاه الحلوه دي
حنين بصتله بنص عين: ده ع اساس انه ميعرفش ان احنا هنا , تصور فكرته شاب واقف بيعاكس واتضح انه امير , بس ليه مظهرك روش كدا , وزي ما تكون مش راجل متجوز بالاستايل ده , خد بالك هتتاعكس وانا واثقه هتوقع في حبك بنات كتير, بس لو شايل اميره الناس هيفكروها اختك الصغيره مش صح يا اكرم
اكرم ضحك: صح جدا
حنين : حتي شوف هناك تلات بنات بيبحلقوا فيك
اكرم : عندك حق يا حنين منا سمعت انه بقي سنجل هيرتفع سهمه
امير ضرب اكرم بالكوع في معدته الي اتأوه لان ايمان كشرت
حنين لايمان: متكشريش كدا , طولي بالك ده دور امير سبيبه يلاقي رفيقه الاول , بعد ولادتك هيجي دورك وهيكون فيه طابور من العرسان في انتظارك , انتي ليكي معجبين كتير مش كده يا اكرم تعال نروح المحل ده نتفرح ع ملابس الاطفال , محتاجين كتير
اكرم :يله متركزيش ع امير
امير حط ايده قدام عيون ايمان الي بتبحلق في البنات وهي زقتها بغيظ
امير مش جنبها وقال: حبي متضايقيش من كلام حنين , زي ما تكوني متعرفهاش بترغي باي كلام , مش عايزه تشتري اي حاجه هدوم اطفال
ايمان بصتله: انت ليه لابس بنطلون كاتنج وتي شيرت ضيق كدا وبارز عضلاتك, ايه متحمس تكون سنجل
امير ابتسم : اطلاقا يا حبي , سيبك من الي بلبسه , قلبي مش هيضم غيرك , تعرفي كل يوم بحبك اكتر , ها مش هتشتري حاجه
اكرم قرب منه : حاجات مراتك في ايدي اليمين , والشمال حاجات مراتي ,عشان كدا متترددش وخدها
امير اخد اللاكياس الكتير في حضنه وقال بمرح :انا مستعد اشيلها هي نفسها , مين ميحبش مراته
اكرم : كفايه هزار يله نمشي
امير بستفهام: ع فين
اكرم :نقعد نشرب اي حاجه
امير : تمام يله
.................قصص منه محمد كاتب............
عادل بيمسح ع شعر اميره الي غرقانه في النوم وقال بحزن كبير: البنت زعلانه زي ما تكون عارفه ان امها وابوها هينفصلوا
صابرين: انا مش عايزه ابعد عن اميرة دي حفيدتي , ومش عجبني تاخدها امها وتمشي وتبعدها عننا , وعن ابوها
عادل : خلاص حاولي تقنعي ايمان مره تانيه
صابرين: غلبت مفيش فايده , ريقي نشف وانا كل يوم بحاول بطرق مختلفه اقنعها تكمل في جوازها بس قلبها مجروح اوي عشان ابنك محسسها انه تعيس معاها
عادل : فين بس الي تعيس معاها , ده شايلها ع كفوف الراحه وبيحاول يراضيها
صابرين: شوف بيعاملها ازاي , ده عمره ما عاملني زيها ابدا
عادل : افضلي ادعي يا صابرين دعائك مستجاب
...........قصص منه محمد كاتب.............
قامت اتوضت وصلت وبعد ما خلصت قعدت ع السرير وحطت دماغها ع المخده وألف سؤال وسؤال في عقلها ألي حاسه انه كبر اد البالونه وبأي لحظة هينفجر وقالت: يارب ليه بفكر فيه بستمرار ده كان سم لحياتي مش هسامحه بسهوله كرهي مش بيتلاشي بسبب تعاطفه ليه بقيت بكره ....رغم بحبه ......يارب ارشدني لطريق الهدايا
امير هنا فتح الباب ببطئ وايمان غطت نفسها باللحاف ومثلت انها نايمه وهو اغلق الباب بهدوء واتقدم وبكل خطوة تزيد المشاعر وتتفجر معلنة أنهزامها راح جنبها وفضل يتأمل ملامحها وجواه رغبة يلمها بين أحضانه .. وبكل حنية حط ايده على شعرها ويمسح عليه أول مابعد شعرها المتوزع عن وشها عقد حواجبه لما بانت تجاعيد ما بين حواجبها وشها مليان تعب وعيونها متورمه ومايله للون الاحمر
امير مال عليها: حبي اسمحيلي انام جنبك الليله , محتاج انام جنبك ع اد ما اقدر قبل ما تمشي حياتي مش هتكون ليها معني من بعدك ,هفتقدك وهفقتد اميرة , وهفتقد ابني الي جاي بس اعرفي اني بحبك جدا
ايمان لفت بصتله وشفايفها بدئت تهتز والدموع غرقت عيونها لما اتأكدت انه نام وقالت :يارب قويني ع الانفصال
ايمان تلفونها رن كانت راحت في النوم وهو اتحرك ومال عليها واخد الموبيل ورد
امير: الو يا اكرم ايه بجد بتولد الحمد لله متقلقش ان شاء الله تقوم بالسلامه هي وابنكم اطمن سلام
امير يهزها: حبي قومي
ايمان بتتكلم وهي رايحه في النوم : مش عايزه اشرب اللبن عايزه بيتزا
امير: بجد عايزه بيتزا لدرجه تتكلمي وانتي نايمه , حبي اصحي اكرم اتصل بيكي من شويه وقال حنين بتولد وهي حاليا في العمليات
ايمان فتحت عيونها وقامت اتعدلت
امير: بصي انا هروح المستشفي شويه , اطمن وارجعلك
ايمان: دي قالت هتولد الاسبوع الجاي بس هي مشت كتير النهارده الصبح, كده ولاده مبكره هلبس_ بتنزل من ع السرير_
امير مسكها : يا حبي ع فين مش هسمحلك تروحي وخاصه بوضعك الصحي الحالي , وبعدين احنا الساعه اتنين خايف عليكي تتعبي تاني ,ويحصل حاجات احنا في غني عنها , متقلقيش انا هروح ابقي معاهم, واول ما اوصل هناك لو حصل اي جديد هتصل بيكي وبكره الصبح اخدك تزوريها اتفاقنا
ايمان كشرت والدموع اتعلقت بعيونها
امير : حبيبتي بلاش تتقمصي مني , انا بعمل ده لمصلحتك
ايمان نزلت دموعها: لما ولدت اميره واحمد كانوا هما الي جنبي بكل اخلاص , الفرق الوحيد مكنش معاد ولادتي , وكنت مجروحه باصابات خطيره , واضطريت اعمل عمليه عشان انقذ حياه ولادي , واكرم هو الي وقع ع الموافقه , مين السبب مكنش عندي زوج يساندني وقتها واهلي اتخلوا عني كاني جرثومه معديه , حنين بس الي كانت جنبي , عشان كدا جات اللحظه الي انا متاكده انها محتجالي جنبها حنين حاجه كبيره اوي بالنسبه لي
امير : الحمد لله وبشكرك انك ضحيني بنفسك , وعطتيني كنز ميتقدرش بتمن
..............قصص منه محمد كاتب............
في المشفي امير خبط ودخل ومعاه ايمان
اكرم بفرحه: شوفت بقيت اب
امير: الف مبروك
اكرم: واتفرجت ع حنين وهي بتولد, فعلا الجنه تحت اقدام الامهات مش من فراغ بجد الولاده صعبه جدا
ايمان باست جبين حنين وبسعاده: مبروك يا حنين بقيتي ام , اتمني تبطلي تتصرفي بجنون وتركزي كدا وتعقلي
حنين: يعني انا مجنونه يا مهبوله
ايمان بضحكه: شايفه اسلوبك متغيرش
حنين: امير انت ليه ساكت قريب هيجي دورك , اتنين في وقت واحد وساعتها هتبقي محتار تأذن لمين فيهم الاول
امير بص لايمان وقال بأمل: اتمني بجد اخد الفرصه دي وقتها
ايمان نزلت دموعها بشكل يقطع القلب وبعدت عيونها تهرب من نظراته الي حست انها بتلاحقها
امير راح وقف جنبها وقال وهو بيمسحلها دموعها : معلش ياحنين مراتي حساسه شويه دلوقت عشان كدا حزينه
ايمان بأبتسامه: اكرم هو ممكن احضنه
اكرم بمرح: حنين عندك اي اعتراض
امير اخده من ايد اكرم وراح بيه ناحيه ايمان وعطهولها في حضنها
ايمان ابتسمت : الله لطيف وملامحه زي ابني احمد
حنين: اول ما شوفته انا اذبهليت فعلا شبه اوي
امير مد ايده مسح دموعها وطبطب عليها: ممكن كفايه دموع , ابننا عصفور في الجنه مش عايزه يشوف حزن امه , غير كدا ابن حنين شبه ابننا , متخلناش نستقبل ولادته بالحزن والدموع اكرم سميته ايه
اكرم : اتفاقنا نسميه احمد
ايمان : بجد احمد
................قصص منه محمد كاتب..............
في العربيه
ايمان كانت مغمضه عيونها ومره واحده شهقت وفتحت عيونها
امير في سره : لو الحب يتطلب التضحيه, انا راضي الي يهم هو سعاده ايمان
ايمان: ليه وقفت
امير: عايز اشتري اكل مش كان نفسك تاكلي بيتزا
ايمان: ازاي عرفت اني نفسي في بيتزا
امير بختصار: استنيني في العربيه مش هطول
ايمان لنفسها.....عرف منين نفسي في بيتزا , فكرت كنت بحلم ليه بقي مهتم بيا بزياده لا لا هسيبه افتكري كان بيعذبك من غير رحمه لفتره طويله , ايمان لازم تقسي قلبك
امير بعد ما دفع الحساب وخارج من المحل جات عربيه بكل سرعتها ضربته وهربت وايمان نزلت تجري عليه وحابت تسنده
امير وقف وصرخ: لا مش قادر
ايمان : ده قاصد يخبطك , ده واحد مجنون ضربك وجري
عامل من المحل سنده: انت كويس
امير: انا كويس مش هموت متشكر ياعمي
الراجل: الحمد لله
ايمان لفت ايده ع كتفها : اسند ع كتفي
امير ركب العربيه وهبد ايده جامد ع الدركسيون: سواق غبي ده متعمد يخبطني , وبعدين هرب لو مسكته كنت كسرت وشه
ايمان بنرفزه: امير حاسب ايدك انجرحت جامد وبتنزف , ليه بتطلع غضبك عليها , يله نرجع البيت احطلك مرهم ع جرحك , ولايمكن تسوق انا هسوق بدالك
امير: سوري بس حقيقي متنرفز , بسببه مش هتاكلي بيتزا قبل الفجر ووقعت العلب ع الطريق هنزل اشتري تاني
ايمان بشخط : سيبك من الي نفسي اكله دلوقت لو عايزه هبقي اعملها بكره لنفسي , ومش عشان مش عايزني اسيب البيت مستعد تعمل اي حاجه حتي لو رجعتلك وعشنا مع بعض لحد ما نكبر هتفضل تعاملني بالطريقه دي طول الوقت طبعا لاء خليك ع طبيعتك
امير : تمام لو ده رايك معنديش كلام اقوله مهما حاولت ومهمها عملت عشان اسعدك بس فشلت وانتي لسه متمسكه بقرارك وصممه نطلق وننهي حياتنا سوي
استوب ياتري ايمان هتسيب امير وتمشي فعلا وليلي هتعمل خطه اكبر توقع ما بينهم ومين الي قرر ينهي حياه امير فكروا ونتقابل في احداث جديده😁😁😁😁