رواية ضحية فرعون الفصل الرابع عشر 14 بقلم منه محمد
امير بدأ يفوق ويقول بهلوسه: لاْ ايمان متسبنيش
صابرين: فوق يا امير
امير قام ماسك دماغه ونزلت دموعه بسرعة على خده وقال: ماما
صابرين: نعم
امير: ايمان مشت وسابتني
صابرين: يابني متقولش كدا
امير ببكاء: هي مشت وسابتني مراتي ماتت يا ماما ماتت
صابرين: لا واستغفر الله
امير: ليه جبتوني هنا احنا فين مش كنا في الببيت
عادل بهدوء: امير انت في جناح المستشفي اغمي عليك وبفضل الله ايمان رجعت لوعيها
امير: متكدبش عليا يا بابا شوفتها جثه قدام عيني وكلكم كنتم بتعيطوا
صابرين: يا حبيبي كنت بتحلم سمعناك بتهلوس , يا حبيبي مراتك لسه عايشه
امير: بجد
صابرين: ايوه والله ايمان لسه عايشه
امير: يعني الشئ الي شوفته كان حلم
صابرين: ايوه حلم
امير: عايز اشوفها
صابرين: مش دلوقت , سيبها ترتاح الاول, شوفها بعدين
امير: يا ماما كنت هخسر مراتي ,مش هقدر استني اكتر , ايه في صعوبه تفهوا قلبي ومشاعري
صابرين: عارفين مدي حبك ليها , بس ايمان منسيتش اخر مره شافتك فيها, لما كنت هتجوز من ليلي
عادل: وهي عارفه اد ايه اتخليت عنها , ودلوقت اعتقادها ملهاش علاقه معاك وقالت للكل انها مش عايزه تشوفك
امير بكاء ورجع دماغه لوري ع المخده وقال بنهيار هستيري : انا عملت ايه , عملت ايه
صابرين تحاول تهديه: اصبر وارمي حمولك ع الله
................قصص منه محمد كاتب................
في غرفه ايمان الي فاقت لكن وشها منفوخ من اثار العمليه ودماغها ملفوفه بالشاش وامها ماسكه ايدها بسعاده ظاهره ع ملامحها وملامح الكل لرجوعها للدنيا من تاني
ايمان: هتقعدوا فين الليله
بسيمه: امير عزمنا ننام في بيته واهله اصروا كمان وعشان كدا احنا محتارين
ايمان: اكرم حنين ممكن اهلي يقعدوا عندكم
اكرم بأبتسامه: طبعا اهلك هما اهلنا هنرحب بيهم ويزيدنا الشرف يبقوا ضيوفنا
ايمان ابتسمت: شكرا ماما مش عايزكم تباتوا في بيت امير , هما اه اهله ناس لطاف بس مبقتش مراه ابنهم , ليلي تقول ايه بعد ما بقت مراته رسمي , انا وهو علاقتنا انتهت
امير دخل وقال : انتي لسه مراتي وهتفضلي مراتي للابد
ايمان قالت بعصبيه: ياربي وبعدين بقي
امير يقرب منها: ايمان انا متجوزتش ليلي ومش هتجوز ست غيرك ثقي فيا وصدقيني
ايمان انا اكتفيت اكون مراتك عذبتني بما فيه الكفايه قلت انك بتحب ليلي ليه متجوزتهاش ودلوقت عايز الكل يشهدوا ع انفصالنا امير ابوس ايدك ارحمني واعتقني وطلقني حالا انا تعيسه معاك
امير : ايمان انا مش بحب ليلي وعملت ده عشان اذيكي , وبعترف دمرت حياتنا نتيجه لكبريائي وخربت بيتي انا اسف صدقيني مقدرش اعيش لحظه من غيرك , ولو كنتي زعلانه مني عاقبيني زي ما تحبي بس متسبنيش وارجوكي سامحيني
بسيمه :متاخديش قرار متسرع
ايمان ترفع ايدها و تمسح دموعهآ: يا ماما الموضوع متعلق بقلبي ومشاعري , مقدرش اعيش مع واحد مبقتش واثقه فيه قسوته دخلتني في صدمه نفسيه , ليه محدش عايز يفهمني , حنين قوليله يطلقني
امير: محدش هيقنعني افارق روحي
ايمان صرخت في وشه بشكل هستيري: طلقني بقولك
حنين مسكت خدودها: لا يمكن تطلبي الطلاق لانك حامل , عايزه جنينك يواجهه نفس مصير اميره واحمد يتولد من غير وجود الاب
ايمان ببكاء: مش طايقاه يا حنين يا ناس ياعالم نفسي ارتاح تعبت والله تعبت ,اطلبي منه يمشي مش طايقه اشوفه , قوليله انا بكرهه ,والله العظيم بقيت بكرهه
............قصص منه محمد كاتب..........
بعد اسبوع ايمان طلعت من المستشفي في حاله يرثي لها وجات الفيلا تسلم ع اميره وتودعها لحد ما تسترد صحتها وخصوصا انها حامل وامير كان مستخبي بيراقبها من بعيد وفضل واخد اجازه يراعي اميرة ويعوضها انه حرمها من حنانه ورعايه والدتها لحد ما في يوم البنت تعبت جدا وبقي يسهر بيها لوحده ورافض اي حد يقوم بالدور ده غيره كأنه بيعاقب نفسه انه حرمها من امها
صابرين دخلت عليه: اميره لسه سخنه يا امير
امير: اه
صابرين فتحت ايدها تاخدها منه: مسكينه تعالي لتيته تعالي
البنت رفضت بشده تروحلها واتمسكت في حضن امير الي قالها: مش عايزه خلاص يا ماما اكيد انتي تعبانه
صابرين: معلش صحيت متأخرة, اميره مبطلتش عياط طول الليل
عادل: طيب تعالي لجدو
امير: خلاص يا بابا اكيد حزينه اشتاقت لـ امها داده رحمه
رحمه: نعم
امير: فين اليانسون لاميره
رحمه: اهو يا بني اتفضل
امير قعد واخد البنت في حضنه بحنان طاغي وقالها: يله يا حبي اشربي اليانسون هتبقي كويسه
عادل: معلش يا امير لازم تصبر ده امتحان ليك
صابرين: هات يابني اساعدك
امير: مشفتش امها بقالها اسبوع , عشان كدا بتعيط كتير والسخونيه تهدا وترجع ع فترات
عادل: خلاص نتصل بيها تيجي تشوف بنتها
صابرين: يمكن لسه صحتها متحسنتش , سبيها ترتاح لو وحشتها اميرة اكيد هترجع يله نفطر
امير اخد نفس وقال في سره: يارب ترجعلنا يا ايمان
...........قصص منه محمد كاتب..............
حنين: في ايه يا امير ايه الي جابك الجيم هنا
امير بأحراج: انا عايزك تتوصتيلي اكلم ايمان واستسمحها, واعتذرلها
حنين : انا مش من حقي امنعك بس كصاحبه مقربه عايزه انصحك متحطش يقين انها هتسامحك بسهوله مفهوم
اميربصوته المخنوق: فهمت الي عملته فيها واضح انها يستحيل تسامحني عليه
حنين: لو كت تعرف ايمان وقوه ايمانها مش هتقول كده , طالما قادره تصمد تقدر تتحمل , لكن لو مقدرتش قلبها هيبقي اقسي من الحجر , وانا ححاول بس لو اتعصبت ولا انفعلت عليك تتحمل وتصبر
امير: تمام موافق
............................
كان قاعد في الجنينه يلعب مع بنته بالمكعبات دخلت ليلي وشاهيناز رفع بنته واخدها ودخل بيها جوه الفيلا
شاهيناز دخلت وراه: شكلك خاسس وبجد يخوف, مالك والله بشفق عليك, امك اتصلت بينا وقالت ان اميره عندها سخونه وفات كذا يوم ولسه مخفتش , ولما سمعت ده بدئت اقلق شايفه انها محتاجه ام , ليه متتجوزش وانسي خالص الي حصل بينك وبين مراتك وكمل طريقك وافتح صفحه جديده في حياتك وليلي اتغيرت كتير فيها ايه لو رجعتوا لبعض
امير: اميره محتاجه حنان ام فعلا , بس حنان امها وبس , مش ست تانيه , وهبدا حياه جديده مع ايمان مش مع ليلي, انا ع اتم استعداد استناها لحد ما تسامحني مره تانيه , حتي لو كان ده معناه استناها العمر كله
ليلي: ماما مفيش مشكله امير لسه حزين
شاهيناز: امير شايف ليلي عملت لك السمبوسك الي بتحبها بالجبنه دوقها حلوه جدا, تعرف ليلي بقت تموت فيها عشان انت بتحبها , واصرت تعملها حتي طلبت مني اعلمهالها بتتلف ازاي , كلها هتعجبك
امير شرد في ايمان وافنكر احلى أيامه معاها لما كانت بتلفها قدامه وهو يغلس ويرجع يفتحها تاني
ليلي : امير ليه مش بتاكل هو الاكل مش حلو
رحمه طلعت باميره ومخضوضه: امير بيه
امير قام بسرعه وهو بياخد بنته لحضنه: في ايه يا حبيبتي
رحمه: درجه حرارتها عاليه
امير وهو بيجري بيها ع بره: هروح بيها المستشفي
عادل: تعال وانا هسوق
صابرين قامت وسابتهم: خدوني معاكم
ليلي ضربت الارض برجليها : بنته دي طلعت لي في البخت اوف
.....................قصص منه محمد كاتب............
قاعده في الارض الزراعيه وفاتحه صوره بنتها قد ايه اشتاقت لها
حنين جات من وراها: بتعملي ايه هنا
ايمان لفت وضمتها بسعاده: حنين وحشتيني اوي
حنين وهي بتقعد قدامها: وانتي اكتر عامله ايه
ايمان: الحمد لله بس ماشاء الله بطنك كبرت
حنين: جينا نشوفك انا واكرم قاعدنا مع ابوكي جوه من نص ساعه , وانتي مش حاسه وحشك احدهم
ايمان : انا اسفه عقلي كان مشغول بفيديو لـ اميره , وحشتني اوي
حنين : فات اربع شهور من اخر مره شوفتيها ليه مروحتيش تزوريها لما هي وحشتك
ايمان :عشان مش قادره اتحمل اشوف وشه
حنين: ايمان احنا مجناش هنا بس نزورك انا جايه اقولك ان بنتك
ايمان بلهفه :مالها بنتي
حنين :اميره محجوزه في المستشفي روحي زوريها
ايمان وقفت في مكانها: ايه بنتي محجوزه في المستشفي وليه محدش اتصل بلغني
حنين مسكتها : استني اقعدي اسمعي للي هقوله الاول , اميره حرارتها عاليه بس لسه موصلتش لمرحله الخطر
ايمان خدها مليان دموع : بنتي المسكينه هي الي بتدفع التمن
حنين :اميره عندها جفاف , حماتك قالتلي من يوم ما مشيتي , وبنتك رافضه تاكل وعلي طول بتعيط , لولا كان امير متفرغ مكنتش اتحسنت , هو ع طول واخد اجازه عشان يراعيها , ارجعي اهتمي ببنتك هي ملهاش ذنب في الي بينكم , بصرف النظر عن حقاره ابوها متخليش بنتك تبقي ضحيه وتدفع التمن , بنتك محتجالك انتي وابوها
بسيمه قعدت : يابنتي كلنا عندها مشاكل , كلنا مضغوطين كل بيت فيه حكايه , ديون, قله شغل , مسؤليات , مشاكل بين الراجل ومراته , تعب نفسي دي سنه الحياه ربنا قال لقد خلقنا الانسان في كبد يعني التعب جزء من الرحله مش مبرر للهروب منها ده غير كمان ابنك الي جاي في السكه ملهوش ذنب واي ام مستعده تقدم تنازلات عشان ولادها انا جربت الم الفراق الضنا عشان كدا متعذبيش نفسك
ايمان: انا مش هربانه بس حقيقي مش طايقه اشوفه , رغم حاسه بالذنب في حق بنتي يا امي
بسيمه: حتي لو بتكرهيه هو لسه جوزك جنتك معاه ومدخليش عيالك في مشاكلك هو انتي مستعده تخسري بنتك زي ما خسرتي احمد قبل كده
ايمان : لا طبعا انا بحب اميره
بسيمه : وانا عارفه انك مش مبسوطه هنا , دايما سرحانه ودموعك ع خدك, عارفه ليه لانك قلبك مش هنا , هناك عند بنتك , ده الي حسيته لما مشيتي وكان نفسي ازورك بس ابوكي كان بيرفض , عشان كدا بقيت في صراع بين محبتك وطاعه جوزي , في الاسلام الزوجه ملزمه بطاعه جوزها من غير ما تغضب الله
............قصص منه محمد كاتب................
فتح الباب لقاهم واقفين ابتسملهم كترحاب
حنين: مساء الخير
امير: مساء النور متوقعتش تيجوا في الوقت المتأخر ده اتفضلوا
حنين دخلت خطوه وقالت: جينا نطمن ع اميره عامله ايه
امير: مش مبطله عياط بعد ما خرجت من المستشفي
اكرم: ولسه سخنه
امير: نزلت شويه , بس ليه بتشتكي هي طفله وربما محتاجه لـ امها اتفضلوا واقفين كدا ليه
حنين بخبث: ده امر طبيعي تحتاج لـ امها عشان كدا رجعت
امير وقف خطوته ولف بسرعه لقاه ايمان بتدخل من الباب بصلها بدهشه وابتسم وايمان جريت ع غرفه بنتها تضمها وتبوس فيها وهي نايمه وتقولها بدموع: حبيتي وحشتيني اوي كل يوم كان بيعدي كنت بفكر فيكي
امير دخل وقعد مقابلها وحط ايده ع كف ايدها وقال مبتسم بسعاده: انا كمان وحشتني مراتي اوي
ايمان سحبت ايدها منه وقامت قعدت في الجنينه مكشره جدا
امير اتحرك وطلع قعد قدامها بهدوء: اكلتي ممكن اعملك اي حاجه لو حبيتي
ايمان كشرت واستائت سبحان الله اللانسان الي كانت تتمني يحنو عليها بكلمه فجأه اتبدل الاحساس واتمنت لو تروح لأي مكان بعيد عن عيونه
امير حك انفه : بتعملي ايه لوحدك الوقت ليل والجو بارد ندخل
ايمان: ممكن تبطل تضايقني وتخليني مش مرتاحه وسيبني اتصرف زي ما حب ممكن مش محتجالك بتعملي صداع
امير اخذ نفس بقوة وغمض عيونه وكلم نفسه: اصبر يا امير محتاج كتير من الصبر وطوله البال, هي لسه ما غفت عنك
ايمان: بما انك هنا عايزه اقولك حاجه , عايز اخد اميره هي محتجالي دلوقت , ايه ردك مش هتمانع مش كده
امير هز دماغه: تمام طالما هروح معاكم
ايمان: مفيش لزوم انا وبنتي وبس ونقطه
امير: وعني انا ايه , شايفه ان اميره مش هتحتاج لـ ابوها بعدين , غير كدا فكري في وضعك الحالي شايفه تقدري تراعيها خاصه وبطنك بتكبر واميره مش بتبطل شقاوه وفرك
ايمان: متحلمش ارجعلك , وبعدين ابويا وامي واخواتي موجودين يرعوها معايا
امير: يا حبي طيب لو خلصت طاقتك مش عايز يحصلك اي حاجه وحشه , مقدرش اعيش من غيرك لاني بحبك وبحب اميره وبحب ابننا الي جاي , وعايز كل حاجه تبقي في امان
ايمان برفعه حاجب: معقول بتحب البيبي الي في بطني , مش يمكن هيخليك كبش فداء
امير :البيبي ابني , وعارف اني غلطت في اليوم اياه, لكن صدقيني مكنتش اقصد اي حاجه من الي قولتها ساعتها , وبعتذر بصدق
ايمان: متعبتش من الاسف والاعتذار , من اول ما دخلت حياتك وانا بسمع كلمه واحده من بؤك اسف , بس ايه النتيجه هنا , خبطت دماغي في الجدار ,وطردتني ,وسحبتني , ورفستني ودلوقت عايز تعتذر تاني كفاياك مفيش اي علاقه بينا بعد كده , اول ما اولد تطلقني نفسي اعيش مبسوطه بعيد عنك
امير: بعد ما مشيتي عرفت اد ايه انتي مهمه في حياتي
ايمان: مهمه من اي ناحيه شهوه ولا وضع اهانه, لوكنت بتحبني بجد تطلقني من غير مناهده ووجع قلب بكره الصبح هاخد بنتي وارجع القريه _مشت من قدامه بخطواتها الواسعة_
امير جري ومسك ايدها : ايمان
ايمان لفت بصتله بنظره غضب: متلمسنيش سامع
امير حس انه قلبه انخلع من مكانه وبعد ايده وقال اسف انا مش هلمسك مره تانيه لكن من فضلك اتوسلك متعمليش فيا كده خليكي هنا لحد ما تولدي واديني فرصه اهتم بيكم واوعدك لما تولدي هنفذلك كل طلباتك اوعدك
ايمان: تمام هقعد شهر واحد وهمشي ومش هرجع هنا تاني , بس الاول نكتب اتفاقيه تنص انك بمجرد ما اولد بالسلامه هتنفذ كل طلباتي من غير اي شروط , ولو اتخليت بيها هستخدمها دليل ضدك في المحكمه بعدين, قلت ايه اتفاقنا
امير :اوك اتفاقنا , لو ده هيعالج جرح قلبك هنفذه طالما انتي وبنتي هتبقو مبسوطين لان سعادتك وسعادتها هي الاهم عندي وشكرا
ايمان لفت وابتسمت بنتصار انها تفوقت عليه وسابته ومشت
...............قصص منه محمد كاتب............
مشت على أطراف صوابعها مش عايزه حد يحس بيها ونزلت للصالون تلف هنا وهناك والدنيا ضلمه مش شايفه
ايمان بترفع المخدات: تلفوني فين مش هنا
فتحت عيونها على الأخر اول ماحد شدها لحضنه ولف ايده حوالين وسطها ويتامل كل جزء من ملامحها بصمت
ايمان وهي بتبعد ايده عن وسطها: ايه ده بتعمل ايه هنا خوفتني, فكرتك حرامي ملكش اوضه تنام فيها
امير ابتسم أبتسامة مرحه مرسومة على شفايفه: وحشتني ابتسامتك الحلوه
ايمان عوجت بؤها : عمرك ما وصفت ابتسامتي انها حلوه قبل كده , عمال تكدب وبس
امير: اوقات مش لازم اتكلم عن كل حاجه ,بحب احتفظ لحاجات لنفسي ابتسمي شويه , ابتسامتك هتريحني ارجوك ابتسمي فات وقت طويل من يوم ما شوفتك بتبتسميلي الابتسامه الجميله الي كلها حب
ايمان :مبقاش فيه حب ليه ابتسم
امير ابتسم على خفيف :حبي تعرفي ايه الفرق بينك وبين اللمبه
ايمان انت بتحاول تراضيني وتخليني افرد وشي في وشك , انسي مش هتخلي قلبي يرفرف
امير: اللمبه بتنور الضلمه لكن انتي بتنوري قلبي الاناني المتكبر
ايمان بشخط: ممكن تفصل كلام
امير : وليه متكلمش بقالي اربع شهور متكلمتش معاكي , مش قادر اسيطر ع لساني ايمان انتي مسبتنيش اطلاقا لو للحظه
ايمان كشرت وبدون نفس: شايف لسه بتتكلم , هو مش ممكن تسكت
امير عمل حركات بوشه انه تعبان من حاجه
ايمان: في ايه ما تتكلم مش فاهمه
امير : مش قولتلي متكلمش , بس محتاج مساعدتك ممكن
ايمان :عايز ايه
امير : رجلي اتخدرت ممكن تقومي بتوجعني
ايمان قامت : سوري محستش كنت بتدور ع تلفوني هنا
امير : حبي مش قادر احس برجلي ممكن تتطمني عليها
ايمان بصتله كدا وراحت غرفتها وحدفت نفسها ع السرير...... ازاي اقعد ع رجله , ياربي الميه خلصت والتلفون ضاع , لا مش هنزل مش عايزه اشوفه تاني
حست بحد بيفتح الباب لفت بسرعه ومثلت انها نامت لحد ما امير دخل حط شفشق فيه ميه ع الكمدينو وتلفونها وقعد جنبها اتأمل ملامحها يشم ريحة عطرها .يسمع صوت أنفاسها مسح ع شعرها: هبقي الصبح اصحيكي نفطر سوي ماشي تصبحي ع خير , بحبك اوي
ايمان خلته طلع وقفل الباب وسحبت المخده وحضنتها لصدرها بقوة وهي بتحاول تمسك نفسها قبل ما تضحك
...................قصص منه محمد كاتب............
وقت الفجر ايمان حست انها جعانه جدا نزل تتسحب ع المطبخ لقته هيقع من فوق الكنبه
ايمان قالت: عامل زي العيل الصغير
امير مثل انه اتزحلق ووقع من فوق الكنبه وصرخ
ايمان وقفت وقالت: احسن يستاهل , سيبيه انا عشت اسوء منه وهو مرحمش ولا حن عليا
امير لما مشت وطنشته حس ان كل محاولاته يائسه
اما ايمان راحت فتحت التلاجه ووقفت تشوف الموجود فيها لثواني ...مليانه
بالأكل والفواكة أنواع وأشكال طلعت جبنه ومخلل ولسه هتاكله لقت الي بيشده من ايدها
امير: ايه ده هتاكلي مخلل الفجر , اولا هيعطشك وبعدين مش مفيد للطفل
ايمان: لما كنت حامل في احمد واميره ياتري اهتميت بالي باكله , حتي لو مت من الجوع مش هتهتم
امير بصلها ورجع قعد ع الكنبه وحاطط راسه بين ايده
صابرين قربت عليه : ابني يا مسكين ليه مش بتنام في اوضتك , مش احسن من نومه الكنبه
امير: لا يا ماما انا بس قلقان بخصوص ايمان خايف لتتعب ولا تحتاج حاجه ,عشان كده قررت انام هنا ابقي قريب منها
صابرين بسعاده: الحمد لله ان ابني اتقي الله وبقي يراعي مراته
ايمان لنفسها .....قلقان عشان حامل في ابنه لو غير كدا ولا كان اهتم اطلاقا ولا عبرني
............قصص منه محمد كاتب.............
ليلي مسكت تكسر كل حاجه وتصرخ: حيوان حقير منحط عايزه اشوفك في اللحظه دي
شاهيناز دخلت بفزع: ليلي في ايه حصل ايه , لا انتي كل يوم بتزيدي في الجنان
ليلي بصراخ : ماما امير وحشني ليه مش قادره تفهمي
يونس دخل بغضب: لحد كده وكفايه يا ليلي , بقيتي عامله زي المتسوله
ليلي: بابا لما الموضوع يتعلق بيا ببقي ع اتم استعداد ابقي وقحه وسافله فاهمني يا بابا
يونس : الدنيا مليانه رجاله بس امير الي عايزه رغم عصبي وهمجي
شاهيناز: صحيح يا ليلي مش خايفه يضربك اظن ضرب مراته وقدامك مش فاكره
ليل بعصبيه: مالكم لو عايزين تدعموني يا اهلا , لكن لو هتخوفوني مفيش داعي انا عنيده
يونس: احنا بننصحك وبس بلاش تكرري اخطاء الماضي , امتي هتعقلي وتكبري
ليلي صرخت فيه: ممكن تسكت يا بابا وتبطل تحسسني اني عيله كل شويه كده
يونس : شاهيناز خليها تعقل وتفهم قبل ما الناس يقوله بنتنا متربتش , ومش بتحترم حد
شاهيناز : بلاش تقول كده ليلي احنا ع العصر هنروح بيت عمك ونتغدا معاهم
.............قصص منه محمد كاتب..............
ايمان : صباح الخير يا بابا
عادل ابتسملها :صباح الفل والورد , صاحيه بدري ولابسه كدا ع فين
ايمان :عايزه اروح الجيم لحنين اساعدها , انا متعوده ع الشغل بحس بالزهق وانا قاعده في البيت
عادل : طيب بالنسبه لشغل الشركه انتي لسه مقدميش جواب استقالتك , وانا اعتبرتك واخده اجازه مرضي لما تكوني مستعده ارجعي انا هرحب بيكي الشركه فعلا محتجالك
ايمان نطت بحماس: بجد يا بابا ,تصور حسيت بالحماس
عادل ابتسم: طبعا بكلمك بجد هانمشي سوي
ايمان: لا هستني اقول الاول لـ امير
عادل : تمام هسبقكم انا
ايمان فضلت قاعده في الجنينه منتظراه لحد ما طلع ماسك الشوز
امير قعد يلبسه جنبها وهو بيبتسم: بتعملي ايه اشتغلتي فرد امن , حبي ادخلي استريحي جوه
ايمان قامت وهو مسك دراعها
ايمان بنظره تحذيريه: : انا وقفت بالفعل ابعد ايدك عن دراعي من فضلك
امير: انتي رايحه فين بكل الاناقه دي
ايمان : ع الشغل
امير سابها ومشي للعربيه وهي سهمت شويه بصدمه من اسلوبه انه ستبها ومشي اخدت بعضها ورايحه للبوابه
امير مسك دراعها : رايحه للشغل بايه
ايمان كشرت وعقدت حواجبها
امير : حصل ايه كنتي مبتهجه من شويه , حالا اتقلب مزاجك فجاه في ايه مش عايزه تروحي الشغل تعالي هوصلك خلينا نمشي
ايمان ركبت جنبه وبعد ما امير وصل لمحطه اتوبيس
ايمان : اقف هنا
امير وهو بيركن: ايه عايزه ترجعي
ايمان : لا هنزل اكمل بالاتوبيس طريقنا مختلف
امير من ساعه ما بقيتي حامل بقيتي حساسه , ليه هتركبي اتوبيس واحنا طريقنا واحد مش هنشتغل سوي وعارف لو كنت سيبتك في البيت هتجري رهوان ع حنين تشتكلها مش صاحبتك الانتيم هتقولها اني تجاهلتك لما ظهرتي رغبتك في الشغل ,وهتشتكيني اني مش عايزك تشتغلي معايا انا سمعت كلامك مع بابا
ايمان : يعني معندكش مانع
امير هز راسه ع خفيف: لا
ايمان حاجه كمان يعني هتسمح اني اشتغل في الشركه حتي بعد ما نطلق
امير طبعا ع الاقل اقدر اشوفك كل يوم ومش هتوحشيني كتير اي نعم مش هقدر اكلمك ولا لمسك بس ع الاقل ارتاح ان مراتي كويسه وعايشه بخير وهقدر اشوفها اربطي حزامك
ايمان بصت لقدام .........اوعي قلبك يلين ويحن , جمدي قلبك انك تسبيه
................قصص منه محمد كاتب................
ايمان جريت تضمها: وحشتيني اوي يا سوزي
سوزي: وانتي اكتر والله, الشغل من غير وحش بشكل
ايمان بضحكه: لا خلاص قاعده ع قلبكم ومربعه
حاتم واقف من بعيد مبسوطه انه شافها بصحه كويسه وبسؤال كانه بيتاكد منه: بجد ايمان رجعت الشغل
عادل هز دماغه: ايوه لايمكن تقعد في البيت , بتحس بالزهق بسرعه
حاتم : اونكل عادل واحده زيها ذكيه وملتزمه لايمكن تضيع وقت , متقدرش تقعد في الييت من غير ما تعمل حاجه , برغم انها حامل , لو كانت ليا
عادل : بس نصيبها جه مع امير , انجبرت تتجوزه
حاتم :انا اسف لو كنت لسه
عادل قطعه : انا فاهمك لكن بصفتي اب بطلب منك تقدم معروف ومتبقاش سبب في بعادهم عن بعض اكتر
حاتم : لا مستحيل اعمل كده ابدا
عادل : انا مش مولود امبارح ,وامير مش طفل صغير ,احنا رجاله كبار ونفهم بعض كويس , انا مش بلومك الحب الاول صعب يتنسي , بس افتكر حاجه واحده الحب مش بالضروره يبقي حب امتلاك
...........قصص منه محمد كاتب...................
في حمام السباحه اخد اميره يعلمها العوم وايمان قاعده قدامهم ماسكه بورنس بمبي للبنت وتبتسم
امير رماه اميره : انتي سباحه عظيمه يله عومي
ليلي قربت ع حرف البسين وقالت: شكلكم مبسوط , انا كمان ببقي مبسوطه وانا بعوم طبعا انتي يا ايمان عمرك ما عومتي في البسين ولا كنتي بتعومي وانتي طفله في الترعه
ايمان بدون أي ردة فعل ولا كأنها سمعاها
امير بصلها بغيظ وقل: حبي هاتي البورنس لـ اميره لو مطلعتهاش هتفضل تعوم لحد بالليل
ليلي: امير ليه بتعوم وانت لابس تي شيرت الجو حار , هو انت محروج مني, لما كنا واقعين في الحب مكنتش مكسوف مني كده وكنت بنزل معاك نعوم وتفضل تحضني ونتهور سوي فجأه بقيت تتحرج مني
ايمان اخدت اميره من ايده ودخلت تمد ع جوه
امير بص ليلي بغيظ: هدخل اهتم ببنتي ومراتي ليلي
ليلي: نعم
امير: حتي لو الانسان عديم الاخلاق في النهايه هيتغير للافضل ,ولو مقدرش ع الاقل هيتحسن صح
ليلي: اد ايه وقح
ليلي خطرت ع بالها فكره شيطانيه ومره واحده حدفت نفسها في الرخام ووقعت في الميه وفضلت تصرخ
رحمه جريت ع مصدر الصوت وقالت: الحق يا امير بيه
ليلي بتقب وتغطس: الحقوني
امير بشك: .هي بجد بتغرق ولا بتمثل
رحمه: شكلها بتغرق
ايمان فضلت واقفه في مكانها جامده
رحمه تابعت: امير بيه مش شايفها الحقها شكل دماغها اتخبطت بسرعه بتغرق انا اعمل ايه بسرعه انقذها هتموت ازاي ده حصل فجاه دي مش بتتنفس هعمل ايه دلوقت بسمع بيحطه البؤ ع البؤ بيعمله نفس للرئه انا مش بفهم في الحاجات دي ولا بعرف اعملها
امير: امال انا الي هعملها
رحمه : ايمان يابنتي انتي اكيد شاطره وتعرفي
ايمان : اه انا شاطره واقدر اعملها
رحمه: طيب يله مستنيه ايه
ايمان : خدي مني اميره دخليها ع جوه
رحمه :حاضر
ايمان نخت ع ركبها وقالت : بسم الله يارب انقذ البنت دي الي غرقت في بسين قد الكروانه
امير ابتسم وايمان مسكت مناخير ليلي بقسوه وكتمت نفاسها
ليلي كحت وقامت قعدت وتلف حواليها: انا فين , ايه الي حصلي , وليه انا هنا
ايمان بنبره تريقه : ايه لما وقعتي فقدتي الذاكره
امير قام ومد ايده لايمان : كفايه قومي معايا يا حبي
ليلي مدت له ايدها : امير ساعدني معنديش اي طاقه انا مرهقه
امير: بطلي تمثيل وقومي روحي بيتكم شكلك شربتي ميه كتير