رواية احببت وانا علي ذمة اخر الفصل الواحد والعشرون 21 بقلم نوسه حمد
هديه قطعت قلبي وبقيت خايفه شديد اقوم اساعدها عشان تهرب من طارق اقوم طارق اعمل فيني حاجه ومن ناحيه تانيه خايفه علي الفي بطنها م اتوقعت طارق اتعامل معاها كده واكيد في حاجه غلط وانا لازم اصل لي عباس قلت ليها هديه ممكن بصراحه تحكي لي انتي اتعرفتي علي عباس كيف قالت لي نوسه والله م اقول غير الحق وقلتو لي طارق بس طارق اتهمني بي حاجات انا من اساسو م فكرتا فيها عباس الله انتقم منو كان طارق برسلو يجيب لي حاجات البيت وكل مره كان بتغزل فيني في الاول اتناقشت معاهو وشاكلتو وهو مصر يتغزل فيني خوفت اكلم طارق يقوم يعمل فيهو حاجه المهم يا نوسه انا ضعفت قدامو حسسني اني عظيمه وبستحق الاهتمام بدل الزله والاهانه المعيشني فيها طارق كانو مجبور علي والكلام دا شهر ما تماهو اليوم داك طارق رسلو جاب لي خضروات ولحمه عباس م وصل سمح وجنب الباب بتكلم معاي وبعبر عن شوقو لي طارق جا طاير فينا وحصل الحصل قلت ليها دقيقه في حاجه غلط طارق كيف يرسل عباس ويلحقو قالت لي م عارفه والله دا الحصل وانا دا كلو ماهاميني وطارق زاتو م بهمني حقي يخلص منو دنيا واخره انا هسي عاوزه اتعالج واقوم من رقدتي دي مافيني حيل ي نوسه المرض ح يقتلني وجسمي جوه كلو ملتهب جروح عليك الله ساعديني وليك الاجر والله ي نوسه م ح اقول انتي ساعدتيني قلت ليها ع فكره ي هديه انا حاولت اساعدك واتصلت لي مرت اخوك كلمتها بدل اجوك شكلهم اتصلو لي طارق قالت لي اي فعلا طارق جاب لي التلفون وقال لي تقولي ليهم انا كويسه لو نطقتي حرف بقتلك وفعلا اتكلمت مع اخوي وقلت ليهو كويسه انا م قدرت اعمل شي قلت ليها طيب يا هديه اديني يوم بكره انا بتصرف بس اوعك تكلمي طارق اني جيتك قالت لي عليك الله ي نوسه ما تخليني قلت ليها مستحيل اخليك وعلي فكره يا هديه انا طارق من يوم رجع عبله بقيت اكرهو وصابره عشان اشيل منو حقي وتاني لو لقيتو في النار هو وامو وعبله بزيدهم حطب وانا ح اساعدك ي هديه بس توعديني انك م تغلطي وتخلي باللك من الفي بطنك قالت لي اوعدك بس خليني اتعالج واقوم علي حيلي قلت ليها تمام قلت ليها طارق بكون مع عبله متين قالت لي بكره يومك بعد بكره يومي تاني بمشي لي عبله قلت ليها تمام انا بعد يومين بجيك بليل اتفقنا لو قدرتي قومتي شوفي اوراقك ختيهن ف شنطه بس قالت لي طيب ومشيت غشيت جارتنا قلت ليها عليك الله لو طارق جا سالك انا جيت هنا م تقولي ليهو قالت لي طارق ليه عمل في هديه كده ما تستاهل اكتر انسانه طيبه ومحترمه وشالت وربت معاهو قلت ليها اصلا الزمن دا البتساعدي وتقيفي معاهو دا بلعب بيك بس البتوريهو النجوم عز الظهر بعمل ليك الف حساب وهديه يا حليلا مسكينه بس حقها بخلص وانا والله كنت جاياها بس مشغوله شديد عليك الله كل مره افقديها قالت لي طيب طلعت منها وما حسستها اني عاوزه اهرب هديه من طارق لانو طارق لمن يلقا هديه ماف اول حاجه بعملا بسال منها الجيران
رجعت البيت وراسي ملان اسئله وتسعين في الميه الكلام دا كلو مدبر ودي عبله لانو طارق قال لي عباس الجبتيهو وسطينا عشان يخرب حياتنا انا افتكرت عباس قال ليهو نوسه عاوزه تعرف اخبارك هو في راسو ختا حاجه وانا ختيت حاجه تانيه خالص عشان كده ما جادلتو في الكلام وشكلي اثبت علي التهمه بي سكوتي بس قريب ح اعرف كل شي بس كيف الم في عباس لازم استنجد بي اخوي لانو هو الجابو وهو العارف مكانو واي شي اعملو يكون ما ظاهر لي طارق رجعت البيت اتصلت لي اخوي قلت ليهو بكره عاوزاك توديني معاك الشغل وعاوزاك في موضوع ضروري قال لي خير قلت ليهو باذن الله خير قال لي تمام الساعه ٧خليك جاهزه لو اتاخرتي دقيقه انا ح افوتك تمام قلت ليهو تمام ان شالله بقيت افكر وكل احساسي انو الكلام دا مدبر ودي عبله عاوزه تخلي طارق يطلق عبله ويطلقني بالذات الحاصل دا بقا بعد انا قومتا من مرضي الصباح صحيت لبستا نور ولبست وانتظرت اخوي ف الشارع قال لي الموضوع الموقفك لي في الشارع دا شكلو ما هين ركبت العربيه وبديت احكي ليهو اخوي بقا غضبان شديد علي عباس ويسب وينبز فيهو قلت ليهو ممكن تهدا عشان الكلام دا حساس والاصعب من دا طارق حابس بت الناس المسكينه قال لي ما خاتي قال لي تحزر اختك نسواني الاتنين ماعندها فيهن شغله قلت ليهو انا عبله سلام الله م بيني وبينها وهو في كلامو قاصد هديه هديه الاسم علي مسمي وصدقني هو السببب والبت دي ما بالساهل تستلم لي عباس بالذات اخر مشهد انو رسلو ولحقو لو هو فعلا جاي البيت ارسلو لي مش كان اجيب الحاجات براهو اكيد في شي غلط قال لي تقصدي انو عباس مدبرين ليهو الكلام دا وبالعقل يا نوسه طارق مهما كان كعب ما بصل للمرحله دي نحنا م هنود قلت ليهو انا اصلا م قصدتا طارق انا قصدتا ليك عبله قال لي فعلا والله دي مافكرت فيها بس ي نوسه انتي مالك ومال المواضيع دي اختي دربهم الناس ديل قلت ليهو النوريك وعشان تكون عارف طارق من يوم رجع عبله مابيني وبينو شي والمره دي غير كل المرات بالذات لمن لقيت هديه ضاربها وجسمها كلو بنذف يعني م خايفه من طارق ولو خوفتا ح اخاف علي هديه لانو الزول دا قال ليها ح اخليك كده تموتي يا تجهضي الفي بطنك وشكك في حملها يعني وصل معاها طريق مسدود واكيد دي عبله خططت لي كل دا واثبت ليك انا لانو عباس ليه ما بجيب لي الحاجات انا زي م بمش لي هديه اكيد هي الورا القصص دي اخوي بقا يتعوز منها وقال لي دي حرب اعصاب عديل طارق مستحمل كل ده كيف قلت ليهو وازيدك امو خاته يدها مع عبله قال لي شنو شنو قلت ليهو زي م اقول ليك وهي الاقنعتو يرجع ليها لانو طارق كان كرهان عبله وسيرتها فجاه بين يوم وليله قال لي عاوز يرجعها لي اولادو والناس ديل بتاعين مصايب اخر مره لمن مرضتا كتبتني عبله وعملتو لي امو قال لي شنو مالي الدرجه دي قلت ليهو والله وبقيت احكي ليهو بي رامي وكلامو لي قال لي اسمعيني حدي هنا وكفايه اطلقي منو وانا تاني م بقيف قصادك واجبرك عليهو ربنا يبارك ليك في اولادك ويحفظهم ليك بس زواج فيهو حروب وتحاريش وكتابه لازم تنهيهو قلت ليهو اكيد بس ما هسي عاوزه اجيب لي واحد ويكون زول امين ما زي عباس يشتغل معاهو ويعرف طبيعه الشغل ويدرسو دراسه واخلي يقلب عليهو ويمثل عليهو ويخسرو الشغل ويخليهو يتنازل عن الشغل واكون الكلام دا لصالحي قال لي دقيقه دا شنو الفيلم الهندي دا قلت ليهو غير فيلم هندي حقي م ح يرجع لي بالساهل وح يتحجج علي وح يعملو لي مصيبه انا م عايزه اظهر في الصوره والدغو واشيل حقي كلو من غير م يحس قال لي طيب الضمنك شنو الزول البتجيبي ما ح يغدر بيك قلت ليهو عشان كده قلت ليك م عايزه زي عباس قال لي كدي الموضوع دا اتريسي فيهو شويه وقبل تعملي اي شي اطلبي منو عديل يديك شغلك قلت ليهو م ح يوافق لانو دا رزقو في الحياه وياعالم يعملو لي شنو عشان كده لازم بالطريقه دي ودا كلو بعد افك حصار بت الناس دي قال لي طيب انا اليوم بعرف اي شي عن عباس وعديل بسوقك ليهو في بيتو ونفهم منو الحاصل ولازم اكون معاك انا عشان ما يقومو يتهموك في حاجه قلت ليهو تمام عليك الله ساعدني بس عشان هديه والفي بطنها صدقني لو جاتا حاجه انا م ح اسامح نفسي ابدا لانها استنجدت بي وانا الوحيد الضايقه لدغت عبله وام طارق وطارق هو م كعب بس المصايب مخلياتنو اعمي عديل وما واعي لتصرفاتو وانا مريت بتجربه هديه دي ظلم وقهر وبجاحه وقله ادب وتهرب مني ومن المسؤوليه والبت دي كل مره تجي تشكي لي منو قال لي من ناحيه طارق غلطان غلطان وستين غلطان بت ناس مسكت اولادك وصانتك وصانت عشرتك تقوم تظلمها وتدمر نفسياتها بس ي نوسه برضو هي غلطت ما صاح اصلا تعاين لعباس ولافي سبب مقنع لخيانتها قلت ليهو الله عالم بيها وقادر يغفر ليها وماف انسان معصوم من الخطا بس صدقني لمن المرا تكون ما مقصره في حقها وما عايزه من راجلها غير الاستقرار والامان فجاه يقلب عليها بخليها ماعندها ثقه في نفسها لا في نظافتها لا في شكلها لا في حياتا وبتسال نفسها الف سؤال انا مالي وهو ليه اتغير مني وبتبقا ضعيفه قصاد اي كلمه تتقال ليها من اي راجل تاني وصدقني هسي هي بتكون ندمانه وسافه التراب ليه لانها هي م كعبه ولا قليله ادب وربنا كشفها عشان تندم وتخلي البتعمل فيهو وهسي هي حسب كلاما لي غير عاوزه الفي بطنها ما تجيهو حاجه ما نفسها في شي وكانت بتتحسبن علي عباس عشان هو زاتو السبب وحسبي الله ونعم الوكيل في اي واحد احاول ادخل حياه واحده متزوجه ويحلي ليها الكلام ويشبعها اوهام ويدمرها لا تلم في دنيا لا في اخره قال لي نوسه عارفه والله الشي دا قناعه انا هسي ما زي انتي قلتي مرتي هارشاني لا والله لو عاوز اغلط اغلط من وراها مالا هي بتمش معاي الشغل وفي المحل تعاملي كلو مع النسوان وبتجيني السمحه وبتجيني العاوزه تتونس بس انا عندي قناعه احفظ نظري عشان بت الناس المتزوجه ومخليها في البيت دي وكما تدين تدان قلت ليهو في فرق بين الربتك والربت طارق القناعه دي بتكون مكتسبه اول شي من البيت الاتربيت فيهو بزرعوها فيك اهلك تتزكر لمن انت صدقت الاتقال فيني وقلت لي بركه الامي وابوي ماتو م حضروك عشان شنو عشان انت عارف انو نحنا اتربينا صاح واهلي ممكن اموتو عديل لو سمعو الكلام الاتقال فيني
وما اكذب عليك انا غلطت كونو انو اتكلم مع زميلي دا غلط بس صدقني اقسم بالله عمري م حاولت اتونس مع ولد لا متزوجه لا بت فتاه خالد ظهر واجبرني اني احكي ليهو وعمري م غلطت غلط ارجعني ورا والكلام دا وراني انو الرجال م محور الكون الحياه بدونهم ممكن تمشي ما فشلت مع واحد تمشي تقابضي بره وطارق ما براهو والله طارق مكتوب وحسبي الله ونعم الوكيل في عبله دمرت بيتين وصدقني لا انا لا هديه ما ح نخسر ح يخسر طارق قال لي تاني بعد عرفت الحاصل عليك طارق م عندو كلام معاي راجل ما قدر يحترم اختي ويصونها دا ما بنفع معاي ولخير ي نوسه قلت ليهو م زعلانه ولا خايفه من الطلاق قال لي اولادك ابقي عليهم عشره وخلينا هسي ننقذ المسكينه دي انا بجيك بليل بي عربيتي عشان عربيتك انتي لو وقفت جنب الباب الجيران بعرفوها وبكلموهو قلت ليهو انا بشوف لي مكان نوديها فيهو وبشوف لي طبيب يعالجها في البيت قال لي بس تمام وصلت الشغل وحسيت نفسي بعد اتكلمت رميت حمل كبير وراي والحمد لله لانو اخوي مرات بكون خايف علي من البهدله والطلاق وانا الحمد لله اتعودت علي اني اكون براي وصلت الشغل وكان عندي شغل مهم بنقل الشركه لمكان تاني انا والمدير انضغطنا فيهو لمن حسيت اني ح اقع هو مجتهد وانا بقيت مجتهده اكتر منو خلصنا قريب للمغرب طلبت عربيه ورجعت البيت لقيت طارق قاعد قال لي في ست بيت بتجي راجعه بيتها المغرب قلت ليهو اول شي انا كان عندي شغل كتير وخلصناهو متاخر وبعدين انت عارفني انا كنت وين قال لي عارفك كيف كنت معاك قعدت اضحك قلت ليهو داير تشك فيني ولا شنو يلا يا طارق انا عاوزه اقول ليك كلام انا تجربتي معاك خلتني واعيه جدا وطممت بطني من الرجال قال لي انا طممت بطنك طممتها بشنو كمان وداير اجوط قلت ليهو دقيقه انت شكلك الليله سمك فاير وداير تعمل مشاكل ونقاشات ولمن تكون كده بفهم انك عشان تمشي لي عبله احب اقول ليك قوم امشي من غير مشاكل ونقاشات وتوتر كفايه الشافتو نور ما نفسي ولدي يحس بالتوتر البهد الحيل دا قال لي المشاكل انتي البتجيبيها بتاخيرك بره البيت قلت ليهو كنت في الشغل واسال اخوي الوداني وجابني قال لي ما محتاجين لشغل اقعدي في البيت قلت ليهو الا دا قعدت واحترمتك وشيلتك في راسي ببساطه جيت قلت لي ح ارجع عبله عشان اولادها وكل البحصل وراي انا عارفاهو العربيه الاشتريتا ليها والخزنه الكل مره بتمشي تشيل منها والمحل البتمشي ليهو وتشيل العاوزاهو انت لو عندك حكم مفترض اكون ليها هي هي البتجيك في شغلك وسط الرجال ولا عندها هي رجولتك بتقيف سكت م قال لي شي طلع طوالي
قلت ليهو بي قلبي الباب البودي م يجيب بقيت اكرهو للاسف
بعد يومين اخوي جاني ومشيت اتسحب لي هديه فتحت الباب براحه وبقيت اتكلم براحه هي حست بي قالت لي نوسه ادخلي طارق ماف دخلت عليها لقيت حالتا تحنن والجروح الفي جسمها لمن عملت ريحه قطعت قلبي وحاولت اسندها ادخلا الحمام احممها ووريت اخوي يبعد العربيه من البييت لغايه ماا اخلص جيت راجعه بصعوبه حتي وصلتها الحمام وهي مافيها حيل بقت تعتزر لي قلت ليها هديه الله عالم بيك وبعد حممتها طلعتها ونزلت الصيدليه حكيت للصيدلي الحاصل اداني يامدين ومطهر ومرهم وشاش ووراني استخدمهم كيف واداني مضاد حيوي جبتهم وجيت سريع نضفت ليها الجروح وكانت كعبه شديد طارق م خاف فيها الله وسوقتها وطلعت وكانت البت الشغاله لي لمن حكيت ليها بي هديه قالت لي جيبيها نوديها بيتنا سوقناها وغشينا البيت سوقنا البت الشغاله معاي ومشينا بيتهم كانت حالتهم الماديه صعبه جدا بس ناس طيبين شديد ومحترمين فهمناهم الحاصل امها قالت لي اصلو ما تشيلو همها بتي سهي دي م بتقصر منها سهي بتها صغيره وشكلها زوله شاطره ومتفوقه لانو لقناها تقرا بي ضو الشمعه اخوي استاذن منهم وطلع جاب ليهم مواد تموين كتيره ووصفت لي سهي الحبوب وطريقه الاستخدام وكل مره قلت ليهم بجي انظف ليها الجرح ومشينا حسيت انو هم وانزاح مني والحمد لله ماف زول شافنا لمن سوقناها اخوي قال لي بكره تاني راجيانا مشيه قلت ليهو وين قال لي لي عباس قلت ليهو بس دا المطلوب ورجعني البيت قال لي بكره حاولي اطلعي من الشغل بدري عشان نمشي قلت ليهو تمام كنت تعبانه نومتا بي ارتياح صحيت بصوت طارق اكورك قلت ليهو مالك خير قال لي انتي السوقتي هديه قلت ليهو هديه شنو البسوقها وما تقول لي ي طارق هديه ما لقيتا وبقيت ابكي واوصف وامثل عليهو لمن طلع خلا لي البيت قال لي اوعك ترفعي سماعه التلفون تسالي اهلا بي قلبي قلت ليهو اسال ليه وانا عارفه مكانا لبست ومشيت الشغل كلمت المدير انو عندي مشوار قال لي طوالي هسي ممكن تمشي اتصلت لي اخوي جاني ودورنا العربيه مشينا وطقينا الباب جاتنا بت صغيره قلنا ليها عاوزين عباس قالت لينا خالو عباس في الديوان معاهو ضيف اتفضلو ودايرين ندخل سامعه صوت طارق ومعاهو عباس جايين طالعين مسكت اخوي من يدو وقلت ليهو طارق ……….يتبع