رواية احببت وانا علي ذمة اخر الفصل الثاني والعشرون 22 بقلم نوسه حمد
مشينا بيت ناس عباس طقينا الباب جاتنا بت صغيره قلنا ليها عاوزين عباس قالت لينا خالو عباس معاهو ضيف جوه اتفضلو البت بقت تفضل فينا بس انا سمعت صوت طارق وكان عالي شديد قلت لي اخوي طارق جوه قال لي يلا سريع ركبنا العربيه ودورها سريع والبت شغاله لينا هدا خالو عباس تعالو اخوي دخل بي زقاق ضيق خلاص لا قدر اطلع منو لا يمشي بقينا واقفين اخوي قال لي طارق مالو اكيد مفتكر انو هديه هربت مع عباس وجا يفتش ليها قلت ليهو شكلو كده خلي يطلع وتاني بنتفاهم قال لي لا لا الليله عباس ما بنطلع منوو لو م ورانا الحقيقه ولو م اتكلم انا بعرف عمو طوالي بتصل عليهو يخربو حياه بت مسكينه وهديك مجدوعه بين الحياه والموت قلت ليهو فعلا والله بس هديه حقها م بضيع وطارق هسي ما حاسي بالعملو اخوي قال لي اسمعيني ختي الطرحه دي في وشك واقيفي تحت الشجره ديك وعايني شوفي طارق فات قلت ليهو طيب ختيت الطرحه في وشي وبقيت واقفه في الشجره وبعاين قصاد باب ناس عباس وشكلو طارق شادي معاهو في الكلام شديد لانو البجي ماري كلو بقيف اعاين وانا بقيت اعاين وفي اثناء م بعاين جات واحده اظنها مخستكه قالت لي هوي بتدوري شنو وانتي منو ومالك عامله كده والبت شكلها بتتصرف ساي لمن بقيت خايفه منها قلت ليها امشي مني مالك ومالي قالت لي انتي حراميه صاح البت قعدت تكورك وتكورك انا قربتا اضرب بيها الارض ومن بعيد شايفه عباس وطارق اعاينو لينا قلت ليها انتي جيتيني من وين الله يازاك وبقت تجر في طرحتي انا دفرتها بي كل قوتي وزوقتا بي اتجاه تاني غير الفيهو عربيه اخوي لانو اخوي عربيتو الشارع ما دخلها وبقا متورط مشيت لي في شارع تاني واختفيت نهاي من نظر الناس عشان البت فضحتني وعباس جا جاري عليها اتصلت علي اخوي قال لي انتي وين قلت ليهو والله ما عارفه انا وين بس اسمعني م تنزل من عربيتك نهاي البت المجنونه دي تتعابط فيك وتلفت نظرهم وطارق بعرف عربيتك وخليني انا م بروح قال لي والله دي عوارض بس كدي بقعد زي نص ساعه كده وبطلع اشوف الحاصل شنو واشوف لي اولاد يدفرو معاي العربيه دي لانها قفلت الشارع قلت ليهو تمام بقيت ع اعصابي اخوي اتصل علي قال لي وين انتي بتقدري تجي راجعه قلت ليهو بحاول بس والله مافاهمه شي والبت زاتا طيرت قلبي قال لي دي بت مسكينه جاتني هنا بس اديتا قروش جرت اهلا المهم انا هسي داخل ناس عباس اعملي حسابك طارق م يشوفك لانو هسي طلع طرحتك من وشك ما تنزليها اخوي ما تابع كلامو اشوف طارق وراي انا المعاي كملت وخلاص هبطتا عديل شوفت لي ولد جاي علي قلت ليهو مالك اتاخرت علي وغيرتا صوتي ومشيتي الولد بقا اقول لي انتي منو قلت ليهو بصوت واطي عليك الله انقذني من الموقف دا بحكي ليك انت بس اتجاوب معاي وبقيت اقول ليهو امي ادتك لي القروش وبقيت اتصنع في اي شي المشيه الصوت الحركات والولد طلع ممثل بارع وبقينا نتونس كاننا اخوان لغايه ما عدينا بعند طارق وفات ونحنا لفينا انا لمن لفيت حسيت بهبوط زحيت الطرحه وبقيت اتنفس بي ضلعي الولد قال لي خير ان شاءالله ما يكون الزول دا غلط عليك عشان لو غلط عليك الحقو اأدبو قلت ليهو لا لا بس دا طليقي وانا ما عايزاهو يشوفني وانا معاي اخوي والاتنين زوغنا بي طريق عكس وهسي انا شبه رايحه قال لي طيب وصفي لي انتي عايزه تمشي وين بقيت اوصف ليهو قلت ليهو في زقاق كده بدايتو واسع بس نصو ضيق العربيه ما بتمشي فيهو قال لي م عرفتو والله قلت ليهو طيب في شجره كده كبيره وجنبها بت مسكينه كده قال لي تقصدي البت العقلها م كويس دي قلت ليهو بس قال لي تمام يلا ارح بقا ماشي قدامي وانا ماشه وراهو لغايه ما من بعيد شوفت اخوي قلت ليهو هداك اخوي قال لي طيب ارح اوصلك ليهو وجابني ليهو اخوي شكرو قال ليهو العفو لو احتجتو حاجه انا موجود شكرناهو وهو فات ونحنا دخلنا ناس عباس وجات البت الصغيره ودخلتنا ليهو ولمن شافنا لمن انخلع اخوي سلم عليهو وانا شده م بقيت اكرهو لي مراد اقطع رقبتو قال لي نوسه كيف قلت ليهو انت فضلت فيها كيف يا عباس ليه يا عباس تغلط غلطه زي دي حرام عليك انا الوثقتا فيك تبقا سبب لي دمار هديه المسكينه ما ردا علي اخوي قال ليهو والله انت م راجل ما راجل البعاين في عرض غيرو وعشان شنو عملت كده
طبعا عاوز يتهرب بالكلام قلت ليهو عباس اقسم بالله انت كذاب النوريك انا اول شي انت عملت كل ده عشان تدمرو هديه وانا وانت خاتي راسك مع عبله وانا عرفتا بي طريقتي كنت بقول ليهو في شكوكي بكل ثقه وكاني انا مثبته الكلام دا طوالي هو بقا يعتزر قال لي والله انا غلطان اكذب عليك وهسي انا عايش في نفسيات طوالي انا فتحت تلفوني وشغلت تسجيل فيديو من غير م يحس قال لي النفسيات العندي القروش الادتني ليها عبله قدرها عشره مرات ما بتعالجني قلت ليهو ياريتك لو جيت شحدتني اقسم بالله اديك البتطلبو لاني اعتبرتك زي اخوي بس تضر هديه يا عباس ليه مالا عملت ليك شنو هديه في ادبها واحترامها مافي زيها قال لي دا زاتو المجنني وح يقتلني هديه مهذبه بس انا شيطان وكل ما اتزكر رده فعلها وحاولت تصدني كل مره بندم اني ختيت يدي مع عبله وحسبي الله ونعم الوكيل فيها اقسم بالله ما اخليها وهديه فاتت وين طارق مفتكرني انا هربت هديه قلت ليهو انا زاتي شكا فيني وانا اخوي محزرني امشي ليهم قلت ليهو طارق بسببك عاوز اقتل هديه واتهمها انو الفي بطنها دا ما ولدو قال لي اعوذ بالله من طارق كيف يشك في بت طاهره زي دي نوسه صدقيني هديه دي بت مهذبه اقسم بالله عمرها م قالت لي حاجه غلط بس انا الكنت مندفع في الكلام ليها وانا الشي القاطع قلبي عبله غدرت بي وخلت طارق اجي لاحقني قلت ليهو هو دا العاوزه تصل ليهو تطلع هديه خاينه وانا الجبتك ودفعت ليك عشان تحب هديه وهديه تطلق وانا كمان اطلق وعبله اخلا ليها الجو وهسي طارق فاهم انو انا الجبتك عشان تحب هديه قال لي والله يا نوسه طارق دا لو عبله عديل قالت ليهو انا القلت لعباس يعمل كده ح يقول ليها لا انتي مستحيل تعملي كده طارق بقا اعمي عديل وماقادر يدير حياتو لا بيتك لا بيت هديه والقادره عليهو البت الشبر دي وهسي ي نوسه انا والله غلطان ومستعد اعمل اي شي بس بت الناس دي ترجع اهلا قلت ليهو والله بتمني انها ترجع بس م معروف هديه حدي الان وين قال لي كيف يعني انا حاسي انو عبله ورا الكلام عاوزه تقتلها قلت ليهو مالي درجه تقتل بس بتكيد وبتدمر قال لي اخير الموت وصراحه يا نوسه هديه بريئه شديد والله العظيم انا السبب وهي عمرها ما قالت كلمه وكانت طوالي بتقول لي حرام انا ندمان شديد قلت ليهو كلو لخير يا عباس هديه الله اعلم تاني ترجع لي طارق لانو الضرب الضربها ليهو ما ضرب عادي قطع لحمها وجسمها مورم لمن الجروح طلعت ريحه قال لي انتي شفتيها وين اخوي بقا محمر لي بعد اتوترتا بس قلت ليهو اتصلت علي وانا ف الشغل عشان اجي انقذها بس طارق منعني وخوفتا انقذها وندمت بالذات لمن عرفتها هربت جارتي قالت لي زعلت منك شديد وهي الحكت لي حالتها وقلت ياريتني وقفت معاها بس الحمد لله هسي كان اكون طارق ملفلفني بالمحاكم والشي الحاصل دا كلو مخطط بس علي منو تاني والله اخليهم يندمو
اخوي قال ليهو والله خزلتني يا عباس بت الناس المسكينه دي ذنبها شنو عشان قصاد سعادتها تشيل قروش وتدمرها قال ليهو قول البتقولو فعلا انا غلطان ومن يوم جيت انا ما قاعد اطلع بس ان شالله انا ح افتش هديه وح القاها ان شالله قلت ليهو لا أوعك والله عبله تدبسك الموضوع زي السلام عليكم يا عباس كون بعيد هسي انا ح اكون بعيده بس حبيت اعرف الحقيقه عشان اتخذ قرار في حياتي قصاد ابو اولادي
وخلاص انا م عندي قعاد مع طارق قال لي غبيه ح تكوني تخلي ليها قروشك والله انتي ما جايبه خبر هي المستفيده وطارق القروش البديك ليهن ديل فتافيت اساليني انا وبدل العربيه مشتريه اتنين ودا كلو بقروشك واساليني منها انا الكنت بمشي اوديها مكان الدهب تشتري الدهب وانتي من الله شوفني ليك دبله ساي م عندك وطارق م يكذب عليك المحل مسجلو بي اسموووو والعربيه بي اسمو عشان تفتحي عينك كويس قلت ليهو مستحيل طارق قال كتبهم بي اسمي قال لي قال قول م شفتي بي عينك صاح قلت ليهو صاح قال لي يلا انا شفت بي عيني والورق قاعد في المكتب وعشان اثبت ليك هاك شوفي طلع لي تلفونو ووراني صور العقد وفعلا طارق كاتب اي شي بي اسمو قال لي من بدايتي في الشغل معاهو كنت عاوز اجي اوريك بس عبله استضعفتني بالقروش وزي ما شايفه حالنا تعبان وبربي في بنات اختي زوجها متوفي وما اكذب عليك غلطت ومستعد اصلح غلطي قلت ليهو بالنسبه لي انا ماعندك معاي غلط انت كونك هسي وريتني الكلام دا م قصرت معاي وبالنسبه لي هديه ادعي ليها يا عالم اكون حاصل عليها شنو قال لي انا بمش افتش ليها في بلدهم قلت ليهو كمان م تبالغ بي صفتك شنو تفتش ليها خلي راجلها يمش يفتش ليها وهو م بفتش ليها حبا فيها عاوز يحبسها عشان الفي بطنها يموت لانو شاكي فيهو قال لي حرام عليهو دا قذف قلت ليهو فكرك هديه تاني بتعيش معاهو قال لي ان شاءالله ما تقعد معاهو ياخ دي حرب اعصاب وان شاءالله تكون فكرت زيك كده وطلبت الطلاق وارتاحت من مكايد عبله والله لا انتي لا هي م ح تخليكم في حالكم قلت ليهو انا خلاص قنعت وهديه طفشت ان شالله تشبع بيهو اخوي قال لي يلا الزمن بتي ماشي اجيبا من الجامعه قلت ليهو تمام قلنا لعباس اياك تكلم طارق قال لينا اكلمو بشنو وانتو زاتكم قلتو شنو جيتو زيوو تفتشو لي هديه وبعدين انا الدرس الاتعلمتو عمري م انساهو قلنا ليهو الله كريم مشينا منهم لاقتنا البت المجنونه جنب الباب مسكت فيني لغايه م عباس مسكها مني وشكلو هو بعرفها شديد لانها سمعت كلامو قلت ليهو دي منو قال لينا دي اختي الحكيت ليكم بيها هسي ام البت الفتحت ليكم الباب قطعت قلبي شديد قلت ليهو عباس ناهيك عن اي شي ممكن اساعد اختك دي ومن غير م تقول كلام عاوزه اشاركك الاجر قال لي م بتقصري اصلا انا ح اشتغل قلت ليهو اشتغل اي مالو بس انا طالبه اساعدها وما تحرجني عباس قال لي نهاي بس اخوي قال لي م تشتغلي بيهو هي عندها بنات واخوي بقا يكورك للبت الفتحت الباب جات جاريه واول ما شافت امها جرت عليها بلهفه اكتر مشهد قطع قلبي حنان الام في العاقل والمجنون موجود بقت تبوس في بتها كان عند بتها عقلها سيلم اخوي اداها النصيب وانا كمان اخت عباس بقت تنطط زي الطفله والقالت لي بتها يلا نجيب بسكويت وحلاوه ساقتا وفاتت ركبنا العربيه اخوي قال لي طارق سقط من نظري اي شيء عزرتو فيهو بس يخون الامانه قلت ليهو اصلا انا م مندهشه ولا متفاجئه متوقعه منو اي شي بس جيتنا دي لخير الفهم شنو قال لي دي خليها علي وهلا هلا علي الجد والجد هلا هلا عليهو لو ما خليتهم يشحدو ابقا م اخوك ي نسيبه انتي بس خليك هاديه وخشمك عندك هديه م تمشي ليها نهاي احتمال يتابعك انا البمشي لي هديه وبشيل ليها اي احتياجات واوعك تفكري تمشي ليها شغلك والبيت واولادك اياك تقوي راسك خليني انا اشتغل معاهو شغل غتاته قلت ليهو تمام رجعت البيت لقيتو قاعد بس الله خلا اخوي جابني وهو كان واقف جنب باب الشارع يتكلم بالتلفون وكان منزعج شديد اخوي سلم عليهو ما ردا عليهو دخلتا البيت لقيت بتي ما شاء الله حدي الاكل مجهزاهو لي م حسستني انها بتخدم فيني حسستني انها اختي قلت ليها الله يديك العافيه قالت لي امين يارب وطارق طبعا تلفونو م وقف من الاتصال اهل هديه عرفو وطارق منزعج قلت ليها حر هو يستحمل نتايج غلطو جا داخل قال لي انتي الكلمتي اهل هديه صاح قلت ليهو انا ما فاضيه والله عندي شغل اهم من منك ومن هديه مرتك وبعدين اقول لي اهلا شنو طارق دقا بتكم وشكا في حملها قال لي عرفتي من وين هديه حامل وانا شكيت فيهو انا اعصابي باظت عديل قلت ليهو انا بعد جيت قلت لي هديه ماف مشيت البيت وغشيت جارتي تهاني الكانت بتجيني طوالي وهديه زمان كانت حاكيه لي بي انها هي الوحيده البتجيها وسالتها حكت لي بالحاصل كلو وورتني انها كانت مجرحه شديد بجد يا طارق دي ما رجاله وحرام عديل “ما أكرمهم إلا كريم، ولا أهانهم إلا لئيم” قال لي دا م وقت محاضرات قلت ليهو طيب ح تعمل شنو قال لي م عارف السماء سأل منها الواطه كان الارض انشقت وبلعتها قلت ليهو ما عندها صاحبات ولا ناس بتعرفهم قال لي م خليت زول م سالتو وغالبني البعملو ولي يومين الشغل بي عيني م شفتو قلت ليهو شغل شنو وهديه ما معروف مكانها وين لمن تلقاها تاني ركز في شغلك قال لي نوسه عليك الله لو عارفه مكانها وريني قلت ليهو انت م مصدقني ليه انا ياريتني لو بعرف مكانها كان احساس الذنب الجواي دا راح لانها استنجدت بي بس كلو منك وهسي استفدتا شنو وذنبها في رقبتك اكتر واحده احترمتك ما ردا علي طلع اول ما اتاكدت منو طلع رسلت لي اخوي قلت ليهو دي فرصتنا فتش لي اي زول في الايام دي خلي يجي ياكل راس طارق ويشتغل معاهو لانو قال ليهو يومين ما مشا الشغل قال لي خلي الموضوع دا علي وركزي في بيتك
مرت الايام واخوي شاف صديقو معاهو زول بخاف ربنا وكلمو بالحقيقه وانو زوجي عاوز ينصب علي واتفق معاهو انو يخسرو الشغل ويحول اي قروش في حسابي قال ليهو تمام وقال لي مشا ليهو وقال بوريني اول بي اول قفلت منو وجاتني جارتي قالت لي طبعا هديه اهلا جو وفارشين عليها والبلد والبلدين جات الا انتي قلت ليها اجي كيف الكلام دا قالت لي والله جد لبست عبايتي ولقيت اخواتا يردحن ويبكن عليها ردحتا معاهن كانو فعلا هديه ميته وبكيت عليها قدرتي واليوم داك اليوم كلو معاهم وطبعا نسيبتي وعبله مستلمات المكان علي حسابهن انا نهاي ما عاينت ليهن ونسيبتي لمن وشها بقا اسود من العمايل البتعمل فيهن طلعت منهم متاخره قلت طارق مشغول في البكا النمشي اشوف هديه وكلمت اخوي قلت عشان ما يشاكلني قال لي تمام انا زاتي بمشي اعزيهو مشيت لقيت هديه ما شاء الله لمن بتتونس وتضحك وشكلهم حبوها شديد لمن شافتني لمن فرحت قالت لي نوسه جايه من وين بليل دا قلت ليها جايه من بكاك ………………يتبع