رواية لكل قلب حكاية الفصل الثامن عشر 18 بقلم محمد منصور
ح(18)
لكل قلب حكاية
من تاليفي
محمد منصور. *منص*
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★بدأ امين يجز علي اسنانة من الغيظ وخد بعضة ومشي من قدام مليكة ورزع الباب وراء منه فقعدت مليكة علي السرير وفضلت تعيط لكام دقيقية وبعدها وقفت علي رجليها ومسكت موبيلها واتصلت ب سمر وقالت اول ما رديت سمر
سمر عايزاكي تشوفي لي دكتور نساء
استغربت سمر وقالت
دكتور نساء لية
مليكة
ناوية افضح نفسي وما بقاش بنت بنوت. واخليهم يقتلوني وارتاح. لاني اجبن من اني اقتل نفسي
سمر اتصدمت من اللي سمعته وقالت
انتي اية هتخيبي علي كبر. اية اللي انتي عايزا تعملي في نفسك دة
مليكة وهي بتعيط
تعبت وقرفت. هما لية اخواتي بيعملو فيا كدة. يعني لو كان بابا او ماما عايشين كانو اتحكموا فيا كدة. هو انا مش من حقي اتجوز اللي عايزا
سمر
من حقك طبعا
مليكة
طيب لية بقي
سمر
صلي وادعي ربنا يبدل الحال. ويعدله والقلب العاصي يلين ويبقي ليكي نصيب تعيشي مع عز
مليكة
يارب.
سمر
ممكن بقي تقفلي اي باب للشيطان وتبطلي الكلام الخايب اللي انتي بتقولي دة
مليكة
لو قدرت
سمر
هتقدري. ان شاء الله
مليكة
سمر. هو انتي ما بتشوفيش عز خالص
سمر
بتساليني لية سؤال زي دة
مليكة
يعني بحكم انك بتروحي الشغل وبترجعي من الشغل يعني
رايحة جاية في المنطقة ف ممكن تكوني شوفتي ولو مرة
سمر
لا. ما شفتوش. وركزي في حياتك بقي. ويلا بقي سلام علشان ورايا ماتش غسيل
مليكة
سلام يا سمر، ،،،،،،،،،،
ومن جوة صيدلية عز الجديدة تقف سمر قصاد عز وكانت بتقول
ايوة الخطوبة اتفشكلت ومليكة بقت حرة من تاني وتقدر تصلح اللي فات
عز
قولي ازاي وانا انفذ دلوقتي، ،،،،،،،
ومن علي القهوة اللي بيقعد عليها امين يقف عز قدام امين اللي كان بيلعب دومنة مع وحيد وعنتر. وقال عز
امين عايزك
بص له امين واستغرب وجوده وقال
هو انت. عايز اية يا دكتور عز
عز
عايز اتكلم معاك
امين
وانا مش عايز
عز
مش من الاصول لما راجل يجي ل غاية عندك ويطلب يتكلم معاك ترده من غير ما تشوفو عايز اية
امين بص له من فوق ل تحت وقال
انا بقي ليا كيف اردك من غير ما اعرف انت عايز اية.
وفضل يلعب الدومنة وهو بيقول
وبصراحة مش انت اللي اوقف عشرة الدومنية علشان اتكلم معه
عز وهو بيتمالك نفسه ومش عايز يعمل مشكلة
معلش خليها عليك
نفخ امين وقال ب زهق
مش هنخلص احنا
وقام امين وراح ناحية تربيزة فاضية وراح وراء منه عز وقعد قدام منه وقال امين
نعم
عز
انا جاي اقول لك خلينا نبدأ صفحة جديدة واحنا ولاد النهاردة
امين
علشان اية بتقول كدة. انا مش شايفك اصلا علشان ابقي زعلان منك او حتي مطايق
الجملة عصبت عز جدا. لكنة مسك نفسه وقال
شكرا. بس انا ليا عندك اللي يخليني استحمل كلامك دة
امين برق ل عز وقال
ليك اية عندي
عز
فاتحة قرينها سوي في يوم
ضحك امين اوي وقال باستهزاء
الفاتحة اللي انت فسختها مع سمر. ولا الفاتحة اللي الست امك فسختها يوم ما قالت اني سلط اللي يخبطك.
عز
امين اللي فات مات. انا عايز اختك تكون مراتي. وهي عايزاني
امين
اختي مخطوبة
عز
جالي خبر انها ما بقتش مخطوبة
مسك امين عز من لايقة القميص وقال
عرفت منين يا ابن المراة
قامو الناس اللي علي القهوة علشان يحوشوا امين عن عز بص لهم امين وقال
الكلام عائلي كل واحد فيكم يلزم الكرسي بتاعه
كلهم قعدوا تاني ورجع بص امين تاني ل عز اللي اتعصب وقال
دي مش طريقة يا امين خلينا نتكلم بالعقل
امين
هي الرخيصة لسة بتكلمك
عز
امين. انت بتعمل ل نفسك فضيحة. وما تنساش انك بصوتك العالي دة بتخوض في عرض اختك
طلع امين المطواة بتاعته وحطها علي رقبه عز وقال بصوت يخوف
لخص وقول. عرفت منين
عز
قبلت سمر بالصدفة وقالت لي اللي حصل عادي يعني
امين
صدفة. دة. سمر بقي هي المرسال ما بينكم
عز بص للمطواة اللي علي رقبته وقال
نزل المطواة دي يا امين دة انت كنت اتغيرت وبقيت انسان نظيف اية اللي حصل لك
امين
البركة في امك. خلتني اتهان في القسم ورجعتني تاني ل سكة البلطجة علشان لما اتحبس ابقي ظالم مش مظلوم وما تصعبش عليه نفسي. زي ما صعبت عليه اخر مرة.
وقفل امين المطواة وقال ل عز
كلمة ابرك من جرونال. طول ما انا فيا الروح سكتك غير سكة مليكة. تمام الكلام
عز
دة ظلم يا امين وما يريضيش ربنا
امين
انا ظالم ومفتري كمان. وقتك خلص يا دكتور
ورجع امين تاني يقعد مع وحيد وعنتر وفضل عز يبص له وينادي عليه وهو مش عايز يرد. ومشي عز لما لقي ان
ما فيش فايدة وبص وحيد ل امين
هو حوار الدكتور دة مش ناوي يخلص
امين
حوار ممل انا زهقت وقرفت منه.
وحيد
عارف نهاية الحوار دة اية. اختك تتجوز
امين
تتجوز ازاي بس وهي شكلها ناوية كل اللي يجي لها تطفشة ببوظ النكد اللي بتلبسة
وحيد
نجوزها ل واحد ما بيشوفش قدام منه
عنتر
انت عبيط يا وحيد هتجوزها ل اعمي
وحيد
لا. يا حمار هجوزها اخويا الصغير وليد عيل علي طول المخدرات عمياء. بس مصدعنا عايز يتجوز اي نتاية وخلاص وشقتة خلصانه
امين
وليد سواق الميكروباص
وحيد
ومالهم سواقين الميكروباص. عيل كسيب ورايق
امين
احسن رجاله عفاريت الاسفلت بس خلي حوار وليد دة قدام شوية. علشان انا عارف اخواتي مش هيوفقوا عليه
وحيد
يعني اية يا أبا. اخويا هيبقي استبن
امين
انا ما قولتش كدة انا قولت اصبر وامسك العقل وما تبقاش غشيم
وحيد
معاك للاخر. لما نشوف، ،،،،،،،
وبعدها بست شهور كانت مليكة قاعدة وراء باب اوضتها وبتسمع امين اللي قاعد قدام اخواته وكان بيقول
وانا شايف ان وليد دة عمهم وكسيب ومش جاي في خطوبة دة جاي في جواز علي طول
عماد
رسي بينا الحال نجوز مليكة ل عيل شمام زي وليد دة بيشرب بانجو وحشيش وقدام الناس كلها
امين
وماله. عيل بيدلع دماغه اية اللي يزعلكم انتو. وبعدين اديك شايف اختك اتخطبت من بعد هاني اربع مرات وكل مرة فركش بح. بسبب بوظها النكدي. وسيرتها في المنطقة ما بقتش حلوة
شيماء
قطع لسان اي كلب او كلبة يتكلمو في حق مليكة نص كلمة
امين
يبقي جهزي سلاحك وانزلي قطعي السنة اهل المنطقة كلها
اختك اللي عندها 20 سنة اللي يشوفها يديها 40. بسبب الهم. هنستني لغاية امتي
ممدوح
لغاية ما يجي حد يصونها
امين
ما حدش هيصون مليكة الا وليد وكفاية انه اخوه صاحبي الروح بالروح
عماد
وحيد. يعني هو صاحب عدل اوي
امين
ما خلصنا بقي هو انتم بتحبوا تحكي في المحكي لية. قولو امين
شيماء
لا. يا امين وليد دة ما ينفعش يكون جوز اختي
عيطت مليكة اوي وفتحت الباب ووقفت قدام منهم هما
الاربعة وقالت
سماعكم بتتكلمو في اللي يخصني وما حدش فيكم كلف خاطرة وقال ما نسال صاحبة الشأن اللي هي هتتجوز اصلا.
شيماء
احنا رافضين الجوازة دي ناخد رايك فيها لية
مليكة
وترفضي لية انتي. هو جاي لك ولا جاي لي
شيماء
مليكة انا اختك الكبيرة واعرف مصلحتك
مليكة وهي مفحومة من العياط
بس بقي انا زهقت من كمية البني ادمين اللي حوالين مني وعارفين مصلحتي وبيختارولي اعيش مع مين واعيش ازاي. انا مش عايزا حد منكم يعرف مصلحتي
ممدوح
مليكة مالك
مليكة
مالي سؤال بقي دمة تقيل اوي. واجابته دمها اتقل. ولازم نهاية تليق بي
وبصت مليكة ل امين وقالت
انا موافقة اتجوز وليد دة
اتصدموا كلهم وقال ممدوح
مليكة مش عايزك تخافي من امين. لانه شرعا ما يقدرش يجوزك حد الا بعد موافقتك
ابتسمت مليكة ابتسامه سخرية وقالت
شرعا. يا. دة انا بقالي كتير ما سمعتش الكلمة دي جوة البيت. حمد لله بالسلامة يا شيخ ممدوح.
عماد
مليكة ما تخلي بالك من كلامك اية وصل بيكي الحال تتريقي علي اخوكي الكبير
مليكة
لا. عيب ما يصحش. شرعا حرام. اتريق علي اخويا الكبير شرعا حرام ابص وانا مستغربه اختي الاكبر. اخاف من اخويا الاكبر مني. وحتي اللي كان حنين عليه شرعا حرام اتغير عليه
وصرخت وقالت
لكن شرعا حلال. ان اخواتي كلهم يتفقوا علي شئ واحد وهو اني ازاي اعيش اللي فاضل من حياتي. تعيسة.
وعيطت اكتر واكتر
حرام عليكم نسيت الفرحة نسيت الضحكة نسيت النكتة. بقيت كل ما ابص في المرايا اشوف واحدة ما عرفهاش واحدة خلتوها تشيل هم. ضعف عمرها.
ورجعت تبص ل امين وقالت
وانت السبب. كلهم ماشين وراك. علشان خايفين منك. وما يخفوش ازاي وانا نفسي بخاف منك.
ولطمت وقالت
انا موافقة علي الجوازة. يا امين. جوزني واخلص مني اخلصو كلكم مني. بس عايزا لما اتزف اتزف بكفن.
شيماء حضنتها. وقالت
بعد الشر عليكي يا مليكة
لكن مليكة زقتها وقالت
فين الشر اللي بعيد دة. دة اقرب حاجة لية الشر.
ورجعت تبص ل امين وقالت
جهز القبر. وبلغ العريس ان الجثة جاهزة للدفن. في اي وقت تحددوا. بس ياريت بسرعه علشان انا قرفت وزهقت
وبصت لهم كلهم بصة عتاب ولوم ودخلت ل اوضتها جري وفضلو كلهم يبصوا ل بعض وبعدها بصو ل امين فقال
اية بتبصوا لي. لية. دة كلام ساعه ضيق لكن وقت الجد هتبقي احسن من كدة ما كل بت واخرتها الجواز
ممدوح
حرام اللي احنا بنعمله دة. مليكة بتموت واحنا السبب
امين
صغيرة ومش عارفة مصلحتها فين
عماد
لا. يا امين الكلمتين وجعوني جدا. انا من رايي نرجع خطوبتها علي عز
امين
بعد اللي عملته امه
عماد
عدي عليه كتير. الكلام دة واللي فات مات.
ومسك عماد ذراع امين وقال
دي مليكة يا امين اختك الصغيرة حبيبتك اللي كنت هتقتل عمر بسبب انه اذاها. وعز برضو دكتور صيدلي وابن ناس وهيصونها.
بدأ امين قلبه يلين وقال
دة اخر مرة جالي القهوة قليت منه وهزقته. معقوله يرضي من تاني يحط ايدة في ايدنا
ممدوح
وهو جالك القهوة لية
امين
عرف من سمر ان خطوبتها اتفشكلت مع هاني وجه عاوز يرجع الخطوبة
ممدوح
وانت ما قالتش لية انه جالك
امين
كنت مخنوق يا ممدوح مطايق مش حاسس انا بعمل اية. انا اتهنت اوي في القسم وما حدش رحمني وكنت مظلوم عايزني اعمل اية ما علي يدكم انا كنت اتعدلت. لكن الظلم اللي شفته بسبب مراة اتبلت عليه. خلاني ارجع تاني ابقي اوحش من الاول
ممدوح
خلاص اطلع انت برة الحوار دة وانا هجيب عز تاني بالطريقة لغاية هنا ونرحم الغلبانه اللي هتموت بسببنا دي ،،،،،،،،،،
هنا كانت مليكة بتضحك من كل قلبها وحست ان الخير جاي واتعشمت في بكرة لما سمعت كلام اخواتها مع بعض. واتصلت ب سمر وقالت
انتي كنتي بتشوفي عز يا سمر وما قولت ليش
سمر اتصدمت وقالت
انتي عرفتي ازاي.
حكيت لها مليكة علي كل الحكاية. فضحكت سمر وقالت
ايوة بقي اخيرا دة انتي ما تعرفيش عز هيفرح ازاي بكلام اخواتك دة
مليكة
انا عايزا اشوف عز. وانا اللي ابلغه باني جاهزة اكون مراته
سمر
بكرة الظهر نروح له الصيدلية الجديدة
مليكة
هو انتي كمان عارفة مكانها كل دة وساكتة
سمر
اومال اية يا بنتي، ،،،،،،،،
وتاني يوم تلبس مليكة احلي طقم عندها وتفوت عليها سمر وتنزل لها مليكة ويروحوا يلاقو الصيدلية مقفوله فتقول مليكة
انتي متاكدة اني دي الصيدلية
سمر
ما هي الصيدلية الوحيدة في اللي فاتحة في السوق جديد ومكتوب عليها اهو صيدلية عز
وبصت سمر ناحية اليفطة. فقالت مليكة
اومال قافل لية بس ل دلوقتي
سمر
تعالي نسال صاحب المحل اللي جنبه دة
وراحو سالو صاحب المحل علي عز فرد وقال
عقبال عندكم فرحوا كمان اسبوعين . وسافر البلد يعزم اهله
اتصدمت مليكة وقلبها صرخ ،،،،،،،،،،،،،