رواية لكل قلب حكاية الفصل التاسع عشر 19 بقلم محمد منصور
ومن جوة اوضة مليكة تقعد مليكة وهي ساكتة والهم ضيف تقيل عليها وقدام منها تقعد سمر وتقول
مليكة هتفضلي قاعدة ساكتة كدة
بصت لها مليكة وقالت
عايزاني اتكلم اقول اية
سمر
ما عرفش. مش لازم نتكلم في حاجة معينه تعالي نرغي في اي حاجة زي زمان
مليكة
لما يرجع زمان. نبقي نتكلم كلام زمان.
سمر
طيب بصي انا هستني لما يرجع واقول له. ،،،،،
قاطعتها مليكة وقالت
هتقولي اية. الغي جوازتك وارجع اخطب مليكة. خلاص يا سمر عز مابقاش لية
سمر
لية بس بتقولي كدة
مليكة
اومال عايزاني اقول اية. يتجوز اللي هيتجوزها عادي وانا فوق منها هدية. طالما قدر ينساني ويكون ل غيري ييقي خلاص خلصت
سمر
ما تعرفيش اية الظروف
مليكة
اية الظروف اللي خليته يتجوز. بنت هو وما قدرش يقول ل اهله لا. ولا خاف ليبور. عز نسي وانا لازم انسي.
سمر
يعني اية
مليكة
هتجوز وليد
سمر
لا. يا مليكة دة كدة انتحار
مليكة
في ميته بتموت كذا مرة. انا روحي طلعت لما عرفت ان عز هيلمس واحدة غيري. هيضحك معها ويقول لها بحبك وتقول له وانا كمان. وتخلف منه عيل شبه.
واتقطع قلب مليكة وبصت ل سمر بحرقة وقالت
عارفة انا نفسي في اية دلوقتي
سمر
نفسك في اية
مليكة
نفسي اعيط. بس هتصدقيني لو قولت اني ما بقتش قادرة علي العياط. من كتر الوجع.
وندهت باعلي صوتها وقالت
يا. امين. انا موافقة اتجوز وليد. ،،،،،،،،،،
وتعدي الايام والعيلة بتجهز ل فرح مليكة وتتجوز مليكة ويوصل الخبر ل عز اللي هو كمان اتجوز من بنت عمه واتقطع قلبه وحست بي وداد لانه كان عندها في اليوم دة ولحسن الحظ من غير مراته. شهد. فقالت له
اية تاني مش كنا خلصنا من حوار مليكة دي. وشك قلب لية لما عرفت انها اتجوزت
عز
ما فيش يا امي حاجة انا كويس
وداد
لا. مش كويس واحمد ربنا ان الخبر جالك وانت عندي ومراتك مش معاك والا كانت شكت
عز
هي بتشك ولا بتحس ب حاجة. شهد دي بني ادمة كل اللي يهمها اني اشتغل واجيب فلوس
وداد
يا ابني العيشة غالية وهي بتعمل ل مصلحتكم وانت دلوقتي بصحتك وتقدر تجيب فلوس هات وكفي بيتك
عز
انتي عايزا تحلي في عينية وخلاص علشان انتي اللي اخترتيها ليا. لكنك من جواكي بتقولي اية اللي انا عملته في ابني دة. كنتي عايزاني اتجوز واحدة احلي من مليكة وخلاص علشان انسها. وفعلا حصل جوزتيني واحدة حلوة اوي من برة. لكن وحشة اوي من جوة. وبيها بقيت ديما افتكر مليكة. اطيب قلب
وداد
عز انت عايز نشيلني المسئولية وخلاص. انا كنت في الاول اة مش عايزا مليكة ليك. لكن لما عرفتها علي حقيقتها اتمنتها ليك وروحت بنفسي لغاية عندهم وانطرد. وانت روحت ومش عايزا اقول اية اللي حصل فيك. ذنبها وذنبك في رقبة اخوها امين مش انا
عز
ما بقاش ينفع نقول مين السبب. خلاص هي اتجوزت وانا اتجوزت. يعني بقي الطريق مسدود
ووقف عز فقالت وداد
بسرعه كدة هتمشي
عز
اصل شهد بتزعل لما اقفل الصيدلية وقت الصلاة ما بالك بقي لما تعرف اني قافل بقالي ساعه وقاعد معاكي. سلام يا امي
ومشي عز اللي بان عليه الكبر ووداد قالت وهي بتبص علي باب الشقة وهو بيتقفل
انا السبب في جوازة الندامة دي يا قلب امك، ،،،،،،،،،،
في نفس الوقت كانت مليكة ليلية دخلتها في احضان وليد اللي ريحة بوقة كانت وحشة بسبب كمية المخدرات اللي بيشربها وحس وليد ان مليكة قرفانه منه فقال
مالك يا بت
مليكة
مافيش. بس يعني لو تاكل حاجة تضيع بيها ريحة بوقك
وليد تف جنب السرير في مشهد مقرف ورجع بص ل مليكة وقال
وهي مالها ريحة بوقي
مليكة
مش حلوة.
وليد
مش حلوة
ورجع تف تاني وبص لها وقال
اسمعي يا ابلة. انا راجل ما حبش مراتي تقولي بم. علي السكة والدوغري احب لما اكون في حضنك انبسط وبس. اية كمونتات تخليها ل نفس تمام ولا. لا. يا استاذة نضوي الشربيني
مليكة
طيب وفيها اية لو غيرت ريحة بوقك بحتة بسوسة من اللي جنب مننا دي
وليد
باين عليكي غبية وزنانا. بس اخويا وحيد موصيني عليكي وبرضو انتي لسة عروسة. بلاش اضربك اول ليلة. وان كان علي حتة بسبوسة مش هتخسر
ومسك حتة البسبوسة وكلها وهو عمال يبص ل مليكة وقال وحتة البسبوسة لسة بيندغ فيها.
ابلة نظيفة تحب تقول كلام تاني ولا نكمل
سكتت مليكة وهو اترمي في حضنها تاني وهي قرفانه منه وهو كل ما يقرب تقول له
طيب ابلع البسبوسة الاول
وليد بعصبية
هو في بقي هي جوازة ولا حصة تدبير منزلي
وتف البسبوسة علي وش مليكة ومسكها من شعرها وقال بمنتهي القرف
من دلوقتي لغاية ما خلص من سمعش حسك
بصت مليكة بخوف للحيوان اللي معها في الاوضة وسكتت وهي مرعوبه ،،،،،،،،،
وبعدها بشوية تخبط ام وليد علي اوضة نوم وليد ومليكة فتبص مليكة لوليد اللي كان نايم مش دريان بالدنيا وفضلت مليكة تصحي في وهي مستغربه مين اللي بيخبط عليهم دلوقتي وفتح وليد عيونه بصعوبه وقال
في اية
مليكة
في حد بيخبط.
وليد
تلاقيها امي. نعمه
مليكة
ومامتك دخلت ازاي شقتنا
وليد
ما هي معها مفتاح
ويسمع وليد صوت امه بتقول
افتح يا وليد
قام وليد بصعوبه وقال
في اية يا نعمه
نعمه
افتح عايزاك
فتح وليد الباب وبص ل امه وقال
عايزا اية دلوقتي بس
نعمه
دخلت ولا لسة يا مسطول
وليد
يعني بتصحيني علشان تسالي دخلت ولا لسة
نعمه
اة. عايزا اطمئن طلعت بنت بنوت
وليد
ماخدش بالي
نعمه
يا مسطول انت مش هتفوق ابدا. دة اخوك وحيد بيقول ان البت دي ممكن تطلع مش مظبوطة
وليد وهو فاتح عيونه بالعافية
لا. مظبوطة امشي بقي يا نعمه وبكرة نتكلم
طبعا كل الحوار دة بيدور ومليكة سمعا. وقلبها بيتقطع لكن الغريبة انها بطلت تعيط وشيطانها قالها
فرصة تخلصي من حياتك. لو وليد دة واهلة عرفو انك مش بنت بنوت اكيد هيقتلوني وارتاح
واستغلت انشغال وليد مع امه وبصت علي السرير. بتركيز شديد. ووصلت للدليل علي انها بنت بنوت واخفت الدليل دة. تحت السرير ورجع وليد تاني ونام جنب مليكة، ،،،،،،
وتاني يوم الصبح كان وحيد قاعد مع امه نعمة وبيقول لها
اية الدنيا
نعمه
اخوك المسطول دخل عليها وبقول له. طلعت بنت بنوت ولا. لا. قال ما خدتش بالي
وحيد بعصبية
هو مش هيبطل شغل السطل دة ويركز مع ابونا شوية
هنا تنضم لهم مرات وحيد واسمها نرجس وقالت له
هو انت مالك خارب الدنيا من امبارح علي حوار مليكة دة
وحيد
اصل اخواتها ما كنوش ما وفقين علي الجوازة وبعدها وافقة كدة وبمنتهي البساطة. ودي بصراحة حاجة خلت اشكك فيهم.
نرجس
يعني امين صاحبك برضو هيلبس اخوك. اختة وهو عارف انها شمال
وحيد
صاحبي اة ما قولتش حاجة. بس ما هو برضو اخوات مليكة خلوني اتجن في اية قاله لا. ورجعوا قاله اة
نعمه
انت هتكركب معدتي لية. وتخليني اقوم دلوقتي وافتح عليهم الاوضة واشوف بنفسي البت دي واعرف هي سليمة ولا شمال
وحيد
اصبري يا نعمه لما المحروس يصحي من النوم ويبقي فايق للكلام وانا هساله بطريقتي،،،،،،
وبعدها بشوية وبعد ما صحي وليد وكلمة وحيد. رجع وليد اوضتة وبدأ يدور علي السرير او هدومة او هدوم مليكة علي الدم اللي يثبت ان مليكة بنت بنوت وطبعا مليكة كانت قاعدة في ركن من اركان الاوضة وهي عارفة هو بيدور علي اية وساكتة مستنيا. يتعرف انها ما كنتش بنت بنوت و حكم الاعدام يتنفذ فيها وترتاح لكنها لقيت وليد دة راح لها ووقف قدامها وقال
هو انتي مالك حلوة اوي كدة
استغربت مليكة وبصت له وهو بيضمها في حضنه بنفس الريحة اللي هي بتقرف منها وهو قال وهي في احضانه
تطلعي بنت بنوت تطلعي شمال. بحبك يا غزال
وبدأ يبوس فيها بمنتهي الحقارة وانعدام للنخوة والشرف
وبعد ما انتهي. بص لها وهي علي السرير وراح ناحية طبق الفاكهة ومسك سكينة الفاكهة وقال
علشان اخلص من زنهم بس
وجرح رجله ونزل دم وجاب فوطة من فوط الوش وحط عليها نقطتين دم من الجرح اللي بينزل من رجله وكتم الدم اللي بينزل من رجلة وراح خارج من الاوضة وفي ايدة الفوطة. علشان تستغرب مليكة من اللي عمله وازاي دة راجل وتسمع زغروطة نعمه ونرجس وتتاكد ان باب السجن اتقفل والسجان يبان راجل وهو مش راجل، ،،،،،،،،،،