رواية احببت وانا علي ذمة اخر الفصل العشرون 20 بقلم نوسه حمد
كنت ماسكه شغل مهم في يدي بخلص فيهو المدير قال لي تسلميهو اليوم في أثناء م انا شغاله اتصلت علي هديه وما من عوايدها انها تتصل علي رديت علي وبقيت اقول الو الو وسامعه صوتها وهي بتبكي وطارق يضرب فيها شكلو وكانت بتقول ليهو استرني يا طارق انا حيلي مات وبقيت ارجف وما حسيت بنفسي الا وانا مدوره العربيه وسايقه بي اعلي سرعه وبدل الحادث كنت ح اعمل حادثين وصلت بقدره قادر بيت هديه ولاقاني طارق في وشي وكان مضايق وشكلو في موضوع كبير شديد قلت ليهو طارق مالك فشنو قال لي انتي مالك وبعدين الجابك هنا شنو ما قلت ليهو هديه اتصلت علي قلت ليهو جيت اسلم علي هديه طولت منها عاين لي وفات دخلت لقيت هديه واقعه في الارض وحالها بالبلاء طارق ضربها ضرب شديد منظرها قطع قلبي قالت لي نوسه الحقيني انا عاوزه اموت قلت ليها هديه فشنو مالك طمنيني عليك وكانت تعبانه شديد واثار الضرب والدم طالع بي خشمها ومافيها حيل حتي ترد علي وفي أثناء انا ما سانداها علي هديه ماتت في يدي انا بقيت ارجف ومن غير اشعر فكيتا حسيت انها ماتت وقلبي وقف اتصلت علي طارق قلت ليهو طارق حرام عليك عملت فيها شنو هديه ماتت هديه ماتت وانا ما وعيت بي اي شي شكلي اغمي علي م وعيت الا بعد زمن لقيت اخوي جنبي والبت الشغاله معاي ونور اتزكرتا نور قلت ليهم هديه ماتت صاح وكنت بكورك بي اعلي صوت اخوي ماسكني ويقرا لي ويقول لي هديه كويسه وانا م قادره اصدق انها كويسه قلت ليهم طارق وين قال لي طارق جابك هنا المستشفى واتصل علي جيت وديتك المستشفى ووصل معاي ساق دكتور ومشا قلت ليهو متاكد هديه ما ماتت قال لي ماتت كيف هديه دايره تموت عرفت اخوي مافاهم شي وطارق م فهمو شي قال لي نوسه خليك في حالك وفي بيتك ما عندك شغله في نسوان طارق قلت ليهو يعني شنو وليه فشنو قال لي بس يا نوسه ما عاوزين كلام ولا فضايح قلت ليهو كلام وفضايح انا مالي عملت شنو طارق قال ليك شنو قال لي خليك من قول طارق بس ي نوسه خليك في حالك عليك الله واعملي لي انا اعتبار حسيت طارق قال ليهم حاجه وانا مافاهمه اصلا هديه مالا الدكتوره قالت لي شكلك ما اكلتي وجاك هبوط الفطور مهم جدا ما تخلي الشغل ينسيك اهم وجبه قلت ليها ان شاء الله بتي الشغاله ادتني فارس كان ببكي شديد ضميتو علي ووسط دموعو نزلن دموعي منظر هديه ما عاوز يفارق خيالي وفي راسي الف سؤال ويارب توصلني البيت اشوف طارق ولا اتصل لي هديه الدكتوره جات ادتني فايتمينات وخرجتني اخوي نزل اشترا لي حاجات ومشيت البيت وبقيت اتصل في تلفون هديه مغلق وطارق ما جا نهاي بتصل عليهو برفض فيني المكالمه وانا اليوم كلو راسي يودي ويجيب صحيت الصباح وبتصل التلفون مغلق وطارق زاتو تلفونو مغلق قلت خلاص هديه ح تموت وياعالم الحصل عليها شنو اتزكرت الولد الكان سايق لي العربيه قلت النسالو طارق مشا الشغل ولا لا لو قال لي طارق في الشغل بطمن حبه بس لو قال لي م جا معناتا هديه في خطر وانا لازم اكسر كلام اخوي وامشي ليها انا اكتر واحده بعرف هديه انسانه طيبه وقلبها ابيض بس طارق للاسف ظالم وما بحمد ربنا ع النعمه العندو بقيت اتصل للولد تلفونو زاتو ما بدخل معاي بقيت م قادره اصل لي هديه ولا لي طارق والتفكير ح يشل راسي قلت لازم امشي لي هديه بس اتزكرت كلام اخوي قال لي اوعك تعتبي عتبه واحده من نسوان طارق وما عارفه طارق مفهمو شنو وزاتي بقيت خايفه خوفت هديه تجيها حاجه ممكن طارق يتهمني انا عادي ويقول عملت ليها حاجه ودا الضر علما. باني بحب هديه جدا عمري م حسيتها ضرتي وقلبي مقطوع عليها المدير اتصل علي قال لي وين انتي الحاصل شنو م جيتي الشغل اليوم قلت ليهو تعبت شديد قال لي عندنا شغل لازم نسلمو قلت ليهو طيب تمام ح اجي الان قومتا لبستا ملابسي بتي الشغاله قالت لي انتي تعبانه قلت ليها لا ح ابقا كويسه انتي بس ابقي علي اولادي عشره ما اوصيك عليهم قالت لي في عيوني اصلا ديل اولادي قلت ليها واثقه فيك شديد طلعت دورت العربيه ومشيت الشغل وفي طريقي بتصل للولد السواق تلفونو مغلق لسه رسلت ليهو في الواتس استلم وقرا ما ردا علي احترتا رغم انو محترم شديد اتصلت علي اخوي قلت ليهو عباس بتصل عليهو م برد علي قال لي عباس موش اشتغل مع طارق تاني عاوزه بيهو شنو يا نوسه قلت ليهو امس قربت اعمل حادث حاسه رجولي لسه فيهن عدم توازن وعندي شغل مهم جدا لازم اكملو وعاوزاهو يسوق لي قال لي كلمي طارق قلت ليهو طارق تلفونو مغلق قال لي طيب انتظريهو لمن يجي غلبني اقول ليهو حرف قلت ليهو انا هسي سايقه وما قادره وبعدين الله اعلم اقدر اسوق لانو شغلي كتير وح اكون واقفه علي رجولي كتير قال لي طيب بتصل عليهو بخلي يجيك في الشغل قلت ليهو تمام قفلت منو بعد ربع ساعه اخوي رجع لي قال لي انتي م عارفه عباس خلا الشغل وسافر احترتا شديد قلت ليهو متين خلا الشغل قال لي والله م عارف بس قال لي الشغل م بخارج معاي وجاهو شغل افضل وبجهز في ورقو مسافر قطر قلت ليهو بالسرعه دي قال لي والله م عارف بس دا كلامو بعد اجي طارق استفسري منو وبعدين انا ح اجي غاشيك اسوقك وكده كده انتي في طريقي قلت ليهو تمام حاولت في رقم عباس م دخل معاي راسي شطب شديد وبديت اخاف شكلو في موضوع كبير لانو اخوي اتكلم معاهو وانا بتصل رقمو م بدخل معناتا انا حاظرني ورغم انو م شاف مني الا الخير قلت لازم اشوف طارق وفهمو لو م جا ح اتصرف وصلت الشغل وخلصت شغلي وسلمتو واخوي جا ساقني رجعت البيت طارق ما جا وبتصل م برد وبرسل ما برد قلت ربنا استر هديه ما تكون جاتا حاجه اهل هديه ناس بسيطين وفهمن علي قدر حالهم وعايشين في البلد مره بتزكر هديه اتصلت من تلفوني لي مرت اخوها وبقيت افتش للارقام الغريبه واتصل فيهن رقم رقم لغايه م لقيت رقم مرت اخوها سلمت عليها وقلت ليها انا نسيبه مرت طارق هديه شكلها تعبانه وما قادره اصل ليها قالت لي مالا هديه قلت ليها انا في مأموريه ومافي في البلد بس اخر مره لاقيتا فيها كانت عيانه وهسي بتصل وما بترد وطارق قال لي بتاخد في علاج هديه لو عندها اخت صغيره خلوها تجي تساعدها بتكون خجلانه تكلفهم قالت لي اجي خجل شنو لو ما قالت لينا نحنا تقول لي منو خلي هاني اخواها يجي هسي بكلمو قلت ليها تمام ياريت لو بكره اخوها يجيب ليها اختها قالت لي ان شاء الله وقفلت منها حسيت ضميري ريحني شويه لانو هديه م كويسه وانا اخر مره شفتها فيها الدم مالي المكان ويا عالم اكون قطع فيها شنو وطارق مصر ما يرد علي وما يجي البيت اصلا كده كده انا بقا مافارق معاي بالذات لمن شفت قسوتو علي اكتر واحده وقفت جنبو كيف يسمح لي نفسو يمد يدو عليها والسبب الخلاهو يمد يدو شنو حاولت اساعدها وما اخليها براها وكان نفسي امشي ليها بس خايفه من طارق بليل طارق جا وكان زعلان سلام م سلم علي نور من شافتو جرت عليهو وهو زهجان قال ليها انا تعبان ادخلي نومي وقال للبت الشغاله شيلي فارس وخلينا برانا حسيت انو عاوز يشاكلني البت ونور فاتو قفل الباب وانا بقيت خايفه واعصابي منهاره قال لي انتي ليه تتصلي لي اهل هديه وقلتي ليهم شنو موش انا قلت ليك ما تدخلي في حياتي وبيتي قعدت اتمتم غلبني اتكلم قال لي انتي قصتك شنو وفهمك شنو ابعدي عن هديه قلت ليهو طارق هديه دي زي اختي كيف ابعد منها قال لي هي ما اختك اياك يا نوسه تاني تدخلي في حياتي بالذات مع هديه قلت ليهو والله انت فاهم غلط انا م ادخلتا في حياتك قال لي لا ادخلتي وانا متاكد انتي ورا اي شي حصل مع هديه اتشجعتا وقلت ليهو انا م بسمح ليك انا هديه ما عندي زاتو معاها كلام لمن تقول لي كلامك وتسم بدني بيهو وبعدين هديه اصلها عملت شنو عشان انت تضربها بالشكل دا عشان لقيتا مسكينه قال لي ما هديه براها انتي زاتك تاني تقلي ادبك بجلدك وزمن اني اسامحك كان زمان قعدت اضحك قلت ليهو بركاتك يا الشيخ انت مفتكرني زي زمان اقسم بالله يا طارق انت علي عبله ابلعكم جوووه بطني داير يمد يدو علي قلت ليهو حدك هنا وبكل قوتي بعدتو مني وقلت ليهو هسي تطلقني وانت ما راجل البتمد يدك علي مرتك طارق بقا هايج قال لي ح تشوفي ي نوسه قلت ليهو تشوف العمي يا طارق ومن بكره تسلمني شغلي وانت من طريق وانا من طريق وبعدين ليه قلت للولد السواق امشي قال لي الجاسوس الدخلتي وسطينا عشان يخرب حياتنا انا قلبي بقا يضرب وغلبني بقيت اتمتم قال لي لعبتك انكشفت يا نوسه وذنب الحصل في رقبتك انتي وفات انا حيلي مات قلت الولد فتني فيهو وبقيت متغاظه علي اهل هديه ماكلفو نفسهم يجو اتصلو بالتلفون وهديه يا حليلا طبعا هديه صغيره شديد كل م اتزكرها الدنيا تمسخ لي وقلت لازم لازم امشي ليها عندي جارتي زمان صاحبتي وفردتي وهديه كانت بتشكرها لي بتقول لي الوحيده البتجي تسلم علي طلعت رقمها واتصلت عليها وحكيت ليها بالحاصل قلت ليها م طالبه منك غير تمشي ليها من غير م طارق يعرف انا مرسلاك ولمن تقول ليك طارق في بيتو التاني اتصلي لي ضروري قالت لي طيب تمام هسي بمشي ليها بعد دقائق اتصلت علي وقالت لي هديه عيانه وقالت ليك ضروري تجيني انا طارق شال مني التلفون وطارق مع عبله اليوم ما صدقت لبست عبايتي ومشيت ليها لقيتا عيانه شديد وجسمها مسخن شديد بكيت عليها شديد وهي زاتا تبكي قالت لي نوسه اناا ح اموت قلت ليها بعد الشر عليك مالك يا هديه فشنو احكي لي قالت لي موضوع طويل يا نوسه انا بحكيهو ليك بس ما تفهميني غلط والله ي نوسه انا ما زي طارق فهم نوسه انا كنت بتكلم مع عباس قلت ليها شنو شنو عباس السواق قالت لي اي نوسه والله ما قصدي انا ضعفتا عباس كان بجيب لي مطلباتي وكان بتغزل فيني وضعفت قدامو شديد وطارق اليوم داك لقاهو واقف معاي جنب الباب وسمع ونستنا كلها وضرب الولد لغايه م نزف وضربني انا والمشكله م هنا المشكله اني حامل ي نوسه وطارق شكا فيني وفي الفي بطني نوسه اقسم بالله انا عمري م غلطت للدرجه الفكر فيها طارق دي وبحاول اديني حبوب للاجهاض وانا رافضه وبقيت رافضه الاكل والشراب وهو قال لي تقعدي كده لمن تموتي وادفنك بي يدي نوسه عليك الله ساعديني انا بموت ساعديني من غير م تكلمي اهلي اموت ليك اتصرفي انا ما عايزه الفي بطني يموت ........يتبع
هديه قطعت قلبي هل اساعدها ولا اخليها ؟؟؟علما بانو طارق شكلو فهم انو هديه بعلاقتها مع عباس انا السبب لاني جبتو
نزلتها من غير ما اراجعها