رواية ضحية فرعون الفصل التاسع عشر 19 بقلم منه محمد
امير واقف بره مش عارف يعمل ايه الدنيا بتضيق بيه اتملت عيونه بالدموع والقهر خناجر تطعن احاسيسه ترميه قتيل علي ارض الموت ومره واحده حس قلبه مقبوض بدون سبب لحد ما سمع رنه تلفونه على طول سحبه من جيبه و فتح الخط ورد : ايوه يا ايمن , جاي حالا
صابرين مقربه عليه : في ايه يابني
امير بيركب العربيه بعجاله: ايمان في المستشفي وبتنزف
صابرين : طيب هنحصلك انا وابوك ع المستشفي
عادل : يله بينا نمشي وراه
امير دخل المستشفي شاف ايمن شايل اميره ع كتفه مسح ع شعرها : ايمن وضع مراتي عامل ايه
ايمن: روح اسال الدكتوره هي مستنياك , قالت ان ايمان ضعيفه جدا ويمكن متقدرتش تولد طبيعي
امير : بابا انا هروح اشوفها
عادل : خليك هادي واذكر الله
امير هز دماغه ومد بخطواته لغرفه ايمان وفتح الباب بهدوء وقرب عليها بهمس: حبي
ايمان فتحت عنيها وكل الي بتحاول تفهمه انه موجود جنبها وجه في وقت هي في امس الحاجه له وقالت: امير انا اسفه سيبت البيت من غير اذنك , مش عايزه اموت ست ناشز , عايزه اموت وانا زوجه صالحه
اميرسحب ايدها وبقوة باسها: انتي بتقولي ايه , انتي احسن زوجه في الدنيا وسواء في الدنيا ولا الاخره عمرك ما ظلمتيني انا المذنب لاني مسمعتش كلامك سامحيني وحقك عليا
ايمان بان على وشها تفاصيل الوجع : امير لو مت
امير حط ايده ع شفايفها: ارجوكي متقوليش كدا بأذن الله برحمته وكرمه انتي وولادنا هتقوموا بالسلامه وتبقوا في امان , وبحبك انتي وولادنا اوي , وانا واميره في انتظارك , ومتقوليش الكلام الفراغ ده تاني
ايمان: افرض مت وانا بولد
امير: ايه الكلام ده يا ايمان
ايمان غمضت عيونها بقوة من قوه الألم الي احتواهآ من جديد وميلت دماغها وسكتت تماما
امير طلع يجري ويصرخ: دكتوره
الدكتوره دخلت وقاست النبض: لازم ندخلها غرفه الولاده حالا
امير سحب السرير مع الممرضه لغرفه الولاده
.............قصص منه محمد كاتب...........
شاهيناز بنفعال: شوفتهم مسحوا بينا الارض واهانوا بنتنا وطردونا , حتي انت الي اخوه اهانك ونسوا خلاص علاقه الدم , وابنه عايز يربي بنتنا دي ناس عدوا الكلام
يونس عيونه راحت ع ليلي بقرف: تصرف امير مفيش شك انه وقح, لكن بسبب مين
شاهيناز :انت لسه بتدافع عنهم مش كفايه سيبتهم يدوسوا علينا , انا بجد مش هقدر اتحمل لما حد فيهم يقلل من كرامتنا واسمع الغي كل المشاريع الي دخلتها مع اخوك , مش عايزه اتعامل نهائي مع ناس مش بتحترمنا
يونس : بتلوميني ع ايه انتي اكتر واحده كنتي حريصه اتعامل مع عادل في مشاريع ضخمه , ودلوقت عايزه تلغي كل حاجه
ليلي قامت وقفت وصرخت: بس اسكتوا مزعجين اوي
يونس وهو بيشاور عليها بنفعال: مين الي بقي وقح دلوقت وبيتصرف بقله ادب, انتي شاطره تخرسيني اتشطري وربيها
ليلي بعصبيتها المعهودة ولسانهآ الطويل : انا بكره اسلوبك ده , يارب اموت عشان ترتاح مني
شاهيناز: ليلي
ليلي حدفت ايدها: اوعي
شاهيناز: شايف نتيجه الي عملته
اما ليلي دخلت غرفتها وقعدت ع الارض تبكي: امير لايمكن تتخلي عني انت خاص بيا, انا عندي استعداد اموت اهون ما اعيش من غيرك
...............قصص منه محمد كاتب..............
بعد ساعات خرجت ايمان هي والتؤام بخير وسلامه وامير بيضم ولاده بفرحه كبيره وراح حط ولد منهم في سريره ورحلها مال عليها : مش عارف ازاي اوصف الشعور ده صعب اتكلم , الحمد لله ولادي بصحه وبخير
ايمان تفتح عيوونها من التعب و تغمضها وترجع تفتحها
امير: وحبي كمان بخير قدامي حبي انا هسيبك دلوقت عايزك ترتاحي كتير ولما يكون عندك طاقه وتحبي تقومي عرفيني
ايمان بصتله وابتسمت لكن من اثر المخدر عينها قفلت ونامت وامير لما حس بنتظام انفاسها باس جيبنها وطلع بره الغرفه
مرزوق : ايه المستشفي الكبيره دي
امير سلم مبتسم: اهلا يا عمي ازيك يا طنط
بسيمه: طمني ايمان عامله ايه هي فايقه
امير: اولا انا فرحان جدا عشان شوفت ولادي التؤام
مرزوق: انت كنت رايح فين البيت
امير: اه رايح دقايق وراجع محتاج اخد شور واصلي وكويس انك يا طنط هنا تاخدي بالك من ايمان بس هي حاليا راحت في النوم بسبب الادويه الي عطوهالها
بسيمه: روح انت وانا هفضل جنبها وكنت عايزه اهتم بيها طول فتره نفاسها هتمانع يا امير
امير: انا عن نفسي معنديش مانع طالما حبيبتي هتحس بالراحه مع اي قرار
بسيمه: تسلم يابني والف شكر
امير: الشكر لله عن اذنكم محتاجين اي حاجه
مرزوق: لا اتوكل انت مع السلامه
امير: ايمن انت عارف اوضه ايمان مش كده
ايمن: اه عارفها
امير :جميل همشي دلوقت
...............قصص منه محمد كاتب...............
انفتح الباب ع ايمان ودخلت لابسه كمامه وحجاب واخدت طفل من التؤام وطلعت لمحها ايمن بس اعتقد انها دكتوره هتكشف عليه واخدته من امه ماحطتش في باله
بسيمه دخلت وراحت لسرير الولاد: الله حفيدي امور اوي مسكينه يابنتي اكيد تعبتي
مرزوق: بس فين العيل التاني
ايمن: يمكن الدكتوره اخدته لحجره الكشف , لاني شوفتها خارجه بواحد
ايمان حست بوجودهم فتحت عينها بتعب شديد وقالت: ماما جيتي
بسيمه باست ايدها: مبروك يانور عيني
مرزوق: حمد لله بالسلامه يا قلب ابوكي
ايمان: الله يسلمك وصلتوا امتي
بسيمه: لسه حالا من دقيقه وكنت عايزه اصحيكي بس صعبتي عليا وقلت حرام اقلقك
الممرضه خبطت ودخلت: يله معاد الدواء
ايمن: لو سمحتي هو العيل التاني الدكتوره بتكشف عليه
الممرضه: لحظه واحده هسأل الاستقبال
ايمان بقلق: ليه هيكشفوا ع ابني
الممرضه: حالا اعرف وبعد ما تاخدي علاجك رضعي ابنك
مرزوق قلق وقالها: انا مصلتش الضهر هنروح انا وايمن نصلي واجيب قهوه دماغي مصدع بسيمه متروحيش اي مكان اهتمي بأيمان
بسيمه بضحكه: هروح فين انا هنا
مرزوق وهو بيشاورلها: خلاص يله يا ايمن نخرج
بسيمه: شايفه تصرفات ابوكي , هشيل حفيدي حبيبي طالع زيك يا ايمي لما كنتي مولوده
.............قصص منه محمد كاتب..............
طلعت بالطفل لمكان بعيد ورفعت عنه الغطاء وقالت: انت حلو بالظبط زي ابوك بس ابوك مقدرش حبي له ابدا انا في معاناه شديده بسببه ودلوقت هدي له درس صعب عشان يعرف يمد ايده عليا وانت الي هتبقي الضحيه
ليلي بكل قسوه راحت رمت الطفل وحطت عليه الزباله في نفس الوقت المستفي اتقلبت
مرزوق بغضب: ايوه هصبر لحد امتي ده حفيدي مش كيسه خليكم مكاني
ممرضه: عارفه وفاهمه , بس ممكن الصبر شويه
امير شاف اللمه وراح عليهم بستفهام : عمي ايه الي بيحصل
ايمن بقهر: واحد من ولادك اختفي من الاوضه وبسالهم عنه
امير بصدمه: فين ابني
الممرضه: الامن بيراجع الكاميرات وهنشوف لو حد اخده
امير: وانتم لازمتكم ايه
المرضه: اهدا يا فندم الامن بيدور عليه في كل مكان متقلقش
امير بنرفزه: مقلقش ده ابني الي ضاع من اهملكم ومش مراعين ربنا في شغلكم انا ههد الدنيا علي دماغكم
مرزوق: امير ممكن تهدأ متتعصبش هنعمل ايه لو ايمان سمعت خلينا نروح ندور عليه
ايمن: اسمع يا امير لما وصلت شوفت دكتوره واخده الطفل وخارجه من اوضه ايمان
الممرضه : جايز دكتوره هنا نصبر شويه
امير صرخ فيهم : انا عايزكم تجبهولي
الممرضه :وانا قلت لك اصبر
ايمن سحب دراع امير: تعال ندور عليه , بابا بلغ ايمان ان الدكتوره بتكشف عليه وحصلنا
مرزوق: يله بسرعه
ايمن: امير تعال ندور عليه تحت
امير قلب كل حته في المستشفي الطفل ملوش اي اثر لحد مانزلوا مكان المخلفات وامير وقف ياخد نفس من كتر الجري هنا وهناك هو وايمن
امير حس انه قلبه وقف وايده ترجف صرخ بأعلي صوت وقال: يابني لو سمعت صوتي ابكي يارب متوجعني عليه يارب رجعهولي ليه اهملت فيه
سمعوا صوت حد بيبكي وايمن قاله: امير سمعت الي انا سمعته
امير شاورله يسكت خالص ومشي لمصدر الصوت ونط في مقلب الزباله وفضل يرفع فيها لحد ما لقاه ابنه اخده لحضنه ونزلت دموعه هو وايمن ورجعهوا بيه بسرعه لايمان قبل ما تحس
ايمان الي بتدي امها الطفل: ماما خديه هو شبع
بسيمه: هاتي
ايمان : ماما ابني التاني فين, ليه غابوا في الكشف كده
بسيمه: يمكن عنده غازات ولا حاجه
ايمان بصت لمرزوق: بابا ليه عرقان كده , روحت فين قلت هتصلي وتشتري قهوه هي فين
بسيمه: هو كدا , وايمن فين مرجعش ليه وايه الخناقه الي كانت بره
ايمان: خناقه امتي
مرزوق: مع نفس المرضه الي قالت رايحه تشوف العيل ,بس راحت ومرجعتش
ايمان بقلق: في ايه يا بابا فين ابني
مرزوق حط ايده على جبهته وبيفركها بتوتر: ابنك
امير كان فتح الباب وداخل في حضنه الطفل ووره ايمن
مرزوق: ابنك اهو
ايمان: الله ليه اخدت ابننا
امير وهو بيحطه في حضنها: ابدا قلت اشممه شويه هواء
بسيمه: الله حفيدي التاني حلو وروحت تتفسح يا بختك
مرزوق سحب امير خارج الغرفه يفهم منه الحكايه وامير حكاله ان حد خطف ابنه ومجابش سيره ليلي نهائي
مرزوق: معني كده كانت هتنجح تخطف العيل بس ليه سابته في الزباله
ايمن: ده حد عايز يوجع قلب اختي وامير
مرزوق: كفايه يا ايمن سيب امير يستريح الاول , ويهدي من نفسه , هو منمش من امبارح قوم ريح يابني و, انا وايمن هنراعي ولادك ومراتك
امير: عمي ايمن طالب خدمه منكم لو مفيش مانع, مش عايز ايمان تعرف بالي حصل في ابنها
مرزوق: حاضر قوم بينا يا ايمن ,وانت يا امير روح ارتاح يابني
...............قصص منه محمد كاتب..............
في القسم بعد ما قدموا بلاغ بخطف لطفل من المستشفي وخرجوا بعد ما سلموا ع لظابط
امير لف بصله: ها يا بابا الخطوه الجايه هنعمل ايه لو عملت حاجه تلفت الانتباه هتعملنا صداع
عادل: وانا شايف طالما متجوزتهاش ممكن تعمل الافظع
امير: يعني عابزني اتجوزها , لا مش ممكن يابابا , انا مبحبهاش
عادل: انا مش بجبرك ولا عجبني اسلوبها الاجرامي
امير: فعلا مجرمه
عادل: لو سبناها من غير رادع هتفضل قلقان , وهي ومش هتسكت , واحتمال تعرض حياه ولادك او حياه مراتك للخطر
امير: يالله
عادل :القرار راجعلك , سيبني اقابل عمك ومراته وهي ونشوف هترد بايه
امير :تمام خلينا نروح
.......................
واقفه قدام المرايا وبتتكلم بحقد: اكيد مصدومه يا ايمان بس ده قليل متخلنيش ارمي عيالك المره الجايه في البحر
حست بحد بيفتح الباب ركبت الرقبه بسرعه ونطت حدفت نفسها ع السرير
شاهيناز: حبيبتي
ليلي: نعم يا ماما
شاهيناز: لسه رقبتك بتوجعك
ليلي: اممم
شاهيناز: عشان كل شويه بتشيلي الرقبه طبيعي توجعك
ليلي: ماما ليه امير بيكرهني كتير , عملت كل حاجه لاني حبيته وعامل نفسه مش عارف ده كان زمان بيعاملني بحب واسلوب كويس
شاهيناز: كله بسبب البت الي ظهرت لنا فجأه بوظت كل خططنا
ليلي: بس الي قاله بابا صح , انا الي بتمسك بيه, لكن هو ولا مهتم بيا اطلاقا
شاهيناز: كويس انك بدأتي تحسي وتفكري بالطريقه دي , انا مستنيه بنتي ترجع لنفسها تاني مش يبقي كل تركيزها وامالها ع راجل لا مديها قيمه ولا بيحترمها
ليلي: بس انا مش هسامحه هو والبت دي
شاهيناز: ليلي هو وعمك قاعدين تحت في الصالون
ليلي قامت اتعدلت بسعاده : امير قاعد تحت هو جاي يزورني وعايز يعتذرلي
شاهيناز بتعجب: مش قلتي حالا انك مش هتحطي امالك عليه , ولما جيبت سيرته قومتي زي القرد
ليلي: انا معنديش امل فيه بعد الي عمله ,بس قلبي لسه بيحبه
شاهيناز : كفايه يا ليلي بجد كفايه , لانه جه يشوفك ومعرفش لو كان هيعتذرلك ولما سالته مردش وقالي عايزك قدامه ضروري
ليلي : تمام انزلي انتي الاول , وانا هحصلك , محتاجه ادخل التواليت
شاهيناز : بس بسرعه
ليلي وهي بتعدل نفسها في المرايا: اكيد عايز يعتذرلي ولا عرف ان انا الي عملت كده في ابنه لا مستحيل معندوش دليل انا ذكيه خططي جهنميه
......................
ليلي نزلت وقفت بره تسمع كلامهم ووشها جاب اللوان واتخطف لما سمعت كلام ابوها
يونس : خطف ازاي ده حصل
عادل :وده سبب وجودنا هنا , عايزين نتكلم بصراحه امير جه يعتذر لليلي
شاهيناز: عشان عارف انه غلطان والمره الجايه يمسك لسانه احنا مش شحاتين علي الطريق وكأنه بيلاقي متعه في اهانه واحتقار الغير
ليلي دخلت قعدت جنبه: انت صحيح جاي تعتذرلي
امير بصلها: ايوه عايز اعتذرلك لاهانتك بشكل متكرر غلطت وعملت امور فظيعه فيكي وجايز حصل ده عشان ربنا عايزني اغير من تصرفاتي الغلط , وربنا انتقم لك في الي عملته عشاني طول الوقت لانك بتحبيني
ليلي مسكت ايده: يااه اخيرا فهمت مشاعري
عادل: وبسبب الذنب ده في حقك هو جه يكفر عنه , وايمان معندهاش اي اعتراض
ليلي: يكفر تقصد ايه يا عمي
امير طلع خاتم وفتحه قدامها: ليلي يونس تقبلي تتجوزيني
ليلي: طبعا اقبل ماما حلو اوي
شاهيناز خرجت وخبطت ع كتفها: ليلي ليه بتبتسمي زي الهبله
ليلي بصت حواليها ورجعت بصت في ايدها مفيش خاتم
شاهيناز: في ايه
ليلي برتباك: مفيش
شاهيناز: طيب يله ندخل
ليلي دخلت وقعدت بعيد عن امير ومكشره لانه طلع تخيل اتمنته لو كان حقيقه
شاهيناز: لخص ليلي هنا ايه الي عايز تقوله
يونس : امبارح ابن امير اتخطف من المستشفي
شاهيناز :ايه اتخطف
عادل : عشان كدا جينا نسال ليلي ليها اي صله بالخطف
يونس : لا كده كتير اوي
عادل: اسمعني الاول يا يونس قبل ما تتحمق احنا مش بنتهما
شاهيناز: مش بتتهمها امال لو سوالك مش اتهام يبقي ايه خلاص بتتصرف من غير عقل وشايفنا اعداء
امير : جينا نتفاهم مش نتخانق
ليلي وقفت: اسكت ايه الدليل الي عندك يا امير اني عملت كده , جاوبني ايه هو الدليل
شاهيناز: انت فعلا معندكش قلب يا امير قلبك حجر
امير وهو بيقوم : متاسف ع المقاطعه بينا نمشي يا بابا
ليلي صرخت فيه وهي بتمسك دراعه: اميراتكلم ايه الدليل الي عندك انطق
امير حدف ايدها من عليه وسابها وطلع من المكان
ليلي مسكت دماغها فجأه ووقعت ع الارض وشاهيناز ويونس صرخوا وعادل لف بصلها لكنه مشي وري امير وطلعوا وقفوا بره.
عادل: ليه مأجبرتهاش تعترف
امير: عشان كنت عايز اشوف رد فعلها , وشوفت اسلوبها مستحيل تعترف ابدا
عادل: لو كدا نعمل فيها بلاغ
امير: لو مشيت وري غضبي كنت اجرجرها للقسم , لكن خايف اعمل بلاغ ايمان تتوتر ويحصلها ذعر
............قصص منه محمد كاتب.............
دخلت وحطت ايدها ع انفها مش قادره تتحمل الريحة الموجودة الهدوم متراكمة على بعضها والزبالة متكومة جنبها
شاهيناز دخلت: ياربي ازاي قاعده في الاوضه كدا ولا مقلب زباله , انتي لا بتستحمي ولا بتاكلي
شاهيناز: انوشكا
انوشكا الشغاله: نعم
شاهيناز :نضفي الاوضه دي
انوشكا: امرك مدام
ليلي: لا سيبها كدا
شاهيناز: متسمعلهاش نضفي
ليلي بعصبيه: قلت لاء
شاهيناز: ليلي اسمعي مفيش فايده من عزلتك بالطريقه دي عن الكل بالايام , وغرقانه في عواطفك بتعذبي نفسك ع الفاضي , ليه كدا يا بنتي ,والله ماقادره اتتحمل أشوفك بالشكل ده, يعني هو يعيش سعيد مع مراته وولاده وانتي هنا تموتي نفسك ليه
ليلي: حاولت اطلعه من قلبي بس مقدرتش ,اعمل ايه بحبه ليه مش قادره تفهميني
شاهيناز: فهماكي وممكن تحتفظي بمشاعرك لنفسك , مش كل واحده حبت واحد اتجوزته وعاشت معاه , ارضي بنصيبك وكملي في طريقك يابنتي الدنيا فيها رجاله كتير الي يقدروكي امير مش المثالي يعني
ليلي : وانتي مفكره فيه راجل ممكن يحبني
شاهيناز : طبعا فيه وكتير يتمنوكي بس انتي شاوري وبعدين انتي عارفه امير بينفعل ويتعصب بسرعه صح عايزه تتجوزي من واحد همجي بالشكل ده
ليلي : ماما انا الوحيدة الي اقدر اسيطر ع اعصاب امير , وللسبب ده انا انسب واحده تكون معاه , لازم اساعده مقدرش اسيبه
شاهيناز: ليلي انا اقسم بالله زهقت وانا بسمع كلامك ومبرراتك , من فضلك فوقي امير مبقاش يحبك خلاص ده طردك من حياته ومش عايز يشوفك تاني مش فاكره اهانته
ليلي سحبت المخده وحضنتها لصدرها بقوة: لا مش فاكره حاجه
شاهيناز بلهجه حاده:اقسم بالله زهقت وقرفت ولو فضل الوضع كدا انا هدخل السرايا الصفراء كفايه ويله اطلعي من القمقم وعيشي حياتك وروحي شغلك اتعرفي ع اصحاب جديده واستمتعي بحياتك فوقي وانسي امير ده نهائي
ليلي سحبت الموبيل من تحت المخده وتتأمل في صوره امير وفي فرحانه
شاهيناز: ليلي سيبه ده وقومي خدي شور
ليلي رمت نفسها ع السرير وهي بتتامل الصوره وتبتسم
شاهيناز بحده : ياليلي قومي
ليلي صرخت : مش هقوم
شاهيناز شدتها من ايدها: قومي قدامي
ليلي رمت ايدها عنها بقوه :لا مش عايزه بقولك
..........قصص منه محمد كاتب..........
رجع من شغله فتح الباب ببطئء لقها نايمه على السرير واللحاف مغطي نص جسمها ..يااااه .. تفآصيل عشقها أكثر وأكتر ... اتحرك ودخل بخطوة واسعه عشان مايصحيهاش وبهدوء قفل الباب ووقف قدام سرير ولاده وابتسم وفضل يكلمهم
ايمان قلقت وفتحت عيونها وبصتله: رجعت امتي
اميرقرب منها وبهدوء قعد على طرف السريربأبتسامه دافيه: هو انا اتكلمت مع ولادي بصوت عالي اوي كده, اسف جدا ارجعي نامي لازم تستريحي لو احتاجتي اي حاجه بس قوليلي, او حتي اطلبي من ماما او داده رحمه
ايمان وهي بتتعدل: يا امير انا زهقت من كتر النوم , خلاص فاضل شهر واخلص فتره النفاس
امير حط ايده تحت خده : والي بعده
ايمان : ايه رايك لو تسمح لي انزل الشغل مره تانيه
امير :حبي بصراحه كدا حاسس اننا ملناش حياه خاصه وبقالنا مده طويله عايشين مع اهلي وانا مقرر اخدك انتي والاولاد وننقل لشقتي , واكيد اي ست بيبقي نفسها تعيش في مملكتها
ايمان ملامحها اتغيرت للضيق: نعيش في شقتك
امير: ايوه في مشكله مش عايزه , انا عارف هتقلب عليكي المواجع لما تشوفيها , انا كمان مرحتش هناك من وقت كبير ,وببعت حد ينضفها ,بس يا قلبي اوعدك مش هتفضلي كتير في الشقه دي اول لما اخلص بناء الفيلا الجديده ع اخر السنه هننقل فيها ع طول, اول ما تبقي جاهزه , ايه رايك عندك مانع
ايمان بهدوء :لا معنديش , الي حصل في حياتي رميته وري دهري . ونسيتها بكل تفاصيلها, انا دلوقت مبسوطه معاك عشان كدا مش مهم لو عايز تاخدنا انا والاولاد اعيش في اي مكان, المهم انك معايا
امير باس خدها: انا بحب مراتي وبعشقها , حسيت بالحماس عايز اغير ديكور الشقه كله قبل ما ننقل فيها ,سبيني اتكتك لمفاجأه , انزل بقي اقول لماما وبابا
ايمان : انت لسه راجع ادخل خد شور
امير: اخد شور منا واحد الصبح
ايمان: اكيد عرقت قوم غير هدومك
امير: حاضر بس اخد الاول بوسه
ايمان: بطل مشاغبه
امير: ع فكره انا زعلان
ايمان تبوس كف ايده : لا مقدرش ع زعلك خد احلي بوسه ع خدك (باست خده بشويش)
امير : تعرفي ان البوسه المتكروته دي ما ترضنيش, بس يله هرضا بيها تصبيره مؤقتا
............قصص منه محمد كاتب...........
يوم جديد دخلت تاخد شور ينعش جسمها ودخلت غرفه اللبس لبست شورت احمر وتي شيرت كات اسود زاد جمالها ووقفت ترفع شعرها لفوق وطالعه لقت الي بيشدها ولفها بقوة لحد ما حضنها بين ايده
ايمان شهقت: امير خضتني جيت امتي
امير يحضنها بقوة : من زمان
ايمان تبتسم: وراجع بدري النهارده ليه
امير : يمكن عشان نفسي اغرق معاكي في قاع العشق
ايمان تبعد عنه: امير بعدين
امير سحبها لحضنه تاني وهو مش قادر يقاوم جمالها الي كله براءه وقال : مفهاش بعدين , انا عايزك لو عندك اعتراض وفريه لنفسك
ايمان تلف ايدها حوالين رقبته وتبص في ملامحه الي بقت عايشه في نبضها وقالت: ولو عاندت وقلت الاء هتعمل ايه
اميرانحنى وطبع بوسه جنب شفايفها: هسحبك وافرمك عادي ده انا بحلم بيكي وانا نايم
ايمان تحط ايدها ع خده : معقول كل الشوق ده ليا
امير مد ايده وحط خصله وري ودنها : اكيد انتي مالكه مشاعري وقلبي وكياني , بس ايه اللوك الجديد ده , شورت وحركات
ايمان: طالعه حلوه
امير: حلوه بس قولي قمر , ولا ريحه البرفن تجنن واحده واحده عليا , بس خدي بالك لو انا مش موجود مش مسموح اللبس ده يشوفك بيه غيري حتي لو امي مفهوم
ايمان على طول ابتسمت وضحكت ضحكة خفيفه
امير عقد حواجبه بتعجب : بتضحكي ليه
ايمان: اصلي عارفه اني حلوه عشان عيونك شيفاني كدا
اميرسحب شفايفها في بوسه مهلكه وهي حصونها انهارت واستسلمت لمشاعرها الي دابت في حضوره
.............قصص منه محمد كاتب................
في المطعم
حنين بصتلها: هو فيه ايه عماله تاكلي تاكلي لحد ما هتاكلي الطبق معدتك اتفتحت عشان خلصتي فتره نفاسك تحبي اطلبلك تاني
ايمان مبتسمه: في ايه ياحنين هتعدي عليا اللقمه , طول الفتره دي مكنتش باكل الا فطير مشلتت غرقان بالسمنه البلدي وبط وحمام وفراخ لحد ما زهقت , لو سيبت نفسي لامي مش هاكل حلويات تقولي مش هتفيد جسمك واكل من هنا احس بالم في معدتي واحس هيجيلي تلبك معوي وليله من الدسم
حنين : يابختك عندك الي مغرقينك بالحب
ايمان: تقصدي ايه بس الشهاده لله ماما صابرين حنينه وطيبه اوي وطلبت مني اسيبلها العيال واخرج معاكي بس طبعا امير هو الي عمل دوشه في البيت لما قولت له اني عايزه اخرج , وبعد محايله وافق وطلب مني ارجع قبل الساعه اربعه , عامل زي امي الاتنين عندهم فرض السيطره والتحكم
حنين ابتسمت: بدل ما تفرحي عندك ناس كتير بيحبوكي وبيهتموا بيكي, قدري ده متبقيش جاحده , ويله قومي
ايمان :استني اخلص الطبق ده كمان
حنين وهي بتسحبها ع بره :لا ده خامس واحد هتبقي كرنبه
ايمان :حون بقولك ايه عايزه ادخل محل الاطفال الي هناك ده تيجي
حنين : طبعا بس اسبيقيني انتي الاول , هتصل بالجيم لحظه واحصلك
ايمان هزت لها دماغها وراحت تعدي السكه للمحل لكن جات عربيه بكل سرعتها خبطتها وحنين صرخت