رواية ضحية فرعون الفصل العشرون 20 بقلم منه محمد
شاهيناز: يونس انا شايفه ان ليلي مش في كامل قواها العقليه
يونس: شايف ده من زمان , انتي الوحيده الي لسه ملاحظه دلوقت
شاهيناز: لا كنت ملاحظه من فتره طويله , بس مكنتش عايزه افكر قلت يمكن بسبب التوتر والاكتئاب
يونس: بكره اعرضيها ع دكتور
شاهيناز عقدت حواجبها بتعجب: بكره
يونس: اه بكره
شاهيناز: والناس هيقوله ايه لما يعرفوا ان بنتنا بتروح لدكتور نفسي
يونس: متقوليش لـ اي حد اننا بناخدها بسبب مشاكل عقليه , قولي مثلا عندها ضغوطات عاطفيه اوي اي حاجه المشاكل دي منتشره دلوقت
ليلي كانت واقفه وسامعه كل كلامهم تلفت اعصابها وطلعت غرفتها والخادمه بتكلمها شدتها
ليلي: اخرجي من اوضتي
الخادمه: في ايه يا ست ليلي
ليلي: متجيش هنا بعد كده انتي سامعه
............
ايمان: استني اخلص الطبق ده كمان
حنين وهي بتسحبها ع بره : لا ده خامس واحد هتبقي كرنبه
ايمان : حون بقولك ايه عايزه ادخل محل الاطفال الي هناك ده تيجي
حنين : طبعا بس اسبيقيني انتي الاول هتصل بالجيم لحظه
ايمان هزت لها دماغها وراحت تعدي السكه للمحل لكن جات عربيه بكل سرعتها خبطتها وحنين صرخت لما لقت اكرم بيشد ايمان لبعيد
حنين جريت ع ايمان ورفعت دماغها من اكرم: ايمان انتي كويسه جرالك حاجه
ايمان بألم: لا انا مش كويسه
حنين: السواق ده اعمي , بينا ناخدها يا اكرم ع المستشفي
اكرم وهو بيسند ايمان قصادها: اه يله بينا
حنين: حقك عليا , انا مكنش المفروض اسيبك تعدي السكه لوحدك
...........قصص منه محمد كاتب............
في الطريق الصحرواي ركنت عربيتها وقربت عليه وحطت في ايده ظرف
الراجل اخد الظرف بسعاده وفتحه واتصدم: ايه ده نص الفلوس امال فين الباقي
ليلي: انت عملت نص الشغل عشان كدا تاخد نص الفلوس ,مش هدفعلك المبلغ كامل
الراجل: ايه لعب العيال ده, لا يا حلوه انتي وعدتيني , متقليش معايا
ليلي: لو مش هتخلص عليها ليه وافقت تعمل العمليه دي من الاول , هو انا مكنتش اقدر اخبطها اي وقت واوقعها كده
الراجل: مكنتش اعرف ان صاحبتها هتنقذها فجأه
ليلي بخبث: عايزني ادفعلك فلوس كتير المرة الجايه انجز وموتها والا متتوقعش ادفعلك اي مليم
الراجل مسكها جامد من دراعها وبنفعال: اسمعي مش انا الي يتلعب معايا
ليلي بتدفعه عنها بخوف: نزل ايدك دي
الراجل: دي مش اول مره انجزلك فيها شغل , ناسيه لما ضربته بتخطيط منك ولا ايه , وهتدفعي الفلوس حالا
ليلي :مش هدفع
الراجل :انتي نصابه وعذرك اني معملتش الشغلانه انا كنت هروح في داهيه لو حد مسكني كنت هترمي في السجن وهحبسك معايا عايزه كده
ليلي: ابعد ايدك انا دفعتلك النص
الراجل فقد السيطره على نفسه واعماه الغضب عن اي شئ ورفع ايده يضربها بالبوكس
ليلي خافت وكشت في نفسها وقالت له: خلاص خلاص خد المبلغ ده وهديلك الباقي بمجرد ما تخلصني منها
.............قصص منه محمد كاتب................
قدام فيلا عائله امير
امير: الف شكر انكم ساعدته ايمان
حنين: انا قلت لها تاخد بالها لما اكدت لي ان العربيه قاصده تخبطها , مش غصب عنه ,دي حركه مقصوده
اكرم: بس السؤال ليه اتعمد يخبطها لو مكنتش شدتها كان لقدر الله موتـ ها
امير: وانا بقول دي حركه مقصوده
حنين بحيره: تمام ايه السبب
امير: اكيد عايز يخلص ع مراتي
اكرم: والدافع
امير بصوت هامس: بصراحه في المستشفي لما ايمان ولدت هحكيلكم بعدين عشان الوقت متأخر
حنين: انا بكره الاسلوب ده جدا تقول نص الحكايه وتقف ما تقول مخبي عننا ايه
امير: اوعدك احكيلك كل حاجه بس مش الليله, الليله ايمان محتجالي اوعدك المره الجايه هقولك
حنين بتتحرك للداخل بعناد: لاء دلوقت , ولا هقول لـ ايمان
اكرم سحبها ناحيته بغيظ: حنين انتي ليه صبرك مش طويل كدا
امير: ولو فضلتي تتصرفي بالشكل ده مش هقولك
حنين: وماله هدخل اقول لـ ايمان
امير بزهق: خلاص الطفل يعني لما ولدته ايمان حد خطفه
حنين شهقت: خطف مين الطفل الي اتخطف ابنك
ايمان ظهرت وقالت: عايز تقول ان الطفل ده ابننا وحد خطفه
امير قرب منها بهدوء : لا مش ابننا حبي ابننا بخير ومعانا وبصحه كويسه , الحادثه دي حصلت لواحده تانيه في المستشفي قاله فيه حد حاول يخطف طفل من الحضانه وابوه لما عرف عمل مشكله كبيره والمستشفي اتقلبت لفوضي , حتي طقم التمريض كان بيدور الكل بيدور لحد ما لقوا الطفل مرمي في الزباله
ايمان يالله طفل مسكين والحمد لله انه متخطفش ربنا رحم قلب امه عليه
اكرم: امير احنا هنروح اعمل الافضل لـ اهل بيتك , انا واثق فيك تصبحوا ع خير
حنين: ايمان همشي اهتمي بنفسك باي
ايمان شاورت لها:باي
امير بستفسار:حبي بتعملي ايه بره مش كنتي نايمه فوق كنتي عايزه حاجه
ايمان كشرت بضيق: كنت عطشانه ناديتك , وانت مسمعتنيش
امير :سوري تلفوني نسيته تحت ع التربيزه ,نزلت اخده , تمام يله تعالي اشربك
.............قصص منه محمد كاتب.................
يوم جديد في كافيه
اكرم دخل بتعب: يعني انا دايخ عليكم وانتم هنا
حنين: الله ومتصلتش بيا ليه
اكرم: متصلتش ده انا اتصلت الف مره يقولي مشغول , مش تبصي في تلفونك
حنين: اه البطاريه شطبت شحن مخدتش بالي ,كنت فين
اكرم: لسه راجع من مكتب امير , عطاني مفتاح شقته وقالي مهندس الديكور هيسلم الشقه وطلب مني اروح اشوفه عمل ايه
ايمان عقدت حواجبها: وليه طلب تروح , وليه مرحش هو بنفسه
اكرم: عنده ميتنج مهم ميقدرش يلغيه , ولازم حد يقف مع المهندس بعد ما فنش , وطلب مني اروح ابص بصه وهيرجع هو ع الشقه بالليل
حنين ابتسمت وهي بتبص لـ ايمان الي قالت: اكرم ممكن ابص معاك ع الشقه
اكرم: لكن يا ايمان امير قالي انه عايز يعملهالك مفاجأه, لو عرف انك روحتي هيهزقني , علاوه ع كده مش هيبقي في اي عنصر مفاجاه لما يجيبك بكره
ايمان: انت بس خدني ع هناك , وانا هدبر اموري بعدين
حنين :ما تاخدها معاك , وبكره لما هو ياخدها تمثل انها اتفاجئت , ولمعلوماتك هي عندها موهبه خفيه
ايمان تبتسم وتتعدل بقعدتها: :شوفت انفع ممثله
حنين بدلع: يله يا كرومتي
اكرم : هتحطوني في موقف بايخ , بس امري لله يله تعالوا
................قصص منه محمد كاتب................
في الشقه الي انبهرت بيها ايمان من الديكور و الاثاث ده غير احساس الراحه الي حسته وكأنها في أجمل مكان في العالم ودخلت وري حنين غرفه النوم الي كانت جميله والسرير مفروش بالورد وعليه وزتين بيقبله بعض بطريقه رومانسيه
حنين صفرت: واو السرير حلو اوي ماشاء الله
ايمان: هو ممكن نقعد عليه
حنين شدتها: اه اقعدي
ايمان مشت ايدها ع السرير وقالت:الاوضه روعه بكل المقاييس و مش مستغربه ليه امير حب يفاجئني
حنين: ابو عضلات رششلك ورد , وعاملك وزتين , والله ولا جناح العروسه والليله هتقضوا فيها شهر عسلكم
ايمان: هو فين العسل مع تلات اطفال
حنين: عليا يا بت
ايمان بضحكه: كفايه وتعالي نخرج ولا هيبوظ سحر جناح فرحي
حنين: سبيني شويه
ايمان: يله بقي
خرجوا لقوا اكرم بيسلم ع مهندس الديكور وبيشكره ع شغله الرائع
ايمان راحت فتحت الثلاجه وسحبت عصير معلب: سوري ملقتش الا عصير معلب في الثلاجه بس يقضي الغرض ويروي عطشنا , ومهندس الديكور والي معاه مشيوا قبل ما اقوم معاهم بالواجب
حنين : كمان لسه هيقعدوا ده احسن انهم خلصوا قبل ما يزعجوا العرسان بعدين
اكرم ابتسم : حنين افضل واحده تتريق ع صاحبتها , ايمان مهندس الديكور قال لو فيه اي حاجه معجبتش امير يبلغه هيرجعوا يظبطوا التعديل , و يله بينا المغرب هيأذن وممكن امير يطب ولو شافك هنا والله العظيم ليبهدلني احلي بهدله
ايمان: هو انت خايف منه ,بس اطمن مش هيزعل منك هو هيخاف اكتر لو انا زعلت ولا كشرت
حنين: ياواد يا مسيطر
اكرم: كفايه ويله بينا
حنين: يله جوزي خاف
ايمان: خدوه معاكم العصير
............قصص منه محمد كاتب...............
كان وصل قدام العماره حط مفاتيح العربيه بجيبة وطلع موبيله يتصل بيها
امير: الو حبي هرجع البيت متأخر شويه الليله .....لو مأكلتيش كلي انتي الاول ....لآ مفيش لزوم تستنيني باي بحبك
امير طلب الاسانسير ودخل لقاه نور الشقه كله مولع قال: مطفاش النور ع طول مسطول يا اكرم بس التصميم حلو بجد جميل بشكل شكله شاطر وموهوب
امير قعد واسترخا ع الكنبه وغمض عينه لقاه ايد ناعمه بتدلك كتافه ابتسم وقال: اه منك يا اكرم صعب تكتم السر( مسك ايدها حس انها مش نفس ايد ايمان دي مليانه شويه التفت لقاها ليلي قام وقف وكأن عقرب لدغه وعلى وشه تعابير الصدمه
امير فتح عينه بصدمه وقال: انتي بتعملي ايه هنا , وازاي دخلتي الشقه
ليلي مالك كانك شوفت عفريت وازاي دخلت هنا انا ذكيه قلت لمهندس الديكور ضيعت مفتاحي وطلبت منه نسخه وقلت له اني مراتك مش ذكيه
امير بجديه وأمر : كفايه واخرجي
ليلي فضلت واقفه في مكانها واتجاوزت كلامه ولا كأنها سمعت حاجه
امير زمجر بغضب: بقولك اخرجي من هنا
ليلي: اجري ورايا
امير: يا ليلي
ليلي بتجري وبتضحك : تعالي امسكني
امير صرخ فيها بغضب مجنون لما لقاها قاعده ع السرير: قلت قومي
ليلي تبسم ابتسامه ترفع الضغط وقالت بوقاحة : بس الاوضه حلوة زينتها عشاني صح
امير: دي ليا انا ومراتي قومي متدمريش حياتنا
ليلي: امير انا بحبك ومقدرش اعيش من غيرك , مش قادره اتحمل خسارتك, انا مستعده اعمل اي حاجه عشانك انت بس اديني فرصه ارجوك( بتحاول تضمه)
امير بعد بجسمه عنها كأنها جرثومه: سبيني قبل ما اسحبك ارميكي بره , انا مش ناسي انتي عملتي فيه ايه , انا بسبب افعالك الشاذه كنت هخسر مراتي , تعرفي ليه لان قلبك اسود , خدي بعضك وامشي بقولك بالذوق امشي, امشي
ليلي بتمرد انطبع على وشها: مش ماشيه
امير ثار طبعه الناري وقال ببرود غاضب: مش ماشيه
ليلي : اه مش ماشيه
امير بنفعال: انتي بتتعمدي تخرجيني عن شعوري , اخرجي قبل ما اطردك , واقل من كرامتك انتي متعرفيش قد ايه انا بحتقرك وبكرهك
ليلي : امير احفظ ادبك
امير اتقدم لها بخطوات واسعه وعلى طوول سحبها بقسوه وفضل يجرها وراه لحد ما وصل للباب
ليلي صرخت بصوت عالي:امير سيبني
امير سحب ايدها وفضل ماسكها بقوة لدرجة حست بعظمها هيتفرم من قسوه قبضته
ليلي صرختها ذادت لحد ما جرس الباب رن وامير قالها: ده شكله اكرم الحمد لله انه رجع اهو يبقي شاهد ع وساختك ده انا مرضتش احكي لـ ايمان ع كل قذراتك انتي بجد طلعتي صايعه وضايعه ومعندكيش كرامه
امير فتح الباب لقاه ظابط بيقوله: جالنا بلاغ ان الشقه دي بتدار للدعاره ومعاك واحده ست
امير : لا يا فندم احنا
الظابط قاطعه: ايه جوزها اثبت وقدم عقد الجواز
امير : ممكن تديني شويه وقت
الظابط : تمام
امير قرب عليها وهو يحاول يكبت غضبه : انتي مخططه لكل ده صح
ليلي : انت الي اجبرتني حبيت تصعب الامور , ودلوقت مش مهم حتي لو هركب معاك البوكس انا راضيه وقريب هتوصل الصحافه وهيتصلوا باهلك واهلي واكيد ايمان هتيجي معاهم
امير لا يمكن تعملي فيا كده
ليلي تتكتف وبثقة: عشان بترفضني , ودلوقت سواء قبلت تتجوزني او لاء مبقتش اهتم لاني عارفه ان ابوك هيجبرك تتجوزني, اظن عارف كل الي يهمه سمعه شركته ,انا بجد مبسوطه جدا
امير : ازاي قدرتي تعملي فيا كده يا فندم انا بتورط, البت دي نصبت لي فخ وربنا هينتقم منك علي الي عملتيه فيا عاجلا او اجلا
الظابط :اديني بطايقوا الشخصيه
ليلي : اتفضل دي بطاقتي
امير حس انه انتهي وبستسلام طلع بطاقته عطهاله وقعد بظلام وغربه وضياع زي طفل سابوه وسط ناس غريبه وجه واحد منهم صفعه بقوه ومالقي حد يدافع عنه وبدأ يتكلم بصوت مهزوم : اه لو كنتي هنا يا حبيبتي ياتري هتصدقي اخلاصي نا وهبت قلبي ليكي لوحدك اتعملي فخ يا ايمان
ليلي بصوت شامت: خلاص مفيش داعي تتوسل هي مش سمعاك اصلا وكل شئ انتهي انتهي لصالحي
امير بنظره حاده: هو ممكن تخرسي
الظابط : انتم الاتنين تعالوا معانا يله
ليلي بسعاده: يله بينا
ايمان ظهرت : استني لحظه
امير بصلها بذهول والخوف متملك بصوته : ايمان انتي هنا والله
ايمان قطعته : مفيش داعي سمعت كل حاجه من الفخ الي كانت هتدمر بيتنا بيه اوعدك طول منا عايشه هدافع بكل قوتي عن بيتنا
امير اخد نفس وقال برتياح: الحمد لله انا بشكرك من قلبي لوجود انا بحبك
الظابط بستفهام: هو ممكن اعرف ايه علاقتك بيها
امير فتح المحفظه وقدم له ورقه مطبقه: يا فندم دي مراتي ,ودي قسيمه جوزنا
الظابط : بما ان مراتك معاك كده مفيش قضيه دعاره , بنعتذر اتمني متلومنيش انا بؤدي شغلي وبعتذر مره تانيه عن اذنكم
اما ليلي واقفه وكل معالم الاستغراب على وشها ثم الدهشة غطت ملامحها
امير بص لايمان : ازاي انتي هنا
ايمان بصت لليلي وهي مبتسمه وقالت بهدوء: انتي عايزه تتذاكي صح , من امتي وانتي بتخططي للفعله الدنيئه دي ,طبعا عندك فضول تعرفي ازاي بوظت خطتك الحقيره وظهرت هنا
#فلاش
ايمان لمعت في راسها فكره ووقفت قدام الاسانسير وقالت: استنوا انا مش عايزه ارجع , عايزه استني امير
اكرم : يا ايمان متحطنيش في موقف هرد عليه اقوله ايه بعدين , ملوش داعي
ايمان : اسمع بس بدل هو ما يفاجئني افاجئه انا الاول , هيعجبه اوي صح
حنين بصتلها وغمزت
ايمان بضحكه : حنين متفكريش فيا افكار غلط صفي النيه
اكرم : طيب بصي اتصلي لو حصلت اي حاجه , وخالي المفتاح معاكي يمكن امير ميجيش تروحي ما هو اكيد مش هتقعدي لوحدك هنا ولا ايه
ايمان: ايوه وكفايه رغي وامشوا بقي
اكرم :باي
حنين خدي بالك ع نفسك باي
ايمان شاورت لها ورجعت دخلت الشقه وطلعت علبه الميكب من شنطه ايدها تحط منها وهي فرحانه لحد ما سمعت صوت المفتاح بيلف في الباب ابتسمت وراحت تشوف من بعيد مين ميلت بجسمها من بعيد لقتها ليلي اتجمدت بمكانها وحست برجولها زي الشلل احتواها ...صاعقه هزه زلزال لكيانها ولقلبها...زادت نبضات قلبها وكانت هتقف
ليلي لفت بعيونها في الشقه وقالت وهي بتقعد: يعني دي شقتنا يا حبيبي
ايمان بسرعه جريت اتخبت في الحمام وقالت لنفسها دي بتعمل ايه هنا شكلهم متواعدين والا ازاي عندها الجراه تيجي لحد هنا دي حتي معاها المفتاح اكيد امير هو الي عطهولها
ليلي تلفونها رن وردت الو ظبط كل حاجه عايزه لمره دي الخطه تنجح مش تفشل زي كل مره لازم تنجح اصبر يمكن امير يجي دلوقت
ايمان هديت أعصابها نوعا لما حست ان ليلي كدا بتوقع امير
ليلي فردت جسمها ع السرير وقالت : الاوضه والسرير هيكونوا ليا تستحقي ده يا ايمان
#باك
ايمان في لحظة غضب وجبروت لطشتها بالقلم بكل قوه : لو بأيدي كنت موتك من الضرب, أنتي وأمثالك الحثالة هما الي بيحطوا من كرامه الست , متتحدنيش يا ليلي , وده تحذيري الاخير لو لعبتي في حياتي مره تانيه هرميكي في السجن لحد ما تعفني , شوفي سجلت كل لعبتك الدنيئه تحبي ازيع
ليلي برجاء: ايمان انا اسفه بس ارجوكي متوريش لـ بابا امير
امير سحبها ع بره: اقفلي صوتك وغوري من وشي
ليلي فضلت تهبد ع الباب: امير افتح نتفاهم امير انا اسفه
امير: اشكرك يا حياتي لحسن حظي انك هنا , والا معرفش ايه الي كان هيحصلي , انا فار دمي و ارتفع ضغطي, واعصابي كانت منهاره من البت المعتوه وافعالها
ايمان: اه شايفه اصلك يا مسكين وقعت في الفخ ده مرتين
امير : اعمل ايه اصل صعب شاب وسيم زي ميبقاش عنده معجبات كتير
ايمان : انت هتقلب الموقف الي احنا فيه لصالحك
امير لا انا بهزر عايز اهدي اعصابي شويه , اقسم بالله كنت قربت انفجر حسيت ده اكبر كابوس بيتجسد في حياتي
ايمان: اه عارفه بس الحقيقه انا مكنتش مرتبه اجي هنا بس لما اكرم قالي انك طلبت منه يجي الشقه حسيت برغبه اجي اطل طله
امير ايده تخللت شعرها : كويس انك جيتي
ايمان : ماكفايه كلام ويله بينا نرجع البيت ماما المسكينه قاعده بالتؤام واختهم الكبيره رغايه
امير : هو انتي دايما كل همك رعايه العيال في الـ24 ساعه في اليوم , وانا فين الي من المفروض تهتمي بيا بس طول الوقت رمياني مش من حقي مراتي تدلعني حبي هو انتي شوفتي الاوضه الي زينتها مش جميله
ايمان : اه حلوه
امير لف ايده حوالين وسطها وقربها منه وهمس في ودنها:وهتبقي احلي واحنا فيها مع بعض ونعكش الورد
ايمان فكت ايده وقامت: لا قوم نرجع ماما هتقلق , هقوم اجيب شنطه ايدي
امير ابتسم بمكر وهو يمسح على شعره وقام دخل وراها مصمم يفركش الورد
..........قصص منه محمد كاتب............
يونس زعق: خلاص اتجننتي في عقك كل تصرفات غلط ما فكرتيش فيا ولا في امك ولا حتي في نفسك وسختي سمعتك , والحفره الي حفرتيها لنفسك ووقعتي فيها من غبائك جات ع دماغك في الاخر , خلاص انكشفتي وحياتك بتبوظ, هتفوقي امتي بعد فوات الاوان بعد ما تكوني خسرتي كل حاجه ياريت تتعظي
شاهيناز: ازاي يا ليلي تفضحينا كده , لدرجه تعملي فخ لـ امير عشان يتورط بالطريقه المخجله دي
ليلي ببكاء: عشان انتم مش حاسين بيا , ولا مهتمين بمشاعري ابدا , عمركم ما دعمته طموحي
يونس بنفعال: مش كان طموحك تبقي مهندسه
ليلي: لا طموحي ابقي مراه امير
يونس صرخ: يالله دايما تتكلمي عن امير كأن مفيش رجاله غيره في العالم
ليلي: انا حبيته من وانا عندي عشر سنين , ده حبي الاول مقدرش اقبل راجل تاني , ممكن تفهم الي بحسه
يونس: ده مجرد حب مراهقه , كأني مش عارف لما بنت تعجب بأول شاب في حياتها, لكن الشاب رافض يبقي خلي عندك دم وكملي طريقك بعيد عنه وارحمينا من الاهانه كل يوم
ليلي بصتلها تستنجد بيها: ماما
شاهيناز بدموع: كفايه يا ليلي وقفي انا كمان تعبت من سلوكك , انتي مهوسه جدا بامير وقفي يا ليلي ارجوكي , احنا وشنا في الارض من عمك ومراته , وخصوصا ايمان دي بتضحك عليكي لانها كشفت سرك الليله الي فاتت ومسكت عليكي دليل ادانتك وهتتباهي بيه قدام الناس
ليلي صرخت فيها بطريقه هستيريه : اسكتي ومتقوليش اسم البلوه دي قدامي تاني , انا بكرهها الحقيره ابعد عن وشي يا بابا
يونس: مبسوطه دلوقت
شاهيناز قعدت وسالت دموعها بحسره: حاسه اني فشلت في تربيه بنتي يايونس , انا غلطت حقك عليا
يونس :الي بنتك فيه ده ضعف وقله دين وبعد عن ربنا ,وعدم خوف منه للاسف
...............قصص منه محمد كاتب...................
امير واخدها في حضنه: هو احنا هنفضل كدا في السرير اليوم كله
ايمان ضحكت: اه يا حبيبي ده انا ما صدقت تاخد يوم اجازه وتقعد معايا
امير: طيب تعرفي انا مكنش مقطع قلبي غير اني مش قادر اقعد معاكي , من كتر الشغل
ايمان بصتله: حبيبي
امير: نعم
ايمان بكل لطف ناقشته : بضايق لما بشوف ماما وبابا زعلانين من ساعه ما قلت هنسيب الفيلا وهنروح شقتنا ماما دايما مكتئبه
امير: انا كمان لاحظت ,بس يا قلبي لو فكرنا في الامر عارف انك في الاصل مش مرتاحه انك عايشه هنا مع اهلي , عارف كل ست محتاجه خصوصيه , اي انسانه مش بتحب تعيش مع اهل جوزها
ايمان ابتسمت: لا يا حبيبي انا عن نفسي معنديش اي مشكله , بابا وماما بيعاملوني كويس ومش بحس ابدا ان انا مراه ابنهم , غير كمان انا لسه هنزل الشغل ولسه ولادي صغيرين
امير : تمام
ايمان : يعني اصبر لحد ما ولادنا يكبروا وقتها ننقل, لان مين هيراعي التؤام وانا في الشغل ,ده غير اميره
امير : نجيب حد يساعدك واحده تنضف البيت والتانيه تهتم بالاولاد سهله
ايمان : مش عايزه مش هبقي مرتاحه لو فيه ناس غريبه في بيتي , بس لو كانت داده رحمه الامر مختلف , اتعودت ع وجودها ولازم نسيب ماما وبابا يقضوا وقت طويل مع احفادهم هما بيحسوا بالسعاده في وجودهم
امير :مراتي حقيقي هايله , وبشكرك انك تقبلتي اهلي ومعتبراهم اهلك , انا حقيقي فخور انك مراتي
ايمان :اه صح ايه عن ليلي
امير :ياربي يا ايمان كنت هبدا اقول كلام رومانسي بس حالا غيرتي الموضوع , وبوظتي الجو
ايمان: انت معتقد ان ليلي لسه جواها ضغينه ضدي او ضدك
امير :معرفش اتمني تكمل في حياتها , واحنا ندعلها بالخير
ايمان : ربنا يهديها يارب
امير :وانا شايف ان فيه حاجه مهمه لازم تعرفيها
ايمان بصتله بهتمام: ايه هي
امير: متعلقه بليلي والاولاد
ايمان بتعجب: وهي ايه علاقتها بولادي
امير : حبي انتي واثقه فيا مش كده
ايمان: اكيد قول
..............قصص منه محمد كاتب..................
قدام الفيلا خلته نازل من عربيته وجريت وقفت قدامه
اميربنرفزه : انتي تاني
ليلي: امير انا جايه اعتذرلك عن الي حصل اليوم اياه , ممكن تديني الفيديو الي سجلته ايمان او حتي احذفه
امير: لاهدهولك ولا هحذفه لانه هيفضل طوق ملفوف ع رقبتك, وعشان متعرضيش حياه مراتي وولادي للخطر مره تانيه
ليلي: لا صدقني مش هعمل كده تاني , دي المره الوحيده الي كنت بحاول اوقعك فيها عشان تضطر تتجوزني عملت ده عشان بحبك ونفسي ابقي مراتك , مكنش عندي نيه اذيك , ولا اذي ايمان
امير قفل ملامحه : بتقولي ايه مكنش عندك نيه لا تأذيني ولا تأذي مراتي, شايفني اعمي ولا غبي
ليلي: انت بتتكلم عن ايه
امير: خطفتي ابني التؤام مش كده
ليلي: متتهمنيش زور, انت جيت لحد بيتي واتهمتني وافتريت عليا , ومكنش معاك اي دليل ارجوك صدقني انا مستحيل ارمي ابنك في الزباله
امير: وعرفتي منين انه اترمي في الزباله انا مقلتش لحد ( هجم ع رقبتها) عرفتي ازاي يامجرمه
ليلي بتحاول تفك قبضه ايده المتبته ع رقبتها : امير
امير زقها : عارفه لو مش بنت عمي , ولو مش عامل اعتبار لعمي , كنت كسرت وشك من زمان
ليلي: امير انا اسفه
امير زقها بغضب: سبيني
ليلي بعياط لحد ما انقطع نفسها : مكنش قصدي عملت ده لان كان جوايا نار منك لانك طردتني , ارجوك سامحني
امير: انا بكره اشوفك بس ممكن اسامحك بشرط متظهريش تاني قدامي بوشك
ليلي: لاء يا امير مش احنا ولاد عم , واصحاب من زمان
اميرمسح وشه بأيده واخذ نفس: كفايه مستحيل اثق فيكي تاني مهما حصل , عارفه ليه لاني عطيتك كذا فرصه وسامحتك لكن لسه اسلوبك وطريقتك زي ماهي معتوه
ليلي قال بترجي مجنون : امير عشان خاطري رجع علاقتنا زي ما كانت , فاكر كنا بنخرج سوي , من فضلك اديني فرصه
امير: ابعدي هحس بتحسن لو مشيتي قبل ما اخرج عن شعوري واهينك بجد امشي
ليلي برجاء: امير
امير: بقولك امشي
ليلي وهي ماشيه تبكي بأنهيار شافت ايمان واقفه قدامها
امير ضم ايمان وقالها: هحب مراتي لحد ما اموت , وانتي دوري ع سعادتك الخاصه بعيد عننا وافتكري اياك تزعجيني تاني امشي من وشي
ليلي ركبت العربيه وطلعت ع اقرب ديسكو وقعدت ع البار تشرب لحد ما بقتش قادره تفتح عيونها وطلعت بتطوح ركبت العربيه وساقت لكن للاسف عملت حادثه صعبه جدا واتفحمت