رواية ضحية فرعون الفصل السابع عشر 17 بقلم منه محمد
ضحيه فرعون
ضحيه فرعون
البارت 17
✿ منه محمد ✿
ايمان : حطت لك مرهم ع جرحك , هقوم اجيب اكل عشان السحور
امير بدون نفس : مليش نفس
صابرين فتحت الباب بشويش ودخلت بسؤال: جروحه جامده
ايمان وهي خارجه من الغرفه: لا مجرد خدوش حطتله مرهم
صابرين قعدت جنبه ووسعت عيونها على الأخر لما شافت ابنها الوحيد بحاله يرثى لها: ياربي يا بني حصل ده ازاي
اميربصوت مخنوق وفيه نبرة غريبه : ليه صعب علي ايمان تفهم مشاعري المره دي يا ماما , تعرفي انا مستعد اضحي بروحي عشان سعادتها مستعد اوهبلها حياتي , لان ايه فايده اعيش من غير مراتي وولادي , حبايبي ايمان واميره هيسبوني , لكن الحب محتاج للتضحيه انا قابل وهقبل اي حاجه طالما ايمان هتبقي مبسوطه
صابرين الدموع نزلت على خدها: ده شهر فضيل صلي ولح يلين قلبها , ومتطلبش الطلاق وتسيبك وتمشي
امير: كل يوم بعمل كده يا امي
صابرين: طيب يله فك الحزن ده , وانزل اتسحر معانا تحت
امير: سبيني بالله عليكي يا امي محتاج اقعد لوحدي
صابرين طبطبت عليه وخرجت وسابته قاعد غرقان في افكاره وهمومه
ايمان دخلت ومعاها صنيه وقعدت جنبه ع السرير: ممكن تاكل الفجر فاضل عليه ربع ساعه
اميربصوت طالع بالعافيه :قلت لك مليش نفس
ايمان: ليه منزلتش تاكل معانا تحت , ماما قلقانه عليك عشان كدا بعتتلك الاكل هنا
امير :وانتي مش قلقانه عليا
ايمان عشان قلقانه جبتلك الاكل لحد عندك , ياريت تاكل لو شويه
امير هز دماغه بـ لاء
ايمان : حتي لو هاكلك بايدي
امير اتعدل وبصلها واخد منها وبدا ياكل وعيونه محطوطه عليها ونطق بصوت مليان حزن: دي اخر مره هتاكليني فيها
ايمان كاتمه دموعها :ايدك لسه بتوجعك
امير: لا
ايمان : الحمد لله ان جرحك مش كبير , والا هفضل حاسه بالذنب طول حياتي, كل ده عشان ولاشئ, لو اتاذيت بسبب البيتزا , المره الجايه ياريت تاخد بالك لو جرالك حاجه ولادك دول هيعملوا ايه وانـ
امير اخد منها المعلقه واكلها ودموع الندم متعلقه بعيونه
ايمان بعدت عيونها عن عيونه وقالت: انا اكلت
امير: انتي اكلتيني لـ اخر مره , ليه مقدرش انا
ايمان قربت بجسمها و اكلت من ايده
اميرعيونه بتتكلم بقهر: ايمان انا
ايمان قامت وقالت بجمود : انا هقوم , خلص اكلك ومتنساش تصلي الفجر
امير انهار يبكي بشكل هستيري : يارب اسمع للعبد النمرود الي كان بيمشي ع الارض متكبر ومغرور و بيتوب اليوم , وانا راضي بالعقاب مهما كان انا راضي بقضاء الله وقدره وبصدق اقتص مني عشان اتوب اليك
ايمان كانت واقفه في الحمام وانهارت اكتر واكتر وحطت ايدها ع بؤها تكتم صوت شهقتها
...........قصص منه محمد كاتب..............
في المستشفي
امير : لما عملت حادثه واتضررت رجلي ايمان اهتمت بيا لحد ما قومت وقدرت امشي مره تانيه , رغم كانت بتكرهني كره العما , تخيل بقي لو كانت بتحبني , كانت هتهتم بيا ازاي
اكرم بصله : ع الاقل عندك ذكريات جميله تفتكرها بيها
امير ابتسم بقهر: هي عكسي كل ذكريتها مني القسوه الي عاشتها معايا , وبندم ضايقتها وجرحت مشاعرها , المتها لدرجه جالها صدمه نفسيه مني يا اكرم , انت متخيل انا عملت فيها ايه
اكرم : امير الوقت كفيل يشفي الجروح الي في قلبها , عليك بالدعاء عشان الافضل
امير انحني و ببكاء : ازاي هعيش من غيرها , ومن غير ولادي قولي , عارف انا حاسس بايه احساس مش هقدر اوصفهو لك كأني خلعت عيني من وشي وخسرت كل حاجه , لا زواج ناجح , ولا سعادة , ولا حتى حزن , وهعيش بخيبه طول حياتي
اكرم : مش عارف اقولك ايه يا صحبي , للاسف فقدت نعمه الامتنان وشكر النعم الي في ايدك وعرفت قيمتها لما بس ضاعت منك
امير : اه عرفت بعد فوات الاوان اني خسرت اجمل واغلي ما في حياتي مراتي وولادي واستقراري , مفغل وساذج , ظالم , ايوه انا ظالم ودي نهايتي مش بيقوله لكل ظالم نهايه والي انا فيه هو عقاب من رب العالمين على كل شئ عملته
...!!!!
في نفس المستشفي لكن في مكان تاني بعيد عنهم شويه
ايمان حاطه ايدها ع خدها: لسه مش واثقه بس خوفي الكبير من بكره , رغم ده اليوم الي كنت مستنياه من مده طويله بس ليه حاسه بالتعاسه
حنين لانك لسه بتحبيه ومش قادره تتحملي فكره الانفصال
ايمان: لا يا حنين انا فعلا قررت ابدأ حياه جديده من غيره , بس مش عارفه فجأه خلال اليومين الي فاتوا حسيت بحاجات غريبه قلبي حزين اوي
حنين : متفكريش بس في مشاعرك الخاصه , فكري كويس في الناس الي بيحبوكي حب حقيقي حماتك حماكي , اكيد انتي مش عايزهم يعيشوا زعلانين
ايمان: طبعا مش عايزه ابعد عنهم , بس مش مستعده اكمل حياتي مع ابنهم صعب
حنين :لسه شايله في قلبك بسبب تصرفاته السيئه السابقه
ايمان : دي حاجه, لكن الي الاهم مش متاكده من حبه ليا , هو لو زي ما بيقول انه بيحبني ازاي قدر يحضن واحده غيري وقدامي , ده اتجرء وطلب مني اختار لون بدله الفرح مكنش طايق الانتظار عشان يتجوز ست تانيه , وكان امنيه حياته اسيب البيت في اسرع وقت , والي صدمني فيه اكتر لما حتي مهتمش لما قولت له اني مريضه بمرض خطير , مفكره هقدر انسي كل ده بكل سهوله
حنين: لو مش قادره تنسي معني كدا انك مسمحتهوش من قلبك , ومش عارفه تتخطي الامر
ايمان : مش قادره انسي كل قسوته , بس والله بحبه جدا ومش هقدر اطلعه من قلبي
حنين : اسمعي يا ايمان الحب لوحده مش كفايه يخليكي سعيده , الحب محتاج للغفران والصدق والا مش هيكون حب صادق لوجهه الله
............قصص منه محمد كاتب..............
واقفه وري الشيش تتابع لعبه وضحكه من بنته وتبتسم
صابرين: ايمان ممكن تجهزي السمبوسك اكله امير الي بيحبها, لو عملتها انا مش هتطلع حلوه زي ما بتعمليها ممكن
ايمان مبتسمه: اه اكيد
صابرين : طبعا بعد ما تمشي هشتاق لاكلك , وهشتاق لـ ابتسامتك الحلوه ,وهفضل ادعيلك ربنا يريح قلبك ,ويديكي ع اد صبرك
ايمان خلصت الاكل وراحت جهزت السفره وقعدت معاهم عشان تودعهم
عادل وزع نظراته عليهم وقال بهدوء: محتاجين كلنا نراجع نفسنا , اوقات مش بنشوف غير عيوب غيرنا , وبنرفض نشوف عيوبنا , شكرا يا ايمان خلتيني اعرف قيمه نفسي , اتعودت اكون متكبر ومغرور , وجودك في العيله دي خلانا نتعلم الكتير
صابرين مقدرتش تتحمل وقامت من ع السفره وامير بص لايمان بامل يمكن تعيد حسابتها وهي قامت راحت غرفتها واخدت الشنطه وبتحط باقي هدومها وقالت لنفسها ......خلاص جه الوقت تسيبي المكان هنا وتسيبي الناس الي بتحبيهم لا مش هتراجع عن قراري , مش هتزعزع
صابرين خبطت ودخلت وعيونها غرقانه بالدموع : ايمان اخوكي ايمن وصل، ايمان مش هتوسلك تدي امير فرصه تانيه لاني خايفه يخيبك ظنك تاني حتي لو عاش جثه بتتحرك بعدك
ايمان: ماما ارجوكي بلاش تكرهيني انا بحبك انتي وبابا عادل وبحب امير بحبكم كلكم والله ورجعت للبيت هنا لكن خايفه اعيش معاه مره تانيه مش هقدر اتحمل اذيه منه تاني , رغم متاكده انه اتغير وحقيقي بيحبني لكن قلبي اكتفي
صابرين : انا فهماكي يا بنتي وعمري ما اكرهك ابدا او حتي الومك , وهصلي وادعي تتسعدي خالي بالك من اميره هي محتجالك اكتر مننا وانتي تستهليها ماشي يابنتي( مسحت دموع ايمان برحمه وباست دماغها
ايمان ببكاء :انا اسفه يا ماما حقك عليا
صابرين :انا مش زعلانه منك
ايمان :من فضلك اهتمي بامير خليه ياكل ,لانه مفطرش خالص
صابرين : حاضر
ايمان ضمتها وهما الاتنين عيطوا بحرقه تقطع القلب
صابرين حضنت خدودها: اهتمي بنفسك وعرفيني لو حصلت لك اي حاجه ماشي
ايمان : حاضريا ماما حاضر
.................قصص منه محمد كاتب............
قاعد ع الكرسي يفرك أيديه في بعض بتوتر أعتلى قمة ملامحه وجواه مشاعر الندم تستفرد كل جزء في قلبه رفع ايده ومسح على شعره بربكة .. مش عارف يعمل ايه عشان متمشيش فضل مستني وماهي الا ثواني الباب خبط
ايمان فتحت ودخلت: امير سامحني قبل ما امشي ع كل اخطائي ووقاحتي ناحيتك طول الفتره الي فاتت, وبشكرك ع كل حاجه عملتها عشاني
امير سحب دماغها وطبع بوسه على جبينها وقال : وانا زيك وبقولك سامحيني لاني معرفتش اعوضك عن كل اخطائي ناحيتك , فشلت ابقي زوج يليق بيكي وعشان سعادتك وراحتك هسيبك تمشي وهطلقك , لكن خليها حلقه في ودنك بصرف النظر عن المسافه الي هتبعديها عني هفضل احبك , هحبك لـ اخر يوم من عمري وليا طلب تاني اسمحيلي اكون حاضر ولادتك اديني فرصه اضم ولادي اعتبريه رجاء توسل
ايمان : حاضر
امير نخ قدام بطنها وقال: ولادي عزوتي وسندي خالي بالكم من امكم متعملوهاش صداع عارف انكم اقويه زي امكم( باس بطنها)
ايمان ضمتها ليها وتحاول تتكلم من بين شهقاتها: انا اسفه كل سنه وانت طيب
امير ضمها لصدره بقوه ونزلت دموع عينه: وانتي طيبه يا حبي
ايمان خرجت من ضمته وبعدت خطوه ونزلت دموعها الغزيره
امير مد ايده ومسح دموعها: اهتمي بنفسك كويس ,بحبك ومستحيل احب حد غيرك
ايمان بصتله وخرجت بخطوات واسعة من الغرفه وراحت سلمت ع امه وابوه واخدت أميرة وطلعت من البوابه معاها ايمن لقت امير بيجري واخد منها اميره وفضل يبوسها بدموعه وعطاها لايمان لحد ما ركبوا العربيه وشاورلهم باي وابتسم بألم وراح ناحيه حوض السمك وقال: اميره متكتريش اكل للسمك هيموت
صابرين ضربت ع صدرها يا نهار احزان هو ماله هو ابننا اتجنن دي لسه ايمان ماشيه من ربع ساعه وهو اتجنن ومفكر بنته قدامه ازاي هيكمل
عادل اتنهد وقرب منه : امير
امير : نعم يا بابا
عادل : تعال نروح لعمك ابو اكرم نسهر معاهم شويه
امير: لا مش عايز روحوا انتم , الله مش بنتي اميره كانت هنا من شويه
صابرين : امير تعال معانا متعملش في نفس كده
امير وهو داخل لمح اللوان كان شاريهم لبنته نزلت دموعه ومسك العلبه وقال : ازاي طاوعك قلبك يا ايمان ملحقش اللعب بيهم مع بنتي
عادل طبطب ع كتفه وقال: استغفر الله يابني لو مش عايز تيجي معانا خلاص كلنا ندخل نصلي العشاء جماعه وبعدها نقعد ناكل اي حاجه انت مفطرتش
امير تخيل انها داخله من البوابه وشاور وقال: ماما مراتي رجعت
صابرين : كفايه يا امير , ايمان خلاص مشت من شويه , استفغر يابني وادخل
امير بصلهم وسابهم ومشي حزين مكسور
صابرين ببكاء :يارب متخليش ابني مجنون ,يارب رجعه لعقله , مش قادره اتحمل منظره كده
...........قصص منه محمد كاتب............
امير دخل غرفته اتوضا وقعد ع سجاده الصلاه ورفع ايده يتضرع ان ربنا يصبره علي فراقها ويسامحه ع كل ذنوبه وظلمه في حقها وقفل عيونه وهو بيبكي ويتوسل لله بصوت عالي لعل وعسى يقدر يجمع شتاته .. وبيفتح شاف رجلين واقفه قدامه رفع عينه وبصلها ومش مصدق
ايمان قعدت قدامه ومسكت ايده بعياط: امير انا اسفه غلطت في حقك , وثورت لكرامتي بس صدقني مقدرش اطيق بعدك انا بحبك
امير ضم ايدها وحطها على مكان قلبه : وانا بعشقك, يعني افهم انك مش هتسبيني وتمشي مش كده , وهتفضلي مراتي لحد ما نعجز سوي
ايمان هزت دماغها وهي بتضحك : ايوه قاعده ع قلبك ومربعه
امير : الف حمد وشكر ليك يارب انك رجعتلي حبيبتي وولادي , بحبك يا ايمان( باس ايدها) وعمري ما حبيت حد زيك ابدايا نصي التاني وروحي
ايمان حضنت خدوده بين ايديها: لو فعلا بتحبني زي ما بتقول , قوم عشان تاكل
امير ابتسم وقام نزل معاها لحد ما جهزت السفره وقعد يخطف في الاكل
ايمان ضربته جامد ع ايده : ايه ده كل براحه بعدين تشرق
امير: اعمل ايه جعان ودلوقت بس قدرت استطعم الاكل وهو داخل معدتي ,قبلها
ايمان كملت بداله: تمام ساعه الفطار واحد كان مكشر ورافض ياكل ومبصش حتي للاطباق الي عملتها
امير سحبها عليه: يعني بزمتك مراتي وبنتي سيبني وماشين , وانا اقعد اكل عادي , ده انا ابقي واحد لوح ومعندوش دم , تعرفي ده انا لو عايز اتنفس بحس بالخنقه طابقه ع نفسي مش عايز اعيش اللحظات دي بعد كده ,روحي ممكن توعديني انك مش هتمشي من حياتي مره تانيه
ايمان لفت ايدها حاولين رقبته وحضنته: اوعدك يا قلبي , وانت كمان توعدني بانك مش هتتخلي عني ولا عن ولادي
امير حط جبيه ع جبينها وقال : اوعدك ولا هسمح لغيرنا يتدخلوا في حياتنا
ايمان :طيب يله كل
امير: الاول عايز اسالك عن حاجه ممكن
ايمان : اتفضل
امير : بالنسبه للقرار الي كتبتيه عليا قطعتيه
ايمان بنص عين: وليه اقطعه لما اصلا وقعت عليه كنت عارفه انه بلح , لو قدمتها للمحكمه يا حبيبي امضتك كانت مزوره, بتضحك عليا زي ما كون مش عارفه توقعيك , اكيد اكرم الشرير هو الي نبهك
امير سحبها لصدره وبأيده فضل يلعب بشعرها: اتمني متزعليش مني , حبي مش هسمحلك تمشي من حياتي ومن دلوقت وصاعد كل خطوه هتخطيها هطاردك فيها بالف خطوه موافقه
ايمان: طبعا موافقه بس تصور فجاه خطر ع بالي ممدوح
امير كشر بطريقه تضحك: ايه لزمته السيره الهباب دي
ايمان :اصل ياحرام هيقضي خمس سنين في السجن , والله زعلت عليه , بس ليه بيكرهني اوي كده
امير :لا هو مش بيكرهك كان له ضغينه ضدي , معتقد سرقت حبيبته منه , كانت بنت بيحبها من ايام الثانوي وانا مكنتش اعرف , وقال انها حبيته من ايام الدراسه وفجاه اتغيرت منه واتغير حبها لانها اعجبت بيا لما شافتني , ده الي قاله معرفش
ايمان : لا انت مش وضيع ومنحط لدرجه تسرق حبيتته منه, انت بس نسوانجي من الدرجه الاولي
امير ضحك بصوت عالي : اكدب انا فعلا بعشق الستات
ايمان :اه عشان كدا ورطك وركبنا البوكس وروحنا بوليس الاداب , وبكدا عطاك درس شديد وجوزك لبنت فقيره من قريه في تكه
امير حط صوباعه ع بؤها: هش اسكتي
ايمان شالت ايده وهي بتبسم: استني بس ممدوح سرق ملايين من فلوس الشركه , التصرف ده ملوش علاقه بدوافعه, لو صادق في السبب الي قاله , كان بمجرد ما اتجوزنا انتهي حقده منك بس شكله شرير
امير : لاهو مش كده
ايمان شدت انفه: لا كفايه القضيه مقفوله , اسكت ويله ننام
امير مد لها ايده : ننام ياريت تعالي في حضني واقسم بالله مشتاق لك موت , وعندي طاقه شوق جبارة
ايمان حضنته بقوة وكانها بتحضن فصل الربيع وحياة جديدة ولازم تكون كلها تفائل وحب وليلة يحكي فيه القمر قصص ألف ليلة وليله
....................قصص منه محمد كاتب.................
نزل الصبح لابس تي شيرت ابيض في لبني ع شكل شجر و مبتسم بسعاده واضحه ع ملامحه
امير انحني وباس دماغها: صباح الخير
صابرين بصتله تتأمل طوله وجاذبيته: ماشاء الله ابني رجع يبتسم تاني, ولابس ومتشيك , مراتك مشت امبارح وانت ع سنجه عشره وحاطط برفان , ايه رايح تتجوز هو انت مفيش فايده فيك
امير وهو بيقعد قدامها ومبتسم : في ايه يا ماما ايمان تسمعك تقتـ لني , كانك متعرفهاش في الفتره الاخيره بقت حساسه زياده
صابرين: نهار طين يابني انت لسه بتتخيل وجود ايمان , رغم رجعت بلدها , وبعدين التي شيرت ده جبته منين لو مش غلطانه ده زي تي شيرت ايمان اكيد نسيته هنا
امير ابتسم بهدوء : لا اشترت لي واحد زيها ووصتني البسه , بس ايه رايك طالع انيق مش كدا يا والدتي العزيزه
صابرين نزلت دموعها: اكيد ايمان هتبقي قمر واميره تجنن بالفستان
امير : ليه بس تعيطي المفروض تكوني سعيده ده النهارده عيد
صابرين سحبت منديل تجفف دموعها وقالت: صح زمان اميره وايمان فرحانين كان نفسي اشوفهم وحشوني رغم غابوا يوم واحد, بس نقول ايه ربنا كتب كدا , يارب يبقوا معانا العيد الجاي لما اقوم اروح المطبخ
امير قام يلحقها: ماما
صابرين وهي بتمد: خلاص يا امير
امير مبتسم: مش كان نفسك تشوفي حفيدتك بالفستان , بصي وراكي وانتي تشوفيها
صابرين لفت وشافت اميره وايمان واقفين قدامها ع اولي سلمه
صابرين طارت من الفرح: انتي هنا طالعه حلوه اميره بالفستان
ايمان ضمتها : سامحيني يا ماما وكل سنه وانتي طيبه
صابرين : وانتي طيبه يا حبيتي والف شكر انك رجعتي لـ امير ولينا
ايمان بصت لامير وقالت بحب: ياماما انا رجعت لان قلبي لسه هنا مع جوزي واميره محتاجه رعايه باباها وحب جدها وجدتها
عادل بفرحه : اميره حفيدتي الحلوه وحشتيني تعالي لحضن جدو اموره وكيوت
صابرين بفرحه كبيره: وانا هروح المطبخ شويه وراجعه لكم
امير سحب ايمان وقعدها جنبه وطبع بوسه جنب شفايفها وقال: كل سنه وانتي معايا يا حبي وسامحيني امسكي
ايمان : ايه دي
امير : افتحيها وشوفي
ايمان فتحت العلبه وقالت بتعجب: ليه بتديني الخاتم ده
امير :مقدرتش اطلب ايدك لما انجبرنا ع الجواز , عشان كدا عايز اتقدملك ايمان مرزوق تقبلي العبد لله امير عادل يبقي بعلك وتعيشي معاه في الحلوه والمره
ايمان : ماشي زي بعضه موافقه وهفضل معاك لحد نهايه حياتي ياحياتي
امير باس ايدها : الحمد لله اخدت الرضا والقبول
ايمان : وميرسي ع الهديه
امير حرك ايده يسحب حاجه من تحت الكنبه وقال: وده كمان ليكي
ايمان: تاني ايه ده
امير :شوفيها
ايمان : انت غرقتني بالهدايا وبجد محروجه معنديش الي اهديك بيه
امير: حبي انتي عطتيني هديه متتقدرش برجعوك ليا , دي اغلي هديه ده غير شايله ولادي وعطتيني الذريه وتضحياتك وصبرك ع تصرفاتي الغشيمه , دي اكبر هديه منك عندي وبشكرك كتير عليها يا حبي
ايمان :هو لازم افتحها دلوقت
امير :ياريت
ايمان فتحت العلبه لقته الفستان الي كان متعلق ع الملكان وقالت بسعاده , الله ده نفس الفستان الي شوفته
امير: اه هو
ايمان :حلو اوي حبيبي شكرا
امير وهو بيشد خدها:عفوا
..................قصص منه محمد كاتب...............
قاعده تظبط الميكب اب في المرايا وتتأنق ولابسه فستان مقفول جدا
يونس وقف بعيد وشاورلها بأيده: شاهيناز تعالي
شاهيناز راحت عليه: ايه في ايه
يونس: ليه بتشجعيها
شاهيناز: طبعا هشجعها مراته خلاص رجعت بلدها ومصممه تطلق منه , ومش غلط لما اشجعها تاخد حقها هي بتحبه ومتعلقه بيه
يونس: حب ايه وتعلق ايه , الي هي فيه مش حب ده اسمه هوس , هي مهوسه بأمير , تعرفي ايه هو الهوس
شاهيناز: اه بس هي ليها مشاعر ناحيته من لما كان عندها عشر سنين
يونس: ايه نوع الحب ده لما طفله تقع في حب ابن عمها , مش كفايه كانت هتوديه في داهيه لما كدبت انها حامل منه عشان يدبس يتجوزها
شاهيناز: بقولك ايه هي دلوقت رايحه بيت عمها الي هو بيتها , ومن صغرها بتروح وتبات هناك فين الجديد
يونس: الجديد اني مش مرتاح اصلا للموضوع ده كله ع بعضه ,انا راجل وعارف كويس اطباع امير هو مش بيحبها عشان كدا وقفي تشجعيها
شاهيناز: يعني احبسها في اوضتها , مش فاكر لما فقدت عقلها عشانه وثارت وبعدها اذت نفسها
يونس: وده الي قلقان عشانه
ليلي وقفت وراحت عليهم بدلع : يله نمشي انا مستعده وجاهزه, بسرعه مستنين ايه, اكيد امير مضايق مراته سابته , ودلوقت حبيبته في الطريق يله ينا
.................قصص منه محمد كاتب...............
امير بصوت عالي: ايمي راحت فين دي بس
عادل: في ايه بتزعق ليه , اكيد مراتك في المطبخ
صابريت وهي بتضحك عليه: شكله خايف لتختفي هو ده العشق مش قادر يبعد عنها لو لحظه
عادل: الشاب مغرم تماما زي حالتي, زمان لو مشفتش وشك ليوم اقرب اتجنن
صابرين بضحكه: اه يعني الواد طالع لـ ابوه
عادل وهو بيسحبها معاه من المكان: وابوه نفسه يشرب فنجان قهوه من ايدك
امير بصوت اعلي: يا ايمان
ايمان قربت عليه وبصوتها الهادي : في ايه بتصرخ ليه ما تنادي قول يا ايمي
امير لف ايده حوالين جسمها وحضنها بقوة: ندهت بس انتي مسمعتنيش بقولك ايه امتي هنسافر بلدكم زمان ابوكي وامك مضايقين جدا عشان مشفوش اميرة , وجوزك القمر الوسيم , ايه رايك نسافر الليله
ايمان :بس قبل ما نسافر خلينا نزور قبر احمد
امير مسك دقنها بأبتسامه: طبعا بس بلاش والنبي تعيطي هو عند ربنا الي ارحم مني ومنك وبأذن الله هنعدي المحن دي سوي , بقولك ايه ممكن اطلب مساعدتك
ايمان : في ايه
امير :ممكن تغمضي عينك
ايمان : ليه
امير : يابنتي غمضي وثقي فيا
ايمان غمضت وامير حط ايده ع عيونها : اياك تخميني وتفتحي هموتك
ايمان: احنا رايحين ع فين
امير وهو ماشي بيها: لحظه
ايمان: ايه الي بيحصل
امير: امشي معايا وانتي ساكته
ايما،: ع فين
امير: اصبري لسه موصلناش
ايمان: طيب امتي هنوصل يا سطي
امير : لسه شويه يله فتحي دلوقت
ايمان فتحت عنيها وهو صرخ: مفاجأه
ايمان: دي ليا
امير: طبعا طلبتها من مده طويله وفجأه وصلت النهارده الصبح , وده مفتاحها ها عجبتك
ايمان: لا مش عايزه اسوقها افرض حصلها حاجه
امير: مش هيحصلها حاجه ياروحي بقدملك هديه عربيه لاني مش عايزك تروحي الشغل في تاكسي , عايزك تسوقي عربيتك الخاصه بيكي انتي ,يله امسكي
ايمان: شكرا بحبك
امير : اممم عشان واخده عربيه هديه بقيتي بتحبيني
ايمان: حتي من غير عربيه هفضل احبك حبيبي
امير :نعم
ايمان: بجد بتحبني
امير : هو انتي لسه بجد بتسالي انا بموت فيكي
ايمان بخبث: يعني انت بتعترف انك بتحبني, طيب انا اكتر ولا عربيتك اكتر
امير : ايه الهبل ده طبعا بحبك انتي اكتر , انتي مراتي , والعربيه مجرد غرض
ايمان وهي مصغره عيونها: كدا تمام ليه متروحش تشوف عربيتك وتطمن ع وشها من قدام
امير راح يتفحص العربيه لقاه االمرايا الشمال مخلوعه والوش مدمر قال : ايه ده
ايمان وهي بترجع لوري : لما كنت رايحه اشتري لبن لما انت صممت اشربه عشان الكالسيوم وغذاء للعيال , وانا بركن جنب المحل دخلت في الجدار اسفه ( وطلعت تجري منه)
امير شدها عليه: نهارك مش فايت بتجري تهربي ع فين
ايمان : حصل غصب عني سوري
امير : خلاص حصل خير فاهم ومقدر , بس سلميني مفتاح العربيه الي عطتهولك بايدي من شويه
ايمان : الله ليه
امير : ماهو بعد الكارثه دي مش هسمحلك تسوقي عربيه, لحد ما اتأكد انك متمكنه فعلا في السواقه , و بعد الولاده عايزك تروحي مدرسه تتعلمي مره تانيه , عارف عندك رخصه بس انتي مش بتسوقي بقالك فتره طويله عشان كدا نسيتي الاساسيات , وانتي ممنوعه من السواقه حاليا هاتي المفتاح
ايمان خبته منه وري دهرها وبعناد: الاء
امير: يله
ايمان بعناد اشد: لاء لاء لاء
امير :ايمان
ايمان حطته في كف ايده وهي مكشره: خده مش عايزه منك حاجه
امير : يعني زعلانه وعربيتي هي الضحيه , انا الي المفروض اتقمص وازعل
ايمان : وبيقول انه بيحبني قال
امير : بتهلوسي صح, مين الي ميحبكيش انا هايم في حاجه اسمها ايمان
ايمان زقته وهي بتجري ع جوه : كداب
امير ضحك : خدي يا بت هنا ,وانتي حلوه كدا
.................قصص منه محمد كاتب..............
وقت العصاري نزلت رايحه الصالون سمعت اصوات شبابيه ولما قربت لقتهم نفس الشباب الي كانوا موجوين في الشقه لما امير ضربها واهانها قدامهم
غمضت عيونها وقالت: لازم اسامحهم كلهم , وانسي الماضي الرهيب
امير بيلف لمحها قام بسرعه ومد لها ايده: حبي تعالي سلمي اظن لسه فكراهم
ايمان بأبتسامه خفيفه: طبعا كلهم كانوا معانا في نفس الجامعه , عاملين ايه يا شباب
حجاح رد: بخير بس شكلك بقي منفوخ ليه كده امتي معاد ولادتك يا ايمان
امير حط ايده ع معدتها وقال وهو مبتسم: لسه في 8 شهور , ومنفوخه عشان حامل في تؤام امتي بقي ناوين تتجوزه , بقي عندي ولاد واكرم عنده واحد دلوقت , حبي انا من حسن حظي اني اتعرفت عليكي والا كنت هبقي ملعون زيهم
حجاح : انت بتشتم علينا وفي وشنا
شاب اخر : انت وقح يا امير مش عايز اعرفك تاني
حجاح : ولا انا , انت مش مؤدب الصراحه
ايمان ضحكت وقالت: عن اذنكم هروح المطبخ
حجاح : امير ها ايه اموركم دلوقت مع بعض تمام
امير قال بندم: اهانتها زمان بفهمي الغلط وعاملتها بشكل قاسي ومهين, لكن متخدونيش قدوه ليكم بموقفي الجبان , هتندموا ع كل ده الي ما لا نهايه
شاب : يعني اتقبلتها لانك بس غلطت في حقها , ولا عشان حبيتها بجد
امير : عشان عشقتها بجد بعشقها من كل قلبي , عايز اوصف لكل واحد فيكم واعبر قد ايه بحبها ومغرم بيها بس صعب
شاب ابتسم: انا حسيت بالغيره اتعودنا ان امير شاب طايش ومتهوروبتاع بنات , ودلوقت بقي زوج وبقي اب كمان
حجاح : واحنا مبسوطين عشانك يا امير يابختك عندك زوجه جميله زي ايمان , وزمان ممدوح هيموت من الغيره
شاب : الا صحيح ايه اخباره
امير : مش عايز اتكلم عنه مش طايق حتي اسمع اسمه ,هيعكر مزاجي
................قصص منه محمد كاتب.............
امير طلع يوصل اصحابه ويودعهم لقاه عربيتين داخلين من البوابه وقف بمكانه
يونس نزل: ازيك يا امير
امير سلم وهو مبتسم: اهلا وسهلا ياعمي
يونس: كل سنه وانت طيب يا بني
امير: وانت بصحه وسلامه
شاهيناز قربت ومد ت له ايدها: كل سنه وانت طيب
امير سلم : وحضرتك طيبه يا مراه عمي
ليلي قربت عليه وهي بتبتسم: هاي امير
امير: هاي شكلك حلو من غير ميكب ع طبيعتك ولبسك, اتغيرتي تغير جذري
ليلي: بحاول ابقي انسانه ملتزمه
امير: نفرحلك , بالمناسبه انا بتأسف جدا ع كل حاجه , لو امكن نبدأ صفحه جديده
ليلي بخبث: انا كمان عايزه اعتذرلك , ونبدأ صفحه جديده
امير ضرب كفها بالتصالح وقال : تمام معنديش مانع
اميره طلعت وبترفع ايدها ببرأه: بابا
ليلي بصت لشاهيناز بقهر ان ايمان لسه موجوده وحسوا بالصدمه
امير راح اخدها في حضنه: ايه يا حبي عايزه تأكلي السمكه استني تعالي
يونس بهمس: قولت لكم انسوا امر امير
امير لف: اتفضلوا يا جماعه ليه لسه واقفين
يونس: اه جاين
ليلي أنهارت على الأخر واتكت ع ايد امها وقالت: ماما ايه ده
شاهيناز: اهدي خالص واتحكمي في نفسك اوعي تنهاري قدامها ولا تظهري نقطه ضعفك ,خدي نفس وخرجيه , وابتسمي ويله ندخل
الكل دخل وقعدوا في الصالون وايمان سلمت عليهم بدون نفس واتحركت بسرعة ومشت وامير راح وراها فتحلها الكرسي وقعدت في الليفنج وفتحت البوبنيره تاكل في شوكولاته وتحدف الورق بغيظ
امير ميل عليها: ايه رأيك في ليلي مش حلوه شكلها مختلف اوي
ايمان: اه ومش مستغربه ليه عيونك بتبحلق فيها
امير : حبي انا ببصلها عشان مذهول , اصلي مش مصدق انها اتغيرت , اعرفها من واحنا عيال عمرها ما لبست فستان طويل , وقالت في مره ان الي بتلبس مقفل دي واحده متخلفه ومعندهاش رقي ,عشان كدا وضعها محيرني , حبي صدقيني لو جات واحده من الملايكه قلبي مش هيتغير , عشقي وكياني, وروحي ليكي انتي وبس , ثقي فيا , زائد مفيش ست تقدر تنافسك انتي مراتي الجميله اللطيفه , الخلوقه , وبنت الاصول
ايمان بصتله بستياء مضحك وقالت: كفايه يا فنان بتقول كلام حلو بزياده , ايه حكايتك عمال تشيد بيا كتير معيش فلوس ادهالك
امير ضحك : مفيش لزوم للفلوس , عايزك انتي وبس
ايمان : سبني اكل انا جعانه
امير : طيب منا كمان جعان اكليني معاكي
ليلي قربت وهي بتبتسم ابتسامه طالعه بالعافيه وقالت : هاي يا ايمان انا عايزه اعتذرلك بسبب الكلام الي قولته في المستشفي, انا المذنبه اسفه وبعتذر عن وقاحتي ناحيتك طول الوقت ده امير مغلطش ابدا انا الفت قصه اسفه_ ضمتها برياء_ سامحيني
ايمان بعدت عنها وقالت بدون نفس : خلاص يا ليلي انا نسيت كل حاجه , خلينا نبدا من اول وجديد وننسي الماضي ونطويه , مش عايزه نكون اعداء او يبقي فيه جوانا ضغينه ضدك مش كدا يا حبيبي
امير : اه
ليلي : امير ايمان المغرب عامله حفله بمناسبه عيد ميلادي, متنسوش تيجوا
امير : مش هنقدر نيجي اصل احنا مسافرين للقريه
ليلي تبتسم بالعافيه بغيظ مكتوم: اوكيه لما ترجعوا بالسلامه نبقي نتجمع
ايمان طنشتها وبصتله: حبيبي مش كنت جعان وعايز تاكل
امير : منا بحاول افتح الشكولاته دي و مش عارف
ايمان : خد دي من ايدي
امير : الله لذيذه عايز تاني
ايمان بصتلها تتأمل ملامحها الي واضح عليها شده الغيره وقالت بكيد : ليلي اتفضلي معانا
ليلي بأبتسامه صفراء : لا هاكل معاهم
امير : عايز تاني طعمها حلو اوي
ايمان: امير
امير :ايه
ايمان تتكلم بصوت اقرب للهمس : شوفت الغيوره اعملها ليمون بالنعناع يطفي غيرتها
امير بنفس الهمس: ما تسبيها في حالها خلينا ناكل شكولاته, يا شكولاته
ايمان : خد وبالهنا والشفاء
استوب رايكم في الاحداث والتصالح بين امير وحبه بس ياتري ليلي وامها هيعملوا ايه تاني والخطه هتبقي جامده ع ايمان وامير هيرجع دماغه تختل تاني ولا هنعيش معاهم الحب الاسطوري انتظروني واحداث جميله