رواية ضحية فرعون الفصل الثامن عشر 18 بقلم منه محمد
✿
ليلي طلعت بغيظ وحقد تركب العربيه وتغادر المكان
شاهيناز بتجري وراها: يا ليلي , ايه الي بتعمليه ده , احنا لسه واصلين , ليه راجعه البيت
ليلي: عشان هطق بيأكلوا بعض قدامي ,مقصود يفكوا اعصابي
شاهيناز: خلاص ارجعي البيت لكن ابقي افتكري بعدين متقوليش عايزه تتجوزي امير ,اقفلي صفحته وانسيه تمام
ليلي: انتي بتلوي دراعي
شاهيناز: لا بعمل الي انتي عايزه , عايزه ترجعي البيت اتفضلي
ليلي ضيقت عيونها: لا مش هستسلم يا ماما , مش هسيب الجربوعه دي تنتصر عليا وتاخد مني امير تاني, امير ليا انا وبس , ماشي يا ايمان لو مقدرتش اخد امير مش هسيبك تعيشي سعيده
شاهيناز مسكتها من دقنها وابتسمت : ايوه كدا دي ليلي بنتي الي متعرفش لا تراجع ولا استسلام
.............قصص منه محمد كاتب...............
امير انهي شغله وطالع من الشركه للجراش يركب عربيته مجهول جه من وراه وضربه بشومه ع كتفه
امير صرخ : انت مين وعايز مني ايه
الملثم ضربه مره تانيه ع ايده وقع منه الملف ع الارض
امير : من فضلك قولي عايز مني ايه , هديلك فلوس , بس من فضلك متضربنيش تاني
الملثم ضحك بستفزاز من تحت القناع وامير اتعفرت وقايم يهجم عليه لكن الراجل كعبله ووقعه بشده ع الارض
امير صرخ فيه : قولي عايز مني ايه , اتكلم
الراجل شاورله ع العربيه وامير برفض : لاْ هديلك الفلوس الي عايزها بس عربيتي لا
الملثم : يبقي عايز تضرب تاني
جات من وراه الملثم وضربتـ ه بخشبه ع ايده وقعت منه الشومه الي معاه
الملثم وهو بيشاور عليها : مراه تضربني
ليلي: ابعد
الملثم: هو انا اعرفك
ليلي: اتصلت بالبوليس غور من هنا امشي يله , والا هصرخ والم الناس عليك
الملثم مثل انه خاف وطلع يجري من المكان وليلي رمت من ايدها الخشبه
ليلي جريت عليه: امير انت كويس
امير: بخير بس ايه الي جابك هنا
ليلي بخبث: بالصدفه كنت جايه في شغل لعمي وشوفتك , انت كويس
امير :ايوه
ليلي : هات مفتاح عربيتك
امير: لا انا رجلي الي اتأذيت, هرتاح شويه وهبقي كويس
ليلي : طيب هوصلك للعربيه تقعد فيها , مش معقول هترتاح هنا
امير :ممكن تناوليني الملف
ليلي انحنت وسحبت الملف من ع الارض ورفعت ايده ع كتفها وقالت: اسند عليا خليني اساعدك
امير : اوكيه
ليلي: امشي براحه قادر تمشي
امير: يعني
ليلي: طيب ثانيه واحده افتحلك الباب
امير دخل قعد وقالها : خلاص كدا تمام
ليلي: خد الملف واشرب شويه ميه تحب اسوق بدالك للعياده
امير هزلها دماغه برفض وعملها لايك بمعني انه تمام
ليلي: اوكيه اهتم بنفسك , لازم ارجع اقابل عمي , اشوفك بعدين يا امير باي
امير بص في المرايا وقال لنفسه: غريبه مشت ع طول , يمكن عشان انا منفضلها, وجايز اتغيرت الله اعلم , بس اشوفك تاني بعدين تقصد ايه
............قصص منه محمد كاتب...............
وصل البيت بعد ما اخد حقنه مسكن عشان ميقلقهاش عليه وهي استقبلته من عند البوابه
ايمان بأبتسامه: حمد لله بالسلامه
امير باس خدها وحط ايده ع كتفها: الله يسلمك اخبارك يا عسل
ايمان: الحمد لله , اكلت
امير: اه اكلت في المكتب
ايمان: وليه راجع البيت متأخر
امير وهو بيقعد : كان عندي شويه اوراق براجع فيهم , بكره بابا هيعمل اجتماع ليا انا وليلي بس فين اميره هي عاده ترحب بيا الساعه دي , وامها كمان بترحب بيا اليوم
ايمان كانت نظراتها لقدام ومستائه جدا
امير بصلها: حبي انتي كويسه حاسه بتعب
ايمان: لا انا تمام ,بس ليه ليلي معاك في الاجتماع , ومن امتي وهي بتشتغل معاك
امير بانت على ملامحه ابتسامه:وانتي ليه قلقانه كده بتغيري
ايمان بحمقه: اه بغير مش جوزي , غير كدا من اول ما قعدت في البيت وانا محبطه , وحاسه بالزهق , مامتك وبنتك طول اليوم بره , شوف الساعه كام ولحد دلوقت مرجعوش
امير مبتسم : ده طبيعي اول حفيده وفرحانه بيها
ايمان : ايوه بس انا مراه ابنها وبزهق وبمل , وانت نفس الشئ انا دخلت الشهر التاسع ومنعتني اشتغل
امير ابتسم بهدوء وفضل قاعد ساكت
ايمان كشرت اكتر: انت سمعتني
امير اتنهد وقال : ايوه سامعتك , يا حبي مش مساله اني بعارض شغلك , بس شوفي حالتك حاليا عندك زلال وبتمشي زي السلحفاه ومعندكيش جهد ولا طاقه , ومش عايز يحصلك حاجه لو في امكاني اضحي بروحي عشان سعادتك
ايمان : ايه الكلام الفارغ ده , لو حصلك حاجه احنا هنعرف نعيش انا ولا ولادك من بعدك , حتي لو سبتلنا الماس ده ميعوضناش الحب والحنان الي بناخدهم منك, انا بحبك انت , مش بحب فلوسك
امير مسك دقنها : ايمان ممكن متبقيش حساسه بزياده , انا بحبك وخايف عليكي ممكن تبتسمي شويه عشاني
ايمان ابتسمت له أبتسامه خفيفة
امير : لما بتبسمي بتبقي اجمل واحده
ايمان: ولما بعيط
امير بيحرك صوباعه ع خدها الناعم : بتحلوي اكتر
...........قصص منه محمد كاتب................
في غرفه نومهم حضنها بجبروت لصدره والود وده يدخلها بين ضلوعه ويعوضها عن كل شئ
ايمان نايمه ع صدره :حبيبي
امير بيلعب في خصل شعرها: نعم يا دلوعتي
ايمان: :أنت ليه عمال تهرب من سؤالي
امير ضرب دماغها :عشان هنا مفيش مخ , فيه فراغ محتاج يتملي
ايمان بعدت ايده عن دماغها: عملت لي صداع ,و بتصرفاتك دي بتدفعني اقتلك
امير ضحك :لا وانتي عليكي صحه جامده يتخاف منها
ايمان ضربت كتفه بخفه : امير يله جاوب
امير: حاضر ليلي جات في شغل لشركه ابوها وبس , خليكي واثقه فيا, ايمي انا بحبك انتي وبس
ايمان: وايه الي حبيته فيا
امير: بحب عيونك فيها نظرة مش عارف ازاي افسرها
ايمان: وايه كمان
امير وهو بيحرك ايده ع شفايفها:اممممممم ابتسامتك الحلوة
ايمان بدلع :باااااس
امير ضحك: وروحك, بس انتي بقي بتحبي فيا ايه
ايمان تسحب ايده وتشبك صوابعها مع صوابعه: ايدك كبيره
امير يرفع حواجبه : في واحدة فالدنيا تحب جوزها عشان ايده كبيره
ايمان :اه أنا
امير ينام ع رجليها: لا شكلك شاربه حاجه اعترفي
ايمان بتلعب في خصل شعره : حاضر هعترف لك انا بصراحه حبيبتك من ايام الجامعه
امير ابتسم بغرور مصطنع: منا عارف
ايمان ضربته ع جبينه بخفه: انت كداب وسبني اكمل الاول
امير بضحكه خفيفه: سوري ع المقاطعه اوعدك اركزمائه في المائه من دلوقت
ايمان مبتسمه: تمام لكن مفكرتش اتجوزك ابدا ,لاني عارفه الفرق الكبير الي بينا احنا زي الليل والنهار ده كان ظني واتضح احنا مقسومين لبعض انا مبسوطه اوي
امير: الحمد لله فاكره لما اول ما اتجوزنا كنت بقولك بكرهك , لكن صدقيني في قراره قلبي كنت مولع بحبك
ايمان :حاجه مش متوقعه من الكره للحب , بس انت متاكد انه حب
اميرو يضمها لصدره: طبعا متاكد يا حبي, وللسبب ده مقدرتش اتقبل اي واحده غيرك في حياتي بما فيهم ليلي برغم فيه بعض الناس بيشوفنا انا وهي دايما مع بعض , وكاننا اتنين حبيبه , لكن في قلبي فيه انتي وبس, انا بحبك حب مرضي وربنا ما يشفيني منه
ايمان : وانا كمان بحبك ويومي مش بيحلو غير وانا معاك
امير : وانتي مكسب لـ اي راجل ولو هتكلم عن النعم هبدأ بيكي
قطع كلامهم رنه موبيله وايمان بصت في الاسم بثورة غضب أعتلت ملامحها : ودي بتتصل ليه بيك تلاته الفجر
امير بهدوء: يا ايمان وفري قلقك وريحي بالك و ملهاش لزوم الغيره الزايده
ايمان : الموضوع مش مساله غيره يا بيه, ازاي تتهمني بحاجه زي كده , بعد العلاقه الي كانت بينكم بصراحه انا مقدرش اثق فيها ذره
امير : حبي ممكن ارد
ايمان بنفعال: اه اتفضل رد
امير فتح الخط وقال بجمود: الو في ايه .....ليه بتتصلي بيا قرب الفجر ...... قولي بسرعه عايز انام ...تمام
امير قفل وبصلها وهو بيقرب منها: حبيبتي
ايمان لافه وشها عنه وجواها مقهوره والغضب واضح عليها
امير : طيب بصيلي , مش من الادب تعامليني بالطريقه دي ,مش انتي تعرفي ربنا
ايمان لفت وبصتله بتعبير وشها المضايق والمكشر
امير : شوفي ليلي معرفش اكلت ايه ومعدتها بتوجعها وبترجع , يمكن جالها تسمم غذائي, وانتي عارفه عمي ومراته مش هنا مسافرين , عشان كدا مش هينفع تسوق , واتصلت بيا اخدها المستشفي , مقدمهاش حد تاني تستنجد بيه غيري , بصي انا هروح ع طول وارجع
ايمان: انا جايه معاك عشان مينفعش تبقوا لوحدكم , وحرام تخرجوا لوحدكم وش الفجر
امير : تمام تعالي , انا اصلا افضل تبقي معايا , بس مش في حالتك دي , وضعك مش مناسب بس لو كنتي هتفضلي قلقانه ودماغك هتسوحك اوعدك مش هروح لوحدي , هاخد الشغاله معانا
ايمان باين انها رافضه للوضع جدا
اميرحدف اللحاف وينزل من السرير : انا فعلا لازم اتحرك لو اتاخرت ياعالم يجرلها ايه
............قصص منه محمد كاتب..............
.سندها لحد باب العربيه وقعدها ولف ركب بعد ما ناولها كيس العلاج
امير: انا مش فاهم اكلتي ايه عملك تسمم , قلنا بلاش اكل من بره, ليه بتاكلي من الشارع
ليلي: معرفش يمكن عشان مبقناش قريبين من بعض زي زمان, انا دايما متوتره ولما بتوتر باكل بكميات كبيره اي حاجه قدام عيني
امير: وايه الي موترك وانتي نزلتي تشتغلي مع عمي في الشركه
ليلي: مفكر الشغل ممكن يخفف من توتري , وممكن يخليني انساك
امير: ايه ده , اسمعي مش عايز اسمع الكلام ده تاني , مش احنا سامحنا بعض ووعدتيني نفتح صفحه جديده ولا نسيتي
ليلي بحقد رغم بتخفيه بهدوئها : متهمتش وسوق , والف شكر انك اخدتني ع المستشفي
امير: ع ايه احنا ولاد عم , وانا بعتبرك اختي الصغيره
ليلي: اختك الصغيره
امير: اه اختي امال ايه
ليلي: لا بجد بتثير اعصابي خلينا نتحرك
امير حرك عربيته بسرعة وانطلق من المكان
.............قصص منه محمد كاتب.............
رجع حدف جسمه بنفس هدومه ومدد بالعرض وغطس في النوم
ايمان: امير
امير : نعم
ايمان تسحب اللحاف منه : قوم صلي الفجر
امير فتح عيونه وبصوت كله نوم: صليتها لما كنت في المستشفي
ايمان حطت ايددعا في وسطها: ماهي فالحه تاخد وقتك كله , من تلاته بالليل لحد بعد الفجر , عندها ايه
امير: استفرغت في البيت عشان كدا اتأخرت ع ما اخدتها المستشفي
ايمان: وليه كانت بترجع جامد كده
امير بيتثاوب : معرفش هي دخلت قفلت ع نفسها الحمام , وانا قعدت استناها بره , ومرهق ونفسي انام شويه
ايمان: وليه قفلت ع نفسها , ليه اول ما وصلت مطلبتش منك تروح بيها ع المستشفي , مش قالت انها تعبانه اوي ومش قادره تستني
امير سحب اللحاف ويغطي جسمه وراح في النوم من التعب وهي ضربت الارض برجليها
.......................قصص منه محمد كاتب............
في الشركه عند امير وهي بتتكلم في التلفون مع ابوها لمحت ايمان بتضم حنين ابتسمت وراحت تنفذ خطتها االعينه
ليلي دخلت: امير السي دي الي عليه العرض مش موجود في العربيه , بس متقلقش هطلب من الموظف يبعته تاني ع البريد الالكتروني
امير: مش مهم احنا ناقشنا نصه خلينا نكمل بكره , تقدري ترجعي ع البيت
ليلي وهي بتقوم مثلت انها دايخه ومسكت دماغها واترنحت ومسكت في علبه الادارج
امير قام وقف في مكانه: ليلي في ايه
ليلي: فجأه حسيت كأن هيغمي عليا , يمكن من اثر التسمم الي جالي امبارح , ممكن امدد هنا ع الكنبه لدقايق
امير: ايه
ليلي مشت وراحت واقعه وامير اتخض وقام لحقها ومسكها من وسطها
امير: ليلي حاسه بأيه
ليلي: مش عارفه بس معنديش طاقه
امير اخدها وهو ضممها وبيقعدها ع الكنبه بس هي شدته عليها وباسته بعنف من شفايفه وهو بيحاول يزقها في دخول ايمان
امير زقها بقسوه: سبيني انتي اتجننتي بتعملي ايه, ايمان انا معملتش حاجه
حنين داخله وراها: ليه واقفـ
ايمان كانت واقفه جامده في مكانها ودقات قلبها هتخرد بره جسمها والغضب تملك كل جزء فيها واتحولت لأشلاء متناثره
امير: الي شوفتيه مش نفس ما بتفكري انا مقربلتهاش , لو مش مصدقاني اسالي ليلي
حنين بصت لليلي بنظرات احتقار: هي البت دي مره تانيه
امير برجاء: ليلي قولي لـ ايمان الي حصل مجرد سوء فهم, من فضلك قوللها
ليلي بنظرة شيطانية : عايزني اشرح ايه , مراتك مش عمياء شافتنا بعينها , الي حصل مسأله واضحه
امير فقد اعصابه ومسك ايدها لواها ودي دهرها
ليلي: امير سيبني هتكسر ايدي , مالك اتجننت في عقلك
امير اتك اكتر: اتطقي قولي الحقيقه
ليلي بصراخ : بقولك ايدي هتتكسر , حصلك ايه من وراها بتبوس وتحضن فيا , وقدامها تتحول لـ اسد خلاص هي شافتنا اعترف لها
ايمان حست بالدنيا حواليها بتقف لحظاتها وجواها خنجر ألم انغرس بدون رحمة
امير كأنه بركان انفجر ومحدش يقدر يقف في طريقه لطشها بالقلم : انتي لعبتي مع الشخص الغلط انطقي بالحقيقه بقولك
ليلي: هي دي الحقيقه
اكرم كان داخل ومش فاهم هو فيه ايه لحد ما شاف المشهد الي قدامه
امير لف ايده حوالين رقبتها وهو ثاير وبقبضة ايده ضغط على رقبتها : عملتي ده عن قصد توقعي بيني وبين مراتي صح
اكرم يلف ايده حوالين كتف امير وبقوة يبعده : ابعد عنها يا امير هتـ موت في ايدك
ليلي زقته وهي بتحاول تفك ايده من ع رقبتها وبصوت مخنوق: الحقوووني
اكرم بيسحب فيه بقوه : سيبها يا امير بقولك سيبها
امير دفعها بقوه شديده: الي زيها لازم يموت , هي قاصده توقعني في نظر ايمان
اكرم: خلينا نتكلم بهدوء مش كدا ,اقعد وبلاش تتعصب واستفغر , رغم مش فاهم ايه الي حصل بس نتكلم بهدوء
امير بصلها وهو منهار: ايمان انتي مصدقاني مش كده
ايمان ببرود غريب: كنت جايه اخدك انا وحنين واكرم نتعشا بره , بس لقيتك مشغول لشوشتك كمل شغلك ليلي سوري قطعت غراميتكم
ليلي قاعده ع الارض من دفعه امير ومتكوره ع نفسها وبتمثل الانكسار
امير مسك دراعها : ايمان اقسم لك بالله ما خونتك, انا بحبك ولا يمكن اخدعك , صدقيني وثقي فيا
ايمان حدفت ايده : انا جعانه عايزه اكل ( وبسرعة اتحركت مبتعدة عن المكان_
امير بيسحبها غصب عنها وهي زقت ايده الي متمسكه بدراعها وطلعت تجري
اكرم رجعه وقاله: امير مش وقته تضغط عليها , هي في اخر شهر ليجرالها حاجه
حنين: الي قاله اكرم عين العقل , انا هفهمها وانت اهدا الاول
امير بص لليلي وصرخ فيها: وانتي احسن لك تمشي , ومش عايز اشوف وشك قدامي تاني ’ ومن اليوم انا وانتي مستحيل تجمعنا اي علاقه , مش عايز اشوفك غوري من وشي حالا غوري
ليلي طالعه بتجري وامير عايز يهجم تاني عليها
اكرم مسكه من كتافه: وقف يا امير
امير: دي امثالها لازم يموتوا
اكرم: وحد الله مش كدا
امير انهاربصوت عالي لدرجة صوته راح : دي دمرت حياتي يا اكرم , مصدقتش كلام ايمان عاندت اسمعها لما قالت لي ليلي متغيرتش , وانا قلت كل واحد فينا ممكن يتغير لكن لاء لو العالم كله يتعدل الأنسانه دي مش هتتعدل ورجعت خدعتني مره تانيه , , وشايف ايمان مشت ومقلتش ولا كلمه , مش هتحمل خساره مراتي وولادي يارب ساعدني
اكرم: امير لازم تتكلم معاها مره تانيه
امير ببكاء: بعد الي شافته مستحيل تكمل معايا هي مش هتثق فيا تاني خلاص اتحولت درجه الثقه الي بقالي فتره ببني فيها لخيبه امل مالهاش حدود
اكرم: رغم كده حاول مره واتنين وتلاته , اوعي تستسلم
................قصص منه محمد كاتب..............
في الكافيه قاعده تحسس ع بطنها وواضح أنها مضطربه
حنين بصتلها:انتي كويسه متأكده انك مش جعانه
ايمان : مش كان هيبقي احلي لو جبتي معاكي احمد, منين ماتروحي تسبيه مع المربيه بتتصرفي زي ما تكوني سنجل
حنين: بطلي تلفي وتحوري عارفه انك مش بخير
ايمان: مش بخير! ايه الي اقدر اعمله لو مش بخير اعيط اصوت اصرخ اغضب هستفيد ايه بعدها , وهو زي ما هو ع عهده
حنين: بس انا راي امير المره دي مظلوم, ليلي هي الي ورطته , والا مكنش هيبقي رده فعله بالمنظر ده , ومتقوليش متعرفيش طبعه ليلي مستعده تعمل اي حاجه عشان تطلقي انتي وهو, واحده حقوده وقلبها جواه سواد السنين
ايمان: مش قادره انسي الي شوفته والطريقه الي خـ نقها بيها لدرجه كانت بتموت , زي ما عمل معايا بالظبط انسي سيرته مش عايزه افتكر منظهرهم وهما مع بعض
حنين: ايه الي شوفتيه
ايمان اتنهدت بصوت عالي وقالت: مقرفين كانوا بيبوسه بعض والمنظر ده مستحيل يغيب عن بالي
حنين ملامحها كشت: اخص عليهم معفنين
ايمان: حنين قفلي ع السيره متتكلميش معايا فيها تاني, بجد نفسيتي بتتعب
..............قصص منه محمد كاتب..............
قاعده ع الكنبه الي جنب الباب ومعاها اميره والشنطه وبكامل لبسها بس حالتها متطمنش الانكسار باين بعيونها
صابرين: يا بنتي فهميني طيب اتخانقتوا , ولا حصلت مشكله قوليلي لا يمكن تتعاملي لوحدك اقدر اكلم ابني وانصحه, او نتكلم كلنا سوي
ايمان: ماما بجد مش عايزه اسببلكم صداع,محتاجه مساحه يا ماما
صابرين:يعني مش عايزه تستني وصول امير الاول
ايمان: ايمن زمانه ع وصول
صابرين: لا حول ولا قوه الا بالله
ايمان لما سمعت كلاسك العربيه قامت بسرعة سحبت حاجاتها وهي حاسه بغصة
تحنق أنفاسهآ محتاجه تطلع من المكان الي حاسه يأن من الوجع والشكوك
............قصص منه محمد كاتب................
امير رجع بالليل ووقف ساند ع عربيته واخد نفس طويل ودخل بخطوات مهزومه واول ما شافهم قاعدين ملامحه اتغيرت لغضب ممزوج بقهر وفضل يضغط على صوابعه وقال: السلام عليكم
الكل رد عليه السلام وقرب سلم ع عمه وراح لمراه عمه الي سلمت عليه من غير نفس و اتجاهل ليلي الي قاعده في حضن امها ولابسه رقبه
عادل: امير عايز اعرف حالا انت خنـ قت ليلي لدرجه كنت هتكسر رقبتها
امير: اه
شاهيناز بنفعال: يعني كنت قاصد تمـ وتها , انا ممكن اعمل فيك بلاغ واقدم تقرير طبي واوديكي في ستين داهيه لانك اذيت بنتي لحد ما حصلها تورم وكدمات خطيره , بس ليلي الخايبه رفضت عشان اشفقت ع حالك
امير : عشان الي زيها لازم يتخـ نقوا
يونس : انت زدت عن حدك
صابرين: ليه يا بني بتتصرف بالتهور ده , مش تطول بالك
شاهيناز بصتلها بغيظ: يا سلام ابنك خنقـ ها لدرجه الموت , وانتي بتدافعي عنه , انت مجنون ومختل عارف كده , ومش بتعرف تميز بين الصح والغلط
امير حدف الملف الي معاه بعنف ع التربيزه وصرخ فيها: اخرسي خالص, لو عايزه تعملي محضر اتفضلي مش همنعك مفكره هخاف
شاهيناز: كدا يله بينا ياليلي ع القسم
امير: بس قبل ما تقدمي شكوي اسألي بنتك المحترمه الاول عملت فيا ايه وبأيمان, ماتساليها حتي لو قطعتي من جسمها حتت مش هتقول الحقيقه , انا الي بشفق عليكي وبشفق ع عمي انه خلف شيطانه زيها
عادل بحده: امير
يونس يروح له وبقوة يسحبه من قميصه: انت ازاي تتجرأ وتهين بنتي قدامي مين عطاك الحق في اهانتها
عادل قام بسرعه وراح يسحب يونس من دراعه : يونس اهدأ وخلينا نتكلم بالعقل ,تعال اقعد
امير رفع ايده مسح علي شعره وقطرات العرق من قمه اللانفعال والغضب نازله ع القميص الاسود الي لبسه
عادل بهدوء: امير احكلنا ايه الي حصل وصل الامور لكده , وانا مش بلومك بشكل كامل لان اكرم فهمني الوضع لما وصل ايمان , وسوزي بعتت لي رساله , ورغم كده تصرفك مع ليلي غلط
صابرين: ايوه يابني غلط
اميراخذ نفس وزفره: ماما بابا انا بجد اسف لاني خليت غضبي يسيطر عليا
شاهيناز: كويس انك بتعترف , ومش عشان بنتي بتحبك زي الهبله ده يديك الحق تعمل فيها الي انت عايزه
امير صرخ فيها : انا الوحيد الي زايد عن حدوده مش كده , وعنها هي ايه لما شدتني عليها وباستني من شفايفي غصب عني , ده مش تجاوز يفوق الحد, اسأليها بس مستحيل تعترف بكده وبسبب تصرفاتها المجنونه علاقتي مع مراتي ادمرت , ايمان مبقتش تثق فيا وبيتي اتخرب يا بابا بسبب بنت اخوك , وانا اسف ياعمي لو اسائت لك بس فيه شئ واحد عايزك تاخده مني بعين الاعتبار لحد امتي هتتستروا وتتجاهلوا سلوك بنتكم الغير اخلاقي , ومعرفش لو مستعد تاخدها المستشفي تاني بسبب حمل جديد من غير جوازشرعي
شاهيناز بغضب: احترم نفسك يونس انت هتفضل ساكت له كده
اميربنظرة قويه: مش هسكت ووقتها هقتلـ هالك بجد , يا عمي انا قسيت ع مراتي كتير وكنت هخنقها لحد ما تطلع في الروح واتهمتها انها ورطتني تماما زي ما عملت ليلي لكن الفرق بين الحالتين ان ايمان مكنتش هي الي حاصرتني, لكن بنتك رسمت وخططت تحاصرني وده الي وجعني ومحزني جدا انا بدأت اقرب من مراتي واخليها تثق فيا وتصدقني وبسببها كل ده اتخرب , وقتها اتجننت وحسيت اني عايز اقتـ لها يا عمي , واسمعوني انا مش هسمح لحد ايا كان مين هو يأذي ويجرح مراتي افضل الموت ع اني اشوف مراتي حزينه_ لف لليلي بنظره كلها احتقار وقال_ وانتي مش عايز اشوف وشك تاني قدامي اياك تجرؤي تظهري قدام عيني, انا بكره اشوفك
صابرين: امير اهدا ووحد الله
امير: ماما مراتي فين
صابرين: ايمان مشت راحت بلدهم تريح دماغها واخدت اميره وطلعوا بعد المغرب
امير: ليه ممنعتهاش
صابرين: مقدرش امنعها البنت حالتها صعبه قلت تروح تغير جو
امير اتك على اسنانه بقهروشبك صوابع ايده مع بعض : يالله ايه الابتلائات التانيه الي لازم اتحملها _ خارج ع بره_
عادل: رايح فين
اميرمسح وشه المرهق وقال: هشم شويه هواء نضيف
صابرين بحزم: ليلي اتمني دي تبقي اخر مره تخطي رجلك عتبه بيتنا متجيش هنا تاني انتي مش بني ادمه
شاهيناز: عادل مالك قاعد ساكت واحنا بنتطرد من بيتك, فين صوتك انت صاحب البيت, ولا مراتك مسيطره عليك زي البقره الي سحبها من قرونها
عادل: اخرسي وخدي بنتك حالا واطلعوا بره بيتي يله