رواية لكل قلب حكاية الرابع عشر 14 بقلم محمد منصور
وبسم الله توكلت علي الله وهو رب العرش العظيم
ومن قدام باب شقة ممدوح واخواته. يفتح ممدوح الباب ويدخل ومن وراء يدخل اخواته بما فيهم عمر وكلهم مش طايقين يبصو في وش عمر وقال امين ل عمر
اللي انت قولتو قدام الظابط دة مش هيدخل عليه. ولو شيطانك وسك علي شر. هعرف ومش هرحمك المرة الجاية
بص له عمر وهو ساكت. و ممدوح قال
خلاص يا امين مش وقته
امين
الواد دة ملهوش قعاد وسطينا تاني
عماد
انا كمان رايي. من راي امين
شيماء
هيبات فين بس
امين
الاوضة اللي علي السطح اولي بي
ممدوح
دة عشة فراخ
امين
كانت اوضة قبل ما تبقي عشة فراخ. تنظف ونطلع منها الفراخ وترجع اوضة تاني ونعمل له جنب منها حمام.
شيماء
واكله وشربه
امين
الاكل اللي يفيض مننا نبقي نطلعو
راح ممدوح ل امين وخدوا علي جنب وقال
امين ما ينفعش كدة. دة برضو اخونا
امين
عم الشيخ. انا ماليش في الطبطة. لو لسة صعبان عليك بعد اللي عملو يبقي انت محتاج تروح تكشف. دة فضح لحم اخته. مستني يعمل اية تاني. دة انا ورب الكعبة عايز اقتله بس مستحرمها علشان هو اخويا. لكن لازم يتربي من اول وجديد
وبص امين ل اخواته كلهم وقال
اللي صعبان عليه عمر يطلع يقعد معه في الاوضة فوق وكلام تاني مش عايز اسمع. ومن الليلة عمر ياخد اي حاجة لي هنا ويطلع الاوضة اللي فوق
شيماء
بلاش الليلة دي. خلينا ننظفها الاول
امين بحزم
قولت من الليلة. خلصت، ،،،،،،،
ويطلع عمر للسطوح ويدخل الاوضة وينام علي الارض وسط فضلات الفراخ وقلبه اتملي سخط وحقد وكرهه. ناحية اخواته كلهم. لكن اللي كان لي الرصيد الاكبر من السخط والكرهه هو عز. ،،،،،،،،،،
وتاني يوم الصبح ومن جوة اوضة عز يصحي عز علي موبيلة بيرن واللي كانت بتتصل بي مليكة بص للموبيل وكنسل وبعدها قفل الموبيل.
ومن جوة اوضة مليكة ترمي مليكة الموبيل بتاعها وهي بتقول ل نفسها
مش عايز يا عز ترد عليه لية
وقامت وراحت ناحية الشباك وبصت علي الصيدلية. لقتها مقفوله فاستغربت وقالت تاني
ولية ما فتحتش الصيدلية. ياتري اية اللي حصل عندك
ونرجع ل شقة عز و وداد تقعد قدام عز وتقول له
يعني اية مش هتفتح الصيدلية تاني
عز
مش هقدر افتح الصيدلية واشوفها قدام مني. ومتحرم عليه اكلمها
وداد
هو انت مالك كدة ما تنشف يا عز وشوف مصلحتك زي ما انا شايفها ليك
عز
مصلحتي اللي هي اسيب مليكة. مش كدة
وداد
هنعيدة تاني
عز
امي حوار مليكة اتقفل خلاص. بس علشان اقدر انساها لازم ابعد
وداد
تبعد وتسيب الصيدلية اللي دفعنا فيها دم قلبنا
عز
هو انا هسيب الصيدلية ببلاش. انا هسيبها بفلوس وبالفلوس دي هحطها في صيدلية تانية. بس المهم ابعد
وداد
اللي انت عايز تعمله اعمله
وسابته وداد وقامت دخلت اوضتها. وعز بصوت حزين قال ل نفسه
علي عيني ابعد عنك يا اغلي من عيني.،،،،،،،،،
وبعدها بشوية كانت مليكة واقفة في المطبخ بتعمل كام سندوتش دخلت عليها شيماء فقالت لها
بتعملي السندوتشات دي ل مين
مليكة
ل عمر.
شيماء اتصدمت من المفاجاة وقالت
ل عمر. وانتي اللي بتعمليهم بنفسك
مليكة
حرام ماكلش حاجة من امبارح
شيماء
يخرب بيت قلبك الابيض دة. دة اذاكي
مليكة
ربنا يسامحة. مع اني ماعرفش هو لية عمل فيا كدة. بس ارجع واقول ربنا يسامحه
شيماء
والله مش عارفة اقول لك اية.
مليكة وهي بتشيل الصنية وبتخرج من المطبخ
ما تقوليش حاجة. اخويا ومهما يعمل فيا. هيفضل اخويا،،،،
ومن فوق السطح تقف مليكة قدام عمر وتحط له صنية الاكل قدام منه بص لها عمر وقال
طيبة انتي كدة وانا صعبان عليكي. صح
مليكة
ايوة صعبان عليه. مش انت اخويا برضو. بس انا كنت عايزا اعرف لية عملت فيا كدة
عمر
عملت اللي انتي عملتي فيا زمان.
مليكة باستغراب
انا عملت فيك اية
عمر
اسالي نفسك. مين ضيع مني سندس
مليكة
سندس بنت خالك.
عمر
وهو في غيرها
مليكة
حرام عليك انت لسة حاطط في دماغك اني انا السبب
عمر
اومال مين غيرك. انا الوحيد اللي شايفك علي حقيقتك تباني طيبة اوي وانتي وحشة جدا وقلبك اسود
مليكة اللي وجعتها الجملة
انا وحشة يا عمر
عمر بجنون
ما تعمليش فيها ملاك. ويلا شوفي انتي رايحة فين
عيطت مليكة. ولسة هتخرج من الاوضة قال عمر
خدي الاكل دة معاكي. لانك مش بعيد تكوني حطالي في سم ولا حاجة
مليكة
هي حصلت كمان لاني اسمك.
عمر
خدي الاكل معاكي وامشي.
شالت مليكة صنية الاكل وخرجت من الاوضة وهي عماله تعيط، ،،،،،،،،
وفي نفس اليوم بالليل تقعد سمر قدام مليكة ومليكة بتقول لها وهي بتعيط
انا مش عارفه القيها منين ولا منين. من عمر اخويا اللي شايفني وحشة. ولا من عز اللي قافل موبيلة ومش عارفة اوصل له
سمر
سيبك من عمر وكلامه لان عمر بقي خلاص مجنون رسمي ونصيحة دخلو العباسية احسن. انما المشكلة الاساسية في عز. قافل موبيلة لية. وكمان ما فتحش الصيدلية
مليكة
تكون امه حصل لها حاجة
سمر
مش بعيد برضو
مليكة
طيب من الصح اروح لهم البيت
سمر
لا. طبعا. تروحي بصفتك اية
مليكة
خطيبته
سمر
مافيش حاجة رسمي لسة
مليكة
ما احنا رايحين نجيب الدهب لولا اللي حصلي
سمر
خلاص بقي اللي حصل. حصل
مليكة
يعني افضل قاعدة كدة وانا مش عارفة في اية عند عز
سمر
بصي انا هروح لهم وهتاك هعرف في اية وهرجع اقول لك
مليكة
ومستنيا اية يلا امشي دلوقتي،،،،،،،،،،
وبعدها بساعه ترجع سمر من عند عز وتدخل ل مليكة اوضتها فتقابلها مليكة وتقول لها
اية قابلتي عز وقولت لي يفتح موبيله. هيفتحة صح. ويكلمني. اكيد هيتصل بيا
وبصت مليكة علي موبيلها فقالت لها سمر بصوت المر
مليكة عز بيقول لك. كل شئ قسمة ونصيب. وشوفي نصيبك مع حد غيره
اتصدمت مليكة وبصت تاني ل سمر وقالت
يعني اية. اشوف نصيبي مع حد تاني. واللي مش عايزا نصيبها يكون مع حد غيره تعمل اية.
وعيطت مليكة بحرقة وقالت باعلي صوت عندها
تعمل اية. هه. تعمل اية
وبدات تلطم وتضرب نفسها بالاقلام وتقول
اية اللي حصل علشان يقول كدة اية اللي انا عملته علشان يقول كدة
سمر مسكت ايدها علي دخلت شيماء وممدوح وامين وقالت سمر
مليكة اهدي
حضنتها شيماء وقالت ل سمر
في اية يا سمر مالها مليكة
مليكة بصت ل شيماء وقالت وهي بتعيط
عز مش عايزاني. وقال ل سمر تقولي اشوف نصيبي مع حد تاني. هو. انا عملت اية علشان يقول كدة. هه. زعلته في اية. والنبي قولي لي انا زعلته في اية. اكونش وحشة فعلا زي ما عمر قال.
شيماء
لا. يا مليكة انتي احسن واحدة فينا كلنا. دة ياريت كل الناس قلبهم ابيض زيك
مليكة
اومال عز عاوز يسيبني لية. لو زعل علشان الصور حد يقول له اللي حصل. واني برئية.
ممدوح
مليكة انا عايزك تبطلي عياط وانا بنفسي هروح ل عز وهفهم منه لية قال كدة
مليكة
روح دلوقتي والنبي. روح دلوقتي.
وبصت مليكة ل شيماء وقالت
انا عايزا هو. نصيبي. مش عايزا غيرة. وهو لو زعلان مني يقولي زعلان لية. وانا مش هعمل اللي يزعله مني تاني. والله.
امين
ما حدش هيروح له غيري. بس بطلي عياط. واللي عايزاك نشيلة علي دماغنا من فوق واللي مش عايزاك يغور في ستين داهية.
مليكة
بس انا عايزا
امين
خلاص يا مليكة انا هروح واتكلم معه وافهم منه في اية، ،،
ومن جوة شقة عز يقعد امين قدام عز و وداد وكان امين بيقول بحدة.
وهو من الاصول يا ابن الاصول تبعت مع سمر كلمتين زي دول. بدل ما تيجي بنفسك وتقدر الرجاله اللي قريت معها الفاتحة
عز بارتباك.
انا كنت هاجي وهتكلم معاكم بس،،،،
ويسكت عز فيقول امين
بس اية. بيتنا ما بقاش يشرف بعد اللي حصل
عز
هو اية اللي حصل
امين
اية ما عرفتش باللي انا عملته في عمر في قلب الشارع
عز
والله العظيم ما عرف باللي حصل بينك وبين عمر
امين
اومال اية اللي حصل يخليك تسحب كلمتك
وداد
النصيب قطع عند كدة
امين
عز. انا جبت قبل كدة هنا. وقولت لو في يوم صور مليكة دي هتكون سبب في انك تكسر فرحة مليكة بلاش من دلوقتي تعلق مليكة بيك
عز
وانا فاكر وقتها اني قولت لك اني شوفت. الصور وقررت اكمل في الخطوبة
امين
طيب اية اللي حصل بقي
وداد
ما فيش حاجة حصلت وكل شئ قسمة ونصيب
امين ل وداد
باين اوي انه اتلعب بيا. وب اختي. وانتي اللي عملتي كدة علشان اطلع ابنك براءة وبعدها تبقي امك في العشة ولا طارت. انا اتعمل كوبري ماشي. لكن اختي لا.
وبص امين ل عز وقال. بحدة
ولو انت مش عايز مليكة. ف مليكة مش عايزاك. سامعني واياك اعرف ولو بصدفة انك جيت علي سكة مليكة بجد هتشوف وش اوسخ من دة ميت مرة. كنت فاكرك راجل جدع. طلعت. ولا بلاش
وقام امين وخرج من شقة عز ورزع الباب وراء منه ،،،،،،،
ومن جوة اوضة مليكة يقف امين ويبص ل مليكة وكان بيقول
ايوة خلصت هو قالي كدة. اية عايزا تروحي تبوسي ايدة ورجله علشان يكمل في الخطوبة بالغصب
مليكة
طيب هو زعلان مني في اية
امين
مليكة انسي بقي وبكرة هتتخطبي لواحد احسن منه ميت مرة.
مليكة
بس انا عايزا هو
امين. بعصبية
يووووووووووووو. حوار عز دة اتقفل ومش عايزك تفتحي حتي بينك وبين نفسك. فاهمة والا قسما برب العزا. اقتله واخلي مجرد ذكري ، ،،،،،،،،،،
وخرج امين من عند مليكة وقابلة ممدوح وقال له
اية يا امين اللي حصل بينك وبين عز وخلاك راجع شايط كدة
امين
عز ما طلعش جدع. واقفل بقي علي الحوار دة
ممدوح
واختك
امين
مش خالك فايز كان عايز يخطبها ل ابنه هاني
ممدوح
دة حوار اتفتح واتقفل
امين
اللي اتقفل نخلي يتفتح تاني. وخالك فايز ما هيصدق،،،،،،،
عرفت مليكة بالاتفاق اللي تم بين امين وممدوح فاتصلت ب شيماء وقالت
وانا مش عايزا اتخطب ل هاني دة. ولا عايزا اتخطب لاي حد تاني
شيماء
هاني ابن خالك شاب ابن حلال وكان عايز يخطبك قبل عز
مليكة
مش عايزا.
شيماء
طيب بصي احنا كدة بنسبق الاحداث خلينا ناخدها وحدة وحدة لما يبقي يجي رسمي نشوف وقتها
مليكة
من قبل ما يجي رسمي ويحصل اي اتفاق تاني انا بقول لك اهو مش عايزا.
وقفلت مليكة مع شيماء. وراحت وهي زهقانه تبص من شباك اوضتها شافت عز واقف مع سمسار وكان بيفرجوا علي الصيدلية. لبست العباية بتاعتها بسرعه ونزلت جري وراحت ناحية عز ووقفت قدام منه وقالت
لية
عز وهو مش قادر يحط عيونه في عيونها
ظروف
وسابها ومشي ومليكة مشيت وراء وهي عماله تقول
طيب اقف وكلمني
عز
ما فيش كلام يتقال. انا ما نفعكيش
وسرع عز من خطوات رجله وما خدش باله من عربية داخلة الشارع بمنتهي السرعه خبطت عز وقعته علي الارض. صرخت مليكة وكل اللي في الشارع وراحت مليكة ناحية عز بسرعه اللي كان بيجيب دم من دماغه وفاقد الوعي. وفي نفس الوقت كان عمر واقف فوق سطوح البيت بيتفرج علي اللي بيحصل وبيضحك وقال
ل نفسه
جت لغاية عندك يا عمر ،،،،،،،،،،
ومن قدام شقة عز يقف عمر وكان بيرن الجرس وتفتح له وداد ف يبص لها وهي اول ما تشوفو تقول
انت.
عمر
كنت عايز الدكتور عز
وداد
عز مش هنا. انت عايز منه اية
عمر
عايز اقول له بلاش ينزل النهاردة من البيت علشان امين ناوي يخلص عليه وتبان انها حادثة
وداد بعصبية
مين دة اللي يخلص علي ابني هي سايبة مافيهاش حكومة
عمر باسلوبه الخبيث
والله انا خايف عليه وجيت انصحة. وربنا يسترها.
وابتسم ابتسامة صفراء ومشي. وساب وداد قلبها واكلها علي عز، ،،،،،،،،،،،،،،،