رواية قدك الفصل التاسع عشر 19 بقلم منه محمد
جمره: باشا راجع تعبان
حارث بهدوء: فعلا تعبان محتاج ارتاح
جمره: بشا لو فيه حاجه مضايقك قولي عليها
حارث: مفيش حاجه, انا بس مجهد شويه
جمره: بشا عندي الي اقلهولك
حارث هز لها دماغه ودخل معاها غرفه مكتبه وقعد ع الكرسي وبصلها: ايه الي عندك
جمره: فاكر لما انقذتك من حادثه العربيه , وقلت لك انا شوفت الي هيحصلك في المستقبل
حارث: هو ممكن تدخلي في الموضوع ع طول
جمره: حاضر هدخل انا مسكت في كف دراع منصور اليمين
حارث بنفعال: وليه مسكتي ايده
جمره: ده مش موضوعنا المهم انه
حارث قطعها : وبعدين شوفتيه فين وليه قابلتيه , نسيتي الي عملوه معاكي
جمره: ممكن تهدأ ومتوهنيش ,انا لما مسكت ايده اترعشت جامد جدا , وبعدين اخدت فنجان القهوه الي شرب فيه وشوفت مستقبله
حارث: ازاي
جمر ه: شوفت انه هيموت بالسلامه
حارث دفع جسمه لقدام : ده مش غريب اطلاقا, لان عنده كانسر من الدرجه الرابعه
جمره :بس شوفت انه هيتقتل مش هيموت بسبب المرض
حارث : ومين الي هيـ قتله
جمره رفعت كتافها لفوق: لاء معرفش مظهرش عندي, بس الي شوفته انه كان نايم ع الارض وفيه راجل واقف جنب جثته , وتعرف انه اتخدر
حارث بسخريه: و انتي عايزني اصدق واقتنع بالهبل ده
جمره: لازم تصدق يابشا والله انا بقرء الفنجان كويس , وعمره ما خيب
.........قصص منه محمد كاتب...........
في مكتب منصور
منصور: بخلاف حارث مين الي ممكن يجمع الادله الماديه
شوشت قامت من مكانها: انا مش هدخل تاني في الموضوع ده سوري
منصور تابعها وبعدين بصله : ايه رايك في ده , مين هيدور ورايا
فاتح :حقيقي مقدرش اعرف مين
منصور بحتقار: غبي فكر شويه مين عارف بينا احنا الاتنين , شريكك جعفر اختفي فين
فاتح بصله وسكت اما حارث لم كل متعلقاته الشخصيه من المكتب ورفض ياخد صوره عمه ورماها في الدرج العساكر دخلوا في حاله حزن يودعوه
حارث قالهم: في الوقت الراهن هسيب مكتبي تشتغلوا فيه
الامين: سياده المقدم انت كويس
العسكري: ارجعلنا بسرعه
الامين: المقدم في القسم هنا هو انت حارث بشا
حارث بصلهم بقهر وسحب نفسه ومشي وهما عايزين يبكوا عليه
............قصص منه محمد كاتب..............
في الاتاليه فرحانه وسعيده برجعوها لحبيبها وقعدت وابتسمت للورده الي بتعلقها ع صدر الفستان!
لوجين دخلت مكشره: واضح ان مزاجك رايق , وحالتك كويسه , مش عارفه انهم هيقبضوا ع حارث
شوشت بأبتسامه واسعه : لاء عارفه
لوجين قعدت :يعني عارفه وقادره تبتسمي , تعبت اتصل بحارث من اول ما سمعت الخبر ومش عارفه اوصله
شوشت حطت ايدها تحت خدها بأبتسامه: اطمني كان معايا اليوم يالوجي
لوجين : بجد وهو حالته عامله ايه , مضايق صح
شوشت :ليه يضايق وابهاتنا هتطلعه من الورطه دي , ده بكل سهوله
لوجين بتعجب: ايه ابوكي ده مش ممكن , حارث وهو مفيش عمار بينهم ,ومش بيقبلوا بعض
شوشت : مفيش داعي تشغلي دماغك ,دي مشكله الكبار احنا مندخلش , وراي نتكلم احسن في الي يخصك , بشكل مباشر يظهر حارث هينفصل عن مراته وقريب
لوجين بسعاده كبيره: بجد والنبي, ياه اخيرا حارث فاق واتراجع عن غبائه , يامنت كريم يارب , انا فرحانه اوي, كان لازم يرميها من زمان دي لفت عليه عشان تاخد فلوسه, انا عارفه الاشكال دي تفضل تحوم حوالين الراجل لحد ما توقعه في شباكها, يااه استنيت اليوم ده كتير, هموت من الانبساط ياشوشو
شوشت بخبث: لو انفصل حارث عن البت دي هتبقي سنجل, ياتري وقتها فكرتي عماد هيكون مبسوط
لوجين: اه صحيح انا فعلا نسيت , المفروض اعمل ايه , يارب دلني لا مش ممكن , اعمل ايه
شوشت ابتسمت انها دايما بتقدر تعملها حاله فوضي في حياتها!
..........قصص منه محمد كاتب..........
حارث دخل تحت الدش محتاج يفوق من الكابوس اللعين الي وقع فيه وان عمه طلع مرشد لحساب منصور امر مش سهل ولا هين عليه صدمه كبيره بعدها طلع وهو لافف الفوطه حوالين وسطه لقاها واقفه قدامه
حارث: مرام مش قلت لك تعبان
جمره: انت فعلا تعبان ولا بتتجنبني
حارث بتعجب: ليه اعمل كده
جمره : اه صح معندكش سبب مش كد , امال ليه بتعمل حركاتك دي معايا مكنتش كدا ليله امبارح كنت غيران عليا زي ما تكون طلعت روحك , واليوم بقيت ساكت وهادي وبارد زي لوح الثلج ومعرفش انا غلطت في ايه ولا اتصرف ازاي , بشا قولي حاجه ارجوك مش لايق عليك التصرفات دي
حارث عايز يضحك ع اسلوبها الطفولي واتحرك ناحيتها وضمها لحضنه
جمره خبطت ع دهره : بشا
حارث خرجها من حضنه وقالها بقهر: انا بجد تعبان جدا وحقيقي اسف لو خليتك تفهمي غلط بس انتي مصدقاني مش كدا مرام
جمره: اصدق ايه
حارث: اني مقتلتش حد
جمره : طبعا وواثقه انك متعملش كده , حتي لو العالم كله بصلك ع انك اسوء شخص , انا لسه بثق فيك كتير
حارث ابتسم وضمها وهي طبطبت ع دهره بحنان
حارث خرجها وبصلها : تعرفي انتي جميله اوي
جمره: ايه
حارث ملس ع خدها بحنان : قصدي ليله الحفله نسيت امدحك , واقولك كنتي بجد مذهله وجميله اظن انتي عارفه انك جميله
جمره اتوترت: بشا انت محتاج ترتاح
حارث : فعلا وانتي كمان روحي نامي, اليوم معنديش طاقه اعمل معاكي اي حاجه
جمره بغيظ: تصدق انت سافل وقليل الادب, انا مجتش هنا اغريك بجمالي , وكنت فعلا عايزه اطمن عليك
حارث هز دماغه بهدوء: تمام تصبحي ع خير
جمره مشت وفتحت الباب ولفت بصتله وهو حاول يبتسملها لحد ما اختفت من قدامه ودخل في صراع داخلي كبير لازم يحسم قراره
...........قصص منه محمد كاتب..........
واقفه تعمل نسكافيه وترقص وتغني
جمره بصتلها: ليه بتغني كدا يا ريمو جايبه , منين المزاج الرايق ده
ريم ضحكت: اصلي شيفاكي كل يوم عن يوم بتحلوي , بعد ما اتجوزتي تصوري هصدق المثل الي بيقول لما الست بتحب بتبقي جميله
جمره : حب ايه يا هبله ده كلام فارغ , ريمو لسه فاكره مساله اني بخاف من الرجاله
ريم : فاكره طبعا بس عايزه تفهميني انك متجوزه بقالك شهرين وشويه , ولسه بنت بنوت ده بقي الي اسمه الكلام الفارغ
جمره: اه لسه , وانتي عارفه ليه
ريم : بس حارث جوزك
جمره: عارفه انه جوزي , ومتهزقنيش لما اقولك لآني مش هتجرء قولك الكلام ده لحد غيرك
ريم بحماس: يله قولي
جمره: انتي عارفه اي راجل ميقدرش يقرب مني اغزه , وللسبب ده لسه عذراء لحد دلوقت ده لاني بقرف من الرجاله بس مع حارث
ريم: ايه بتحبيه
جمره: بلاش تحرجيني انا بتكسف
ريم: ايه الي حصل امبارح مع حارث جالك
جمره: حاجه زي كده
ريم: وحسيتي معاه بالخوف ولا سلمتي نفسك
جمره: مكنتش خايفه ولو كان طلب كنت ع طول سلمتله بكل ما فيا, بس معرفش ليه مش بشمئز منه هو بالذات يا ريمو
ريم : بجد عايزني اقولك , البنت الي ذكيه زيك اكيد عارفه جمره لو كنتي بتحبيه قوليله بحبك
جمره بصدق: انا فعلا بحبه والله بحبه
ابراهيم لمحه جري عليه: عمي حارث تعال اقعد معنا
حارث شاورله يسكت كان نفسه يسمع باقي اعترافها بحبه لكن ابرهيم بوظ الدنيا وحارث ظهر وجمره تبتت ايدها ع السكينه واتحولت لتمثال رمسيس
حارث قرب منهم وقال ببتسامه :اهلا يا ريم
ريم :اهلا بيك بس ليه صاحي بدري
حارث : انتي بتعملي ملوخيه دلوقت
ريم :لا دي هنعملها ع الغداء , الفطار بيض بالبسطرمه جبنه بالطماطم
حارث: اوكيه هفطر معاكم , بس الاول اشرب فنجان قهوه
ريم: حالا
حارث سحب السكينه من ايد جمره وقالها : لو قطعتي ايدك هتعمللنا متاعب ع الصبح
جمره جريت لريم وبهمس: ريم تفتكري سمع
ريم بنفس الهمس: معرفش
جمره وشها احمر: ياريت الارض كانت انشقت وبلعتني بلع
..........قصص منه محمد كاتب..........
بعد وجبه الفطار حارث قام يجهز وحط ملفات ع الكنبه وقعد ينسقها
جابر بصله: بشا لو كنت خارج اخد الدوسيهات دي للعربيه
حارث : لا مفيش لزوم جاي حد يوصلني
جمره بصت لجابر لحد ما سمعه صوت كلاكس عربيه
جمره بفضول: بشا مين هو
حارث بصلها ورفض يرد عليها تماما
جمره : طيب هترجع البيت متاخر الليله عشان عاوزك اليوم في موضوع ع العشاء
حارث: ايه هي الموضوع المهم
جابر قطع كلامهم وقال: اسف بس شوشت هانم هنا
شوشت دخلت مبتسمه : هاي الكل هنا
حارث: تحبي نشرب قهوه الاول
شوش : لا خلينا نتحرك ياحارث
جمره بغيظ: حارث
حارث وقف مكانه ولف بصلها
جمره كاتمه دموعها: هترجع اليوم بدري نتعشا سوي
حارث بهدوء: معرفش بس هحاول
جمره بصت لريم بقهره وشوشت بتسحب حارث للشارع وهو راح يفتح العربيه وهو حزين ع جمره وحس انه مخنوق...!!!
شوشت: ايه خايف تزعل الهانم للدرجه
حارث لف وابتسملها مجامله وقال : قلت لك علاقتي بيها مجرد صفقه متبادله , حتي دي مبقتش تهمني دلوقت
شوشت: بس دفعتلها كتير لدرجه ضحيت واتجوزتها رسمي
حارث : وده كان جزء من الاتفاق يا شوشت , ومبقاش ده مهم خالص دلوقت
شوشت : ممكن اسالك سؤال, ليه جيت تدور ع بابي , نسيت كنت بتكره لدرجه الموت
حارث: انا مش بكرهه انا بقوم بواجبي وبس , وحاجه كمان قبل الوقت ده مكنتش اعرف بخصوص عمي
شوشت: ودلوقت بقيت عارف , ناوي تعمل ايه
حارث: لسه مش عارف , ودي اول مره ادخل في حاجه , انا مش عايزها
............قصص منه محمد كاتب...................
جمره : مش فاهمه كل شويه عمال يتصرف بشكل اغرب , مره يكون كويس , ومره تانيه يقلب بقي بحالات بجد عايزه اعرف ماله وايه الي مشقلب حاله معايا
رشا : في راي انك تهدي الاول , يمكن حارث مجهد وعنده الضغط
جمره بصتلهم بقرف: انا الي هيجيلي الضغط من ماسكه ايدكم لبعض , وقدامي فكروا في غيركم بلاش رومانسيات
هادي :هو انتي عشان حارث مديكي ع قلبك هتشتكي وتغيري مننا
جمره : مين دخل فيك , بجد كتير اوي قبل كدا مكنتش بتتكلم كلمتين ع بعض , ودلوقت نازل رغي زي البربنط ومشبك ايدك جوه ايدها, لا ولابسين نفس التي شيرت , حتي الكوتش
هادي بنزعاج: يا ست انتي مالك خليكي في مشكلتك
جمره رفعت السبابه في وشه: اسحب كلامك حالا
رشا صرخت فيهم: بس بقوا اسكتوا كفايه متتخانقوش , ركزوا ونرجع لحارث والحربوئه شوشت احنا لازم نفصص الامور حته حته , ونوضحها الاول البلاغ ضد حارث , والمسائل الشخصيه لجمره
هادي :ان كانت مساله شخصيه بلاش ندخل يا حياتي
رشا برفض: لايمكن مدخلش , دي صاحبتي , عشان كدا لازم ادخل
جمره نفخت بملل: هما دول بيتكلموا في ايه ياربي
رشا : قلتي ان شوشت جات الصبح توصل حارث صح كده
جمره : اه حصل
رشا : راي تصرحي بمشاعرك لحارث وبسرعه, لانه محتاج واحده تكون جنبه ودلوقت
جمره بقهر: بقولك تصرفاته بقت غريبه في الفتره الاخيره, لايمكن اخمن ايه الي بيدور في دماغه عامل زي الواحده الي بيجلها الطلق وبعد ما ينتهي معرفش بيتحول وانا بقيت متوتره ومرتبكه
رشا: يبقي لازم نحلل تصرفاته بالتفاصيل , جمره جاوبيني بصراحه متتكسفيش
جمره :اوكيه
رشا :انتي وحارث وصلتوا في اي مرحله
هادي اتك ع ايدها: رشا
رشا: اسكت انت, بنتكلم ها اتكلمي ياجمره وجاوبيني
جمره بأحراج: يعني
رشا : اامم فهمت يعني مقربش منك خالص
هادي :رشا انا قاعد ع فكره
رشا : ولا حتي باسك
جمره :لا باس
هادي فتح عيونه بذهول: نهار ابيض انا راجل قاعد
جمره : ومش باس بس ده حضن
هادي : كفايه
رشا بجديه : راي حارث بيحبك لانه لو العكس مكنش باسك ولا حضنك, مش كدا ياحبيبي
هادي : مش شرط يكون حب!
رشا: ايه مش حب , امال ايه لزومه البوس
جمره : رائد عايزه اسالك بصراحه ونفسي اعرف
هادي : مش دايما حب
رشا بحده: تقصد ايه
هادي : مش قصدي الي فهمتيه , قصدي كل راجل له اسباب يعمل امور مختلفه, بس جمره هي الي تعرف اكتر مني بشعور حارث اتجاهها
رشا كشرت فيه وقالت : يعني البوس مش معناه الحب , يبقي اعمل حسابك مش هطولها حتي بعد جوازنا ولا حتي ايدي تلمسها
هادي: رشا
رشا : قولت لك اياك تمسك ايدي
هادي بيلف وراها: ده ياروحي ملوش علاقه بينا
رشا بنرفزه : لما ملوش علاقه بينا امال ليه قولته
هادي بيحاول يمسكها من كتفها: قلت راي
رشا ضربته على كتفه: قلت اياك تلمسني , ولا تحط ايدك ع كتفي ولا تكلمني
هادي: يا رشا رايحه فين
ضربته على كتفه: رشا هبعد عنك
هادي :احنا ملناش علاقه دي مشكله جمره
رشا :شوف الي قولته من شويه
هادي :طيب تعالي اصالحك رايحه فين
رشا: ابعد عني
هادي :يابنتي ملناش علاقه
رشا : قلت لك ابعد عني
................قصص منه محمد كاتب.............
في مكتب منصور دخل بكل هدوء
منصوربصله بأبتسامه: اتاخرت كتير
حارث قعد: اسف يامنصور فيه حاجه مستعجله , ولا حاجه
منصور :ايه يا نوح مش شايف المقدم وصل تقف وترحب بيه
نوح دراع منصور اليمين بص بغيظ لحارث وقال بسخريه لاذعه: واضح انك بقيت تحب هنا كتير اي رايك نبدل الاماكن
حارث: انا اليوم دعاني منصور واتصادفت اني مش مشغول الايام دي
نوح: اعتقد ان المقدم هيتغير من كونه كلب النظام , وينضم لمجموعه النسور , وجايز تفكيري غلط
منصور بصله بتحذير: شايف ده كفايه وعايز اعرف امتي هتدخل الشحنه الكبيره , ومعاد التسليم اي يوم
نوح بتنبيه انه اتكلم قدام حارث وقاله بلغه تحذير: منصور بيه
منصور بحده: سالتك ايه اجابتك
نوح: هتدخل من الميناء بعد بكره
منصور: رتبت كل حاجه والدنيا تمام
نوح: ايوه بعد بكره هيكون التسليم والافضل بلاش نخاطر
منصور بحده : متدخلش انت , اسمع كلام المقدم بلاش تجادل وواضح ان كل الامور مترتبه وسياده المقدم هيساعدنا نطلع بالبضاعه
حارث: في الوقت الحالي انا موقوف عن العمل ومليش سلطه ادي الاوامر, فلو مش مستعجل الافضل نأجل العمليه
نوح: منصور بيه متسمعش كلامه نأجل ايه
منصور لنوح: اظن سمعت الي قاله سياده المقدم روح واجل
نوح بنفعال: بس يا منصور بيه ازاي نثق فيه ده ظابط
منصور بغضب: روح واعمل الي امرتك بيه , واياك تاني مره تعلي صوتك عليا بالشكل ده
نوح نزل وشه في الارض: اسف
منصور بامر شديد: امشي يله
حارث: استني_ قام من مكانه فتحله الباب_اعتقد انك اسائت فهم كلمه النسور لانهم مش بيطيروا في مجموعات بتطير لوحدها ياتري تعرف ايه نوع الطيور الي بتطير في مجموعات العصافير
منصور ضحك جامد بقهقه ونوح بصله بغيظ ومشي وقرر يخليه معاد التسليم زي ماهو!!
...........قصص منه محمد كاتب............
لبست قميص نوم طويل وعليه روب وحطت ميكب اب هادي جدا وجهزت السفره وجابت ورد ترصه في الزهريه لحد ما دخل وبصلها بتعجب
جمره ابتسمت ابتسامه عريضه: اكيد جعان صح , واكيد مأكلتش , عملت لك السبانخ الي بتحبها , علمني عم جابر اعملها والمره دي هتقدر تاكلها اؤكدلك وبقلب جامد
حارث بص للبلاستر الطبي الملفوف ع اصبعها: وايه الجرح ده
جمره: ده ولا حاجه جرح صغير يله ناكل
حارث اتنهد وسحب كرسي وقعد وبصلها: ايه الموضوع الي كنتي عايزه تبلغيني بيه
جمره:اه هقولك بس ناكل الاول
حارث: مش لازم لان فيه امور عايز ابلغك بيها
جمره بحماس: بجد عايز تقول ايه
حارث: قولي انتي الاول
جمره : لا مقدرش عايزه اعرف الاول الي عندك , مش يمكن موضوعنا يطلع واحد , اقولك تعال نقوله سوي في نفس واحد بعد ما اعد لحد تلاته ماشي واحد اتنين تلاتـ
حارث قطعها: هننفصل
جمره بحلقت فيه بصدمة ورغرغت عيونها بالدموع وقالت مبتسمه: استني انا لسه معدتش لتلاته هعد مره تانيه ماشي , بعد تلاته نقول سوي ماشي ياحارث هعد واحد اتنين
حارث قاطعها:مهما كان العدد الي هتقوليه هقول نفس الشئ
جمره: بس لسه فاضل اسبوعين
حارث: عادي هعوضك بالفايده , وهتاخدي المبلغ الي اتفاقنا عليه بالكامل, حسب الاتفاق
جمره: ليه حصل مني ايه
حارث: ولا حاجه
جمره: ولا حاجه صح امال اسميه ايه لما كنت بتحضني وتبوسني
حارث: لو عملت حاجه وفهمتي تصرفي غلط انا بتأسف( قام من مكانه)
جمره مسكت ايده قبل ما يمشي وقالت له: استني حارث احنا محتاجين بعض
حارث خايف يبصلها يضعف وسحب ايده من بين ايدها وسابها وهرب بأقصي سرعه من المكان
جمره فضلت عيونها متبعاه وصرخت بأعلي صوتها: كنت عايزه اقولك بحبك ياحارث , والله العظيم بحبك انت اوحش راجل انا قابلته , بس بحبك, انت سامعني بحبك
اما حارث طلع غرفته وقعد يعيط لانه بيحبها يمكن اكتر منها لكن من خوفه عليها قرر يسيبها
...............قصص منه محمد كاتب..........
عند المأذون قاعده تبكي بصمت!
المأذون: انتم لسه متجوزين جديد, ليه متحاولش تهدأ الاول يابني وتتصالحوا مع بعض وتتكلموا بهدوء
حارث: امضي فين
المأذون بص لعيون جمره الي متورمه من العياط وقاله: انت متأكد انك عايز تطلقها لسه عرسان اهدأ واتريث
حارث: اوقع فين
المأذون: يابني حاول تتريث
حارث: فين
المأذون شاورله: هنا تحت يابني
جمره بصتله كأنه بيوقع ع اعدامها والمأذون متأثر بدموعها واضح انها فعلا بتحبه وعايزاه وهو قاسي جامد لحد ما وقع وهي مسكت القلم لكن مش قادره توقع وبقت زي العصفوره الصغيره الي بتلفظ أنفاسها الأخيرة وهو مش عارف يبكي عليها وع نفسه من الموقف كله
رشا دخلت: استني حارث ليه بتطلقها
المأذون بصلها: مش انتي الي كنتي عايزه تمنعي جوازهم في نفس اليوم في بيتهم فاكرك
رشا: حارث متطلقهاش ياحارث حرام انا عارفه انت وجمره بتحبوا بعض متطلقوش ارجوك
حارث قام من مكانه ووقف قدامها: رشا كويس انك هنا خدي جمره للبيت اذا سمحتي همشي دلوقت
رشا جريت وراه: حارث استني دقيقه حارث
جمره هنا عرفت انها فتره في حياته حطها استبن وهي لو رضيت ع نفسها كدا هتتعب جمدت قلبها ووقعت ع القسيمه لان اصعب احساس انك تحب حد اوي تتعلق بيه وهو يصمم يسيبك..!
رشا صرخت فيها: جمره حصل ايه , وليه وقعتي ع الطلاق
جمره عيطت بحرقه ورشا أأعدت جنبها و ضمتها بين ايديها بحنيه : متعيطيش انا جنبك انا من اللحظه مش عايزكي تفكري فيه وهساعدك في نسيانه
............قصص منه محمد كاتب..............
قدام بيت حارث نزلت من عربيه رشا داخله تاخد متعلقاتها
رشا مسكتها وقالت: جمره
اعتماد نزلت من التاكسي: جمره حصل ايه انوار قالت لي انك وحارث اطلقتوا , ده فعلا حصل
جمره بصوت متهدج من بين دموعها : ماما
عاتمد بغضب: هو جوه مش كدا هطلع عينه بنتي مش زباله , ممكن يرميها بالشكل ده
جمره مسكتها: ماما مفيش داعي تقوليله حاجه مكنش المفروض ادخل هنا من الاول ممكن تضربيني تشتميني ايا كان بس خديني من هنا
اعتماد: وليه اعمل فيكي كده جيت اخدك للبيت وطز في الناس الي مش بيحبوكي انا هفضل احبك
جمره دخلت في حضنها كأنها بتدور عن الامان , عن الحضن الي بنحتاجه دايما في وقت الالم والشده والحزن وربما منلقهوش وعيطت بحرقه
اعتماد طبطبت على ظهرها بحنيه : متعيطيش الي باعك بعيه ويله ناخد حاجاتك من عنده
جمره: لا انا الي هدخل لوحدي
رشا لاعتماد: طنط انا هوصلك
جمره: الف شكر يارشا لانك هتوصلي امي
رشا: عادي لو احتاجتي اي حاجه اتصلي بيا
اعتماد: جمره تحبي افضل معاكي واساعدك تلمي هدومك
جمره: لا ارجعي للبيت يمه
اعتماد: ماشي يابنتي زي ما تحبي
رشا: يله سلام
جمره سلمت عليهم وفضلت واقفه في مكانها لحد ما عربيه شوشت وقفت قدامها
شوشت بشماته : جمره هانم , انتي لسه هنا ده انا قولت اخدتي هدومك ورجعتي في الحاره عند امك , تحبي اساعدك في لمها
جمره بصوت مخنوق : خلاص مش قادره تصبري شويه
شوشت دعبت خصلات شعرها : اقدر طبعا بس بكره يمكن ازعجك شويه , عايزه اتخلص بسرعه من الماضي لان انا الحاضر, اتمني تفهمي ده يا جمره هانم
جمره دخلت وطلعت غرفتها لمت كل متعلقاتها ودموعها حفرت خنادق ع خدودها ,وبعدها اخدت بعضها ونزلت لغرفه مكتب حارث من غير كلمه حطت قدامه صندوق كرتون وهو فتحه لقاه منديل امه والدبله الي قدمهالها وافتكر انه في مره عطاها المنديل في القسم تمسح بيه دموعها