من داخل الحرم الجامعي شباب وبنات من كل الفئات الي بيضحكوا والي بيذاكروا والي قاعدين شله مع بعض الا هي قاعده تراقب كل حركاته بهيام وتقول في سرها ان اول مره قلبها يدق لكن هي عارفه مقامها هي من طبقه متواضعه قصاده فطبيعي تحتفظ بمشاعرها الفياضه اتجاه جواه قلبها ليها لوحدها مستحيل تصرح له بيها وده الافضل والصح وراحت قعدت في الكافيه تراجع في كتابها لحد ما لقت الي حدف قدامها كتاب وقعد بغيظ وبصلها بحده وهي بصتله وسكتت تماما مش فاهمه هو فيه ايه!!!
امير نطق بقرفه وقالها: تعرفي ان انا امبارح كنت غايب عن الجامعه
هي اكتفت بهزه دماغها بصمت هو قرب منها وهمس: بصراحه انا مش برتاح للهمس بالطريقه دي قابليني بره
هي لفت حواليها وقالت لنفسها: ياربي فين حنين لازم اقوم اشوفه عايز مني ايه اسلوبه مش بيطلب مني معاد اكيد الموضوع متعلق بمشروع التخرج الي الدكتور طلبه مننا امبارح
امير قعد في الكافيه ونفخ بزهق: هي فين البنت دي مالها بطيئه هي كدا بطبيعتها
ايمان دخلت كتابها ع ايدها وقربت منه وهو بصلها وتاه في جمالها الهادي البريئ وسرح قال في سره: قد ايه هي كيوت وجمالها بسيط وهادي جدا ولما لقاها بصاله قال بحده: ايه الي اخرك جايه راكبه جمل
ايمان بهدوء: نعم عايز ايه
امير: بلغني ممدوح زميلي ان انا وانتي هنبقي شركاه في مشروع التخرج ده صحيح
ايمان: ايوه هنبقي شركاه في مشروع قانون اداره الاعمال
امير اتنهد: بصراحه انا مصدوم قبل سابق كانوا بيجمعوني مع الطلاب النشيطه الي متوافقين معايا لكن فجاه المشروع ده بالتحديد يبقي معاكي انتي بالذات ,والله منا عارف ابدا هل انتي متاكده من قدراتك
حنين قربت وقالت بغيظ وشده: لا احنا نقلب السؤال ونسألك ايه قدراتك مش هي, و ياتري انت في نفس مستوي شطارتها يا امير بيه ايمي ابرز طالبه واحسنهم وانت
امير وقف وحط الجاكت ع ايده وهمش حنين وبص لـ ايمان وقالها: بلغيني بعدين لما تكوني مستعده تتناقشي معايا
ايمان بصتلها بعتاب وقاالت بهدوء: كان ايه لزومه الدش ده كله
حنين: انا حقيقي مش قادره افهمك يا ايمي انتي ليه ضعيفه تواجهي الشخص ده , حتي لو كنتي معجبه بيه مينفعش تفضلي ساكته لما يتنقدك او يتنمر عليكي
ايمان : متفهمنيش غلط انا ببساطه مش ببقي عايزه اعمل خناقه معاه, وانتي عارفه تصرفاته هو متكبر ومغرور ميقدرش يتحمل يدخل في نقاش
حنين قلبت عيونها بضجر: يارب صبرني , من فضلك يا ايمي انا عرفاكي كويس لكن بتشل من تصرفاته الغريبه معاكي, ومش بغلطك ابدا لو عايزه تحتفظي بمشاعرك ناحيته بس عايزكي تفكري انك متبقيش ضحيه لحبه, اكيد سمعنا كلام كتير عن شخصيته وانا ع حق
ايمان : بصراحه انا بحبه ومش قادره امحي الشعور ده لحد اليوم غصب عني, لكن صدقيني مبحلمش لحظه اعيش معاه , انا عارفه مقامي كويس يا حنين الفرق بينا زي الليل والنهار, فرق كبير بس مش غلط اكون معجبه بيه من بعيد
حنين : تمام بس دايما افتكري كل الي قلتهولك , وحطيه حلقه في ودنك, وعايزكي ترجعي لعقلك قدام المتعجرف ده
ايمان حطت ايدها ع كتفها: خلاص اسكتي بقي
حنين بضحكه: والمصحف هتعصب
...........قصص منه محمد كاتب.............
في الكافيه الجامعي قاعد مع الشله يضحكوا ويهزروا
ليلي قربت منه وقعدت ع ايد الكرس وقالت بدلع: هاي بيبي بقولك
امير بصلها : نعم
ليلي :كنت فين امبارح
امير :هو انتي معندكيش محاضره اليوم
ليلي بضجر: عندي بس مكسله جدا ادخل, الدكتور شرحه ممل جدا , بيبي بسالك انت مردتش كنت فين امبارح استنيتك كتير في الديسكو بس انت مجتش
امير: انا اسف جدا كنت سهران بذاكر والا مكنتش هعرف احل اي حاجه وعشان كدا سهرت لنص الليل ولقيت نفسي نعسان جدا ومرهق وكل تفكيري اراجع وانام وارتاح بس الليله هسهر معاكي اتفاقنا
ليلي: انت متاكد
امير بأبتسامه واسعه:طبعا متاكد
ليلي بتحذير: اياك تنسي تيجي يا امير هستناك اوكيه اشوفك بعدين باي
امير شاورلها:باي ورحمه الله وبركاته
زميل :امير انت بجد هايل و استاذ في الكدب بقي انت مخرجتش امبارح وكان معاك موزز امتي سهرت تذاكر
امير ضحك : يابني لو عايز تعيش دي الطريقه الفعاله ,ماهو امتي هيكون عندي وقت للمتعه لما اكبر زي الدكتور الي عنده خمسين سنه ووقتها مقدرش اعمل اي حاجه, فوق كدا عايزه اقولكم حاجه مش انا الي بجري وري البنات هما الي بيجروا ورايا ,وده بيبقي رزقي معقول ارفضه
ممدوح بحقد مخفي رد وقال : طبعا رزقك بس الامر المختلف ان ليلي تبقي بنت عمك
امير بضحكه بسيطه: ايوه اعملها ايه انا مش بحاول اقرب منها , وبعدين لو فضلت مع بنت واحده هزهق التنويع مطلوب وطالما معايا فلوس كل شئ متاح
زميل بعتراض: معقول مبدا حياتك بالبساطه دي
امير ابتسمله: ليه عايز تشغل عقلك الموضوع بسيط وممتع استمتع يابني الحياه حلوه
ايمان قربت عليه ولفت لنفسها : ياي قاعد مع اصحابه مره تانيه, انا ليه كل مره اقرر اوجهه احس بالخوف والتوتر ارجوك يا قلبي بلاش تحرجني اهدي يا ايمي وخدي نفس واجمدي
امير كان قام يروح مع شلته وهي اتشجعت وندهت عليه: امير
امير وقف في مكانه ولف بصلها ولما طال سكوتها بص لاصحابه وقالها بهدوء: في ايه عايزه ايه
ايمان بأحراج وتوتر: كنت عايزه نتكلم بالي متعلق بالمشروع, فاضل يومين ونقدمه لكن انت مجيتش عشان تنتاقش
امير قرب جدا منها وحط ايده الاتنين في وسطه وهمس جنب ودنها : ولو مجتش متقدريش تنجزي المشروع
ايمان ارتبكت جدا من قربه منها بالشكل ده وهزت دماغها لفوق وتحت
امير ابتسم وقال :انتي بتهزي راسك معني الحركه دي ايه ولا اتخرستي
ايمان بصوت مبحوح قالت : لا قصدي انا فعلا خلصت المشروع بس عايزه اشرحهولك, اظن انت عارف الدكتور هيطرح علينا اسئله لما نقدم اوراق المشروع
امير بهدوء :انتي اديني نسخه هقراها بنفسي بس ها اه ولا لاء
ايمان :اه
امير : هي دي قطتي مستني تديني نسخه اتفاقنا , ومتتظهريش انك نسيتي( ضربها بايده ع كتفها وضحك ومشي)
ايمان تابعته وهو ماشي وقالت: انت الي بتمثل انك بريئ يا امير , ومساعدتنيش ابدا في المشروع ولما يتكشف سرك هتاخد الي تستحقه وتبقي تستاهل
............قصص منه محمد كاتب................
في السكن الجامعي
ايمان بتكتب في مذكراتها بغيظ وبتقول: انا خلصت كل حاجه , وانت فاشل ولا هتقدر اطلاقا حتي مقلش كلمه شكرا كان هيكون كافي , بس مقلش ليه عشان واحد متكبر, و مغرور, ومتنمر بجد بيثير اعصابي
حنين لفت وبصتلها: اذا كان كل الي بتعمليه عشان تنفسي عن احباطك بالخربشه في دفتر يومياتك يبقي الافضل متعمليش له حاجه لما انتي عارفه انه واحد متكبر ومغرور وطول الوقت يتنمر عليكي وتدخلي بعدها في نوبه غضب بالشكل ده
ايمان حطت ايدها تحت خدها بيأس:ايوه عايزني اعمل ايه
حلا : اتكلمي في وشه بانه مش راضيكي , خليكي واضحه عرفيه انك مش بتحبي الاستغلال ومش بتحبي حد يتعامل معاكي ع انك جماد شوفي ازاي بقيت اديبه
ايمان كشرت: انتي عارفه كل مره بيكون قدامي مش بقدر اعمل اي حاجه
حنين: اسكتي ده انتي وافقتي تديلو نسخه كانكم انجزتوا سوي مش كدا دلوقت واجهي املتعجرف ده
ايمان ابتسمت:حنين
حنين: ايه
ايمان بمداعبه:حنين
حنين :قلت ايه
ايمان :خلينا نخرج نتمشي شويه في الجنينه , يومين وهننشغل بلم حاجتنا ونرجع بلدنا
حنين: لا عندي حاجات كتير لازم اعملها
ايمان بزهق: ياربي عليكي لسه فيه وقت تلمي حاجاتك بكره اخر يوم ليا في الجامعه وانتي كمان تعالي نخرج ونتمشي ونرجع بعد العشاء ماشي هقوم استعد واجهز نفسي
حنين: فاضل اخر ورقه اصبري اخلصها وبعدها هروح المكتبه, لو عايزه تنفسي عن نفسك روحي انتي لوحدك مفيش لزوم لاقناعي انا مشغوله
ايمان: انتي ع طول مشغوله ورخمه
............قصص منه محمد كاتب..............
واقفه بره الجامعه منتظراه لحد ما قرب بلهفه عليها
ليلي : حبيبي كنت فين كل ده استنيتك مده طويله
امير بعجاله: سوري ع التاخير بس كان لازم اقبل الدكتور شوفتي ايمان
ليلي بستياء من ذكر اسمها: يعني حتي وانت معايا بتسال عن بنت تانيه
امير : ده متعلق بالدراسه مش بحاجه تانيه
ليلي : بجد يابختك عندك طالبه تانيه ممكن تجهزلك المشروع وتاخده ع الجاهز, ده ممتع اوي استني ولا انت بتحبها قولي متخبيش
امير كشر بضيق: ممكن توقفي عبط انا عايزها عشان المشروع , واخر يوم اقدمه بكره ومتاخر ومعنديش وقت لهبلك انا رايح ادور عليها
ليلي : مش انت قلت لي هنخرج نتغداه سوي
امير وهو ماشي بستعجال: بعدين نبقي نتعشا
ليلي ضربت الارض برجليها :يا امير استني
امير دخل الجامعه بيسال عن ايمان ووراه ليلي متعلقه في دراعه وكل البنات بتبص عليه بهتمام كبير!!!
ممدوح بحقد: مش عارف كل البنات هتموت وتجنن عليه
زميل بصله وقال بأسلوب عادي: هو بس عشان وسيم عننا ومليونير سهل عليه يطبق البنات
ممدوح: بتتكلم وكأنك متعرفش انه اكتر طالب مستهتر في الجامعه ورغم كدا طبق معظم بنات الجامعه
زميله: مالك بتتكلم بحقد وقدامه بتتكلم بأسلوب تاني ومن وراه مش راضي عن تصرفاته رغم هو بنفسه اعترف انه مستهتر بس كله للمتعه مش اكتر من كده
ممدوح: وانت مصدق كلامه وسواء كلامه صح ولا غلط ربنا وحده العالم
اكرم بضيق: ممكن تسكت الشخص الي بتتكلم عنه ده صاحبنا
امير هنا قرب عليهم بسؤال: حد فيكم شاف ايمان
ممدوح: وايه سر الاندفاع ده
امير بغضب: قابلت الدكتور ماعلينا حد فيكم معاه رقم ايمان ادهولي
ممدوح :مش معايا معاك يا اكرم
اكرم: لاء
ممدوح شاور بعيونه: هناك اعز اصحابها اسالها
امير قرب ع حنين : هاي
حنين بصتله بحتقار وهمشته وفاتت من قدامه وامير اتعصب وقال : البت الوقحه دي اسمها ايه
اكرم :حنين
امير بصوت عالي: حنين
حنين وقفت في مكانها وامير سالها عن مكان ايمان لانه محتجاها ضروري لحد ما قالت له.....
...............قصص منه محمد كاتب..............
في الجنينه
ايمان واقفه بتكلم المكان وبتقول: باي يا مكاني المفضل ع امل نتقايل مره تانيه
امير راح بيجري عليها: ايمان انا دايخ عليكي هو صعب اوي كدا عشان القيكي عارفه قابلت الدكتور واخد المشروع مني ,بس الغريب ليه انا الوحيد الي المفروض اشرحه هو مش ده مشروعنا سوي
ايمان همست بينها وبين نفسها, زي ما يكون سهر عليه ليل ونهار مش انا مغرور
امير :عفوا بتقولي ايه
ايمان بصتله :مقلتش حاجه
امير :ولا انتي روحتي اشتكتيني له
ممدوح بغيظ :في ايه يا امير قلت انك عايز تاكل ,بتعمل ايه دلوقت عندك
ليلي بغيره :شهل يا حبيبي انا جعانه ,بتعمل ايه مع البنت دي
امير بصلهم بعصبيه :هو ممكن تسكتوا شويه , انا عايز اسمع توضيح منها تعرفوا ان ورق المشروع معاها وخلصنا سوي ,بس الشخص الي المفروض يقدمه هو انا وده امر غريب
ايمان: ومطلوب اعمل ايه
امير بغيظ: مطلوب منك تعملي ايه انتي غبيه اوي, عايزك تقابلي الدكتور وتقوليله ان ورق المشروع مشترك وان احنا نقدمه سوي ايه مش فاهمه دي كمان
ايمان بحده: ده ميخصنيش انا مش هدخل ابدا في شرح المشروع اذا هو اصر هعمل كده غير كدا معاك نسخه منه ايه الصعب فيه انك تقراها ولا مكسل
ليلي: انتي وقحه اوي
امير جري وراها وشدها جامد من دراعها: قلتي ايه من شويه انتي مفكره هقدر اقراه بالطريقه دي مع عباراتك المكلكعه والي صعب تتفهم تمام لو كنتي شاطره اوي كده ليه اختصري الطريق واشرحيلي وابهريني
ليلي: اتوقع يمكن متعرفش لانها مش هي الي كتبته , يعني عملتلك نسخه ومتقدرش تشرح
امير :وانا متفق معاكي
ايمان بعصبيه: ايه الصعب في قانون اداره الاعمال معلش كل المطلوب انك تفهم جوهر الموضوع والي مطلوب تعرفه سبب القانون في ممارسه الاعمال اليوميه لكتابه العقد الي بيلزم الاطراف كرجل اعمال شاطر لازم يكون عنده معرفه لما يجي يعمل اتفاقيه كل الي محتاجه هو هقد الايجار ومحتاج للاتفاقيه شراكه لما تاسس مشروع تجاري مع شريك او اكتر لان الالمام ببنود العقد امر مهم عشان تقدر تتمكن من تحديد العقد الي هتمضي عليه صالح, لو كنت متوقع اقعهد اشرحلك كل حاجه من الالف للياء مش هيكفي اربعتاشر يوم ولا حتي اربعتاشر ليله , وبدل ما تعمل فوضه ومشكله معايا , احسن لك ترجع البيت وتقعد تقرا النسخه الي انا عطتهالك ودلوقت بالاذن
زميل: بجد طلعت مدهشه
ممدوح : رغم انا متفق مع كلام ليلي ان ايمان نسخته, بس لو كنا في مكانها مستحيل هنحفظه ونفهمه بالسلاسه زيها
زميل : ده جنون لو قدرنا واكيد مش هنقدر
..............قصص منه محمد كاتب................
بعد ايام من خناقه امير وايمان كل واحد نزل من محطه القطار واخد طريقه وايمان ماشيه تلف بعيونها ع عايلتها ابوها وخالها الي جاين يستقبلوها لحد ما خبطت في شنطه احدهم وسمعت صوت حاجه ازاز بتتكسر جريت ع العلبه واخدتها ووقفت قدامه برتباك!!!
امير: اكيد طبعا اتكسرت
ايمان بصتله بخوف وقالت: انا اسفه والله ما كنت اقصد
امير خلع النضاره بغل وقال بغيظ: يعني اعمل فيكي ايه , انتي عمياء ولا عينك متركبه في ركبك
ايمان: امير انا اسفه جدا, انا بجد ممكن ابدلهالك بواحده تانيه حالا
امير: هتبدليها بجد انا مشترتهاش من القطر, ومعتقدتش انك تقدري تصلحيها
ايمان: خلاص هات رقمك وهتصل بيك بعدين ادفعلك تمنها
امير بغطرسه : فعلا صعب جدا اتكلم مع الفقراء , حتي لو عطيتك رقمي مش هتكوني قادره تدفعي تمنها
ايمان بنرفزه: امال عاوزني اعمل ايه
امير: ارفعي الشنطه حالا من ع الارض يله
ايمان رفعت الشنطه وهو خطفها من ايدها مع العلبه ومشي بكل غرور
ايمان بصتله بقرف وقالت: فعلا متعجرف وسافل كمان
...............قصص منه محمد كاتب................
اكرم: انا ملاحظ طول الوقت عينك ع البنت دي ليه
امير: انت متعرفهاش
اكرم: احنا نعرفها
امير: دي ايمان الي قلت لك عنها قبل كده
اكرم ضحك: اه صاحبه حنين الي نرفزتك بسبب تهزيق الدكتور ليك
امير بغيظ: اه ياخويا هي
اكرم: تمام بس ليه النظره الي بتبصلها بيها كأنها حبيبتك وعمال تبص عليها بقالك مده
امير: مفكر ببصلها معجب بيها مثلا , انا ببصلها لاني بكرهها
اكرم بأبتسامه: ولا دي عشان اول مره تشوفها بتضحك كده, مش انت قلت لي هي خجوله وبتخاف لما تواجهه امثالك من المتنمرين بس هي لطيفه مع اهلها
امير: وانت اجزمت انه ابوها, امال مين التاني الي جنبها , حبيبها ولا اخوها الكبير
اكرم حط ايده ع كتف امير ومبتسم : لا يا ميروملاحظ انك مش ع بعضك من اول ما شوفتها واقفه مع الشاب والراجل ده , زي ما تكون غيران عليها , لتكون وقعت في حبها
امير شاور ع نفسه برفض : انا
اكرم: اه انت
امير: اقع في حب البت دي
اكرم بتـاكيد: ايوه
امير بغرور: انت يعني مش عارف ذوقي بصلها مستحيل
اكرم : جايز يله نركب العربيه
امير وقف وقال لنفسه: يمكن لو مقلتش ادبها واتخانقت معايا كنت ممكن اقع واحبها ,بس هي اختارت العداوه معايا وهي ان شاء الله ميته