في منزل عائله امير تحديدا الصالون
صابرين والدته: انا بدعي ليل مع نهار تتجوز ليلي
امير اتخض وساب الموبيل و بصلها: ايه ،ليه
عادل والده ابتسم: واضح من ردك انك مش موافق
صابرين: ليه مالها ليلي انت وهي قريبين من بعض وهي بعتت لي صور ليكم وانتم في الجامعه انكم قريبين
امير: ايوه قريبين بس كولاد عم وبس لكن الجواز لاء
صابرين بمسايسه: ليه يا بني انت قريب منها كحبيبه امال ايه الصور دي ولا كنت بتلعب معاها
عادل بحزم: اسمع يا امير ليلي بنت عمك انت مستعد تلعب بعواطفها
انجي: متحرجنيش يابني انا وابوك
عادل: اصبري يا صابرين
امير: تمام ممكن تدوني فرصه اشرحلكم ماما اولا انا معنديش حتي النيه العب بمشاعر وعواطف ليلي بالذات احنا فعلا قريبين بس بشكل طبيعي غير كدا انا لسه مخلص دراستي من يومين اديني شويه وقت انا حقيقي مش مستعد للجواز انا محتاج أأسس شركتي وبابا مسكني الاداره وكل المناقصات ماما من فضلك اديني بريك
صابرين: خلاص نعمل خطوبه دلوقت
عادل: هو انتي ليه مستعجله فاضل سنه ليلي تنهي كليتها
امير: فعلا بابا ع حق قدامها سنه كمان وتخلص دراستها سبيها تخلص الاول مش كدا يا بابا انا خارج وعدت صحابي نتكلم بعدين
صابرين بشده: امير انا لسه مخلصتش كلامي
امير: الموضوع مش محتاج اصلا لمناقشه اكتر من كدا
صابرين: لما ترجع هنكمل وانت ياعادل تدعمني لحد ما نضغط عليه
..............قصص منه محمد كاتب..............
في القريه ع الموبيل
حنين: ها كدا سمعاني كويس
ايمان ابتسمت: ايوه سمعتك كدا
حنين قعدت: ها بتعملي ايه
ايمان: ابدا فاتحه الاب بتفرج ع صورنا واحنا في الجامعه
حنين بضحكه: احسن حاجه تشتغلي انا اشتغلت في شركه كبيره هنا ومبسوطه اوي
ايمان: يا بختك بعد الدراسه مش مطلوب منك تكافحي مش زي هدور ع وظيفه
حنين: فات اكتر من شهر مفيش حد اتصل بيكي
ايمان: لسه رزقي مجاش بس بعت السي في لكذا شركه ,ومنتظره , وبحاول بس لسه النصيب اعمل ايه لكن عادي مش مشكله افضل تحت رعايه امي كمان شويه
حنين: ع الرغم الطريقه الي بتتكلمي بيها بتقول انك بتحاولي تقنعي نفسك , بس انا حاسه بالغيره
ايمان ضحكت: غيره ياختي ع ايه , بس تصوري انا قلقانه بخصوص امير
حنين بنفعال: هو ممكن تنسي الراجل الرخم ده واي مشاعر ناحيته
ايمان: كان نفسي بجد انساه لما رجعت لكن لقيته مستحيل رغم لسه مش متأكده من مشاعره ناحيتي
حنين: يا حبيبتي لما كنتم حتي شركاه في المشروع عمره ما ابتسملك ابدا صعب جدا يكون حبيبك مفيش داعي تفكري فيه انسي امره نهائي
ايمان: انا عمري ما فكرت ابدا اكون حبيبته انا عارفه مقامي
حنين: وخصوصا بعد ما اتخانقتوا حوالين المشروع هو بقي شايفك عدوته
ايمان: ده غير لما اتخانقنا تاني في محطه القطر
حنين: ايه الي حصل
ايمان: ولا حاجه هحكيلك بعدين لو نزلت عندك القاهره هبلغك سلام
حنين سلام يا حبيتي
...........قصص منه محمد كاتب................
في الكافيه دخل لقاه فاتحه شاشه الموبيل ويبتسم اتسحب ومره واحده خطف منه التلفون ورماه جسمه ع الكنبه الجلد
امير : اه يا منحرف(ضحك) مش مصدق
اكرم بحده: امير هات تلفوني
امير قفل ملامحه: استني هو انت مش قولتلي انك متعرفش ايمان, امال ليه اخدت صوره معاها , ايه المناسبه
اكرم: مش حنين في الصوره وهي صاحبتها الاتنيم, انا عارف حنين اكتر من ايمان كزميله صف مش اكتر من كده , امير بص كويس في الصوره كل الجامعه معانا الا انت
امير بغرور : وهما دول من مستوايا , بس لحظه ده انا في الصوره ليه انا فيها امتي اتاخدت دي
اكرم : لما كان عندنا حفله وكل شلتك كانوا هناك , وانت الوحيد الي كنت بتتعامل بتعالي ورفضت تتصور مع الطلاب المغتربين من بلدهم
امير :ماهما مش من مستوايا
اكرم: لا اصلك مش بتحب ايمان
امير بغيظ: مين قالك بحبها, يابني انا بكرهها ولحد دلوقت مش راضي عنها بسبب اوراق المشروع الدكتور اتهمني اني سرقه وحذف اسمي وطلب ارجع اعيده من تاني لوحدي, بسبب البت دي
اكرم : بس انت الي غلطان مين طلب منك تعمل الي عملته ,سبيتها تعمل المشروع بنفسها
ممدوح انضم ليهم وقال بحقد: لان البت دي كانت متكبره عليه
اكرم ابتسم بتهكم :ايمان متكبره
ممدوح : اه
اكرم : انتم الي عندكم التكبر العالي اتنمرتم عليها وبعدين تتهموها انها متكبره : انت مضحك فعلا يا امير الاحسن امشي قبل ما تتريقوا عليا
ممدوح :بالسلامه
امير :اكرم انت رايح فين
اكرم :همشي
ممدوح لامير: ع فكره البت دي اهانتك كانت متعمده
امير: هي فعلا اهانتني قدام صحابي وعمرها ما حصلت ان بنت تتجرء عليا وتقف ضد كلامي وقحه لسه مش عارفه مين انا, انا امير بيه اصبري عليا
.............قصص منه محمد كاتب.................
في مول تجاري شهير
اكرم: انت اشتريت حاجات كتير كأن المحلات هتقفل
امير: انا بس عايز اهتم بصورتي مش انا المدير العام دلوقت
اثناء كلامهم شافوا حنين داخله المول ضربت امير بنظرةً شرسة وبعدين رجعت بصت لـ اكرم
اكرم بأبتسامه عريضه : هاي انسه حنين بتعملي ايه
حنين بجديه: ابدا جايه اشتري غرض من هنا وانت
اكرم: وانا كمان
حنين: عن اذنك
امير: حنين لسه بتتواصلي مع ايمان مش كده
حنين لفت له : ايه لسه حاسس بالاهانه منها
امير ضم حواجبه في بعض : ليه احس بالاهانه
حنين: وانا ايه عرفني مش اخر يوم اتخانقتوا سوي
امير ابتسم: او هي لسه عندها ضغينه ضدي , بس ده حصل في الجامه وبقي ماضي لايمكن تزعل مني لحد دلوقت غشان اخر خناقه مابينا مش ده غريب
حنين: لانك اتنمرت عليها
امير: محصلش
حنين: اكرم صاحبك قلل منها برغم عملت كل المشروع لوحدها وصاحبك راح للدكتور يحتج انه يشرح المشروع لوحده ورماه اللوم كله ع ايمان
امير: اسف فعلا ايمان بنت ذكيه بس مهزوزه , عشان كدا ناس كتير بتتنمر عليها
حنين بنرفزه شديده عليه: محدش اتنمر عليها غيرك انت
امير ضحك في سخريه : بجد طيب لو سمحتي بلغيها تحياتي كتير مشفتهاش من فتره طويله( ضحك اوي)
اكرم بصله بغيظ: ليك نفس تضحك
امير: ليه هو فيه ايه
اكرم: بترسم انك ولا همك
امير: ليه عملت ايه
اكرم: معقول تطلب من البنت تخلص المشروع وترجع تتنمر عليها , مش حاسس بالذنب اطلاقا
امير: مكنش عندي اي فكره انها اتجرئت تقدم شكوي دي مجرد مسأله بسيطه وعملت دوشه وضجه حوالين الموضوع اقفل ع الموضوع خلاص كان وخلص
اكرم: بس انا لازم افكرك ان ضحايا التنمر مستحيل ينسوا ابدا الي اعتدي عليهم بالكلام والسخريه
امير: انا طلبت منها مره واحده تعملي حاجه وهي مرفضتش اصلا, وانت الزعلان والله حاله لكن انا شايف انها مش هتقدر تنساني اصل لما طلبت منها تكتب المشروع خلصته بقلب بيرفرف, عارف ليه
اكرم :لانك عدواني وهي جبانه
امير ابتسم :غلط لاني وسيم وده سبب اعجابها بيا ,وانا استغليت الحته دي , وطلبت لازم استعمل ذكائي
اكرم : وشايف كدا ربنا هيباركلك لما تستغل انسانه
امير: بقولك ايه هي الي اخدت البركه لانها وقعت في حبي, دي بت ساذجه اوي , دي سمعت اوامري ونفذت كل حاجه , لكن بصرف النظر شايف قلبي مش مفتوح ليها
اكرم: انت مغرور ومتكبر قولي لو لقيتها فجأه عرفت تلبس كويس وبقت جذابه وحلوه زي ليلي متقوليش انك مش هتفتن بيها
امير مثل الاستخاف:مين الي بتتكلم عنها
اكرم :ايمان
امير: طبعا لا يابني دي واحده عايشه في الارياف مش التجمع يمكن وقتها اهتم بيها
اكرم :بلاش تبقي متعجرف يا امير ,مش جايز في يوم البلدي دي تبقي ملكه قلبك , ووقتها نشوف ايه الي هيحصل فيك
امير بطريقة مستفزّة : مين الي بتتكلم عنها
اكرم ضربه نظره غيظ: ايمان طبعا
امير ضحك اوي : طبعا لاء, انت وهزارك انا اقع في حب البت الفلاحه دي مستحيل , ولا حتي بعد مليون سنه طبعا لا مش هيحصل ابدا ( ضحك بصوت عالي يداري حبه ليها وقال) اقسم باله هموت انت نكته حقيقي يا اكرم قال احبها قال
...................قصص منه محمد كاتب..............
في منزل عائله امير
صابرين وهي داخله بتبرطم بغيظ: الكل عايز المساعده , الكل عايز ياكل بمعلقه دهب من غير ما يتعبوا ولا يعملوا اي مجهود
عادل: بتبرطمي ع مين
صابرين: مديره دار الايتام مش انا دايما ببعتلها تبرعات , ولسه عايزه مبلغ تاني لو عملت كل حاجه عشانهم ليه ياخدوا مرتب واسم
عادل: اظن انتي الي بتتبرعي للدار محدش جبرك , يبقي هيطلبوا من مين غيرك للمساعده
صابرين: امير اياك تقرب من الطبقه العاديه , ولا تكون صداقه مع الغلابه كلهم
امير قطعها وكمل: كلهم بيستفادوا من وري الاغنياء واستغلالم عشان نفسهم
صابرين كشرت: انت بتتريق عليا
امير ابتسم: لا يا ماما بس قلتلي الكلام ده الف مره وانا فاكر وحافظ وبطبق الي قلتيه
صابرين: انتي ابني المطيع ها كلمت ليلي
امير بزهق: بابا شايف بدأت تاني نفس الموال
صابرين بقمص: هو انا مقدرش اسألك سؤال وترد عليه بأجابه واضحه , ولا خلاص بعد ما بقيت مدير هتكبر ع امك
امير: يالله يا بابا شوفها
عادل: ما انتي زهقتيه في سؤالك عن ليلي سبيه يبقي جاهز الاول
صابرين: لو ملحتش ع ابنك عمره ما هيتجوز
امير: ممكن تسبيني دلوقت, لو فيه اي مشاعر ناحيتها هاجي اقولك, انا بواجهه مشاكل الفتره الاخيره
صابرين: ايوه ايه المشاكل
امير: السكه الصبح بتبقي زحمه وده بيجهدني ,عشان كدا بفكر اسكن في شقتك يابابا ممكن
صابرين: واد متبقاش مدلع هتسيب فيلا ضخمه زي دي وتروح تعيش في شقه لوحدك
امير: مسيري همشي بكره, وانا عايز اتعود من دلوقت ابقي مستقل لو سامحتي يا ماما
عادل: انا عن نفسي معنديش مانع
امير: حلو اوي
صابرين: اخص عليكم انتم الاتنين
............قصص منه محمد كاتب................
ايمان جالها وظيفه هايله في القاهره وبعد مجهود قدر خالها ادهم يقنع امها وابوها تنزل تعيش مع حنين لحد ما تقدر تقف ع رجليها وهما واثقين كل الثقه في حنين وعائلتها جدا! لحد ما خالها وصلها للمحطه لحنين وسلم عليهم ومشي
حنين فتحت الباب وبمرح طفولي : ادخلي يا شابه
ايمن دخلت وبصت للمكان بنبهار: الله شقه اخوكي كبيره ماشاء الله حلوع وكمان راكبه عربيته
حنين: الحمد لله رزق وجالي اقوله لاْ , ها امتي معاد مقابلتك بكره
ايمان: تسعه الصبح خالي الي جاب لي الشغل ده وبالعافيه اقنع ابويا وامي اجي اعيش معاكي اصل امي بتقول البت هتغيب عني تاني
حنين: ياختي تقدري تكلميها كل يوم ع النت مخلاش , ويمكن بالمره تلاقي زوج من النت مش الوظيفه
ايمان لعلعت ضحكتها : عندك حق
حنين: هوصلك بكره للشركه
ايمان: لا مش عايزه اعطلك روحي شغلك هاخد تاكسي يوصلني وخلاص
حنين: مفيش عطله بكره عندي اجتماع بره مش هروح المكتب هوصلك ولا مفكره اني بوزع من الشغل زي ما كنت بزوغ من الكليه لا خلاص توبت
ايمان بمرح: بجد يا الهي بنت مين دي الي تابت وصلحت نفسها
حنين:بنت عابدين مقلتلكيش مش امبارح قابلت امير وكان مع اكرم فاكره اكرم
ايمان: اه فكراه زميلك الي بيفضل يبتسملك زي القطه السيامي وانتي بتبادليه الابتسامه هو انتم ع علاقه
حنين: مفيش علاقه انا مش قريبه منه
ايمان: طيب ليه بقي امره مهم دلوقت
حنين: اصلي متوقعتش ان امير يكون مهتم بيكي للدرجه بس مين انا بهدلته لما اتنمر عليكي ومثل ابن اللئيمه انه مش فاكرها وبعدها ضحك
ايمان: عادي مش غريب
ايمان: بس بجد حسيته مهتم بيكي انتي لسه معجبه بيه
ايمان: الاعجاب مش اصل المسأله الاصل مين انا ومين هو ده الاهم وبعد ما اتخانقت معاه حسيت فعلا انه بيكرهني ومش طايقني
حنين: فرحيني صوتي في وشه
ايمان: ايوه صرخت, وزعقت , وشخطت فيه جامد , ومعرفش لحد دلوقت انا ازاي اتجرئت عليه , وبعد ما اهانته هربت مش دي قله ادب صح
حنين: احسن هو مفكر انك هتنفذي كلامه دايما شايف نفسه غني ووسيم وان كل البنات هتركع قدامه يغور انا معاكي وبدعمك بقوه وده طبيعي يحصل لما تهزقيه
ايمان: كفايه تقطيع في سيرته ليتخنق ويموت مين هيكون في ورطه
حنين: ايمان بنت مرزوق
ايمان ضحكت بلعلعه وحنين بصتلها: انتي بتضحكي مش متوتره من مقابله بكره
.............قصص منه محمد كاتب...................
يوم المقابله قعدت متوتره وفضلت تدعي اللهم يسر ولا تعسر وتمم بالخير
السكرتيره: ايمان مرزوق
ايمان: ايوه
السكرتره: اتفضلي ادخلي المقابله
ايمان سمت بالله ودخلت ع اللجنه وقالت السلام عليكم وهما ردوا عليها وواحد من اللجنه طلب منها تتفضل تقعد
واحد من اللجنه: قدمي نفسك
ايمان برتباك: انا اسمي ايمان مرزوق اتخرجت السنه دي من الجامعه قسم اداره اعمال
امير كان لافف بالكرسي ووشه في الحيط واول ما سمع اسمها وصوتها هنا لف وبصلها بسعاده
ايمان اتصدمت وقالت بينها وبين نفسها : نهار ابيض مكنتش اعرف انها شركته ,عمري ما كنت جيت
امير بسعاده: ايمان دي الدنيا صغيره اوي
ايمان لنفسها: حتي لو اخدتها مش عايزه اشتغل معاه
امير للجنه: اسمعوا دي كانت زميلتي في نفس الجامعه
واحد من اللجنه: شايف
امير مدلها ايده عشان ياخد السي في وهي عطتهوله لكن افتكرت انها مش عايزه تشتغل معاه راحت شداه تاني وهو تبت فيه رجعت شدته لحد ما هو فضل ماسكه عافيه
ايمان في سرها: لاء انا اجري واروح ادور ع اي وظيفه تانيه, بدل ما اضطر ابقي تحت رحمته في الشغل
امير بصلها بمعني سبيي الملف واقعدي كل ده وهو مبتسم بفرحه انه شافها قدامه وعمال يتفحص الس في!
ايمان في سرها: شهل عايزه امشي
امير قال: بجد مذهل متوقعتش تبقي بالجداره دي
ايمان في سرها: ياربي عمال يمثل بأنه ميعرفش قال كداب _قامت وقفت من مكانها وقالت: ممكن استفسار يا امير بيه
امير: اتفضلي
ايمان: المقابله دي لتعين مدير تنفيذي صح
امير: متفهمنيش انك مشفتيش الرساله الي بعتنهالك
ايمان بستهبال: انت بعت اسفه مخدش بالي , بصراحه انا شايفه المنصب ده مش مناسب ليا اسفه اخدت من وقتكم وفرصه سعيده اني قابلتكم عن اذنكم سلام
واحد من الجنه بستفهام: حصل ايه
امير قام من مكانه بسرعه وخرج وراها لقاها سانده ع الحيط قالها: ايه اتأذيتي , شوفي لو الوظيفه مش مناسبه ليكي ايه نوع الوظيفه الي بتدوري عليها
ايمان في نفسها: اقولك ايه اني مش عايزه اتعامل معاك انت شخصيا, بس اقولها ازاي
امير تابع: ايه نوع الشغل الي تقدري تعمليه انت بس قوليلي
ايمان: امير بيه في الحقيقه انا , انا, لاْ استني اه عايزه ابقي سكرتيره
امير ضم واجبه: بجد سكرتيره انتي متأكده انك عايزه تشتغلي سكرتيره , وانتي معاكي امتياز اداره اعمال بجد متأكده
ايمان: بينها وبين نفسها: يالله قد ايه غتت اوي لو صارحته هيتعصب بس انا حره اشتغل مكان منا عايزه
امير ضربها: قادر اسمع بتتكلمي عليا بالسؤ
ايمان: لا قلت لو فيه مكان سكرتيره وعشان مفيش همشي انا
امير وقف قدامها: ومين قال انه مفيش بس هسألك تاني انتي متأكده انك عايزه تبقي سكرتيره
ايمان: يارب اختفي من قدامه انا شويه وهموت لو فضل ع النظام ده اه اهز دماغي وبس وبعدها امشي بسرعه
امير فهم دماغها ونداه بصوت عالي : سوووزي
السكرتيره: نعم امير بيه
امير عيونه ع ايمان وقال: اكتبي جواب تعين للانسه ايمان اللطيفه لمنصب سكرتيره
سوزي: امرك
امير: حالا اوكيه ها مشكلتك اتحلت واهلا بيكي في مجموعه جرين , اتمني نقدر نشتغل سوي بشكل افضل من هنا ورايح
امير مدلها ايده بالسلامه وهي بعد تردد كبير سلمت وهنا ممدوح داخل شافهم الحقد اتمكن منه وقرر يطفش ايمان