رواية احببت وانا علي ذمة اخر الفصل السادس عشر 16 بقلم نوسه حمد
دخلت البيت وكنت سانده طارق لانو كان لسه تعبان وطلب مني انو ينزل في بيتو مع هديه لانو حاسي بتقصير اتجاها قلت ليهو تمام اصلا كده كده نور معاها اتصلت عشان اكلمها واقول ليها نحنا جايين م ردت علي طلبنا عربيه ومشينا دخلنا البيت ولقيت هديه وشها مخطوف افتكرت انها تعبانه لانو المسؤوليه زادت عليها نور وترحيل ولبس مدرسه وغسيل علي اولاد عبله عليها قلت ليها اعفي لي تعبتك معاي ونور غلباويه م تكون تعبتك ما ردت علي احترت فيها حتي م استقبلتنا قلبي اكلني قلت ليها وين نور اشتقت ليها قعدت تتمتم قلت ليها نور وينا قالت لي نوسه اتصلت علي بتاعت الترحيل مسافه انزل لقيتهم ماف وبتاعت الترحيل م بترد طلعت تلفوني وبقيت اتصل بعد زمن ردت علي قالت لي معليش كنت مشغوله يا داب جيت داخله البيت وابوي كبير في السن كنت بدي فيهو في علاجاتو قلت ليها نور وين قالت لي نور سلمتها لي مرت راجلك قلت ليها مرت راجلي منو انا معاهم هسي وقالت م استلمتها وبقيت اكورك قلت ليها هديه بتاعت الترحيل قالت نور شيلتيها انتي قالت لي نوسه انا لو استلمتها ح اكذب عليك وادسها وين طارق بقا جايط ومتوتر وانا متوتره اكتر مني بقيت اتزكر المنشور ومرت خالد والفنان وخالد والتهديدات وخشمي غلبني افتحو لانو طارق مستحيل ارحمني لو حكيت وبقيت ابكي وطارق كانو ما كان عيان بقا اتصل للمدير بتاع المدرسه واشتكا الاستاذه وقال ليهم بتي لو م لقيتا بفتح فيك بلاغ ع اساس بتو خطفوها عصابه وانا متاكده الخطفها عندو مشكله معاي انا قلت ليهو طارق انا ماشه بيتي وح اتصل لي اخوي قال لي تمشي كيف وانا ما بخليك براك وهديه كانت تبكي وتشيل وتعتزر لي قلت ليها هديه انتي م عندك ذنب وعارفاك م بتقصري والله بس اولاد الحرام راقدين طارق غشا القسم فتح بلاغ ف المشرفه بتاعت الترحيل والمدرسه وانا اتصلت لي اخوي جا جاري جري لانو بحب نور شديد وكان جايط وبقا يتصل لي الناس ووزع صورتها وكتب في الفيس البلقاها عندو مبلغ مالي ضخم يوم كان صعب علي وهم قاعدين معاي م قادره اتصل ودموعي نهاي م وقفت فكيت حظر خالد كتبت ليهو الخطه العملناها زمان كانت تمثيليه انت الليله جيت نفذتها حقيقه قال لي خطه شنو قلت ليهو خطفت نور بتي قال لي بتك دخلها شنو في مواضيعنا نوسه انا عندي بنات زي م بخاف عليهم بخاف علي غيرهم شوفي الخطفها منو قلت ليهو يا انت يا مرتك يا الفنان حسيتو زعل قال لي نسيتي تارك القديم وليه ما تكون عبله فجاه اتزكرت كلام المشرفه قالت لي استلمتها مرت راجلك قلت ليهو طارق بتكون خطفتها عبله لانو المشرفه قالت لي استلمتها مرت راجلك قال لي تخطفها ليه عاوزه شنو قلت ليهو احتمال عاوزه تهددنا وتطلب مبلغ مالي قال لي ان شاءالله تكون هي وفعلا تطلب مبلغ مالي عشان تترمي في السجن لي يوم الدين بقيت محتاره ياربي دا منو دخلت لي رامي كلمتو قال لي نوسه موش انا حزرتك الشي الما عارفاهو الناس ديل بقو احذاب ضدك كان الفنان كان مرت خالد كان عبله قلت ليهو ممكن طلب خلي الناس اقولو قليله ادب وعندها علاقه وهي متزوجه رضيانه بس بتي ما اجيها شي عليك الله بترجاك تحذف المنشور والصور قال لي والضمنك شنو بتك ترجع انتي م بتعرفي الناس ديل زي ما انا بعرفهم ممكن يقتلوك عادي ويمشو ورا جنازتك ويمثلو فيها انهم زعلانين عليك انا ح احذف المنشور بس ع شرط بعد بتك توصلك لانو يا نوسه لو حذفنا المنشور احتمال بتك اعملو فيها اي شيء قلت ليهو رامي انا م قادره اتصرف بتي لو جاتا حاجه انا ح اموت عليك الله اتصرف قال لي اتصرف كيف يا نوسه انا م ظاهر في الحقيقه انا بتعامل مع مشكلتك دي بالسوشيل ميديا بس قلت ليهو طيب اعمل شنو قال لي نوسه اهدي واستغفري وبتك استودعيها الله الزي لا تضيع ودائعه قلت ليهو اكيد بس يا رامي قال لي البس شنو كمان انتي تسودعيها الله وانتي ما علي يقين قلت ليهو قلب الام الحمد لله بس انا هسي عقلي ما معاي بس ان شاءالله ح احصنها وح استودعها الله واشوف البحصل قال لي بس وانا متاكد الناس ديل بتصلو عليك ولو قالو ليك احذفي المنشور والصور قولي ليهم بتي تصلني انا ح احذف اي شي وابعدو من طريقي وح ابعد من طريقك وما تحسسيهم انك خايفه نهاي عشان ما تندمي قلت ليهو طيب كلام رامي تقل قلبي قومتا صليت واتوضيت وبقيت ادعي ربنا طارق بقا محتار وحسيت عندو كلام قال لي نوسه منو الزمان الخطف نور لمن كنتي بتمثلي علي غلبني ارد انا اعترفت لي خالد بي غلطتي بس م عاوزه اوريهو انا كنت علي علاقه مع منو لانو ممكن يغفر لي اي شي بس هو نهاي ما ح يغفر ليهو واحتمال يعمل ليهو حاجه قلت ليهو ديل اولاد اجرتهم قال لي عارفه مكانهم قلت ليهو ليه قال لي الاولاد ديل عرفو عندك قروش احتمال عاوزين يستفزوك ويشيلو قروشك انا غلبني اقول ليهو الحقيقه قلت ليهو لو فعلا كده انا اطمنتا لانهم ما ح يصلوها ح يتصلو ويطلبو العاوزنو وانا بديهم العاوزنو كلو ان شاء الله قال لي وصفي لي مكانهم قلت ليهو والله انا م بعرفهم بس دلتني عليهم صاحبتي وهي الجابتهم ومن الزمن داك م عندي ليهم رقم وكدي النصبر للزمن داك لو م اتصلو انا بمشي ليهم انا م قادره اتكلم بالحقيقه وحسيت بوجع قلب عديل وفي قعدتنا ديك اتصلت مكالمه وكنت سامعه صوت نور بقيت اقول ليها نور انتي كويسه انتي مع منو قالت لي ماما انا م كويسه تعالي سوقيني انا خايفه فجاه سمعت صوت راجل قال ليها جيبي التلفون دا بقيت اقول الو الو قال لي مرحبا شفتي قوه راسك ودتك لي وين طارق كان جنبي واسمع في الكلام بقا يعاين لي بي استغراب كانو فقد الثقه فيني قلت ليهو بتي لو جاتا حاجه صدقني م ح يحصل طيب قال لي بتك في الحفظ والصون سلمينا التلفون بتاعك ونديك بتك انا قلبي قال شح كيف اديهم التلفون قلت ليهم انتو عاوزين بتلفوني شنو انا ح احذف المنشور طارق بقا اعاين لي ونظراتو لي كانت كانو اتخزل فيني اتوجعت شديد من نظراتو دي وشغاله اتكلم شال مني التلفون وقال ليهو تلفون شنو البتشيلو لو فكرت في كده ح اشيل روحك الولد قفل الخط طارق قال لي نوسه منشور شنو الضيع منك بتك دا ودا منو وبعرفك من وين حكيت ليهو طارق انفعل واداني كف عمري م انساهو واستاهل اكتر من كده قال لي ضيعتي بتك الله يقطع الميديا وكلامها نوسه انا م حزرتك انتي ليه م عاوزه تسمعي كلامي وماشه بي كلام راسك وشال مني التلفون ومشا انا قلبي بقا في يدي بس الله خلاني قافله الواتساب بي رمز وهو شكلو ما عايز الواتساب عاوزه حاجه تانيه جا متاخر اداني تلفوني قال لي البمسكو م ح ارحمو وما ح يفلت من يدي ح اقتلو عديل وكان زعلان مني شديد حاولت اتكلم معاهو واشرح ليهو قال لي ناهيك يا نوسه عن الفضيحه الحصلت ليك والتبرير العاوزه تبرريهو بس انتي م بتسمعي كلامي وما احترمتي راي حسيت اني غلطتا وبسبب عدم سمعان كلامي ضيعت بتي طارق الليل كلو م نام وعلي مرضو العليهو لا اكل لا شرب الصبح اذن صلا وطلع حتي بدون م يودعني قلبي انقطع بعد طارق رحع لي زي م اتمنيت وحبيت بس المره دي انا غلطانه وبقيت بين نارين اسلم الزول الاتصل تلفوني بي اي شي فيهو ولا اعمل شنو بالاخص طارق قال لي تلفونك ما تديهو ليهو اتصلت لي رامي وكنت مضايقه حكيت ليهو بي طارق قال لي نوسه انا اسف والله م قصدي اسبب مشاكل ولا مفتكر الموضوع بتطور للدرجه دي كان نفسي اجيب ليك حقك لانك شريفه وهم البستاهلو الفضيحه قلت ليهو انا هسي اعمل شنو طلبو تلفوني مقابل ادوني بتي قال لي هم طلبو تلفونك عشان يحذفو باقي الصور ولو شالو تلفونك وقدرو رجعو الدردشات المحذوفه انا ح اظهر في الحقيقه واحتمال خالد يعرف وساعتها ما بقول انا معتبرك اختي وعاوز اجيب حقك احتمال القول يكتر واقولو عندي معاك شي ونزيد الطين بله قلت ليهو الدردشات واضحه قال لي الضمنك شنو ما بفبركو حسيت نفسي في حرب جبتها براي وبتي ح تضيع بسبب الموضوع دا قال لي بنصحك م تديهم التلفون قلت ليهو نفس كلام طارق قال لي هي م ح تجيها حاجه واصبري شويه وانا ح احذف البوست قلت ليهو تمام حذف البوست ورسل كلمني قال لي حذفتو ارجعي ليهم رجعت ليهو قلت ليهو حذفت البوست انا رجع لي بتي قال لي اتصلت عليك بالهداوه عشان تحذفي البوست رفضتي وانتي م قدر الفنان دا نحنا وراهو قلت ليهو خلاص في النهايه حذفتو لكن عليك الله رجع لي بتي هي طفله مافاهمه شي حرام عليك قال لي وما حرام انتي الفضحتيهو عندك حرب معاها ختي صورها هي بس م تختي صورتها مع زول سببتي ليهو مشكله في بيتو وقدر م حنستو وشيلتو وختيتو ابا يوافق يديني بتي قال لي الا تجيبي التلفون وانت طارق ورامي محزرني شديد.
اخوي جا وقال لي ماف خبر طبعا غلبني احكي ليهو الحقيقه قلت ليهو لسه قال لي انا م خليت مكان م سالت منها كانو الارض انشقت وبلعتها بس ي نوسه م تخافي نحنا لسه بنفتش وانا متاكد انها ح ترجع طارق جا داخل وسلم علي اخوي انا م سلم علي قال ليهو ماف خبر قال ليهو بكره ان شالله نور بترجع فرحتا وبقيت اسال فيهو حلف ابا يرد علي بتجاوز كلامي كل مره
تاني يوم طارق طلع ولسه ما بتكلم معاي وانا قاعده علي نار واشيل وادعي لي بتي زي العصر كده طارق حا داخل وشايل نور انا لمن شفتها غلبني اقوم من السرير حسيت انو رجولي بقت تقيله وقدر م حاولت اجرهن غلبني لغايه م جاتني هي شيلتها في حضني وبكيت بكا طارق بقا يسكت فينا وقال لي بتك ابقي عليها عشره والغلط الغلطتي تاني م تكرري ي نوسه خلينا نعيش انا م عايز اكتر من نعيش قلت ليهو طارق اوعدك اقسم بالله التلفون تاني م اشيلو جدعت الماضي وراي قال لي اهم شي وانا قبلان بيك وبي اي شي عشان م تتعبي نفسك حبيت كلامو شديد واخدت وعد مع نفسي اني م اعمل حاجه تاني بدون علمو قال لي قومي اعملي لينا اكل انا لي يومين م اكلتا قلت ليهو طارق نور جبتها كيف قال لي دي قصه طويله بحكيها ليك بليل هسي قومي اعملي الاكل قلت ليهو تمام عاوزه اقوم غلبني وقدر م حاولت امشي غلبني عديل طارق قال لي نوسه مالك قلت ليهو م عارفه بس م قادره امش قال لي كيف الكلام دا ومن متين قلت ليهو هسي بس قال لي كدي دقيقه اقوم اسندك علي شكلن رجولك مخدرات طارق جا سندني وقدر ما حاولت جاهده احرك رجولي وامشي خطوه غلبني والله يستر ……..يتبع