رواية معالج بدرجه نصاب الفصل الثالث 3 والرابع 4 بقلم محمد طه
الثالث
يا أستاذ يحي، الأسم اللي لقيته مكتوب على جبيني يبقي أسمك، يحي؟؟
أخدت دقيقتين لما أستوعبت اللي سمعته، وبعدين ريقي حرفيا نشف من الخوف والصدمه، وبعدين بصيت للورق الأبيض اللي ف إيدي اللي المفروض إنو فلوس، وقومت بسرعه راميه من إيدي
=ألو، أستاذ يحي، حضرتك روحت فين، أنته معايه، أنته سامعني
حاولت أستجمع أعصابي وأرد عليها..أيوه حضرتك أنا سامعك، أنا هاجي لحضرتك، بس مش دلوقتي، مش هاجي بالليل، هاجي لحضرتك بكره بالنهار، وهجيب شيخ معايا، مع السلامه حضرتك
وقفلت معاها وقفلت التلفون خالص، وطبيعي إن بعد اللي سمعته دا مستحيل هعرف أنام، بقيت حاسس إن أنا ف كابوس وبحلم، ودماغي هتنفحر من كتر التفكير، لحد ما بدأت أحس بصداع، والصداع بدأ يتجمع على جبيني، وف اللحظه دي أفتكرت كلامها لما قالتلي إنها حست بصداع ف جبينها وقامت وقفت قدام المرايه وشافت إسمي على جبينها
قومت جريت بسرعه على المرايه، وبدأت أركز على جبيني، وفجأه بدأ يظهر حرف ي وبعدين بدأ يظهر حرف س وبعدين بدأ يظهر حرف ر،أتكتب على جبيني كلمه يسر وبعدين أختفت، وبعد كده الصداع بدأ يروح
أنا بقيت هتجنن، قلعت هدومي كلها قدام المرايه، وفضلت ابص على جسمي كله ف المرايه لكني ما لقيتش حاجه غريبه ف جسمي، وبعدين لبست هدومي، ورجعت قعدت مكاني، والظاهر إن فقره الرعب لسه ما خلصتش
الفلوس اللي اتحولت ل ورق أبيض اللي أنا رميتها ف الأرض أختفت ومكنش فاضل غير ورقه واحده وكانت مطبقه نصين، أستجمعت قوتي واعصابي ومسكتها وفتحتها لقيت مكتوب فيها كلمه يسر الكلمه اللي اتكتبت على جبيني وبدأت أكلم نفسي
_فيه إيه يا يحيى، إيه اللي بيحصل معاك ده، وإيه كلمه يسر دي كمان، هوا أنا أتلبست ولا إيه،وأنا اللي بقولها هجيب شيخ وأجيلك،دا أنا اللي محتاج أروح لشيخ،
وفضلت قاعد أفكر أروح لشيخ مين أحكيله اللي حصل دا كله ومين اللي هيقدر يساعدني، لحد ما دخل وقت الفجر، وأول ما قرآن الفجر أشتغل بدأ الصداع يتجمع ف دماغي ولقيت دماغي تقلت والنعس كبس عليا وروحت ف النوم
ما صحيتش إلا بعد العصر، حاولت عشان أقوم أتوضي وأصلي لكن جسمي زي ما يكون مطحون ومش قادر أتحرك، أنا من لحظه ما دخلت شقه الزبونه دي وأنا ما ركعتش ركه واحده، ودا بيأكدلي إن أنا كده أتلبست ووقعت ف مشكله مع عالم ما وراء الطبيعه،
وأول ما قولت جمله (عالم ما وراء الطبيعه) سمعت صوت غريب جدا، صوت أول مره ف حياتي أسمعه، والغريبه إني ما خوفتش من الصوت ده، وحاولت أكرر الجمله تاني عشان أسمع الصوت تاني وأحاول أفهم هوا دا صوت إيه،لكن الصوت ما اتكررش،بس الصوت فضل ثابت ف دماغي ولما بدأت أركز ف الصوت اللي سمعته بدأت أستنتج إن الصوت اللي سمعته دا كان كلمه وأترددت 3 مرات بس برضوا مش قادر أحدد الكلمه بالظبط
المهم بدأت أحاول أقوم ودخلت الحمام أخدت دش وخرجت أسال على شيخ من اللي بيعالجو بالقرآن، لحد ما فيه واحد ف بلدنا دلني على شيخ كويس ونصحني أروحله ومكنش من بلدنا، كان من بلد بعيد عن بلدنا شويه
وروحت أخدت الشيخ وروحنا للمدام، وأنا ف الطريق حكيت للشيخ كل اللي حصل من الألف للياء، وطمني بنسبه كبيره وقالي إن شاءالله خير
وصلنا الشقه والمدام أستقبلتنا بطريقه كويسه جدا ودخلنا قعدنا ف الصاله والشيخ من لحظه دخوله فضل يقرأ القرآن ف سره وعنيه رايحه جايه ف كل ركن ف الشقه وبدأ يسأل المدام أسأله عاديه زي هل حضرتك محافظه على الصلاه والأذكار وهل بتشغلي قرآن ف الشقه ولا لأ وهل حصل معاكي حاجه غريبه قبل كده ولا دي أول مره
المهم كل دا كان عادي بالنسبالي ومفيش فيه أي مشاكل، لحد ما الشيخ طلب إنو يدخل الحمام، وقامت المدام عشان توصلوا للحمام، لكن أتفاجئت لما لقيت المدام واخده الشيخ ف إتجاه غير إتجاه الحمام، وأنا طبعا عارف الحمام فين لأني دخلت الشقه قبل كده ودخلت اشتغلت ف الحمام
وبسرعه وبدون أي تفكير وقفتهم وكان التوتر بدأ يتحكم فيا
أستني يا شيخ وبصيت للمدام هوا حضرتك مش الحمام من الناحيه دي
المدام بهدوء..الحمام اللي ف الناحيه دي حمام خاص ب أوضه النوم، إنما الحمام ده وشاورت بإيدها خاص بالضيوف، هيا الشقه فيها أتنين حمام
بدأت أهدي وأعتذرت والشيخ خلص وقالنا إنو نضف الشقه من كل اللي كان فيها وقالنا علي شويه نصايح نلتزم بيهم
وخلاص خلصنا وقومنا عشان نمشي، الشيخ كان طالع قدامي وأنا وراه والمدام كانت ورانا وخرجنا من الشقه وقبل ما المدام تقفل باب الشقه،سمعت الصوت الغريب اللي سمعته عندي ف البيت لكن كان بوضوح وكان الصوت قريب مني جدا وزي ما يكون المدام هيا اللي طالع منها الصوت ده
الصوت..يوحانون؟
الرابع
(وكان الصوت قريب مني جدا وزي ما يكون المدام هيا اللي طالع منها الصوت ده)
_الصوت..يوحانون؟
(بصيت ورايا بسرعه للمدام والمدام أستغربت من نظرتي ليها وقالت بكل هدوء)
_فيه حاجه يا أسطي يحي
_بتوتر..حضرتك قولتي حاجه من شويه
_بخوف وقلق..أنا ما أتكلمتش خالص
_بتوتر ذياده..ما أتكلمتيش إزاي (وبصيت للشيخ وقولتله) هوا حضرتك ما سمعتش الصوت اللي أنا سمعته من شويه
_الشيخ وعنيه رايحه على كل مكان على السلم..أنا ما سمعتش حاجه، قولي أنته سمعت إيه بالظبط
_بتوتر..سمعت صوت بيقول يوحانون
_المدام وهيا متوتره والخوف بدأ يظهر على ملامحها..طيب أتفضلو ادخلوا جوه..الظاهر كده إن الموضوع لسه ما خلصش
(وبالفعل دخلنا الشقه تاني والشيخ بدأ يقرأ القرآن ف سره وعنيه رايحه على كل ركن ف الشقه وطلب إنو يدخل كل غرفه ف الشقه وبالفعل لف ف الشقه كلها وبعدين أكدلنا إن الشقه مفيش فيها حاجه،والغريبه إن محدش سمع الصوت والكلمه اللي اتقالت غيري)
_الشيخ بإستفهام..أنته سمعت إيه بالظبط يا يحيى
_بقلق وتوتر..ما أنا قولتلك يا شيخ سمعت صوت بيقول يوحانون
_الشيخ للمدام..هوا جوز حضرتك فين يا مدام
_المدام بارتباك..أنا مش متجوزه
_باستغراب واندهاش..مش متجوزه إزاي يعني، هوا مش حضرتك قولتيلي إنك متجوزه وإن جوزك مسافر
_بهدوء..أنا قولت لحضرتك إني متجوزه عشان تطمن، ومكنش ف نيتي أي شر، وحضرتك اللي أجبرتني إني أكذب عليك، لأني لقيتك متوتر وقلقان إنك تيجي
_بعصبيه..ويا ريتني ما جيت، ولا رديت على حضرتك
_الشيخ بهدوء..أهدي يا أستاذ يحيى، وبعدين أنا شايف إن المشكله دلوقتي لا ف الشقه ولا ف المدام
_بتوتر..أومال المشكله فين يا شيخ
_الشيخ بهدوء..المشكله دلوقتي عندك أنته يا يحيى، وأنته لازم تهدي، عشان لو فيك حاجه أعرف أعالجك، ومتهيألي إحنا وجودنا هنا ما بقاش ليه لازمه، يلا بينا نمشي من هنا عشان ما نوترش المدام ونخوفها على الفاضي
_بعصبيه وتوتر..مدام إيه يا شيخ، ما قالتلك مش متجوزه(وقومت وأنا متعصب وسيبتهم وخرجت من الشقه والشيخ قام خرج ورايا)
(والشيخ بدأ ينادي عليا وطلب مني إنو يروح البيت عندي عشان يبدأ يعالجني من المتاهه اللي دخلت فيها، لكني كنت حاسس إن الشيخ دا مش هيقدر يعالجني ولا هيقدر يفيدني بحاجه، بس مفيش قدامي غيره وخليني معاه يمكن إحساسي وظني يخيب ويقدر يعالجني)
(المهم بدأت أهدي واستجمع أعصابي وبدأت أتكلم مع الشيخ وإحنا ف طريقنا للبيت)
_هوا أنا فيه جن لبسني ولا إيه يا شيخ، اللهم أحفظنا
_الشيخ بهدوء..قبل ما اجاوبك، أنا هسألك سؤال وعايزك تجاوبني عليه بصراحه، أنته فيه حاجه حصلت معاك أنته ما قولتليش عليها
_بهدوء..بصراحه فيه حاجه واحده بس نسيت أقولك عليها، بس والله ما اتعمدتش إني ما أقولهاش
_الشيخ بإستفهام..إيه هيا الحاجه دي
_بخوف..فيه 3 حروف ظهروا على جبيني
_الشيخ بهدوء..ال3 حروف دول موجودين ف الكلمه اللي سمعتها
_بعد تفكير..لأ مش موجودين فيها،لأ أول حرف بس هوا اللي متكرر ف الكلمتين،إلا صحيح يا شيخ، هوا إيه معني الكلمه اللي أنا سمعتها دي
_الشيخ بعد تفكير..دا يبقي إسمك يا يحيى
_بتوتر وعدم فهم..إسمي إزاي يعني، تقصد إسمي بس بالإنجليزي
_الشيخ بإبتسامه خفيفه..لأ إسمك بالإنجليزي إيه، يوحانون يبقي اسم يحيى باللغه السيريانيه،(وبلع ريقه ووطي صوته)لغه الجن والشياطين
_وقفت مكاني من الخوف والصدمه وريقي حرفيا نشف من الخوف..والجن والشياطين عايزين مني إيه،الجن والشياطين عايزين مني إيه يا شيخ
_الشيخ بهدوء وصوت واطي..عايزين منك اللي أنكتب على جبينك، قولي بقي إيه هيا الحروف اللي اتكتبت على جبينك
_بخوف..ي س ر كلمه يسر
_الشيخ بهدوء..ومين يسر دي وتقربلك إيه
_بخوف..أنا معرفش حد أسمه يسر، ومفيش ف عيلتنا بنت إسمها يسر
_الشيخ بعد تفكير..هوا ممكن يكون الكلمه دي ليها معني تاني، وممكن يكونوا عايزينك توصلهم لبنت إسمها يسر، بس أنا عايز أطمنك كلمه يسر جايه من التيسير يعني محلوله ومتيسره
(وبحركه غير إراديه لقيتني بلف وشي ورجعت لشقه المدام والشيخ رجع معايه وأول ما المدام أو الانسه فتحت الباب وقبل ما تتكلم سألتها بكل غضب)
_بعصبيه وغضب..إنتي إسمك إيه
_ردت بخوف وعدم فهم..أسمي يسر؟