رواية احببت وانا علي ذمة اخر الفصل الثالث والعشرون 23 بقلم نوسه حمد
مشيت لي هديه ولقيتهم م شاء الله اتونسو ويضحكو لمن شافتني لمن فرحت وقامت سلمت علي بالحضن قلت ليها حمد لله ع السلامه بركه البقيتي كويسه قالت لي والله ما بقدر اشكرك ولا اشكر اخوك ولا الناس القاعده معاهم وبقو لي اهل قلت ليها تستاهلي ي هديه انتي انسانه قلبك ابيض مهما الظروف عاكستك نيتك بتلقيها قدامك وانا اختك يا هديه قالت لي انتي مالك شكلك تعبان كده وجيتي من وين قلت ليها جيت من بكاك قالت لي بكاي مافهمت بكا شنو قلت ليها اهلك لمن عرفو انك هربتي وطارق ما لقاك فرشو عليك هديه دموعا بقت جاريه قلت ليها هديه انتي هسي بتبكي مالك امش اقول ليهم هديه معاي وتعالو سوقوها وانتي عارف طارق بقا متغير منك شديد وانتي خايفه علي الفي بطنك قالت لي لا م تقولي ليهم مصيرهم يعرفو اني م موتا بس الناس يقولو شنو علي قلت ليها اكيد وما تخافي انا معاك حتي لو طارق عرف مكانك يقتلني انا وانتي ما يلمسك واخوي معانا الحمد لله فاهم اي شي بقا الناس ماعارفه الحاصل علينا ليهم بالظاهر انو هديه هربت بس هديه كانت مالا ماف زول بجيب خبرك عشان كده. نهاي ما تعايني للناس ولا لي نظرتهم طالما انتي واثقه من نفسك م عملتي غلط قالت لي اكيد وعشان طارق فاهم حملي غلط كان لازم اهرب لانو قال لي انا اهون لي تموتي ولا تنسبي لي ولد حرام وما قادر يصدقني كسرني الله يسامحو قلت ليها طارق ربنا اغفر ليهو بس غلط في حقك وحقي وانا وقعت في نفس الغلط والحمد لله انا اقوي مما تتصوري شغلي ماشي تمام وبتي وولدي بخير طارق ما مركزه معاهو وهو كمان منفصلين بالاحساس بس باقي ليهو يطلقني وقريب ان شاء الله قالت لي وانا كمان ي نوسه لو طارق بقا براهو في الدنيا م ح يكون راجلي تاني وح اربي ولدي ولا بتي ان شاء الله بعيد منو قلت ليها ان شاء الله واسمعيني لازم تمشي للدكتور انا م بقدر اجي واخوي عربيتو بتجيب ليك الهواء يلا اتصرفي البسي نقاب وما تظهري اي شي فيك وامشي الدكتور خلي يطمنم علي البيبي قالت لي تمام بتصرف قلت ليها خلي القروش دي معاك في الاول رفضت قلت ليها انتي غبيه انا اختك حقي هو حقك وانتي هسي ظروفك صعبه قالت لي بشتغل قلت ليها لا طبعا تشتغلي كيف وانتي حامل بتظبط الأمور ان شاء الله بس انتي خليك قويه قالت لي ان شاء الله يا نوسه
وما تطلعي غير مقابله الدكتور لاي سبب ما تطلعي الا بعد تلدي وبعد تلدي انا بجي اسوقك اوديك اهلك واهلك لو عرفو القصه بطلقوك من طارق قالت لي قصه شنو واي يا نوسه لا لا انا خوفتا طارق بقول ليهم هديه خاينه نوسه انا اعمل شنو انا لمن كنت بت ما حبيت ولا عرفت لي ولد قلت ليها دقيقه يا هديه دا الموضوع الجاياك هسي ليهو قالت لي ياتو موضوع قلت ليها طبعا انا لمن عرفت القصه شكيت انو الحاصل عليك دا مدبر وكلمت اخوي ومشينا انا وهو لي عباس ولمن مشينا لقينا طارق هناك بس الله ستر ما شافنا وعباس كان خجلان مننا وطبعا انا عملت فيها اني كشفت خطتو واتكلمت معاهو بكل ثقه قلت ليهو انت خاتي يدك مع عبله واتفقتو علي هديه عشان تدمرو بيتها وطارق فاهم اني زرعتك وسطنا عشان تلعب علي هديه ودا الفهمتو ليهو عبله وهاك اسمعي التسجيل واعترافو هديه بقت تسمع ودموعا عشره عشره قالت لي عملت ليها شنو عبله عشان ترشي واحد يدمر حياتي قلت ليها عبله كلبه يا هديه مستعده تعمل اي شي قالت لي انا المسكت اولادها الجدعتهم وهم ما فاهمين شي قلت ليها احتسبي اجرك عند الله طارق وعبله مافيهم حسنه هسي انا عاوزه اقول ليك ماشه اقعد بمزاج واتصل لي اخوك واكلمو بي كل شي وعشان اثبت برائتك برسل ليهو كلام عباس وبرضو ما ح اوريهم مكانك لانو ما بثق في نوايا طارق خليهم يفتكرو انك ميته بس لازم اقلب الطاوله علي طارق واكشفو قدام اهلك قالت لي نوسه اخوي بقتلو قلت ليها ما بعمل كده بس لازم اوضح ليهم موقفك عشان ما بعدين بعد تلدي طارق يقول ليهم حملت بالحرام فهمتي قالت لي اي خلاص قلت ليها يلا انا اتاخرتا بمشي بعد كده ودعتها ومشيت وصلت البيت تعبان واعتزرت للمدير قلت ليهو م بقدر بكره اجي الشغل وحكيت ليهو بالحاصل
تاني يوم م مشيت الشغل واتصلت علي مرت اخو هديه قلت ليها عاوزه اخو هديه ضروري ادتني ليهو سلمت عليهو وقلت ليهو من غير انفعال وتهور انا عايزه احكي ليك بالحقيقة وهديه دي م كانت ضرتي كانت اختي والحصل ليها م رضاني والقصه طارق غلط غلط كبير في حق هديه بسبب مرتو عبله وحكيت ليهو بالقصه من الاول للاخر وقلت ليهو ح ارسل ليك تسجيل عملتو للولد الاتفق مع عبله علي هديه ودمرها وح ارسل ليك صور هديه اختك لمن كان حابسها طارق وجسمها لمن مجرح وكابي دم بس ع شرط ما تقول لي طارق كلمتني مرتك انا زمان اتصلت عليكم عشان تنقذوها لانها كانت بين الحياه والموت انتو اتصلتو مكالمه وطارق كان واقف جنبها ومهددها وانا كنت م قادره امشي ليها لانو طارق كلم اخوي واخوي حزرني منها اخو هديه بقا مصدوم قال لي انا لا طارق لا عبله ما ح ارحمهم وما تخافي سيرتك ما ح اجيبها وهسي م عارفه هديه وين قلت ليهو ما عارفاها رسلت ليهو اي شي وقلت ليهو عليك الله ما تجيب سيرتي قال لي ابشري وشكرا ليك انك وريتينا الحاصل علي اختي الامناها علي طارق وما قايلين طارق م راجل وكمان مرتو الجدعت اولادها واختي مسكتهم تتفق مع واحد واطي وتدمرها قلت ليهو دي مريضه الله يغفر ليها قال لي ح اطيرو ليها بس التصبر لي
قفلت منو واتصلت علي اخوي ختيتو في الصوره قلت ليهو عشان هديه بعد تلد ترجع ليهم واخوها يطلقها من طارق وعشان طارق ما يقول ليهو هي خاينه وريتو الحصل ليها خطه ولعبه من عبله حسبي الله ونعم الوكيل قال لي تصرف كويس جدا وبركه الاتصلتي صاحبي وراني كلام كتير قال لي اول شي طارق عندو ديون كتيره عاوز يرد ليك حقك ويخليهو علي الحديده الديون ما يقدر يسددها وح يخسر شغلو قلت ليهو كيف لكن قال لي كيف دي خليها عليهو انتي بس خليك عمياء وطرشه وان شاء الله اخو هديه يظهر لي طارق في الايام دي ويحملو المسؤوليه وطارق انشغل في المشاكل دي وصاحبي ياخد راحتو ويختفي واصلا هو مسافر السعوديه عندو شغل بعد يخسر طارق الشغل بسافر طوالي واصلا طارق ما بعرف عنو شي قلت ليهو بس كده كل الخطط في صالحنا وانا قاعده منتظره اشوف الدمار البدمروهو
قفلت منو وفتحت الواتساب بقيت افتش في الدردشات الما قريتا طبعا لقيت خالد مرسل لي كميه من الرسايل قلت ليهو عليكم السلام قال لي نوسه محتاج اتكلم معاك قلت ليهو لا معليش انا ونسه مع رجال م بتنفع معاي قال لي لا انتي فهمتي غلط انا عاوزك تساعديني قلت ليهو خير قال لي سمعت انك رجعتي الشغل والمدير بثق فيك عاوزك تدخلي لي واسطه يرجعني الشغل انا محتاج لشغل ضروري ماف شركه بتقبل بي لانو العمر فوق لي الاربعين ووالدتي عيانه محتاجه لعمليه قلت ليهو خالد صدقني م بقدر نفسي اساعدك بس م عندك مشكله وريني العمليه بي كم واعتبرها اتعملت قال لي لا لا مستحيل يا نوسه انا بس عاوز ارجع الشغل اولادي كمان محتاجين وظروفي بقت زي الزفت بعد مرتي هاجرت قلت ليهو مرتك البتتفاصح ديك وعامله ليها منشور وفضحتني وقالت علي خطافه رجال وقصص طويله تجي تهاجر تخليك في عز حوجتك ليها يا خساره قال لي هي ياتو يوم شافتني زوج للاسف انا كنت معاها حتي احترام م محترماني وعملت القصص ديك كلها عشان تهددني والله يا نوسه ما عارف انها عملت منشور واسائتك الا لمن نشرتو صورها كانت بتهددني انها ترسل المحادثه لي زوجك لدرجه انها طلبت مني اتحول من الشغل عشان يجيبو المدير الاتزوجتو هسي دا وانا كنت في غفله من امري وسجلت عربيتي بي اسمها في قصص كتيره انا كنت ما عارفها وهي كانت متفقه علي انا ابو اولادها قلت ليهو الله يسامحها خلاص انساها واتزوج وعيش حياتك قال لي انا لاقي اكل عشان اتزوج لي بت ناس واعلقها معاي وامي بتموت قدام عيني م قادر اعمل ليها اي شي قلت ليهو خالد عمليه امك علي بس حكايه الشغل دي اعفيني واشتغل اي شي م ضروري في شركه قال لي شكرا ي نوسه م قصرتي وقفل الخط طبعا رقم حسابو كان عندي حولت ليهو قروش ورسلت ليهو الاشعار قلت ليهو دي عشان عمليه امك واعفي لي ح احظرك وحظرتو ما خليتو تابع كلامو وشالني الفضول اعرف القصه بتاعت مرتو عشان اشوف عداله ربنا عاوزه تخرب حياتي وخربت حياتا وحياه راجلها رسلت لي رامي ردا لي قال لي ام فارس قلت ليهو اخوي السمح اخبارك وين انت قال لي مدروش شغل وعاوزين نوسع الشركه هنا ف السعوديه رايك شنو نرسل ليك عقد تجي ترفعي لينا الشركه دي وبنديك العاوزاهو قلت ليهو والله يا ريت بس م هسي اول شي الشركه بتاعتنا شغلها بقا ضاغط وانت براك شايف المدير جادي كيف قال لي والله بحكي لي زميلي كل مره بي انجازكم وهو ما شغال في الفرع بتاعكم محولنو الاسبوع دا لانو برضو زول راسو ملان غايتو التلاته ح تنقلو الشركه لمكان تاني قلت ليهو ان شاء الله ياخ والله نفسي اشوفها اكبر شركه في السودان قال لي اكيد وزي م قلت ليك فكري وان شاء الله تعالي سته شهور بس وارجعي لشغلك قلت ليهو ان شاء الله بشوف بس م هسي قال لي تمام قلت ليهو م وريتك الدخل علي منو قال لي منو قلت ليهو خالد قال لي يا حليلو المسكين والله زعلت لمن عرفت انو انفصل من الشركه بسبب زوجتو والفساد العملتو هي والمدير الجديد قلت ليهو الحصل شنو النبي قال لي يابت قولي الما حصل شنو مرت خالد دي شيطان ماشي علي الارض وزوله فاسده دمرت الشركه لو ما انتي والمدير الجديد دا كانت وقعت وقعه بس الحمد لله قلت ليهو اي شفت الحاصل بس م افتكرتها دي هي قال لي دي هي وخالد ما جايب خبر والقصه م هنا مجرد ما خالد فصلوهو زولتك طلقتو بالمحكمه وسافرت مع راجلها وخلتو اتلفت زي الغنمايه وخالد ي نوسه استاهل مره زي دي معقولة ما بحس بي فجورها دا قلت ليهو م قادره اصدق قطع قلبي ياخ وهسي شايفاهو عاوز. شغل وامو عيانه قال لي لا ياخ قلت ليهو والله جد قال لي ربنا اكون في عونو ان شاء الله اها انتي امورك كيف ماشه قلت ليهو انا اموري بقت مسلسل هندي عديل غايتو عبله طبقت في مرت طارق نظريه اسكت بس قال لي مرت طارق منو طارق متزوج غيرك انتي وهي قلت ليهو اي متزوج بت اسمها هديه وطبعا عبله دبرت ليها مكيده في شرفها قال لي مكيده شنو والحاصل شنو بقيت احكي ليهو قال لي لا ياخ البت مسكينه كانت ماسكه ليها شفعها قلت ليها اتخيل بس قال لي شوفي ي نوسه عبله دي انا ماسك عليها جنس شي قلت ليهو كيف قال لي دخلت عليها برقمي وبقيت اتونس معاها والله يا نوسه عبله دي اكبر واحده قليله ادب والنوريك عندها شقه اتخيلي قبل ما اسافر قالت لي تعال اودعك في شقتي انا بقيت مخلوعه وراسي كبير وانا الكنت فاكره عبله بتحب طارق وعاوزاهو يطلقنا اقوم اكتشف انها ست الخيانه وبي شقتها كمان ........يتبع