رواية تيك توك حكاية توبه الفصل التاسع 9 بقلم محمد منصور

بسم الله توكلت علي الله. وهو رب العرش العظيم

خلصت الحلقة اللي فاتت علي. سامح اللي راح لتوبه العيادة اللي ولدت فيها علشان ياخد ابنه لكن لقي توبه واشرف وباسل المحامي بيصروا صوت وصورة في بث مباشر علي التيك توك وبيفضحوا قدام الناس كلها وقالت توبه.

والواد دة مش ابنك دة ابن حجاج زي ما انت قولت 

ولا نسيت 

بص لها سامح وهو هايتجنن وقال

انا ماقولتش انه ابن حجاج. حجاج هو اللي قال انه ابنه منك

توبه بحدة

ومش انت اللي جايبة علشان يقول كدة

سامح

لا.  

في اللحظة دي يخرج حجاج من الاوضة وكان لابس نظارة شمس بيتاري بيها عينه المفقوعه وبيبص لسامح وبيقول له

انا حكيت لتوبه علي اتفاقي معاك والفلوس اللي خدها منك علشان اطلع في البرنامج بتاعك واقول كدة

فتبص توبه لسامح فيقول سامح لحجاج

هما وصلو لطريقك ازاي انا خرجت من المستشفي وقولت لك مش عايز اشوف وشك تاني

هنا يقول باسل

انا اللي وصلت له. علشان كان لازم الحقيقة تبان 

سامح

كل اللي انتو بتقولو دة كذب.  ولو كنتو فاكرين ان توبه ممكن تطلع من الفضيحة سليمة انسوا توبه هاتتسجن هاتتسجن.  وانا هافضل سامح فريد الاعلامي الاشهر في مصر

ويبص سامح لتوبه ويقول بتهديد 

وابني هاخده منك غصب عنك وعقد الجواز اللي بيني وبينك هايبان وهاخد ابني منك

ويشاور سامح علي كل الكاميرات الموجودة في العيادة ويقول

وكل اللي انتم بتصورو دة ملهوش لزمة والعيادة دي هاقفلها والدكتور اللي سمح لكم بكدة هاجيب له شطب من النقابة

باسل

ومين قال بس ان احنا في عيادة. دي شقة مفروشة

اتجنن سامح وخبط باب الشقة برجله وقال

دة انتو عصابة بقي.  لكن انا مش هاسكت فاهمين مش هاسكت

وخرج سامح من الشقة وهو ناوي علي الشر وفي الوقت دة ضمت توبه ابنها لحضنها خايفة عليه وبص لها اشرف وقال

متخافيش مش هايقدر ياخد ابنك منك

بص باسل لاشرف وقال

لا يقدر بعقد الجواز يثبت انه ابنه 

اشرف

بس انا اعرف ان الام الحاضنه ليها الحق في ان يكون معها ابنها طول فترة الرضاعه

باسل

دة لو برة السجن انما توبه لو دخلت السجن ملهاش حق في انها تكون حاضنه

اشرف

مش هاتدخل السجن. احنا صورنا سامح وهو بيعترف انها مراته 

باسل

بس لسة معترفش انها ماتعرفش اي شي عن الابليكشن اللي عملت له الاعلان

اشرف

اتصرف بقي يا استاذ باسل وطلع منه الاعتراف دة

باسل

الصبر هو دلوقتي سامح خد اول خبطة علي دماغه ودايخ هانستني لما يقع ونكمل عليه، ،،،،،

وبعدها بساعه ومن جوة مكتب سعد كان واقف سامح قدام سعد وبيحكي له علي اللي حصل من توبه واللي معها وبص له سعد وضحك وقال

الغبي اللي زيك مينفعش واحد زيي يلحقة

سامح

وهو انا بس كنت اعرف ازاي انهم بيصوروني

سعد

مش مشكلتي. وخلاص يا شاطر دورك خلص والراجل الكبير شايف انك كارت واتحرق وشاف غيرك.  والفضيحة بتاعتك هانبيع علي حسها كام شهر قدام 

سامح 

هي بقيت كدة

سعد

هي دول عمرها كدة. المصلحة بتحكم ومصلحتي دلوقتي في ان البرنامج بتاعك يكمله اعلامي جديد وبتريند جديد

سامح

ومين بقي اللي هايقطع ويبيع من لحمي

سعد

باسل

واتفتح باب المكتب ودخل المحامي باسل وبص له سامح بغضب شديد وقال

دة المحامي بتاع توبه 

سعد

وهو اللي صورك وجاب لي الفيديو وعجبني ويستاهل انه ياخد مكانك لانه شاطر وهايعرف ازاي يكسبني من وراء فضيحتك

سامح

وتوبه هايعمل اية في قضيتها

باسل وهو بيضحك

هابيع اللي فاضل منها وارميها في السجن

سامح وهو بيهجم علي باسل قال

يا خبيث 

 لكن باسل بيمسك ايد سامح اللي كانت رايحة ناحية رقبته وبيقول

خبيث علشان هارجع ابنك لحضنك

فيهدا سامح ويبعد ايده عن ايد باسل ويقول له

ازاي

باسل

توبه مش هايبقي ليها حق في الطفل طالما هاتدخل السجن يعني حلال عليك 

سامح

و في المقابل عايز مني اية

باسل

هاتطلع معايا في البرنامج ونخلي الناس تشتمك وتهزقك وتركب التريند بتصريح مستفز وانا هاركب معاك وفي اخر التريند توبه تاخد 3 سنين سجن.

سامح

حتي بعد اللي قولته

باسل

اللي اتقال ما ينفيش عن توبه تهمه الاتجار في البشر طول ما انت ما اعرفتش بانها ما تعرفش اي شئ عن الابليكشن تفضل توبه علي ذمة القضية

سعد 

اظن بقي العرض بتاع  باسل ما يتقالش عليه لا

سامح

طالما ابني هايكون في حضني. في داهية اي حد،،،،،،

وفي نفس الوقت كان حجاج واشرف قاعدين قدام توبه اللي كانت بتنيم ابنها علي ذراعها وبيقول حجاج

عارف اني مهما قولت حقك عليه مش هاقدر اخليكي تنسي كمية الظلم اللي وقعت عليكي بسببي 

توبه

ملهوش لزوم اي كلام لانه لا هايرجع اللي فات ولا هايشفي جرح اتفتح

حجاج

معاكي حق علشان كدة ربنا انتقم مني في عيني اللي راحت بسبب اني بصيت لك بصة طمع و،،،،،،،،

اشرف مقاطعه له

عم حجاج الكلام زي ما قالت توبه مش هايشفي جرح اتفتح احنا ولاد النهاردة واللي انت عملته علشان خاطر توبه يكفرلك اي ذنب عملته فيها

حجاج

يارب فعلا اكون قدرت اكفر عن ذنبي.  اشوف وشكم بخير 

ويقف حجاج فتقول له توبه

هاتروح فين بس. انت ماتعرفش غيرنا في الاسكندرية

حجاج

هاروح مكان ما كنت مستخبئ وهاعيش لغاية ما ربنا ياخد امانته

ولسة هايمشي حجاج قالت توبه

حقك عليه يا عم حجاج علشان فقعت لك عينك

حجاج وهو بيبص لها

اللي شوفته بعين واحدة ما شفتوش بعيوني الاثنين. ربنا يظهر الحق وتكملي  حياتك مع اللي يستهالك

فتبص توبه لاشرف اللي بصه لها وابتسم. ومشي حجاج وقالت توبه لاشرف 

انا خايفة اوي علي ابني وخايفة اتحرم منه لو دخلت السجن

اشرف

متخافيش باذن الله باسل دة هايعملها ويخرجك براءة

توبه

تفتكر

اشرف

باين عليه محامي شاطر وهايعرف يجيب حقك.

وتبص توبه لابنها وتعيط وتقول

لو عيشت وربيتك هاحكي لك حكايتي وهتصدقني وهاتشوف قد اية انا اتظلمت.  ولو خدك مني ابوك وهو اللي حكي لك اوعي تصدقه وقوله لا امي مظلومة.  سامع قوله انت كذاب امي مظلومة.

وبتدات تنهار توبه من العياط فقال لها اشرف

خلاص طلعتي اللي جواكي

توبه

مش عايزا يكبر ويلاقي سيرة امه علي كل لسان

اشرف

شيلتي الواد الهم قبل  ما تختاري له اسم

توبه

صدق انا لسة ما سمتهوش

اشرف

طيب مش تسمي الاول وبعد كدة تشيلي الهم

توبه

هاسمي كريم

اشرف

اسم جميل.  يعني بعد كدة نندهلك بام كريم

توبه وهي بتحضن كريم

أة. من النهاردة قولي يا ام كريم 

وفي الوقت دة يرن موبيل اشرف فيرد اشرف فيسمع صوت ميدو بيقول

افتح بسرعه التيلفزيون وهات برنامج سامح فريد 

اشرف

في اية

ميدو

اعلان عن حلقة جديدة تخص حكاية توبه والمرة دي فيها باسل المحامي هو الاعلامي وسامح فريد مجرد  ضيف 

فيجري اشرف بسرعه ناحية ريموت التيلفزيون وتقول توبه

في اية

لكن اشرف ما يردش ويفتح بسرعه التيلفزيون ويلاقي الاعلان الخاص بالحلقة بيتعاد مرة تانية فيصدم اشرف وتوبه ما تفرقش عنه كتير وتقول

يعني اية

اشرف

يعني باسل بيلعب بيا وهو كمان بيستغل القضية بتاعتك لمصلحتة

توبه

علشان كدة كان بيساعدني طول الفترة اللي فاتت وبلاش 

اشرف

كلهم اوسخ من بعض

توبه

يعني كدة انا هاتسجن هاتسجن

اشرف بياس

شكل اللعبة كبيرة اوي علينا 

توبه وهي بتحضن كريم بشدة وبتقول 

وكريم يتاخد مني

اشرف

ماحدش هياخد منك كريم انتي هاتهربي

توبه

اهرب اروح فين بس

اشرف

في اي مكان ماحدش يعرفه.  وهاتهربي دلوقتي قومي البسي هدومك

توبه

تفتكر هو دة الحل

اشرف

مافيش قدامنا حل غير دة

فتقوم توبه بسرعه وتلم الهدوم اللي معه في شنطة صغيرة وتستعد علشان تهرب مع اشرف ويروحو الاثنين ناحية باب الشقة اللي اجرها باسل ليهم ويحاول اشرف انه يفتح الباب لكن الباب كان مقفول من برة بالمفتاح فيحاول اشرف كمان مرة فتبص له توبه وتقول

هو في اية

اشرف بياس 

اتقفل علينا من برة بالمفتاح

توبه

ازاي بس وحجاج لسة خارج

اشرف

يبقي حجاج معاهم وهما عرفو اللي ممكن نعمله لما نشوف اعلان الحلقة

توبه

طيب والعمل يا اشرف

اشرف

انا هاتصرف

واتصل اشرف بميدو وقاله

شوف لنا نجار وتعالي علي العنوان اللي هاقولهلك،،،،،،

وفي نفس الوقت كان سعد بيتكلم في الموبيل مع الراجل الكبير وبيقول له

يا باشا مش عايزك تقلق خالص الحوار هايخلص زي ما انت طلبت وبعد ما توبه تتسجن. سامح هايكون في خبر كان وميت

ويسكت سعد شوية ويرجع يقول

انتحار طبعا هو احنا قتالين قتله يا باشا.  دة احنا رجالتك

ويخلص المكالمه ويضحك بمنتهي الشر، ،،،،،،،

وبعدها بساعه يجي ميدو ومعه نجار ويبص النجار للباب ويقول

دة باب مصفح يا استاذ ما قدرش اعمل في اي حاجة

سمع اشرف اللي قاله النجار فقال

خلي يتصرف يا ميدو ولو حتي يكسره

النجار

دة ضد الكسر والنار.  الابواب المصفحة لو اضرب عليها نار مايحصلش فيها جديد لازم المفتاح بتاعه

اشرف

يا اسطي اتصرف دي شغلتك وانت الوحيد اللي تفهم فيها هنا

النجار

بص يا استاذ انا مش هاقدر اعمل في الباب دة حاجة لكن  الاسطي بتاعي ممكن يقدر يحل المشكلة دي 

اشرف

طيب ما تتصل بي يجي

النجار

هو دلوقتي في الفيوم وجاي بكرة باذن الله 

اشرف

مش هاينفع نستني لبكرة حاول تتصل بي واساله في التيلفون

النجار

ما بيشلش موبيلات. دة هو النهاردة بس وبكرة الصبح هايكون عندك استحمل بس النهاردة

توبه لاشرف

شكلها عماله تتعقد

ميدو

يا اشرف انا هانزل اشوف نجار تاني ولو ماقالتش يبقي بكرة وخلاص

ومشي ميدو ومعه النجار واتخنق اشرف وقال بعصبية 

عملوها ولاد الكلب،،،،،،

وتعدي كام ساعه ويجي ميعاد البرنامج ويفتح اشرف وتوبه التيلفزيون علشان يسمعوا هيتقال اية وبعد المقدمة اللي بين باسل وسامح يقول باسل

الفيديو بتاعك شافو ناس كتير وكلهم عندهم اسئلة ملهاش اول من اخر رجل والسؤال اللي بيتكرر . انت فعلا كنت متجوز توبه

سامح

توبه مراتي وابنها ابني

باسل

واتجوزتها من امتي

سامح

من بداية الحكاية بتاعتها وهي مراتي

باسل

ولية في الاول قولت انها مش مراتك

سامح

علشان كنت بحسبها غلط لكن الصح هو اللي بقوله دلوقتي

باسل

واية كمان صح تحب الناس تعرفه

سامح

ان توبه مظلومة وانا الجزار اللي ذبح وسلخ وباع في لحم الفضيحة بتاعتها.  وكله بامر مباشر من سعد باشا 

باسل

عين العقل يا صاحبي هو دة الكلام اللي الناس تحب تسمعه انت كدة فعلا تستاهل تكون سامح فريد عشرة عمري. قول يا صاحبي ورجع حق المظلومة

اتصدم كل اللي كان بيسمع الحلقة بما فيهم اشرف و توبه واتجنن سعد وقال لمخرج البرنامج 

اقفل البث المباشر عليهم

المخرج

مش قادر اعمل اي حاجة في حد مسيطر علي الاشارة والحلقة هتذاع هتذاع

وبدا سامح يتكلم ويقول الحقيقة اللي ماكنتش هاتعجب ناس نفسها الفضيحة تفضل شغاله، ،،،،،،،،

           الفصل العاشر من هنا