رواية لكل قلب حكاية السابع 7 بقلم محمد منصور
وبسم الله توكلت علي الله وهو رب العرش العظيم
ومن جوة القسم يقعد عز علي الارض مستني الظابط يدخله لاستجوابه. وفي الوقت دة تدخل عليه امه وداد ومعها اخوها سعيد المحامي. وتبص في كل اركان القسم لغاية ما تقع عيونها علي عز القاعد علي الارض فتجري ناحيته وهي بتقول
ابني.
شافها عز وقام وقف وخدها بالحضن وكان هاين عليه يعيط وهو بيقول
شوفت لي اللي حصل لي يا امي
وداد
قلب امك من جوة
هنا سعيد قال
انا عايزك تطمئن خالص. وانا وعد امك اننا مش هنخرج من هنا الا وانت معانا
عز
ازاي بس وانا في واحدة اتبلت عليه وقالت اني كنت هموتها بسبب العلاج الغلط اللي خدته مني
سعيد
هنثبت انها كذابة وبتتبلي عليك.
عز
بالله عليك يا خالي خلصني من المصيبة. دي وخرجني من المكان دة
سعيد
باذن الله هخرجك. والشمع الاحمر هيتشال من علي الصيدلية وهترحع تاني تفتحها
عز بص ل فوق وقال
يارب. انا مش عارف اللي بيحصل لي دة بيحصل لية. ومين السبب في. بس انت قادر تخلصني من كل دة.،،،،،
وبعدها بيومين ومن جوة المستشفي يقعد الدكتور قدام مليكة ويبص لها ويقول
هه عاملة اية النهاردة.
اتكلمت مليكة وقالت
الحمد لله. بقيت احسن كتير
الدكتور
انتي قوية وكنت عارف انك هتخرجي من الازمة دي بسرعه
مليكة
هو انا كدة المفروض هخرج من هنا
الدكتور
اية حبيتي المستشفي عندنا ومش عايزا تخرجي
مليكة
مين بس يحب المستشفيات وريحة المرض اللي في كل مكان حوالين مننا. دة انا بتمني اخرج دلوقتي قبل. كمان شوية
الدكتور
هتخرجي يا ستي وتكملي علاجك برة بس يجي اخوكي ممدوح علشان تروحي معه
مليكة
هو انت كلمتة يا دكتور
الدكتور
كلمته وهو جاي في الطريق، ،،،،،،،،،،
ومن قدام المصنع اللي شغال في فوزي. يسند عمر علي احدي العربيات الركنة مستني خروج فوزي من المصنع وفعلا خرج فوزي ندهه عليه عمر. بص له فوزي واستغرب، ،،،،،،،
وبعدها بشوية ومن علي احدي القهاوي يقعد عمر قدام فوزي وهو بيشرب شاي وبعدها قال
انا بقي من رايي تطلع نفسك من الحدوتة دي. وترفع عن نفسك اي حرج. لاني عرفت ان عز ناوي كل يوم والتاني يروح يشوف مليكة زي ما راح لها اول مرة.
فوزي
انت عمال تلف وتدور ليه. ما تيجي دوغري وتقول عايز اية
عمر
مليكة ترجع بيت اخواتها وهناك احنا هنعرف ازاي نربيها ومانخليش عز دة يشوف ظلها
فوزي
واختك شيماء
عمر بخبث وهو بياخد شفطة من كوبية الشاي
صح دة كدة هتيقي مشكلة كبيرة بينك وبين شيماء وانت ما بتحبش المشاكل وشيماء كمان شخصيتها قوية
فوزي بحدة
عمر بلاش الطريقة دي. انا راجل البيت واحترامي ل اختك مش معني اني بخاف منها لكن دة بيتها زي ما هو بيتي
عمر
خلاص خلي مليكة عندكم. وتنزل انت من هنا تروح شغلك وعز. يروح يشوفها. ويا بخت من وفق راسين في الحرام
فوزي
انت بتقول اية. دة انت بتتكلم عن مليكة اختك
عمر
الصح والاصول ما فيهمش اختي واختك. في بت متربية وبت تجيب ل اهلها العار
فوزي
مش شايف انك زودها شوية في حق اللي من دمك
عمر
انا خايف عليها وربنا يشهد علي اللي في قلبي. ومن ناحية تانية خايف عليك من امين. ل المرة الجاية السلاح يطول وما نعرفش مين ممكن يتاذي
فوزي
انت بتخوفني ب امين
عمر يقف بعد ما خلص كوبية الشاي وطلع حسابها وقال
انا ليك ناصح امين. خاف علي نفسك. واللي تكون سبب المشاكل دي كلها بلاش تبقي في شقتك مش كدة ولا اية
ومشي خطوتين ووقف ورجع قال.
هو انت مش صحيح قاعد في الشقة دي من ايام ابوك وامك. وما فتكرش ان في حد سمع بحسكم. او قال عليك كلمة تزعلك.
وقرب عمر اوي من ودان فوزي وقال
لو مليكة فضلت عندكم صدقني سيرتك هتبقي علي كل لسان
وخرج عمر من القهوة وساب فوزي وسط كمية افكار ودماغه ما وقفتش عن اللي المفروض يعمله، ،،،،،،،،،،
ومن جوة شقة شيماء ووقت ما كانت شيماء بتروق الاوضة اللي كانت قاعدة فيها مليكة. وحط الموبيل علي كرسي التسريحة وفاتحة الاسبيكر وبتقول ل ممدوح
لا. مش هتروح معاك يا ممدوح هاتها علي هنا وتعالي
صوت ممدوح
كفاية بقي اللي حصل من امين اخر مرة. ذنبة اية جوزك يقف في وش بلطجي زي امين
شيماء
فوزي عارف امين كويس. ويعرف ازاي يوقفه عند حده. وعرف. امين انه لو فكر يجي لي تاني وهو شارب. اقسم برب العزة لابلغ عنه البوليس. يجي ياخدوا
صوت ممدوح
برضو انا مش حابب مليكة تيجي عندكم تاني
شيماء
ممدوح انا مش ناقصة مناهدة. اسمع كلامي وريحني
صوت ممدوح
خلاص خليها تكمل معاكي الاسبوع علشان ما تزعليش وانا هاجي اخدها اخر الاسبوع دة.
شيماء
لا. يا ممدوح مليكة هتقعد معايا ل غاية ما تخف
هنا يقف قدام منها فوزي. فتقول شيماء
الحق يا فوزي ممدوح بيتصل وقال اية عايز ياخد مليكة من هنا قبل ما تخف
فوزي
اخوها الكبير واللي بيقولو هو الصح
برقت شيماء وقالت بحدة
ومين يراعيها وهي تعبانه.
فوزي
ابقي روحي كل يوم شوفي هي محتاجة اية واعملي
شيماء
بس دة ما كنش كلامك اول مرة
فوزي
والله دة اللي عندي وياريت تقولي حاضر وتسكتي
ومشي فوزي راح اوضة وقال ممدوح
شيماء انا هروح مع مليكة شقتنا. وابقي تعالي انتي في اي وقت شوفي اللي هي عايزا
شيماء
ممدوح اقفل انت دلوقتي وانا هبقي اكلمك تاني
وقفلت شيماء وراحت وراء فوزي اللي كان بيغير هدومة وقالت
مالك
فوزي
مالي
شيماء
كلامك اتغير 360 درجة. اية خوفت من المطواة اللي فتحها امين
فوزي بعصبية
شيماء. حاسبي علي كلامك انا مش جبان
شيماء
انا ما قولتش انك جبان. بس فهمني اية اللي غير كلامك دة احنا كنا لغاية امبارح متفقين علي ان مليكة ترجع علي هنا لغاية ما تخف
فوزي
وحسبتها لقيت ان الصح اني ما شيلش شيلة مش شيلتي
شيماء
تقصد اية
فوزي
اقصد اني عشت في البيت دة من ايام ما كنت قاعد مع ابويا وامي في الشقة دي وما حدش في الشارع جاب سيرتنا الا بكل خير. اية بقي اللي يخلينا. استقبل في بيتي واحدة ممكن تخليني اسمع اللي ما حبش اسمعه
شيماء
لية دة كلة هي مليكة دي رقاصة وانا ما عرفش
فوزي بعصبية
مابلاش الطريقة المستفزة دي. وحاولي تحترمي كلامي وزي ما انتي خايفة علي اختك خافي عليه
شيماء. بعصبية
اخاف عليك من اية.
فوزي
من سيرة اختك الوسخة
شيماء
فوزي انت بتقول اية
فوزي
بقول اللي اخواتك بيقولو.
شيماء
قطع لسان اي واحد يجيب سيرة اختي علي لسانه مليكة دي انظف من اي حد بيتكلم عليها
فوزي
عايزة تقولي اية يا شيماء انها انظف مني
شيماء بمنتهي العصبية
لو شايف الكلام مناسب ليك يبقي ليك
ضربها فوزي بالقلم. مسكت شيماء خدها وبصت له وخرجت جري من الاوضة. ندهه عليها فوزي وهي
ما ردتش فقال بعصبية
غوري. ،،،،،،،،،،،،،
ومن جوة اوضة مليكة كان ممدوح وعماد وسمر يسندون مليكة لغاية ما قعدوها علي سريرها وقال عماد
نورتي اوضك يا قمر
مليكة
لا. بجد دة انا سمعت انك كنت هتاجرها مفروش
ضحكوا كلهم وقال عماد
حاولت لكن ريحتك فيها
مليكة
ومالها ريحتي بقي.
ممدوح
مسك وعنبر
عماد
تقصد فسك وعنبر
مليكة
بقول لك اية انا رجلي مكسورة اة. لكن لساني لسة سليم
سمر
هو انت حيلتك الا لسان
مليكة
طيب لو ليكي كلام معه بقي عرفي يبعد عني بدل وربنا واية. انت عارف بقي
ضحكوا كلكم وقال ممدوح
نفسي اشوف لك امارة علي البلطجة دي
رفعت مليكة رجليها المكسورة وقالت
اهو. عايز امارة اية تاني اكتر من كدة
سمر
انتي فاهمة البلطجة غلط
وهنا ضحكوا تاني كلهم وباس عماد راس مليكة وقال
والله العظيم حسك في الدنيا دة تساوي فرحة جون عماد متعب في ماتش الجزائر
هنا يقف عند باب الاوضة عمر وكان بيبص بحقد شديد. ويقول في سرة
رغم كل اللي عملته وكلهم حوالين منها وفرحانين انها رجعت بالسلامه.
شافت مليكة عمر واقف عند الباب وساكت فقالت
اية يا عمر واقف بعيد لية كدة
بص عماد ل عمر وقال
اهلا بالراجل الاندرويد. تعالي اقعد معانا شوية اعتبرنا شواحن وجاي تطمئن عليهم
ضحكوا كلهم لكن مليكة قالت
بس يا عماد مالكش دعوي ب عمر.
عمر
لا. بجد. صعبان عليكي اوي
مليكة
عمر مالك انت زعلان مني لية
عمر بنفس البصة الخبيثة
مين قال دة انا فرحان اوي اني شوفتك تاني. بس يا تري انتي هتفضلي فرحانه بعد ما تعرفي ان حبيب القلب اتمسك ومسجون. والصيدلية اتشمعت بالشمع الاحمر
اتصدمت مليكة وبصت ل سمر وقال ممدوح
عمر عندك كلمة حلوة قولها ما عندكش امشي من هنا
مليكة ل عمر
انت تقصد اية يا عمر باللي انت قولته دة
عمر بص لها من فوق ل تحت
بابا ممدوح قال امشي. ف انا همشي
ومشي عمر ومليكة عيونها مليانه اسئلة وممدوح قال
مليكة عايزك ترتاحي خالص زي الدكتور ما قال واوعي تزعلي لان الزعل غلط عليكي
هنا توصل شيماء والدموع محبوسة في عيونها وتجري ناحية مليكة وتحضنها وهي تقول
الف حمد لله علي سلامتك
ممدوح استغرب وجود شيماء فقال
انتي سيبتي جوزك وجيتي لية
شيماء
فوزي هو اللي قالي روحي اقعدي مع اختك لغاية ما تبقي كويسة
عماد لاحظ خد شيماء المحمر والوارم بعض الشئ وقال
مال وشك يا شيماء
شيماء
كلت امباراح موز كتير والحساسية نطرت علي وشي. هبقي اخد علاج الحساسية. المهم دلوقتي نطمئن علي مليكة.
مليكة ودموعها بدات تتولد في عيونها من القلق علي عز. قالت
انا بخير. بخير
وقالت في سرها وهي بتبص ناحية شباك اوضتها
المهم عز يا تري اية اللي حصل له ، ،،،،،،،،،،،،
وفي نفس الوقت كان سعيد المحامي بيخلص اجراءات خروج عز من القسم وفعلا خرج عز ولقي امه مستني خدها في حضنه ورجع بص ل سعيد وقال
خالي انا كدة هقدر افتح الصيدلية
سعيد
مش دلوقتي. انت خرجت بكفاله علي ذمة القضية
وداد
هو لسة يا سعيد في قضية
سعيد
ما تقلقيش يا وداد. القضية فشنك وهتخلص بمجرد ما يطلع تقرير الطب الشرعي اللي هيثبت ان الدواء اللي سبب للست دي حاله التسمم ماخرجش من صيدلية ابنك في اليوم دة. زي ما هو متسجل علي جهاز الكمبيوتر عند ابنك
وداد
وبعدها يفتح الصيدلية عادي
سعيد
هيفتحها عادي. ما تقلقش
عز بصوت تعبان
امي انا عايز اروح وانام علشان تعبان
وداد
يلا نروح يا قلب امك من جوة. ،،،،،،،،،،،،
وتاني يوم ومن جوة شقة عز يرن جرس الشقة يقوم عز يفتح علشان يلاقي ما فيش حد وعلي الارض جواب بص علي السلم يمكن يشوف مين حط الجواب دة. قدام الباب ملقاش حد. وطي ومسك الجواب وفتحة علشان يلاقي ورقة مكتوب فيها