رواية لكل قلب حكاية الثامن 8 بقلم محمد منصور
وبسم الله توكلت علي الله وهو رب العرش العظيم
وتاني يوم ومن جوة شقة عز يرن جرس الشقة يقوم عز يفتح علشان يلاقي ما فيش حد وعلي الارض جواب بص علي السلم يمكن يشوف مين حط الجواب دة. قدام الباب ملقاش حد. وطي ومسك الجواب وفتحة علشان يلاقي ورقة مكتوب فيها
★الف حمد لله علي السلامه وعقبال المرة الجاية. بس اعدام بقي. وانا برضو اكون السبب. ابعد عن مليكة★
اتعصب عز ورمي الورقة علي الارض وقال بعصبية
يعني امين كان هو وراء اللي حصل لي
في الوقت دة تقف امه وداد وراء منه وتوطي تجيب الورقة اللي رماها وتقراء اللي مكتوب فيها وتبص ل عز وتقول
مين اللي بعت لك الورقة دي
عز قفل الباب وقال
امين اخو مليكة
وداد
يعني هو وراء اللي حصل
عز بعصبية شديدة
هو. البلطجي ابن الكلب
وداد
طيب اهدئة. وقولي مين مليكة دي
عز
مليكة يا امي اختة. اللي حكيت لك عنها قبل كدة
وداد
اللي راحت لك الصيدلية
عز
هي
وداد
وهو انت في اية بينك وبينها
عز
مافيش اي حاجة.
وداد
يعني هو عمل دة كله وفي اخر تقولي ما فيش
عز
دة الحقيقية انا من امتي بكذب عليكي
وداد
من ناحيتك انت لا. لكن من ناحية البت باين ان في حاجة والا ليه اخوها يعمل فيك كدة
عز
والله باين عليها بت غلبانه وانا السبب في كل اللي بيحصل لها. لكن امين دة لازم اعلمه الادب
وداد
هتعمل اية ل واحد بلطجي لا انت تعرف تمسك سلاح زي اللي هو بيمسكه ولا تعرف تضرب وتكسر زي ما هو متعود
عز
يعني اسيب حقي يا امي. دة دخلني السجن ظلم
وداد
وانا برضو ارضي لك تسيب حقك. دة بيتك. في التخشيبة يومين بحالهم ودول ثمنهم عمره كله دة انت اللي انا طلعت بي من الدنيا
عز
طيب اعمل اية انتي كلامك حيرني
وداد
البلطجي اللي زي دة سيبني انا اربي بمعرفتي. بس نجيبة علي حجرنا ونخلي يجيب الولية اللي اتبلت عليك تسحب كلامها وترجع تفتح الصيدلية
عز باستغراب
امي انتي ناوية علي اية
وداد
اجوزك وافرح بيك
عز باستغراب اكتر
تجوزيني مين
وداد وهي بتبرق
مليكة
اتصدم عز وحس ان امه بتخطط لشئ مريب، ،،،،،،،،،
وبعدها بيوم يرن موبيل شيماء واللي كان بيتصل بيها فوزي تبص شيماء ل رقم فوزي وما تردش لحظت مليكة اللي عملته اختها فقالت
هو في اية بينك وبين فوزي
ابتسمت شيماء وقالت
مافيش.
مليكة
لا. في. بشوفو بيرن كتير وانتي ما بترديش. انتو متخناقين صح
بصت لها شيماء وسكتت. فقالت مليكة
وحاسة اني انا السبب صح
شيماء دموعها خانتها ونزلت مسحتها اوام وهي بتقول
لا. لية قولتي كدة
مليكة
حاسة.
وهنا يرن جرس الباب فتبص شيماء للباب وتقول
احساسك غلط. اما اروح افتح
وراحت شيماء وفتحت الباب علشان تلاقي قدام منها وداد ماكنتش تعرفها فقالت وداد
انا ماما عز.
استغربت شيماء. لكن كان كله كوم واستغراب مليكة كوم تاني خالص. ،،،،،،،،،،،
ومن الانترية تقعد وداد قدام شيماء ومليكة وكانت وداد بتشرب الشاي وحطت الكوباية وقالت
هه بقي عروستنا قالت اية.
بصت مليكة ل شيماء وهي فرحانه اوي وشيماء كمان كانت فرحانه لاختها وقالت شيماء
والله دكتور عز. اي بيت في المنطقة يتمنوا انه يكون جوز بنتهم. مع ان يعني حصلت مشكلة كدة مكناش نحب انها تكون بين امين ودكتور عز
وداد بابتسامه مش مريحة
حصل خير و بلاش نتكلم في اللي فات.
قامت وداد وقفت وقالت
هسيبكم بقي تشاورو بعض وهستني ردكم.
وطلعت من شنطتها ورقة فيها رقم الموبيل والتيلفون الارضي فقالت شيماء وهي بتقف
ودة ينفع يعني تيجي اول مرة عندنا وما تتغديش معانا
وداد
مسيري هاجي تاني وتالت ورابع. دة احنا هنبقي اهل.
وبصت وداد ل مليكة اللي كانت بتتسند علي العجاز وهي بتقوم وقالت
ما تقوميش ربنا بتم شفاكي علي خير وعايزا بقي المرة الجاية اجي الاقيكي واقفة علي رجلك
مليكة
ان شاء الله
وخرجت وداد وشيماء خدت اختها بالحضن وقالت
الف مبروك يا حبيبة قلبي
مليكة
انا مش قادرة اصدق وربنا.
شيماء
انا بس اللي مستغربه ابنها لسة خارج امبارح من الحجز وصيدليته متشمعه وهي تيجي تخطب له النهاردة
مليكة قلقت وفرحتها بدات تختفي وقالت
صدقي صح. يبقي اكيد هي جاية من وراء عز
ضحكت شيماء وقالت
انتي عبيطة يا بت. هتيجي تخطب له من وراء لية يعني
مليكة
انا مش عبيطة. انا عارفة كل حاجة
شيماء
طيب يا فالحة. خليني اروح المطبخ بقي اكمل عمايل الاكل، ،،،،،،
وبالليل ومن جوة شقة عز يقعد عز قدام وداد ويقول لها
مش حرام علينا كدة
وداد
حرام لية. هو انت كنت اول واحد يخطب وبعدها يسيب خطيبته.
عز
ومليكة
وداد
مالها
عز
مش هنكسر خاطرها
وداد
عز. اوعي تصدق ان الخطوبة دي بجد احنا بنجيب حقك. وامين زي ما قفلك الصيدلية هيفحتها تاني. لانه مش هيسيب خطيب اختة يدخل السجن.
عز
برضو ذنبها اية مليكة
وداد
ذنبها انها اخت بلطجي ضربك مرة وسكتنا. كسرك الصيدلية وسكتنا. لكن يوصل بي الحال يشمع لك الصيدلية ويخليك تبات في التخشيبة يومين بحالهم. لازم يتربي
عز
برضو ذنبها اية مليكة
وداد بحدة
يوووووو. مليكة مليكة. ما تسيبني بقي اجيب حقك بطريقتي. ومش عايزا نغمه الحنية دي. لاني حاسة انك ميال ليها. ودة مش هيحصل. مش هسيب ابني دكتور صيدلي يتجوز اخت بلطجي. ومعها دبلوم تجارة.
عز
امي انا مش فايق للحب دلوقتي والحب يجي ازاي وسط كل المشاكل اللي بتحصل لي. دي دة احنا دفعنا كل اللي حيلتنا في صيدلية ملحقتش اكسب من ورها جنية واتقفلت.
وداد
يبقي خلينا بقي نقرصهم قرصة تطلع بالدم
عز
خايف.
وداد
من امين
عز
لا. من ظلم يخرب حياة مليكة
وداد
ما تقلقش مش هيحصلها حاجة وهتعيش حياتها. مش هتموت يعني.
عز
يا عالم اية اللي هيحصل بكرة، ،،،،،،،،،،،
ومن جوة شقة عيلة مليكة تقعد شيماء مع ممدوح وعماد وتقول شيماء
والله انا قولت اللي حساه. لكن طبعا الراي الاول والاخير
ليك انت يا ممدوح
ممدوح
انا ماليش راي. هي اللي هتتجوزو وهتعيش معه. واحنا عارفين هو اية بالنسبة لها
عماد
بس انا بسال نفسي ومستغرب زي شيماء بالظبط ازاي وسط الظروف دي كلها يفكروا في الجواز
ممدوح
هي حاجة غريبة لكن مش هنقف عندها كتير. خلينا نبارك الجوازة. وندعي ان فرحة مليكة تتم
كل الحوار دة كان داير ومليكة واقفة عند باب الاوضة وفرحت باللي اتقال. وقلبها زغرط من الفرحة، ،،،،،،،،
ومن جوة اوضة عماد. يبص عمر ل عماد ويقول
وانا اية مش اخوها وكان لازم تاخدوا رايي
عماد
ودة من امتي. دة اختك اتكسرت وجت لها ازمة نفسية فقدت فيها النطق واتحجزت في المستشفي وانت ما فكرتش تروح تشوفها دلوقتي بقي افتكرت انها اختك
عمر
يا عماد افهمني. انا بحب مليكة صدقني. بس عز دة ما ينفعهاش
عماد
لية ان شاء الله
عمر
عيل كدة مش كويس
عماد بسخرية
ومين بقي كويس. انت
عمر
انت برضو بتتريق
عماد
علشان انت مفضوح اوي. ومش عارف تعمل فيها اخ بيحب اخته. انت يا عمر كل اللي شايل همه. لما مليكة تتجوز مين هيخدمنا. مش كدة
عمر
خالص
عماد
شوف ازاي.
عمر
انت هتفضل تتكلم معايا كدة بتريقة لغاية امتي. نفسي تتكلم معايا جد شوية
عماد
انا لو اتكلمت معاك جد. صدقني هتزعل مني اوي.
وساب عماد الاوضة وخرج وعمر بص بحقد شديد للباب وقال
تمام اوي. ما تزعلوش بقي من اللي جاي، ،،،،،،،،
ووقت ما كانت مليكة قاعدة في المطبخ مع شيماء اللي بيعملو الاكل. يخرج عمر من اوضة وهو بيتسحب ويدخل اوضة مليكة ويقفل الباب وراء منه بشويش وعيونه علي مليكة وشيماء ويروح ناحية الدولاب بتاعها ويخرج ايشارب من بتوع مليكة ويشم الايشارب ويقول
مين يقول ان ريحتك تكون سبب حزنك.
وحط الايشارب وسط هدومة وخرج من الاوضة بسرعه ومنها الي باب الشقة وخرج من الباب بسرعة وهو ناوي علي الشر، ،،،،،،،،،،،،،،،،