رواية قدك الفصل الثالث عشر 13 بقلم منه محمد
العسكري: الحق يبشا مدام جمره مراتك
حارث: مالها
العسكري: انضربت بالنار
حارث طلع من القسم يجري علي مكانها زي المجنون وراح الحاره لقاهم واخدنها في عربيه الاسعاف والكل عايز يروح المشفي معاها
حارث قال للكل: انا رايح لوحدي معاها
جمره بصتله بخوف وقالت: اطمن ده خدش بسيط متضغطتش ع وشك كده تقدر ترجع شغلك عايز تنزل نوقف العربيه وروح كمل اشغالك
حارث رفض يرد بكلمه واحده عليها لحد ما وصلوا المستشفي ودخلوها غرفه الاستقبال وعالجه الجرح وجمره مسكت دراعها المصاب حارث قرب عليها في منتهي الغيظ مسك ايدها السليمه ونزلها من ع الجرح بعـ نف!
الدكتور: بشكل عام مفيش حاجه خطيره هي بس تنضف ع الجرح كل يوم , وتاخد بالها من الالتهاب او العدوي , وربما تصاب بسخونيه بسيطه في البدايه
حارث : شكرا جزيلا يا دكتور
الدكتور : عن اذنك
حارث اخدها في العربيه وهي سرقت نظره سريعه عليه كان مركز اوي في الطريق دق قلبها بعنف لفت وشها عنه لحد ما دخلوا الييت وقعد قدامها باقتضاب
جمره: ممكن اقوم اغير هدومي
حارث رافض يبصلها : بكره اختك هتيجي تقعد معاكي , ولازم تغيري ع الجرح كويس واطمني يا مرام لو كانت لوجي مش هسيبها تهرب بعملتها
جمره: انا بجد بخير
حارث: حتي لو مكنتيش انتي كنت هعمل نفس الشئ
جمره بغيظ: ده صحيح انا مجرد شخص عادي زي زي غيري
حارث شد منها القطنه وداس عليها جامد وهي اتوجعت
حارث: انا اسف
جمره: بشا هات اكمل عشان انا مش مرتاحه
حارث قرب منها وقال: مرام انا
جمره غضمت عينها وقالت بسرعه: بلاش تبوسني
حارث: هو انا عطيتك الاذن تفتحي محل ملابس في الحاره عند امك
جمره فتحت وبصتله: عايز تسالني عن الامر ده لزومه ايه حركاتك دي
حارث : لانك واحده محتاله بجداره , وانا لازم احبسك في البيت
جمره: ليه هو انا ممنوع اعمل مشروع لنفسي
حارث : انا مقلتش كده بس كنت ع الاقل اعرف عشان احنا في خطر
جمره : قلت هترفض وتقولي لما نطلق ابقي اعملي براحتك صح
حارث: انا مكنتش هحوشك بس ع الاقل ابعت حد عينه تبقي معاكي
جمره: بشا مش معقول هاخد بودي جارد ورايا في كل حته, وبعدين ده بدل ما تقولي هبعتلك زباين وتفتخر بيا وبشغلي طالما شريف
حارث بنرفزه عليها : انتي مش حاسه بالمشاكل الي كنتي السبب فيها
جمره عوجت وشها : يعني انا الي بعمل كل مشاكل العالم , ده انا الوحيده الي بساعد غيري
حارث بعصبيه: متقاوحيش يا مرام
جمره : انا مش بقاوح ده اسمه توضيح الامور
حارث: اياك تتحديني وتعلي صوتك عليا , ومفيش داعي للشرح الغلط غلط , وانتي غلطتي اقفلي المحل اليوم
جمره: ليه خايف ع سمعتك تنضر
حارث بحده: مرام طلبت منك تقفلي المحل لاني قلقان عليكي , لو اتحدوا اعدائي واعدائك ممكن يقتلونا كلنا مفيش لزوم لشغلك ده واحمدي ربنا كتب لك عمر جديد اليوم لكن المره الجايه يمكن ينجحوا ويصفوكي
.........قصص منه محمد كاتب.............
علي الموبيل
عماد بفزع: ايه انضربت بالنار مين الي عمل كده فهمت اقفل دلوقت
لوجين كانت دخلت وقلعت الروب وحدفته ع الكرسي وراحت تدهن ايدها وعماد فضل بصصلها
لوجين مبتسمه : مالك مبحلق فيا كده
عماد : حد ضرب نار ع جمره
لوجين ببرود: وياتري ماتت
عماد صرخ فيها : لوجين
لوجين : وهي بقي الي اتصلت تبلغك
عماد : انتي الي عملتيها صح
لوجين بغضب: ده اتهام مقرف , احترمني شخصيه زي البت الحثاله دي اكيد مش عشيقه لراجل واحد, ولو انا الي عملت كده كنت هخليها ميته , مش هسيبها تعيش في الدنيا الي انا فيها
عماد :جمره متصلتش بيا تقولي , ولا عمرها كانت هتقولي
لوجين: انت بجح لسه بتدافع عنها
عماد: متخلنيش اعرف انك عملتي كده
لوجين بتحدي : لو طلعت انا هتعمل ايه
عماد: كرهي ليكي هييغير , ويحل مكانه شعور بالاشمئزاز , والقرف منك
لوجين : اه يا حقير
...........قصص منه محمد كاتب............
قامت تصرخ لما افتكرت الرصاصه وهو دخل ولع النور وهو مفزوع
حارث : مرام
جمره قافله عيونها واسنانها بتخبط في بعض وجسمها كله ميه مكان العرق وجسمها بيرتعش
حارث: مرام مفيش حاجه
جمره حطت دماغها ع صدره محتاجه تحس بالامان
حارث: انتي مولعه نامي
جمره حطت دماغها وهو راح جاب كروانه فيها ثلج وقعد يعملها كدمات ع دماغها ورقبتها وهي بتترعش ولما جه يقوم يجيبلها علاج اتمسكت في كف ايده رجع قعد جنبها يتأمل ملامحها الرقيقه الجريئه العصبيه صفات تستوطن روحه ووجدانه من جاذبيتها فضل ع الحال ده لحد لحد ما طلع النهار كانت هي قامت غيرت هدومها ولبست بيجامه رقيقه و شعرها رفعته كله لفوق ونزلت لتحت
جابر راح عليها بعتاب: مرام ليه بس نزلتي انتي لسه تعبانه
جمره بأبتسامه بسيطه: زهقت من رقده السرير يا عم جابر
جابر: طيب يله تعالي افطري ولما تحسي بالتعب اطلعي اوضتك كملي نومك ,انا كنت طالعلك والبيه راح شغله
جمره: طيب
جابر: قالي انه هيرجع ع طول وطلب مني اهتم بيكي وارعيكي , تعرفي فضل قاعد جنبك طول الليل واول ما طلع النهار راح شغله منمش اطلاقا
جمره بفرحه: بجد ياعم جابر
جابر: ايوه هو بجد قلقان عليكي , عشان كدا بطلي عناد اليوم , واقعدي افطري وبعدها اطلعي استريحي في سريرك
جمره هزت دماغها وراحت قعدت ع السفره وقالت بسعاده لنفسها: طلع قلقان عليا
..........قصص منه محمد كاتب.............
في الكافيه
حط قدامها كيسه شفافه وبصلها
لوجين: لمين دي
حارث: ليكي
لوجين ابتسمت بتوتر: دي رصاصه يا حارث. مش فستان ازاي تبقي ليا
حارث: انتي في العادي مش بتحبي الكدب, ليه مش صادقه اليوم معايا
لوجين بحقد : ليه مش مصدقني
حارث: لاني متاكد انك انتي الي ضربتيها بالنار
لوجين بعصبيه: انت بتتهمني
حارث قام من مكانه: تمام لو مقولتيش مين الي عمل كده , هبعت الرصاصه دي للمعمل الجنائي وهنعرف مين قريب
لوجين خطفت الكيسه وحطتها في الشنطه وقالت له: استني لو طلعت دي ليا, هتعمل ايه
خارث: ليه عملتي كدا يالوجين
لوجين: لانها حرضت عماد يطلقني ,ده سبب مش كفايه
حارث: لاْ مش كفايه, انتي ملكيش اي حق تاخدي حياه غيرك, لما طقت الفكره الشيطانيه دي في دماغك, مفكرتيش انك ممكن تبقي متهمه في شروع في قتل
لوجين: انا مكنتش عايزه اموتها, انا بس حبيت اقرصها , وعارفه انك مستحيل تدخلني السجن انا اختك والا ليه جبت الرصاصه ليا
حارث: جايز مقدرش اساعدك المره دي, بقيتي من غير قلب ولا ضمير الرصاصه دي فيك مش حقيقه الاصليه في المعمل الجنائي , وانا هتعامل مع القضيه دي حسب القانون
لوجين قامت من مكانها بعصبيه: حارث هترمي اختك في السجن
حارث: حضري نفسك وشوفي لك محامي يدافع عنك, ده الي اقدر اقدمهولك
لوجين بتحاول تحصله: استني يا حارث نتفاهم
...........قصص منه محمد كاتب.........
قاعد في مكتبه مع عميل بيتكلموا في الشغل
لوجين: بابي الحقني
فاتح بصلها :فيه ايه دخله بالشكل ده
الراجل قام استئذن ومشي ولوجين بصت لابوها: الراجل ده ليه جاي يقابلك ليكون جاي يطلب منك تكون وزير
فاتح ابتسم: ايوه
لوجين: حلو يبقي تساعدني, لان محدش هيسمحلك تبقي وزير, لو بنتك دخلت السجن
فاتح: عملتي ايه من يومين طلبتي رقم سواقي القديم ,عشان تعملي مصيبه
لوجين: ايوه لان حارث مش عايز يساعدني وقالي هيطبق القانون ازاي يتجرء يعمل معايا كده
فاتح: اتكلمي بأدب
لوجين: بابي مش وقته خالص تعلمني الادب , انت لازم تساعدني انت وحارث
فاتح: عملتي ايه ما تنطقي
لوجين بعد ما سردت المصيبه الي عملتها فاتح طلب منها تتصل بعماد فورا
لوجين اتصلت واول مارد قالتله بغيظ: اخيرا رديت ع رقمي فكرتك عملتلي بلوك
عماد: عايزه مني ايه يا لوجين
لوجين: مش عايزه منك حاجه , اتصلت بيك لان بابي عنده موضوع مهم عايز يتكلم معاك فيه تعال مكتبه وبسرعه
عماد: خير ممكن اعرف بخصوص ايه
لوجين: بابي هيبقي وزير
عماد بصدمه: ايه ابوكي ناوي يرشح نفسه وزير
...........قصص منه محمد كاتب................
في المستشفي العام
جمره بصتلها بتعجب: ليه جايه من الناحيه دي , مفيش علاج اليوم , واشتريتي قهوه بالفلوس
ريم ضحكت وقالت: فيه واحد جه يجيب علاجك بدالي
جمره وسعت عيونها: مين ده اوعي تقولي عماد جه هنا
حارث من وراها: هتحبطي لو مكنش عماد
جمره لفت: حارث بشا ازاي جيت قصدي ليه مروحتش الشغل
حار: اخدت اجازه وبلغت رئيسي لازم اخد مراتي للبيت
جمره شدت منه الكيس وهو ضحك ع شكلها
جمره: انت بتضحك ع ايه ممكن تبطل
حارث بعناد: مش هبطل
جمره ابتسمت ابتسامه مداريه: عيب احنا في مستشفي
حارث: وانتي ليه بتبتسمي
جمره خبطته بالكيس: انا ابتسمت فين يامجنون
..........قصص منه محمد كاتب..............
في منزل حارث دخلوا الثلاثه لقوا واقف منتظرها
عماد جري بخطواته عليها بلهفه: جمره سمعت ان حد ضربك بالنار عامله ايه
حارث بغيظ: هو انت متعرفش تسلم الاول
عماد بصله: حارث اتكلم معايا براحه مش كده
حارث: هي لوجين مش هنا
عماد: ممكن اتكلم مع جمره
حارث: ياريت تعمل ده _ بصلها_ متتكلميش معاه مده طويله باس دماغها انا بعشقك
عماد بصله بغيظ وحارث اخد ريم ومشيوا من المكان
جمره بصت لعماد: ايه الموضوع قول بسرعه هروح لحارث
عماد: طمنيني الاول ع جرحك بيوجعك كتير تعالي نقعد الاول
جمره برفض: لا مش عايزه اقعد, انا تعبانه ومحتاجه اطلع انام
عمد: انا عرفت ان الي عمل كده لوجين وبعتذرلك بالنيابه عنها
جمره: مفيش لزوم الاعتذار لان لو شوفت جوزي مع واحده تانيه يمكن اقتلها والمره دي انكتب لي عمر جديد وطلعت عايشه لكن لو فضلت تيجي تشوفي بالشكل ده المره الجايه جايز اموت
عماد: مفيش مره جايه انا هطلقها
جمره بذهول: ايه تطلقها ليه
عماد: عشان بجد مش قادر اتحمل اعيش معاها بعد الي حصل , الي عملته كتير وعايزك تعرفي لما اكون حر
حارث دخل وقطع كلامه وقال: خلصت كلامك مع مراتي ياعماد
عماد: انا خلصت الكلام
حارث: طيب تقدر تمشي
عماد: بس لسه عندي الي اقلهولك
حارث بصلها: جمره ادخلي اقعدي انتي مع ريم
جمره: حاضر
عماد: عايز اقولك اني عرفت ان اختك الي عملت كده في جمره
حارث: اختي مراتك كمان ولو مكنتش بتيغير عليك مكنتش عملت الي عملته
عماد: انا معترف بغلطي
حارث: وازي هتتحمل المسؤليه عن غلطك
عماد : هتحملها هبقي المحامي للوجين انت متقلقش
حارث وهو بيلف ماشي : ده بس
عماد لما اطلعها من القضيه هننفصل , وحبيت اقولك انا حاسس ان جوازك غريب من الاول ولو مش بتحب جمره سيبها , لان بعد ما اطلق اختك هرجع لجمره
حارث قرب اكتر منه ونطق ببطء : ابعد عن الي يخصني
عماد: الحاجه الوحيده الي قدامك تعملها ياحارث انك تكون هادي قدر الامكان , او هتخسر لوجين سمعتها اما بالنسبه لي هتعامل مع قضيتها وبعدها هطلقها قبل ما يدخل ابوها مجال السياسه ومن ملامحك بتقول انك متعرفش حاجه عن الامر ده, ان عمك اترشح في الانتخابات واحتمال كبير يكون وزير , وطلب مني اكون استشاره القانوني بس دلوقت ربما مكنتش مرتاح للوضع , وانت استغل وقتك تهتم بالي حواليك , وبالنسبه للي يخصني هاجي اطلب منها ترجعلي
عماد وهو خارج قابل اعتماد بتنزل من التاكسي ومعاها ابراهيم
عماد ابتسملها: اهلا ياطنط جايه تطمني ع جمره
اعتماد بغضب اسود وانفعال : مراتك ضربت بنتي بالنار ومش مستغربه ازاي تعمل كده في بنتي والي خلاني اسكت لانك زمان ساعدت بنتي وشكرتك ع معروفك وبنتي وطت راسها قدامك طول الفتره الي فاتت , بس بعرفك لو مراتك قربت من بنتي هاكلها بسناني مترجعش تقولي محذرتكش
جمره طلعت ع الباب: ماما بتعملي ايه هنا ليه مدخلتيش
اعتماد: واقفه بسلم ع الشخص ده دقيقه
حارث: امشي ياعماد مش هعزم عليك تفضل هنا لان ده وقت خاص مع عيلتي
عماد بص لجمره الي لفت وشها عنه وكشرت
حارث: اتفضلي يا ماما اعتماد
اعتماد: ابني حبيبي جبتلك محشي كرنب
جمره: وانا جبت لي ايه
اعتماد دخلت لجوه: مجبتلكيش حاجه
جمره وهي اخله وراها وبتزعق: امال انا هاكل ايه, ليه بتعملي معايا كده
حارث بص لعماد بضيق ودخل واغلق الباب في وشه
اعتماد: الله بيتك ده يا بنت المحظوظه , الله ع الشقه وجمالها حلوه وواسعه
ريم: جمره ادخل الحلل دي فين
جمره : حطيها في المطبخ ع البوتجاز
ريم :فين المطبخ ده
جمره: فيه واحد تحت وواحد فوق
اعتماك هو فيه فوق كمان, يابختك عايشه في بيت دورين , وجوزك ظابط وغني ووسيم , وطالع شبهي بهتمامه بيكي
جمره بتريقه: اه اصل انتي كان عندك جاكوزي زي ما عنده , تعرفي تسكتي يمه , انا كنت باخد ضرب وشتيمه كل يوم لو مامتش وليا عمر جديد ,ده يعتبر انجاز كبير يا اعتماد
اعتماد ابتسمتلها: لا دلوقت لا هشتمك ولا اهينك لزوم الوضع الجديد , ومن دلوقت متقوليش يمه تقوليلي يمه هانم
جمره:يمه هانم
اعتماد: ياه كان نفسي اسمع الكلمه دي من زمان
جمره: اماه فيه اي حاجه تانيه ممكن من هنا وجاي متقوليش يامهزئه يا ام لسان طويل
اعتماد: طيب امال فين جوزك
جمره طلعت لقته قاعد قدام الباب وسرحان شكله بيفكر
حارث حس بيها بسؤال : في ايه
جمره وقفت قدامه : عندك عيون في دهرك كمان
حارث رفع عيونه عليها ونظرته بتنطق وتعبر انه مضايق كتير!!
جمره : قالك ايه عماد ضايقك كده
حارث :قالي انه هيرجع ياخدك
جمره : وانت هترجعني ليه
حارث: يعني انتي عايزه ,وهتموتي وترجعليه
جمره :مين قال
حارث : شايف اتقبلتي كلامه في الحال ليه بجد عايزه ترجعيله
جمره , انت عايزني ارجعله , عشان ترجع لشوشت, اصبر شويه لاننا قريب هنطلق
حارث بنرفزه: انتي بتقوليلي ولا بتقولي ده لنفسك
جمره: ايا كان صدق الي عايز تصدقه في الاول كنت مفكرني عشيقته
حارث: امال ليه في كل مره مش بتنكري ده , مره انكريه
جمره: رغم لساني انكر لكن قلبك مش عايز يصدق هيفيد بايه انكاري
.................قصص منه محمد كاتب................
في العربيه بترقص وقلبها مليان بالسعاده ع الاغاني الاجنبيه
حارث بصلها وقال بهدوء: ليه متحمسه اوي كده
جمره: من حقي اتحمس دي اول مره اقعد في عربيه واطلع من الحاره, اخري الاتوبيس ونلزق في بعض لدرجه بقينا عاملين زي الزوج والزوجه
حارث حرك دماغه وابتسم ع حماسها وشقاوتها البريئه
جمره: اه بصحيح مقلتليش مزاجك عامل ايه دلوقت احسن اصلك واخدني للتسليه
حارث: لسه زهقان وقلت نطلع اي كان نغير جو شويه واريح اعصابي شويه حتي لو ريم ووالدتك عايزين يجوا يقدروا مش هقول حاجه
جمره بحزن: بلاش احسن, انا لو منضربتش بالنار امي مكنتش هتيجي اصلا تزورني
حارث: ممكن تبطلي تقولي امك مش بتحبك , هي لو كدا كانت هتحط تراب في بؤئك وتخليكي تموتي
جمره: فاكره مره عملت كده, بس مامتش اغمي عليا
حارث ضحك: انتي فظيعه
جمره: بس ايه الاماكن الحلوه دي, انا مشفتش الجمال ده قبل كده
حارث شويه ووقف العربيه وربع ايده يتابعها وهي بتجري في المكان وفاتحه ايدها بسعاده
جمره: دي مزرعه حلوه اوي بشا ايه الجمال ده كله
حارث فتح شنطه العربيه وقالها: ممكن تيجي تساعديني ندخل الحاجات جوه الاول ولما الشمس تغيب نبقي نطلع نتمشي وافرجهالك
جمره: تمام ابشا بس هو ينفع نقعد هنا يومين
حارث: طبعا نقدر
جمره: هي المزرعه دي لمين
حارث: دي بتاعه امي , وباجي هنا كل فتره لما اكون زهقان , يله رتبي الدنيا وظبطيها مالك هبط حماسك الي كنتي جايه بيه ليه
جمره: انت ظابط ازاي تكون غني اوي كده , وعمال ترش عليا فلوس , انت مرتشي
حارث ابتسم: ايه رايك مش عندك معلومات عني
جمره :عندي ايه. انت مجنون , معنديش حاجه , لو عندي هسالك, انا بسالك بصراحه وانت تجاوبني
حارث: يله شهلي نرتب الحاجات وبعدها نقعد نتكلم , لان اليوم هنفتح قلوبنا لبعض , عندي امور محتاج اسألك عنها
جمره: احط ده فين
حارث أخد اللاطباق من ايدها وقال : هنا في دولاب المطبخ
..........قصص منه محمد كاتب..............
جمره : الاكل حلو اوي يبشا , اه بصحيح قلت انك عايز تفتح قلبك , يله افتحه مستني ايه
حارث: عايزه تعرفي مني ايه عشان نقرب اكتر من بعض ونبقي اصحاب
جمره بسخريه: بتتكلم وكاننا هنعيش مع بعض العمر كله
حارث : جايز
جمره :هاخد كلامك ع محمل الجد
حارث :يبقي تعالي نتعرف ع بعض انتي بتثقي فيا
جمره: ايوه
حارث: ليا ورث غير المزرعه , عندي عماره كبيره بس بأجرها
جمره: يعني انت مليونير
حارث : امي غنيه بس لما ماتت عمي اهتم بكل حاجه , وبما انه كان وصي عليا باع شويه اصول وحول الباقي
جمره بهتمام: حوله لمين
حارث سكت و مزيج من سحر الحزن لمع في عدسه عيونه
جمره تابعت: مش قلت نثق في بعض
حارث: معرفش ولما وصلت للسن القانوني راجعت الثروه , واهتميت ده بنفسي والي كان فاضل اخدته وكبرته بالتدريج
جمره:ليه مخليه سر انت , مش واثق في ذمه عمك
حارث: بتثقي في ابوكي
جمره سكتت وهو تابع: مش قلتي نثق في بعض, مرام قادر اساعدك ورغم عارف مش بتحي تعتمدي ع حد بس ممكن تعتمدي عليا طول ما احنا سوي , وثقي فيا وقوليلي ليه بتشكي ان ده ممكن ميبقاش ابوكي
جمره بدئت تسرد وقالت: زائد الضرب الي بتشوفه ع وشي وجسمي منه فيه مشكله تانيه اكبر واعمق
حارث: ايه هي
جمره عيونها جمعت دموع: عمري ما هنسي في يوم كنت مريضه جدا وانا في رابعه ابتدائي وكنت محتاجه نقل دم وفصيله دم امي وريم طلعت مختلفه عني وبدل ما هو يتبرع بدمه عشاني سمعته بيقول حتي لو قادر يديني دم مش هيعمل ده لو بموت قدامه , ده غير كان بيجرجرني من ايدي عشان اشحت بالعافيه كنت بحس لما برجع البيت روحي مخنوقه مكسوره حتي العياط مش قادره عليه وكان بيضربني لما ارفض من هنا بقيت متأكده اني مش بنته , لو بنته حقيقي كان هيتراجع لو شويه بس ده كان بيزيد ولا مره صعبت عليه لو في امكانه يضربني لحد ما يموتني كان عملها من غير ما يرمش له جفن كنت افضل ابص للسما واقول لربنا انا تعبت راضيني عشان تعبت ,وحاجه كمان كنت لما اصحا بالليل اشوف بيبحلق فيا انا وريم واحيانا يلمسني والنظره الي كان يبصلنا بيها مقرفه وده لسه محفور في دماغي مش بيروح لانه مقرف اوي بعد الليله دي مبقتش بثق في حد ,ومش عايزاه يقرب مني_فضلت تهز دماغها بجنون
حارث قام سرقها في حضنه بسرعه : مرام
جمره انهارت على الأرض وحطت دماغها بين ايدها بهستريا: ولا من ريم لا مش عايزاه يقرب مننا
حارث ضمها برحمه وشفقه عليها : خلاص اهدي
جمره بهستريا: لا يقرب مني ولا من اختي
حارث مسح ع شعرها بخوف ولما اطمن انها هديت قام عملها كوبايه عصير وقالها بمرح: احلي كوبايه عصير للعيوطه
جمره: اسفه تقلت عليك
حارث: عادي مفيش حاجه , عملت الاكل عشانك وطلعت كربايه واحده هديه للبنت الجامده ده انا جنبك مشاكلي تافهه جدا, بس لسه محظوظه عندك ام واخت وبيحبوكي كتير, بصيلي انا مليش حد
جمره: والله اخص عليك , لا بجد اخص, وانا روحت فين ولا هتمثل عليا بقي عشان اديلك من الكربايه
حارث: ها طلعت حلوه
جمره: حلو اوي اوي