رواية لكل حب حكاية الفصل الرابع 4 بقلم محمد منصور
ح(4)
لكل قلب حكاية
من تاليفي
محمد منصور. *منص*
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★وفضل أمين يبص علي باب الصيدلية ويقول بغضب مكتوم
هي البت دي اتاخرت لية دة كله. طبعا تلاقي الاثنين واقفين يرغوا مع بعض ويقالو عرفنا نضربهم علي قفاهم وقال اية مليكة تروح له الصيدلية ويعملو نفسيهم انهم اتخانقو مع بعض. وانا خروف وابلعها
وفي الوقت دة تخرج مليكة من الصيدلية ويبص امين بسرعه علي ايدها علشان يشوف ازازة الدواء خدتها ولا. لا. ف يلاقي ازازة الدواء في ايدها فيتعصب جدا ويقول بمنتهي العصبية
وقعت في ايد اللي مش هيرحمك يا عز
وخرج من اوضة مليكة وهو ناوي علي الشر ليها ول عز واتفتح باب الشقة ودخلت مليكة الشقة علشان تلاقي قلم قوي جدا نازل علي وشها اتوجعت وصرخت وقالت وهي بتبص ل امين
لية هو انا عملت لك اية
مسكها من حجابها وقال بعصبية وبصوت عالي
مش عارفة يا زبالة. بتستغفلينا يا بت. اربع رجاله مش مالين عينك اية اللي بينك وبين عز انطقي
مليكة
مافيش
ضربها برجله وبمنتهي القوة في قصبة رجليها ضربه غشيمة وقعت بعديها مليكة علي الارض وداس امين علي وش رجلها بغباء وقال
انطقي ولا هكسر رجلك
مليكة وهي بتعيط
انت حيوان وغبي
داس اوي علي وش رجليها صرخت مليكة وهنا اتفتح باب الحمام وخرج ممدوح اللي كان بياخد دش لكن صرخت مليكة خليته يلبس هدومة بسرعه ويخرج حتي من غير ما يتنشف. وهجم علي امين وزقة بعيد عن مليكة وقال
انت بتعمل اية في مليكة
امين
بربيها. يا عم الشيخ. طالما انت بوظتها بدلعك
خرج عمر من اوضة بمنتهي البرود وفضل يبص علي اللي بيحصل ومرسومه علي وشة ابتسامه الشماته وممدوح بيقوم مليكة وهي بتعيط وبتقول
مش قادرة ادوس علي رجلي. شكلها اتكسرت
امين وهو بيضربها ب القلم.
عقبال رقبتك
ضربه ممدوح بالقلم. و زقة بمنتهي القوة لدرجة خليت امين يخبط في ازاز مرايا الصاله اللي اتكسر. وقعد ممدوح مليكة علي كرسي الانترية وبص ممدوح ل امين وقال
وربي وما اعبد. ان قربت منها تاني ل اكون مخلص عليك با يدية
امين يهجم علي ممدوح ويمسكة من هدومة. وهو بيقول
عارف لو حد غيرك هو اللي عمل اللي انت عملته
وطلع امين مطواة من هدومة وفتحها بص له ممدوح بتحدي شديد وقال
اية هتقتلني
امين بص اوي في عيون ممدوح وقفل المطواة وشالها تاني وقال
لا. ما ينفعش انت برضو اخويا. الكبير
ممدوح
لا. فيك الخير. ابوك عرف يربيك
امين
بس لازم تعرف الهانم اختك عملت اية.
ممدوح
مهما تعمل ما حدش هنا لي الحق يمد ايدة عليها
امين
حتي لو عرفت انها مقرطسنا كلنا وعاملة غرميات مع عز
بس ممدوح ل مليكة اللي قالت وهي مفحومة من العياط
ورب الكعبة دة كذاب. انا ما فيش اي حاجة بيني وبين عز
امين بعصبية
يا بنت المراة. دي ازازة الدواء اللي في ايدك تشهد علي وساختك
مليكة بعصبية
انا مش وسخه. انا احسن منك ومن مية زيك
ممدوح بعصبية شديدة
بس انتو الاثنين.
وبص ممدوح ل امين وقال
لاخر مرة يا امين. اتكلم باسلوب احسن من كدة وما تنساش ان دي اختك. وفهمني اية اللي حصل
امين
عارف انا ضربت عز لية.
ممدوح
عز حكي لي علشان خاطر كنت عايز دواء ما بيطلعش الا بروشته علشان دخل جدول
امين
اهو انا بقي لما عرفت ان عز ما اتنازلش عن المحضر الا بعد ما الهانم راحت له الصيدلية. قولت بقي دي فيها اينا ولازم اتاكد بعتها من شوية تجيب نفس الدواء الكودافين. وعز اداها الدواء. واهو في ايدها. يبقي اية بقي. احنا عايشين معها خوجات.
بص ممدوح تاني ل مليكة اللي قالت
والله العظيم دة كذاب. وعز ما وضيش يديني الدواء اللي هو قالي عليه وقالي دة جدول وما بيطلعش الا بروشته واداني دواء تاني قالي دة كويس للكحة برضو
وفتحت مليكة الشنطة اللي كانت لسة في ايدها وفيها ازازة. الدواء. وطلعت دواء تاني. اسمه اوبلكس. اتصدم امين وقال ممدوح
يا اخي روح منك لله. فضحت اختك وكسرت رجليها وهي مظلومة. واللي اسمه عز كمان مظلوم
عمر هنا وقف قدام منهم وقال
ولية ما يكنش امين صح. وعز دة حويط وعرف ان امين هو اللي باعت مليكة وعلشان كدة اداها دواء تاني
ممدوح بمنتهي العصبية
انتو اية. شياطين بتخوضو في عرض اختكم بالباطل لية اذيتكم في اية مليكة دة متربية احسن تربية
عمر بمنتهي البرود وبصوت الشياطين
انا. بس. كنت بقول رايي. يا بابا ممدوح
ممدوح
عمر امشي خش اوضك بدل ما اربيك من اول وجديد
ابتسم عمر وقال
وعلي اية الطيب احسن
وراح ناحية اوضة وفتح الباب ووقف وبص ل امين وقال
مش انا. ما بحبكش بس انت صح في اللي عملته
ودخل اوضة وممدوح بص ناحية الباب المقفول ورجع بص ل امين وقال
انزل شوف لينا توك توك ناخد في اختك ل اقرب مستشفي علشان نشوف رجليها حصل فيها اية
امين
انزل انت بيها انا ماليش دعوي
وفتح امين الباب شاف الجيران علي السلم كلهم باصين ناحية باب الشقة. الفضيحة بقيت بجلاجل زي ما بيقولو
شخط امين في كل الواقفين وقال
اية. ما كل واحد يروح يشوف حاله. جيران هم
اتحركوا الجيران من الخوف من رد فعل امين ونزل امين وممدوح قال
ربنا ينتقم منك. فضحت اختك بالغشومية بتاعتك،،،،،،
ومن الشارع يمشي امين وكل اللي في الشارع يبصوا عليه بما فيهم عز لكن امين بص ل عز بكره شديد وعز رد له نفس البصة بنفس الكرهه ودخل الصيدلية وقابل وحيد امين وقال
اية ياعم. في اية صوتك كان جايب اخر الشارع
امين
مافيش.
وحيد
لا. في والحوار يخص عز ومليكة
امين بعصبية
ولا. لم لسان اهلك بدل ما تيجي فيك
وحيد
طيب بس بس. هو انا قولت اية ل دة كله،،،،،،،،،
وبعدها بشوية ومن جوة احدي المستشفيات تقعد مليكة قدام دكتور بيجبس لها رجليها وممدوح واقف جنب منها ومعه احته شيماء وعماد وسمر. وانتهي الدكتور من الجبس وقال ل ممدوح
مش عايز اعرفك تاني. اختك الكسر اللي في رجليها في عضمة صعبه انها تتلم. يعني نصيحة الحركة لمدة 3 اسابيع ممنوعه الا في اضيق الحدود.
هنا شيماء قالت
يا حبيبتي يا اختي
وبدات شيماء تعيط قال عماد
شيماء مش كدة
بصت له شيماء وسكتت. ودخلت ل اختها. هي وسمر، ،،،،،
ومن جوة تاكسي كان في ممدوح قاعد جنب السواق وفي الكرسي اللي وراء شيماء وسمر. وجنب منهم مليكة بتبص للطريق ودموعها علي خدها وبتقول
رجلي وجعاني اوي
شيماء
الهي تنكسر ايدة امين ابن امي وابويا. اشوفو يارب مولع
ممدوح
شيماء. خلصنا
شيماء
ماخلصناش. وانت اخونا الكبير ولازم تربي اللي اسمه امين دة. ولو مش عارف قولي وانا اربي. البلطجي بتاع المخدرات
بص لها السواق وممدوح احرج فقال
قولت خلاص. لا دة وقته ولا دة المكان اللي نتكلم في.
شيماء
ماشي يا ممدوح. بس بقي عايزا اعرفك ان اختك هتقعد عندي ال تلت اسابيع دول ل غاية ما تخف
ممدوح
وجوزك
شيماء
جوزي طول اليوم في الشغل بيجي علي النوم.
ممدوح
يا شيماء بلاش اختي تبقي تقيلة علي حد
سمر
شيخ ممدوح انا شايفة ان شيماء بتتكلم صح مين هيخدم مليكة الفترة دي كلها
مليكة
انا كمان ما حبش ابعد عن اوضي
شيماء
انا قولت اللي عندي ومافيش كلام تاني. مش هسييك تقعدي هناك لازم البلطجي يعرف قيمتك ويجي ل غاية عندنا يقول لك حقك علية
ممدوح
طيب قولي ل جوزك الاول
شيماء
قولت له وقالي بيتها ومطرحها، ،،،،،،،،،،
وبعدها بشوية ومن جوة اوضة نوم شيماء. تقعد شيماء علي السرير قدام جوزها فوزي اللي كان بيقول بصوت واطي
هو اية امين دة ملهوش كاسر هيفضل سايق فيها كدة لغاية امتي. يكسر رجل البت الغلبانه. دة حتي مليكة دي حتة سكر
شيماء
المفتري علي ربنا. المهم مش عايزاك تزعل اني جبتها هنا من غير ما اقول لك
فوزي
بقي دة كلام برضو دي اختك والبيت بيتها. ومش عايزا هنا تبقي محتاجة اي حاجة. ولو بتحب نوع اكل معين عرفيني ابقي ازود منه
شيماء باست ايد فوزي وقالت
ربنا ما يحرمني منك يا فوزي
فوزي باس ايدها وقال
ولا يحرمني منك.
شيماء
طيب تعالي بقي نقعد معها شوية علشان ما تزهقش انها قاعدة لوحديها او تحس انك زعلان مثلا انها هنا،،،،،،،
وخرجوا الاثنين من الاوضة وراحو ناحية مليكة اللي كانت قاعدة بتتفرج علي التيلفزيون وقال فوزي
معلش بقي التيلفزيون عندنا 21 بوصة بس
مليكة بابتسامه حزينه
واحنا يعني اللي عندنا في الصاله شاشة عرض.
ضحكوا الاثنين وقالت شيماء
اقوم اعمل لكم عصير
مليكة
كفاية بقي ورحمة امك انا ما بقتش قادرة.
فوزي
بقول لك اية هو كدة القعاد عندنا بالمشاريب.
وبص فوزي ل شيماء وقال
قومي اعملي عصير وفشار
مليكة
حلو مع حاتة. ازاي طيب. انتو عايزين تعملو فيا اية.
شيماء
عايزينك طيبة. يا اطيب خلق الله
مليكة
هتعبك معايا يا شيموو
شيماء
هضربك علي فكرة.
مليكة
اضربي. ما انتي اللي فاضلة،،،،،،،،،
وتعدي اول ليلة وعز فتح تاني يوم الصيدلية وفضل يبص علي شباك مليكة مستني انها تبص زي كل يوم. لكن طبعا مافيش مليكة. وجه اليوم التاني والتالت. قلق عز ما يعرفش لية هو قلق. لكنه قلق. شاف سمر معدية افتكرها وقال ل نفسه
مش دي اللي كانت مع مليكة. طيب اسالها. ولا. ما ينفعش
وفضل يفكر لكام ثانية وفجاة قرر يسالها لان كل اللي حصل بسببه. ونزل باب الصيدلية ومشي وراء سمر واستغل انها دخلت في حتة هادية شوية وبعيد عن الشارع فقال
انسة. انسة
وقفت سمر وبصت له وقالت
دكتور عز. خير
عز
انا في الاول طبعا اسف اني وقفتك في الشارع كدة وتاني حاجة كنت عايز اسالك عن صاحبتك مليكة. مش برضو انتي اللي كنت معها وقت الخناقة
سمر
اة. بس يعني هي مليكة تخصك في اية علشان تسال عنها
عز احرج وقال بارتباك شديد
من يوم خناقة امين معها. وكلامه اللي جاب في سيرتي ونزول ممدوح بيها وهو شايلها وانا ما بشوفهاش في الشارع. هي حصل لها اية
سمر بمكر
يهمك تعرف
عز
واضح اني كل مرة هي اتبهدلت فيها كنت انا السبب. ف أنا حاسس بالذنب بسبب اللي حصل لها وبسببي
سمر
هي بصراحة اتبهدلت بسببك كتير واخر البهدلة رجليها اللي اتكسرت
عز
للدرجة دي
سمر
ربنا يكفيك شر غشيم زي امين اخوها
عز
هو اللي كسر لها رجليها
سمر
هو.
عز
طيب وهي فين دلوقتي
سمر
انا كنت رايحة لها تحب تشوفها
عز قلبه دق وقال
لا. طبعا ما ينفعش
سمر
خلاص سلام
ومشيت سمر خطوتين بالظبط وهنا سمعت عز بينادي وبيقول
انسة
ابتسمت سمر وقال في سرها
ما كان من الاول صحيح يتمنعن وهما اللي عاوزين
وبصت له وقالت
نعم، ،،،،،،،،،،،
ومن جوة الاوضة اللي فيها مليكة كانت مليكة بتتكلم في الموبيل وبتقول
ما تطلعي يا سمر طالما تحت بيت شيماء. هو انا قادرة ابص من الشباك
سكتت شوية مليكة وبعدها قالت
دة انتي عيلة مؤذية. اديني قايمة اهو وهروح للشباك بس اصبري بقي. حاكم انا بقيت عاملة زي عم ايوب. يعني لو وراكي مشوار روحي خلصي وتعالي
ولبست مليكة الحجاب وقامت وهي بتتسند علي العجاز اللي جنب منها وراحت للشباك الموجود في الاوضة ووقفت في الشباك وقالت
اديني وصلت الشباك انتي فين
رفعت سمر ايدها من علي الرصيف اللي قصاد البيت وقالت
انا اهو
شافتها مليكة لكنها برقت واتصدمت لانها شافت عز واقف جنب سمر. فقالت في الموبيل
اية دة بتخونيني يا سمر ومع مين عز
ضحكت سمر وقالت
يا غبية اسكتي
مليكة
انا مش غبية وعارفة كل حاجة. وعز دة حبيبي انا ومسيري اخف واقف علي رجلي واعلمك الادب يا سمر
سمر
انا فاتحة الاسبيكر علي فكرة
هنا تسمع مليكة صوت عز بيقول
الف سلامه عليكي انسة مليكة. واسف علي اللي حصلك بسببي
بصت له مليكة وقلبها فضل يدق ويدق ويدق وعز قال تاني
انسة مليكة انتي سمعاني
مليكة
انت بتكلمي انا
ضحك عز وقال
في حد في المكالمة اسمه مليكة غيرك
مليكة
اديني سمر ورحمة امك
عز ضحك تاني وقال
انا امي عايشة
مليكة بارتباك شديد
ربنا ياخدها. اقصد يعني
مابقتش عارفة تقول اية لكنها قالت
اديني سمر.
عز وهو عمال يضحك
سمر معاكي
سمر
ايوة يا مليكة
مليكة
اقفلي الاسبيكر علشان هشتمك بامك
سمر
لية بس
مليكة
قفلتي الاسبيكر
سمر
قفلت. قولي بقي عايزا
لسة هتتكلم مليكة قالت سمر
اوعي تنطقي ولا كلمة اختك وراكي
بصت مليكة وراء منها وشافت شيماء اللي بتبص ل سمر وعز وقالت
ممكن اعرف اية اللي بيحصل دة
سكتت مليكة من المفاجاة، ،،،،،،،،،،