رواية لكل قلب حكاية الثاني عشر 12 بقلم محمد منصور
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
ومع اذان الظهر يرن موبيل مليكة وتصحي مليكة علي صوت الرنه فتمد ايدها وتمسك الموبيل وتبص في وتبتسم وتقول
عز. صباح الفل
عز
اية النوم دة كله.
اتعدلت مليكة وحست بوجع في جسمها كله وقالت
ما عرفش عماله انام واصحي وانام واصحي وجسمي كله مهدود
عز
لية بقي. كان عندك تمرينه في الجيم امبارح
مليكة
اة. كنت بلعب باي
عز ضاحكا
تقصدي عضلة. باي باي.
ضحكت مليكة وقالت
ايوة هو دة. انا عارفة كل حاجة
عز
طيب هي فين عضلة باي باي دي
ملبكة بثقة هي بس اللي تتحسد عليها قالت
في كف الايد
عز ضاحكا
أشمعني. يا انصح ما رات عيني
مليكة
مش احنا لما بنشاور باي باي. بنشاور بايدينا.
عز
الله اكبر عليكي وربنا انتي دماغك دي كنافة بالطعمية
ضحكت مليكة اوي ،،،
وفي نفس الوقت كان عمر واقف عند باب الاوضة وسامع ضحكتها وهو مغلول وكان بيقول في سرة
ازاي لسة بتكلمة عادي دة عديت علي العمل قدام مني. ام حبشي دي نصابة ولا اية
هنا يلاقي قدام منه ممدوح بيبص له وبيقول
واقف لية كدة عند باب اوضة مليكة
عمر اتفزع وقال
ما فيش.
وسابه ومشي وممدوح فضل يبص عليه وهو مستغرب وبيقول
ربنا يهديك، ،،،،،،،
ومن جوة بيت ام حبشي يقف عمر قدام ام حبشي وكان بيقول
بقول لك انا سامعها بوداني وهي بتضحك معه. عارفة يا ولية انتي لو طلعتي نصابه
هنا سمعوا اللي شغال عند ام حبشي واستعد للهجوم علي عمر بصت له ام حبشي وقالت
ارجع مكانك يا حودة. عمر مش عارف هو بيقول اية
بص عمر ل حودة بقلق شديد وخوف وحودة بيبص له بصة ترعب وقالت ام حبشي
روح يا شاطر واتفرج لما تشوفو هتعمل اية.
عمر
تقصدي اية
ام حبشي
العمل هيبان لما اختك تشوفو ،،،،،،،،،
ومن جوة شقة عز تقعد وداد قدام عز وتقول له
اية حكاية الذهب اللي انت ناوي تجيبة دة
عز
ما هو لازم نجيب ذهب هي في خطوبة من غير ذهب
وداد
عز احنا هنعيدة تاني
عز
امي هو انتي مش قولتي اني هخطب مليكة وروحنا وقرينا فاتحة مع اخوتها. المفروض اية اللي بعد قراءة الفاتحة. مش نجيب ذهب
وداد
ولما تسيبها والذهب دة يروح عليك
عز
وقتها يحلها الحلال
وداد بشك
لا. مافيش وقتها. انت شكلك كدة ناوي تكمل في الخطوبة دي. لغاية ما تتجوز مليكة وتحطني قدام الامر الواقع
عز
لية خيالك راح لبعيد كدة. وبعدين تفتكري اني ممكن اتجوزها غصب عنك. الذهب اللي هننزل نختارة النهاردة دة. مجرد روتين علشان الخطوبة تتم
وداد
مش عارفة لية مش مرتاحة لك
وهنا يسمعوا الاثنين صوت خبط علي باب الشقة راح عز يفتح ولقي امين استغرب وقال امين
ازيك يا عز
عز
خير يا امين في حاجة
امين
انت متعود تتكلم مع ضيوفك علي الباب كدة
عز
لا. طبعا اتفضل، ،،،،،،
وبعدها بشوبة ومن جوة اوضة الضيوف يقعد عز قدام امين وامين بيشرب شاي وبيحط المج قدام منه وبيقول
علشان كدة انا جيت لك
عز
اول مرة اشوفك علي حقيقتك. راجل خايف علي اختة اللي من دمه وبتفتح قلبك لخطيبها وبتقولو اسرار ما ينفعش اعرفها
امين
انا تعبان اوي يا عز. وحاسس اني ضعيف ومهما خدت مخدرات علشان انسي اللي حصل مش عارف. الصور اللي جت للست والدتك كسرتني. اختي يتلعب بيها وانا حي. وفي اللي ضحك عليها وعرف ياخد منها الصور دي. عايز اقتلها بس قلبي بيقول انها مظلومة لاني عارف مليكة اكتر ما اعرف نفسي. ولو في يوم اتعصبت عليها دة من خوفي عليها مش وحاشة مني. علشان كدة انا جيت لك النهاردة وقولت لك وهقولك تاني. لو في يوم الصور دي هتكون سبب في انك تكسر فرحة مليكة بلاش من دلوقتي تعلق مليكة بيك اكتر من كدة.
عز
الصور انا شوفتها ورغم كدة انا مصمم اكمل في خطوبتي من مليكة. لاني عرفت مليكة وعارف انها مظلومة
امين
انت راجل جدع وانا زعلان من نفسي اني في يوم قريتك غلط
عز
اللي فات مات. واحنا بقينا اهل
امين
اطلب منك طلب تاني
عز
اتفضل
امين
لو في يوم وانت بتتكلم مع مليكة عرفت منها مين ممكن يعمل فيها كدة او مين لي يد ولو من بعيد تعرفني هو مين دة عرضي وانا قلبي قايد نار ونفسي اخد حق اختي
عز
اكيد طبعا.
حط امين كوبية الشاي بعد ما خلصها وقام وقف وقال
همشي انا بقي
عز
ينفع يعني تيجي بسرعه كدة وتمشي
امين
معلش.
ووصل عز امين للباب وخرج امين وهنا تظهر وداد وتقول
دة لو عرف ان اخوة هو اللي فضح اختة مش بعيد يقتله
عز
اول مرة اشوف امين البني ادم مش البلطجي
وداد
غريبة الدنيا دي يبقي البلطجي بالنخوة دي. والتاني يبقي قليل الاصل كدة. بس اوعي يا عز تقول له. انه عمر
عز
بعد اللي شوفته النهاردة في عيون امين بقيت اخاف علي عمر من اللي هيعملو في لو عرف انه هو اللي فضح اختة. بس يفضل السؤال اللي محيرني الصور دي وصلت ل عمر ازاي، ،،،،،،،،،،
وفي نفس اليوم بالليل كان عز داخل بيت مليكة وبيكلمها في الموبيل وبيقول وهو بيضحك
خلاص يا صداع انا وصلت. اهو وطالع لك
مليكة
يعني افتح الباب
عز
افتحي
وراحت مليكة وفتحت الباب واول ما شافت عز صرخت وصرخت وصرخت وبدأ جسمها كله يتنفض وتترعش اتصدم عز وجري عليها زقته بعيد عنها وفضلت تصرخ ووقعت. علي الارض وصراختها لا تتوقف، ،،،،،،،،،،
بعدها بشوية وقت ما كانت مليكة نايمة علي السرير بعد ما اداها عز حقنة مخدر ومع عز يقف ممدوح وامين وعماد وكلهم كانو مستغربين وبص لهم عز وقال
تعالو نخرج ونسيبها ترتاح احسن
وخرجوا كلهم وبص ممدوح ل عز وقال
هو اية اللي حصل بالظبط
عز
زي ما انت كنت عارف انا كنت جاي اخدها علشان تنزل تختار الذهب اللي هي عايزا وكنت معها علي الموبيل وكنا بنضحك ونهزر. اول ما شافتني بدات تصرخ لغاية ما وقعت علي الارض
ممدوح
واية اللي يخليها تعمل كدة
عز
ما عرفش.
هنا يرجع عمر من برة ويبص لهم كلهم ويقول
متجمعين يعني
عماد
اختك مليكة حصلت لها حاجة غريبة وبعديها وقعت من طولها
بص عمر ل عز وقال
وشه حلو علينا
ممدوح
لم نفسك يا عمر
ابتسم عمر الابتسامة الخبيثة بتاعته وقال
اتلميت.
ودخل عمر اوضة وهو فرحان جدا ،،،،،،،،،،
وبعدها بساعه توصل شيماء للشقة وتقابل ممدوح وتقول له بخضة
اية اللي حصل ل مليكة
ممدوح
ما حدش يعرف. شافت عز واللي حصل حصل
شيماء
هي في اوضتها
ممدوح
اة. بس انا سايبنها نايمة
راحت شيماء جري للاوضة وفتحتها علشان تلاقيها فاضية اتصدمت وقالت
ممدوح الاوضة مافيهاش حد
جري ممدوح ناحية الاوضة وفعلا لقاها فاضية اتصدم وقال
راحت فين بس دة احنا سايبنها هنا وانا ما اتنقلتش من الصاله
وخرجوا الاخين وراح ممدوح اوضة عماد وفتح باب الاوضة وبص ل عماد و عمر وقال
حد منكم شاف مليكة
عماد بقلق شديد
ما احنا سايبنها في اوضتها
ممدوح
مش في الاوضة
عماد قام من علي السرير مفزوع وقال
هتكون راحت فين بس
ممدوح
انا ما اتنقلتش من الصاله
عماد
طيب تعالو ندور عليها تاني في الاوضة
شيماء جريت علي الاوضة تاني ووراء منها اخوتها وبداو يدورو عليها لكن الاوضة فاضية خرجوا من الاوضة وقالت شيماء وهي بتعيط
يا حبيبتي يا مليكة روحتي فين
ممدوح بقلق شديد
اتصلي يا شيماء ب سمر يمكن تكون نزلت وراحت لها
اتصلت شيماء ورديت سمر وقالت شيماء وهي بتعيط
سمر مليكة عندك
سمر باستغراب
مليكة المفروض دلوقتي مع عز بتجيب الدهب
شيماء
ما نزلتش معه. وقعت تعبانه وكانت في الاوضة جيت ابص عليها ملقتهاش
سمر
هتكون راحت فين بس
شيماء
ما نعرفش
سمر
لا. انا كدة قلقت عليها. انا هالبس وجاي لكم، ،،،،،،،،
وبعدها بخمس ساعات يفتح باب شقة ممدوح ويدخل ممدوح ومع عماد وسمر وشيماء وامين بعد ما فضلو يدورو في الشارع علي مليكة علشان يلاقو عمر قاعد بياكل وبيتفرج علي التيلفزيون بمنتهي البرود وب بص لهم
وبيقول
برضو لسة ضايعة
عماد
انت يا بارد احنا مش ناقصينك. اسكت خلاص.
سكت عمر ورحع يكمل اكل وفضل يبص لهم وهما هيتجننوا وكلهم بيسالو بعض راحت فين بس. في الوقت تخرج مليكة من تحت السرير وفي ايدها مقص ترمي المقص. وبعدها تمد ايدها تحت السرير تسحب شعرها اللي قصته وتخرج مليكة من الاوضة وشعرها كله علي ايديها وعماله تعيط وبتقول
شعري كله وقع. وما عرفش مين عمله كدة
بصو لها كلهم وجريوا عليها وهي وقعت من طولها تاني، ،،،،
وبعدها بشوية ومن جوة مستشفي خاص كان عز معه دكتور زميلة اسمه نادر وبعد ما كشف نادر علي مليكة بص ل عز وقال
اللي بيحصل لها دة غريب. واول مرة اشوفو. وطبيا. ملهوش علاج
عز
يعني اية. دة كانت من كام ساعه بس ما فيهاش اي حاجة
نادر
انت بنفسك شوفت التحاليل والاشعة بتاعتها ما فيهاش اي مرض عضوي يخلي شعرها يقع بالشكل دة
عز
انا هاتجنن
نادر
عز انا شايف انك تاخدها وتروح خطييتك عندها حاجة ملهاش علاقة بالطب. شوف علاجها في طريق تاني
عز
تقصد اية
نادر
الروحانيات،،.،،،،،،،،،
ومن جوة شقة عز تقف وداد قدام عز وتقول
هو وصل بينا الحال انك يا دكتور عز تروح تحضر جلسة صرف عفاريت وجن
عز
اومال يعني اسيب خطيبتي
وداد
مليكة مش خطيبتك وبلاش النغمه الزفت دي.
عز
اية هتنسي اتفاقك مع امين اخوها
وداد
يغور الاتفاق. اللي خلاك تتعلق بيها.
عز
انا مش متعلق وبس انا بحبها.
وداد
عز بتقول اية اتجننت
عز
بقول اللي قلبي حاسة
وداد
قلبك دة هيجيبك الارض.
عز
انتي لية مش عايزاني اتجوز مليكة
وداد
انت عارف لية
عز
علشان انا دكتور وهي دبلوم
وداد
مش كدة وبس وكمان ليها اخ بلطجي
عز
يا سلام مش دة اللي انتي شكرتي في من يومين
وداد
كلامي عنه بالكويس ما ينمعش ان بلطجي وسوابق وما ينفعش يبقي خال عيالك
عز
انا ماليش دعوي بي المهم عندي مليكة
وداد
وانا قولت مليكة مش هتبقي مراتك
عز بتحدي
وانا مش صغير ومن حقي اختار مراتي بنفسي ومليكة هتبقي مراتي.
وداد
غصب عني يا عز
عز
ما تخلهاش يا امي تبقي غصب عنك. انا همشي علشان لازم اكون جنب مليكة والشيخ عندهم
وسابها عز وخرج من الشقة ووداد كانت مطايقة. وبتفكر ازاي تمنع الجوازة دي ،،،،،،،،،،
ومن جوة اوضة مليكة. كانت مليكة بتصرخ اول ما شافت عز في اوضتها بص الشيخ ل عز وقال
من فضلك اطلع برة
طلع عز وهو مش هاين عليه يسابها وهي في الحاله دي. لكنه خرج ووقف برة الاوضة وساب الشيخ يقراء عليها قران وهي بتصرخ وتصرخ وتصرخ وعز برة قلبه بيتقطع وقف وراء منه عمر وقال
صعبانه عليك
عز بص ل عمر وقال
الغريبة انها مش صعبانه عليك انت
عمر
مين قال كدة. دي اختي
عز
ولما هي اختك عملت فيها لية كدة
عمر
عملت اية
عز
فضحتها بصورها وه،،،،،
قاطعه. عمر وقال
بس. بس. هي ماما فرجتك علي الصور
عز
اة.
عمر
ودة اللي خلاك برضو تيجي تخطبها. للدرجة دي جسمها عجبك
عز مسك رقبة عمر وقال
انت أية. معجون من اية. دي اختك يا زباله
عمر شال ايد عز عنه وقال
اية هتضربني في بيتي
عز
انت مش عايز الضرب وبس انت عايز الحرق
وهنا سمع صوت صراخ مليكة وبص لباب اوضتها فقال عمر
عايزها تبقي كويسة امشي من هنا وفركش الخطوبة واوعي حد يعرف السبب
عز
لية بتعمل كدة. فيها
عمر
اختي وانا حر. ولعلمك بقي لو الشيخ اللي جوة قدر علي اللي انا عملته فيها. وانت فضلت مكمل في حوار الجواز دة. هعملها اللي يأذيها تاني وتالت ورابع. وممكن اعملها شر يخليها تنتحر
عز
انت مجنون. ولازم تتحط في مصحة نفسية
عمر
ايوة مجنون وبعشق اذيتها ارحمها وابعد عنها
صرخت مليكة تاني وتالت. وعمر قلبه بيتقطع وقال وهو باصص في الارض مكسور
لو بعت عنها ترحمها من العذاب دة
عمر
هرحمها. بس لو عرفت انك جيبت سيرتي من بعيد او قريب وعهد الله هاذيها تاني
عز اتكسر وقال
لا. بلاش. ولو تقدر تساعدها دلوقتي ساعدها
عمر
لما تغور وتمشي من هنا
عز
همشي. ومش هتشوف وشي تاني
وبص عز لباب اوضة مليكة وراح ناحية باب الشقة وفتحة وهو قلبه بيموت من الحزن وبص تاني لباب اوضة مليكة وقفل الباب وراء منه ومشئ. ،،،،،،،،،،،،،،