رواية لكل قلب حكاية الثالث عشر 13 بقلم محمد منصور
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★صرخت مليكة تاني وتالت. وعمر قلبه بيتقطع وقال وهو باصص في الارض مكسور
لو بعت عنها ترحمها من العذاب دة
عمر
هرحمها. بس لو عرفت انك جيبت سيرتي من بعيد او قريب وعهد الله هاذيها تاني
عز اتكسر وقال
لا. بلاش. ولو تقدر تساعدها دلوقتي ساعدها
عمر
لما تغور وتمشي من هنا
عز
همشي. ومش هتشوف وشي تاني
وبص عز لباب اوضة مليكة وراح ناحية باب الشقة وفتحة وهو قلبه بيموت من الحزن وبص تاني لباب اوضة مليكة وقفل الباب وراء منه ومشئ. وبعدها بشوية كان الشيخ قدر يمنع الشر عن مليكة. اللي صابعها الصغير كان بيجيب دم اسود. وراحت في النوم من شدة التعب وبص الشيخ لممدوح وقال
كان معمول لها عمل سفلي. بنية الخراب والحزن لكن عمل خايب والجن اللي كان متكلف باذيتها قدرنا عليه بفضل الله.
ممدوح
الحمد لله.
عماد
يعني كدة خلاص بقيت كويسة
الشيخ
تتضواء ديما وتخافظ علي ورد القران وباذن الله هتبقي كويسة.
ممدوح
انا مش عارف اشكرك ازاي يا سيدنا الشيخ
الشيخ
اشكر الله. دة اللي احنا في دة من فضلة
عماد وممدوح في نفس واحد
الف حمد وشكر ليك يارب
الشيخ
افتكر انكم تسوبها ترتاح دلوقتي.
وخرجوا كلهم وسابو مليكة نايمة، ،،،،،،،
وبعدها بشوية يقعدوا اخوات مليكة في صاله الشقة.
ما عدا عمر وكلهم بيبصوا ل بعض وسؤال واحد بيدور قدام منهم كلهم مين ممكن يكون عمل الشر دة ل مليكة ولية يعمل كدة. اتعصب امين وقال
شغله الاعمال دي شغل نسوان.
شيماء
ومين من الستات نعرفها وتعرفنا تعمل كدة
ممدوح
ولو افترضنا انها ست اللي عملت كدة عملتها اية مليكة علشان تاذيها بالشكل دة. دي مليكة حبيبة الناس كلها جيران وقرايب وعمرها ما زعلت حد
عماد
كل اللي بيحصل دة. يخوف. وبجد بقي انا بقيت قلقان علي مليكة
ممدوح
ومين مش قلقان كفاية شكلها النهاردة وقت جلسة الشيخ وهي بتصرخ وبتتعذب
امين بعصبية
اة بس لو اعرف مين عمل فيها. ومين ودي صورها ل ام عز
استغربوا كلهم بما فيهم عمر اللي اتسمر في مكانة من المفاجاة. وقال ممدوح
صور اية اللي راحت ل ام عز
امين ارتبك وقال
انا ما قولتش صور
شيماء
لا قولت صور يا امين. ما تقول مخبي اية عننا
امين وقف وهو بيقول
لا. انا ما بحبش الاسلوب دة. وكفاية بقي حكايات لغاية كدة انا علي اخري
وراح ناحية باب الشقة وخرج وساب اخواته يبصوا لبعض وهما هايتجننوا وبيسالو نفسيهم صور اية دي، ،،،،،،،،،
ومن علي القهوة يقعد امين مع وحيد وكان بيشرب شيشة وبيفكر في حوار اخته وهنا وحيد قال
اية هتفضل قاعد ساكت كدة. اية رايك انزل دومنة ولا طاوله
امين بص له وقال
ماليش مزاج.
وحيد
واية بس اللي معكر مزاجك
امين
حوار اختي يا وحيد
وحيد
اختك مين فيهم.
امين
مليكة
وحيد
مالها يا عم. مش خلاص عز راح لها والجواز جاي جاي
امين
في مراة بنت مؤذية عملت لها عمل. خليتها كل ما تشوف عز تصرخ
وحيد
ودي مين بنت الكلب اللي عملت كدة
امين
هموت واعرف
وحيد
وتموت لية يا صاحبي. ما تخلي الشمال يجيب لك الشمال
انتبه امين للكلام وقال
انت عايز تقول اية
وحيد
نسال ام خالد بتاع الفشة والكرشة مين في المنطقة هنا او المناطق اللي حوالين مننا لي في السكة بنت الحرام دي
امين
وبعدين
وحيد
نهب عليهم بحملة ونعرف منهم مين بنت المؤذية اللي عملت كدة في اختك
امين
طيب قوم نشوف الحوار دة دلوقتي
وحيد
طيب اخلص الشاي
امين
مش وقت شاي قوم، ،،،،،،،،
وفي نفس الوقت ومن جوة اوضة عز كان عز قاعد في اوضة حزين وبيفتكر كل الكلام اللي كان بيدور بينه وبين مليكة ويضحك ضحكة حزينه ويقول
حرام والله اتحرم من اطيب بنت انا عرفتها في حياتي. نصي الحلو مليكة
هنا يسمع باب اوضة بيخبط فيقوم يفتح ويلاقي وداد بتبص له وبتقول
اول مرة تقفل علي نفسك باب الاوضة
عز
مخنوق شوية وكنت حابب اقعد مع نفسي
وداد
واللي مخنوق دة ما يطلع يقعد مع امه ويحكي لها اية اللي خنقة
عز
مش حابب اتكلم
وداد
اعتبرني مليكة
عز
مليكة
وداد
اة مليكة مش دي الوحيدة اللي دلوقتي بتحب تكلمها
عز
امي سيبي مليكة في اللي هي في كفاية اللي حصل لها
وداد
اة صحيح الشيخ طلع العفريت اللي عليها ولا لسة
عز
ما عرفش انا مشيت قبل ما اعرف حصل اية
وداد
ربنا يبعد عنها الشر كله. لو كلمتها ابقي طمئني
عز بص لها باستغراب فقالت وداد
هي عيلة غلبانه ومشكلتي مش معه. علشام مش كل ما اتكلم عليه كويس تبص لي كدة. بس كونها غلبانه دة مش كفاية علشان تبقي مرات،،،،،،،،،،
قاطعها عز وقال
حواري مع مليكة خلص النهاردة وملهوش رجعه تاني
استغربت وداد وقالت
ازاي
عز
هحكي لك، ،،،،،،،،،،
وبعد نص الليل يكسر باب شقة ام حبشي ويدخل امين ووحيد وعنتر وفي ايدهم سنج ويبص امين للصبي بتاع ام حبشي وقال
اركن انت. احنا جائيين في سؤال واجابته هتخلص الحكاية ومن غير اي ناوش
بصت له ام حبشي وقالت بابتسامه خبيثة
حوار مليكة
امين
اسم الله علي اهلك لا. اللي معاكي جامدين
ام حبشي
انا اللي معايا ملوك من الجن
امين
لو. اللي معاكي ملوك في احنا شياطين ولو تجهلي مين هو امين. عندي استعداد اوريكي كرامه من كرامتي تعرفك انا مين
ام حبشي
عايز اية
امين
مين جالك وخلاكي تاذي اختي
ام حبشي
عمر اللي من دمها. وبيكرها كرهه العمي. واقول علي اللي قالو لية قرينه
امين
قالك اية
ام حبشي
الصور طالعه من عنده من علي جهازة اللاب الاسود
اتصدم امين ،،،،،،،،،،،
ومن جوة اوضة عمر ووقت ما كان عمر قاعد علي اللاب بتاعه يترزع باب الاوضة بالرجل ويدخل امين يبص له عمر ويقول
اية يا عم انت الدخلة دي
لكن امين راح لغاية عنده ومسكة من رجلة وسحبة علي الارض وهو بيجرة. لغاية ما وصل بي للصاله وعمر بيقول
انت اية مسطول
خرج ممدوح وعماد وشيماء اللي كانو قاعدين في اوضة ممدوح علي الصوت وامين لسة بيجر في عمر من رجلة وهو بيقول
انا اة مسطول وبلطجي. لكني مش نجس زيك.
ممدوح
امين سيب عمر
امين
النجس دة. هو اللي عمل العمل ل مليكة. وودي صورها ل ام عز. وكان سبب العذاب اللي شافته. يفضح اختة ويوري لحمه للغريب
اتصدموا كلهم. بما فيهم مليكة اللي فتحت باب اوضتها علي الصوت وبصو ل عمر اللي قال
دة كذاب ومسطول. تلاقو رافع برشامه من اياها.
امين
ايوة رافع. وجاهز اقتلك. لو سمعت حسك. واللي هيحوش عنك هيزعل يا ابن الحرام
عماد
امين ما ينفعش كدة
لكن امين ما ردتش وفتح الباب برجلة كسرة وبدأ يسحب عمر علي سلالم البيت وكان زي الثور الهايج واي حد يفكر يكلمة كان بيسمع اللي ما يجبش يسمعوا. وشيماء قالت ل ممدوح
حوشو هيموتو.
ممدوح
لو عمر عمل اللي امين بيقولو يبقي موتو حلال
في اللحظة دي كان عماد بيدور في دولاب عمر ووسط هدومة ولقي ازازة العمل وجزء من فلوسة اللي اتسرقت خدهم في ايدة وخرج بيهم لممدوح وقال
كلام امين صح.
شيماء
طيب صور اية اللي بيقول عليها امين
مليكة بصعوبه قالت
صوري اللي اتصورتها قبل فرحك بيومين وانا بقيس الترنجات بتاعتك وهدوم داخلية وكنت بصور نفسي وبعتهم ل سمر علشان كانت عايزا تتفرج عليهم وهما عليه.
ممدوح
وصلو ازاي ل عمر
مليكة
كانو عندي علي الموبيل وكنت بعمل ظبط مصنع للتيلفون خوفت يتسمحوا مالقتش قدامي غير اللاب بتاع عمر كان في الشارع وقتها وسايية شغال نقلتهم علي اللاب وقولت ابقي ارجع اخدهم عندي تاني ونسيت انقلهم.
وتعيط مليكة وتقول
بس عمري ما كنت اتخيل ان اخويا يور،،،،،،،،،
وتعيط اكتر واكتر وتاخدها شيماء في حضنها. وكان في نفس الوقت امين بيعلق اخوة عمر من ايدة وبيرفعه ل فوق علي باب محل اخوة ممدوح وسط مشاهدة من اهالي المنطقة وامين بص ل عمر المتهان حرفيا وقال
عارف ان اللحمة اليومين دول غالية. علشان كدة نويت ابيع لحم نجس. لحم عمر
بدات الهمهمة بين اهالي. المنطقة وبعضيهم وامين بيقول
ما تستغربوش. ان اخ بيبع لحم اخوة. اصل اخويا دة باع لحم اختة. خلاني مكسور قدام نفسي وشككني في اختي
طبعا مستغربين امين البلطجي الشمام رد السجون ازاي يخاف علي عرضه. وشرف اختة. الرجوله والنخوة ملهاش دعوي بانت شغال اية ولا معاك شهادات اية. الرجولة والنخوة بتجري هنا
وشاور علي عروق دمه وقال
انا اة سوابق لكن عمري في يوم جيت علي واحدة من اهلي منطقتي وبصت لها بصة تجرحها. ما حصلش مع اني برة المنطقة خربها. بس عارفين لية ما بعملش كدة علشان النخوة دة برضو بنت منطقتي. وانا عندي ولايا واخاف ابص بصة وحشة تترد في الولايا اللي عندي.
وضرب امين عمر في بطنة. وقال
انما دة. باع لحم اختة. انطف واحدة فينا. اطيب قلب ولية علشان بيكره حب الناس ليها.
وسحب كرسي وقعد قدام عمر المذلول وعينه في الارض وقال
لو كان ابوك الله يرحمة ما عرفكش يعني اية نخوة ورجولة انا هعرفك خليك بقي متعلق كدة زي خروف العيد
هنا يقف ممدوح وعماد قدام امين ويقول ممدوح
كنا ممكن نلمها في بيتنا لية الفضايح ونفرج الناس علينا ربنا سترة تفضحه انت
امين
انا مش ربنا. واللي زي دة خبيث ومنافق لازم الناس كلها تعرف هو علي اية. ويحاسبوا منه. علشان لما يضحك في وش حد منهم يعرفو انه ناوي لهم علي نية سوداء.
عماد
انا معاك في اللي انت بتعملو ونزلو يا امين دة مهما كان اخوك
امين
ماليش اخوات نجسة كدة. وانا من النهاردة ماعرفهوش ولا هاكل معه لقمة ولما اتجوز ما حبش يدخلي بيت
نزلت مليكة وشيماء مسندها وقالت وهي بتبص ل عمر
نزلو يا امين علشان خاطري
امين
انتي تطلعي ترتاحي ومالكيش في الحوار دة. انا اخوكي وبجيب لك حقك
مليكة
وهو كمان اخويا ومش هبقي فرحانه وهو بيتهان كدة
امين
قولت مش هينزل وصدقوني انا رفعته بعيد عن ايدي علشان ما اقتلوش
هنا يسمعوا صوت سرينه الحكومة وينزل ظابط واتنين عساكر ويروح الظابط ناحية امين اللي قام وقف وقال الظابط وهو بيبص ل عمر المتعلق
اية يا امين اشتقت للسجن تاني
عمر
دة اخويا وما عملش حاجة.
الظابط بص ل عمر وقال
ازاي بس البلاغ اللي جاي للقسم بيقول ان،،،،،،،،
عمر قاطع الظابط وقال
بلاغ كاذب اخويا وبيربيني. وما فتكرش ان دة كلام يزعل الحكومة
بصو كلهم ل عمر. والصدمة كانت هتشلهم والظابط بيقول
مهما كان اللي بيحصل دة ما ينفعش يا امين. نزل اخوك
ونزل امين عمر وعمر راح ناحية البيت و كان بيقول في سرة
عملها عز. لو دكر يستحمل اللي هيحصل في. وفي امه ولو فاكر يا عز ان دي النهاية لا. عمر لسة هيبتدي ،،،،