في الجيم
ايمان قاعده قصاده محروجه وقالت: اكرم انا محروجه من حنين , عارفه ان الفتره الاخيره اخدت اجازه مرضيه بشكل متكرر , وعارفه ان ده اثر ع شغلي , بس انت عرفني ايه الي مش راضيه عنه , ومش عشان احنا اصحاب تتجاهل سلوكي
اكرم بهدوء: ايمان حنين عارفه ان شغلك فوق الممتاز , هو بس عشان الفتره الاخيره اخدتي اجازه وري بعض شغلك اتأخر , بس مش ده المقصود الي عايزه اعرفه ايه نوعك مرضك بالظبط, لو بس صداع مش هيبقي بستمرار , ولا فيه حاجه بتحاولي تخبيها عني
ايمان: لاء ده بس , انا فعلا دايما عندي صداع نصفي , خصوصا بعد ما بقي عندي بنت وبترهقني, يمكن جسمي ضعف والمقاومه قلت
حنين دخلت فجأه : مساء الخير
ايمان ابتسمت: مساء النور ,حنين عامله ايه
حنين بوش جامد: انا كويسه زي مانتي كويسه زيك بالظبط , مش انتي كويسه ومبسوطه مع جوزك الوضيع
اكرم بتحذير: حنين
ايمان: سيبها يا اكرم انا فعلا مبسوطه دلوقت
حنين بتهكم شديد: طبعا ازاي متكونيش سعيده وانتي عايشه في فيلا كبيره وغرقانه بالحب
ايمان قامت وقفت والدموع تعلقت بعيونها: انا عارفه قيمتي, انا واحده بنت ناس غلابه لكن الفيلا الكبيره عمرها ما خلتني انسي مكانتي , وعارفه ان وجودي هناك مؤقت, لكن مش حرام لو سعيت اعيش شويه مبسوطه انا لسه عايشه
حنين: ولما كدا ليه جوزك الحنين مقعدتكيش وستتك في البيت , ومفيش داعي للمرمطه وبهدله الشغل هنا
اكرم: وقفي يا حنين
ايمان: صدقيني ايا كان الي بعمله دلوقت هو بس عشان اميره
حنين بنفعال شديد: اعملي الي تعمليه لو ده هيخليكي مبسوطه ميهمنيش , لكن لو حصلت لك ليكي حاجه ولا لبنتك متدوريش عليا , لاني مش هسال فيكي بعد الي عملتيه , زهقت من العياط كل ليله بسببك , الاول كنت اعرفك لكن دلوقت مبقتش متأكده , ومفيش داعي تعرفيني جوهر حياتك , لان ده بيعصبني
اكرم: كفايه دي صاحبتك
حنين بنفعال: مبقتش صاحبتي بعد ما نسيت وعدها لينا في المستشفي اقسمت انها مش هترجع له الا لو ربنا محي ذاكرتها , فين القسم ده دلوقت كدماتتها وموت ابنها مين المسؤل عنه رجعت للظالم ده تاني لحياتها , امشي من وشي امشي , مش عايزه اشوفك تاني
ايمان : اكرم حنين انا بشكركم ع كل وقفتكم معايا طول الوقت ده , ومش هقدر اسدد دينكم , اكرم هسدد فاتوره المستشفي لما يكون معايا فلوس تكفي لسه بجمع
اكرم: انسي اعتبريها صدقه ع روح المرحوم احمد , الفلوس احنا الي بنجيبها, لكن الصحاب لايمكن نعوضهم
حنين بصوت عالي: مفيش لزوم تتصرفي بمسكنه لو عايزه تدفعي ليه مطلبتيش من جوزك الي رجعتيله عشان الفلوس الفاتوره 20 الف سهل تدفع مش ده الي انتي جايه تورهولي يله امشي
اكرم بنفعال : الاحسن ليكي توقفي ده حالا . انتي كدا اتعددتي حدودك
حنين: انت اكتر واحد عارفني ازاي تتهمني بالطريقه دي
اكرم: انتي فيه مالك
حنين: انت الي مالك , دايما واقف في صفها عارفه انها جميله لو كنت بتحبها ليه متجوزتهاش من الاول
اكرم: ايه الي دخل الحب والجمال في كلامنا دلوقت , انا بتكلم في صداقه اتدمرت بسبب تكبرك
حنين: تكبري, مش تكبرها هي وخدعها لنفسها , وعدتنا بأيه ,ورجعت تناقض كلامها
اكرم: يا حبيبتي ملناش دعوه بوعودها هي الي هتعيش وتواجهه التجربه , مش من حقنا نتهمها بحاجه
حنين ببكاء : بقول كل ده لان طول الوقت كنت بدعمها وعشت وشوفت معاناتها , انا بحبها مش عايزها تتأذي تاني, لما كانت بتعيط قلبي كان بيتكسر
اكرم: مقدر وعارف انها اعز صحابك , وافضلهم هما الي بيساندوا بعض دايما , والاهم هو سعادتها وراحتها وانا متأكد ان امير اتغير وتاب , وانتي عارفه اكرم مكان للزوجه فين
حنين: جنب جوزها
اكرم: وانا واثق ان ايمان هتبقي سعيده
...........قصص منه محمد كاتب................
في الشركه
ممدوح : امير بص كدا ع الموقع هنا
امير ميل بجسمه وقال : تمام ( بص في الموبيل وقال) في ايه يا اكرم عمال تبعت لي في رسايل فجاه
ممدوح : بيتريق عليا تاني , ولا لسه زعلان ومخاصمك
امير شاورله يسكت: ثانيه _ وطلع يجري ع الباب_
ممدوح قام مسك ايده: انت رايح فين ,عندنا اجتماع مهم
امير بعجاله: مراتي اهم كمل انت
ممدوح وقف بحقد وقال : مش فاهم ازاي اتصالحت مع البت دي, فكرت حسمت انتقامي
نروح للكافيه وامير قعد واكرم حكاله الحوار بين ايمان وحنين
امير بعد ما سمع قال: شكرا انك بعت لي رساله بخصوص مراتي , مش هسامح نفسي لو حصلها اي مكروه
اكرم : وانا مبسوط انك اتغيرت وعايز اعتذرلك عن كلام مراتي الي حصل اليوم اياه
امير : انا عارف ان حنين بتحب ايمان وعايزلها افضل حاجه , وعارف انها بتكرهني وبصراحه انا استاهل الكرهه , حنين عايزه تحميها مني غير كدا مكنتش اعرف من غيرها كان ايه الي ممكن يحصل لمراتي وفعلا ممكن تنجا
اكرم : امير حنين وايمان زي الاخوات , عشان كدا حنين زعلت جدا لما ايمان رجعتلك
امير : انا مش هقدر اخفي ذنوبي بعد كده , والي اتهمتني بيه حنين كله فعلا ينطبق عليا , انا اعتديت علي مراتي
اكرم: استغفر الله العظيم
امير عيونه رغرغرت بالدموع : انا غلطت جامد في حقها ,وحق ولادي
اكرم : لكن الي يهم دلوقت انك اتغيرت , وهطلب منك حاجه واحده متكررش افعالك دي تاني ايمان عطتك فرصه تانيه , مضيعهاش من ايدك
.........قصص منه محمد كاتب.............
لبست فستان ابيض مرسوم بورد بمبي صغير وحجاب ابيض في روز ووصلت مكتبه وقعدت ع الكنبه الجلد تستناه
امير فتح الباب وفي ايده ملف وقال بكل أنبهار وأعجاب : ياصباح الجمال والطعامه انتي اليوم فاتنه ومتالقه, حبي هو فيه مناسبه خاصه , ليه جيتي هنا , ولا عملالي مفاجاه
ايمان ابتسمت: ليه فيه مشكله لما اجيلك
امير حضن كتفها لصدره وقال: بتقولي ايه انتي تيجي هنا وقت ما تحبي ان شا الله كل يوم, يبشا انا معنديش اي مشكله بس كنتي فين
ايمان : كنت رايحه معاد شغل بس مروحتش اصل
امير عقد حواجبه بقلق: اصل ايه
ايمان : مش عجباني الوظيفه
امير: ايمان انتي كويسه
ايمان : يعني لو كنت كويسه كنت هجيلك هنا , بصراحه زهقت من قاعده البيت , فلبست وجيت ع هنا
امير : خلاص اشتغلي معايا
ايمان بمرح : لسه منصب بتاعه الشاي موجود
امير : لا متخلناش نتكلم عن بتاعه الشاي , انا بتكلم بجد اشتغلي معايا
ايمان : والمرتب كام
امير : هو انتي لسه عرفتي هتشتغلي ايه لما تسالي عن المرتب , بس اوكيه عايزه كام
ايمان : عايزه نفس ما بياخد المدير هنا هو ممكن
امير أنفجر ضحك: مرتبي لا مستحيل
ايمان ضربت ايده :موافق
امير ضرب خدها: لا مستحيل
ممدوح كان وصل ولما شاف اللمبه الحمراء ع مكتب امير سال سوزي قالت له ان ايمان موجوده جوه وامير منبه محدش يدخل عليهم
ممدوح لنفسه: اهلا هي هتسيطر عليه وعلي الشركه ......وبدون استاذان فتح الباب وامير بيبوس ايمان واتخض وبعد عنها
ممدوح فضل مكانه بكل رخامه وقال : امير هنمشي الساعه تلاته اليوم
امير مد بخطواته السريعه وهو بيعدل شعره وباين عليه الارتباك والضيق
ممدوح : انا اسف
امير قعد ع المكتب: هو مش المفروض تخبط ع الباب قبل ما تدخل عايز ايه
ممدوح اتقدم : ولا حاجه حبيت افكرك بمعادنا , فيه اجتماع مهم مع مدير شركه ** وهيجيب معاه سكرتيره مثيره جميله
ايمان بنظرات احتقار :قذر
امير :قلتي حاجه
ايمان مكشره بستياء: لامقلتش
امير بصوت عالي : سوزي , يا سوزي
سوزي دخلت مهروله :نعم يا مستر امير
امير : عندي اجتماع بعد شويه فين ملف المناقصه
سوزي : محطوط ع المكتب
امير بغضب : دوري عليه
سوزي بدئت تفر في الملفات الي محطوطه ع المكتب قدامه
امير: انا دورت عندك مش موجود , دوري في مكان تاني , بسرعه عندي اجتماع الساعه ثلاثه
ايمان وقفت بسؤال: سوزي ايه لون الملف
امير : ايمان اذا سمحتي متدخليش دي وظيفتها سبيها تعملها , متحشريش مناخيرك, ارجعي ع البيت والغداء اجليه
ايمان بنظرات استغراب وحست ان الدنيا بضيق عليها وهي مش ناقصة
امير بنظرة حارقه وصوته أشبه بالصراخ لسوزي: طلبت منك تقفي , كملي تدوير خلصي دوري عليه
ايمان : مسكينه يا سوزي المدير يغلط وانتي تتهزقي , وعشان هو المدير ممكن يضيع الملف ويطلع غضبه ع اي حد كأنه الوحيد الي عنده قلب واحساس
ايمان لمحت الملف محطوط ع الكنبه اخدته وقالت: الملف كان ع الكنبه انت حطيته من شويه لما دخلت _حدفته قدامه _باي سوزي اشوفك بعدين
امير كشر واتغيرت ملامحه ووشه راح الوان لانه زعلها
ممدوح: انا لو معايا ست زي دي كنت هعـ
امير بعصبيه : اخرس وخد بعضك واخرج ( لسوزي) وانتي واقفه ليه هاتي الملف وامشي من وشي
امير حس انه داس على كرامتها وكسر قلبها بأيده مسك شعره......انا ليه اتعصبت فجأه هي عملت لي ايه كانت جايه مفرفشه وبدئت تقرب منك بس انت بغبائك عملت مشكله تانيه ليه صعب تتحكم في انفعالك
امير اتصل بيها رفضت ترد عليه خلص اجتماعه وقام يرجعلها يراضيها ودخل لقاها شكلها نايمة وبنته صاحيه جنبها بتلعب هزر معاها وفرد طوله جنبهم وبص لايمان الي غرقانه في النوم وقال بندم ........انا حقيقي اسف ...... معرفش ليه اتعصبت عليكي كدا .....ومش عارف ليه مممسكتش اعصابي حقكك عليا ......انا اسف
امير حط دماغه وعينه راحت في النوم لحد ما طلع النهار صحي ع بكاء بنته ملقاش ايمان رفع بنته يسكتها وحطلها الببرونه وبيبيص لقاه الدولاب مفتوح وهدوم ايمان مش موجوده قام يجري زي المجنون صحي لقاها قاعده بتدي الرضعه لـ اميره اطمن انه مجرد حلم
امير قرب منها : حبي انا بتاسف عن الغباء الي حصل مني امبارح , مكنش يصح انفعل عليكي انا غلطان متحكمتش في اعصابي
ايمان بصتله بأنكسار غير طبيعي لحد ما الباب خبط حطت البنت في ايده وفتحت : خير يا داده
رحمه : فيه واحد بره عايز يشوفك
ايمان طلعت وراها وقفلت الباب وطلعت لقته ايمن جريته عليه تضمه
ايمن بيضمها بشتياق: اختي حبيبتي , وحشتيني اوي
ايمان: انت كمان كلكم وحشتوني يا نور عيوني , ا طمني كلكم في البلد عاملين ايه بخير
ايمن: كلنا زي الفل طمنيني انتي عامله ايه , واميره مغلباكي
ايمان وهي بتقعد: اميره سهل اهتم بيها , مش تعباني اطلاقا
ايمن: زي ما تكون عارفه ان امها اتحملت كتير , مش خالنا ادهم هيتجوز كمان شهرين
ايمان بفرحه كبيره ظهرت ع ملامحها: ايه احلف
ايمن ضحك: والله
ايمان: الحمد لله انا فرحانه عشانه , كنت اتمناه احضر فرحه مشفتهومش من زمان , بجد وحشوني ونفسي اشوفهم حتي لو دقيقه قبل ما اغمض عيوني للابد
ايمن بتردد: ايمان متردد كتير اقولك الكلام ده , انا مش عايز ازود حملك, انتي كنتي بتبعتلي فلوس كل اول شهر وكنت محتاج اشتري كتب للمراجعه , وعندي امتحان اخر اللاسبوع الجاي
ايمان: تتكلف كام
ايمن: 1500 بس مش مشكله لو مش معاكي
ايمان: لا مش مسأله مفيش فلوس كل ما في اللامردفعت كل ديوني اليوم , بس متقلقش اوعدك انك هتكمل دراسه وتتخرج وتفرح امك وابوك , واحنا نفتخر بيك , افتكر يا ايمن اياك تسعي تاخد تعاطف من اي حد , افتكر نصيحه بابا اي نعم احنا غلابه بس عندنا عزه نفس وكرامه
ايمن هز لها دماغه بتمام لحد ما لقاه امير قرب ومد ايده يسلم وقال: مساء الخير
ايمن قام من مكانه وصافحه: مساء النور, ازيك يا امير انا ايمن اخوها
امير ملامحه ارتاحت: بجد
ايمن: اه
امير ابتسم: اتفضل اقعد
ايمن: انا اسف لو جيت في وقت متاخر ,ياتري ضايقتك
امير: لا خالص انا تمام بس ليه مش بتزور اختك الكبيره بستمرار
ايمن غلوش ع رد السؤال : ايمي كنت هنسي امك بعتالك الفطيره دي عملتها عشانك
ايمان اخدت الكيسه ونزلت دموعها الغزيره: اشتاقت لحضن امها اوي
امير : ريحتها تجنن
ايمان انهارت في البكاء: امير امي وحشتني بجد وحشتني
امير طبطب عليها بحنانه طاغي , وحدي الله يا ايمي
ايمن مسد ع كف ايدها: اصبري انا متاكد ان عيلتنا تامه بتحبك , وهيجي يوم هنرجع سوي زي الاول اصبري , اعذروني لازم اتحرك دلوقت
ايمان بصتله : بكره هحولك الفلوس في حسابك , ذاكر بجد , واهتم بنفسك كويس
ايمن باس ايدها وامير وهو بيسلم عليه حط له مبلغ كبير في ايده
ايمن برفض: ايه ده لا ارجوك متحرجنيش
امير :دي حاجه بسيطه من اخوك الكبير
ايمن بمتنان: الف شكر يا امير
امير ضربه ع كتفه : ولا يهمك خد بالك ع نفسك
..............قصص منه محمد كاتب...........
يوم الحفله الي صمم امير ياخد ايمان معاه وراحت غصب عنها وراحت للبوفيه تطلع غضبها في الاكل لانه واقف مع ليلي ورجال اعمال واخدت اصناف كتير وقالت لنفسها... اترجاني عشان اجي معاه الحفله الملله دي
ممدوح جه وقف قدامها مباشره وكلم بنت وقالها متعمد : شايفه يا نفين الاتنين الي هناك لايقين ع بعض , دي ليلي وامير ولاد عم , وكانوا هيتجوزه بس دلوقت بقوا شركاء في المقاولات بصلهم قريبين من بعض حلو جدا
ايمان في سرها ........هو بيقرب من ليلي متعمد , لو كدا ليه معرفنيش انهم شركاه في الشغل هو مستعر يعرف الناس اني مراته انا كمان عندي شهاده زي زيه , ولا مش كفايه
حاتم ابتسم ع شكلها وهي بتاكل ومكشره وقال : اهلا يا ايمان
ايمان ابتسمت : حاتم اتفضل
حاتم سحب كرسي وقعد : فات وقت كتير علي اخر مره اتقابلنا , الاسبوع الي فات قابلت حنين وسالتها عنك قالت لي انك مبسوطه دلوقت , وحقيقي فرحت جدا
ايمان : بنرسم ونخطط بس بنعيش الي مكتوب لنا , وانا راضيه , تاكل
حاتم بابتسامه واسعه: لما شوفتك شبعت
امير بيضرب بعينه لقاه حاتم قاعد معاها ملامحه اتحولت لبركان من الغيره الي اتملكته وممكن ينفجر على الوضع
ألي قدامه وهي بتبتسم اتحرك ورايح ناحيتهم ليلي شدته ليها وهو حدف دراعها وراحلهم
امير ميل عليها : حبي شكلك مبسوطه جدا
ايمان: انتم متعرفوش بعض
حاتم سلم بسخريه: مين ميعرفش امير بيه معظم بنات الجامعه مفتونين بعضلاته
امير سلم بدون نفس وزق ايد حاتم بقرفه وقاله : هو انا عضلاتي بارزه اوي كده , ايه رايك يا حياتي في الوصف الي قاله حاتم عليا , مظبوط زمان كان فيه طوابير بنات عليا الي نفسهم اكلمهم كلمه. عشان تعرفي انك محظوظه انك اخدتيني منهم
ايمان كشرت: امير انت اكلت
حاتم حب يضايقه وقال: متفكرش ان هي المحظوظه بيك, انت الي محظوظ لانك اخدت بيها عشر اضعاف زوجه, هي كمان بنت جذابه وطوابير من الشباب كانوا مفتونين بيها , ومش هستبعد لحد دلوقت لسه فيه معجبين
ايمان : عندي بنت مش بفكر في الكلام ده , كل املي ابقي زوجه وام فاضله
حاتم : تمام هروح اسلم امير هنتقابل لما تسمحلنا الفرصه انبسطت بشوفتك
امير قعد وشدها عليه بالكرسي: هو انتي بتحبي تتعاكسي
ايمان بصتله كدا وسابته وقايمه من المكان: زي ما يكون بيغير , وهو يلزق في ليلي وانا الي يادوب اتكلمت كلمتين مع حاتم حالا اتعصب وعايز يعبر عن غضبه فورا هلاقي هنا تاكسي اغور
امير وقف بالعربيه قدامها ونزلها مسك كفها: حبي تعالي هوصلك الوقت متأخر
ايمان اخذت نفس بصوت مسموع فكت ايده ومدت بخطوات رجليها الواسعه تبعد بعيد عنه
امير مد ومسك دراعها : مينفعش الي بتعمليه , مفيش تاكسي هنا , حتي لو فيه مش هسمحلك تركبي وتعرضي نفسك للخطر , خلينا نروجع البيت تعالي
ايمان نفخت بزهق ومقربه لقت الي فتحت الشباك ومبتسمه في وشها ببرود ضربت نظره لامير
امير اتوتر منها وقال: طلبت مني اوصلها للبيت ,فضي شحن بطاريتها , يله يا روحي نمشي
ايمان فتحت الباب الوراني وركبت وهي هطرشق منهم هما الاتنين وميلت دماغها ع الشباك وغمضت عيونها
ليلي بستفزاز : ايمان مش مضايقه اني قعدت قدام , بس عدم ردك دليل انك مش مضايقه
امير بشويه عصبيه : سبيها في حالها خليها تنام
ايمان فتحت : انا مش نايمه بس معنديش رغبه ارد ع اسئله غبيه
امير اتحرك بالعربيه شويه ووقف بصلها: ليلي وصلتي انزلي
ليلي كتفت ايدها وبعناد: لا مش هنزل قبل ما تعتذرلي الشحروره دي , مفكره نفسها مين عشان تهيني
امير ثار: ممكن توقفي دلعك ده , الساعه كام دلوقت , متخلقيش مشكله عندي شغل الصبح انزلي
ليلي فضلت مكانها لحد ما امير نزل وسحبها من دماغها بقوه وعنـ ف
ليلي زقته : ايدك بتوجعني ومش همشي غير لما تنفذ الي طلبته
امير رص على أسنانه بقوة وعطاها نظرة تهديد : انتي معتوه قلت ادخلي يله
ليلي ضربت الارض برجليها وبوعيد: استني عليا يا امير
امير رجع لايمان: هو انا سواقك اقعدي قدام , اقسم بالله تعبت, والمفروض اتعامل مع مده بوزك بستمرار
ايمان نزلت بعصبيه وقعدت قدام في سرها: غلطتي لما رجعتي ده انسان مزاجه حاد لايمكن يتعالج
امير بصلها: انتي كمان اخدتي مني موقف مش عارفه تميزي بين الليل والنهار , عندي شغل مهم الصبح لو فضلت اجري وراكي هنام لتاني يوم
ايمان مقدرتش تتحمل كلامه وفتحت الباب ونزلت تمشي في الشارع
امير نزل جري وراها: ايمان تعالي اركبي , ولا عايزني اشيلك ارميكي في العربيه
ايمان همشته وكملت طريقها وهي بتبرطم بصوت عالي: ليه محبتنيش بصدق , لو فعلا بتحبني مش هتتعصب وتنفعل عليا , انت مش هتتغير ابدا
امير مد وراها ومسكها من كتافها وهي بصتله ومره واحده الدنيا اسودت وقعت بين ايديه
.......................
فتحت عيونها وووزعت نظراتها في السقف بستغراب: دي اوضتي ازاي بقت ع السرير, مش كنت واقفه قدام بيت ليلي ومين غيرلي هدومي اكيد ماما صابرين, ولا يكون امير نهار مقلم عليا
اتخبت تحت اللحاف لما اتفتح الباب وشافها ابتسم واتقدم من السرير بشويش وقعد ع ركبته راكع وبيشد اللحاف لقاها متبته فيه
امير بيشد: حبي عملت لك نسكافيه بالشكولاته , قومي اشربيها من ايدي , حبي انا اسف مكتش قصدي ازعلك انا بس اتعصبت بسبب افعال ليلي , حبي مش عايز نتخانق تاني صدقيني بياثر ع نفسيتي تعالي نتصالح
ايمان شدت منه اللحاف اكتر وغطت بيه جسمها كله
امير: تمام لو مش طايقه وجودي كزوج, ايه رايك نبقي صحاب
ايمان قامت وانفجرت فيه : قلت صحاب , مش لما اقبل الاول تبقي جوزي
امير حرك ايده على خدها : لو مش قادره تتقبليني مفيش مشكله , انا بقي قابلك وهتفضلي مراتي لحد ما اموت , قومي اشربي الشكولاته , بالمناسبه معرفتش البسك ايه جبتلك القميص ده اتمني اختياري يعجبك
ايمان لما ادركت انها عريانه قدامه اتغطت تاني باللحاف
امير وهو ميت من الضحك : تتمسي بالخير ،احلام جميله بحبك