كان داخل بعربيته للبوابه ركن لمحها بتنزل من التاكسي ملامحه اتغيرت واضايقت
ايمان: مساء الخير
امير بقتضاب: كنتي فين , وليه اتأخرتي
ايمان: اسفه لاني خرجت من غير اذنك ,لكن حاوولت اتصل بيك معرفتش , قلت يمكن تلفونك فصل شحن
امير: واضح زي ما يكون عذر , مفيش تلفون في المكتب ليه متصلتيش
ايمان : مفكرتش في كده ومكنش قصدي اتجاهلك
امير: طيب كنتي فين
ايمان: في السنتر والدروس بدئت متأخر من 8 خلصت حداشر, هي شغلانه مؤقته لحد ما القي شغلانه دايما , في الوقت الحالي صعب القي وظيفه بشهادتي
امير وهي ماشيه شدها جامد من دراعها: استني
ايمان بعصبيه: هو مش ممكن ما تبقاش قاسي للدرجه_ مشت
امير فضل واقف مش عارف ليه عاملها بالطريقه دي رفع ايده ومسح على دماغه بقهر دخل وراها وحط ايده على كتفها ويلفها له بحنيه: حياتي انا اسف مكنش قصدي اقسي عليكي , انا كنت بمسك ايدك بلطف معرفش انها جامده وهتوجعك كده
ايمان: متفكرش نفسك قوي تقدر تعمل الي عايزه خلي عندك رحمه بالبشر
امير بنظرة هاديه: ياروحي كنت عايز امسك دراعك , وانتي بتديني الموشح ده كله
ايمان: وجهه نظري شامله كل تصرفاتك بما فيهم الي عملته مع ليلي امبارح , مش من الانسانيه تكون قاسي مع بنت بالشكل ده
امير: ليلي هي الي اتعددت حدودها , ومكنتش عندي طريقه تانيه انزلها من العربيه . كنت تعبان ومرهق وهي عملت مشكله فكان لازم تتعامل كده , ماعلينا انسي حوار ليلي حاليا , عايز اتكلم عنك انا مش هاضم شغلتك دي , هو ايه يجبرك تشتغلي لحد وقت متأخر وترجعي بالليل
ايمان: مش عشان محتاجه فلوس وبس , وبعدين هو عيب اني اشتغل
امير: لا المسأله مش حابب تشتغلي وترجعي بالليل , اضافه ع كده انتي مسؤله مني مفيش داعي للشغل اقعدي في البيت وانا هديكي فلوس كل شهر مفيش داعي للكفاح
ايمان: انا محتاجه فلوس مش ليا , محتاجه لاهلي , والدروس
امير عقد حواجبه: دروس مين
ايمان: دروس ايمن هو في ثانويه عامه , واظن عارف محتاجه مصاريف اد ايه
امير: لو الموضوع كده سهل اشتغلي معايا وهدفعلك ضعف المرتب الي بتاخديه , وكجوزك عايز استعمل حق طاعتي اختاري اما تشتغلي معايا او مفش شغل نهائي واقعدي في البيت
...........قصص منه محمد كاتب............
يوم جديد ايمان راحت تشتغل في شركه امير وهو فتح الباب ورايحلها يغلس عليها شويه لكن سمع صوت رجولي بطئ خطواته وراح يبص من الباب المفتوح
امير بصوت مسموع : بقي يجي الشركه كتير, زي ما يكون عميل, ولا شايفني مغفل يجي يتغزل في مراتي
ممدوح خبط ع كتفه وشاورله: تعال هنا كانوا بيتكلموا ويضحكوا بالطريقه دي بقالهم ازيد من ساعه وااظن انه جاي يحضر الاجتماع بس اجله فجاه ليه برايك
حاتم خارج وقالها: الله ده امير , امير ممكن تسمحلنا نروح نتغداه وتعال معانا
امير فضل ساكت وهو حاسس أنه من جواه نار مشعلله تغلي من القهر
حاتم تابع: متفهمنيش غلط , جيت اقابل عادل بيه بس لقيته مشغول مش فاضي , وبالصدفه قابلت زميلتي القديمه والكلام اخدنا
امير بصلها بنظرة غامضة: مش متفقين نتغداه سوي
ايمان: اه بس
حاتم: انا عزمتها وقالت تاخد اذن ريسها اولا , و لو عايز انضم معانا ندردش
امير وهو بيمسك كف ايمان : سوري فيه مواضيع شخصيه عايز اناقشها مع مراتي, لو عايز تتفداه مع اي حد اتفضل اعزم اي موظف من المكتب هنا _ سحبها معاه بغيظ_ يله
ممدوح ابتسم وهو بيتابع من بعيد وقال لنفسه: هبقي حريص مخلكش مرتاح ابدا في حياتك
ليلي في سرها : اتكي ع الصبر مش عارفه ازاي واحد زي امير انجذب لبنت فقيره زي دي
ممدوح لمحها شاورلها: هاي لولي
ليلي عدلت وشها ولعبت في خصل شعرها تداري بيه قهرتها
ممدوح ابتسم: مفيش داعي تخبي تعبيرات وشك, مفكره مش قادر اشوف غيرتك لما شوفتيهم سوي
ليلي : ازاي امير يرتبط بالبت دي وهي مش نوعه
ممدوح : وانتي هتستسلمي بالشكل ده
ليلي : المشكله دلوقت هي امير مش انا ولا البت دي , حتي لو هي اغوته ومش عجباه مستحيل يجاريها , انا عارفه امير بس شكله وقع في حب الفلاحه دي
ممدوح ابتسم بتهكم: طبعا مش عنده منها بنت اكيد حبها
ليلي بغيظ : ممكن تخرس , ضروري تجرح مشاعري مره تانيه
ممدوح رفع كتافه: براحتك انا كنت هقدم اقتراح يمكن يساعدك , بس لو مش مهتمه عادي باي
ليلي: استني ايه هو
ممدوح :انا عارف كل تحركات امير
...............قصص منه محمد كاتب.............
في المول التجاري واقفه لمحته داخل بيبيص في الموبيل
اكرم: في ايه
حنين شاورت له بعينها : امير
اكرم : عايزه تتكلمي معاه , عن الي مش راضيكي
حنين : مش عايزه لان انا مش هثق فيه مره تانيه مهما قال
اكرم :مينفعش تكوني متحامله عليه كده , حاولي تفكري بشكل ايجابي في وضع المسكينه ايمان لحد امتي هتفضلي زعلانه منها
حنين: افتكر بعد شهور او سنين اكيد عصبيته هترجع الطبع يغلب التطبع , ومسيرك هتشوف هيبقي عامل زي البحر الهائج
حنين بتضرب بعينها لمحت ليلي بتسحب امير من ايده قالت لاكرم : اتفضل تعال شوف
اكرم بيسحبها من دهرها: مش قلتي رايحه البنك يله نمشي
.............قصص منه محمد كاتب................
في الساحل
ايمان بصتله : انت فعلا هتشتري الشاليه ده
امير: ايوه
ايمان : هيبقي حلو اوي لما يتجدد , هو ممكن نبقي نيجي يومين في الصيف هنا
امير مد ايده وحطها على كتفها : اكيد
ايمان مبتسمه: تعرف لما كنت في المدرسه اتعودت اشارك في اي نشاط, مثلا الم الصدف واعمل منه اشكال
امير :انتي رقيقه بس شكلك بتحبي الشقاء
ايمان :احنا هنروح ع طول
امير قام مسك ايدها : لا تعالي
اخدها من ايدها يتمشوا ع الصخور وامير رفع رجله ويحطها على واحدة من الصخور وأمواج البحر ترتطم بقسوه لحد ما خلع التي شيرت ونزل البحر
امير مد لها يده :يله انزلي
ايمان :لا مش عايزه
امير بيسحبها : يله ايمي الميه تجنن
ايمان : هدومي هتتبل
امير في لحظه غدر سحبها للميه وفضلوا يضحكوا ويهزرو كتير لحد ما شبعوا وبعدها طلعت ايمان تاخد شور ولبست هدوم امير وطلعت من الحمام رافعه شعرها كله لفوق خبطت في اميرالي مندفع عليها
امير مسك دماغه : اسف
ايمان: في ايه مالك مندفع زي ما تكون بتجري وري فريسه
امير بصلها ورسم عليها الثبات الانفعالي
ايمان شدت شفايفه بمرح: ممكن تبطل ترسم وش البوكر قدامي
امير سحبها لحضنه: تعرفي ايه الي مخليني هتجنن انك بتقاومي , وبعدين مش ده قميصي ( شمه) وبرفاني
ايمان: الاء انا مرهقه وعايزه انام
امير مسك كتفها و لف ايده ع وسطها: لسه بدري
ايمان سحبت ايده من على وسطها وبعدت عنه: تؤ عايزه انام
امير شد الفوطه من علي شعرها وهي ضربته علي ايده وجريت بسرعه من قدامه
...........قصص منه محمد كاتب...........
في الفيلا يوم جديد
ايمان بتلبس في المرايا: امير ممكن تصحا , انت ليه كسول كدا الساعه سبعه ,مش قلت عندنا اجتماع مع بابا سبعه ونص
امير سند كف ايده ع خده : متردد اروح الاجتماع , اكيد حاتم هيكون موجود مش بطيق ابقي معاه في مكان , وبابا كمان بيحب يسمع له , مش عارف ليه ابوه مسكه كل شغل الشركه وهتبدأ تحصل المشاكل , والشركه كدا هتدمر ع دماغنا ودماغه
ايمان راحت له: وانا لو اتاخرت هسمع كلمتين تهزيق من المدير
امير ابتسم ومسك ايدها بوقاحة شوي: بجد بس لو اتاخرتي عادي قعادك في حضن مديرك يعتبر اجتماع مهم
ايمان : بطل قله ادب , ده هيبقي اجتماع وقاحه ع السرير , ياسلام ومزاجك رايق بتبقي حلو بشكل , اما اول لما اعصابك تفلت الشركه كلها تدخل في حاله فوضي
امير وهو بيشدها عليه: تعالي اوريكي الفوضي الي بجد
ايمان قلبت شفايفها بطريقة فيها استعباط وحركت عيونها بمكر : عايز ايه
امير: عايز اقلعك الفستان الي عليكي , وبعدين ماله احمر فاقع مطلعك جميله بزياده , وبصراحه منرفزني وعملي صداع
ايمان: في ايه انا بشتغل من اسبوعين وعمرك ما اشتكيت, ليه بقي اليوم عمال تشتكي, لو مش عايزني اشتغل في شركتك قولي ده من غير لف ودوران , ممكن ادور ع مكان تاني
امير: يا حبي متقولتش كده ،ليه تشتغلي في مكان تاني ده هيعقد الامور ما بينا من الاخر انا بغير بخاف يحاول حد يعاكسك , او يشغلك ووقتها اتعصب
ايمان: سواء حاولوا يعاكسوني ولا يشغلوني دي مشكلتهم , مش قلت لك كذا مره انا ميهمنيش اي راجل تاني , امير انا عارفه حدودي كزوجه وام, ليه رجعت تتكلم تاني في نفس الموضوع
اعمل حسابك المره الجايه هلبس كرونبي مبسوط
امير ابتسم: لا هتزودي الطين بله ده انتي حلوه بالفستان الاحمر الفاقع
...........
يوم الاجتماع
ايمان دخلت اخر واحده وحاتم قام فتحلها الكرسي
ايمان بذوق :شكرا
امير رجع بجسمه لوري وعينه متجهه ع حاتم وايمان وهما قاعدين جنب بعض
عادل قال :صباح الخير للجميع
الموظفين ردوا :صباح الخير
عادل :الغرض من اجتماعنا اليوم هو تقديم شريكي الجديد الاستاذ حاتم الشماع ,هيحل مكان والده اتمني تتعاونوا معاه كويس
امير قاعد و جواه غضب مش عارف ازاي كاتمه من الغيره الي هتاكلوا لحد ما انهوا الاجتماع وايمان قامت قعدت جنبه لما المكان الي جنبه فضي وبصتله وقالت له: مالك ساكت ومكشر كده
امير حواجبه معقوده لحد ما لزقت في بعضها بتدل ان مزاجه سيئ
عادل: ايمان
ايمان لفت بصتله: نعم
عادل: الشغل عامل ايه في اي مشاكل
ايمان ابتسمت : لا اطمن الشغل تمام , ومفيش اي مشاكل اطلاقا , بس عندي ريس قاسي وشديد , زي مستر امير يا بابا مش بيحب الهزار
سوزي :يا جماعه اتفضلوا جهزنا بوفيه في الطرقه
عادل قام : تمام يله بينا
حاتم قرب بستفسار : هو امير مش ناوي ينضم ياكل معانا, امير اتفضل شاركنا
امير انحني وحط ايده على بطنه ومثل الوجع وقال: حاسس ان معدتي بتوجعني , اتفضلوا انتم هرتاح شويه في مكتبي عن اذنكم
حاتم: يله بينا ايمان
ايمان لمت الملفات بسرعه وقالت: مش هقدر لازم اروح اطمن ع امير , اتفضل انت الاول مستر حاتم
حاتم : مفيش لزوم تناديني بمستر حاتم احنا مش اغراب
ايمان ابتسمت بمجامله :تمام اعذرني دلوقت يا حاتم
..............قصص منه محمد كاتب.............
ايمان راحت لمكتب امير لقته ممدد بجسمه ع الكنبه وبيكلم نفسه
ايمان: بتبرطم تقول ايه
امير بصلها وقال بضيق : كنت بقول ياتري راحت تتغداه معاه , وبابا كمان مضايق منه , فكرت عامل اجتماع لشئ مهم , اتضح انه عايز يقدملنا سي حاتم
ايمان فتحت زراير قميصه من عند بطنه وحركت ايدها عليه: انت فعلا معدتك وجعاك, اصل شكلك مش بيقول ابدا واحد بيعاني من وجع في المعده اطلاقا , انت بتعاني من القلق
امير: انا هنا بتوجع وبتالم وانتي جايه تلطفيني هنا ودلوقت , وتحاولي تثيريني عليكي
ايمان: بطل عبط هدلكلك بطنك
امير اتعدل وهو بيقفل زراير قميصه بضيق: لا خلاص انا تمام, لو كملتي خايف اتهور ونعمل فيلم ثقافي
ايمان كشرت: براحتك
امير : دايما تقلبي وشك في وشي , وع طول بتحسسيني اني مش جوزك ,ولا من حقي اتعامل معاكي براحتي
ايمان: لسه مجاش الوقت المناسب
امير يتكتف: امال امتي لما اموت وقتها هتوهبلي نفسك
ايمان : خلاص من اليوم هحاول افك معاك مبسوط
امير وهو بيمشي ايده ع خدها: جدا ايوه كده الزوجه تطيع جوزها , والا مش هتشم ريحه الجنه
ايمان :امير
امير : ائمريني
ايمان حاولت اعمل قرض من البنك معرفتش ممكن استلف منك الفلوس
امير: طبعا عايزه كام
ايمان : خمسه وعشرين الف ممكن تخصمهم من مرتبي كل شهر , بس متخصمش كتير انا معتمده ع مرتبي
امير: تمام بس هتعملي ايه بالمبلغ ده
ايمان: متهتمش لو بقيت كويس هقوم اباشر شغلي
..............قصص منه محمد كاتب.................
ايمان قاعده تشتغل وهي حساسه بصداع هيفجر دماغها ويحوله لأشلاء متناثره لقت الباب اتفتح ودخلها
ايمان: فيه حاجه يا امير اعملها عشانك
امير ابتسم لها وهو بيقف وراها: لا جاي ليكي _ دلكلها كتافها_ مش عارف اقعد اشتغل من غيرك
ايمان : انت جاي ليه
امير طلع شيك وحطه قدامها : جاي اديلك ده
ايمان بتعجب: ليه شيك بـ بخمسين الف انا عايزه بس 25
امير : يا ستي اعتبري الباقي هديه جوازنا , غير كدا من يوم جوازنا انا معطتكيش اي حاجه
ايمان: امير هو انا اتجوزتك عشان الفلوس هرجعلك الباقي
امير: ابقي اتجرئي رجعيه وهفهم بمعني تاني انك مش بتحبيني ياتري انتي جريئه بما فيه الكفايه ترجعيه
ايمان بصتله اوي
امير ضربها ع كتفها وهو بيضحك: انا بهزر خليهم معاكي
............قصص منه محمد كاتب...............
اكرم: قولت لك مفيش لزوم تردي فواتير ومصاريف المستشفي انا مش معتبره دين
ايمان : بس ده حقكك, وانا مش بحب ابقي مديونه لـ اي حد باي حاجه يعني مش عارف طبعي اكرم حنين لسه مسامحتنيش
اكرم :انا والله ما عارف اقولك ايه, صعب اتكلم معاها عنك ,رغم حاولت اقنعها بس لسه مش قادره تنسي الي عمله امير فيكي , هي مش واثقه فيه انتي زعلانه منها مش كده
ايمان لا انا عذراها وفهمها , ومقدره موقفها, لو كنت مكانها جايز مكنتش سامحت واحد زيه
اكرم : يعني اتقبلتي امير بالكامل ولا
ايمان قطعته وقامت من مكانها: اكرم انا لازم امشي حالا , عندي معاد في العياده ومتشكره ع كل حاجه
اكرم خلها طلعت واتصل بامير حكاله انها سددت الدين الي كان عليها..!!
امير :متشكر انك عرفتني يا اكرم ومتشكر كمان انك وقفت مع ايمان ..... لو ده الي هي عايزه يبقي اقبله ....ايوه عارف هي مسؤله مني .......حقيقي مقدر مسنتدتك ليها .......ان شاء الله لما تسمحلنا الفرصه نخرج وندردش سوي مع السلامه
امير قفل وقال لنفسه: ليه بتتعاملي مع كل الامور بنفسك, لسه مش قادره تسامحيني
امير ضرب الجرس وقال: سوزي فين ايمان
سوزي: مدام ايمان راحت العياده اخدت اجازه مرضيه اليوم تحب تطلب اي حاجه
امير: لا
سوزي: عن اذنك
امير: هو انا مش مهم في حياتها ليه مبلغتنيش انها رايحه تكشف ولا اتعودت تبقي مستقله
..........................................
نزلت من التاكسي وماشيه لحد ما لقت الي بيسحبها بشده وبيلف دراعها لوري دهرها بعنف
ليلي بتصرخ في وشها : انا لسه مصفتش حسابي معاكي
ايمان مسكت دراعها بغل ولفته واتكت وليلي بتتالم : يا متوحشه دراعي بيوجعني
ايمان اتكت ع اسنانها وبتضغط اكتر: بيوجعك مانتي عملتي كده موجعتنيش
ليلي سحبت ايدها وبعدت وهي بتفرك في كف ايدها : انتي مجنونه , متفكريش هنسي كلامك الي قلتهولي في العربيه , ايه مفكره لما تحرضيه يتعامل معايا بالشكل ده هبعد عنه واسيبه مستحيل متحلميش حتي بكده
ايمان : دي مشكلتك انتي مريضه اعملي الي تعمليه , انا مش عايزه اتخانق مع واحده زيك
ليلي بأمر: استني امير فين
ايمان بتريقه : شيفاه معايا دلوقت ،ولا انتي عمياء
ليلي بنبرة أستهزاء :اسمعي هرجعه ليا وهبني سعادتي ع معاناتك , استمتعي بوقتك في الفيلا الضخمه دي قبل ما اطردك منها , ولحد ما يجي اليوم ده تقدري تطلبي من ابوكي يدورلك ع راجل غني يتجوزك _ بحتقار_ ولا اقولك ممكن اساعدك القيكلك واحد تاني ,بس امثالك ميقدروش الا تكون عشيقه
ايمان وسعت عيونها فيها ومره واحده ضربتها بالقلم في دخول امير الي واقف مصدوم
امير :ليه ضربتيها
ليلي جريت عليه وهي حاطه ايدها ع خدها: شوفت مراتك جيت هنا اسالها بكل ادب لو كنت موجود في البيت , ثارت وضربتني ,مراتك بتغير مني بشكل غير معقول
امير بحده : لا وانتي عارفه اني مش موجود في البيت ليه جيتي
ليلي بكدب: كنت معديه من هنا نزلت , وشوفت مراتك فكرت انها معاك عشان كدا وقفتها
امير :ايمان بصرف النظر عن غلطها مش المفروض تمدي ايدك عليها , هي بنت عمي مكن تحترميها شويه
ايمان تتكلم بنفعال: مش لما الاول تحترم غيرها , الناس هتحترمها ,احمدي ربنا لان حبيبك وصل بسرعه والا كنت مسحت بشعرك الارض
ليلي: امير شوفت اسلوبها خدي وجعني
امير همش ليلي ودخل وري ايمان لقاها قاعده ع السرير لمي ركبها لصدرها نط قعد جنبها
امير بصلها : حياتي
ايمان رفعت دماغها له ونزلت دموعها الغزيره تجري سيول ع خدودها
امير بصدمه: انتي بتعيطي _ مسح دموعها_ متعيطيش انا فاهم انك مش هتضربيها من غير سبب , انا عارف طبع ليلي المستفز, انتي عيانه بلغتني سوزي انك روحتي لعياده الشركه قلقتيني لما رايحه ليه مبلغتنيش اجي معاكي , ياريت متعمليش فيا كده مره تانيه, انتي عارفه اني بحبك صح
ايمان: امير هرجعلك 25 الف الزياده, روحت لحد البنك ونسيت اخد رقم حسابك
امير :قلت خليهم معاكي ,انتي مسؤليتي وعارف انك مش شغاله في الاثار ولا تجاره الاعضاء
ايمان ابتسمت ع كلامه بنظره حب صامته
امير تابع: غير كده انا بحاول اخليكي مبسوطه ,وبعدين ايه 25 الف مقارنه برغبتك ترجعيلي
ايمان : شكرا
امير ضمها وباس دماغها: بقولك ايه يا حته من قلبي , ما تيجي نعمل شهر عسل فات وقت طويل مقضناش وقت خاص سوي ودي افضل فرصه
ايمان : لو سافرنا يا فالح شهر عسل هنضيع فلوس بالهبل ع الفاضي ومش هتطلع تفسحني وهتحبسني الشهر كله في الاوضه, عارفه غرضك من شهر العسل
امير حرك حواجبه بمناغشه: هكدب عايز استفرد بيكي
ايمان : بقولك ايه احنا مسافرين شغل الاسبوع الجاي اعتبره شهر العسل
امير كشر: ايه ده مده قليله جدا , الاحسن منروحش لان اكيد حاتم هيبقي موجود مش بطيق وش امه وجوده بيوجع عيوني لما بشوفه بيبصلك ويكلمك, ببقي عايز اكسر وشه
ايمان بصتله بعتاب: انت لسه مش واثق في اخلاصي ليك , اه الغيره دليل الحب , لكن لو زادت عن حدها بتحول العلاقه لسم , وحياتنا هتدمر لو مسيطرتش عليها
امير حط ايده على راسها ويمسح على شعرها: لا يا قلبي مش هسمح ان حياتنا تدمر, انا مستعد اضحي بحياتي عشان احمي جوازنا بس غصب عني مش بقدر اسيطر ع نفسي لما بشوفه معاكي مش بقدر اعذريني حياتي