رواية كسره اصلحت قلبي الفصل التاسع عشر 19 والعشرون 20 بقلم روان ابراهيم
كسره اصلحت قلبي 19
طلعت منار من المسجد وفى نفس الوقت كان خالد طالع شهاب شافهم بس مفيش حد منهم شافه
شهاب: بقى هى الحكاية كده بقى ومشى
خالد مشى مع إسلام ومنار مشيت مع خلود وإيمان
فى الطريق*
إيمان: كام سنة والحِمل زاد
خلود فهمت وضحكت: هو كمل وبعناد
إيمان وهى بتضحك: مش هسيبك مش هسيبك حتى لو لفيت بلاد
#انشودة فرح دينية#
منار: بس بقى انتو الإتنين بطلوا
إيمان: شوفتى يا خلود كان بيبصلها ازاى واحنا طالعين
منار: على فكرة مبصش هو غض بصره ومشى
خلود: ايواااا وانتى بقى عرفتى ازاى كنتى بتبصى صح
منار: ها لاء على فكرة م..مبصتش انا
إيمان: م..م.. ايه بس يا بت خلاص بقى عرفنا
منار: على فكرة انتو الاتنين رخميين ومدت قدام وسابتهم
إيمان: طب تعالى بس كنا بنضحك
وصلت إيمان لبيتها وسلمت على منار وخلود وهم كملوا الطريق
خلود: منار انتى هتردى عليه امتى
منار: مش ملاحظة إن بيتك قرب يلا مع السلامه
خلود: بقى كدة تمام تمام
سلمت منار عليها ومشيت كملت
وفى الطريق لقيت شهاب قدامها*
منار اتخضت لانه اعترض طريقها فجأه
منار: خير يا شهاب
شهاب: ممكن اعرف خالد احسن منى فى إيه
منار : ايه!!!
شهاب: منار متعمليش نفسك مش فاهمة انتو بقى مظبطين مع بعض وبتتقابلوا فى المسجد
منار وصوتها بدأ يعلى: بتقول ايه انت اتجننت مسمحلكش تقول عليا كده وزقته ومشيت
شهاب فضل واقف دقايق حاطط ايده فى جيبه وبيبصلها من بعيد وبعدين مشى*
منار كملت طريقها وهى بتعيط علشان شهاب اتهمها بحاجه زى دى
------
عند اسلام وخالد*
إسلام: خالد ممكن اعرف احنا بندور على ايه
خالد: تعالى بس كده ودور معايا
إسلام: بقالنا نص ساعة فى المكتبة وانت بتدور على ايه انا مش عارف... كان زمنا روحنا
خالد: طب دور معايا
اسلام: يا ابنى هو انا اعرف انت بتدور على ايه ما تقولى
خالد: كتاب(كونى صحابية)
إسلام: يا اذكى اخواتك بقالك نص ساعة بتدور فى كتب علم النفس على كتاب دينى الكتب الدينية هنا اهى
خالد: اه صح تصدق.... اهو
اشتراه خالد وطلع هو وإسلام
إسلام: ده كتاب كونى صحابية مش كن صحابى
خالد بصله : مانا عارف حد قال انى محو اميه ومبعرفش اقرأ
اسلام: طب جايبه ليه يعنى انت
خالد: اصل سمعت منار بتقول لصحبتها انها كانت بتدور عليه واحنا طالعين من المسجد
اسلام: اوووه ومركز كمان ومهتم
خالد: بس يا اخ اسلام
إسلام: ياتى حلو وهو مكسوف
خالد بهزار: بس يا إسلام بدل ما نزعل ونجيب ناس تزعل
إسلام: خلاص يا عم انا وصلت اهو اصلا يلا مع السلامة
خالد: استنى خود الكتاب ده خلى أبله دعاء توصله لمنار
إسلام: حاااضر
خالد: حضرت وحضر معك الخير يلا سلام
إسلام: فى رعاية الله
مشى خالد وطلع إسلام
------
كانت منار وصلت البيت*
منار: السلام عليكم
زينب: وعليكم السلام ورحمة الله وبركاته
حمدا لله على السلامه يا منور
منار: الله يسلمك يا ماما
زينب: مالك شكلك زعلانه
منار: لاء مفيش اصل انا جيت مشى ف.علشان كده تعبانة شوية
زينب: طب ادخلى ارتاحى
منار: حاضر
دخلت منار غيرت هدومها واتوضت وصلت العشا وكان كلام شهاب لسه مزعلها نامت وظبطت منبها على معاد القيام
------
عند شهاب*
وصل البيت ودخل وهو متعصب دخل اوضته ورزع الباب وقعد على السرير وحط دماغه بين ايده*
دخلت والدته: مالك يا شهاب
شهاب: منار رفضتنى يا ماما
والدته: طب وايه يعنى كل شئ قسمه ونصيب
شهاب: بس دى رفضتنى علشان واحد تانى هو احسن منى فى إيه
والدته: يا ابنى مش نصيبك مش مكتوبالك
شهاب: ماشى
والدته: طب يلا غير هدومك ونام وشيل الافكار دى من دماغك
شهاب:حاضر
طلعت والدته وهو فضل قاعد بيفكر شوية
شهاب: انا مترفضش ... هو مش احسن منى
قام من مكانه وقال بمكر: بس خلاص عرفت هعمل ايه....
يتبع
كسره اصلحت قلبي 20
-شهاب الغضب سيطر عليه وغروره وغيرته من خالد خليته عايز يفرق بينهم وخلاص ومش مهتم إنه عنده اخت وممكن يتردله فى اخته وإن منار مش من نصيبه محطش فى دماغه كل ده هو عايز ينتقم وبس*
طلع شهاب من اوضته ونزل على تحت بسرعه
والدته:رايح فين يا شهاب
شهاب: جاى اهو ونزل على محل كده واشترى حاجه وطلع وهو بيبتسم ابتسامة مكر وراها حاجات هو مخططلها
------
عند ابراهيم*
كان قاعد فى اوضته على سريره كان بيبص لفوق وشارد بخياله فى إيمان بقى نفسه يشوفها تانى او حتى يقابلها صدفه*
تدخل سلمى: ابراهيييييم
ابراهيم: مش لاقيه وقت مناسب اكتر من ده تيجى فيه .. عايزه ايه
سلمى: شهاب جالك هنا
ابراهيم: عارف..جالى الكلية
سلمى: وكان عايز ايه
ابراهيم: كل واحد فى حاله
سلمى: ياااه قلبك اسود وقالتله بلهجة مضحكة كنت بهزررر معاك
ابراهيم: طب روحى هزرى بعيد عنى
سلمى: برده مش هتقولى
ابراهيم: امشى يا سلمى قطعتى تفكيرى يلا واقفلى الباب
سلمى: خليك فاكرها هاا
طلعت سلمى وإبراهيم ظبط المنبه ونام*
راحت سلمى كلمت شهد*
سلمى:شهد ياااااا شهد
شهد: خير
سلمى: منار شكلها وافقت على خالد
شهد: وبعدين كده هتتجوزى شهاب مثلا
سلمى: ده انتى فصيلة اوى
شهد: انتى اللى عايشه في وهم
سلمى: طب هتروحى بكرة المدرسة
شهد: مفيش حد بيروح الامتحانات قربت
سلمى: طيب اقابلك في الدرس
شهد: تمام وقفلت معاها
------
قبل الفجر*
منار صحيت وقامت اتوضت وصلت القيام وصلت استخارة للمرة الأخيرة علشان تتأكد لقت انها مرتاحه لخالد وإنه كويس جدا ودعت ان ربنا يبعد عنها شهاب
وفى نفس الوقت كان خالد صحي وصلي القيام وقاعد بيدعى
دخلت عليه والدته*: نفسى اشوف البنت اللى انت بتدعى كل يوم تبقى من نصيبك
خالد: قريب ان شاء الله يا امى هتشوفيها
والدة خالد: ان شاء الله يا حبيبى ربنا يجعلها من نصيبك
خلص خالد صلاة الفجر وقال الاذكار وفضل يذاكر شوية علشان الامتحان قرب
كانت منار خلصت صلاة وقالت الاذكار وفتحت الفون تشوف درس دينى
طلع النهار صلت الضحى ولبست ونزلت تروح المعهد
وهى طالعة*
زينب: منار
منار: نعم يا ماما
زينب: خالد كلم باباكي من شويه وبيسأل لو انتى موافقة ولا لاء
منار: موافقة يا ماما
زينب: هو طلب ان الخطوبة تبقى بعد الامتحانات
منار: اللى حضرتك انتى وبابا تشوفوه انا ماشية
نزلت منار وهى فرحانه جدا وحاسه ببهجة وقفت على السلم تدور بالفستان اللى هيا لبساه
شافها عمها*
بتعملى ايه يا منار
منار: هااا لاء يا عمو مفيش كنت ماشيه مع السلامه وهى طالعه خبطت فى البوابة
عمها ضحك عليها وطلع
------
وصلت المعهد وكان باين انها مبسوطة
خلود: شكلك فرحانه خير
منار: خالد عايز يعمل الخطوبة بعد الامتحان
خلود: وهيبقى عندنا فرح قريب بس اوعى تنشغلى بخالد وتهملى المذاكرة عندنا امتحان
منار: متخافيش يا ستى
------
وصل خالد للكلية وكان فرحان اوى*
إبراهيم: ايه ده مالك فرحان كده ليه
خالد: منار وافقت
إبراهيم: بجد
خالد: اه لسه عمك مكلمنى
إبراهيم: طب يا عم مبارك
خالد: عقبالك .. مش هتقولى بقى مين اللى كنت بتبص عليها قبل كده
ابراهيم: يلا يا خالد علشان المحاضره
خالد: يا عم قولى بس
ابراهيم: يلا يا حبيبى يلا
دخلوا المحاضرة وبعد ما خلصوا*
خالد: ابراهيم ما تيجى معايا المسجد انت فاضى
ابراهيم: اجى معاك!!!
خالد: اه تعالى واحضر معانا درس القرآن
إبراهيم: ماشى هاجى
وطلعوا هم الاتنين يروحوا المسجد
فى نفس الوقت كانت منار رايحه هى وخلود وكلمت ايمان وعرفت انها سبقتهم على هناك
وصلوا ودخل خالد يصلى العصر هو وابراهيم وعرف ابراهيم على اسلام
اسلام: اهلا يا ابراهيم
ابراهيم: اهلا بيك .. هو انت فى كلية ايه
اسلام: انا دكتور صيدلي وكمان دارس فقه وشريعه وكانوا بيستدعونى للسعودية اصلى بيهم فى رمضان والقى خطب ودول تانية غير السعودية
ابراهيم: ومتجوز
اسلام: لاء لسه قرة عينى مجتش
-وبدأوا في التسميع واسلام بدأ مع ابراهيم فى الحفظ واداه ورد بسيط يحفظه
------
فوق عند البنات*
كانوا خلصوا تسميع وفاضل شوية على المغرب
دعاء: منار
منار: نعم يا ابله دعاء
دعاء: الكتاب ده من خالد قال لاسلام اوصلهولك
ايمان: الكتاب اللى كنتى بتدورى عليه
خلود: ومهتم بالتفاصيل جدا
منار خادته حطته فى شنطتها
وقام خالد يأذن للمغرب *
صلوا وخلصوا
ابراهيم: تعرف يا خالد انا حبيت المسجد هنا جدا
خالد: يعنى هتيجى معايا كل يوم وتحفظ معانا
ابراهيم: اه ان شاء الله
وطلع ابراهيم وخالد واسلام
ابراهيم شاف ايمان وهى طالعه مع منار فضل واقف شويه وعينه عليها وسرحان
خالد: ابراهيم انت بتبص فين
ابراهيم: لاء مفيش يلا نمشى
------
فى الطريق*
خالد: كنت بتبص على ايه ها
ابراهيم: مفيش مفيش
اسلام: مفيش علينا برده
ابراهيم: بس بقى انت وهو
عند منار وخلود وايمان*
شهاب واقف بيراقبهم وبيتكلم مع حد: مش هعمل كده دلوقتي طبعا .. هى الفكرة جاهزه بس مش النهاردة....
يتبع