رواية احببت وانا علي ذمة اخر الفصل التاسع عشر 19 بقلم نوسه حمد
نسيبتي طاعنتني بالكلام قالت لي هسي انتي فرقك شنو من الخليقه الماتت دي الناس كلهم بقو محتارين فيها وانا العبره خنقتني قويت قلبي وقلت ليها انا م خليقه ولا عمري ح اكون خليقه وانتي عارفه كويس منو الكان سبب في الانا فيهو وعشان انا بت اصول ح احفظ لساني بس عندي سؤال واحد ياربي الدنيا دايمه ليهو وما خايف من الموت ولا عقاب ربنا وخصوصا هو في عمر القدرو ماسكين سبحتهم ومصلايتهم وهمهم كلو اعمرو واحجو موش اكيدو واغيظو ويسعي لي دمار الناس انا القديم كلو عفيتو لكن وعزه جلال الله العلي هسي دا لو شفت الزول الاذاني بعذبو فيهو واقفين علي اني اعفيهو ما ح اعفيهو قالت لي كمان دايره تدخلي في كلام ربنا منو الاذاك مرض جابو ليك ربنا قعدت اضحك قلت ليها الشينه منكوره والحمد لله علي العافيه ولفيت كرسيني المتحرك عايزه اطلع تلاقيني عبله انا لمن شفتها لمن جاني هبوط اول شي تقول م جايه بكا اخر توب وريحه وبخور ولابسه دهب مبالغه لفت نظر كل الناس نسيبتي لمن شافتها قامت ليها علي حيلها ودايره تشيلا من الارض شيل عبله قالت لي نوسه كيفك ما رديت عليها وقلت للبت المعاي يلا مشيت ودمعتي في عيني معقولة دا دهبها القديم ولا دقتو جديد حسيت اني تاني ح انطعن في ضهري وانا لازم اقوم ركبت العربيه وقلت للولد الشغال معاي عاوزاك في خدمه قال لي قولي قلت ليهو عاوزاك تقول لي طارق النشتغل معاك سواق بدل انا واقف وانا في الاول ح ارفض انت بس اصر علي قال لي كيف ولشنو قلت ليهو لشنو دي ح افهمك ليها وبقيت اتكلم معاهو وافهم فيهو انو الحق دا حقي وانا عايزاك بي ذكاء تفهم لي طارق بشتغل كم في اليوم وكده لانو انا بحاسبو باليوم قال لي تمام ياريت هو يرضا يشغلني قلت ليهو برضا ان شاء الله قال لي خلاص تمام انا ان شاء الله من بكره ببدا اتكلم معاهو وهقول ليهو انا عايز اشتغل معاك قلت ليهو يلا لو قال لك اي حاجه انت ما تزعل وحاول الح عليهو في الكلام وحاول اقنعه وقول له انا والله محتاج للشغل انه انا لازم اشتغل شغل اضافي ولمن يوافق وتشتغل معاهو راغبو لي شوفوا بمشي وين المبلغ اللي هو بيشتغلو في اليوم بصرف كم في الشغل من اكل وشراب وعمال واي صغيره وكبيره في الشغل انا عايزاك تكون عارفها
يلا ثاني حاجه انت ما تحاول تحسسو انو انا ورا الكلام ده وانو انا قلت لك امش اشتغل معاه وحاول وضح ليهو انك انت فعلا محتاج لشغل اضافي قال لي خلاص تمام انا من بكره بحاول اتكلم معاهو وهخترع عليهو انه بدل العربيه تكون واقفه احسن امشي معاه الشغل ويعني لو عنده مشاوير اسوقو واقضي ليهو حاجاتو وبالاخص انه لسه ما عنده عربيه قلت له تمام انت كده ميه ميه رجعت البيت نومت بتي قلت للبت الشغاله لو جاء طارق ما تصحيني قولي ليهو قالت تعبانه وعايزه تنوم عشان انا متاكده ح يكون عايز يعرف شعوري شنو لما انا شفت عبله دخلت الغرفه حاولت انوم غلبني النوم بقيت اعاين لنفسي وانا في الكرسي المتحرك وانو عبله هي السبب في الانا فيهو دا قلت الحمد لله على كل حال حاولت اشجع نفسي واودي نفسي طاقه ايجابيه حسيت انه انا لازم لازم اقوم ولازم اواجه الحياه ولازم اتعالج طارق خلاص بقا اخر همي قلت هغمض عيوني وبقيت سامعه صوت طارق بتكلم مع البت الشغاله قال لها نوسه وين قالت لي والله نوسه دي تعبانه وقالت عايزه تنوم قال لها خلاص تمام اعملي لي عشان مسافه انا عندي مكالمه اعملها واستحما طارق بيجي يتكلم بالتليفون وشكله كان بيتكلم مع عبله لانه من خلال كلامه معاها قال ليها انا ما حقدر اجي وانه انا عندي مواضيع عاوزه احلها بكره وهاجي عليك بعد بكره لانه بكره يوم هديه وكانت زعلانه شكلها لانه هو كلامه ليها قال لي انا زي ما اتفقت معاك انه انا لازم اكون عادل بيناتكم يومك هيكون معاكي يوم نوسه هكون معاها يوم هديه هكون معاها وانا غير كده انا ما عندي كلام حسيت طارق انه بيحاول يعدل بيناتنا لكن انا متاكده انو عبله ما ح تخليهو لانه متفقه مع امه
طارق قفل المكالمه وحسيتو دخل الغرفه مثلت فيها اني نايمه ما نفسي اشوفو م نفسي اتكلم معاهو بطني طمت منو ما صحيت الا تاني يوم وصحيت قبليهو لبست ولبستا نور طلعتها المدرسه لمن صحا لقاني لابسه قال لي وين وغريبه ما صحيتيني قلت ليهو عندي دلك يوميا وقلت اخليك ترتاح لمن تصحا براك قال لي نوسه في حاجه قلت ليهو لا وعايزه امشي قال لي نوسه ممكن ما تطنشيني واعملي لي اعتبار قلت ليهو علي اساس انت عملت لي اعتبار ولا قدرتني انا السندتك قال لي نوسه دا كلام شنو قلت ليهو طارق م تمثل لي فيها انك عادل وانك بتحبني وباقي علي عشان التمثيل م خايل عليك وزي ما قالت امك انا واحده خليقه مكسره عاوز بي شنو مبروك عليك عبله قال لي دا كلام شنو امي قالت كده وكان منفعل شديد اتصل عليها وقال ليها يمه دا كلام شنو البتقولي فيهو دا نسيبه مابي يدها العليها دا قالت ليهو خلاص حرشتك علي وقومتا تتجنن علي نسيبه شين طعما مافيها بركه وقدمها قدم شوم هسي شوف عبله من جاتك راجعه القروش جرت في يدك طارق قفل الاسبيكر وقال ليها يمه اكون لي معلوميتك الحق دا كلو حق نسيبه واولادها لا انتي لا غيرك ما عندكم فيهو نصيب والقروش البتلعب في يدي دي كلها حقتها هي وصرحت لي انو اصرف عليك انتي وغيرك ولو كترتو كلامكم انا جنيه ما بصرفو عليكم طارق حسيتو مستعد يقيف قدامهم بس هن ما بخلنو الله ينتقم منهن امو علي عبله وحسبي الله ونعم الوكيل فيهن طلعت خليتو بتكلم مشيت عملت الدلك وحسيت بي تحسن شديد بقيت اقيف بي تكاله بس لسه الحركه صعبه شويه الدكتور قال لي مع الدلك ان شاء الله امورك ح تظبط وانتي في البيت اعملي تمارين لنفسك ووراني اعمل شنو رجعت وعندي عزيمه علي العلاج وريت البت الشغاله معاي عشان تساعدني في التمارين وهي زوله حنينه قالت لي عارفه لو قالو لي اتمني امنيه وتتحقق اتمناك تقومي وتمشي قلت ليها تسلمي حبيبتي انا ح اقوم ان شاء الله وبقيت مواظبه علي سوره البقره ويس مع الصبح واذكار الصباح والمساء والتحصين احصن بتي وولدي ونفسي
مرت الايام هديه مران بتجي تقعد معاي وكانت بتشكي لي من طارق ومن تعاملو ليها وانو طارق اتغير ما ياهو طارق الزمان قلت ليها عارفه نفس الاحساس الكنت بحسو زمان قبل م اعرفو انو متزوج عبله وكانت تبكي لي بي دمعتها قالت لي هي م احسن مننا عشان يخلينا عشانا قلت ليها ليه هو م بجيك قالت لي بجي بس كل اليوم البقعدو مشاكل بدون سبب انا تعبت ي نوسه ح اطلب منو الطلاق قلت ليها لا ي هديه استهدي بالله قالت لي نوسه احسن اطلق من الضغط النفسي المعيشني فيهو قلت ليها طيب ممكن تتكلمي معاهو بي هداوه قالت لي نوسه والله تعبتا بقيت اكره اعاين في وشو حاسه اني م مرغوبه عندو اخير انتي هسي شايفاهو معاك كويس قلت ليها انا مخلينو لي عشان علي قول نسيبتي خليقه وما مني فايده لكن هسي لو كنت بصحتي كان ح يعاملني اكعب من معاملتك دي اساليني منو وطارق م براهو ي هديه الكتابه عامياهو قالت لي كتابه شنو بقيت احكي ليها بي عبله انها قالت كتبتني وامو هي العملتو لي هديه خافت وقالت لي احسن لي اطلق من يعملو فيني العملو فيك دا قلت ليها لا لا م بتعمل ليك انتي بس ممكن تلفت منك طارق وما يعاملك كويس وهي عداويتا معاي انا بس رغم انها كانت صاحبت عمري قالت لي شنو قلت ليها زي م سمعتي كانت صاحبتي نقوم ونقع سوا عشان كده عمري ما حا اسامحها وحقي يخلص منها دنيا واخره وهسي ي هديه انا بقيت م بحب طارق زي زمان بتمني اني م اشوفو ما تابعت كلامي جا داخل قال لي هديه كيف تجي من غيري اذني وبقا يكورك فيها لمن زعلت وفاتت تبكي قلت للولد البسوق لي وصلها وكانت تبكي قطعت قلبي قلت ليهو طارق هسي هي عملت شنو جات لي انا وانا م غريبه بي اعتبارو بيتك التاني قال لي انا ما في هي جات وين انا فيها تطلع من غير م تقول لي قلت ليهو حرام عليك هديه دي اكتر واحده وقفت معاك ماتقسي عليها ما تتعامل معاها بقله اصل وهي اتعاملت معاك ومع اطفالك بي اصول طارق انت م واعي لنفسك هديه ظلمتها وعاوز تعمل معاها زي م عملت معاي زمان وكده ربنا بسالك بقا ساكت قال لي خلاص بطلقا لو شكت مني قلت لبهو حرام عليك بالسهوله دي مفترض انا وعبله تستغني عننا لكن هديه القبلت تربي اولادك وتشيل اللقمه من خشمها تديها ليهم م تستاهل قال لي م جبرتها حسيتو ظالم قلت ليهو طارق انت م براك اكيد عبله عملت ليك حاجه خلتك تقطع اليد الاتمدت ليك قال لي عبله هسي دخلها شنو انتي م عندك سيره غير عبله عبله عبله خلن الغيره الجواكن دي اتجاها وخلننا نعيش في سلام قعدت اضحك قلت لبهو غيره انا وقت اغير ح اغير من الفايتني بالايمان والالتزام بس اغير من دي مستحيل اغير لي من واحده عباره عن ذنوب ح تكون هي فاهمه اني بغير منها قول ليها قالت ليك نسيبه انا م بغير من الزيك انا بتعوز منك ومشيت منو هديه ليها حق تزهج من طارق بقا ممل
مرت الايام والشهور وانا الحمد لله بقيت امشي واتعافيت تماما وكل الناس فرحو لي طلبت من طارق يعمل لي كرامه ويوزعها في الشارع كنت مبسوطه شديد رجعت لي رامي ووريتو اني بقيت كويسه قال لي حمد لله ع السلامه والحمد لله وقال لي انا سافرت السعوديه ح ارجع للمدير ابلغو واديهو رقمك قلت لبهو تمام ما عديت دقايق اتصل علي رقم رديت سلم علي وقال لي حمد لله ع السلامه وعرفني بي نفسو وقال لي انا مدير الشركه الكنتي شغاله فيها وعاوزك تنزلي معانا بالمرتب الانتي تطلبي عاوز اطور الشركه وراجعت شغل المهندسين كلهم لقيتك اكتر واحده كنتي شغاله بي ضمير وصراحه الشركه محتاجه للزيك قلت ليهو شكرا ليك ان شاء الله ومن غير م اطلب مرتب البجي كلو كويس قال لي تمام تعالي من بكره قلت ليهو جدا حسيتو زول مجتهد شديد كلمت طارق قال لي لا اولادك محتاجين ليك قلت ليهو اولادي معاهم البت وتاني حاجه انا شغلي ما بخليهو اتناقش معاي وجاط فيني قلت ليهو لا انا لازم انزل واصلا انا م كنت عاوزه استشيرو ونزلت شغل غصبا عنو لقيت المدير الجديد ولد شاب لكن عقلو متفتح وغير كل الاستاف القديم وبقا يحكي لي بلفساد الكان حاصل وخالد قال لي م بعرف يدير الشغل ومرتو عرفت كل اسرار الشغل وكانت بتنقل اخبار الشغل لي الفروع التانيه لغايه م جا واحد بي واسطتها ووقع الشركه قلت ليهو ان شاء الله ح تكون احسن من اول قال لي باذن الله ورحبو بي وعملو لي حفله استقبال وعرفهم علي وقال ليهم دي النائب بتاعتي وكل صغيره وكبيره ترجعو ليها هي اول قبل ترجعو لي والبتقول ارفدو برفدو قلت ليهو الله لا جاب رفد نخت يدنا في يد بعض ونطور الشركه ان شاء الله
مرت الايام وكنت مجتهده في الشغل وطورناهو شديد المدير كان مبسوط مننا بقيت في شغلي وما مركزه مع طارق والولد قدر اقنع طارق واشتغل معاهو وكان ليهو زي يدو اليمين وكان بحكي لي انو عبله بتحاول تسحب قروش وبتجي المحل عشان هو مرات م برد عليها والقروش البتطلبهن المحاسب بديهن ليها واشترت عربيه بقيت اتحسبن عليهم الاتنين وغالبني اقول شي بس بقيت ضاغطه عليهو في الايراد وبقيت احاسبو علي الجنيه
لمن سالني قال لي انتي مالك بقيتي تحكيها معاي كده قلت ليهو لا ماف شي بس اخوي عندو مشروع عاوزه اشاركو قال لي لا لا نهاي م بخليك قلت ليهو انا م جيت استشيرك انا اصلا اديت قروشي ليهو قال لي نسيتي مرتو وتعاملها ليك قلت ليهو لا نسيت مرتو لا نسيت عبله قال تاني ح تقولي عبله قلت ليهو اخوي افضل لي من عبله ومشيت منو
يوم اتصلت علي هديه وكانت بتبكي وبتكورك شغاله اتكلم معاها الو الو وهي ما سامعاني وسامعه صوت طارق بتكلم معاها وبكورك وهي بتقول ليهو عليك الله ما تطلقني واسترني وشكلو كان بضرب فيها انا كنت في الشغل وقلبي بقا ادق ياربي هديه مالا وطارق ليه ادق فيها طلعت دورت العربيه وبقيت ماشه بي اقوي سرعه .......