ابني يونس خرج النهاردة الصبح وما رجعش لغاية دلوقتي ،،،،،،
دة اللي قالته ام يونس
ل عبد الهادي لما راحت له البيت وكانت وقتها شفيقة في اوضتها قاعدة علي سريرها مش مصدقة انها قتلته وسمعت ابوها بيرد علي ام يونس و قال
تلاقي مع حد من اصحابه في مشوار هنا ولا هنا
ام يونس
يونس ابني عمره ما اتاخر كان ديما يصلي العشاء ويدخل البيت يقعد تحت رجلي و يديني العلاج
و نتساير سوي في اللي حصل طول اليوم لغاية ما تيجي الساعة 9; بعدها ينام علي طول علشان يصحي لصلاة الفجر هو انت يعني مش عارف يونس
عبد الهادي
عارفه يا ام يونس انا بس عايزك تطمئني وهتلاقي حد من اصحابه قصده في مشوار وهو دة اللي اخرو
يونس
طيب ما تسال شفيقة كدة يمكن تعرف هو فين
شفيقة سمعت كدة اتخضت وحطيت الملايا فوق دماغها وعملت نفسها نايمة وقت ما سمعت ابوها بيقول
هدخل اسالها يمكن تعرف اي حاجة عنه
وخبط عبد الهادي علي الباب وشفيقة ما ردتش فقال
شفيقة انتي نمتي
برضو ما ردتش فتح باب الاوضة وشاف الملايا فوق دماغها فقفل الباب تاني ورجع ل ام يونس وقال
دي نامت
ام يونس
صحيها وحياة حبيبك النبي واسالها قلبي واكلني علي ضنايا
عبد الهادي
حاضر يا ام يونس هصحيها
و رجع عبد الهادي تاني الاوضة وفتح الباب ودخل
و قرب من شفيقة وفضل يهز فيها وهي عملت نفسها لسه صاحيه من النوم وبصت له وهو سالها عن يونس فقالت
ما اعرفش عنه حاجه
لقي دموعها علي خدها استغرب وقال
انت بتعيطي يا شفيقة
شفيقة
يا با انا كنت نايمة هعيط وانا نايمة
عبد الهادي ما بقاش عارف يصدقها ويكذب عيني ولا يعمل نفسه مش واخد باله لكنه حس ان بنته مخبيئة حاجة عنه، ،،،،،،،،
جريمة كفر شكر
اقتباس وكتابه
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
ويعدي يوم وام يونس تروح ل دوار العمده فرج وقت ما كان قاعد مع سليمان ابن شيخ البلد وقالت
ابني يونس يا حضرة العمده ما رجعش البيت بقاله يوم بليلة
العمده
ازاي دة انا لازم ابلغ المركز
وقام العمده علشان يبلغ المركز بالتيلفون وهنا سليمان بص ل ام يونس وقال بتريقة
ما سالتيش عليه السنيورة
ام يونس
مين السنيورة دي
سليمان
خطيبته شفيقة
ام يونس
سالت وما تعرفش عنه حاجة
سليمان
ان شاء الله تلاقو ولو احتجتي اي مساعده مني انا موجود دة الغالي
ام يونس
مش من قلبك يا سليمان وباين اوي عليك دة انت من الناس اللي في الكفر اللي كنت بتتمني ابني يونس ينكشح في مصيبه
سليمان
ايوة صح و انتي عارفه ليه علشان سيدنا وحبيبنا النبي قال لا يخطب احدكم علي خطبه اخي
ام يونس
قول الكلام دة لنفسك مش
ل ابني
سليمان
قصدك اية يا وليه انتي
ام يونس
اسمي ام يونس وقصدي انت عارفه كويس لانك انت اللي روحت ل ابو شفيقة وكنت عايز تخطبها بعد ما ابني قراء فتحتها
سليمان
مين اللي قال الكلام الفارغ دة الكفر كله يعرف ان شفيقة ل سليمان وسليمان ل شفيقة بس ابنك الخاطي لف دماغ البت وغاوها وخلاها تقع في حبه
ام يونس
كدة الكلام دة يعيبك يا ابن شيخ البلد لما تبقي مش مالي عين اللي انت عايز تتجوزها
سليمان وقف واتعصب وقال
انا املي عين اي مراة يا مراة وكلمه تاني هنسي انك ست وهلبسك فضيحة زنا وهرجمك في وسط الكفر
ام يونس
قادر وتعملها
وهنا يجي العمده وقال
خلاص يا ام يونس اطمئني انا بلغت المركز وهما هيدورو عليه بمعرفتهم وان شاء الله خير
ام يونس
ربنا يجيب العواقب سليمة سلامو عليكم
ومشيت ام يونس وبص العمده لسليمان اللي كان واقف وقال
واقف ليه كده
سليمان قعد تاني وهو باصص ل ام يونس بغل شديد، ،،،،،،،
في نفس الوقت كان بيومي البوسطجي قاعد في بيته ومع اخته منيره اللي قالت
انت هتفضل قاعد في البيت كدة مش هتخرج تشوف شغلك
بيومي بعصبية
مش هخرج عايزا مني اية انتي
منيره
عايزا اروق السرير بتاعك دة انت من ساعة ما رجعت امبارح بالليل وانت قاعد في اوضك كده
بيومي وهو لسة متعصب قال
هو انا قاعد فوق دماغك ما تحلي عني
منيره
يا اخويا طيب بالراحة انت مالك النهارده مش طايق كلمه مني ليه
بيومي
يووووووووووو هتمشي من قدامي ولا اقوم اكسر عفش البيت علي دماغك
منيره
خلاص همشي ما تزقش
منيره خرجت من هنا وبيومي قال لنفسه
انا كان مالي ومال الحزن دة اعمل ليه كدة دة لو اتعرف اللي انا عملته هيبقي فيها موتي ،،،،،،
ونروح ل رفعت اللي كان بيشرب الشيشة وقت ما مراته حوريا دخلت عليه بص لها بطرف عينه و هي باصه له وساكته فقال
واقفه كده ليه
حوريا
عرفت اللي حصل
رفعت
اية اللي حصل
حوريا
يونس ما رجعش بيته من امباراح
رفعت
وانا مالي
حوريا
بجد انت مالك
رفعت
عايزا تقولي اية
حوريا
مش انت اللي شيعت له امبارح علشان يجي يشوفك
رفعت رمي الشيشة وقال
انتي عرفتي ازاي يا وليه انتي مرقباني
حوريا لسة هترد خبط باب البيت رفعت ارتبك، ،،،،،،،،،،