رواية لكل حب حكاية الفصل السادس 6 بقلم محمد منصور

رواية لكل حب حكاية الفصل السادس 6 بقلم محمد منصور

ومن جوة احدي المستشفيات.  وبعد ما انتهي دكتور مخ واعصاب من الكشف علي مليكة يقف الدكتور وسط عائلة مليكة ويبص ل ممدوح اللي كان بيقول

خير يا دكتور

الدكتور

انت تقرب اية للحاله 

ممدوح

انا اخوها الكبير وبالله عليك طمئني 

الدكتور

انا عايزك تطمئن خالص. 

شيماء

نطمئن ازاي بس وهي ما باقتش تقدر تتكلم

الدكتور

دي حاله وهتروح باذن الله. ما تقلقوش

عماد

نقدر نشوفها

الدكتور

طبعا وياريت كلكم تفضلو جنب منها وحاولو ما حدش يتكلم معها في اي شئ يضايقها،،،،،،

ومن جوة الاوضة المحجوزة فيها مليكة يقفوا اخوات مليكة عماد وشيماء وممدوح قصاد منها وممدوح يقول لها

عاملة اية دلوقتي

ابتسمت مليكة وهزت دماغها بالرضا فقالت شيماء وهي بتقعد جنب منها

هي مالها ما هي زي الفل اهه.

عماد قال بهزار

احلي حاجة في الوقت دة. اننا هنرتاح شوية من صوتها المسرسع.

ضربته مليكة ب هزار وبصت وله وضحكت فقال ممدوح

بقي تقول علي صوت مليكة مسرسع.  دة عسل كدة وعرسة في نفسها

مليكة بصت له وهزت دماغها مش عاجبها الكلام. فقالت شيماء.

سييك منهم.  المهم عايزاكي بقي كدة تقومي اوام اوام وترجعي تملي علية الشقة.  حاكم انا شكلي اتعود عليكي

ممدوح

طيب مش يلا. نخرج بها ونسيبها ترتاح

هزت مليكة راسها وكانها بتقول لا.   فقال عماد

لازم ترتاحي وبكرة هنجي لك تاني 

وخرجوا كلهم وهما بيبصوا ل مليكة بحب شديد وقلق علبها بعد اللي جري لها.،،،،،،،،،

ومن جوة صيدلية عز. تقف سمر مع عز وكانت بتقول

وهي دلوقتي في المستشفي. بعد ما فقدت النطق

عز بقلق شديد

هي مالها بتخبط لية مع مليكة كدة

سمر

ان جيت للحق هي صعبانه عليه اوي. مش عارفه تلاقي منين ولا منين.

عز بصوت حزين

وكل دة بسببي انا

سمر

ما حدش فينا لي ذنب في اللي حصل. دة مكتوب لها

عز

انا محتاج اشوفها

سمر

ما بلاش

عز

بصراحة بقي انا فكرت كتير وحاسس ان مليكة بتكمل اللي ناقصني. 

سمر

يعني اية بتحبها

عز

ما عرفش دة حب ولا. هي مجرد واحدة صعبانه عليه لكن كل اللي اعرفه ان في حاجة اية هي ما عرفش

سمر

لا. اعرف علشان انت ما تعرفش انت اية بالنسبة ل مليكة

عز

كل اللي اعرفه اني كنت كل يوم بشوفها بحس اني بخير. لكن من ساعة ما اللي حصل وانها راحت ل اختها وانا حاسس اني ناقصني حاجة 

سمر

برضو يعني اية

عز

ما عرفش والله ما عرف. بس كل اللي عايزة دلوقتي اشوفها واطمئن عليها، ،،،،،،،،،

ومن جوة شقة عيلة مليكة يقعد عمر علي اللاب بتاعه وكان بيلعب كالعادة. ويفتح امين باب اوضتة  ويخرج امين ويبص ل عمر ويقول

البيت ماله هس هس كدة.

عمر

هو انت نسيت اية اللي حصل امبارح.

امين اللي فاق من السطل اللي كان في. قال

ولا فاكر اي حاجة

عمر بنفس الطريقة الخبيثة

مش فاكر لما روحت تجيب مليكة من عند شيماء. وحصلت خناقة كبيرة وقالت مليكة انه راح لها وهي ما تعرفش وبتحبة ومش عارف اية واية واية انت نسيت ازاي دة انت اللي حكي لي امبارح.

امين بعصبية غشيمة

هو مين دة اللي راح لها.  انطق 

عمر بمنتهي البرود

انت ماقولتش اسامي.  لكن هو في غيرة. 

وبدأ عمر يلعب اوي ويدوس بمنتهي الغل علي الكيبورد وهو بيقول 

علشان كدة خدتها شيماء عندها. علشان الجو يحلو والاثنين يعرفوا يقابلو بعض.  تفتكر بقي انا بتكلم عن مين 

امين

ما فيش غيرة. عز

ودخل امين اوضة بمنتهي الغضب ومد ايدة تحت سريرة وطلع سلاح ابيض حاجة كدة شبة السيف اسمها سافوريا وخرج من الاوضة جري وهو ناوي علي الشر ل عز لكن عمر بص له بطرف عينه وقال

رجع السلاح دة اوضك وخلي مخك كبير. بلاش الغشومية اللي هتكون السبب في دخول لك السجن وممكن تاخد اعدام.  انا عارف ان ليك حق تخرب الدنيا. دي استغفلتك 

 مع عيل بيتك في الحجز ليلتين بس بالعقل ممكن تاخد حقك من غير ما تبات ليلة واحدة في الحجز 

اقتنع امين وحط السافوريا علي الكنبة اللي قصاد منه وقال 

انت عايز تقول اية

قفل عمر اللاب وقام وقف وراح ناحية امين ووقف جنب ودانه وبقي بين بوقة وودان امين حوالي 10 سم وقال

دواء يتاخد غلط.  بايدين عز.  بعديها تتقفل الصيدلية وتبقي براءة من اللي هيحصل له.  وبعدها تربي مليكة

امين ضحك زي الاهبل وقال

الله عليك.  يا عمر. مع اني ما بحبكش.

عمر وهو بيمسك اللاب بتاعه ورايح ناحية اوضة. قال

ولا انا بحبك. بس مليكة لو اتجوزت مين هيخدمنا. وكمان يوم ما تتجوز  يتجوزها دكتور صيدلي. لية الدنيا تضحك لها كدة تبقي كسبت حب كل اللي عرفوها وكمان تتجوز جوازة زي دي. وانا اللي احسن منها ما حدش بيحبني ولا يوم شوفت حنية زي اللي هي بتشوفها 

ورزع الباب وراء منه وامين بص له باستغراب شديد وقال

مجنون.  

ورجع ضحك وقال.

بس قال فكرة بمليون جنية. اخد بيها حقي من عز واستغفاله ليا، ،،،،،،،،،،

وفي نفس الوقت ومن جوة شقة شيماء كان  ممدوح بيتكلم مع شيماء وعماد وقال 

ازاي يا شيماء توافقي علي اللي حصل. دة وعلشان اية عز يجي هنا ل مليكة

شيماء

اختكم بتحب عز. 

عماد

مليكة تعرف يعني اية حب.

شيماء

ايوة تعرف هي مش بنت ومن حقها تحب وتتحب

ممدوح

شيماء كلامك بفور الدم

شيماء

يفور ولا ما يفورش هي دي الحقيقية ولازم نقبلها زي ماهي

ممدوح

ولو عز بيحبها لية ما يجيش ويطلب ايدها

شيماء

كلام مليكة كان واضح هي ما تعرفش هو بيحبها ولا. لا.

عماد

مليكة طيبة وممكن تكون متعلقة بواحد هو مش شايفها اصلا.

شيماء

ما كنش جه لغاية هنا علشان يطمئن عليها

ممدوح

انتي عايزة تقولي اية

شيماء

انا مش عايزة اقول حاجة. انا بس بفكر معاكم بصوت عالي

عماد

انتو اخواتها الكبار وتعرفو مصلحتها اكتر منها شايفين الصح اية

ممدوح

مافيش حاحة نعملها. يعني هنروح ل عز ونقول له تعالي اخطب مليكة.

عماد 

خلاص انا هروح ل عز واعرف منه عايز اية من مليكة.

شيماء

انا من رايي ناجل اي حاجة ل غاية ما مليكة تخف وترجع تتكلم تاني وبعدها نشوف نقدر نعمل علشانها اية

هنا يظهر فوزي اللي كان في اوضة ويقول

انا اسف اني بدخل في امور عائلية.  بس انا سيبتكم وقعد جوة. علشان تتكلمو براحتكم. لكن كلامكم مش عاجبني

بص لو كلهم باهتمام شديد وقال ممدوح

انت واحد من العيلة يا فوزي وتقدر تقول اية الصح بالنسبة لك.  وشايف اننا المفروض نعمله

فوزي

مليكة تتجوز.  

شيماء

لا. دي بتحب عز

فوزي

تحب جوزها وبس واي كلام تاني قلة ادب.   ما تزعلوش مني. عز دة لو قاصد حلال بدل ما كان جه ووقف تحت الشباك زي الحرامية كان جه ودخل البيت من بابه دي الاصول اللي اعرفها.  وغير كدة يبقي احنا بنحوت عن الاصول 

عماد

يعني نجوزها غصب عنها

فوزي 

مش احسن ما واحد زي عز يضحك علي اختك وتخسر من علاقته بيها اكتر ما تكسب.  اختكم طيبة اوي واسف لو قولت هبلة وسهل يضحك عليها بكلمتين حلوين.  ولو وافقته عريس مليكة عندي 

ممدوح

انا شايف ان كلام فوزي مظبوط.  لازم نجوزها

شيماء 

تتجوز واحد وهي بتحب واحد تاني. دة كدة يبقي غصب علي عيشة حرام 

ممدوح 

كدة احسن ما نلاقي مليكة ضاعت في الوهم

شيماء

لا.  وانا مش موافقة

وبصت ل عماد وقالت

ما تتكلم يا عماد انت اقرب واحد ل مليكة  ازاي ترضي ان اختك تتجوز غصب عنها

عماد

انا شايف اننا بنسبق الاحداث مليكة تخف الاول وبعدها نشوف الصح اية، ،،،،،،،،،،،

وفي نفس اليوم بالليل يقف بوكس قدام الصيدلية وظابط واتنين عساكر بيجروا عز علي القسم و عز بيقول

انا مظلوم والله. وصرفت العلاج اللي كان مكتوب في الروشتة

الظابط

الست كانت هتموت لولا ستر ربنا. مش قد الشغلانه بتفتح صيدلية لية

وسلم عز للعساكر وقال

حطوا في البوكس وشمعوا الصيدلية

وركب عز البوكس واتشمعت الصيدلية. وعمر بيبص عليه من وراء شيش اوضة مليكة وكان بيضحك، ،،،،

             الفصل السابع من هنا 

لقراءه باقي الفصول من هنا