رواية قربك حياه وبعدك منفي الفصل الثاني العشرون 22 من هنا
٢٢
اسيل وقعدت الكرسي بتوتر
عمر:احم ادخل
بلال ودخل وكان شايل باقة ورد كبيره
بلال:الورد دا جالك تقريبا
مي دخلت وقعدت على الكرسي اللي جمب اسيل
بلال حط الورد
عمر:مين اللي بعته؟
بلال واخد الكارت من عليه واداه لعمر
عمر وقرأ اللي كان على الكارت
(ايه رايك في المفاجأة الصغيره دي اتمنى تكون عجابتك واستمتع باللعب معاك يابن الشهاووي اعتقد انت عارف انا مين سلام..)
عمر وضغط على الكارت في ايده وابتسم بشرود هو عارف انها مش هتكون غير منه
فاق على صوت بلال
بلال:يحيى على فكره طالع دلوقت كلمني من شويه
عمر:تمام ..ماشي
دقايق ويحيى جيه
سلم على الجميع وقعد
يحيى:خلاص يا بلال تقدر تروح دلوقت
اسيل:على فكره انا ممكن ابادل معاكم يعني لو يا بلال عايز تروح شغلك بكره وانا هاجي الصبح مكان يحيى
بلال :لا انا قايلهم في الشغل اني هاخد اجازه كذا يووم
يحيى:طيب يلا هوانا بقا عايز اتكلم مع عمر في شوية شغل
اسيل بضيق شغل هنا كمان؟ وبعدين انا هفضل الدكتور من شويه كان بيقول انه هيدخل اشعه كمان شويه هنطمن الاول وبعدين نمشي
يحيى:هطمنكم بالموبيل يلا اتفضلوا
اسيل :عشان خاطري يا ابيه
يحيى: اسيل وبعدين يلا عشان مش عايزين نضيع وقت والوقت اتاخر يلا امشوا
مشيوا وبلال وصلوا اسيل وروح هو ومي وكل واحد راح على شقته
يحيى واخد كرسي وقعد قدام عمر
عمر:ايه الاخبار؟؟
يحيى:كله تمام متقلقش ..طبعا انت عارف مين اللي ممكن يعمل كدا
عمر وادله الكارت اللي كان مع باقة الورد
يحيى وبعد ما قرائه انا قولتلك قبل كدا عادل السباعي بيعلن الحرب في العلن عادي
عمر:وانا اقدر اوقفه عند حده
يحيى:ازاي ويوم زي دا انت مأخدتش الحرس معاك ياعمر مبنفعش
عمر: هو بقا شغلتي الايام الجايه وانا هوريك انا هعمل ايه
يحيى:على فكره لو بس شاورتله كدا وقولتله نحل اللي ما بنا
عمر:وانا مش هتفق معه واديله الفرصه دي.....
ـــــــــ__ــــ_ــ_ـــــــــ_ـــــــــ
بعد يومين
اسيل وراحت المستشفى لعمر بعد الظهر
خبطت على الباب ودخلت
بس اتفاجئت بيحيى وساره ومرات عمها ومعاهم ياسين
حست بالاحراج نوعا ما وخصوصا انها جايه لوحدها كانت مفكره ان بلال هو اللي هنا
اسيل بحرج مساء الخير
الجميع مساء النور
ياسين جري عليها وحضنها من رجليها وهي نزلت لمستواه وحضنته وحشتني يا قلبي
ياسين ببراءه وانتي كمان
دخلت وسلمت على الكل
ساره:واحشتني يا اسيل
اسيل:وانتي كمان يا ساره
ساره:ابقي تعالي بقا عشان عايزه اقعد معاكي شويه
اسيل:ماشي حاضر
قعدوا شويه ويحيى نزل يوصلهم وطلب من اسيل تفضل مع عمر لحد ما يرجع
اسيل:يعني خلاص هتخرج بكره
عمر:ايوه خلاص انا زهقت اصلا انا مش متعود على كدا
اسيل:معلش يا عمر عشان نطمن عليك
عمر:شغلي متعطل عايز ارجعله
اسيل:شغل ايه انت تقعد في البيت ترتاح شويه
عمر: مش هقدر انا اصلا حاسس بملل
في الوقت دا دخل يحيى
يحيى:اصبر بس دا انا مجهزلك شغل هحوله كله على الفيلا
اسيل:ههههههههههه دا ابيه يحيى بيحبك اووي
يحيى:اه طبعا بس متقلقيش هو هيبقا مبسوط كدا
اسيل:عارفه والله
عمر:والله؟!يعني هتتفقوا انتوا الاتنين عليا
يحيى وقرب من عمر واتكلم بمرح بت يا اسيل ابعدي عني دا رئيسي في الشغل انتي عايزاني اترفد لا ياريس انا معاك في اي حاجه
عمر وابتسم بخفه
اسيل:بقا كدا بتبعني يا ابيه
يحيى:اه ويلا روحي بقا انا شايف السواق تحت
اسيل:هو انت كل ما اتشوفني تطردني من هنا
يحيى بهزار يحمل بعض الجديه يلا يابت روحي انت موركيش مذاكره والا ايه
اسيل بصتله بضيق ومسكت شنطتها
اسيل لـ عمر انا همشي بقا هتعوز حاجه ياعمر
عمر بابتسامه لا يا سيلا سلامتك
يحيى: خلاص يا حنين هي هتمشي يلا يابت
اسيل هي بتشاور لعمر بهدوء بااي
اسيل رجعت على الفيلا
تاني يوم عمر خرج من المستشفى ورجع على الفيلا
ـ_ــ_ـ_ــ_ـ_ـــــــــ_ــ_ـ_ـ
تاني يوم اسيل راحت الجامعه
قابلت مي حضروا المحاضرات ومي راحت مع اسيل على فليتهم
يارا:يابنتي ايه الزياره الحلوه دي يابنتي
مي بهزار: قولت ادخل الفرح والسرور على قلبكم
اسيل:دا انا بقالي سنه بتحايل عليها تيجي
يارا:والله بجد منورنا يا مي
مي:حبيبتي يايويو تسلمي
نسرين وقربت منهم
نسرين بابتسامه:ازيك يا مي
مي وقامت واقفت وقربت منها وسلمو على بعض الله يسلمك يابشمهندسه
نسرين:مبرووك الخطوبه معلش متاخره شويه
مي:الله يبارك في حضرتك لا عادي ولا يهمك
موبيل مي رن وكان بلال
مي استاذنت منهم وراحت ترد على الموبيل
مي:الو
بلال:ايه ياقلبي رجعتي؟؟
مي:لا
بلال:ليه لسه في محاضرات؟؟
مي:لا اصل انا عند اسيل
مروان وقرب على مي اللي كانت بتتكلم في الموبيل
مروان بمرح مش معقول الاستاذ مي عندنا دي صدفه مبتحصلش
مي بابتسامه متوتره:عامل ايه؟؟
مروان:كويس يابنتي مشوفتكيش عندنا من زمان
مي:معلش كنت مشغوله شويه
مروان:تمام انا سابقك بقا على الغداء
مي وهزت دماغها بالايجاب ماشي
مي ورجعت حطت الموبيل على ودنها الو
بلال وضيق واضح في صوته خلصي مشوارك دا وتروحي وترني عليا
مي:في ايه؟؟
بس كان بلال قفل
مي اتنهدت بضيق
راحت عند الجميع اتغدت معاهم وبعد كدا روحت
ـــــ_ــــــــ_ـــــــ_ـــــــــــــ
اسيل طلعت اوضتها
موبيلها رن مكالمه فيديو
بصت على الموبيل
وكان عمر
ابتسمت بخفه وفتحت المكالمه
عمر:مساء الورد
اسيل بابتسامه:رجعت من المستشفى حمدلله على السلامه
عمر:ياسلام انتي اصلا رنتي عليا النهارده؟؟
اسيل:معلش والله روحت الكليه ومي رجعت معايا على هنا فمعرفتش اتكلم
عمر:اه يعني زي مابيقولوا من لاقي اصحابه نسى احبابه
اسيل بحرج مش كدا مكنش ينفع اسيبها واتكلم
عمر :انا عارف ياحبيبتي انا بهزر معاكي بس
اسيل :وبعدين المثل دا العكس
عمر وضحك بقوه عارف
اسيل:اوضتك دي؟؟
عمر :اه
عمر ودور الكاميرا وبيفرجها عليها ايه رايك؟؟
اسيل:شبهك
عمر:غامضه بردوه
اسيل بابتسامه ايوه
عمر:على فكره بن عمك هو اللي عامل الفيلا دي
اسيل:بس اكيد فرشها ذوقك انت
عمر:اه اكيد
اسيل:اممم شبهك بردوه
عمر:بعد كدا انتي اللي هتفرشي على ذوقك
اسيل وابتسمت بحرج وسكتت....
ـــــــ_ــ_ـــــــــ_ـــ
في مكالمه بينهم
مي:انا مش فاهمه انت مضايق ليه؟؟
بلال:مي متستعبطيش انت ايه اصلا اللي وداكي من غير ما تعرفني
مي:عادي انا روحت بعد المحاضرات مع اسيل لانها كانت عايزاني اروح مره معها وكمان عشان عمو صلاح كان تعب كذا مره ومروحتش
بلال:تمام مكلمتنيش ليه
مي:نيست
بلال بضيق:والا تناسيتي
مي :مكنتش رديت عليك
بلال:لاني اول مره ارن بدري عليكي
مي:لا طبعا وبعدين انا معملتش حاجه غلط
بلال:انتي شايفه كدا يعني شايفه لما تروحي مكان من غير ما تعرفني دا مش غلط
مي بضيق:انا مش عارفه انت مكبر الموضوع ليه
بلال:انتي شايفه كدا ..طيب اسمعني بقا انا مش حبك تروحي هناك تاني تمام كدا
مي:قصدك ايه يعني اناعمري ما هلاقي صاحبه زي اسيل
بلال:انا مجبتش سيرة صحوبيتك انتي واسيل انا اكتر واحد عارف اسيل يمكن عارفها اكتر منك انتي شخصيا ومحترمه وعلى عيني وعلى رأسي بس في اي مكان تكوني معها غير الفيلا ..بوصي يا مي انا في الاول وفي الاخر راجل صعيدي روحت جيت سافرت اتشقلبت حتى في الاخر بردوه اتربيت على تقاليد مش هغيرها ومن اللي اتربيت عليه ان مينفعش البنت تدخل بيت غريب يكون في شاب او شباب
مي:شباب مين مفيش غير مروان ودا زي اخويا
بلال:اهوه انتي قولتي زي اخويا ومش اخوكي بجد وبعدين اصلا هما منفتحين ومش بيعحبني طريقة حياتهم وخصوصا اني داخل البيت دا وعارفهم كويس وبردوه حوطي اسيل بعيد عنهم عشان وانتي عارفنها كويس فياريت يكون مقابلتك ليها يا في الجامعه او اي مكان خارج البيت تمام؟؟؟
مي:تمام
ـــــــ_ـــــــــــ_ـــــــــــــــــــ_ــــــ//
بعد اسبوعين
عمر بقا احسن من الاول وبداء يروح الشغل
يحيى:كنت عايزك تريح شويه كمان ياعمر
عمر :زهقت بجد من الفيلا خلاص كدا
يحيى:يابني انت لسه دراعك متجبس
عمر:اسبوع وعندي اكشف وهشيله
يحيى:طيب كنت صبرت الاسبوع دا
عمر:خلاص بقا يا يحيى كلمنى بقا الشغل عامل ايه؟؟
يحيى:كله تمام
وبدوا يتكلموا في الشغل
ــــــــــــــــــــــــــ
بعد اسبوع في احد المطاعم
كانت تجلس فرح وعمر
عمر:عموما الف سلامه على كمال بيه الاول ربنا يشفيه باذن الله
فرح بحزن مكبوت :ياارب..الشغل هيمشي زي ماهو وانا هكمل كل حاجه مكان بابا متقلقش
عمر:متقلقيش من ناحية الشغل كله هيبقا تمام
فرح:لا ياعمر انا عارفه انك مش بتحب التاخير في اي حاجه في الشغل ومتقلقش انا روحت الشركه من يومين وتقريبا بداءت افهم كل حاجه
عمر:انا بس زعلان انك اول ما كمال بيه تعب مكلمتنيش ليه؟؟
فرح:اكيد انت مش ناقصنا كفايه الحادثه انت لسه بداء تخف
عمر:بردوه يا فرح انتي عارفه غلاوتك عندي
فرح بابتسامه خفيفه عارفه
موبيل عمر رن
كانت اسيل
عمر :ثواني
وفتح الخط
عمر:الو ..ايو سيلا
اسيل:ايوه عامل ايه؟؟
عمر:الحمدلله تمام ايه خلصتي
اسيل:,ايوه لسه واصله البيت..انت فين؟؟
عمر:انا مع فرح
فرح بهدوء (سلملي عليها)
عمر:بتسلم عليكي
اسيل بضيق وظهر في كلامها:اممم خير في ايه؟؟
عمر:تمام اما اروح هكلمك
اسيل بضيق اكبر:قصدك اما تفضى وتخلص مع الهانم وتبقى تكلمني
عمر :طيب تمام ..احم هروح وهكلمك
اسيل بضيق :سلام
عمر وحط الموبيل على التربيزه
فرح وحست ان في حاجه
فرح:طيب انا لسه هعدي على بابا في المستشفى قبل ما ارجع البيت
عمر:ماشي انا جاي معاكي اطمن عليه
فرح:مفيش داعي تتعب نفسك ياعمر
عمر :عيب عليكي يافرح يلا بينا
عمر وراح مع فرح على المستشفى وهناك شافوا كمال رشوان وكان في العنايه
عمر وركب فرح عربيتها واتحركت
وهو كمان ركب عربيته ورجع على الفيلا
اخد شاور
وبعد كدا مسك الموبيل ورن على اسيل
اكتر من مره بس مردتش
بص في الساعه وكانت ٩م
استغرب انها مردتش
بعت رساله على الواتس
اسيل مبردتيش ليه معقول نمتي
اسيل وبعتت رساله
مليش مزاج
عمر
نعم !!!هو الرد بقا بالمزاج
اسيل شافت الرساله ومردتش
عمر ورن تاني
اسيل وفتحت الخط
عمر:في ايه؟؟
اسيل:بتتعامل عادي ولا كأن حصل حاجه
عمر بضيق خفيف:ايه يابنتي في ايه؟؟
اسيل:انت عارف في ايه انا مش عارفه بقا بصراحه علاقتك بفرح دي ايه؟؟؟
عمر:ايه علاقتي بفرح مش فاهم يعني
اسيل:كل شويه خارج معها ومتقولش صحاب عشان انا بقا مبقتنعش بالحوار دا
عمر:ليه ما انتي وبلال صحاب مش كدا بردوه
اسيل بعصبيه:عشان بلال كان دكتوري وكمان دا خطيب صاحبتي انما دي كانت خطيبتك هااا المفروض ايه بقا افرح
عمر:يابنتي افهمي الحوار مش كدا
اسيل بغضب:افهم ايه بقا دا انت حتى مرنتش عليا النهارده وخارج معها
عمر:لاني عارف انك النهارده في التدريب الزفت دا وعامللي فيها الصحفيه المهمه
اسيل:متتريقش
عمر:بجد مش مقتنع بيه اصلا قولتلك مش لازم تروحي
اسيل:انت عارف انه عليه درجات ومش هسيبه
عمر:قولتلك ملكيش دعوه وهتقفلي زي ما انتي عايزه
اسيل:لا مش بحب اخود حاجه متعبتش فيها ..وبعدين متفتحش حوار تاني
عمر:يابنتي افهمي كمال بيه جتله جلطه بقالوه اسبوع والبنت ومامتها لوحدهم انا اول مره اعرف النهارده اصلا وبعدين فرح كلمتني النهارده عشان نخلص الشغل اصلا لان باباها ليه شغل معايا كتير
اسيل بضيق كمان اممم كترت الحجج بقا
عمر ومسح على وشه بتعب وضيق وبعدين بقا ماتكبري دماغك بقا شويه اولا الناس دي انا واكل عيش وملح في بيتهم ومش هشوفهم في ضيق ومش هقف جمبهم وبعدين دي خطوه كويسه منها انها تفكر في موضوع الشغل بجد لاننا كنا هنخسر وهي عارفه كويس اووي اني شغلي عندي حاجه مهمه
اسيل بسخريه:طبعا وتقرر بقا انها تبقا سيدة اعمال
عمر :برغم اني عارف انك بتتريقي بس فعلا انا بيني وبين الرجل دا مشاريع بالمليارات ولازم كل واحد فينا يحافظ عليها
اسيل:المفروض اني اقتنع يعني
عمر بضيق:في ايه يا اسيل دا انتي حتى من بيت كله عملي تقريبا الكل حتى ولاد خالك شغالين في الحورات دي واكيد فاهمه طبيعة الشغل دا
اسيل:وانا مش حابه طبيبعة الشغل دي
عمر:هو انتي نسيتي انا مين والا حاجه
اسيل بتريقه لا منستش يا عمر بيه
عمر بغضب:اسيل بطلي تريقه بقا انا مش مهندس وبس انا راجل ليا شغل في كل حته وشغلي دا مهم عندي زي ما حبك كمان مهم وصابر عليكي لحد دلوقت
اسيل بدموع :المفروض ابقا انا اهم عندك من اي حد واي حاجه
عمر:ومن قالك ان في حد اهم منك
اسيل بدموع :انت بتصرفاتك دي
عمر:والله العظيم انتي اهم عندي من نفسي اسيل والله الفتره اللي مكنتيش فيها معايا كنت حاسس اني مش عايش
اسيل...........
عمر:بكره الايام تثبتلك انا بحبك قد ايه
اسيل بدموع وغيره انا نفسي متكلمش اي ست في الدنيا غيرري وبالذات فرح دي
عمر وضحك بحيره والله حتى لو كلمت انا محدش يملئ عيني غيرك يا اجمل سيلا في الدنيا كلها
لقراءة باقي الفصول اضغط هنا