رواية احببت وانا علي ذمة اخر الفصل السادس والعشرون 26 بقلم نوسه حمد
يوم كنت في الشغل ومهيد جا داخل علي في المكتب ومعاهو عباس سلمت عليهم ورحبت بيهم وقومتا بي ضيافتهم مهيد قال لي عباس اصرا انو يجيك في المكتب لانو صعب يلاقيك في اي مكان وزي ما انتي عارفه الوضع حساس قلت ليهو لا عادي وحبابو في اي مكان م بيني وبينو غير الاحترام قلت ليهو اليركه فيكم في اختك ربنا يتقبلا وكيف بناتها قال لي البركه في الجميع ان شاء الله بناتا كويسين بس فراق الام صعب رغم انها كانت غايبه عن الوعي بس حضنها كان امان بالنسبه ليهم قلت ليهو فعلا حتي انا لاحظت لي بتها لمن اختك جات من الشارع هي جاتها بي لهفه قال لي اكيد ي نوسه واختي دي رغم العليها بس في بناتها تحسيها واعيه الصدمه كانت كبيره عليها قلت ليهو الحاصل شنو يا عباس هي مالا طبيعتها كده ولا حصل ليها شي اتنهد وقال لي دي قصه طويله ي نوسه وانا القصه ما استفدتا منها بالعكس ي نوسه غلطت نفس الغلطه واتسببت في خراب بيت ودموعو بدت تنزل قلت ليهو عباس ممكن تهدا شويه حسيتو منهار وقال لي صدقيني م قادر قلت ليهو مهيد اسمعني هنا الشغل والناس ممكن نطلع اي مكان عشان عباس اياخد راحتو في الكلام قال لي تمام مشيت استاذنت من المدير وقلت ليهو عندي موضوع خاص جدا عاوزين نستاذن انا ومهيد قال لي تمام اخدو اجازه اليوم اصلا كده كده كان اليوم عامل ليكم مفاجاه بس خليها يوم بكره بالمره تعرفوها واعملي حسابك تجيبي معاك اولادك واهلك احترت في كلامو قلت ليهو ليه قال لي مفاجاه ويلا عشان م تتاخري علي موضوعك قلت ليهو تسلم وطلعنا سالت مهيد قلت ليهو فشنو المدير قال لي في مفاجاه قال لي والله ماعارف بس خلي بكره بنفهم قلت ليهو تمام مشينا قعدنا في مكان هادي وعباس حسيتو بطنو طامه من الدنيا قلت ليهو عباس ناهيك عن اي شي بس انت ما مؤمن صدقني هديه ربنا رايد ليها بيك وبراك تختلف مع زوجها وكان لي خير ما يعلمه الا الله دا كلام ربنا انت ليه بتعمل في نفسك كده قال لي بس انا السبب قلت ليهو معليش قدر ولطف انت ليه تبهدل نفسك بالطريقه دي انت عندك مسؤوليه بنات اختك محتاجات ليك لمن يشوفنك بالحاله دي فكرك ح يكونن كويسات عليك الله خلي الحزن جواك وعيش حياتك بس عاوزاك تحكي لي الحاصل شنو الخلاك تقول انت غلطت نفس الغلط قال لي نوسه اختي دي كانت من اجمل بنات الحله الكل يشهد بي جمالا وطيبتا وحنيتها وزوله ماليها في اللف والدوران اتزوجت ولد عمي الله يسامحو قصتهم كانو يحكو بيها بس فجاه دخلت وسطيهم واحده خربت حياتهم قلت ليهو اتزوج تاني قال لي ياريت لو اتزوج الراجل محلالات ليهو اربعه قلت ليهو كيف م فهمت قال لي في واحده شكلها عملت معاهو علاقه بعد ما زوج اختي كان بحبها وعايشين اجمل حياه دخلت هي وخربت كل شي قلت ليهو طيب كان اتزوجها ويحلل علاقتو قال لي اتزوج واحده متزوجه قلت ليهو لا حول ولا قوه الا بالله العلي العظيم كمل قال لي وللاسف هي متزوجه ولد عمي التاني وكانت امورو جايطه وما شغال زي الناس وبقا يسكر وبهدل نفسو شديد ومرتو دي كانت ضاغطاهو عاوزه القروش وهو بقا يجيب القروش بي اي فهم سرقه خطف اي شي بس بجيب ليها القروش وم اكتفت بكده دخلت حياه راجل اختي وبقا كانو زوجها داخل وطالع من بيتهم واي شي بجيبو ليها والكلامات كترت شديد وناس الحله اكلو لحم اختي ودا كلو نحنا اخر من يعلم لغايه ما يوم حصل شنو ما عارف راجل اختي دا قتلو ود عمو في بيتو واختي شافت المنظر من لحظتها هي م كويسه وكل البلد عرفت القصه انو راجل اختي اتقتل عشان ود عمي عرف علاقه مرتو معاهو وبقت فضيحه اختي اتاثرت شديد واخر كلامها لي بتقول لي بعد بناتي يكبرن ويسالن من ابوهن مات كيف اقول ليهن شنو والناس م بترحم اكيد ح يعرفو اي شي وانا يا نوسه بدل اخت قصه اختي دي قدامي واكون ضد اي واحد يحب واحده متزوجه او اي واحده تحب وهي متزوجه اقوم انا عشان القروش ادمر بيت هديه نوسه انا ما طالب منك غير توصليني لي هديه او تحاولي تفهمي طارق القصه وتخلي يرجعها عشان احساس الذنب دا يروح مني نوسه انا عندي م يثبت اتفاق عبله معاي علي خراب بيتك وبيت هديه بس عليك الله ساعدني عشان اطلع من الانا فيهو دا قلت ليهو عباس انا م عندي مشكله ح اساعدك وح اتكلم مع طارق بس هل انت عندك المقدره تقول لي طارق الحقيقه قال لي م عندي مشكله ومستعد اقول الحقيقه قدام اي زول بس ساعديني قلت ليهو تمام وربنا يهون ويا عباس خليك طبيعي كل الامور بتظبط و طارق اصلا بفتش لي هديه عشان يرجعها يعني كده كده طارق عاوزها بس ما عارفه هديه ح توافق ولا لا قال لي نوسه اقنعيها قلت ليهو اكيد عشان بينهم بت بقت قال لي ريحتيني الله يريح قلبك
رجعت البيت وكنت تعبانه شديد وكلام عباس بدور في راسي وبالذات قصه اختو اتزكرت زمان لمن طارق كان مبهدلني وغلطت نفس الغلط بس ربنا عالم بي ما كانت نيتي اني اعمل علاقه وانا ف عصمتو بقيت اتزكر ف القهر الكنت فيهو بعد كنت عايشه في نعيم بقيت اسال في نفسي الغلط من منو وما لقيت لي مبرر للحاجه دي غير انها خيانه وخيانه عظمي وانا متاكده في كتار من العلاقات بالشكل دا وللاسف بكونو الطرفين ليهم فيها يد وكما تدين تدان قلتا البقا علي ما يبقا علي بتي لازم اعلمها كيف تصون زوجها في حضورو وفي غيابو حتي لو غلط في حقها وما قدرت تتحملو افضل انها تنفصل ولا تهلك نفسها بعلاقه سامه وهي في عصمتو وتغضب ربنا حسيت اني م كويسه لمجرد اني اتزكرت الماضي قومتا اتوضيت وصليت وبقيت ادعي ربنا يغفر لي ويهديني اكتر واكتر بقيت استغفر كتير كل م اتزكر حجم الغلط الغلطتو استغفر والحمد لله ما بقيت سبب في خرب علاقه ولا اتامديت في الغلط وعشان غلطي كان غصبا عني ابتعدت عنو سريع وبقيت قدر الثقه الادوني ليها اهلي وباذن الله عمري تاني م ح اعاين لولد شبه بطني طمت او احتمال جاني يقين منهم وحمدت ربنا علي كده
مرت الايام وهديه قربت تربعن كنت كل مره بمشي ازورها ما فتحت معاها موضوع طارق قلت اكيد ح ترفض بس قلت اتكلم مع طارق رغم انو ما بعنيني بي شي بس انا الهربتها من بيتا وكنت سبب في الحاصل مشيت لقيت طارق عامل ليهو كشك ببيع فته وفول وطعميه سلمت عليهو وباركت ليهو مكان شغلو قال لي كيفك فارس كيف ونور كويسه قلت ليهو كويسين يا طارق بس جاياك في موضوع قال لي اتفضلي قلت ليهو طارق من غير انفعال اسمعني للاخر ممكن قال لي لا ي نوسه اطمني احكي واخدي راحتك قلت ليهو اول شي مبروك هديه جابت ليك بت وقطعه منك يا طارق عشان ما تظلم هديه في شرفها قال لي نوسه انتي عارفه مكان هديه وكان مبسوط وابتسم ودموعو عايزه تنزل بس حابسهم عشان الناس قلت ليهو اي ي طارق وانا الهربت هديه لانها كانت حالتها صعبه والجروح التهبت وانت كنت محزرني ادخل ليها وانا كنت في عصمتك الزمن داك ولازم اطيعك بس ما عجبني الاسلوب الاستخدمتو مع اكتر واحده وقفت جنبك بي روحها وجسمها وسعادتها واتقبلت تربي اطفال ما اطفالها بجد اتعاملت معاها بقله اصل وصدقت الاتقال وعميت من الحقيقه وانا عرفت كل الحقيقه من تاني يوم هربت فيهو هديه بس ما قدرت اصارحك واحكي ليك لانك كنت متهور وكلو بقا. ماضي وعباس امس جاني واعترف لي ولو قلت ليك الحقيقه انت احتمال ما تصدقها بس دي الحقيقه وعباس عندو م يثبت للاسف عبله اتفقت مع عباس انو يتغزل فيها ويوهما وهديه ما بادرتو بي اي شي بس ضعفت قدامو زي ما انا زمان ضعفت وانت كنت سبب في ضعفنا الاتنين حسستنا كاننا ما نسوان وميؤس مننا رغم انو كنا في عمر صغير وملاينين حيويه ظلمتنا وخليتنا نقع في الغلط واي نعم نحنا زاتو غلطنا عشان ما نرمي اللوم عليك براك بس انت كنت سبب فيهو ما احتويتنا قال لي نوسه عليك الله ما تعيدي لي الكلام دا تاني انا الفيني مكفيني وريني هديه وين وتكوني ما قصرتي قلت ليهو انا هسي جيت عشان اقول ليك ارح اوديك لي هديه واحتمال ربنا يصلح بيناتكم وترجع ليك قال لي تمام كان شغال معاهو ولد اختو قال ليهو تابع الشغل انا ماشي مشوار وجاي طارق دخل لبس وامو جات وراهو لمن شافتني قالت ليهو عاوزها تدمرك تاني ي ولدي كفايه الدمار الدمرتو ليك شالت الوراك والقدامك طارق قال ليها يمه كفايه ياخ انتي عارفه الوصلني للانا فيهو دا منو وونوسه طليقتي وام اولادي فقط لو سمحتي احترميها لو م عايزه تحترميها احفظي لسانك وحاسبي لي كلامك وخافي الله امو طوالي سكتت اتمنيت رده فعلو دي من زمان عشان نكون في حالنا بس الحمد لله قدر الله وما شاء فعل مشينا لي هديه ومن بعيد قلت ليهم قولو لي هديه معاي ضيف تلبس توبها وهديه كانت ما شاء الله حلاتها لمن وشها منور والروقه ظاهره فيهو لمن دخلت سلمت علي بي شوق لمن شافت طارق رفضت تسلم عليهو وقالت لي كيف توريهو مكاني وزعلت وكانت بتبكي شكلها اتزكرت العيشو فيها طارق وقالت ستين يمين خشمها ما تفتحو معاهو وقالت ليهو لمن اموت م عافيه ليك حقي لا الضرب الضربتني ليهو لا الزله لا الاهانه العيشتني فيها طارق بقا يعتزر وداير يبكي عديل بس نهاي ما سامحتو قالت ليهو انا بس عاوزه ورقتي مستحيل انا تاني ارجع ليك ولا اثق فيك انت انسان جاحد نعمه مفترض انا من الاول ما اتزوجك بس سمعت كلام اخواني وكلو لخير بارك الله في بتي دي قادره تمسح اي حزن عيشتني فيهو واي لحظه زليتني فيها واهنتني طارق غلبو البقولو رده فعل هديه كانت صادمه انا افتكرت قلبها ح يلين وترجع ليهو بس كل مره بكتشف اني انا مسكينه شديد وهبله وهديه زوله طيبه وفي حالها بس واعيه وفاهمه طارق قال ليها عشان بتنا خلينا نرجع قالت ليهو بتك ياتا موش قلت انها م بتك هسي بقت بتك دي بتي انا يا طارق قادره اربيها واكبرها واعلمها وتطلع زي ست الاسم البرضو فرطتا فيها وانا مستحيل اثق في انسان عضا الايد الاتمدت ليهو نوسه وقفت جنبك وادتك كل شي هان عليك تديها الامان والحنان ومشيت تقابض في البغطس حجرك وياريتو نفع وان شاء الله تاخد درس ما كل البتقولو امك صاح ولا كل ام دايره مصلحه مرت ولدها وبتحاول تلدغ مرت ولدها عن طريق ولدها وانت كنت اكتر مثال دمر نفسو بنفسو وامك دي امك ماقلنا عليها حاجه بس لمن تتعدا حدودها تبقا ما امك تبقا عدوك لاسباب كتيره يا طارق انا م ح ارجع ليك انا م اتعلمتا درس من قصتي لا لا يا طارق ابدا لانو انا اقسم بالله ما غلطت في حقك والله عالم بي بس انت ما اديتني فرصه زاتو افهمك وسكتا عشان كنت خايفه عليك ترتكب ذنب بس انا اخدت درس من تجربتك مع نوسه البتستاهل كل خير البتصون العشره والكانت ليك سند والوقفه الوقفتا معاك اهلك ما وقفوها معاك وعشان انت كنت غلط خسرت كل شي انا ونوسه وشغلك وباقي ليك البتشبه امك الكانت فخوره بيها ارجعها هي بس انا مستحيل اعيش معاك تحت بيت واحد طارق حسيتو انكسر وانا زاتي انكسرتا رده فعل هديه كانت محزنه قلبي كان بتقطع علي طارق بس مستحيل يلين ليهو وادعيت ليهو دعوه من قلبي ربنا يعوضو طارق طلع ودمعتو كانت في عينو وهديه بكت قدرتها وقالت ليه لي يا نوسه تكلميهو وانتي عارفه اني م ح ارجع ليهو قلت ليها اعفي لي بس انا الطلعتك من بيت حلالك وكنت خايفه ع صحتك وعلي الفي بطنك قالت لي م قصرتي وانا يا نوسه طارق البسمع كلام امو في الغلط دا م بنفع معاي عاوزه بتي تعيش حياه كريمه وبعيد من المشاكل قلت ليها هديه انتي صغيره ح تقعدي من غير راجل قالت لي ليه عادي انتي هسي قاعده من غير راجل انا بتي دي بالدنيا والشي قناعه قلت ليها ربنا يحفظك ي هديه وانا معاك واختك حتي لو الدنيا بعدتنا قالت لي اكيد اديني التلفون النتصل علي اخوي اديتا اتصلت عليهو وفهمتو اي شي قال ليها خلاص بجي اسوقك رغم انو كان زعلان ومنفعل قلت ليها رده فعلو طبيعيه انتي ناسيه في نظر ناس حلتكم انتي ميته واهلك فرشو ليك عديل وصعب انو الموضوع دا يعدي علي خير بس كلو بهون واستحملي قالت لي اكيد ي نوسه طلعت منها وقلت ليها بجي نعمل الكرامه ونودعك قالت لي جيبي نور وفارس يشوفو اختهم قلت ليها جدا في طريقي للبيت اتصلت علي اخوي قلت ليهو بكره عايزاك تمشي معاي الشركه قال لي خير قلت ليهو خير ان شالله مشيت السوق جبتا لي ملابس جديده لي ولي اولادي ولي هديه وبتها وجبت لي بتها حلق دهب وجبت لي هديه تلفون عشان تتواصل معاي ولمن وديتهم ليها قالت لي نوسه م تتعبي كده قلت ليها تعبكم راحه بكره ناس الشركه عاملين برنامج وسايقه اولادي قالت لي ممكن امشي معاكم قلت ليها طوالي بس انتي والده ي داب قالت لي ومالو بمشي قلت ليها تمام بكره بجي اسوقك
صحيت الصباح ولقيت مكالمات من مهيد قال لي ع فكره ح تكون في اذاعه قلت ليهو فشنو عليك الله قال لي المدير قال مفاجاه يعني مفاجاه لبست ولبست اولادي اخوي جا واغشا هديه ساقا وجاب معاهو بناتو ومشينا قبل نصل الشركه مهيد قال لي الصاله الفي شارع الشركه ع يدك اليمين تعالو ليها مشينا ولقيناهم عاملين مهرجان وفيهو كل مدراء الشركات الكبيره وفيهو وزراء والمفاجاه انو شركتنا حققت نسبه ارباح عاليه جدا بالذات شغل اخر سنه وكرموني بمناسبه اني اكتر مهندسه متفوقه ومجتهده وكانت لحظات حلوه شديد واحلي مفاجأه طلعتني من دائره الحزن الكنت فيها وكل القنوات بثت الاحتفال اخوي كان مبسوط شديد وهديه كذالك والمفاجأة التانيه مهيد اعجب بي هديه شديد هل فكركم ح يتزوجها ولا مجرد اعجاب ………….يتب