رواية جريمة كفر شكر الفصل العاشر 10 بقلم محمد منصور

اسعاف بتجري جوة الكفر بمنتهي السرعة رغم الارض الغير مهيئة للسرعة دي لكنهم لازم يعملو كدة علشان يقدرو ينقذو شفيقة اللي نزفت كتير بعد ما ضربت نفسها بالسكينة ووصلت عربية الاسعاف عند المستشفي ونزلو المسعفين وهما شايلين شفيقة علي النقاله وكان متعلق لها جهاز تنفس صناعي وكمان كيس دم،،،،،،،

جريمة كفر شكر

اقتباس وكتابه 

محمد منصور 

**منص**

وقبل ما نبدأ نوحد الله ونصلي علي خير خلق الله سيدنا محمد   

صلاة تحل بيها العقد وتفك بيها الكرب

و في نفس الوقت كان صقر واقف قصاد حفرة في ارض غير ارضه و الحفرة دي جوة منها بيومي البوسطجي وكان صقر باصص له وقال

كنت فاكر اني مش هعرف اوصل لمكان الجثة اللي انت حطتها في ارضي  دة انت غشيم اوي وما تعرفش مين هو صقر ابو غالي علي العموم علشان تعرف اني بحبك مش هدفنك لوحدك وهرمي الجثة في حضنك وهي بدات تعفن وريحتها تطلع حلال عليك 

بيومي كان عايز يتكلم لكن بوقه متكمم وباصص لجثة يونس اللي في حضنة ورجاله صقر بداو يردمو عليه التراب لغاية ما دفنو وهو حي وصرخات بيومي المكتومة ما كانتش بتتوقف، ،،،،،،،،،

ونروح ل سليمان اللي كان في الرعاية المركزة بين الحياة والموت و شيخ البلد ابوة كان واقف بصعوبه مع الدكتور المعالج ل سليمان

وقال

يعني هيموت يا دكتور

الدكتور

الموس اللي تم قطع الشراين بي كان مسمم ودة كان السبب في وصول المادة السامة مباشرة إلى الدورة الدموية، وهو أخطر أنواع التسمم لأن السم تجاوز كل  حواجز الدفاع الطبيعية في الجسم وعلاج الحالات اللي زي دي بتبقي شبه مستحيلة لكن خلي عندك امل في ربنا بعد اذنك

والدكتور ساب شيخ البلد ومشي وبص شيخ البلد 

ل ابنه سليمان اللي كانت حالته بتدهور وبسرعه والموت بقي قريب منه وكلها مسالة وقت،،،،،،،، 

ونروح ل اوضة رفعت اللي عرف ان شفيقة ضربت نفسها بالسكينة ولبس هدومة بسرعة وكان خارج من الاوضة وهو عايز يطمئن علي شفيقة وقتها لقي مراته حوريا في وشه بصت له وقالت

بالراحة علي نفسك شوية اهل الكفر بيقولو انها ماتت كافرة

مسك رفعت شعرها وقال

كلمة زيادة عن شفيقة هكسر راسك شفيقة هتعيش 

و هتجوزها سامعة

حوريا ما كنش واجعه شعرها المشدود لكن كان واجعها قلب اللي اتجرح بعد ما سمعت كلمة هتجوزها وقالت

هي اية عاملة لك عمل

رفعت

مالكيش دعوي انتي

حوريا

لا لية ولية فيك اكتر ما هي ليها انت جوزي انا

رفعت

لكن هي حبيبتي هي اللي انا بعشقها ودايب في التراب اللي بتمشي عليه

حوريا

بلاش تعصبني يا رفعت واتقي شري انا لغاية دلوقتي صاينة العشره اللي بيني وبينك

رفعت

وانا قرفت من دي عشره كفاية بقي سنين كتير ضيعتها معاكي يا مراة بومة

وساب شعرها علشان يخرج لكنها مسكت ايدة وقالت

مش هتروح لها الا علي جثتي وزي ما قتلت يونس علشان تكون ليك انا هقتلك ولا انك تبقي ليها

ضربها رفعت بالقلم وقال

انت اتجننتي مش كدة وانا ما بقتش قادر استحمل جنانك  وروحي يا حوريا وانتي طالق وعايز اشوف هتقربي مني او منها ازاي

وزقها وقعها علي الارض وحوريا بصت له بغل شديد،،،،

وبعدها بيوم  رفعت كان في المستشفي قاعد حزين ومش عايز يكلم حد وجنب منه عمه عبد الهادي عمال يقول

يارب نجيها دة انا محلتيش غيرها

بص له رفعت وقال

اطمئن يا عمي ان شاء الله شفيقة هتبقي كويسة والدكتور قال لك ان الخطر عدي 

عبد الهادي

بس لو اعرف هي لية عملت في نفسها كدة لية عايزا تموت كافره 

رفعت

الشيطان ضحك عليها 

هنا الظابط ممدوح وقف قصاد منهم وقال

والله كلامك عين العقل

وقعد ممدوح جنب رفعت وحط ايدة علي رجل رفعت وقال

ما تعرفش بقي مين الشيطان اللي عمل فيها كدة وعرف يوقع بينها وبين يونس وخلاها تقتله وبعدها كانت عايزا تقتل نفسها 

رفعت ارتبك وقال

هي شفيقة قتلت يونس

ممدوح داس بايدة علي رجل رفعت وبص اوي في عيونه وقال

ما بلاش بقي لوع و خليك دوغري وقولي لية عملت كدة

رفعت كان بيتوجع من مسكة ممدوح لي وقال بصعوبه 

عملت اية بس يا باشا ما توزن كلامك 

ممدوح ساب رجل رفعت وقال

وماله هوزن كلامي  وهخلي الوزن زي ما انت حابب  

وسكت شوية وبعدها قال

يونس انت بعت له واحد من العمال اللي شغالين عندك في الارض قبل ما يتقتل بيومين و جالك يونس وحصلت بينك وبينه خناقة كبيرة بعدها في غريب راح ل شفيقة ووقع بينها وبين يونس وتقريبا الغريب دة ما كانش يعرف ان الحكاية هتوصل للقتل 

وسكت ممدوح شوية وبعدها قال

طبعا هتقولي عرفت ازاي الكلام دة هقول لك ان شفيقة قبل ما تضرب نفسها بالسكينة حكيت ل سمية وفوق دة مراتك حوريا اللي حكيت لي عن الفاس اللي كانت مدفونه في الزريبة  وعليها دم 

رفعت

دي مراة كذابة و عملت كل دة علشان طلقتها

ممدوح

انا قولت كدة برضو  وما صدقتهاش الا لما ودتني بنفسها للمكان اللي انت دافن في الفاس اصلها مشيت وراك وعرفت انت دفنت الفاس فين

رفعت انهار 

انا ما قتلتهوش والله العظيم انا روحت لقتها هي اللي قتلته

ممدوح

كلامك مظبوط لكن كونك انك خبيت الفاس تبقي انت ساعدها في الجريمة بعد ما بعت لها الغريب يوقع بينها وبين يونس 

رفعت

والله العظيم دة ما حصل انا اة كنت عايز يونس يختفي وشفيقة تكون ليا لكن ما جاش علي بالي اني اوقع بينه وبينها

ممدوح قام وقف وقال

مش قادر اصدقك 

وطلع ممدوح كلبش من جيبه ولبس الكلبش ل رفعت وسحبو علي المركز و رفعت عمال يقول

وانا ما عملت حاجة انا برئ والله برئ،،،،،،،،،

ويجي الليل وعبد الهادي كان قاعد لوحده في الدوار وقت ما جت له صبيحه ووقفت قصاد منه وقالت

شوفت يا با عبد الهادي فكرتك وصلتنا ل اية

عبد الهادي

وانا كنت اعرف منين انها كانت هتقتله انا كنت عايزها بس تسيبه و تتجوز واحد مع فلوس يهنيها و يسعدها الله يخرب بيت الشيطان اللي انا سمعت كلامه

وبص ل صبيحه وقال

دم بنتي في رقبتك زي ما هو في رقبتي يا صبيحه

 ولا نسيتي السلسلة اللي وقعت منك فوق جثة يونس،،،،،،،،،،

بوم بجد بوم وانا كبهير انبهرت