رواية ضحية فرعون الفصل الثالث عشر 13 بقلم منه محمد
امير واقف فوق وعايز ينداه عليها لكن افتكر علاقتها مع حاتم دخل وراح لقاه فستانها اخده وقعد ع الارض : اهانتني بقسوه .....وفوق ده كله سابتني وسابت بنتها ....زمانها مفكره اني بكرهك .......وانا عشقتك بجنون
سمع صوت دوشه تحت البيت نزل السلم يشوف فيه ايه لقاه ايمن واكرم بيتكلموا مع والده وبيسأله عن ايمان
صابرين بقلق: في ايه يا عادل ايمن واكرم كانوا هنا ليه , اتكلم
عادل : ايمان اختفت
صابرين بدهشه: اختفت يعني ايه , راحت فين
عادل : معرفش بيقوله كانوا مستنينها بره الفيلا ومخرجتش ومش عند حنين
صابرين : مخرجتش ازاي امال راحت فين
عادل : بيقوله عندها ورم في الدماغ
صابرين بفزع: ايه
عادل :كانت بتتكلم بجد ولو معملتش العمليه هتموت , ومحدش عارف هي فين بالظبط, ولما بيتصلوا بيها مش بترد
صابرين طيب هندور عليها فين
عادل : ايمن بيقول انها بتذكر الراحل احمد ابنها ومفقتقداه كتير
امير هنا افتكر كلامها= انا بعاني من مرض مزمن بس انت مش هتصدقني متهتمش حتي لو كان صحيح مش هعطلك فرحك حتي لو مت بكره
امير ضرب ايده في الحيط واتملت عيونها بالدموع وأحساس أنه كان قاسي بالتعامل معاها فضل مسيطر عليه: انت ليه قاسي كده ليه طبعي صعب كده بتصرف زي الواحد الجاهل قالت لي بس انا مصدقتهاش وفكرتها بتحور يالله
عادل طالع بسرعه من الفيلا امير لمحه نزل يجري وراه
امير: بابا انا
عادل قطعه بحده: انت رايح فين هتدور ع ايمان مفيش داعي تروح غير هدومك فرحك قرب ووقف تفكير فيها بعد ما ندفن جثتها هعملك فرح كبير عشان تنبسط مش ده الي عايزه انبسط دلوقت وافرح
امير ببكاء: بابا انا
عادل: خلاص فات الاوان رفضت تسمعني سديت ودانك واتمسكت بغرورك وطغيانك روح امشي استعد حبيبتك في انتظارك
امير: بابا ارجوك ساعدني انا اسف ومعترف اني كنت برفض اسمعلك طول الوقت , بس انا بحب ايمان وعايزها ارجوك ساعدني ابوس ايدك
عادل زقه بكل عصبيه وقعه في الارض: مش انا الي تتذلله المسكينه ايمان
امير :يا بابا ارجوك ساعدني
...........قصص منه محمد كاتب..............
الكل بدأ يتحرك في اتجاه المقابر لحد ما بالفعل لمحهوها نايمه بفستانها الابيض ع قبر ابنها وكأنها مستسلمه للموت كانت محتاجه حضن يحتويها ويحس بيها محتاجه للي يمسح
أحزانها اكتفت حزن ودموع عشان كدا اخدت اصعب قرار ممكن ياخده انسان انه يستسلم للموت بايده وهو عنده طفله المفروض انها اغلي حاجه عندها بس الظلم والقهر والضياغ النفسي كانوا اقوي من غريزه الامومه ومن اي تمسك بالحياه
ايمن جري عليها وبصوت عالي: حنين الحقيني
حنين جريت رفعت دماغها: ليه مقلتليش
ايمان فتحت وبصتلها بضعف: حنين
حنين: اوعدك اخدك ع المستشفي وهخليكي تعيشي لبنتك
ايمان مسكت دماغها وتقيئت دم كتير واغمي عليها
حنين صرخت: يارب ايمان فوقي
امير هنا ظهر وجري عليها وبيكي: ايمان قومي انا اسف حقك عليا انا غلطان احمد ده غلطي مهتمتش بأمك خالفت وعدي ايمان قومي ردي عليا
اكرم حط ايده ع كتف امير: ارفعها بسرعه ع المستشفي
في ثواني اخدوا ايمان ع المستشفي ودخلت غرفه العمليات والكل منتظر بقلق
اكرم قرب عليه: امير فات ساعات ان شاء الله الدكتور هيبذل كل مجهوده ادعلها تقوم بالسلامه
امير صدرت منه تنهيده طالعه من قلبه الحزين: يارب احفظ مراتي وخالهالي انا مش هتحمل اخسرها ارجوك انقد حياتها
اكرم قرب لحنين: حبيبتي تعالي ناكل وبأذن الله ايمان هتقوم بخير ندعلها
حنين: ليه مقلتليش ان عندها ورم كل الوقت ده فكراها عندها صداع بس متكلمتش يمكن خافت تقول للاخوها يقول لـ اهلها , وامير مستحيل يتغير ابدا لو حصلتلها حاجه حتي لو بكي بدل الدموع دم مستحيل يتغير الست دي كانت بتدور ع حاجه اغلي بكتير من فلوسك بتدور ع انك تقدرها انك تبقي موجود وقت ما تحتاجك انك تختارها هي انك متكسرش بخاطرها وانك تكون سند ليها وهي ضعيفه مش تعاقبها بالحرمان وتهددها انك هتتجوز عليها لحد مقدرتش تتحمل قمه الوجع والقهره لما اتغدر بيها من اقرب الناس ساعتها الدنيا وقفت والنفس اتقطع
اكرم: ممكن نوقف الكلام ده
حنين: ليه خايف ع مشاعره مثلا
اكرم: حنين تعالي معايا الكافتريا ابننا محتاج لغذاء
حنين: روح انت هستني ايمان هنا
ايمن قام وراح لامير الي قاعد مهزوم وقاله: امير ايمان طلبت مني ارجعلك 25 الف وقالت انها مديونالك بيهم ’ والفلوس الي عطتهالي اول ما ابدأ شغلك هسددهوملك حاجه في حاجه
اميرعينه مليانه دموع: خد الفلوس اتصرف فيها بأسم ايمان وانا حقيقي اسف لاني فشلت ارعيها مرتين وكنت قاسي عليها انا بجد اسف انا واحد ماليش اي لازمه ارجوك سامحني
ايمن: وحد الله وخليك صبور
اكرم قرب عليه بكيسه: كل لقمه كدا هتتعب
امير: مليش نفس يا اكرم ازاي اكل ومراتي جوه بين الحياه والموت
حنين قربت منه وعطته علبه عصير وهي مكشره
امير اخدها منها لقاه الدكتوره خارجه جري بلهفه عليها: دكتوره مراتي عامله ايه
الدكتوره: العمليه نجحت وقدرنا نزيل الورم
امير: الحمد لله
الدكتوره: بس مدام ايمان دخلت في غيبوبه, هنستني لحد بكره في الواقع ورامها كان لسه تحت السيطره لكن فجأه اتدهورت صحتها بشكل سيئ , وربما كانت تحت تأثير ضغوطات المطلوب اننا نقدملها الدعم والتشجيع عشان نقدر نلاقي استجابه وتقوم بسرعه حاجه كمان اعتقد انها مكنتش تعرف انها حامل
امير بدهشه: ايه مراتي حامل
الدكتوره: ايوه في اربع اسابيع , ومتأكده لو هي تعرف كانت بلغتني لما جات تكشف الاسبوع الي فات , لان العلاج الي بتاخدوه مش مناسب للحوامل
امير :اقدر اشوفها
الدكتوره :ممكن بس خمس دقايق
امير هز دماغه وراح فتح الباب وقرب منها : حبي لو كنتي سمعاني اتوسلك متسبناش اميره محتجالك وانا محتاجلك _رفع ايده ومسح على شعره بعبث ويبوس أيديها _ حبيتي من فضلك اديني فرصه تانيه اعوضك واسعدك انا بحبك وعايزك تكوني بصحه كويسه ارجوكي قومي كلنا بنحبك واديني فرصه اعتذرلك, غلطت كتير في حقك ابوس ايدك قومي انتي الي مالكه قلبي محدش يقدر ياخد مكانك قومي ياحبي ارجوكي عشان خاطري , انا هسافر لبلدكم هطلب من ابوكي وامك يزروكي عايزه تشوفيهم اكيد وحشوكي ارجع القيكي فوقتي عشان تقابليهم استني بحبك
ليلي دخلت تجري زي الوحش الي عايز ينقضي ع فريسته يفرمها
الممرضه وقفت في وشها : ممنوع الدخول
ليلي بتزقها بغضب: ابعدي
الممرضه بنفعال: مينفعش كدا هتتعبي المريضه
ليلي: المريضه بتموت , مش هتسمع حاجه
الممرضه: اتفضلي امشي
ليلي بتزقها: ابعدي
الممرضه صرخت فيها : هطلبك الامن
ليلي: عايزه ادخل لـ امير
امير طلع سحب ايدها وفضل ماسكها بقوة لدرجة حست ان عظمها هيتفرم من صوابعه وحدفها ع الجدار
ليلي: امير انت بتزقني
امير باين ع ملامحه انه متنرفز: عشان تستاهلي
ليلي ضربته ع صدره: انت ازاي تعمل فيا كده اتجننت , مجتش المساء وفضحتني انا واهلي
امير: افهمي مراتي جوه بتصارع بين الحياه والموت وانتي جايه تتكلمي عن نفسك واهلك , معندكيش دم اتعاطفي مع الوضع
ليلي بلهجه مليانه حقد : انا مالي وبعدين انت ليه قلقان عليها اوي مش قولت لي ملكش اي مشاعر ناحيه الست دي ’واعترفت انك بتحبني انا قدامها وكان المفروض نتجوز الليله نكتب الكتاب ومعنديش مانع لو عايز تيجي تزورها ابقي اعملها انا مش ههتم ع الاقل لما نتجوز مش هتبقي مضطر تشيل العبئ ده دلوقت وتراعي الست دي هي مش مراتك خلاص امير انت عارف اني بحبك صح
امير: اسمعيني كويس هفضل جوزها لحد اخر يوم في عمري , وانا مكنش المفروض استخدمك لـ اذيتها
ليلي فتحت عيونها بصدمه : ايه انت استخدمتني عشان تضايقها وتخليها تغير
امير: بسبب غروري وانانايتي , شوفي انا عمري ما حبيبتك ابدا ’ او اي ست تانيه بخلاف ايمان , وادعيت عشان اغيظها واضايقها , مكنتش عارف اني هعملك فضيحه او لاهلك لكن اطمني انا بنفسي هروح لعمي واشرح له كل حاجه , بس دلوقت ارجوكي ايمان محتجاني اكتر وياريت متعمليش فوضي وتكبري الامور, مره تانيه وارجعي ع البيت
ليلي: انت ازاي تتجرء ماتغور في ستين داهيه وجودها سبب ان الكل يعاني يارب تموت
امير انفلتت أعصابه وبقي زي الوحش ورفع ايده ضربها بكل قسوه بالقلم ع وشها
ليلي وهي مصدومه وفاتحه عيونها على الأخر لحركته الي ماتوقعتها: اتجننت , حتي ابويا عمره ما ضربني عشان تيجي انت تضربني بسبب فلاحه انت اهانتي وضربتني حالا نسيت الحب الي بينا سنين مش هسامحك ابدا يا امير , مش هسامحك ابدا
امير شاورعليها وهو متعصب وثاير: ياريته كان ابوكي ضربك من زمان مكنتيش هتطلعي مغروره وانانيه ووقحه بالطريقه دي , تعرفي ايمان عمرها ما ذمت فيكي بكلمه وكانت بتدعيلك ان ربنا يهديكي , غير كدا هي ماخدتنيش منك, اه كنا قريبين لكن سمعتي في مره كلمه بحبك , قلت بحبك
ليلي حطت ايدها الاتنين ع ودنها وصرخت بجنون: اخرس
امير : لو حتي مراتي ماتت متظهريش قدامي ابدا , لاني هفضل مخلص ليها لنهايه حياتي ودلوقت ارجعي بيتك
ليلي تقرب منه : امير
امير ضربها بنظرة حادة: أللهم طولك ياروح , قلت ارجعي
...........قصص منه محمد كاتب.............
في قريه عائله ايمان امير نزل من عربيته وقدامه ايمن وقرب لقاه شاب لابس جلبيه وواقف
ايمن : امير ده خالنا ادهم
امير سلم عليه وادهم قاله: كويس انك جيت , اتمني تلين قلب ابوها عمال اقنع فيه بقالي ثلاث ايام بس دماغه ناشفه رغم قلقان عليها وبيبكي كل دقيقه , دي بنته الوحيده يله ادخل
امير دخل ومد ايده بالسلام لمرزوق الي رفض يسلم عليه
امير بنبرة حزن: عمي انا حقيقي بعتذرلك , مكنتش بحترمك لما اتجوزت ايمان في البدايه, انا بجد متاسف
مرزوق مد له ايده بدون نفس وقاله: اتفضل اقعد
امير قعد وقال : ايمان بريئه , والحقيقه انها موقعتش بيا , واحد خسيس هو الي وقعنا , والحد ده بياخد جزائه انا اسف
مرزوق : عارف ان بنتي بريئه , انا بس خاب املي ازاي انتهي حالها معاك , مكنتش تعرفك فازاي حصل كده , ازاي تحب واحد مش مقدرها , ده ملوش اي معني, مكنتش حاسه انها مش من مستواك هقول ايه للنصيب لكن انت مقبلتوش, وكنت رافض الجواز منها
امير :انا اسف
مرزوق :مين كان هيصدق برائتها وانت عمال تصرخ في وش الكل في اليوم ده , مين كان هيصدق مفيش حد عارف ليه لاني راجل فقير
امير حرك دماغه بنفي: لا مش كدا
مرزوق : لا هو كدا , وعارف ان بنتي كانت بتعاني لكن بايدي ايه اعمله , كنت واثق انها هتعافر وتقوم لانها قويه , محطتش في الحسبان انها هتقع في النهايه , ودلوقت مملكش غير الدعاء
بسيمه امها دخلت تبكي بحرقة :كفايه يا مرزوق نقلب في الي فات, انا مش هروحلها ومن هنا هدعلها ان ربنا يرجعلنا لينا سالمه
امير : طنط من فضلك متقوليش كده من فضلكم ادوني فرصه اكفر بيها عن غلطي
بسيمه: لو مكنتش مكتوبلها تعيش في الدنيا سعيده تعيش في الجنه , ويارب اغفرلها ذنوبها
امير ببكاء: لو سمحتي متقوليش كده, فكري في بنتنا اميره لسه محتاجه لـ امها وانا الغلطان وبعتذر وهعتذر الف مره عن الي عملته فيها , لكن دلوقت ابوس ايدكم ارجوكم تيجوا معايا تزروها , ايمان محتاجه لحضنكم واكيد هتقوم لما تحس بوجودكم وحنيتكم, ارجوكم ساعدوني
بسيمه :لو ماتت جيب جثتها ادفنها هنا
امير: ايه الكلام ده
بسيمه :انا مقدرتش اضمها وابوسها وهي عايشه , كفايه عليا ابوس تراب قبرها
ايمن: ارحمي ايمان ونفسك, امي هي فعلا عايزه تشوفك حققلها رغبتها الاخيره ,وامير ندم وتاب اديلو فرصه يكفر عن ذنوبه , وادوا ايمان فرصه تعيش سعيده
ادهم : كفايه يا امير دول ناس دماغهم ناشفه وقلوبهم حجر , عندهم يستنوا جـ ثتها ترجع بدل ما يدوها فرصه تانيه وهي لسه عايشه , يله نتحرك احنا ع المستشفي
امير برجاء :عمي اتوسل اليك فكر تاني
بسيمه ضمت كتف مرزوق برجاء مليان بالدموع :عايزه اشوف بنتي ابوس ايدك
............قصص منه محمد كاتب..........
حنين ببكاء: امير الدكتوره طلبت اهلها لان حالتها مش مستقره هي بتموت
بسيمه زقت الباب ودخلت تجري عليها: ايمان بنتي
مرزوق باس ايدها الي متوصله بالخراطيم واميرأتأملها وبقلبه غصة ألم دفنتها السنين في قلبه
بسيمه ضمتها : متسبنيش يا ايمان انتي وعدتيني هتعيشي وطلعينا عمره , انتي مش ناسيه صح , لايمكن تسبينا انتي جامده بحبك و عمري ما اتخليت عنك , وعمري ما كرهتك ابدا مرزوق اتكلم معاها قولها انك عمرك ما كرهتها ابدا , ومغضبتش عليها ايمان متسبنيش وتعاقبيني بكده
مروزق طبطب عليها برحمه: وحدي الله
امير :متسبنيش يا ايمان والله ما هقدر اتحمل فراقك
مرزوق بعد بسيمه وباس دماغ ايمان وهمسلها بكلمات في ودنها لحد ما صفاره الموت صفرت وايمان فتحت عيونها بتحتضر
بسيمه : قولي الشهاده
امير هجم عليها وصرخ صرخه صعبه واخدها في حضنه: لا ايمان مش هتسبني وتمشي
مرزوق : امير خلاص ايمان بتجتضر
امير صرخ زي البركان: متقولش كده انت فاهم بتقول ايه ايمان ,هتفضل معايا حبيبتي ارجوكي فوقي
امير طلع يجري بخطواته : دكتور حد يلحقنا, دكتور ساعدنا , انقذ مراتي
................قصص منه محمد كاتب...........
شاهيناز : عليكي بالصبر بعد ما تعمل عمليتها وتفشل وتموت , هنحدد معاد لفرح جديد ,وقريب جدا هتفرحي مع امير
يونس : ليلي انا شايف ملكيش نصيب مع امير , دي تاني مره ربنا مش رايد وانتي ارضي
شاهيناز بحده :ده بدل ما تشجعها تحبطها بكلامك الفارغ , الي يقهرها ويخليها تفقد الامل
يونس : متقوليش انك لسه عايزه تكملي الجوازه دي ,وانك هتتحدي القدر
ليلي حطت ايدها ع ودنها وصرخت: بس اسكت
شاهيناز: ليلي اهدي
ليلي قامت شدت ابوها من ايده ناحيه الباب: اخرج من هنا اطلع بره يله اخرج
شاهيناز: لسه بتحبيه بعد الي حصل منه
ليلي: نفسي اكره يا ماما بس ليه مش قادره حاسه كأني عايزه اقطع قلبي حتت لانه حبه كتير هو انا انسانه وحشه اوي كده
شاهيناز ضمتها لصدرها: لا بنتي اجمل بنت في الدنيا محدش يقدر ينكر ده لو لسه عندك امل فيه لازم تقومي ومتفقديش الامل ولايمكن تبقي مكتئبه كدا ومحبطه
ليلي: امال اعمل ايه المفروض اموت وارتاح من الوجع امير مش عايز يتجوزني
شاهيناز: معظم الرجاله لما بيكون عندهم زوجه اولي هيقوله ده , لكن نفترض ان مراته ماتت بعد اسبوع هيبدأ يدور ع واحده تانيه لان مراه دلوقت بتموت ومفيش امل تعيش
ليلي: تستاهل تموت وانا اعيش
...........قصص منه محمد كاتب..............
فاق من غيبوبته المؤقته وفتح عيونه لقاه نفسه في اوضته قام لما سمع اصوات بكاء وقرأن شغال دعك عينه وراح في اتجاه مصدر الصوت لقاه امه وحنين لابسين اسود وبيعيطوا والرجاله قاعدين في الارض اكرم لمحه قام يجري عليه
امير: مراتي فين عايز اشوفها, هي فين؟
اكرم: اصبر يا امير وارضا بالمقدر تعال
امير شاف حد نايم في الارض شاور عليه بسؤال: مين ده , وليه رجعتني البيت مراتي في المستشفي هروحلها
اكرم مسكه من كتافه : مش عايز تشوف مراتك لاخر مره , دي مراتك
امير ضم حواجبه بصدمة يحاول يستوعب
ولو شوي من اللي بيقوله اكرم مراته خلاص ماتت نخ علي ركبه وكشف الغطاء وصرخ وجسمه انتفض ورجع لوري من منظرها
اكرم سنده : امير امسك نفسك
امير ضربها ع خدها: ايمان فوقي , هي ليه بارده كدا , معقول دي ايمان
صابرين: اهدأ يا بني
امير مال بجسمه عليها يحضنها : ايمان قومي يا حبيبتي , ارجوكي متسبنيش انا غلطت في حقك كتير من فضلك اديني فرصه اصلح غلطي عايز منك عفوك
ايمن يشهق ببكاء: خلاص ايمان ماتت جات ساعتها
امير صرخ: لا ايمان قومي
اكرم بيسحبه من فوقها: اجمد ساعدني يا ايمن
امير: ايمان قومي ايمان
صابرين : استغفر الله
امير: سيبوني حبيبيتي قومي لاء ايمان