رواية قدك الفصل السادس عشر 16 بقلم منه محمد
عماد مبتسملها: عامله ايه
رشا: احسن منك, تحب تشرب فنجان قهوه سوي
عماد :يله بينا من امتي متكلمناش مع بعض
رشا: بلاش انت الي تتكلم لانك مش بترجع البيت
عماد: ده انا لما باجي هنا مش بشوفك , ولا بتيجي بيتي وماما قالت لي ان عندك حبيبي مين هو
رشا شرقت وهي بتشرب:مفيش ياعماد
عماد ضحك وقال : كنت عارف انه مش كلام صحيح , ليه كدبتي ع امي
رشا :انا مش بحب الجواز الي كل شويه بتقعد تخططله
عماد : وايه عن حارث مبقتيش تحبيه بعد كده
رشا بقهر: حارث متجوز
عماد : متقوليش انك مصدقه الجوازه دي
رشا : سواء كنت مصدقه ولا مش, طالما انهم متجوزين لازم احترمهم , وابعد مش كده
عماد برفعه حاجب: هو انتي بتبلغي نفسك بالكلام ده , ولا بتتبلغيني
رشا عيونها كانت بتهرب منه وسالته مباشره : عماد هو انت فعلا بتحب جمره كتير
عماد: مفكره لما تساليني السؤال ده مش هعرف ازاي ارد عنه
رشا: عماد لما كنت مسافره ايه الي حصل بينك وبين جمره , وليه ماما طردتها من هنا ممكن تقولي ياعماد لو سمحت
عماد اتنهد وقالها ان امه دخلت في مره لقته قريب منها فكرت فيه علاقه تجاوز وقررت تتبلي عليها وتطردها
............قصص منه محمد كاتب.............
عايزه تخرج من البيت بأي طريقه تتابع المحل بس هو قاعد معكسر في البيت
جمره: بشا
حارث وهو مشغول بالجهاز الكمبيوتر: نعم
جمره: ليه مروحتش الشغل النهارده
حارث لف بصلها بأهتمام: هروح متأخر شويه النهارده , ليه فيه حاجه
جمره: لاْ مفيش هيكون فيه ايه يعني
تلفونها رن اخدته وطلعت البلكونه ترد لقتها ريم بتقولها ان المحل مليان زباين ومش عارفه الاسعار قالت لها شويه وجايه وقفلت ولسه بتلف لقته واقف في دهرها
جمره شهقت بخضه: فيه ايه خوفتني , ايه رايح الشغل صح
حارث: لا مش عايز اروح دلوقت
جمره: ليه مش عايز تروح الشغل , انت مش عارف راحه المواطنين في ايد الشرطه, لازم تروح شغلك
حارث: فيه بعض الامور مخلياني قلقان ومش مرتاح , عايز اتناقش معاكي فيها
جمره بسعاده: تتناقش معايا, بجد تتناقش معايا, انا لوحدي مقدرش افيدك الاحسن تستشير ناس تانيه انا ممكن اضيعك , سوري رايحه اشوف مصالحي
حارث وقف قدامها: استني رايحه فين
جمره: رايحه اذاكر مع واحده صحبتي لان اخر يوم بكره في الامتحان وصعب جدا يله سلام دلوقت
حارث: ممكن اذاكرلك انا الماده واشرحلك
جمره: لايمكن اصلي قطعت وعد مع صحبتي , لازم نساعد بعض تمام همشي دلوقت
حارث شدها من دراعها: لا يمكن تمشي
جمره: بشا انت مسكت ايدي هيكلفك كتير
حارث: ضفيه ع الحساب بس ممكن تسمعي كلامي من فضلك فيه امور محتاج اتكلم معاكي فيها انا مش مرتاح بجد يامرام
جمره: بخصوص ايه
حارث: امور كتير وحاسس ان حظي وحش في الفتره الاخيره مهما عملت فيه حاجه عكسيه بتحصل الاول ناجي الشاهد الوحيد الي كان معايا مات ومفيش اي تقدم جديد في القضيه الي تخصني تعرفي حد بيفتح المندل
جمره: مندل ده اسمه جنون , معرفش انا اي مندل لا معرفش
حارث: متعرفيش بجد خلاص هطلع مبلغ كبير صدقه , يمكن النحس يتفك عليا
جمره: بجد يعني الموضوع كان فيه فلوس
حارث: خلاص لو متعرفيش
جمره: لا اعرف, قصدي اكيد اختي ريم تعرف حد اكيد اصلي سمعت مره انها اتسرقت وفتحت المندل وصاحبه المندل قالت لها مين الي سرقها خلاص ابشا موضوعك عندي
حارث: هو ممكن
جمره : الا ممكن انت بس حولي الفلوس وفلوس اللمسه حالا تمام, وههتم بالموضوع عشانك
حارث هز دماغه وطلع موبيله من جيبه وحولها مبلغ ضخم لهدف معين في دماغه
جمره هرشت في دماغها وبسؤال: بس ابشا انت بتؤمن بالخرفات دي
حارث بخبث : مقدميش حل تاني غيره, لازم ده يحصل باي شكل من الاشكال, صحيح مش كنتي رايحه تذاكري تحبي اوصلك
جمره : لا مفيش لزوم ممكن اروح لوحدي ده اسهل لي
حارث بشك :انتي متاكده
جمره وهي بتجري في اتجاه الباب: ايوه استريح ومتقلقش
...........قصص منه محمد كاتب.............
في القسم دخلوها القفص لما اتنكرت في صاحبه المندل وحارث عرف وراح امر بالقبض عليها من غير ما تعرف
سيده معاها في القفص سألتها: مستنيه مين
سيده اخري: مش هتقولنا
جمره حست بيه لما دخل وبصلها وقامت اتعلقت في القفص: بشا جيت تطلعني
حارث بغضب باين ع ملامحه: مش كنتي بتقولي رايحه تذاكري مع واحده صاحبتك , وحذرتك من المحل , وكل الاكاذيب والنصب التانيه
جمره:بس فتح محل او صاحبه مندل مش ضد القانون , ع انهي اساس قبضت عليا
حارث:ممكن احبسك طبعا لو كان فيه ضحايا , لما بتخدعي الناس, وتاخدي منهم فلوس
جمره: نعم نعم مين ده الي خدعته
حارث: انا , مش الصبح اخدتي مني فلوس وقلتي هتلاقي مندل ايه مش فاكره
جمره بستهبال: امتي مش فاكره
حارث : كنت متوقع ردك ماحدش هيعمل مصيبه وهيقول انا عملت , مفكره ممكن تهربي من القانون خليكي هنا الليله
جمره: بشا لايمكن تعمل فيا كده لازم اذاكر الليله يعني لازم اذاكر , لو مذكرتش هسقط واشيل مواد
حارث بجديه: يا عسكري
العسكري: افندم
حارث: هسيبهالك
جمره: بشا لايمكن تعمل في مراتك كدا, اعمل ايه في مستقبلي يا عسكري ساعدني وطلعني من هنا
العسكري: ده مش شغلي
جمره بصراخ : ياحارث لايمكن تعمل فيا كده
السيده ضحكت: سابها جوزها حاجه تكسف خليكي بقا معانا
السيده التانيه: مفكره عشان جوزها ظابط هيضمنها
جمره كان كل الي في دماغها ان حارث بيقرص بس عليها وهيرجع يخرجها لايمكن عقله يقدر يسيبها وميرجعش يخرجها ويأذيها بالشكل القاسي ده!
.............قصص منه محمد كاتب............
قعدت تكلم وتهزر مع الستات الي معاها لحد ما حست بخطوات بتفتح القفل
جمره فرحت وقالت للستات: مش قلت لكم جوزي هيجي يضمني
هادي بصلها لما لفت ولقته مش حارث وقال: يظهر انك مش مكتئبه هنا
جمره: اكيد حارث بشا غضبان مني شويه دلوقت بس هيرجع يخرجني من هنا بالتأكيد
هادي: هو انتي متأكده يا جمره
جمره: الا متأكده انا مراته ازاي يسيبني في السجن هو ممكن يعمل كده
هادي: معرفش بس المقدم روح البيت
جمره: استني يعني عطاه اوامر اطلع ولا ايه
الصول: محصلش
جمره عيونها دمعت بقهر وقالت بعدم تصديق: لا مش ممكن روح اتأكد اكيد ساب اوامر يخرجوني لو سمحت روح يا حضره الصول اتأكد من ده عشاني
الصول بحزن لحالتها: مفيش
جمره بنرفزه شديده: هو انت اتأكدت
جمره كل الي معاها خرجوا بكفاله وهي فضلت قاعده مقهوره حزينه وخصا لما افتكرت كلام ابوها والموقف فعلا حصل من جوزها وفي اللحظه دي حست قلبها وقف عن النبض لما كل حاجه بتتعاد قدامها زي شريط من اول وجديد
#فلاش
ابوها ضربها بالقلم: انتي قذره محدش هيحبك بوشك المقرف ده وانتي بتتصرفي زي الهجامين ولو مش هتموتي في بيوت الدعاره هتموتي زي الكلبه في السجن, حتي لو اتجوزتي جوزك هيدخلك السجن ,افتكري كلامي
جمره بدموع بتصرخ وجع: انت مستحيل تبقي ابويا , لو ابويا مكنتش هتقولي الكلام ده
ابوها رفع ايده وشدها من شعرها: انا هربيكي يا بنت الكلب
اعتماد: بس كفايه موتها من الضرب
ابوها: مين يتشرف يبقي ابوكي انتي حشره
ريم: بابا ربنا يخليك كفايه
ابوها: سيبوني ليه ماسكني سبوني اربيها تربيه الشوارع دي
ريم ببكاء: والنبي بلاش تأذيها
ابوها هجم عليها ضرب وسحل: دي بنت كلب
ريم اتعلقت في كف ايده وبعياط هيستيري: متضربهاش تاني كفايه
#باك)
جمره الليله دي مغمضلهاش جفن نزلت دموعها سيول ع خدودها وحست انها ملهاش اي قيمه نفسها في حد ياخدها في حضنه وتعيط ويهون عليها كل الي شافته من تعب نفسي في طفولتها بطرق مختلفه ........حاسه انها محققتش اي انتصار ......اي انتصار حققته لما فقدت سندها الحقيقي في الحياه الاب الي خلاها تفقد كرامتها ....وثقتها في نفسها .......السند الي اجبرها تشحت من وهي طفله وتعتمد ع نفسها واستغل صغر سنها وقله حيلتها .....وحسسها انها من غيره تضيع .......ويوم ما قررت تسيبه وتمشي ضغط عليها تتمنع تشوف امها واختها ........وساومها ع حقوقها ففضلت معاه حاجه تتسند عليها وتفضل محتجاله ومحوجاله , الي مد ايده وشتمها وضربها , واهان , ودمر نفسيتها , منتظره ايه من الناس دي .....لازم تدوس عليها , حتي لو حارث الي موجوعه اوي من قسوته كان نفسها يظهرلها محبته وخوفه عليها ......لكن جه بكل قسوه وسحقها لدرجه حاسه بوجع مفيش وصف في الدنيا يقدر يوصفه ...!! رفعت عيونها لفوق ودعت ربنا يهون احزانها فهو الغفور الرحيم ......لان معندهاش مساحه فارغه من الالم ......ولا مكان جاهز لطعنات جديده
..............قصص منه محمد كاتب.............
خبط ع الباب وفتحله وبصله
هادي: هي عشان جمره مش مراتك للسبب ده اتصرفت كده
حارث: انت بتقول ايه
هادي: انا ظابط شرطه , ومن حقي احقق معاك , ولا اشوف لي وظيفه تانيه
حارث: وانت رايك بالغت في امرها
هادي: ده معتمد ع الي بتحس بيه ناحيه جمره رغم جوازكم مزيف لكن المشاعر مستحيل تبقي مزيفه
حارث بجديه: حضره الرائد انا مش بهزر انت فعلا بقيت تتكلم كتير مين علمك الرغي رشا , وتمام مش هنكر انا فعلا بحس بالراحه لما بتكون مرام جنبي لكن_ سكت_
هادي: لكن ايه
حارث تابع: بس هي عناديه جدا , وراحت فتحت محل من ورايا , واتحايلت عليها تقفله لكن لا حياه لمن تنادي رغم التحذيرات الي فضلت احذرهالها لكن عامله البت الحديد الجامده مش بتعمل اعتبار لحد ولا حساب لحد وناسيه تماما انها زوجه مقدم ازاي تعمل كده تبقي بياعه في السوق اتجاوزت وعايزني اقف ادافع عنها
هادي: بس هي مش مراتك بحق وحقيقي , وربما تتظاهر جمره انها جامده لكن في الحقيقه هي ضعيفه جدا , ولو معندكش مشاعر ناحيتها بلاش تديها الامل , ومتفكرش في اي اعتبارات تانيه اما بخصوصها عمري ما شوفتها سعيده قبل كدا
حارث بغيظ: تقصد ايه انا مخلي حياتها نكد وجحيم
هادي: الاجابه بسيطه, رفقا بالقوارير , رفقا بقليله الحيله , رفقا بالي معندهمش اي بديل ولا مخارج من العيشه المره , وحقيقي جمره مش بخير , وبتمثل طول الوقت انها كويسه اتمني تبقي مصدر سعادتها وميخطفش قلب الست غير راجل يعرف يرسم ع وشها ضحكه من القلب ويملا قلبها احساس بالامان والاحتواء
........قصص منه محمد كاتب.................
في الحبس
الصول: جمره جه شخص يضمنك
جمره لفت لقته واقف مبتسم قدامها جريت عليه وهو ابتسملها لكن اول ما اتكلم فوجئت انه مش حارث و كل الحزن اترسم ع وشها ضمنها واخدها في العربيه
عماد انحدر بالعربيه وبصلها: مصممه ترجعي البيت ياجمره
جمره بصوت حزين مكسور : ايوه
عماد: متأكده انك مش جعانه
جمره: لاء عماد ازاي عرفت اني في القسم
عماد: روحت لبيت والدتك
جمره: ليه روحت هناك
عماد: معرفش كنت ع امل اشوفك هناك
جمره: وكان عندي امل انك هتوقف تيجي تشوفني
عماد بتعجب: عمرك ما اتكلمتي معايا بالشكل , والجرئه دي قبل سابق
جمره: ده لاني مكنش عندي الجرائه اكلمك كده
عماد: وايه الي جرائك النهارده , ولا حبيتي حارث انا كمان مش عارف ليه اتجوزك ومش مصدق ولا مقتنع ان ده حصل بسبب الحب ! وهحذرك كاخ ليكي كنت اعرف حارث من زمان وكان لعبي وبتاع بنات وبيختار منهم ع الفرازه والي حبها شوشت الي انتي لا ممكن تتمكني تتنافسي معاها , واحذري حارث هيختار الست الي تناسبه اكيد , وبنبهك من نيتك الطيبه وربنا بعتلك اشارات تفهمي منها , ديل المؤخده عمره ما يتعدل والطبع دائما غالب , وحقيقي مش عايز اشوفك حزينه فكري في الامر لو كانت شوشت مستحيل كان سابها في الحبس زي ما عمل معاكي
جمره نزلت دموعها في نفس اللحظه كان حارث بيتصل بالقسم يخرجوها ونزلت من العربيه وداخله البيت
عماد وقفها : جمره
جمره لفت :الف شكر تاني يا عماد
عماد مبتسملها: ده واجبي , وعايزك تفكري كويس في الكلام الي قولتهولك من شويه, ميزانك في ايدك , والقرار قرارك
حارث خرج لهم بنفعال والغيره واكله قلبه : ليه جيت بيتي تاني ياعماد
عماد ببرود: كنت بوصل الي تخصني هنا, لانها متقدرش تنام في الحبس لوحدها , لو كنت مش قادر تهتم بيها بلاش تحتفظ بيها بالشكل ده معاك وسيبها , لان دي اسمها انانيه
حارث بيمسك ايد جمره زقته بعنف ودخلت تجري ع جوه عايزه تهرب من كل حاجه تقفل ع نفسها وتهرب بسبب الانهيار الي هي فيه دلوقت!!
حارث بتحدي اكبر: حتي لو سيبت مرام تمشي انت مش هتقدر تهتم بيها , هيبقي عندك الجرئه تقف قدام اهلك, قدام عمي , ليه متكلمتش عن ده قدامهم امبارح , بلاش تبقي فارد قلوعك وري الكواليس بس , وسبق وحذرتك قبل كده
عماد بتحدي: وانا بقولك ولا يفرق معايا تحذيرك , ولا سمعته اساسا ,ولا خايف من كل ده كمان رغم مش قادر اعمل حاجه النهارده لكن ياعالم بكرة
حارث بغضب وانفعال جحيمي: مفيش بكره تقدر تمشي ,ومتجبيش هنا تاني
عماد هزرأسه بضيق وفضل واقف في المكان وحارث قفل الباب وجري ع جوه كل همه أنه يرجع لحبيبته ويحاسبها بأقصى سرعة
...........قصص منه محمد كاتب................
جمره دخلت غرفه حارث تاخد دفترها والاب توب وهي بتعيط كل حاجه حرفيا ادمرت جواها من قسوه حارث عليها ومتعرفش انه بيعشقها ومات من الغيره لما شافها واقفه مع عماد
حارث لفها ناحيته بغضب: ليه سبتيه يوصلك لحد البيت بتعملي امور في قمه العبث
جمره فضلت تدور ع ورق المراجعات وبصتله: فين دفتر مرجعاتي
حارث مسك دراعها وحدف اللاب توب ع السرير وبزعيق: مش سامعه الي قولته
جمره: انت بتعمل ايه انا عايزه اذاكر , سيبني لازم احفظ اهم النقاط لبكره
حارث حاول أنه يحافظ على هدوء أعصابه : مش قبل ما اخلص كلامي معاكي الاول
جمره اتعصبت : لا هات بقولك
حارث: ليه مش بتسمعي للي بقوله
جمره ضربته على صدره : ادهولي
حارث صرخ فيها بأمر : ليه مش بطيعي اوامري
جمره: اياك تزعق في وشي , اروح اجي مع مين ماكان , ده ميخصكش ليه تدخل
حارث: ايه علاقتك بيه , انتي ع ذمتي ولا نسيتي , ولا مش همك سمعتك
جمره لئلئت الدموع في عدسه عيونها: اه مش هاممني الي انا بعمله ده صح ولا غلط , انا اصلا مليش حاكم
حارث صرخ فيها: وانا روحت فين انا جوزك
جمره اتعصبت عليه: اه جوزي المزيف , بشا ليه اصلا اهتم بيك
حارث: يعني بتقوليلي انه هو جوزك الحقيقي
جمره نطقت بقوة : يمكن ع الاقل معملش زي جوزي المزيف , الي رماني في الحبس وبعتني للسجن زي الكلاب اما هو كان رحيم معايا وخرجني من هناك بدون اسقاط ونقد واحتقار عكسك يابو قلب قاسي رجعلي المراجعات واخرج من اوضتي
حارث رفع حاجب: اوضتك! انتي نسيتي المكان ده بيتي وكل الي موجود فيه ملكي واقدر اعمل كل الي انا عايزه
جمره: انت سافل , وحقير , وكلب ليه بتعمل كل ده رجعلي الدفتر , الحيوان الي اسمه حيوان عنده رحمه عنك
حارث قفل عيونه بستياء من صريخها ولسانها المستفز : بطلي قله ادب
جمره: ليه مقدرش اشتمك نسيت يبشا انا واحده من حاره فقيره عايزني اتكلم برقه معاك زي حبيبتك القديمه سوري مقدرش اعمل كده واقلدها , و واظن كنت عارف من الاول انك جايبني من حي شعبي, ومحدش غصبك بلاش تبقي عايزني اشتغل زي الزمبلك كده بالزرار , وتشكل ذوقي ع حياتك وبالامر لو معملتش كده ترميني في القفص
حارث مسك خصلة من شعرها بقوه : ياتري هبقي مبسوط من الي بتعمليه , هو انتي مدركه انك مراتي, ازاي ترجعي مع راجل تاني
جمره: لانه شهم بيعاملني ع اني انسانه , مش زيك شايفني رخيصه مليش قيمه عشان ترميني في الحبس وعايز تدمر مستقبلي كمان , وانت عارف عندي امتحان بكره , وقررت تضيع مستقبلي
حارث: وليه تهتمي بمستقبلك , وانتي عندك عماد مستعد يهتم بيكي
جمره سمعت صوت قلبها بيتكسر بسرعة رهيبه جريت من جانبه في اتجاه الباب وسايباه ومغادره المكان
حارث مد بخطواته السريعه وراها وسحبها من دراعها بشده: رايحه فين اقفي هنا
جمره ضربته في صدره : سيبني انت معتوه اتحرك هاخد هدومي وحاجاتي واغور من هنا
حارث بنفعال : عايزه تروحي لعماد , مش عامله حساب لمراته
جمره كتمت دموعها: انت ملكش اي حق تحتقرني بالشكل ده انت سامع
حارث باين عليه الحزن والقهر: انتي الي خلتيني اعمل حاجات انا مش عايزها , بعد ما بدأت احس بامور كويسه معاكي , بس بتجبريتني ارجع تاني
جمره: بشا خلي عندك ضمير ان كنت انسان , وسيبني امشي عندي امتحان الصبح اعمل فيا معروف وجميله
حارث: طلبت منك نتكلم باسلوب هادي ومهذب , لكن انتي عاندتي ومسمعتنيش , ودلوقت بتترجيني
جمره صرخت جامد في وشه وع سهوه زقته عشان تاخد منه الدفتر
حارث: بتحبي تستعملي العنف مش كده تمام_ هجم عليها يبوسها بقوه_
جمره لطشته بالقلم: اياك تقرب مني تاني يا وضيع بتدور ع فرصه لو عايز تعمل كدا روح اعمله مع حبيبتك القديمه ان شالله تاكلها وتاكلك
حارث: قولي انا غيرانه بالفم المليان وبأدب
جمره بشخط فيه: انا لا غيرانه, ولا نيله , وهرجع لعماد لانه فعلا بيحبني من قلبه , مش زيك زوج مزيف
حارث بقهره: انتي بجد عايزاه , خليني اعرفك انه مش بيحبك من قلبه
جمره: لو كنت بتغير عليا قولهالي بالفم المليان و بأدب مش تدلدل لسانك زي الكلب الي شرب ميه سخنه في كل مره تشوف فيها عماد
حارث دخل في حاله من الذهول والصدمه من كلامها السم الي طسته في وشه مره واحده
جمره: ايه اتصدمت من وصفي يله رجعلي الدفتر حالا ياغبي
حارث بكل غضبه مسك الدفتر وقطعه كذا حته وطيره في الهواء وهي صرخت وهجمت عليه بالرفص والضرب وهو مسكها من وسطها
جمره بتعافر: سيبنيييييي ليه بتعمل كده , انت مختل
حارث هجم ع شفايفها يبوسها بطريقه وحشيه وهي بكل غلها عضته
حارث مسك شفايفه بألم : يخربيت استفزازك
جمره: مفكر انك ممكن تبوسني بالعافيه ,يا وضيع يا كلب
حارث جرجرها من وسطها بالعافيه ورماها ع السرير واعتلاها: مش انا كلب ليه متجربيش تبقي مراه الكلب اليوم
جمره فضلت تضربه ع صدره ووشه وتصرخ فيه : ابعد عني ياحقير, يا سافل , يا منحط
حارث بدأ يبوسها ويحضنها بجنون و هي من حبها فيه مقدرتش تتمالك نفسها استكانت مقاومتها بين ايديه لما نزل ع شفايفها ورقبتها وبكل سهوله رمت نفسها جوه حضنه وسلمت له
حارث بدأ يفك زراير البلوزه وقالها: مش هتمنعيني بجد يامرام قوليلي لو سمحتي بأنك مسلمتيش نفسك لغيري
جمره حست بوجع جامد في قلبها وبتزق فيه : ابعد عني يا حارث ابعد
حارث مسك فيها بكل قوته واتكلم بسرعه: انا اسف , والله اسف مقصدش , اسمعيني الاول
جمره بصوت مخنوق : قلت ابعد عني
حارث قام من فوقها وبص في عيونها كأنها بحر من الدموع الفياضه : ولو قلت لك انا مش هسيبك
جمره بدموع في بؤبؤ عيونها: يمكن كنت سلمتلك وهرجع اندم ع ده لحد يوم مماتي
ه
حارث قعد وحط ايده ع دماغه وحاسس انه قال كلام صعب وقاسي بالنسبه لبنت ومستحيل تنساه في تاريخ حياتها