رواية لكل حب حكاية الفصل الثاني 2 بقلم محمد منصور
وبسم الله توكلت علي الله وهو رب العرش العظيم
خلصت الحلقة اللي فاتت علي مليكة اللي راحت ل عز الصيدلية علشان تطلب منه انه يسامح اخوها بعد اللي عمله في لكن عز كان قليل الذوق جدا وتقريبا هزقها قدام الناس وعرف ممدوح اخو مليكة الكبير باللي حصل ل اختة راح للصيدلية جري وضرب مليكة وطلب منها تطلع الشقة. وبص ل عز بغضب شديد وقاله انه هيعرف ازاي ياخد حقة منه بس بالادب. وبعدها بشوية ومن جوة اوضة مليكة كان مليكة بتعيط اوي وخدها وارم بعد القلم اللي خدته من اخوها وكانت معها صاحبتها سمر عماله تطبطب عليها وتقول
خلاص بقي بطلي عياط.
مليكة بحرقة
انا اخويا ممدوح يضربني كدة. وقدام الشارع دة عمرة ما عملها
سمر
بصراحة احنا غلطنا اننا روحنا ل واحد قليل الذوق زي عز
مليكة
واحنا كنا نعرف انه مقرف كدة
سمر
ما انتي لو تبطلي تشتغليني وتقولي طلع عرفني وكيك وكيك وكيك. وانا هبلة وبصدقك
مليكة
طيب والله العظ،،،،،،،،
حطت سمر ايدها علي بوق مليكة وقالت
اوعي تحلفي كدب هتولعي
مليكة شالت ايد سمر من علي بوقها وقالت
انا كنت هقول والله العظيم هو ما يعرفني
ضحكت سمر بصت لها مليكة. وضحكت زيها فقالت سمر
انتي ما عندكيش دم. لسة واخدة قلب مخبرين وبتضحكي
راحت مكشرة مليكة وقالت
ايوة صح اضحكي انتي بقي ليكي وليا علشان انا المفروض زعلانه
سمر ضحكت اوي وخدت مليكة بالحضن وقالت
والله دي احلي حاجة فيكي في عز ما انتي زعلانه بتعرفي تضحكي
مليكة
اصل انا هبلة
سمر بهزار
زيي يعني
مليكة
اومال يا بنتي مش اصحاب
سمر
بس انتي عارفة بقي بعد اللي حصل دة لو جيبتي سيرة الزفت عز دة تاني علي لسانك
مليكة
ولا عمري. هو انا اية ما عنديش باتنين جنية كرامه
سمر
لما اشوف
وهنا يسمعوا صوت خبط علي باب الاوضة فتقول مليكة
دي خبطت ممدوح اخويا
سمر بخضة
شكلة جاي يكمل عليكي
مليكة
مش ممدوح. دي جاي يقولي حقك عليه انا عارفة كل حاجة
وبدات مليكة تحزق تاني سمر قالت لها
بتعملي اية
مليكة
بجيب كام دمعه من اللي شيالهم علي جنب.
وخبط الباب تاني فقالت مليكة ب شحتفا.
ادخل
دخل ممدوح وفي ايدة حزام اتسرعت سمر ومليكة قالت
يا نهار كحلي
وقرب ممدوح منها راحت عليه سمر وقالت
علشان خاطر حبيبك النبي. دة اختك برضو
ممدوح
اللهم صلي وسلم عليك يا نبي. بس دي عايزا كسر رقبتها دلعي ليها طالعه مش عارفة المفروض تعمل اية وما تعملش اية
وبص ل مليكة وراح ملوش بالحزام. الحزام ما جاش في مليكة وجه في ظهر سمر من تحت صرخت سمر وقالت
ورحمة امك وابوك خلاص يا شيخ ممدوح
ممدوح
الله يرحمهم. ويرحم كل اموات المسلمين. بس عودي نفسك ما تحلفيش الا بالله.
ورجع بص ل مليكة وقال
انتي بقي طلعتني عن شعوري
وراح ملوش تاني بالحزام وجة الحزام في نفس الحتة صرخت سمر وقالت
حرام بقي انا بقيت عاملة زي سناء جميل في مسرحية سك علي بناتك
مليكة
ما كنتش سناء جميل
بصت سمر ل مليكة اللي مستخبيئة وراء منها
هتفرق معاكي اوي. الضرب جاي في نفس المنطقة وخلاص
ممدوح بعصبية
انتو بتقولو اية
ولقي نفسه بيضحك من اللي بيحصل ورمي الحزام علي الارض وقعد علي طرف السرير وبص ل مليكة بحنان شديد وقال
تعالي يا مليكة
خرجت مليكة من وراء سمر وراحت ل ممدوح ووقفت قدام منه بالظبط طبعا هو كان قاعد وهي واقفة فكانت اطول منه بص لفوق وقال
انت مالك طولتي اوي كدة. ما تنزلي يا روح امك
نزلت مليكة علي ركبتها وبقيت في طوله تقريبا بص ل خدها الوارم وقال وهو بيبص علي ايدة الشمال
تنقطع ايدي اللي عمل كدة
مليكة
ما كنتش الشمال. انت ضربتني بالتانية
ضحك ممدوح وبص لايدة التانية وقال
تنقطع دي وبلاش التانية
مسكت مليكة ايدة وباستها وقالت
بعد الشر عليك. انا الغلطانه اني نزلت وروحت له. بس صعبان عليه رمية اخويا في الحجز
ممدوح
ما ينفعش يا مليكة تدخلي في حوار زي دة. دة كلام يخلصو الرجاله مش البنات
مليكة بصت بطرف عينيها ل سمر وقالت
ما انا كنت رايحة ومعايا راجل
ضربتها سمر بايد وكانت بتهرش مكان لسوعه حزام ممدوح بالايد التانية. باسمها ممدوح في جيبنها وقال
القران والسنه وصونا عليكم. وسيدنا محمد صلي الله عليه وسلم قال. رفقا بالقوارير. سيدنا محمد شبهكم بالقوارير علشان ضعفكم وخوفو عليكم من الانكسار والضياع. مهما افتكرتي نفسك قويه انتي ضعيفة قصاد اي كلمة تكسر خاطرك. ودة اللي حصل من عز. كسر خاطرك ودة اللي مش عايزه ليكي طول من انا عايش. فهماني
مليكة اترمت في حضن اخوها وقالت
حبيبي يا توح توح
ممدوح وهو بيطبط عليها بيقول
قلب توح توح من جوة
سمر وهي بتلف وشها تنفخ في مكان الضرب. قالت
هو الحضن جميل وكل حاجة. بس يعني اية قوارير
بص لها الاثنين وضحكوا، ،،،،،،،،،،
ومن قدام اوضة مليكة يقعد علي الركنة اللي في الصاله اخوها التاني عمر. وكان بيلعب علي الموبيل وبص بطرف عينه ل ممدوح وهو خارج بيضحك من اوضة مليكة وبيقفل الباب وراء منه. وقال
خلاص خلصت كدة. دة انا قولت هشوف دم النهاردة للركب
ممدوح
من امتي وانا كنت غبي عليكم واللي بيغلط فيكم بربي بالدم. دة انا بلوم نفسي لغاية دلوقتي اني ضربت اختك وسط الشارع. لاني عارف ان نيتها كانت خير
عمر وهو لسة وشة في الموبيل قال
الغلطة اللي غلطتها الهانم الدلوعه بتاعتك كان لازم يكون بعديها دم.
ممدوح
اللي عملته اختك المفروض كنت تعمله انت. بس الله يكون في عونك حاسس بيك اللعبة اهم من اخوك المرمي في الححز
وقف عمر ومشي ناحية اوضة وقال
امين اخوك يستاهل الشنق مش الحبس.
ممدوح
كل ما كلامي يضايقك تسيبني وتدخل اوضك
عمر
شيخ ممدوح. انزل افتح الجامع واجهز علشان العصر قرب يأذن. وبلاش والنبي دور بابا اللي انت بتمثله دة
ممدوح
يعجبني فيك انك عارف مواعيد الصلاة لكن ما بتصليش
لكن عمر ما ردش ودخل اوضة وقفل الباب وراء منه. وممدوح بص ناحية والباب. وقال
ربنا يهديك، ،،،،،،،،
ومن جوة شقة عز يقعد عز قدام امه وداد اللي كانت بتقول له
جدع انك عملت كدة. علشان كل واحد يعرف مقامه
عز
بس انا مضايق من نفسي انتي ما شوفتيش اخوها ضربها ازاي بالقلم وقدام الناس كلها. صعبت عليه والله
وداد
ما يصعبش عليك غالي دي بت ما تربتش يعني اية تيجي لك الصيدلية وتقول لك علشان خاطري. طلع اخويا
عز
بس هي ما قالتش كدة
وداد
قالت ولا ماقالتش. دي قله ادب والبت اللي تعمل كدة ما شافتش دقيقية تربية.
عز
والشيخ ممدوح اللي زعل مني
وداد
بقول لك اية بلا ممدوح بلا،،،،،،،،
وهنا يسمعوا اذان العصر بصوت الشيخ ممدوح سكتت وداد وبدات تردد وراء الاذان وعز يقول
لسة هتشتمي سمعتي الله اكبر بصوته. الشيخ ممدوح دة في شئ لله
وداد
هو راجل بصراحة المنطقة كلها تحلف بي. وباخلاقة بس،،،،،،،
قاطعها عز وقال
امي انا قايم اتضوء وهنزل اصلي. ،،،،،،،،،،،،
وبعد صلاة العصر يجلس الشيخ ممدوح وهو كان الامام ويختم الصلاة علشان يلاقي ايد بتتمد لي وصوت عز بيقول
حرما
بص له ممدوح وقال من غير ما يمد ايدة
جمعا ان شاء الله
وقام وقف ممدوح وراح ناحية باب الجامع وخرج خرج وراء منه عز وقال
حقك عليه بالله عليك.
بص له ممدوح وفضل ساكت وعز قال
والله العظيم انا من وقت اللي حصل وانا مش ضايق نفسي
ممدوح اتنهد وقال
ما حدش علمك ازاي تتكلم مع بنات الناس
عز
اللي حصل من اخوك واصحابه فيا ما كنش شوية. دة انا اتسحلت في الشارع قدام الناس كلها. وانا مستعد اتاسف لاختك قدام الناس كلها
ممدوح
انت مالكش دعوي ب اختي مفهوم
عز
خلاص ابوس راسك قدام الناس كلها. وبكدة ابقي كفرت عن اللي عملته ومش بس كدة هروح القسم علشان اتنازل عن المحضر. بس بالله عليك تاني ما تبقاش زعلان مني.
ممدوح. بص له وسكت وعز قال
حلفتك بالله اكتر من مرة.
ممدوح
ونعمه بالله. ،،،،،،،،،،،
وحصل محضر الصلح وخرج امين هو واصحابه وكان ممدوح مع عز قدام القسم وممدوح بيبص ل امين وبيقول
بوس علي راس دكتور عز
عز
انا مش عايز حد يبوس علي راسي. انا كل اللي عايزة ما شوفش حد منهم في الصيدلية
ممدوح
حقك
ومشي عز وساب ممدوح مع اخوة وبص له وقال
علشان خاطر ربنا بقي. كفاية فضايح انا تعبت منك
امين بحدة
ممدوح انا تعبان وخلاص بقي
ممدوح
لا. ما ينفعش كدة. اتلم عليه انت وصحابك واضربني
وحيد
عم الشيخ ما بلاش والنبي كتر الكلام احنا دماغنا فيها كلاب سعرانه وعلي اخرنا
ممدوح بعصبية
انا ما ليش كلام معاك انت. انا بكلم اخويا
امين
اللي قالو وحيد. هو اللي انا عايز اقوله.
وسابو ومشي وراحو يقعدوا علي القهوة علشان ينضم ليهم
صاحب رابع اسمه ثروت من منطقة تانية سلم عليهم ولف معاهم سيجارة وهو بيقول
السيجارة دي.تحية مني ليكم
شد وحيد نفس من السيجارة وقال
انما اللي انا مستغرب له ان الواد الدكتور دة امباراح ومن بوق العسكري ما كنش عايز يتنازل اشمعني النهاردة
ثروت
باين كدة البت اللي اسمها مليكة لما راحت له عرفت تقصر عليه
اتصدم امين وقال
بتقول مين
ثروت
مليكة دة حتي وقتها حصلت بوليكة وخناقة كبيرة بينه وبين صحبتها. يعني انا من منطقة تانية وعرفت باللي حصل وانتم من هنا وما عرفتوش
قام امين جري من علي القهوة وثروت بص ل وحيد وعنتر وقال
هو في اية
عنتر وهو بيسحب نفس من السيجارة قال
مليكة دي تبقي اختة يا حمار
برق ثروت من الصدمة وقال
دة انا باين عليه خربتها ،،،،،،،،،،
ومن جوة اوضة مليكة تقف مليكة في الشباك ونص راسها برة بتبص علي عز اللي واقف مع الصنيعية وكانت بتقول ل. سمر
انسي بقي خلاص. انا اعبر البني ادم دة تاني. لية يعني. ما فيش دم
سمر
مش عارفة لية مش مصدقاكي
مليكة
لا صدقي وعايزا اية كمان. اول عريس هيحي لي هوافق عليه حتي لو كان شبه هاني سلامة
سمر
دة كدة وحش يعني
مليكة
وانا اتجوز واحد وحش لية. انا عايزا احسن النسل وادخل العيال الموزز في العيلة
وهنا وبالصدفة عيون مليكة تيجي في عيون عز اللي حس قد اية هو محرج منها. وفي نفس الوقت تلاقي امين واقف تحت الشباك بيبص لها وبيبص ل عز انفزعت مليكة ودخلت جري اوضتها وهي بتقول ل سمر
يا ليلتي السوداء
سمر بخضة
في اية يا بت
مليكة
امين شافني. وشكله ناوي لي علي الشر. قفلي دلوقتي اما الحق اتصل. ب ممدوح اخويا. يجي يلحقني من ايدة
وقفلت سمر واتصلت مليكة ب ممدوح لكن موبيله كان مشغول رنت تاني وتالت وهنا لقيت باب الشقة بيترزع اتفزعت وراحت تقفل باب اوضتها بالمفتاح لقيت الباب اتفتح وامين في وشها. ،،،،،،،،،،،،،،،