تبدأ الحكايه ببنت اسمها سلمى فى اولى ثانوى عايشه مع مامتها وباباها واخواتها التلاته حياتها بسيطه وعاديه زى اى طالبه فى ثانوى بتروح المدرسه والدروس وترجع تذاكر حياه معتاده وروتينيه
سلمى عندها اخ كبير فى الكليه اسمه ابراهيم فى يوم ابراهيم راجع من الكليه..سلمى يا سلمى
سلمى: نواااعم ( نعم)
ابراهيم: شهاب صاحبى جاى يقعد معايا النهارده ممكن تظبطى البيت
سلمى: بجد قصدى حاضر ماشى هظبطه تمام
وسلمى زيها زي اى حد فى سن المراهقه بتبقى معجبه بولد عادى ومنجذبه ليه وهى معجبه بشهاب من وهم صغيرين#
شهاب ده كان جارهم بس من فتره راح سكن فى مكان تانى مع اهله هو واخوها قد بعض بس مش فى نفس الكليه بس بيروح عند ابراهيم وهو من صحابه المقربين
جات الساعه سبعه وابراهيم منتظره وسلمى ظبطت البيت
الجرس رن* سلمى بلهفه هروح افتح ....
سلمى : ازيك يا شهاب عامل ايه وحشتنا اقصد يعنى بقالنا كتير مش بنشوفك
شهاب: الحمد لله ابراهيم فين
سلمى: منتظرك جوه اتفضل
سلمى فى عقلها* ايه البرود ده بكلم لوح تلج
دخل شهاب: هيما ازيك واحشنى
ابراهيم: تعالى يا شُهٌب واحشنى اكتر
والدة ابراهيم تدخل : ازيك يا شهاب سليملى على والدتك واخواتك
شهاب: الحمد لله يوصل يا طنط
سلمى فى المطبخ بتجهز العصير وبتفكر
* الفت نظره ازاى هو عنده نظر اصلا* يقطع صوت تفكيرها مامتها ادخلى يا سلمى قدمى العصير
سلمى: حاضر يا ماما
وهى داخله تليفون شهاب بيرن ابراهيم بيقوله بهزار : الكراش صح
شهاب : لا يا خفيف ده......
يقطع كلامه كوباية العصير اللى وقعت عليه
سلمى لما سمعت ابراهيم بيقوله كده الصنيه اتهزت من ايدها ووقع كوباية العصير على شهاب
ابراهيم : ايه ده يا بنتى مش تحاسبى
سلمى: اسفه معلش
شهاب: حصل خير خلاص
سلمى طلعت جابتله منديل وجابت عصير غير اللى انكب
سلمى: اتفضل
شهاب: عامله ايه فى الدراسه
سلمى وهى متغاظه منه وبصوت حاد: احسن منك
ابراهيم: معلش يا شهاب انت عارف سلمى بتهزر طبعا
شهاب: لاء عادى سلمى زى اختى الصغيره
سلمى فى عقلها تاك خوته تخوتك وطلعت
قعد شهاب شويه مع ابراهيم وبعدين مشى
بعد ما مشى
ابراهيم : انتى ايه اللى عملتيه ده يا ست زفته توقعى عليه العصير وتكلميه بالطريق دى كنتى اضربيه بالنار احسن
سلمى: العصير وقع من غير قصدى على فكره ومش عاجبك ابقى خوده على كافيه
ابراهيم: أعوذ بالله امنا الغوله
تصحى اميره اختهم الصغيره
وطوا ثوتكوا ( صوتكوا ) ثويه ( شويه ) مث( مش ) عالفه( عارفه) انام
ابراهيم: متجيش جنب سلمى دلوقتى يا اميره علشان بتكهرب ومشى راح اوضته وهو ماشى بصوت واطى: امنا الغوله
سلمى : سمعتك على فكره
تنيم سلمى اميره وتلاقى رساله من الواتس
شهد صاحبة سلمى
سلمى
سلمى
يااااااااا بت
سلللللللللللمى
سلمى: ايييييييييه بتنادى على واحده تايهه
شهد : كنتى قافله ليه
سلمى: كان عندنا ضيوف
شهد: مين
سلمى: شهاب صاحب اخويا
شهد عارفه ان سلمى معجبه بيه سلمى كانت قايلالها
شهد: ده ارجع يا زمان حن يا ماضى بقى
سلمى بعتتلها استيكر مكتوب عليه ( وحشك ال
شبشب صح)
شهد: خلاص يا ستى سلام
سلمى: سلاموووز ونامت
يتبع
كسره اصلحت قلبي 2
سلمى صحيت تانى يوم راحت المدرسه كالمعتاد اول ما شهد صاحبتها شافتها
شهد: ابن الجيران تارتاتاااا
سلمى تبصلها بنرفزه هتسكتى ولا انتى بقيتى تحبى التهزيق
شهد: سكت اهو بس حصل ايه امبارح
سلمى: محصلش حاجه هو شخص بارد ومعندوش احساس
بس استنى يا شهد لما فونه رن ابراهيم اخويا قاله دى الكراش * مكنتش تعرف انه هزار* هى فكرته مرتبط
سلمى : انا لازم اعرف
شهد: هتعرفى ازاى
سلمى: هقولك بعدين
كان يوم معتاد في المدرسه خلصوا الحصص وروحوا عادى بعدها كان عندها درسين منهم درس قريب من بيت شهاب الجديد وكان عنده اخت اكبر من سلمى بسنه وكانوا صحاب
بعد ما خلصت طلعت بحجة انها تسلم على اخته
كانت مترددة اطلع ولا مطلعش وتطلع درجه وتقف وتنزل تانى فى الاخر قالت انا هطلع وقامت طالعه
رنت الجرس فتحت والدة شهاب
والدة شهاب: لوما حبيبتى ازيك وحشاانى جدا ماما واخواتك عاملين ايه
سلمى: الحمد لله يا طنط بيسلموا عليكى انا كان عندى درس قريب قولت اجى اسلم عليكوا
والدة شهاب: تنورى يا حبيبتي فى اى وقت
سلمى: وبتبص فى البيت كله امال فين شهاب يا طنط قصدى فين شهاب و روناء
والدة شهاب: شهاب فى الكليه لسه مجاش وروناء زمانها جايه من الدرس
روناء اخت شهاب دخلت: ايه ده لوما وحشاانى جدا عاش مين شافك
قعدت سلمى معاها وكانت بتحاول تجرها فى الكلام
سلمى: هو كلية شهاب بتتأخر كده ليه
روناء: تتأخر ايه يا بنتى احنا لسه الساعه خمسه
سلمى: طب خافى على اخوكى بقى من بنات الكليه وبتحاول تعرف فعلا هو مرتبط ولا لاء
بقولك هو اسم الكراش بتاعته ايه
روناء: كراش؟ بس شهاب مقاليش ان عنده كراش
سلمى: ايه ده بجدددد قصدى ازاى ما كله دلوقتي بقى عنده كراش
روناء: بس شهاب معندوش ولو عنده هو مقليش على حاجه زى دى
سلمى استأذنت وقامت مشيت
روناء: خليكى شويه يا لوما
سلمى: وقت تانى ان شاء الله وسلمت عليها ومشيت
وهى نازله على السلم فرحانه جدا وبتقول بتمختر شهاب طلع سنجل شهااب طلع سنجل وايييييه واااااااه
شهاب كان طالع وسمعها
شهاب: ايوه انا سنجل
سلمى اتخضت جدا
سلمى: ايه نعم مين اقصد يعنى انت سنجل ولا مش سنجل انا مالى
شهاب: مش نازله تغنى وتقولى شهاب طلع سنجل
سلمى: مش انت على فكره هو مفيش شهاب غيرك انا .. ايه وبتحاول تخترع اى حجه اه انا قصدى شهاب بتاع المسلسل التركي اصل كانوا مفكرينه مرتبط وطلع سنجل
شهاب: مااااشى ابقى سلميلى على اخوكى
سلمى بصوت واطى طب ما تيجى تسلم عليه
شهاب: بتقولى ايه
سلمى : لاء مفيش الله يسلمك يوصل ومشيت
وهى مروحه برده عايزه تتأكد هو سنجل ولا لاء يمكن مش قايل لاخته وعماله
تفكر وهى داخله البيت : جاتلى فكره ...
يتبع