رواية كسره اصلحت قلبي الفصل الثالث 3 والرابع 4 بقلم روان ابراهيم
كسره اصلحت قلبي 3
سلمى وهى داخله البيت جاتلها فكره تعرف بيها اذا كان شهاب فعلا مرتبط ولا سنجل
سلمى طلعت
سلمى: سلام عليكم انا جييييييت نورت البيييييت
والدتها: اتأخرتى ليه يا سلمى وتليفونك مغلق ليه
سلمى: كنت بشوف روناء يا ماما كانت وحشاانى وتليفونى فى الشنطه
مامتها: طب ادخلى يلا غيرى هدومك واتغدى
دخلت سلمى غيرت هدومها واتغدت مع اخوها لأنه كان راجع من الكليه متأخر
اثناء الأكل*
سلمى : ابراهيم هو انت كل صحابك مرتبطين
ابراهيم: لاء مش كلهم بس ليه بتسألى
سلمى: اصل سمعت ان كل شباب الكليه عندهم كراش وكده
ابراهيم: لاء مش شرط يعنى هو الارتباط ده ماده علينا مثلا
سلمى: يعنى شهاب معندوش
ابراهيم ساب المعلقه وقالها: اشمعنى شهاب يعنى
سلمى: عادى يعنى اصل انا معرفش حد من صحابك غيره
ابراهيم بصلها كده وضيق عنيه : هحاول اصدقك ماشى
سلمى: يعنى ايه يعنى تقصد ايه
ابراهيم: يعنى العصير وقع منك لما فونه رن وروحتى عندهم النهارده وبتجرينى فى الكلام مش مطمنلك
سلمى: على فكره انا غلطانه انى بتكلم معاك وكنت بسأل عادى جدا انت بس دماغك متركبه شمال
ابراهيم بصلها بطرف عينه : خلى بالك انا حاطك فى دماغى وبراقبك وهفضل اراقبك
سلمى: كاتك نيله ودى كلمه دايما تقولها لاخواتها
دخلت اوضتها تخلص المذاكره اللى وراها وكانت مستنيه ابراهيم ينام علشان تنفذ الفكره اللى جاتلها
ابراهيم دخل يزاكر وبعدين مسك الفون شويه ونام وسلمى كانت كل شويه تطلع تبص عليه ولما نام انتهزت الفرصه علشان تنفذ الفكره
فلاااش بااك
وسلمى داخله البيت وبتفكر ازاى تتأكد قالت طب ما هو مع اخويا على الواتس وتليفون اخويا بصمه هفتحه ببصمته وهو نايم واكلمه على اكنى ابراهيم
دخلت الاوضه فتحت الباب بالراحه ودخلت تتسحب علشان ابراهيم ميحسش مسكت الفون ومسكت صابعه حاطته على البصمه والفون فتح
فجأه جيه صوت من وراها خضها : بتعملى ايه يا سلمى
سلمى اتخضت وبصت لقت....
يتبع
كسره اصلحت قلبي 4
سلمى اتخضت وبتبص وراها لقت احمد اخوها
* احمد اخو سلمى الصغير فى 6 ابتدائى *
سلمى: عايز ايه جيت هنا ليه
احمد: انتى اللى جايه ليه دى اوضتى انا وابراهيم واتخضيتى ليه
سلمى: تعالى بس كده هتصحى اخوك
- وطلعوا برا الاوضه
كنت جايه اخد حاجه من عند ابراهيم
احمد: وواخده تليفونه ليه وكنتى بتفتحيه
سلمى فكرت تقوله سبب مقنع : عايزه اعمل بحث والبرنامج مش عندى ومعنديش مساحه هعمله على تليفون ابراهيم وهبقى امسحه وارجع الفون تانى
احمد: طب مقولتيش لابراهيم ليه
سلمى: لاء طبعا يا ابنى اقوله ايه انت عارف انه مبيحبش حد يمسك تليفونه
احمد: طيب انا داخل انام
سلمى: استنى اوعا تقول لابراهيم متقولش لحد ماشى
احمد: والله على حسب تقديرك انتى بقى فهمانى طبعا
سلمى: الاستغلااااااال
ماشى هجبلك شوكولاته
احمد: لاء هاتى الفلوس وانا هجبها
سلمى: طيب طيب اصبر ودخلت جابت خمسه جنيه من شنطتها ادتهاله : اتفضل واسكت بقى خلينى اعمل البحث قبل ما ابراهيم يصحى كل ده وهى ايديها على شاشة الفون علشان ميقفلش
احمد: ماشى انا هنام
دخلت سلمى اوضتها وفتحت واتس ابراهيم وجابت شات شهاب
سلمى: يارب تكون فاتح
سلمى بتبعت : شهاب يا شُهب وفضلت مستنيه دقيقتين
ظهر عندها انه متصل فرحت اوى ظهر انه بيكتب قلبها دق جامد وطلعت من الشات بسرعه
شهاب: نعم يا هيما
سلمى: بقولك كنت عايزه اسالك على حاجة
بعتت رساله تانيه قصدي: عايز معلش اتكتبت عايزه بالغلط
شهاب: اسأل فى ايه
سلمى: هو انت مرتبط يعنى او عندك كراش وكده ولا سنجل زى اخوك
شهاب: فيه ايه هو الناس كلها مهتمه بموضوع ارتباطى ليه
سلمى: قولى بس انتى هتخبى عليا
شهاب: حاليا لاء يعنى انت تعرف عنى برده انى ارتبط ببنت بطريقه غير رسميه
سلمى: يا ابنى مش قصدى اقصد يعنى بتفكر
شهاب: فيه ايه يا ابراهيم مالك
سلمى: فضول فضول جاوب بس
شهاب: اه بفكر فى بنت وكنت عايز اتقدملها
سلمى: مين دى واسمها ايه
شهاب: انا عارفها من زمان وانت كمان عارفها
سلمى فى نفسها:ايه ده هو ممكن يكون قصده عليا
سلمى: طب اسمها ايه يا شهاب
شهاب: هتعرف فى الوقت المناسب
سلمى: قول بس طب اول حرف
شهاب: ايه يا ابراهيم اول مره تبقى زنان كده بقولك انا هنام بقى علشان عندى كليه يلا سلام
سلمى: سلااام
قفلت وهى بتفكر هو ممكن قصده عليا فعلا ومقالش الاسم علشان مش عايز يقول لابراهيم انها انا
قامت سلمى ترجع الفون مكانه بس مسحت الشات قبل ما ترجعه
دخلت الاوضه وكان احمد ناام وحطت الفون بالراحه مكانه وطلعت تانى راحت اوضتها
نامت وهى بتحلم احلام ورديه وحطت فى دماغها انه بيحبها وان هى البنت المقصوده
نامت وصحيت الفجر صلت
* سلمى فى الفتره دى مكنتش منتظمه اوى فى الصلاه كانت اوقات بتضيع فروض ومش دايما كانت تصلى الفجر*
صلت الفجر ومسكت الفون جابت صفحة شهاب وفضلت تقلب فيها وتشوف صوره على صفحته
بعدين قامت تجهز للمدرسه لبست وحضرت شنطتها
مامتها داخله تصحيها لقيتها صاحيه وجاهزه
مامتها: ايه ده سلمى صاحيه بدرى لاء مش مصدقه
سلمى: وصليت الفجر كمان يا ماما
والدتها: ما شاء اللهم بارك مالك يا بنتى هو فيه حد هيموت ولا ايه
سلمى: هو انا فى الحالتين مش عاجب
والدتها: لاء يا ست البنات ربنا يكملك بعقلك
سلمى وهى طالعه كان ابراهيم طالع من اوضته
سلمى: صباح الخير يا هيما
ابراهيم: وقف حط ايده فى جيبه وقالها: حاطك فى دماغى وبراقبك وهراقبك
سلمى: يا ابراهيم love me تعالى على نفسك و love me
ضحكت ونزلت راحت المدرسه وهى فى الطريق قابلت دنيا صاحبتها راح
وا المدرسه سوا
بعدين دخلت تدور على شهد علشان تحكيلها ....
يتبع