رواية قدك الفصل السابع عشر 17 بقلم منه محمد
فضل سهران طول الليل يكتب كل النقاط المهمه الي هو اصلا عملهالها ورجع من حرقته من افعالها قطعها وكان عنده نسخه مسيفها ع الاب توب فكان سهل جدا يطبعها ويخلصها وفضل قاعد لحد ما طلع النار ونزل لقاه الي طالع في وشه شهق
جابرضحك بمرح: : بشا اتخضيت, انت ظابط ولا حرامي
حارث بضحكه جميله: ظابط, صباحك فل يا عم جابر
جابر: صباحك نور بحالتك دي , تحب اعملك قهوه تخلي مزاجك اروق
حارث: زي بعضه اعملها
جابر: حالا
حارث لف حواليه: هي لسه مرام منزلتش
جابر: لسه مشفتهاش لحد دلوقت , اطلع اجيبها تفطر معاك
حارث: استني مفيش لزوم
جابر: ليه
حارث: كدا بلاش تناديها هي شويه وهتصحا لان عندها امتحان
جابر: طيب يابني الي تشوفه
حارث: انا بس هوصيك تديها الورق ده
جابر: وانت ليه متطلعش تدهولها بنفسك
حارث ارتبك وقاله: اصل انا متاخر ومعنديش وقت اطلعلها , ادهولها انت بدالي
جابر : حاضر , بس هي واقفه وراك
حارث لف بصلها وخايف تنهار تاني عليه قدام جابر وهي ارتبكت لما افتكرت الحركات الي عملها معاها
جابر وزع نظراته عليهم : هو انتم بخير
حارث هرش في شعره ونطق بتوتر : اه بخير
جمره بنفس التوتر: اه مفيش بينا مشاكل
حارث بتـأيد: فعلا مفيش بينا اي مشاكل
جابر : تمام ربنا يديم عليكم الخير دايما
حارث قرب منها : اه امسكي اللاب توب , واهم النقط الي تراجعيهم انا كتبتهم تاني
جمره مدت ايدها: وانا هاخدهم منك حالا وبجد الف شكر
جابر بصله وقال : مالك يابني ليه واقف متجمد مكانك كده
حارث بصله : لا انا همشي اهو
جابر ابتسملها : البشا قالي اخدلك البتاع ده عشان تلحقي تراجعي, يله عشان تفطري , وتلحقي تراجعي بسرعه
جمره هزت دماغها وراحت قعدت ع السفره وبدئت تقرء الملخص الي كان ميه وفرحت جدا انه سهر عشانها معقول يكون بيحبها للدرجه مسكت موبيلها وبعتتله رساله شكر وامتنان
حارث فتح الرساله وقلبه دق بجنون وفرح جدا برسالتها وانه فرحها لو بحاجه بسيطه
...........قصص منه محمد كاتب..............
بعد الامتحان رجعت ودخلت من باب الشقه لقت زينه متعلقه في السقف وشنط هدايا كتير ع تربيزه الصالون
جابر قالها: مبروك
جمره : بس انا لسه منجحتش انا يادوب خلصت امتحانات
جابر: انا متفائل انك هتنجحي , وتدخلي السنه التانيه
جمره: الف شكر لدعمك القوي ياعم جابر , بس ايه كل ده
جابر بسعاده: هدايا بمناسبه عيد ميلادك
حارث هنا ظهر بابتسامته الجذابة ومعاه بوكيه ورد كبير: كل سنه وانتي طيبه يامرام وعقبال الف سنه
جمره عيونها رغرغت: بس عيد ميلادي كمان اسبوع
حارث: انا قلت احتفل معاكي اول واحد , بما اني جوزك, وجبت هديتي مقدما
جمره بفرحه كبيره: بس انت عرفت ازاي بيوم عيد ميلادي
حارث: مرام حياتي انا ظابط , يله اقبلي مني البوكيه ده
جمره بتنطق السعادة في ملامحها : الف شكر
جابر قدملها كاب كيك وقالها: يله اتمني امنيه , وانتي بتطفي الشمعه
جمره بصت لحارث بنظره كلها حب : لو هتمني حاجه تحصل السنه دي لنفسي ولـ اي حد هيبقي العوض
جابر: انا هستغل الوقت ده , واروح اصلي وانتم خدوه راحتكم يا ولاد
حارث رفع عيونه عليها واتوتر : مرام بخصوص الي حصل مني ليله امبارح, انا بجد اسف
جمره خدودها احمرت بشده : ليله امبارح حصل ايه , انا مش فاكره
حارث بوقاحه عليها : بجد عايزني افكرك حصل ايه ما بينا
جمره شخطت فيه: خلاص فاكره, بلاش تقول بس ايه كل الهدايا دي
حارث: دي ياستي كلها عشانك
جمره ابتسمت ابتسامه واسعه: بجد كلها عشاني
حارث ابتسم ابتسامه كلها فرحه وسعاده نابعه من قلبه ع فرحتها وتابع : ايوه كلها كلها
جمره : اتضح انك راجل لطيف كمان , هي دي طريقتك في الصلح , لو كدا كل يوم ادب معاك خناقه عشان تعمل كل ده
حارث ضحك: وانا مستعد معنديش اي مشكله , مرام صدقيني مستعد اعمل المستحيل عشانك ده لو قدرت طبعا
جمره كانت سعيده اوي حاسه انها طايره فوق السحاب وقالت له بشا هي الحاجات دي ممكن استعملها مع غيري اصلها كتير عليا
حارث: ده راجعلك انتي بس ليه مش عجببينك
جمره : مش عشان مش عجبني , بس خايفه اتعود ع كده الحاجات كتير , وده هيخليني احس بطمع اكيد
حارث : غيرك كان هيبقي سعيد لو جات له الهدايا دي
جمره زمت شفايفها : مش بس عشان متعودش , انا عايزه اشاركها مع ريم اختي
حارث : تمام زي ما تحبي طبعا
جمره : خلاص فاضل ايام بسيطه ع عيد ميلادك , تحب نوع الهديه ايه , هاخد الفلوس الي عطتهالي اشتريلك بيها تحب اجبلك هديه معينه
حارث : مفيش داعي مش عايز حاجه
جمره: لا لازم تقولي نفسك في ايه
حارث : بصراحه الي نفسي فيه, لايمكن تشتريه
جمره : ايه هو ممكن تقولي
حارث :نفسي في منديل
جمره : هو انت مجنون عايز كام علبه اشتريلك , حتي لو كان تمنها غالي هشتريها عشانك, بس استني اشتري وبعدين ارجع اخد فلوسها منك , اسمع اشتريلك الف منديل في المقابل يعني 100 الف مبلغ تافهه جدا بالنسبه لك
حارث بجديه : عايز منديل واحد بس عطتهولي امي هديه , وكتبت عليه اسمها بس للاسف ضيعته
..........قصص منه محمد كاتب.................
يوم الافتتاح شوشت كانت بتتكلم مع الصحافه عن ازيائها وحبها الي نفسها ترجعه تاني ولو رجع مستحيل تفرط فيه وتسيبه لحد ما لمحته داخل عملت كات للحوار ونزلت تسلم عليه
شوشت جريت عليه: هاي حارث بس ليه جاي لوحدك
حارث بجديه: مراتي راحت تلبس عند رشا , وقالت انها جايه في الطريق ع هنا
شوشت اتعلقت في دراعه بخبث وقالت: يعني انت دلوقت لوحدك, امشي معايا
حارث: شوشت اظن ده غير مناسب
شوشت: اونكل هنا كمان
فاتح مبتسملها: تهانينا
شوشت برقه ودلع: الله يبارك فيك يا اونكل , وثانكيو انك شرفتني وجيت لمكاني الصغير
فاتح: احنا ناس بنفهم في الاصول , مبروك يابنتي
شوشت: ميرسي لوجي قاعده جوه
فاتح: هروحلها
صحفيه وقفته بسؤال: سعاده اللواء ممكن سؤال صحفي , فيه اشاعه بتتردد انك هترشح نفسك في الانتخابات المقبله هل ده صحيح
فاتح: امتي بقيتي مراسه سياسيه
الصحفيه: هل الخبر صحيح
فاتح: رآي بلاش نتكلم في السياسه بالذات اليوم , خلينا نركز ع شغل شوشت
صحفي اخر: اذا انت بتحضر الحفله اليوم ده معناه انك معندكش مانع في رؤيه والد شوشت هانم الي بيدعم الحفله الي حضرتك حاضرها ارجوك جاوب
منصور ظهر واتكلم وقال وهو مبتسم: الحفله الي انا بدعمها, انا حياالله راجل اعمال بجيب المال وعايز المجتمع كله يستفيد منه , ده كل ما في الموضوع , انا لو بغش ولا حرامي ليه اسيب بنتي تتاجر في الهدوم, بالذمه مش عندي حق في كلامي
الصحفيه لسه هتهاجمه بسؤال اخر كان هو قطع عليها الخط وبصله: اهلا سياده اللواء السابق فاتح بيه شخص محترم , ولو فكر يتواضع ويجي لازم تصدق انه اخد القرار السليم , خلونا منزعجهوش اليوم وفيه حاجه كمان عايزكم تسلطوا الضوء ع بنتي الليله ,متخلوش ناس تتطرق في كلام السياسه في مناسبه زي دي اوكيه , وشكرا جزيلا يا فاتح بيه لانك عطيت بنتي الشرف العظيم بحضورك
المصور :ممكن اخدلكم صوره عائليه
شوشت : تمام خلونا في الخلفيه هناك
منصور بصله : رجاء ياحضره المقدم تبقي في الصوره
شوشت وهي بتسحب حارث: يله ياحارث
المصور: ضموا ع بعض اكتر
شوشت اتعلقت في دراع حارث والابتسامه هتاكل وشها وحارث مش طايق نفسه لحد ما خلص تصوير وساب شوشت وراح وقف مع عمه
لوجين بغيظ: ايه حارث مجبش معاه مراته الي عامله مشاكل معايا
شوشت: مشفتهاش
لوجين: هي تتجرء تظهر هنا الشلشوحه دي, ازاي هتتعامل مع مستوانا الراقي
شوشت بمكر وخبث: بس عماد هو كمان مجاش ,عرفتي ازاي انهم مش مع بعض
اثناء حديثهم شافوا كل الصحفين في حاله فوضي وجري في المكان والكل انتبه لحد ما هنا ظهرت جمره بفستانها الطويل الابيض كأنها ملاك حارث شافها بقي واقف مذهول لان من كتر جمالها فكروها واحده من العارضات وجمره غمضت عينها بأنزعاج من الفلاش لحد ما حست بجسم قرب منها ومسك كف ايدها بين ايديه وعلق ايدها في دراعه وبيبصلها وهو مبتسم وهي اكتفت بابتسامة خجولة..... ورشا حاولت تداري غيرتها البسيطه وقررت هتبعد لانهم فعلا بيحبه بعض
الصحفي: ابتسموا هنا شويه
لوجين وشوشت الي اول ما شافوها اتسمروا ووقفوا والحقد مالي قلوبهم من جمال جمره الي قدرت ببساطتها تخطف الاضواء وحارث الي كان منبهر انهم كل شويه الصحفين يطلبوه منهم صور مع بعض
رشا قربت بأبتسامه مجامله: مبروك يا شوشت واسفه اني اتأخرت انا وجمره
لوجين: انتي بارعه استعملتي ايه عشان تغيريها بالشكل ده سكينه معجون , ولا فرشاه حمام
رشا بسخريه: لاء استعملت فرشاه اسنان خفت من ريحه البؤء المعفنه , ياتري استخدمتيها قبل كده يالوجي
لوجين: اخرسي
شوشت بهمس: لوجي هدي (بصت لرشا مبتسمه وقالت) متشكره جدا ع مجيتكم لحفلتي الليله وفستانكم شيك وجميله جدا , جمره انتي بجد طالعه حلوه لما لبستي الماركات
لوجين بنظرات احتقار: اه بس جمال ميت من غير روح , شوشو عايزه اروح التواليت حالا لو فضلت هنا يمكن تبوظ حفلتك بسببها
حارث بص لجمره: يله ناحد صور لينا
جمره مشت معاه وهي بتطلع لسانها لشوشت : يله بينا باي يا شوشت هتصور انا وجوزي
شوشت بحقد: رشا انتي بجد هايله في الاهتمام بشأن صحابك, وزي ما قلت قبل كدا لما جمره هتلبس الماركات هتظهر بشكل افضل
رشا: ليه هو الجمال الظاهري مرتبط بالماركه , اهم حاجه الي جمالها حقيقي مش المزيفه
شوشت ميلت عليها: المزيفه مين تقصديني انا , ولا انتي بتتكلمي عن نفسك , سوري رايحه اشوف حفلتي
...........قصص منه محمد كاتب............
جمره واقفه بدهرها والفستان دهره سبعه مكشوف بتتفرج ع لوحه لفتت نظرها قرب عليها شاب يعاكسها
الشاب قالها: بتبصي ع ايه
جمره بسلامه نيه: اللوحه اصلها جميله اوي
حارث قرب وهو بيخلع جاكت بدلته وبصله بحده الشاب خاف ومشي ووحدفه عليها
جمره اتخضت: ايه الي بتعمله ده
حارث بتحذير شديد: البسي عليكي وحذاري تخلعيه
جمره: ليه هو فستاني مش حلو
حارث :عريا ن وضيق, وعايز اجبله قرار ازاله, لانه ميصحش تلبسي مكشوف بالمنظرده
جمره : فين المكشوف ده , انا فستاني اكتر فستان محتشم ومحترم في الحفله دي
حارث اتك ع اسنانه بغيظ : يعني ملقتيش غير الموديل ده
جمره : اصل انا
حارث قطعها : من غير رغي كتير ميتكررش تاني
رشا وهي بتضحك: يمكن حارث مش عايز غيره يشوفك ياجمره
جمره عوجت بؤها: ده مستحيل يا رشا
رشا: جمره انا يستهيئلي لمحت واحده اعرفها هناك, هروح اسلم عليها استنيني لحظه حارث هسيبلك جمره تستفرد بيها نصايه وراجعه
جمره بتتحرك لقت ايده اتكت ع كتفها: ايه عايزه اروح مع رشا
حارث: خليكي هنا متروحيش اي مكان , عايزه كل الناس تشوفك , بتحبي التباهي بجمالك
جمره: ماتقول انك بتغير عليا , وخلصني
حارث :اه بغير ارتاحتي انتي بتاعتي_ مسك ايدها بتملك) اظن ده واضح ومفهوم واي كلمه اقولها تقولي حاضر وبس
جمره: حاضر
حارث: انطقيها عدل
جمره: لا حول ولا قوه الا بالله ما بقولك حاضر هسمع الكلام , انت محتاج تدخل مستشفي العباسيه
حارث ماسك ضحكته بالعافيه ع الريأكشن بتاعها
..............قصص منه محمد كاتب...........
رشا طلعت وقفت بره زعلانه لكن لغت الفكره لان جمره انسانه طيبه وتستحق واحد زي حارث لحد ما سمعت الحوار الي صدمها
لوجين: بابي عايزني اصبر لحد امتي , مش عايزه اضرب البت الحشره دي وسط الناس وامسح بيها الارض, انا اتحملتها كتير وبالعافيه , امتي هتتعامل معاها عشاني
فاتح طبطت ع كتفها : انا عمري سيبتك لوحدك قبل كده
لوجين: بس هي مراه حارث
فاتح: للسبب ده عايز منك تهدي شويه , ولما يجي وقته انا بنفسي هتعامل معاها , اتمني تكوني مطيعه واتكي ع الصبر شويه , كلامي مفهوم
لوجين مفهوم
فاتح : يله ادخلي نكمل الحفله عادي جدا
رشا دخلت جري تدور عن جمره ملقتهاش واقفه جنبه
رشا :حارث فين جمره
حارث :قالت هتروح تشوفك شوفتي افعالها مخدتش الجاكت عليها دماغها فرده جزمه مصديه بجد شخصيه عناديه
رشا عيونها زايغه في كل مكان: يعني راحت ليا, انا لسه جايه مكنتش بره, يمكن راحت وانا جيت , بس هي مش موجوده
حارث :رشا
رشا :نعم
حارث :انا راي خليكي هنا ربما تخرجي وهي تيجي
رشا :تمام
حارث : بس هو فيه حاجه
رشا : ولا حاجه ياحارث , ولا حاجه
حارث لاحظ توترها في نفس اللحظه جمره كانت بتلف ع مكان رشا
منصور من وراها :اهلا بجمره هانم بتعملي ايه هنا , امال راح فين حضره المقدم
جمره بصتله بنظرات احتقار وسيباه ماشيه
منصور حجز عليها: ليه ماشيه بالشكل ده , عايز اتكلم معاكي شويه , ده كل شئ
جمره : معنديش الي اتكلمه معاك
منصور: هو انتي متوتره ولا حاجه, لانك جايه لحفله كبيره وعشان كدا بسالك , انا عن نفسي مش بحب الاجواء دي بس اعمل ايه حفله بنتي مجبور احضرها , تعرفي انا بتخنق بجد من الناس الاغنياء لما بيتجمعوا في مكان واحده ونمثل الكلام المذوق, بجد امر مزعج جده انتي فاهمه شعوري مش كدا وواضح فاهمه الي اقصده عندنا نفس الخلفيه اتولدنا في نفس الزقاق وكبرنا في الشوارع واحينا بندخل السجن اكتر من الحفلات الي زي دي
جمره بغيظ: فيه حاجه تانيه لو مفيش سيبني امشي
منصور : راي مظهرك القديم كان احلي بكتير, الهدوم دي مش مريحه للنظر, بصي لـ اختك مش بتلبس هدوم غاليه بس رغم كدا بتبقي جميله
جمره لف وبصتله : اياك تزعج اختي انت سامع
منصور ضحك: اي ازعاج لاحظت ده بس, وزي ما قلت لك احنا ناس غلابه من شوارع فقيره , طبيعي نشوف بعض واختك جميله اوي ر, غم عندها طفل بس لسه جميله كمان بس خساره حظها وحش لان جوزها طلقها بفضيحه
جمره: اياك تضايق عايلتي
منصور بهدوء: قلت لك انا ملاحظ وانا بهتم بالمجتمع الفقير وبراعي الي عنده مشكله اي كانت بساعد وع فكره معنديش مانع لو اختك عندها عيل من
جمره: بتقول ايه اختي كانت متجوزه مش مخلفه من حرام
منصور مد شفته بستهزاء : انا اسف شكلي اتجاوزت حدودي شويه بس شكلك نسيتي الحادثه الي حصلت لها زمان
جمره: انت عارف اختي مين الي اغتصبها
منصور: لاحظي ده وهتعرفيه مش صعب توصليله, لكن يظهر مبقتيش فاضيه تراعي اهلك الايام دي, بس انا هراعيهم عشانك, واتمني مضعيش في العالم ده كتير, لان ده مش مكانك ومن غير سلام
جمره اتغاظت وبتلف خبطت في العامله انكب كاس العصير عليها
العامله مثلت الخوف: انا اسفه
جمره : خلاص حصل خير , انا الي ماخدتش بالي
العامله: هانم فستانك اتغرق ليه متغسلهوش وتجففيه, وانا اساعدك
جمره : عادي شويه عصير انكبوا
العامله : اتفضلي للحمام ارجوكي لو رجعتي للحفله كدا وعرف المدير هقع في مشكله ارجوكي انا ست غلبانه وبربي ولاد ايتام
جمره : تمام تعالي ع الحمام
العامله شويه ودخلت وراها : جبتلك استشور الشعر اسمجيلي اساعدك لما خبطنا في بعض شوقت وشك مخطوف شويه جبتلك عصير فراوله
جمره: الف شكر
العامله : قربي خليني اساعدك
جمره بعد ما نشفت الفستان والعامله شغلت المجفف طلعت تلفونها
جمره: ايوه ياريم انتي في البيت , والواد ابراهيم....اه كويس انه نايم ولا حاجه ..لاء بس وحشتوني ....تمام ...هبقي اجيلكم
جمره خلصت المكالمة وقفلت الموبيل واخدت العصير شربته كله من غضبها من اسلوب اللطخ منصور
العامله: انا اسفه فستانك مبلول لاني مخدتش بالي
جمره: حصل خير بسيطه
العامله ربنا يكرمك
جمره خلصت وطالعه من الحمام حست بزغلله شديده وجايه تكمل لقت جسمها بيترنح ومره واحده وقعت ع الارض
............قصص منه محمد كاتب............
حارث بصلها لانه بجد وترته: رشا
رشا: نعم
حارث: ليه متروحيش تقعدي شويه
رشا: لا وشايفه ان مراتك اتأخرت كتير احسن حاجه اروح ادور عليها
لوجين بتضحك وهي مقربه عليهم: حارث انت غيرت رأيك , وبقيت مع رشا , اهو ع الاقل افضل بكتير من مراتك الحالية
فاتح بعتاب مزيف: لوجين ازاي تتكلمي عن مراه اخوكي بالشكل ده , مش عجبني
لوجين عوجت بؤها: سوري
فاتح بخبث: امال فين مراتك
حارث لف بص لرشا ولسه هيتحرك لكنه وقفت عيونه بصدمه من الشخص الي داخل ورافع مراته ع ايده
حارث قرب عليه : ايه ده
منصور: اغمي ع مراتك قدام الحمام جبتهالك لحد عندك
حارث بعصبية شديدة : انت متاكد من ده
منصور ببرود: ليه متعصب بالشكل ده , لو مش اغمي عليها امال هيكون حصل ايه
حارث مد له ايده : هات مراتي
منصور رجع بجمره بعض خطوات لوري
حارث بنفعال: منصووور
منصور واضح انك بتحب مراتك وقلقان عليها بجد ,هو جميل لو كنت بتقلق عليها للدرجه تبقي اتنازل وصاحبني وخدها
حارث شد جمره من ايده واخدها ع ايده زي البيبي
منصور بتهديد: المره الجايه ربما مرجعلهالكش خد بالك
فاتح: شكرا يا منصور انك رجعتلنا جمره
منصور ابتسمله: عادي يا سيدي زي ماقلت احنا اسره واحده
فاتح: طبعا
خارث حس ان فيه حاجه غلط بتحصل بين عمه ومنصور وعقله اتشوش
جمره فاقت وبصتله: حصل ايه ياحارث
حارث اخدها وطلع بيها بره وقعدها في الجنينه وقعد جنبها
رشا: جمره انتي كويسه
جمره ماسكه دماغها وحاسه بزغلله ودوخه ووجع في قلبها
حارث: جمره انتي تعبانه مين الي عمل فيكي كده فاكره قوليلي
رشا: شكلها دايخه خلونا نطلع ع المستشفي حالا
جمره مسكت ايدها: انا كويسه حاسه بس بشويه دوخه وزغلله
فاتح قرب: جمره فوقتي عامله ايه دلوقت
جمره: الحمد لله
فاتح: حارث خد مراتك بسرعه للبيت, وانا هروح كمان, واقعد تابع حاله مراتك وراعيها
حارث: كدا خليني اوصلك للبيت
فاتح: مفيش داعي انا هعرف اروح لوحدي
رشا: لا عادي يا عمو انا هفضل مع جمره الليله
حارث: هسيب مراتي معاكي
رشا: اطمن عليها
فاتح: بتمنالك ترجعي بصحه كاملة في أقرب وقت ممكن
رشا سألتها: انتي بجد كويسه
جمره عملتلها علامه لايك يعني انا تمام وزي القرد ه
رشا بخوف حقيقي: متأكده انك مش محتاجه مستشفي
جمره: لاء
حارث قام يوصل عمه وراحوا ناحيه الاسانسير
فاتح بصله: هي جمره بصحه كويسه, ولا عندها امراضي
حارث هز دماغه بنفي: لا معندهاش
فاتح: امال ليه حصلها غياب مؤقت فجاه , ولا فيه حاجه جيالكم في السكه
حارث : مفيش حاجه من دي
فاتح : مالك يابني شكلك ليه مرهق
حارث :عشان مش فاهم ليه منصور هو الي لقاه مراتي , واضح كانه الموضوع مترتب ومقصود
فاتح: ليه بتفكر كتير , منصور رجعلك مراتك لحد عندك ,عمل انساني مش اكتر
حارث : عمي واضح انك بتدافع عن منصور
فاتح بعين قويه : ايوه وجايز عشان سيبت الشرطه من زمان , للسبب ده مش بفكر في شره زيك
حارث بقهر : يعني مش عشان منصور بيدعم حزبك
فاتح : بصراحه انا لسه مقررتش بخصوص الامر ده لكن متقلقش لو عملت اي خطوه انت اول واحد هبلغه بقراري_ حط ايده ع خده_ زي المعتاد
منصور فتح باب الاسانير وهو مبتسم لفاتح: انت كمان راجع بيتك يا فاتح بشا
فاتح بصله نظره فهمها ومنصور هزله دماغه ببتسامه يطمنه
منصور: اركب معاي لو سمحت
فاتح: حارث كفايه وصلتني لحد هنا , روح اطمن ع مراتك
حارث: لكن ياعمي
فاتح: مفيش مشكله ثق فيا يله امشي
...........قصص منه محمد كاتب...............
خرجت من التوالت وهي لسه دايخه قامت من مكانها سندتها
رشا: جمره انتي كويسه تعالي اقعدي هنا لسه حاسه بدوخه
جمره: شويه
رشا: انا بصراحه محتاره ازاي اغمي عليكي انتي عيانه اصل لما ابو شوشت شالك من قدام الحمام حسيت بصدمه اشمعني الراجل ده بالذات الي لقاكي مش غريبه شويه
جمره شردت بفكرها لما افتكرت العامله والعصير الي قدمتهولها
رشا حركت ايدها قدام عيونها:جمره سرحتي فين
جمره انتبهت: ابدا بس بجد ممتنه ليكي , اهتميتي بيه اليوم كله
رشا: دي حاجه سهله , اه بصحيح عايزه اسالك عن حاجه كده , هو انتي قريبه من عم حارث
جمره :مش اوي بس هو كل فتره بيجي يسال عن حارث, ليه فيه حاجه
رشا :ولا حاجه بفكر ياتري هو شخص كويس بجد
جمره :وليه فكرتي فيه بالشكل ده
رشا بحيره: اصل لو هو راجل كويس حقيقي ,مكنتش تبقي بنته سمجه , ومستفزه , ومنحطه بالشكل ده , ولا ايه رايك لكن مفيش مشكله انسي ونصيحتي تبعدي عن الاتنين دول ب,صراحه انا مش بحبهم , وع فكره حارث كان قلقان اوي عشانك, وشوفته كدا بتخليني مرتاحه اوي بصرف النظر عن الي حصل بس حقيقي اكتر شخص مناسب ليكي هو حارث ,هيقدر ياخد باله كويس منك
جمره : رشا
رشا: انا الاحسن اخد بعضي وامشي , مش عايزه ازعجك اكتر من كده ,اني تعبانه حاولي ترتاحي وتنامي مفهوم , واتصلي بيا بكره وتقوليلي عامله ايه , يله ارفعي رجلك بسرعه ونامي كويس همشي انا ماشي
جمره قامت اتعدلت كان نفسها تقولها ان هي وحارث جوزهم مزيف ع الورق لوقت مسمي
رشا لفت بتحذير: جمره نامي بسرعه يله سلام
..........قصص منه محمد كاتب............
رشا نزلت تحت لقته واقف بدهره عند الشباك
حارث لمحها بصلها ماشيه دلوقت
رشا ايوه حارث انت كويس تحب اجبلك برشامه للصداع
حارث ملوش لزوم انا بشكرك ع اليوم انتي ساعدتيني في كل حاجه
رشا :معملتش حاجه ياحارث
حارث: ازاي بس معملتيش , كنتي انت الجندي الخفي طول الحفله
رشا بضحكه: انا جندي خفي كفايه اكون اللبيسه المساعده
حارث: لسه بتفكري بالشكل ده, قلت لك قبل كده انتي تقدري تعملي كل حاجه , لان رشا شخصيه مميزه استثنائيه
رشا: تعرف انت الوحيد الي بتوصفني بالشكل ده
حارث: ده لاني بقول الحقيقه
رشا من كلامه مقدرتش تتمالك نفسها وضمته لحضنها
حارث حاول يبعدها: رشا بتعملي ايه ميصحش كده
رشا اتمسكت فيه وضمته وهو رافض يضمها لكن مش عارف يخرجها من ضمته..... لحد ما جمره نزلت وشافتهم ارتجف قلبها بين ضلوعها من الوجع 😌......وكان في نفس الوقت هادي وصل يبلغ حارث بأمر مهم .......وشاف نفس المنظر واتقهر ومر بنفس الوجع🥲
استوب منتظره رايكم ياتري ريم اغتصبت فعلا من مين وايه حكايتها الغامضه هنعرف
جمره هتتصرف ازاي بعد ما شافت حارث في حضن رشا الله اعلم
منصور ايه الهدف انه يعمل كدا في جمره حارث يشك مثلا فيها ولا الموضوع له ابعاد اخري هنعرف 😂😂😂هه