رواية قدك الفصل الثامن عشر 18 بقلم منه محمد
راح تاني يوم لمكان الحفله ودخل للاستقبال: ممكن اشوف كاميرات المراقبه
العامل مسك سماعه التلفون وقاله: استني لحظه
المدير قرب منه : افندم فيه حاجه اقدر اساعدك بيها
حارث بهدوء : ايوه محفظتي وقعت مني في الحفله امبارح , عشان كدا عايز اشوف كاميرات المراقبه
المدير: تمام هروح اشوفهالك بنفسي لانه ممنوع
حارث طلع كارانيه اثبات الشخصيه انه ظابط في الشرطه وحطه قدام عيونه!
المدير استسلم واخده وراحوه غرفه الكاميرات وطلب من العامل يشغلها
المدير: افتح الكاميرات فيه محفظه اختفت امبارح , وطالب يشوف الكاميرات وهو ظابط شرطه _ بص لحارث_ اتفضل
حارث: متشكر
العامل: عايز انهي يوم بالتحديد يا فندم
حارث: اجمعي لي كل المقاطع الي تخص ليله امبارح
العامل: حضرتك تحب تشوف وقت معين
حارث: ممكن اشوف الكاميرا الي عند الاسانسير , حوالي من الساعه ثمانيه ونص لـ تسعه
العامل شغل الوقت الي حدده وهنا ظهر عمه وهو راكب الاسانسير مع منصور ورجالته
المدير بسؤال: حضرتك شوفت المحفظه
حارث بتركيز: مش متأكد لو كانت مع عمي او لاء
حارث هنا شاف منصور بيضرب عمه ع خده بطبطبه زي ما بيعمل معاه بالظبط وحصله عدم اتزان ومسك جامد في ايد الكرسي لان الشك الي عنده من ناحيه عمه بقي يقين.... هو من رجاله منصور ورجع البيت منهار معقول عمه الي كان دايما وابدا يحفذه ويرفع من معنوياته لما ينهار ويتخبط ......ضرب الجدار بايده كذا مره معقول عمه مثله الاعلي يطلع جاسوس وخاين لحساب منصور وبياخد منه معلومات ويدمر كل مجهوداته ......مره واحده عيط زي الطفل الي ضاع من ايده كل حاجه لما يتحول الشخص الي كنت تثق فبه إلى مصدر الأذى، فتتكسر توقعاتك، وتتحول الألفة لغربة، وتصبح رؤية الحقيقة مؤلمة بقدر الغدر نفسه، وتتداخل مشاعر حزن عميق مع الشعور بالظلم وغياب التقدير، وتبقى آثار الخذلان كجرح لا يندمل بسهولة لأن مصدره كان مصدرالامان
...........قصص منه محمد كاتب............
في محل ع الناصيه راحت تقعد مع اعز اصحابها المقربين وبئر اسرارها
انوار: انا بعد كلامك بقيت متأكده في حاجه بيخططلها الشيطان الرجيم الي اسمه منصور, اصل بنت جامده زيك مستحيل يغمي عليها بسهوله
جمره: مش انا وبس المقصوده قبل ما يغمي عليا هددني بريم اختي , بس ليه جه ناحيتي دلوقت
انوار: لان دلوقت بقيتي نقطه ضعف حارث
جمره: مش انا نقطه ضعفه حتي لو موتني قدامه مش هيخوف المقدم
انوار: اقطع دراعي مرتين انك وقعتي في غرام الجدع
جمره وشها اتغير وعيونها رغرغت بالدموع
انوار بصتلها جامد: بت ليه وشك قلب بالبؤس ده فجأه , بقولك ايه انا مشفتكيش من ايام ومش عايزه طاقه سلبيه
جمره: عندك حق الكل عايز يشوف جمره الفرفوشه الرايقه , الي بتضحك من قلبها رغم انه موجوع وبيصرخ من الوجع
انوار: هما اسبوعين يعدوا , وعايزه راي احسن انك تبعدي عنه , انا فعلا قلقانه عليكي يا صاحبتي والوضع بدء يدخل في الخطر
...........قصص منه محمد كاتب............
ابراهيم: ابعد عني مش عايز اروح
ابو جمره ماسكه وبيجر فيه جر : انت عنيد ليه يا واد , انت حفيدي يا هيما
ابراهيم: مش هروح
ابوها: ياولا امشي معايا لضربك بوكس ع وشك
ابراهيم ببكاء: خالتي قالت لي مروحش معاك
ابوها صرخ في وشه: لو نطقت اسم البلوه دي تاني هضربك ع دماغك , امشي معايا واشحت وجبلنا فلوس
ابراهيم بعياط: مش هشحت ,خالتي جمره تعالي الحقيني
ابوها بنرفزه وزعيق : جمره ايه وسخامه ايه _ ورفع ايده يضربه بالقلم
راجل من رجاله منصور علق ايده في الهواء قبل ما تتمد ع خد طفل مسكين
ابوها لف وشافه عيونه اترسمت فيها نظره خوف: منصور بيه
منصور قرب منه: ايه الي عمله عشان تضربه بالشكل ده
ابو جمره: لا مكنتش هضربه هيما قول للبيه مكنتش بضربك, انا كنت بهزر معاه, يله ياواد قوله
منصور: مفيش داعي انا مصدق الي شوفته, اتأذيت يابني
ابوها ارتبك: اذيه ايه ماترد يا واد انا مش بهزر معاك
ابراهيم اتجمعت الدموع في عينيه و هو خايف منه!
ابو جمره: منصور بيه مش عايز ابراهيم يشحت تاني لحسابك
منصور انت بتقول ايه يامهفوف انت
ابو جمره : بقول ان ابراهيم راح قبل كدا يشحت لحسابك
منصور: اظن قلت لك وقفت الموضوع اني اخد عيل يتسول , ايه معنديش قلب وضمير
ابوها بستياء : ليه بس وقفته انا هعمل ايه وهعيش ازاي
دراع منصور اليمين بحده شديده : راجل انت اياك تتجاوز حدودك مع البيه
ابوها خاف: لا مش قصدي , والله ما قصدي انا اقدر
منصور بخبث: عايز فلوس مش ده كل همك
ابوها : اه عايز فلوس
منصور : جب لي بنتك , ووقتها هديلك فلوس , ملهاش عدد
ابوها بصدمه: بنتي
منصور رفع حاجب :ايه عندك اعتراض
ابو جمره :عايز انهي فيهم
منصور: انا بحب البنت الي بتبقي سهل اتعامل معاها
ابوها ضحك: يبقي عايز البت ريم, شويه ترجع من السوق وابقي خدها
بالفعل ريم دخلت لقت ابراهيم قاعد بياكل ايس كريم وواقف قدامه راجل غريب
ريم: هو ابراهيم عملك حاجه يا عم
الراجل: لاء كنا هنا وشوفناه بيضرب , ومنصور بيه جابه بالعربيه ووصله
ريم بصت لابنها بخضه: ضرب مين الي ضربك قولي
ابراهيم بدموع: جدي
ريم بصت للراجل: الف شكر
الراجل: اشكري منصور بيه بدالي
منصور هنا السواق فتحله باب العربيه وبصلها وابتسم
ريم: الف شكر يا منصور بيه
منصور هزلها دماغه وبص لـ ابراهيم وافتكر لما ابوه كان بيجبره يسرق حاجات الناس واتمسك ودخل القسم كذا مره وانضرب من العساكر وامناء الشرطه وبعدها اقسم يبقي راجل اعمال كبير ويدوس ع كل راجل في الشرطه بنفوذه ويسخرهم لحسابه
............قصص منه محمد كاتب...............
في طريقهم لبيت حارث ع التروسكل
جمره: عم جعفر شايف حارث هيعمل ايه دلوقت
جعفر: انتي الي مطلوب منك تعرفي اكتر مني , بس ايه شكلك قلقانه عليه , بتحبيه فعلا مش كده
جمره بقهر : الحب المزيف الي بينا هينتهي بعد اسبوعين
جعفر : طيب لو مكنتش ناوي ع الطلاق
جمره : مش انا الزوجه الي تناسبه
جعفر : مشكله التناسب مش بتتقاس حسب الحاله الاجتماعيه للعايله , الاتنين لو عايزين بعض عن حب حقيقي , وقتها الاحترام ما بينهم هيبقي متبادل, جمره انتي فعلا بتحبيه
جمره : واعمل اي في رشا هي بتحبه , والي بينا مساله وقت ,وهيخلص
جعفر: وده الي هيحزم فيه الشخص الي في النص ما بينكم , يله ادخلي بيتك قبل ما حد يشوفنا
جمره: سلام ياعم جعفر
جعفر: سلام
جمره فتحت الباب لقته بيجهز وخارج سالته :انت رايح فين , الوقت متاخر
حارث : عندي شغل مهم لازم انهيه دلوقت
جمره : مش قصدي اسالك عن الي بتعمله , بس ع الاقل قولي رايح فين , وده كفايه عشان مفضلش قلقانه عليك
حارث : رايح بيت ابويا المكان الي لقوا فيه جثه ناجي
جمره خلته خرج وطلعت تلفونها واتصلت بجعفر وهو قالها هيهتم بالامر لحد ما حارث حس بيه وواجهه
..........قصص منه محمد كاتب..............
قدام القسم
هادي بصلها : مش هتدخلي تطمني ع وضع سياده المقدم
جمره :هو حاله عامل ايه
هادي بدهشه : هو انتم مش عايشين في بيت واحد
جمره : ايوه بس من ساعه ما عرف ان عمه شغال مع منصور مبقتش بشوفه بعدها
هادي : ده في نفس الليله الي شوفتيهم سوي
جمره : حضره الرائد انت كويس
هادي : ايوه تمام
جمره: انت متاكد
هادي هزلها دماغه انه تمام
جمره : قولي المفروض اعمل ايه دلوقت رشا صحبتي, لو فعلا بتحب حارث مستحيل اقف في طريقها
هادي : ومش هتكوني حزينه
جمره : الي زي الصحاب مهمين في حياتها , وعنك انت ايه , ع فكره انا عارفه شعورك ايه من ناحيه رشا
هادي: لكن هي مشاعرها مش معايا
...........قصص منه محمد كاتب...........
في منزل عائله جمره وهي داخله لمحت دراع منصور اليمين خارج من بيتهم
جمره وقفت قدامه : انت ليه جاي هنا
الراجل بصلها وكمل طريقه وقفت قدامه : هو انا مش بسالك , رد ايه الي جابك هنا
الراجل سابها وماشي يركب العربيه جريت مسكت ايده وزعقت في وشه جامد: هو انا مش بكلمك يا جاموسه انت
الراجل بقرف: منصور بيه بعتني بلعب لابن اختك , المفروض تشكريني مش تقلي ادبك
جمره : كلمه كمان واحرقك
الراجل :هو انتي متعرفيش تتكلمي غير لما تطولي لسان
جمره: اه انا كدا , واسلوبي كدا اتكل من هنا
الراجل بصلها بحتقار وسابها وركب عربيته وغادر من المكان..!!
جمره زقت الباب ودخلت : ريم ليه اخدتي هدايا من منصور , وايه ده كمان علبه مكياج كامله ليه قبلتيهم منه
ريم بهدوء: اصل منصور لما شاف ابوكي بيضرب ابراهيم دافع عنه , ورجعهولي للبيت عشان كدا مقدرتش ارفض
جمره بسخريه: اه اصله قلبه طيبه الصراحه , ده كان امبارح بيخدرني , وبيعمل كدا يقل راحتي الهي يقل راحته مطرح ما قاعد
ريم انتفض قلبها بين ضلوعها و بخوف وفزع: ايه خدرك , وعمل فيكي ايه , وليه انا معرفش
جمره : مفيش حاجه بس ابوس ايدك اياك تتورطي معاه , ومتاخديش منه اي حاجه , الراجل ده مش كويس وانا ههتم بيكي انتي وابراهيم بس ياريت متقبليش منه حاجه تاني
ابوها دخل بسخريه: انا عايز استفرغ لحد ما اموت , عايزه تراعي اختك وابنها ,طبعا ما نتي جوزك ظابط في الشرطه , وعايزه تهتمي بغيرك , بس يا تري منين ومرتب الظابط قليل وراي خدي برشام منع الحمل قبل ما يطردك من بيته ويبقي معاكي عيل تشحتي بيه في الشوارع
جمره رفعت حاجب: هي مراتك التانيه طردتك من بيتها مش توقعي صح يا والدي العزيز عشان كدا رجعت هنا تاني , ياتري هتفضل معانا هنا كتير , عشان نعمل حسابك في الاكل الي هيتبقي مننا
ابوها صرخ : هو انا كلب انا هوريكي , والله لحش رقبتك
جمره : مش خايفه منك
ريم وقفت قدامه تمنعه عنها: استني بس يباه
جمره : اتصرف زي الابهات الاول , وبعدين تعال حاسبني
ابوها: انا نفسي اخنقك لحد ما روحك تطلع في ايدي , فاقفلي بؤك القذر , وريحي نفسك عند ريم الي يهتم بيها , طاقه القدر اتفتحتلها منصور عينه عليها , ولا هتغيري منها , لان اختك هتتجوز راجل غني عارف جواكي حقد وسواد
جمره: اخرس
ريم : خلاص ياجمره , ارجعي بيتك , يله امشي عشان خاطري
جمره اخدت شنطتها وضربته جامد في كتفه وهي خارجه
ابوها : اه يا بنت الكلب , غوري من هنا داهيه تشيلك
ريم : اباه اهدا شويه مش كده , انت لسه راجع واكيد تعبان تعال استريح شويه ع ما اعمل الاكل واجبهولك لحد عندك يله
ابوها: اختك دي مسيري ربنا ياخد روحها وع ايدي
..............قصص منه محمد كاتب.........
لقت باب الشقه مفتوح زقت الباب ودخلت تنادي بس محدش رد
رشا لنفسها الله راحو فين دول وسايبين باب الشقه مفتوح
حارث خارج من الحمام لمحها : رشا
رشا بصتله بسعاده: هاي حارث
حارث مبتسم في وشها: هاي رشا بتعملي ايه هنا من الصبح بدري كدا
رشا : اتصلت بيا مراتك اولا تطمني عليها , ثانيا طلبت اجي نفطر سوي وندردش شويه
حارث : وانا مبسوط ان علاقتكم رجعت زي الاول , ورجعتي صاحبتها تاني
رشا :ده حقيقي
حارث : ومن هنا ورايح لو فيه اي حاجه هطلب منك تهتمي بجمره
رشا : مقدرش اوعدك لانها مراتك دلوقت , حارث فاكر الكلام الي قلتهولي مره لو قررت اعمل حاجه لازم اعملها
حارث: اه فاكر
رشا :عشان كدا قررت افتح مطعم للاكل الايطالي, انا شاطره فيه اوي
حارث: ده تقدم عظيم, وسعيد وانا بسمع منك الحماس ده كله وهشجعك
جمره نزلت لقته حاطط ايده ع دماغها وعمال يبتسم حست ان قلبها هيخرج من بين ضلوعها لفت ترجع بدهرها
رشا شافتها ندهت: جمره
جمره لفت وبصتلهم وماسكه دموعها بالعافيه قبل ما تنزل قدامهم
رشا :جبتك لك الفطار الي بتحبيه , يله نفطر سوي حارت تحب تاكل معانا
حارث : لا ورايا شغل , ومتتكسفيش يا رشا اعتبري البيت بيتك
رشا: اكيد
حارث فات من جنبها من غير ما يبصلها ولا يكلمه لانه قرر يخرج من حياتها .....ورشا راحت فردت الاكل ع السفره
رشا بصتلها: يله ياجمره جبتلك فلافل محشيه بالجبنه , ومسقعه مشطشطه
جمره ابتسمت مجامله وقعدت لكن مش بتاكل من كتر القهره
رشا بصتلها :هو الاكل مش حلو
جمره : لا حلو تسلم ماجيبك
رشا: لو حلو ليه مش بتاكلي , مالك فيه حاجه مزعلاكي
جمره دموعها محبوسه في عدسه عيونها: عندي موضوع عايزه اقلولك
رشا بهتمام :بخصوص ايه قولي
جمره بلعت ريقها وبعد تردد نطقت : لما كنت تعبانه نزلت وراكي وشوفتك في حضن حارث
رشا نطقت بسرعه :لا يا جمره صدقيني مفيش حاجه . مش زي ما عينك شافت
جمره : عادي يا رشا انا مش بحاسبك انتي حبتيه قبلي , مكنش المفروض افرق بينكم
رشا :جمره ممكن تسمعيني الموضوع الاول
جمره كاتمه دموعها:انا مش متجوزه من حارث جواز حقيقي
رشا بصدمه: ايه
جمره :جوازنا مش حقيقي , الباشا اجرني امنع عنه البنات الي بتجري وراه , وهننفصل الاسبوع الجاي ولحد ما يجي الوقت ده تقدري ترجعيله مفيش واحده تناسبه زيك
هادي دخل مبتسم: وانا الي بقولك رشا مش هترجع للمقدم ياجمره
رشا :ايه الي جابك هنا
هادي قعد جنبها: شوفت عربيه حبيبتي واقفه في الشارع , جيت اشوفها
جمره بعدم استيعاب: اه وماله. ايه قلت ايه من شويه
هادي لف ايده ع كتفها:رشا حبيبتي متقلقيش مش هترجع للمقدم, لان عندها حبيب الي هو انا
جمره بضحكه واسعه: رشا والرائد مع بعض
رشا ضربته ع صدره: لسه ده مجرد اعجاب بس
هادي رفع حاجب بستفزاز ليها : اعجاب ايه مش جيتي عندي امبارح وبعد ما اعترفتلك بحبي قولتلي انك بتحبيني حتي بوسنا بعض
رشا كتمت شفايفه وشخطت فيه : خلاص اسكت , جمره حقيقي مبقتش بحب حارث من فتره لما عرفت واتاكدت اني بحب الرائد ده
هادي بغيظ: بس كدا
رشا :ايوه بس كدا واسكت
هادي وقف : طالما بس واسكت انا هقوم امشي واشوف شغلي يله باي
رشا :باي واشوفك بعدين واتصل بيا لما توصل بالسلامه
هادي :حاضر
رشا: باي
هادي باس ايدها: باي
جمره بزهق : يله مع السلامه ارجوك
هادي مشي خطوه ورجع باس خدها ومشي
جمره :اقسم بالله مصدومه
رشا وشها احمر: وانا مصدومه زيك , بس لو فضلنا صادقين مع نفسنا التعامل هيكون افضل في الليله الي شوفتيني بحضن حارث كنت عايزه اختبر مشاعري ناحيته. وصدقيني لما حضنته حسيت كاني بحضن اخويا الكبير , محستش باي رغبه او شهوه
جمره بنص عين: وياتري جربتي حضن الرائد
رشا ضربتها ع كتفها: جمره ايه الكلام ده , بس حقيقي قلبي بيدق بسرعه مش بس لما بحضن البارد ده
جمره: بصراحه يارشا مش متعوده ع لقب البارد
رشا : بالعكس ده لذيذ ولما بشوفه قلبي بيدق بسرعه, بس لما شوفتك خارجه معاه من يومين من فندق انهارت
جمره :رشا
رشا بجديه: فيه حاجه تحبي تبلغيني بيها
جمره :هو الرائد قالك ايه
رشا : قالي مفيش اي حاجه بينكم
جمره : ولو جاوبتك بنفس الاجابه هتصدقيني انا والرائد
رشا بصدق: الي بحس بيه وشايفه انتي وهادي مستحيل تعملوا حاجه زي دي
جمره فضلت تقرص خدودها بسعادة: انتي اجمل صاحبه في الدنيا تعرفي كده
رشا مثلت الغروروقالت: طبعا جمره من دلوقت مش عايزكي تفتكري اني كنت بحب حارث قبل كده اعملي الي انتي عايزه , وشايفه حارث مهتم بيكي لو كانت المشاعر بينكم واحده متخليش العلاقه بينكم معقده , عيشي معاه سعيده
جمره ضمتها:تمام
رشا : ده عظيم جدا كدا ارتحت
.........قصص منه محمد كاتب.............
جمره بقلق: ليه تلفونه مقفول بس
اعتماد: وليه دلوقت اهل القـ تيل بلغه عنه , خلصت القضيه من زمان, مش ده امر غريب
انوار: جمره هو جوزك ميعرفش انهم بلغه عنه
جمره: لا مقليش اي حاجه عن البلاغ ده بس زمانه عرف
اعتماد: وانتي متأكده ان جوزك معملش كدا وقـ تل ناجي
جمره: بتقولي ايه يا اعتماد
ريم بعتاب: يمه ايه الي بتقوليه ده
اعتماد: يا بت عشان لو حد سالني من بتوع التلفزيون اعرف ارد كويس
جمره: قومي بينا ياانوار
اعتماد: انتم رايحين فين كدا
جمره : دي امور نسائيه
اعتماد: ليه هو انا راجل مش ست
جمره : بقيت بشك فيكي
اعتماد : ده انا الي شاكه فيكي , تعالي هنا يابت اقول ايه لو حد جه وسالني ,معنديش اي معلومات
ريم :ابقي قوللهم المقدم مستحيل يعمل كده ابدا
اعتماد: وازاي اتاكدي
ريم: واضحه زي الشمس , الي يعاشر المقدم , يبصم انه ميعملش كده
........قصص منه محمد كاتب............
في المقر
جمره بدموع: نفسي اعرف مين ابويا الحقيقي , وليه سابني انا واختي مع الراجل القاسي ده ليه يا عم جعفر
جعفر : امك هتكون افضل شخص يرد ع سؤالك
جمره: ليه خبت عننا ان ده مش ابونا, ليه كذبت ان محمود ده ابونا ياعمي ,انا هتجنن
هادي : راي عندها سبب قوي بلاش تزعلي منها
جعفر: ممكن يكون ابوكي الحقيقي
جمره : الله مش لسه قايلي انه مش ابويا
جعفر : بطلي غباء شويه , انا قصدي محمود ابوكي الحقيقي مش الي تعرفيه, اهدي وبصي في صورته
جمره :بس البطاقه
جعفر :عارف بطاقته منتهيه , ومفيش فيها اي تحديث من عشرين سنه تقربيا ,مفيش حد جددها ولا حتي بلغه انه مفقود , حتي ده مش موجود
هادي : مش يمكن شخص تاني بنفس الاسم
جعفر: لا السجلات في المنطقه هنا لشخص واحد اسمه محمود ومعناه كده ان محمود اختفي والراجل الي بيدعي انه ابو جمره انتحل شخصيه محمود من سنين ,وزور في الاوراق الرسميه لشهاده ميلادكم
جمره : ليه امي قبلت بكده انا قربت اتجنن
جعفر: جايز يكون عندها سبب مقنع , وربما يكون هددها
هادي : جمره صوره محمود مالوفه ليكي بصي كويس فيها كدا
جمره دققت اكتر : الصوره مش واضحه
هادي: انا حاولت اكبرها واوضحهالك شويه , حاولي معايا كدا
جمره دققت في ملامح الراجل لما هادي خفف النغمشه وحست انها شافت مره صورته مع كراكيب امها وقالت بهمس لنفسها: معقول يكون بابا
.........قصص منه محمد كاتب............
في مكتب منصور اتفتح الباب ودخل بهيبته وهيئته الصارمه!!
منصور ابتسم : اهلا وسهلا , ده شرف كبير ان حضره المقدم ينورني , فيه اي حاجه اقدر اخدمك فيها
حارث بصله بمعني طلع رجالتك برا
منصور :يله اطلعوا استنوا بره المقدم عايونا نتكلم ع انفراد , اطلعوا اقفوا بره مفيش الي تقلقه عشانه , معلش اصل رجالتي بتخاف عليا جدا, ها اتفضل اتكلم , ومهما الي هتبلغني بيه تقدر تقوله براحتك
حارث: ليه اعتقدت اني جيت ازورك
منصور :معرفش بس فيه امور ما بينا لازم نتكلم فيها , وللسبب ده مش متاكد ليه جاي مكتبي
حارث ابتسم بتهكم شديد وقعد : تعال نتكلم بجد لمره واحده, ياتري عندك وقت عشاني
منصور قعد وقاله :طبعا اتكلم
حارث : قبل اي كلام مش عايزك تناديني بالمقدم تاني, لان انت السبب في ان اهل ناجي يبلغوا عني ويحبسوني , واحتمال ابقي مشتبه فيه وقريب
منصور :سياده المقدم انا اقدر اسجنك ليه ,وعشان ايه, انا معرفش حاجه
حارث : مفيش لزوم للتمثيل , لانه وقت ضايع ع الفاضي , ولاني مجتلكش اليوم نتكلم في المساله دي , عايز اعرف ايه العلاقه الي بينك وبين عمي
منصور: بيني وبين عمك مفيش علاقه
حارث بصله بغيظ وطلع موبيله وشغل الفيديو ورماه الموبيل قدامه
منصور ركز شويه في الفيديو وقال :ايه الغريب في الامر
حارث: لو انتشر الفيديو ده مش هيكون لطيف, لو خليت عمي المرشح للحزب بتاعك , بقي اللواء الاسطوري اخر المطاف يبقي زي الكلب الي بيحمي سيده من الخطر , والخطه الي انت حططتها هتبوظ بالكامل
منصور ضحك جامد وقال : انت مفكر فيديو زي ده هياثر ع شغلي
حارث : جايز مش بسبب المقطع الصغير, لكن لو انتشر مع الاشاعه الي بتقول انك انت وعمي شغالين مع بعض من سنين , ياتري ده هيأثر عليك ولا مش هيأثر
منصور وشه اتحول واتغير وبص لحارث نظره كلها شر: فكرت قبل ما تقول كلامك يا سياده المقدم بس عمري ما فكرت انك هتاخد الطريقه دي
حارث :ايا كان ده عمي وانا ابن اخوه , ده مش غريب ع الاطلاق
منصور: ايه غرضك من كل ده
حارث :ريللاكس يا منصور , مش قلت لك احنا قاعدين وبنتكلم مع بعض , ليه معندكش صبر وطوله بال
منصور ابتسم بسخرية وبنظرات حاقده :حضره المقدم بدئت احبك اكتر من الاول , بس هحبك اكتر لما تشرب وسكي معايا ولا مش بتشرب
حارث اخد الكاس وحطه فقط جوه ايده وقرر يرقصهم زي عرايس الماريونت وقال: منصور ربما شايف ان القضيه دي هتخليني في ورطه, لاني وقتها هكون مشتبه فيه , بس انا راي ارتكبت غلطه, تعرف انا عمري ما حبيت ابقي ظابط , بس عمي هو الي اجبرني
منصور واحد زيك بشخصيتك مين يقدر يجبرك
حارث: هقولك لما كان عندي عشر سنين ابويا وامي ماتوا , ومكنش فيه غير عمي يربيني ويهتم بيا في كل حاجه تخصني , وقتها حتي ميراثي من ابويا وامي اتنقل لعمي , وعمي دخلني كليه الشرطه عشان اطلع وابقي زيه بعد كل الي سمعته لسه مش مقتنع انه تم اجباري
منصور :انت حكيت لي قصه حياتك , عشان ايه مش فاهم
اثناء كلامهم فتح الباب ودخل واول ما شاف حارث وشه اتاخد واتغير لانه مكنش متوقع وجوده
فاتح حاول يتمالك نفسه : حارث ليه جيت هنا
حارث: انت الي بتعمل ايه هنا ياعمي
فاتح اتوتر وقال : جيت احاسب منصور انه ااتهمك انك قتـ لت ناجي , قولي يامنصور واحد من رجالتك الي قـ تله وعايز تلبسها لابن اخويا
حارث : تصور لسه انا ومنصور كنا بنتناقش بخصوص المساله دي , بس عرفت ازاي بده بان رجالته, في اليوم الي اخدت فيه ناجي اخبيه محدش كان عارف غيرنا انا وانت ياعمي
فاتح برتباك شديد: حارث الموضوع
حارث قطعه وبص لمنصور :بما اننا هنتكلم في المساله دي دلوقت , ليه قدمت بلاغ ضدي
منصور: ده لانك مش عايز توقف , قلت اوفر عليك ,واساعدك توقف
حارث: انا موقفتش ازاي عرفني
منصور : بعت رجالتك يدوره في غرف رجالتي خلال العزاء
رجاله منصور ساحبين راجل مضروب وبيشلب من كل حته دم
حارث: انا معرفش الراجل ده
منصور: انت متاكد انك فعلا متعرفهوش
حارث : ليه اطلب من حد يفتش اوضته , ولا الراجل ده الي قتل ناجي
منصور بعين قويه : هتعمل ايه لو كانت الاجابه بنعم , هتحط الكلبشات في ايدي , يله حطها
حارث موبيله رد وقفل وقالهم : بجد كان بودي افضل هنا اتكلم معاكم كلكم , لكن طلب مني سياده اللواء اتواجد في القسم حالا
فاتح :حارث اياك تقلق, مهما كانت المشكله مش هسيبك تتحط في ورطه ابدا
حارث ابتسم بسخريه: طبعا ياعمي عارف ده كويس , والف شكر واقولكم بالاذن
فاتح :هنعمل ايه يا منصور
منصور: لو مكنش ابن اخوك هيجيبه واحد غيره يدعبس في السر, تعرف لي هيكون مين
.........قصص منه محمد كاتب...........
في المقر اتفتح الباب وطلت ببتسامتها الجميله
جعفر ابتسملها: يله قربي عشان تاكلي
جمره بصت لمحتوي الاكل وقالت وهي مكشره بطريقه تضحك: عمي لما هتعزمني ع الاكل البسيط ده مكنش فيه داعي
جعفر: بصله المحب خروف
هادي سحب الطبق قدامه: لو مش عايزه تاكلي بلاش
جمره شدته منه: لا هاكل , انا صاحبه العزومه دي واياك تمد ايدك ع طبق اللحمه ده بتاعي وهاكل الطبق كله
جعفرمبتسم: خلصي اكلك بسرعه عندي هديه حلوه ليكي
جمره بحماس: ممكن تديني الهديه عشان عندي فضول اشوف نوعها ايه
جعفر: خلصي الاكل الاول
جمره: الاول نوعها ايه
جعفر: يله ناكل قلت
جمره: الله بانيه بس ليه لونه وردي
جعفر: ده مشروم
جمره: تاخد مني حته لحمه
جعفر بمرح: بتقدمي رشوه لظابط , و كلي وانتي ساكته وخلصي بسرعه عشان اديكي الهديه
جمره اكلت وقالت: الحمد لله شبعت
هادي: وانا هقوم الم الاطباق واعملكم الشاي
جعفر بصلها بهدوء: ها مستعده تفتحي الهديه
جمره فركت ايدها بحماس: الا مستعده
جعفر: ياتري لسه فاكره طلبتي مني قبل سابق ان انا اعرفلك مين ابوكي الحقيقي, لسه عايزه تعرفي ولا خلاص
جمره: عمي قولي مين
جعفر: انتي هتعرفي الحقيقه من نتيجه التحليل الظرف ده فيه كل الاجابات لحيرتك , ولما تكوني مستعده افتحيه
جمره اخدت الظرف منه وهادي حط ايده ع كتفها كتشجيع وقال: الحقيقه مش بتخوف ياجمره هتريح بالك
جمره اخدت نفس وفتحت الظرف وطلعت التحليل ونزلت دموعها شلال ع وشها لكن الدموع مخلوطه بالفرحه الكبيره: الراجل المفتري ده مش ابويا , مش ابويا , طلع مش ابويا , انا كنت حاسه انه مش ابويا, الحمد لله يارب, الحمد لله ,الف شكر ياعمي
جعفر قام من مكانه اخدها في حضنه بحنان ابوي وقالها: مبسوطه ياجمره
جمره: اوي اوي, الف الف شكر ياعمي انت جميل اوي , بس مين ابويا , وليه امي سابتنا مع الراجل الظالم ده انا وريم يعذب فينا , ليه ياعمي
جعفر: سبق وقلت لك امك اكتر واحده ترد ع كل اسالتك
جمره بكت بمرارة: ليه يا امي كدبتي ان الراجل ده هو ابونا
.....قصص منه محمد كاتب...........
شوشت جريت عليه: حارث
حارث : واضح انك بتيجي هنا بستمرار , دي اول مره اجي هنا وشوفت الكل جوه
شوشت : جيت هنا عشانك
حارث: معني كدا انك عارفه كل حاجه , كنتي عارفه بخصوص عمي طول الوقت ده , وانا الي كنت غبي
شوشت : لا مش كدا ياحارث , عمري ما شوفتك غبي اسفه
حارث بقهر: تعرفي ده اسوء من شعور الشفقه ناحيتي
شوشت: لا ياحارث حاسه بالشفقه لانك واقف تواجهه كل المشاكل دي لوحدك , ولو حصلك حاجه انا مستحيل ابقي مرتاحه , وانت متاكد وعارف
حارث قال بصوت حزين : مفيش حد مهتم بيا ياشوشت
شوشت :متقولش كدا ارجوك , انت كدا بتهين مشاعري , وانا بقولك امرك يهمني
حارث: ليه بتعملي كل ده
شوشت: انت عارف, معقول لسه بتسال
حارث بمكر وخبث: لو حصلي في يوم ومكنش عني زوجه, تقبلي تكوني معايا
شوشت :واليوم برغم عندك زوجه, هل سيبتك قبل كده
استوب ومنتظره رايكم ياتري حارث هيطلق جمره ويتجوز شوشت وايه السبب
ياتري اعتماد خبت ابو جمره ليه وايه الي هيحصل في حياه جمره انتظروني واحداث هتخطف الانفاس