رواية لكل حب حكاية الفصل الاول 1 بقلم محمد منصور

من غير اي مقدمات. حبيته وحبني. ورفض اتجوزه. عايزين تعرفو لية.  هقولكم

.  واي اضافات بعيدة عن صاحبة القصة. دي من عندي انا.  

و يارب القصة تعجبكم. وتعجب صاحبة القصة.

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

 انا مليكة عابد محمود.    بنت عادية جدا بيقولو عليه جرئية لكني والنعمه هبلة. زي بنات جيلي مواليد التسعينات. المهم  كان نفسي اعيش قصة حب. تكون نهايتها الجواز مش بحب جواز الصالونات ولا بحب اتجوز والسلام علشان اخاف يقولو عليه بايرة مثلا. لكن اعمل اية بقي في اخواتي الصبيان.  انا عندي خمس اخوات اربعه صبيان وهما بالترتيب كدة. الكبير ممدوح ودة فاتح سنترال في اول الشارع وملتزم دينيا وبيخاف علينا اوي. لانه من بعد بابا ما مات وهو بقي الاخ الكبير والاب.  واللي بعدي علي طول اختي شيماء. ودي اتجوزت من كام يوم كدة.  وبعديها. عمر. ودة بقي ادي له الموبيل وملهوش دعوي بحد. وبعد عمر جه سبب النكد كله واللي انا ما بحبهوش اوي لا. بحبه بس نص نص. اصله اخويا ولازم احبه بس لو يبطل يمد ايدة عليه. ودة اسمة امين. وبعدي حبيبي وقلبي واللي نفسي جوزي يبقي زية في حنيتة عليه. عماد.  وانا بقي الاخيرة مليكة.  حكايتي كانت حكاية عادية جدا. لغاية ما خلصت دبلوم تجارة. وبدأ قلبي ينطق حروف اسم عز جارنا وحبيبي شاب كدة شبه العيال اللي بيطلعوا في المسلسلات التركي. واللي بسببه كنت برفض اي عريس يجي لي. مع اني ما كنش في بينه وبيني اي علاقة ولا حتي مجرد تلميح انه حتي معجب بيا ولا حتي في يوم اتكلمنا. بس اهو كنت حاسة اني مراته واكيد هيجي يوم ويحبني. وكنت ديما واول ما أشوفه ماشي في الشارع وانا مثلا واقفة في الشباك اعطس اكح انزل جري واعمل نفسي بشتري اي حاجة يمكن عينه تيجي في عينية ويحصل اللي اسمه اية دة الحب وجه يوم من 7 سنين. وبدات حكايتي مع عز لما روحت الصيدلية اللي جنب بيتنا علشان اشتري برشام صداع علشان كنت تعبانه وزيي زي بنات كتير الصداع عندها زي الصحابة الجدع ما بيسبناش ابدأ ودخلت الصيدلية وشوفته. اتصدمت وعينه جت في عينية سكت وهو فضل باصص لي وكنت لبسة عباية سوداء مش حلوة اوي ولفة تحجيبة كدة تقضية واجب وفضلت بص له وساكتة اصل الصيدلية دي كانت بتقف فيها بنت. اسمها سماح لقيته بيقول

الله يسهلك يا شاطرة

اتصدمت وقولت

لا.  انا مش شحاته. والسلامو عليكم

ابتسم وقال 

وعليكم السلام.  

قولت في سري

يخرب بيت جمال ضحكة امك.

ولميت نفسي وقولت 

اومال هي فين الانسة اللي كانت بتقف في الصيدلية هنا

عز

اتجوزت وسابت الشغل

اتخضت مليكة وقالت

اتجوزتها

عز باستغراب

لا. مش انا هي اتجوزت واحد تاني 

مليكة بفرحة

بجد. لا. مبروك اومال مين اللي واقف هنا

ابتسم تاني وقال

هو انا شفاف 

مليكة ما فهمتش وقالت

لا. انت عز جارنا. ما انا بشوفك رايح جاي في الشارع

ضحك عز اوي وفضل يبص لي. استغربت ما انا ساعات ببقي غبية ماعرفش لية فقولت له

هو انت بتضحك لية

عز

اصلك افتكرتي اني لما قولت انا شفاف اني بعرفك باسمي مثلا

مليكة باحراج 

لا. طبعا انا فاهمة بس،،،،،،

سكتت مليكة لانها فعلا ردت رد غبي ملهوش. علاقة باللي قاله. وفضلت تقول لنفسها

هو انا لية قولت كدة. هو يقولي انا شفاف اقول له انت عز. حمارة انا برضو 

فقالت

لا. انا فاهمة كل حاجة.  وكدة انا فهمت انك انت شغال هنا

عز

انا دكتور عز صاحب الصيدلية

برقت مليكة من المفاجاة وقالت

انت دكتور اصلا.  عملتها ازاي دي

عز باستغراب

افندم

مليكة

اقصد يعني انك صغير علي كدة

عز باستهزاء 

صغير.  

وبعدها تحول صوته لمنتهي الجدية وقال 

ممكن يا انسة تقولي انتي محتاجة اية

مليكة بصدمة 

برشام يجيب يصداع

عز

اية

مليكة

برشام صداع

عز

اي برشام

مليكة

اي برشام.  

راح عز ناحية رف البرشام قالت مليكة

لا.. مش اي برشام انا عايزا شريط بنادول 

مد عز ايدة ناحية رف عليه البنادول واداها الشريط دفعت مليكة الفلوس ومشيت وفضل عز يبص عليها مستغربها وهنا قابل مليكة اخوها امين وبص لها وقال

كنتي بتعملي اية يا بت في الصيدلية

مليكة

كنت بجيب برشام

بص امين ناحية عز ورجع بص ل مليكة وقال

كل دة في الصيدلية بتجيبي برشام

مليكة 

هو اية اللي كل دة.  هو انا كملت خمس دقايق

امين

ردي عليه اوي كمان.  ما انتي مسحوبة من لسانك. امشي اطلعي فوق. عيلة عايزا حش رقبتها

مشيت مليكة من قدام امين وراحت لبيتها وامين راح دخل الصيدلية. بص ل عز وقال

كنت عايز ازازة دواء كودافين

عز

ال كودافين ما بيطلعش الا بروشتة علشان داخلة نسبة مخدر

امين

جسمي همدان وعندي كحة وهو الوحيد اللي بيفوقني

عز

ممكن اديك علاج تاني بديل  لكن الكودافين لازم بروشتة

امين وهو بيحط 100 ج. علي الكونتر اللي قدام عز وبيقول

يا صاحبي  احنا جيران وانا مش غريب عنك. وطول عمري باجي اخد الكودافين من الانسة اللي كانت بتقف هنا. والدنيا بتمشي. اروح ل دكتور وادفع كشف وانا عارف علاجي.  طيب ينفع

بص عز للفلوس ورجع بص ل امين وقال

انا ماليش دعوي باللي كانت واقفة قبل كدة. انا بقول لك ان الكودافين دة جدول. وعلشان اطلعه من الصيدلية لازم روشته.  ممكن بقي تاخد فلوسك وتروح تشوف الدواء دة في اي صيدلية تانية 

امين قرب من عز وقال

انا بلف علي صيدليات المنطقة كلها ومش بلاقي. قصر في يومك وهاتو 

عز. مستحقر اسلوب امين

خلص 

امين مسك ال 100 ج.  وحطها في جيبة وقال

كدة ماشي يا عز.  يا ابن ام عز. وانا بقي هيبقي ليا كلام كتير مع دكتور احمد. صاحب الصيدلية 

عز 

انا اشتريت الصيدلية من دكتور احمد. فبلاش تضيع وقتك في الشكوي لي.  

امين 

اية دة بجد. لا. مبروك

وخرج امين من الصيدلية، ،،،،،،،

ومن علي القهوة اللي في المنطقة راح امين وقعد جنب كام واحد من اصحابه وبص له واحد منهم واسمه عنتر وقال له

جبت ولا. اية

امين

عز واقف في الصيدلية ومارضيش يديني

قال صاحبهم التاني وحيد

اية الفصلان دة.  

امين

هو اصلا عيل كتلة. عمري ما حبيته

عنتر

والبت سماح اللي كانت بتقف راحت فين 

امين

انا عارف بقي شكلها غارت في داهية. لا واية كمان عز دة اشتري الصيدلية

وحيد

يا دين اهلي.  دة مافيش صيدلية في المنطقة عندها الكودافين غير الصيدلية الزفت دة

عنتر

بقول لكم اية. ما تيجوا نعمل عليها نمرة

امين

يلا. ،،،،،،،،،،

في نفس الوقت ومن جوة اوضة مليكة كانت مليكة بتتكلم في الموبيل مع واحدة صاحبتها اسمها سمر وكانت بتقول 

دة طلع عرفني وقالي مش انتي مليكة اللي ساكنه معانا في  الشارع 

سمر

الله بقي دة طلع  مركز معاكي. 

مليكة

يا بت هو انا اي حد. دة انا مليكة عابد محمود

سمر

ولما قال لك اسمك عملتي اية

مليكة

قلبت وشي وقولت له انت هتهزر معايا ولا اية

سمر

يا قلبك. ازاي قدرتي تقلبي وشك علي المز دة.

مليكة

لازم يا بنتي كدة اومال اخلي ياخد مقلب في نفسه وهو قمر كدة

وفي الوقت دة تسمع مليكة صوت خناقة في الشارع. فتقول ل سمر

خناقة يا بنت

سمر

مين اللي بيتخانق

مليكة

هقوم اشوف 

وقامت مليكة تشوف مين اللي بيتخانق وبصت من شباك اوضتها لقيت ازاز الصيدلية علي الارض وعز دماغه مفتوحة وامين وعنتر ووحيد بيضربوا في. لطمت مليكة وقالت وهي بتصرخ 

اخويا واصحابه بيضربوا عز،،،،،،،،،،

وبعدها بشوية ومن جوة قسم كان عز قاعد قدام الظابط ودماغه مفتوحة ووراء منه يقف وحيد وامين وعنتر والظابط بيقول للعسكري

خدهم علي التخشيبة واستعجلي تقرير الدكتور عن حاله دكتور عز

عز

انا حالتي هتاخد علاج اكتر من 21 يوم.  انا عارف

الظابط

عارف بس التقرير الرسمي بحالتك لازم يطلع من المستشفي اللي تم فيها الكشف عليك. علشان العيال دي تتربي

عز

ياريت يا حضرة الظابط علشان يعرفو ان الله حق. والتصليحات اللي في الصيدلية يدفعوا ثمنها

الظابط

ما تقلقش كل دة هيحصل.

وهنا يدخل العسكري ويقول للظابط

في حد برة اسمه ممدوح بيقول انه جار دكتور عز واخوة امين

عز

انا ما عرفش حد ولو مين جه انا مش هتنازل عن حقي

الظابط

طبعا دة حقك وانت حر في 

وبعديها بص الظابط للعسكري وقال

خلي يدخل

ودخل ممدوح لابس جلبية بيضاء وماسك سبحة وذقنه كثيفة ولونها ابيض رزي.  واول ما دخل رمي السلام ويدأ بطمئن علي عز والجرح اللي في دماغه وبعدها عز قال

انا عرفتك. انت صاحب سنترال الرضا اللي علي اول الشارع

ممدوح

طيب الحمد لله انك عرفتني كدة افتكر الحكاية هتبقي سهلة شوية عليه وعليك

عز

ازاي انت تبقي اخو البلطجي دة

ممدوح

اهل المنطقة عرفوني اللي حصل وانا محقوق لك

عز

انت ما غلطتش اللي غلط امين واصحابه 

ممدوح

هحلي يبوس علي راسك واي تلفيات حصلت في الصيدلية 

انا كفيل اصلحها. كدة بقي افتكر انك تبقي مرضي 

عز

بعد الاهانه اللي شوفتها منه. تخلص بمعلش.  لا. يا شيخ ممدوح انا اللي بقول لك معلش

ممدوح

يعني اية

عز

يعني امين واللي زية مكانهم السجن

ممدوح

ومستقبله

عز

شئ ما يخصنيش

وبص عز للظابط وقال

انا همشي دلوقتي يا حضرة الظابط. وهبقي اتابع معاك المحضر بالتيلفون

الظابط

ماشئ

ومشئ عز والظابط بص ل ممدوح وقال

ما تزعلش منه اللي حصل في وسط الشارع ما كنش شوية واسف اقول لك. اخوك فعلا لازم يتربي من اول وجديد،،،،،،

وتاني يوم ومن جوة الصيدلية كان عز واقف مع كام صنيعي بيصلحة اللي حصل في الصيدلية. دخلت عليه مليكة ومعها صاحبتها سمر بص لهم عز وقال

احنا مش شغالين النهاردة

مليكة

عارفة. بس احنا مش جايين  علشان نشتري علاج

عز باستغراب

اومال جائيين لية

مليكة بصت للصنيعية ورجعت تبص ل عز

طيب ممكن نتكلم علي جنب يعني

عز

لية ان شاء الله بيني وبينكم اسرار

سمر

مافيهاش حاجة يعني لما نقول كلمتين علي جنب

راح عز ناحية ركن بعيد عن الصنيعية وهما مشيوا وراء ووقف وبص لهم وقال

نعم.

مليكة

في الاول الف سلامه عليك.  انا بجد زعلت علي اللي حصل لك

عز

شكرا.  ثانيا

سمر

هو انت مالك مش طايقنا لية كدة زي ما نكون جائيين نشحت منك

عز

يا ستي انا مش طايق نفسي. ف لو سمحتم قولو عايزين اية واخلصو

مليكة

انا ابقي اخت امين

عز بعصبية خلت كل الصنيعية يبصو عليه

أمين البلطجي. وجاية بقي عايزا اية اسامحه وتخلص بمعلش ويقف في الركن رافع ايدة لغاية ما الناظر يجي. ونحل المشكلة 

مليكة

انت لية بتقول كدة

عز

اصلي من امباراح ناس كتير جت لي وفضلو يتحايلو علية علشان تخلص بمعلش.  دة ما خطفش مني سندوتش وجري. دة كسر لي الصيدلية اللي دفعت فيها كل اللي  حيلتي انا وامي.  وفوق دة كله فتح دماغي

في الوقت دة كان في صنايعي من اللي في الصيدلية طلع موببلة واتصل علي ممدوح لانه يعرفه ويعرف ان مليكة دي تبقي اخته وفي نفس الوقت كانت سمر بتقول ل 

علي فكرة ممكن تتكلم معانا باسلوب احسن من كدة مش خناقة هي

عز

لا خناقة ودمي ساح فيها. وباين ان الرجاله اللي في عيلة امين خلصت. فقررو يبعتو لي بنات يمكن احن واقول سماح

سمر بعصبية

علي فكرة بقي انت قليل الذوق

عز بعصبية اكتر

وانتي مش متربيه

مليكة

بس. يا عز علشان خاطري 

عز بمنتهي العصبية

خاطر مين خاطرك انتي. هو انا اعرفك اساسا.  يلا. بالسلامة وعرفي اخوكي انه لو بعت لي امه بنفسها. برضو هسجنة

سمر

صدق بالله انت من برة تبان ابن ناس لكن من جوة انت اوحش خلق الله.  

الصنيعية هنا ادخلو لان الشارع بدأ يتلم ومليكة خافت من المنظر وقالت

يلا يا سمر قبل ما حد من اخواتي يعرف اني جيت له

وخرجت مليكة من الصيدلية ووراها سمر علشان تلاقي مليكة قلم نازل علي خدها اتوجعت ووقعت علي الارض من قوة القلم ولقيت اخوها ممدوح بيشخط فيها وبيقول

امشئ غوري عل فوق وحسابي معاكي بعدين

بصت مليكة ل عز اللي صعب عليه اللي حصل لها وطلعت جري علي شقتها ومعها سمر وممدوح بص ل عز وقال بحدة

احنا رجاله ومهما يحصل ما بنبعتش نسوان علشان تصلح غلطتنا.  وام امين ماتت. يعني مش هتيجي تتحايل عليك. كمل محضرك زي ما انت عايز.  ودة حقك.

وقرب ممدوح من عز اوي وقال وهو بيبص في عيونه

لكن تغلط في اختي دة لي حساب تاني وحق انا هخده بالاصول.

ومشي ممدوح وساب عز حاسس بوجع اكتر بكتير من وجع ضرب امين لي. ،،،،،،،،،،،.          

                الفصل الثاني من هنا

لقراءه باقي الفصول من هنا