ـ فريده : هاجر صعبانه عليا اوي ياحسن ، دي ماقالتش كلمه من ساعة ماكنا هناك .
ـ حسن : مش عارف ياتيتا بس اكيد زعلانه يعني ، مشوفتيش كانت متحمسه ازاي إنها خلاص هتشوفها .
بس متقلقيش تعالي نطلعلها ونحاول نخليها تفك شويه.
ـ فريده : ماشي يلا .
ـ طلع حسن وفريده من المطبخ عشان يشوفوا هاجر بس ماكنتش قاعده برا ، دور حسن عليها لاقاها في البلكونه دخل هو وفريده قعدوا معاها ، كانت ساكته وزعلانه ، فقال حسن : متزعليش اكيد اول ماترجع هنروحلها تاني .
ـ هاجر :.............
ـ فريده : متقلقنيش عليكي يابنتي ، طيب عاوزه إيه وانا اعملهولك.
ـ قالت هاجر بعد سكوت دام فتره قصيره : انا هرجع القاهره تاني.
ـ حسن : دا اللي هو ازاي يعني!!!
ـ هاجر : هرجع واحاول احل الموضوع مع حسام .
خلاص وجودي هنا ملوش لازمه ، مفيش حاجه هتتحل ، حسام مش هيبعد عني غير لما اتنازله ، وماما ومش هعرف اشوفها ، خلاص مفيش حاجه مستاهله اعافر عشانها.
ـ فريده : يابنتي انتِ كدا بتدمري نفسك بأيدك ، استهدي بالله كدا وكل حاجه هتتحل بإذن الله .
ـ حسن : ثواني بس ياتيتا .
بعدين وجه نظره لهاجر وقال : وانتِ فاكره إنك لما ترجعي حسام هيحل عنك اصلًا ، انتِ ناسيه إنك هربانه اصلًا بسببه ، و يعالم لما ترجعي تاني ممكن يعمل إيه.
ـ هاجر : يعني انت شايف ممكن اعمل إيه ، انا خلاص زهقت وطاقتي خلصت وكل حاجه باظت .
ـ حسن : شايف إنك تهدي وتفكري كويس في حل ميطلعكيش خسرانه ، ولو على موضوع مامتك هو بس محتاج شوية صبر ، مش مع اول محاوله خسرانه تيأسي ، انتِ كدا غبيه.
ـ هاجر : انا مش غبيه .
ـ حسن : يعني انتِ سايبه كل الكلام دا وماسكتي في دي .
طيب ياستي انا اسفلك ، بس بجد اقعدي مع نفسك وفكري اكيد هنلاقي حل .
ـ هاجر : تمام .
بعد اذنكم هدخل انام عشان تعبانه.
ـ فريده : طب مش هتاكلي .
ـ قالت هاجر وهي في اتجاها للغرفه : لأ ياطنط مش عاوزه .
( دخلت هاجر غرفتها ، وحسن ودع فريده ونزل راح شغله ، فريده رتبت البيت وبدأت تحضر الغداء و.............).
………………………………………………………………………………………
" القاهره : في منزل حسام "
ـ على صديق حسام : طب وانت هتعمل إيه معاها دلوقتي .
ـ حسام : مش عارف يا علي .
بس كل اللي انا عارفه إني خلاص هبعد عنها وهسيبها في حالها ، كفايه كل الأذى اللي اتسببت فيه.
ـ علي : يعني انت ماكنتش بتعمل كل دا عشان تاخد فلوس عمك .
ـ حسام : فلوس إيه يا علي .
انا كنت مضايق منها اوي وكمان الكلام اللي بابا كان بيقولهولي كان بيزود غضبي منها ويخليني عاوز او*لع فيها ، بس خلاص كدا كفايه ، هي متستاهلش مني كل دا .
ـ علي : وانت إيه اللي غير كلامك دلوقتي؟!!!.
ـ حسام : اكتشفت إني كنت غبي اوي ياعلي ، متوقعتش إن بابا يبقا السبب في كل دا .
ـ علي : ليه هو عمل إيه؟!!
ـ حسام : هحكيلك.
ـ بدأ حسام يحكيله كل حاجه هاجر قالتها ، وإن كل حاجه حصلت كانت بسبب ، فقال علي بصدمه : دا عمي عاصم طلع جاحد بجد إيه داا.
ـ حسام : اظبط ياعلي في إيه.
ـ علي : مقصدش ياعم ، بس ازاي قدر يعمل كدا في اخوه لأ كمان وبنته .
ـ حسام : ما هو دا إللي انا عاوز أفهمه منه .
ليه.......ليه عمل كدا، بس هو يفوق ويطلع من المستشفى .
ـ علي : طب انت كدا هتروح لهاجر ولا هتعمل إيه.
ـ حسام : انا عرفت إنها في اسكندريه ، يومين كدا بس اطمن على بابا واروحلها .
................................................................................................
" الساعه 7 مساءً في منزل الجده فريده "
ـ الباب خبط وراحت الجده فريده تفتح وكان حسن : تعالى ياحسن ادخل ، وانا هحضر الغداء تكون هاجر جت.
ـ حسن : هي نزلت فين؟!!
ـ فريده وهي بتحضر السفره: صحيت من النوم قالتلي إنها هتنزل تقعد على البحر شويه وجايه ، بس معرفش اتاخرت ليه.
ـ حسن : ليه هي نازله من امتى؟.
ـ فريده : يعني من ساعتين كدا.
ـ حسن : طيب انا..........
لكن قاطعه صوت رن موبايله كان رقم غريب فقالت فريده : مين ياحسن؟.
حسن : معرفش ياتيتا دا رقم غريب.
فريده : طيب رد يمكن حاجه مهمه.
ـ حسن : حاضر.
ألو.
ـ هاجر : أيوا ياحسن انا هاجر.
ـ حسن : هاجر ، انتِ فين تيتا قلقانه عليكي قالت إنك نازله من بدري و......
ـ قاطعته هاجر وقالت : انا تايهه ياحسن مش عارفه ارجع .
ـ حسن : تايهه ازاي.
ـ هاجر : تايهه ياحسن ، هي الناس بتوه ازاي يعني .
ـ حسن : خلاص خلاص ابعتيلي اللوكيشن بتاعك وانا هجيلك.
ـ هاجر : ماشي هبعتهولك متتأخرش.
ـ حسن : مش هتأخر ، بس متتحركيش من مكانك.
ـ قفل حسن مع هاجر وقال لفريده إنه هيروح يجيب هاجر ويجي بسرعه ، نزل حسن ركب عربيته وبدأ يمشي على اللوكيشن إللي هاجر بعتته وبعد وقت قصير وصل ، نزل من العربيه لقاها قاعده على مقعد ناحية البحر و............).
ـ وقف حسن وراها وقال : نفسي اعرف مشيتي كل دا ازاي .
ـ لفت هاجر لقيته فقالت : اخيرا جيت انا تعبت من المشي وعاوزه اروح وجوعت خالص بجد ونسيت اخد الاير بودز معايا فازهقت و.....وبس كدا يلا نمشي بقا عشان طنط فريده كانت قايلالي إنها عامله ورق عنب.
ـ حسن : ياعيني كل دا حصل معاكي ، تعالي يلا نروح عشان انا كمان جوعت اوي ، احمدي ربنا إني سيبت ورق العنب وجيتلك.
د
ـ هاجر : لا والله!!!!
ـ حسن : ايوا يابنتي.
يلا اركبي.
( اتحركوا بالعربيه ، وبعد وقت وصلوا البيت ، طلعوا وفريده اطمنت على هاجر ، وقعدوا يتغدوا سوا ، بعد الغداء فريده عملت شاي ودخلوا قعدوا في البلكونه شويه وقعدوا يتكلموا وبعد وقت طويل شويه من الكلام حسن موبايله رن كان رقم غريب برضو ، بس رد وكان............).
ـ حسن : انت متأكد.
ـ ايوا ياباشا .
ـ حسن : تمام تسلم .
ـ إحنا في الخدمه ياباشا مع السلامه.
ـ حسن : سلام.
ـ فريده : في حاجه ياحسن ولا إيه.
ـ حسن : لأ ياتيتا دا الشغل.
ـ قامت هاجر وقفت وقالت : طيب ياجماعه انا هدخل انام تصبحو على خير.
ـ فريده : وانتِ من أهل الخير يا حبيبتي.
ـ مشيت هاجر كام خطوه بعدها وقفت ولفت وجهت نظرها لحسن وقالت : شكرًا ياحسن بجد ، تعباك معايا
ـ حسن بهزار : ايوا بصراحه زهقت منك.
ـ هاجر : تصدق بقا انا غلطانه ، ومش شكرًا ياحسن.
ـ حسن : استني بس بهزر معاكي والله ، وبعدين متشكرنيش انا هفضل معاكي انا وتيتا لحد ماتوصلي لمامتك وكل حاجه تظبط .
ـ هاجر بإمتنان : مش عارفه اقولكم ايه والله، ربنا يكرمكم.
ـ حسن : روحي نامي يا هاجر.
ـ ضحكت هاجر بعدين قالت : ماشي ، يلا بقا باي .
ـ حسن : باي.