رواية لكل قلب حكاية السابع عشر 17 بقلم محمد منصور
وبسم الله توكلت علي الله وهو رب العرش العظيم
ومن جوة اوضة عز. يقعد عز حزين وبيبص من شباك اوضة علي الشارع وسمع باب اوضة بيتفتح قال وعيونه ما اتشلتش من علي الشارع.
مش هاكل
دخلت وداد وراحت ناحيته وقالت
واخرتها اية طيب
عز
اخرتها انها بقت ل واحد غيري. النهاية اللي انتي كنتي عايزها. حصلت اهه
وداد راحت ناحيته وقالت
هتفضل مشيلني ذنب اللي حصل انا روحت لهم لغاية عندهم
عز وهو لسة باصص علي الشارع
كسبت اية لما روحت لهم.
وداد
ما انت لو تسمع كلامي وتيجي تشوف العروسة اللي اخترت هالك
عز بكسرة نفس
زي مليكة
وداد قلبها اتقطع علي كسرة نفس ابنها وقالت
دمها في يوم ممكن يجري في دمي. زي ما دم مليكة بيجري في دمي. صعب
وداد
طيب مش هتنزل تفتح الصيدلية
عز
هنزل. مسيري هنزل.
وداد
هتبقي تاخدني وتوريني بقي الصيدلية الجديدة
عز
ان شاء الله.
وداد
طيب قوم بقي كل معايا لقمة
عز
بعدين اول ما حس اني خلاص لو ماكلتش هموت. هتلاقيني قومت اكل. ما انا برضو مش عايز اموت يمكن في يوم مليكة تبقي ليا
وبدأ يكررها عز وهو بيقول
يمكن في يوم مليكة تبقي ليا
فضلت تبص عليه وداد وقلبها بيتعصر من الحزن، ،،،،،،،،
وبعدها بشهر. كانت مليكة قاعدة قدام هاني خاطبها وساكتة وبتفكر في عز وهاني عمال يتكلم ويحكي لها علي اللي بيحصل معه في شغله وعلي اللي نفسه يعمله علشان خاطرها. ولاحظ هاني سرحان مليكة فقال لها بصوت عالي
مليكة انتي مش معايا خالص
مليكة
لا معاك
هاني
طيب انا كنت بقول اية
مليكة
هاني انا تعيانه
هاني
انتي علي طول تعبانه كدة. دة احنا من ساعه ما اتخطبنا وانتي مش معايا خالص
مليكة
غصب عني والله
هاني
انتي بصراحة كئيبة اوي ومش عارف ابويا وامي كانو شايفين فيكي اية عدل علشان يخلوني اخطبك
وقام وقف وهو بيقول
انا ماشي.
ومشي هاني وكانت شيماء عندهم بالصدفة ف استغربت هاني لسة جاي. لية يمشي بسرعه كدة فدخلت شيماء اوضة مليكة اللي كانت واقفة قدام المريا بتقلع التحجيبة وقالت شيماء
هاني مشي بسرعه لية كدة
مليكة وهي بتغير هدومها
ما عرفش
شيماء
مليكة اللي انتي في دة ما ينفعش. لازم تنسي علشان تعرفي تعيشي
مليكة
اعيش. مع هاني صح
شيماء
ابن خالك وشاريكي
مليكة
مش قادرة. والله العظيم ما قادرة وحاسة اني بظلمة معايا
مش بمزاجي. لية احب واحد واتجوز واحد تاني
شيماء
تاني السيرة دي
مليكة
محلتيش غيرها سيرة اتكلم فيها واعيش علشان خاطرها. دة كل ما بدعي ربنا اني اموت وارتاح ارجع واقول لا. بلاش اموت. يمكن يكون ليا
شيماء
انتي شكلك مش عايزا تجيبها ل بر
مليكة بعصبية
مش بمزاجي. والله ما بمزاجي.
شيماء
عز ما بيحبكيش زي ما انتي بتحبي
مليكة
بيحبني بس انتم اللي حطيتو العقدة في المنشار علشان الجوازة دي ما تمش
شيماء
امه السبب
مليكة
امه السبب. ولا اخويا عمر السبب ولا اخويا امين السبب. ولا. مين ولا مين كل الظروف اتفقت علي اني ما كنش ل عز
شيماء
مش عارفة اقول لك اية. بس انا بندور علي مصلحتك
مليكة
واية المصلحة اللي ممكن تبقي موجودة من اني اتجوز واحد وانا بحب واحد تاني
شيماء
هاني كويس وما يختلفش عن عز كتير
مليكة
ما فيش حد في الدنيا دي زي عز. واديني عايشة يمكن يكون من نصيبي. وابقي ليك يا حبيبي، ،،،،،،،
ومن جوة مستشفي المجانين كان عمر قاعد مع ممدوح وقت الزيارة وبيقول
علشان خاطري خرجني من هنا بقي. انا تعبت وحاسس ان اعصابي باظت بسبب المجانين اللي حوالين مني
ممدوح
الدكتور بيقول لسة حالتك مش مستقرة. دة انت كنت امبارح هتقتل واحد. معاك في العنبر
عمر
كنت هقتل علشان اخلي يبعد عني. وطول ما انا هنا هبقي عايز اقتل علشان اخليهم يبعدوا عني. اعمل اية طيب مش عايزين يبعدوا عني
ممدوح
طيب قولي اخرجك ازاي وانت مش عايز تسمع كلام الدكتور وبتاخد العلاج بالعافية
عمر
واخد علاج لية وانا مش مجنون
ممدوح
مش انت اللي تقول في دكتور بيعالجك هو اللي يقول انت عاقل ولا مجنون
عمر وقف وقال بعصبية
انا اعقل واحد فيكم كلكم. الفرق اللي بيني وبينكم انا شايف كل واحد علي حقيقيتة من غير كذب.
ممدوح
طيب اقعد واهدئة
عمر بنفس العصبية
مش هاهدئة ومش عايز حاجة من حد فيكم وما تجيش تاني.
ممدوح
اهدئة علشان اخرجك من هنا
عمر
انا مش عيل صغير يا عم الشيخ علشان تضحك عليه بكلمتين. انا اذكي واحد فيكم وكلكم قدامي وعلي حقيقتكم انتو ولا حاجة.
وسابو عمر ومشي وممدوح صعبان عليه حال اخوه وعمال يبص عليه ومش عارف يعمل اية. ،،،،،،،،،
وفي الشارع ووقت ما كانت سمر راجعه من شغلها تسمع عز بينادي عليها فتقف وتبص له
عز
عز وهو بينهج لانه كان جاي جري وراء سمر
انا ما صدقتش نفسي لما شوفتك
سمر
طيب خد نفسك. وقولي اخبارك اية من ساعه ما سبت الصيدلية اللي في شارعنا وما حدش بقي يشوفك خالص
عز
فتحت صيدلية تاني في شارع السوق يمكن اقدر انسي. اللي كان
سمر
وقدرت
عز
والله ما قدرت ولا هقدر. المهم مليكة عاملة اية
سمر
مليكة مش بخير خالص
عز
ولا انا بخير. بس مش عارف احلها ازاي
سمر
بصراحة يا عز الحوار بتاعكم اتقفل قفلة وحشة اوي ومع امين نفسه
عز
ومن قبل امين. كان في عمر
سمر
اهو خد جزاة ودخل مستشفي المجانين
عز
راح المكان اللي يستاهلو اي حد زية. طيب يا سمر انا كنت عايز اشوف مليكة.
سمر
تشوفها. صعب اوي. دة امين حالف ليخلص عليك وعليها لو عرف انها شافتك او حتي كلمتك
عز
اشوفها من بعيد من غير ما اكلمها حتي
سمر
مش هينفع. تشوفها
عز
طيب اكلمها
سمر
برضو مش هينفع دي صاحبتي واخاف عليها من شر امين
عز
اديني رقمها بس هتصل من رقم غريب واسمعها صوتها واقفل
سمر
يا عز مليكة بقيت مخطوبة واللي انت بتحكي في دة ما ينفعش خلاص بقي قولت لك الحوار بتاعكم اتقفل. وانا اخاف عليها من بكرة واللي ممكن يحصل لها بسببك تاني
وسابته سمر ومشيت وعز فضل واقف مكانه، ،،،،،،،،،
وبعدها بيوم ووقت ما كانت مليكة في اوضتها يفتح امين عليها باب الاوضة وهو متعصب تبص له مليكة وهي خايفة وهو قال
هاني عاوز يفشكل الخطوبة لية
مليكة بلعت ريقها وقالت
ما عرفش
امين بدأ يقرب من مليكة وهو بيقول
لا. عارفة وقاصدة انك تطفشي بعمايلك السوداء وبوظ النكد اللي علي طول لابسة وهو موجود. مش تحمدي ربنا ان واحد زي هاني دة بص لك
مليكة
انا هحمد ربنا انه سابني
مسكها امين من شعرها صرخت مليكة وهو قال
ما تتعدلي يا بت بدل ما اعدلك
مليكة وهي بتحاول تبعد ايد امين عن شعرها
سيب شعري. انت مالك ومالي. مش عايزا اتجوز انا حرة
امين
لا هتتجوزي. ومش بمزاجك. غصب عنك
مليكة
هي عافية يعني
امين
اة عافية. علشان اللي في دماغك مش هخلي يتم
مليكة
انا مافيش حاجة في دماغي. وارحمني بقي واخرج من هنا وسيبني
وحاولت تاني تفلت شعرها من ايد امين ل امين كان بيغل وشد شعرها اوي وقال
لو فاكرة انك لما تطفشي هاني مش هعرف اجوزك تبقي غبية.
مليكة بعصبية نابعة من وجع قديم
اي حد هيجي يا امين هيطفش. عارف لية. لان قلبي مش ملكي. ملك واحد بس. انت مش عايزه. وكل دة لية علشان تصفي حسابك منه. حساب هو ملهوش ذنب في. حساب انا ماليش ذنب في.
ضربها امين بالقلم وقال
دة انتي ما فيش حد مالي عينك بقي
مليكة اللي وجع القلم ما بقاش مقصر زي وجع قلبها
افهم بقي. ولو مرة واحدة القلب اللي بيحب ما بيبقاش ملك صاحبة. بيبقي ملك اللي بنحبهم. اتحكم ازاي في قلب ما بقاش ملكي
ضربها امين تاني ومليكة بصت له بتحدي وقالت
اضرب من دلوقتي ل غاية ما تطلع روحي. انا وكل حتة في جسمي بنتمني عز. وبس.
ضربها امين تالت وقال
دة انتي طلعتي عيلة فاجرة
مليكة
لية. علشان بحب وفيها اية غلط في اية انا يوم ما حبيت. حب كان الغرض منه حلال. هو لية البنت عندكم عيب تقول لها انها بتحب فلان ونفسها يبقي جوزها. ازاي تجوزني ل واحد وانت عارف اني بحب واحد تاني. انت تقبلها علي نفسك تتجوز واحدة بتحب واحد تاني.
حط ايدة علي بوقها وهو بيقول
اكتمي بدل ما اكتمك بايدية دي.
شالت ايدة عن بوقها وبصت في عيونه اوي وقالت
مش هكتم هو انت عايز تموتني بالبطئ بجوازة تكون سبب حزني وانا اقف اتفرج. لو مش عايز تجوزني عز. مع ان دة مش من حقك. فانا مش عايزا اتجوز خالص. ودة بقي حقي
امين
اية يعني هتفضلي قاعدة كدة في البيت. لازم تتسرتي زي اختك
مليكة
انا مش مفضوحة علشان اتستر. انا قاعدة في بيت ابويا معززة مكرمة. و باكل من خير اخويا الكبير ممدوح
امين
وانا قولت هتتجوزي يعني هتتجوزي
مليكة
روح هات عريس يرضي يتجوز واحدة نكدية زيي
امين
مليكة قسما برب العزة لو ما اتعدلتي ل اعدلك بطريقتي
مليكة
واية هي طريقتك الضرب. مابقاش يوجع. لان الوجع اللي جوة مني. اكبر بكتير من الوجع اللي ايدك هتكون سببه
بدأ امين يجز علي اسنانة من الغيظ وخد بعضة ومش من قدام مليكة ورزعت الباب وراء منه فقعدت مليكة علي السرير وفضلت تعيط لكام دقيقية وبعدها وقفت علي رجليها ومسكت موبيلها واتصلت ب سمر وقالت اول ما رديت سمر
سمر عايزاكي تشوفي لي دكتور نساء
استغربت سمر وقالت
دكتور نساء لية
مليكة
ناوية افضح نفسي وما بقاش بنت بنوت. واخليهم يقتلوني وارتاح. لاني اجبن من اني اقتل نفسي
سمر اتصدمت من اللي سمعته، ،،،،،،،،،،