رواية احببت وانا علي ذمة اخر الفصل الخامس عشر 15 بقلم نوسه حمد
مشيت اطمن علي طارق لقيتو بفرفر ومطلع ذبد بي خشمو جريت عليهو وبقيت اصحي فيهو بس هو شكلو داخل في حاله غيبوبه ونهاي م واعي وكانو بلفظ انفاسو الاخيره اتصلت علي اخوي وكنت بكورك باعلي صوت قلت ليهو الحقني طارق بموت ساعدني لو مره واحده انا م عارفه اتصل علي منو قال لي طارق مالو قلت ليهو عندو حمه دخلت انوم نور طلعت لقيت الذبد طالع من خشمو قال لي طيب انا متحرك عليك اتصلت علي هديه كلمتها قلت ليها طارق مضايق شديد وما عارفه مالو وبقيت اوصف ليها في حالتو وكلمتها اني استنجدتا بي اخوي وجاي علي وريتها للمعلوميه عشان انا م عارفه طارق مالو لو حصل قدر الله هي تكون عارفه قالت لي الا تجو تسوقوني انا م بقدر اقعد قلت ليها هديه نحنا ننقذو ولا نتغشا وقفلت الخط اخوي جا وشال طارق وانا شيلت نور وجرينا علي المستشفى وطارق خلاص حسيتو ح يموت لي في يدي بقيت اقرا ليهو وبعد جسمو كان مسخن حسيت جسمو تلج وبسمع بقولو الزول لمن يجي يموت جسمو بتلج بقيت ادعي ربنا انو يكون كويس لو جاتو حاجه انا م ح اسامح نفسي طارق ما بستحمل شغل العتاله وبقيت اتندم واتحسر وصلنا المستشفى اخوي جرا جاب الكرسي المتحرك وشال طارق دخلو العنبر وبقيت اكورك للدكتور ولمن شافو حالت طارق الاسطاف الشغال كلو وقف فيهو اخوي قال لي اطلعي بره وانا خلاص حسيت انو طارق ح يفارق الحياه واخوي يجر الصيدليه ومره المعمل وانا جاني هبوط قعدت في نص حوش المستشفى وبقيت ابكي بقيت اسال اخوي طارق مالو قال لي ماف شي وكان بختصرني وانا قلبي خلاص اكلني حسيت انو طارق فارق الحياه وياربي طارق مالو ومعقوله حمه تقتلو وبقيت اتحسر واتندم وفي قعادي داك جات امو وهديه والجيران والجوطه نسيبتي من شافت طارق وحالتو بقت تكورك قتلتو قتلتو نادو لي الشرطه والناس مندهشين وانا زاتي مندهشه معاهم قالو ليها استهدي بالله منو القتلتو قالت ليهم نسيبه قتلت ولدي انا م بخليها وتموت زي م ولدي مات قلت ليها خافي الله دا م وقت نقاش انا لو بقتل الروح م بقتلو هسي كان قتلتو لمن ظلمني بس ماف داعي للكلام الشين وشغاله لي قتلتي يا القلبك اسود يا الحاقده دخلتي حياتو دمرتيهو قلت ليها ربنا اسامحك ودمعه ما نزلتها بس بتحب كشف الحال اخوي جا طالع وحسيت وشو كئيب وانا خلاص المعاي كملت قومتا علي حيلي قلت ليهو طارق مات قال لي نوسه استهدي بالله قلت ليهو لو مات كلمني ابو نور مات وقلبي انقطع مجرد احساس انو هو مات دمرني قال لي نوسه م مات ادعي ليهو محتاج دعوات انا ماشي اصلي ركعتين وادعي ليهو ام طارق قعدت تكورك قتلتو ودايرين تمشو ورا جنازتو اخوي م اتكلم معاها مشا وقال لي امسكي بتك وما تتكلمي مع المره دي تمام
بقيت ساكته وقعدت جنب هديه وكانت شايله اولاد عبله وشايله معاهم الهم ودموعا نازله قالت لي نوسه ان شاءالله طارق م تجيهو حاجه قلت ليها ان شاء الله ربنا كريم وبقينا قاعدين يا الدكتور يجي يطمنا يا اقول لينا البقاء لله نور قالت لي بابا مالو قلت ليها بابا عيان ماف حاجه ي ننور الدكتور جا طالع وانا وقفت ليهو في وشو قلت ليهو طارق مالو ما تميت كلامي نسيبتي قالت ليهو قتلتو دي قال ليها يا خاله استهدي بالله ولدك بعافيه بس كانت عندو حمه وملاريا وعملت التهاب في الدم الابيض وكترت الحمه جاهو تشنج نحنا اسعفناهو لغايه ما امورو ظبطت وهسي هو نايم ما تخافو عليهو وحمد لله ع السلامه انا قربتا ازغرت اخوي جا وكان ملهوف علي طارق الدكتور طمنو وقال ليهو الحمد لله لحقتوهو لكن لو م لحقتو كان مات عديل بس الحمد لله ربنا كاتب ليهو عمر جديد قال ليهو الحمد لله ومن غير م يشعر طلع قروش من جيبو وحلف علي الدكتور الدكتور كان ولد شاب قال ليهو معقوله دا واجبي ورجعن ليهو وقال لينا م يدخل ليهو زول غير مرتو واشر علي قلت عشان هديه م تتحسس قلت ليهو نحنا اتنين ممكن ندخل الاتنين قال لينا اي ماف مشكله بس م تدخلو كلكم راحه المريض عندنا اهم امو دقت جرس وبقت تنبز في الدكتور لمن اتعوذ منها قال ليها طيب يا حاجه ادخلي انتي قالت ليهو م داخله وزاتي راجعه بيتي بعد ابقا كويس بجيني براهو وفاتت الناس بقو يتكلمو معاها حلفت قسم م تسمع كلامهم مرات بحس نسيبتي دي غير الكراهيه البتكرها لي بتغير مني من نظراتها لي اتجاوزتها ودخلت حسيت طارق فتح عيونو قال لي نوسه فشنو والزمن اتاخر الساعه كم انا ماش لي هديه الاولاد بكونو عايزين اللبن وما بسكتو هديه قالت ليهو طارق انا هدي قاعده واولادك معاي قال ليها جيتي هنا كيف وموش مانعنك الحركه وشايله الولد دا مالك نزلي والمكان دا وين قلت ليهو طارق اهدا نحنا في المستشفى بقا مستغرب مستشفى والجابو منو اخوي قال ليهو حمد لله ع السلامة يا شيخ خوفتنا عليك قال لينا فشنو قلت ليهو انت دخلت في حاله غيبوبه لمن اتصلت لي اخوي واسعفناك وجينا وهديه جات مع امك قال لينا امي ووينا امي قلنا ليهو رجعت قال رجعت براها كيف وكان تنتظر نرجع كلنا قلنا ليهو قالت تعبت ما حبيت احكي كل كلاما المهم الدكتور قال لينا اطلعو خلو يرتاح طارق قال ليهو فك لي الفراشه والدرب دا انا عندي شغل بدري قال ليهو فراشه شنو البفكها وشغل شنو ماف اي طريقه انت مريض وهسي انا كتبت يا نحولك غرفه خاصه لو عندكم قدره يا احولك العنبر وبعدين في فحوصات عاوز اشوف نتيجتها طارق قال ستين يمين ما يقعد عندو مسؤوليه ونور المدرسه العبره خنقتني قلت ليهو نور بتقعد مع هديه وهديه ترجع البيت وانا بقعد معاك واخوي قال ليهو يا طارق م تشيل هم الاهم انك تبقا كويس وأغراض اولادك ونور بجيبن ليهم نهايه اليوم وقدرنا اقنعناهو انو يقعد واخوي قال بوصل هديه قلت ليهو غشيهم البيت خلي نور تشيل ملابسها كلهن وفاتو وطلبت من الدكتور يحولنا غرفه خاصه وحولت ليهم القروش بنكك طارق كان زعلان قلت ليهو لي الشفتو ليك دا يا طارق مستحيل تاني اسمع كلامك وصحتك عندي بالدنيا لحظات انت فاقد الوعي لحظات صعبه كنا ح نجن عديل عشان كده م عاوزه نقاش تطلع من هنا ونعمل بزنس انا وانت واكون شراكه بينا انت بالاداره وانا بالقروش قال لي مستحيل قلت ليهو لو مستحيل اعتبرني مطلقه قال لي علي كيفك يا استاذه مستحيل وانتي بعدين حامل ما عاوز نفسيات قلت ليهو تمام موافقه انت وافق بس قال لي كدي خليهو الكلام دا بقيت قاعده مع طارق وحسيت جسمو احسن من لمن كان ف البيت وزاتو انا غلطتا ما كان اخليهو الوقت دا كلو بي حمتو دي بس الحمد لله وكنت متكيفه من اخوي رسلت ليهو رساله قلت ليهو شكرا ليك ما اتحرم منك واعفي لي لي اي كلام جارح قلتو ليك قال لي العفو يا نوسه دا واجبي وربنا يحفظ ابوكم وما تشوفو فيهو شر ان شاءالله وفي اثناء م بتراسل مع اخوي جاتني رسايل كتيره من رقم غريب حاولت افتحهم لقيتو خالد قال لي نوسه كيف تتجري وتكتبي كده في ام بناتي وردي علي ضروري عشان لو م رديتي ح تشوفي خالد تاني رديت عليهو قلت ليهو خالد اكتر من الشفتو دا تاني م دايره اشوف وانت ما تبقا ظالم ليه سكتا لمن مرتك بشعت بي وقالت الما فيني وانت اكتر انسان عارفني محترمه قدر شنو مرتك خلت البسوا والما بسوا يتكلم فيني كان ع الاقل تقول ليها الكلام دا غلط وهي بي بتها ما تكسري عينها بس انت بتحب نفسك وظلمتني وندمتني اني اديت نفسي فرصه اني اعرفك ولو سمحت تاني م ترسل لي وحظرتو ظهر لي برقم تاني قال لي نوسه اخر انذار احذفي المنشور ولا ما ح يحصل طيب وتاني ما تلوميني تمام حظرتو وما رديت عليهو عاوزه ارسل لي رامي لقيتو مرسل لي قال لي نوسه احذفي اي رساله في تلفونك مني واتوقعي اي شي في اي لحظه واعملي حسابك م تطلعي براك وبتك م تخليها براها قلت ليهو رامي فشنو قال لي الناس ديل م مضمونين وانا م ح احذف المنشور يا اتأدبو يا ادبوني قلت ليهو رامي انا وضعي زي الزفت وراجلي عيان واموري جايطه عليك الله احذف المنشور قال لي نخاف منهم ليه وليه م هم خافو منك لمن بشعو بيك نوسه م تبقي مسكينه اثبتي انك قويه وانا معاك والله ما ح تجيك عوجه بس انتي اسمعي البقولو ليك تمام قلت ليهو الله يستر بس ما مطمنه نهاي قال لي ماف شي ي نوسه م تخافي وريتو انو خالد دخل علي قال لي عارف اي قلت ليهو كيف قال لي خالد دخل علي قبل ايام وطلب اني احذف المنشور واهكر الحساب انا مثلت ليهو مستحيل اعمل كده ودي مسؤوليه وكده رفضت ليهو شديد هسي قبل انتي تتصلي شايف رسايلو من بره بترجا فيني قال انتي م رديتي وحظرتيهو وخليك مواصله ع كده وهو م ح يعمل حاجه بس زي ما قلت ليك احذفي حتي الدردشه دي كوني في حاله استعداد انو تحصل حاجه فجاه ويشيلو تلفونك قلت ليهو طيب ان شالله ودعتو وقفلتا وبقيت تاني مشغوله مع طارق الدكتور قال لينا بنخرجكم بكره اكون خلص الجرع اتصلت علي هديه واطمئنيت علي نور قال لي كويسه وريتا انها تستلمها وتسلمها قالت لي ان شاء الله طارق روحو ونفسو اولادو وخايف عليهم طمنتو عليهم قلت ليهو اهم شي صحتك انت كل شي تاني ملحوق قال لي فعلا وانتي ماقصرتي معاي ربنا اديك العافيه قلت ليهو امين واديك لينا انت العافيه تاني يوم الدكتور طمنا وطارق خلص الجرع وحالتو بقت احسن كتير وكتب لينا خروج قال لي ننزل هناك قلت ليهو اكيد ي طارق وبعد طلعنا من المستشفى اجرنا عربيه وصلتنا لغايه البيت طقينا الباب لقيت هديه منزعجه قلت ليها مالك ونور مالا ما جات للان بقت تتمتم قالت لي المشرفه اتصلت علي ومشيت عشان اجيبها لقيتا ماف انا بقيت اكورك طارق جا مخلوع اتصلت علي بتاعت الترحيل وقالت لي بتك سلمتها مرت ابوها ……….