رواية من الذي احبه الفصل العاشر10 بقلم لولو وائل
= ماشى يا مراد يانا يا البت دى هنشوف بقى هتتجوزها ازاى
فى منزل سلمى كانت تصنع شئ لتشربه وكانت روح شارده وتفكر فى حديث سلمى وأميرة إلى أن ذهبت مسرعه إلى أميرة التى كانت نائمه
= اميرة اميرررة
فزعت اميرة واستيقظت = اى يا روح فى حد يصحى حد كدا خير فى اى
=انتى شيفانى جبله
= يعنى انتى مصحيانى من احلاها حلم علشان تسألينى سؤال زى ده
= ردى عليا انا جبله
=منا لو قولت الحقيقه هتزعلى وتضربينى
= لا مش هضربك
= مش مصدقه
= والله مش هضربك
= طيب بصى يا ستى بما انك عايزه تسمعيها منى وده شرف ليكى طبعا ايوه يا روحى انتى جبله واستنى بدل النظره دى انتى ممكن متبقيش جبله وتعترفى
= اعترف بأى
= هو انا كنت بكلم مين من الصبح تعترفى لمراد عن حبك
= لا طبعا أنا مش بحبه
= اطلعى بره
= انتى بتطردينى يا اميره
= لما عقلك يرجعلك يا قلبى ابقى تعالى اتكلمى معايا بررره
خرجت روح غاضبه من اختها وذهبت للاسفل إلى صديقتها
=سلمى يااااا سلمى
اتت مسرعه من المطبخ = اى فى اى
= انا جبله
= مالك
= انا جبله
= اطلعى نامى يا روح الله يهديكى
= لا ردى على سؤالى
= روح انتى اعصابك تعبانه من موت والدتك اطلعى نامى
= طيب بس لما اصحى هتردى علياا
=يسلام طبعا
ذهبت روح إلى غرفتها وذهبت فى نوم عميق
فى منزل مراد كانت مرام تتحدث مع والدتها بغضب
= طلع بيحب واحده تانى يا امى بس مش هخليه يتهنى بيها
= هتعمل اى يعنى هتموتيها
= لو اتطلب منى الأمر هعملها
=انتى اتجننتى
=لا متجننتش مراد ليا لوحدى مش ليها
= طب فى خبر تانى لازم تعرفيه
= متقوليش انك موافقه على إلى بيعمله مراد ياماما
= لا كنت عايزه اقولك ولاد خالتك رقيه يوسف و فريد نازلين مصر قريب والاتنين حلوين ومعاهم كنوز مش فلوس والف واحده تتمنى واحد فيهم انا بقول بقى فكك من مراد وشوفى واحد منهم
= لا انا عايزه مراد
= وش فقر من يومك
أغلقت مرام مع والدتها وظلت تفكر ماذا سوف تفعل لكى تجعل مراد يحبها
بعد مرور شهر وكانت روح على نفس الحال وتقدمت بإجازه مرضيه وتم الموافقه عليها وكانت سلمى تتابع العمل مع تقربها من أسر ومعرفة مراد منها اخبار روح وكانت مرام تحاول إنهاء الإجراءات حتى يتم قبولها فى العمل لتقترب من مراد واتى يوم نزول يوسف وفريد إلى مصر ورجوع روح إلى العمل
= عاملين اى يا جماعه وحشتنى المستشفى والله
= اخيرا نزلتى شهر اجازه يا روح مش كتير
= والله ياسلمى ماانتى عارفه الى فيها ولسه كنت عند المدير من شوية وقالى انا اديتك الاجازه دى علشان حالتك الصحيه والنفسيه بس قالى أنى معدل الإجازات بتاعتى خلاص بينتهى وانا بصراحه خلاص مش هاخد اجازه تانى
= المهم انك كويسه
= الحمدلله اومال فين الباقى
= جايين فى السكه وفى دكتوره اتعينت جديده
= متدربه برضو
= اه باين هتيجى انهارده ونعرفها
وكانو جالسين ويتحدثون إلى أن دخل مراد واسر وعندما رأى مراد روح فرح بشده لأنه كان يشتاق إليها =اخيرا جيتى
= ازيك يا دكتور مراد اخبارك اى
= انا الحمدلله وانتى عامله اى
= انا تمام الحمدلله
كان ينظر إليها بإشتياق ولكن لا يستطيع أن يعبر ما بداخله لها
= يا اخينا عندنا شغل يلا يا حج
= انت بتحب تقطع اى لحظه حلوه كده
= زى ما كنت بتعمل معايا يلا يا خفيف
قالت سلمى مسرعه = عرفتو أن فى بنت هتبقى معانا جديده هنا
=مين
= انا
نظر لها مراد بصدمه =مرام
نظرت روح إلى سلمى ونظرو الى الفتاه القادمه
ذهبت مرام بإتجاه مراد ووقفت أمامه= مراد عامل اى
نظرت لها روح بضيق= اسمه دكتور مراد يا حبيبتى احنا مش فى الشارع
= وانتى مالك اصلا اندهلو زى منا عايزه
رد عليها مراد= لا انتى هنا متدربه وانا أسمى دكتور مراد احنا مش فى البيت ولا انا هنا ابن خالتك تمام
ردت مرام بضيق= تمام
ووجهت سلمى السؤال لأسر= بقولك اى هى هتبقى معاك ولا مع دكتور مراد
= مش عارف بس طالما لزقه لمراد كده يبقى اكيد معاه كانت ناقصها بصراحه
= داحنا هنشوف ايام عنب
واتى ادهم فى هذا الوقت من الخارج ودعاء أيضا
= صباح الخير فى حد اتعين جديد ولا اى
=اه انا أسمى مرام و ابقى
قاطعها مراد= تبقى المتدربه الجديده ياادهم
= وانتى مع مين بقى
=مع دكتور مراد طبعا
نظر لها مراد بغضب= نعم ده إلى هو ازاى انا مش بشغل بنات معايا
= بس أنا سمعت إلى فى بنت معاك فى الفريق
= بس هى مختلفه ومش بتخاف وانتى مش هتعرفى تعملى اى هى بتعمله
= لا هعرف وهبقى احسن منها كمان بس ادينى فرصه
نظر مراد لاسر فى أن يساعده وحرك أسر رأسه بمعنى اهداء
= يا انسه مرام دلوقتى مراد الكل عارف هنا أنه مش بيشتغل مع بنات ولا حتى بيجرب لانه اخر مره جرب حصلت مشكله
=يعنى اى
= يعنى انتى هتبقى فى فريقى انا وكدا كدا كلنا بنشتغل مع بعض لكن غير كدا يبقى هتمشى بره المستشفى لأن حتى المدير مش هيفيدك
صمتت مرام وفكرت فيما قاله أسر وقالت فى خاطرها = والله طالما هبقى قريبه منه فى الشغل يبقى ماشى هتدرب مع غيره المهم ممشيش
ووافقت مرام على حديث أسر وطلب أسر من دعاء أن تأخذ مرام إلى الغرفه لتبدل ثيابها
= اى خدمه يا عم مراد عد الجمايل
=داحنا هنشوف ايام عسل
رد ادهم وكان يظهر عليه الخوف= جدعان انا عايزه اقولكم حاجه مهمه
نظر له الجميع بقلق ورد مراد= فى اى يا ادهم مالك
= انا بصراحه غطلت غلطه كبيره اوى من فتره كبيره والغلطه دى مبقتش قادر اتحملها اكتر من كدا وعايزكو تساعدوني الفتره إلى قضتها معاكو حسستنى انكو قد اى كويسين وكمان فى قرار خدته بس بعد ما أصلح الغلطه دى
رد عليه مراد= قول يا ادهم فى اى
= فى بنت غلطت معاها غلطه كبيره اوى بس كنت ساعتها بشخصية دياب وروحت مكان علشان أسهر فيه وقابلتها هناك كانت قاعده خايفه ومش مرتاحه فى المكان لما شوفتها كنت عايز اساعدها انها تخرج من المكان بس للاسف كنت شارب ولما خدتها غلطت غلطة عمرى ما هسامح نفسى عليها ابدا ولما قابلتها فى الشارع لما جيت اسكندريه انا أنكرت أن اعرفها مع أنى افتكرتها ساعتها بس خوفت معرفتش افكر علشان كدا كدبت بس أنا عايز اشوفها واعتذر منها ولو هى عايزه أنى اتجوزها هعمل كدا بس الذنب ده يروح من جوايا انا بحاول اتغير بس عايز لما اتغير اكون صلحت كل الأخطاء إلى عملتها زمان وابدأ من جديد
ردت عليه روح= بس البنت دى مش هتعرف تشوفها يا ادهم
= ليه بتقولى كده انا عارف انى غلطت معاكى وكدبت عليكى بس متعمليش معايا كدا
= انا مش بعمل حاجه انا بعرفك الحقيقه مش هتعرف تشوفها لأنها مبقتش موجوده هى ماتت
صدم ادهم مما سمعه من روح= انتى بتقولى اى انتى تعرفيها منين
حكت روح لك ما مرت به من حادث الفتاه لمحادثتها مع اخت الفتاه
= يعنى انتى كنتى عارفه وساكته
= انا كنت عايزاك انت إلى تتكلم يا ادهم عايزاك انت إلى تعترف لابوها واختها بغلطك
= ابوها عارف
= لا اختها بس أنت لازم تروح وتتكلم معاهم وتقبل بالى هيحكمو بيه علشان ترتاح ساعتها
=لو روحت لابوها هيموتنى
= انت قول كل إلى حصل مش يمكن يبقى حكموهم خفيف عليك جرب ومتخوفش نفسك الى انت بتعمله ده الصح
= هو انا ينفع اروح دلوقتى
رد عليه مراد= روح واحنا هنشتغل مكانك
= شكرا ليكو بجد
وذهب ادهم لمواجهة مصيره
كانت مرام تبدل ثيابهم وذهبت بعدها إلى دعاء
= بقولك اى انتى تعرفى الدنيا هنا ماشيه ازاى
= يعنى اى
= يعنى مين بيحب مين ومين مع مين كدا عايزه اعرف كل حاجه
= دى حاجه متخصكيش
= ده لى ده
= احنا جايين نشتغل مش نحب
= ده على اساس انك مش بتحبى حد هنا
= لا انا جايه اركز فى شغلى وحياتى وبس روحى اسألى حد غيرى
= طيب
وذهبت وهى غاضبه لأنها لم تعرف من هى التى يحبها مراد
ظلت تنظر لها دعاء حتى اختفت من أمهما = البت دى شكلها ناويه على خراب كبير اوى بس أنا كده افضل مبقتش حابه أتدخل فى حياة حد تانى خلينى اركز فى حياتى وبس
= جدعه يا دعاء
نظرت دعاء خلفها وجدت روح = انتى جيتى امتى
= من ساعت ما قولتى لمرام ميخصكيش تعرفى يا دعاء انا ساعات كنت بشوفك قلبك طيب وبذات اول ما جيت وساعات كنت بشوف وحشه وقلبك اسود بسبب تصرفاتك معايا بس لما شوفتك انهارده عرفت أن كل ده كان غيره بس لما شوفتى أو اقتنعتى أن أسر مش بيحبك بعدتى من نفسك
= مش هكدب واقول أنى مكنتش غيرانه وكنت معجبه بيه اوى بس لما شوفت جدعنه سلمى معاه لما كنا فى القاهره وسكوتى لما كان محتاج مساعده وسلمى كان عندها حق لان دى كانت احسن فرصه أن اخليه يحبنى بس أنا مدخلتش وسكت لأن المشاعر إلى جوايه حستها مش موجوده والزعل والكره إلى كان جوبا ليكى كان راح لانى مبقتش غيرانه بس بعدها اكتشفت انى كنت حماره لانك مكنتيش بتحبى أسر
= كلنا بنغلط يا دعاء بس الاهم من ده أننا نعترف بالغلط
= عندك حق متزعليش منى يا روح
وذهبت دعاء واحتضنت روح وصدمت سلمى عندما اتت ورأتهم
= اى إلى بيحصل ده دعاء وروح بيحضنو بعض وفين فى اوضة اللبس مش مصدقه قلبى الصغير لا يتحمل
روح بضحك = مخلاص يا ظريفه كنا بنتصالح
= اى ده دعاء بتصالح عادى كده
= انتى ليه يا سلمى شيفانى وحشه انا معملتلكيش حاجه
= علشان زعلتى صحبتشى
=وصلحتها اهو
= يبقى هاتشى حضن بقى
وذهبت إليها سلمى واحتضنتها
ضحكت روح على سلمى = خلاص البت هتفطس فى ايدك
= بعبر عن حبى ليها
= هو اى حكاية صحبتشى دى
= انا كده لما ببقى فى المود اوى بتلاقينى بقول كلام غريب
ونظر لهم دعاء بجديه= جدعان لازم تاخدو بالكو من مرام دى مش جايه علشان شغل دى جايه علشان تقرب من حد
= مراد صح
= مش عارفه
ردت سلمى = هو مفيش غيره ابن خالتها وكانت عامله تدلع عليه
=خدو بالكو بقى لأنها مش ناويه على خير خالص
= ربنا يستر
فى مطار القاهره خرجوا من المطار بكامل أناقتهم وورائهم حراس كثيرين وكانت هناك سياره بإنتظارهم فى الخارج وصعدو بها وتوجهت إلى فيلا مراد
مع قليل من الوقت نزلو من السياره وتوجهو إلى الداخل وتفاجأت والدت مراد بهم
= يوسف وفريد وحشوتنى مقولتوش ليه انكو جايين
رد يوسف = كنا عايزين نعملهالك مفاجأه
سمعت مى اصوات كثيره وذهبت لتعرف من أتى وصدمت عند رأته أمامها بعدما تركها وغادر وكانت تعتقد أنه لم يعد يتذكرها تطلع هو للأعلى ونظر لها بإشتياق لم تتغير بدل ظلت كما هى الفتاه التى تحبها ولم يحب غيرها ابدا
قالت مى بحزن واشتياق= يوسف......